[All In]

Ti dallëndyshe po të kujtoj diçka! Kur them kujtoj ti lexo "po ta mësoj", sepse qartazi shihet që s'e di, e për të kujtuar diçka fillimisht do duhej ta dije. Fakti që s'di përligj mundësinë të të kujtohet.
T'i kthehem esencës, idesë! Janë një lloj dallëndyshesh nga Burkina Faso (një shtet në Afrikë, se as këtë nuk e di ti, derisa për model dhe interesim ke Burdushin) të cilat posedojnë një shkathtësi që natyra apo Zoti nuk ia fali asnjë krijese tjetër me flatra - ato mund të fluturojnë në kahjen prapa, ose të shprehem me gjuhën që e kupton rikuerc. Kjo shkathtësi atyre ua mundëson që t'u shmangen lehtë predatorëve të ndryshëm. Edhepse të brishta dhe aspak të shquara me forcën e tyre fizike ato arrijnë të jetojnë pa u trazuar shumë, gjithnjë falë shkathtësisë së manovrimit edhe prapa (përfshi para, majtas, djathtas, lartë, poshtë etj.). Eh, dreq o punë! Që gjithçka të mos duket idilike është përkujdesur sërish natyra, dhe këtyre dallëndysheve kur u ka falë shkathtësinë e manovrimit prapa njëkohësisht nuk ua ka dhënë mundësinë e ndaljes - frenimit!!! Dhe ato që u shpëtojnë lehtë predatorëve qiellor kanë fatin e keq që nguliten në gjemba drunjsh, zakonisht me pjesën e prapme! Pasi që kanë shpinë të rrafshtë merre me mend se ku u futet gjembi!? Fabula e këtij postimi është e thjeshtë por nuk do ta zbuloj unë. Gjeje vetë! Me cilën pjesë të prapme të trupit bën "suicid" dallëndyshja!?