[Zero Cool]

Ngacmoi seksualisht të bijat, 18 muaj burg me kusht kosovarit



Gjykata e Lartë e Cyrihut ka shpallur fajtor kosovarin 58 vjeçar për ngacmime seksuale të kryera gjatë viteve të nëntëdhjeta ndaj vajzave të tij, atëbotë 7 dhe 9 vjeçe. Për faktin se nga periudha kur kanë ndodhur këto ngacmime ka kaluar një kohë mjaft e gjatë, trupi gjykues i ka shqiptuar të përmendurit vetëm një dënim 18 muaj burg me kusht.

Ngacmimet seksuale, që janë bërë përmes prekjeve në zonat gjenitale dhe veprimeve tjera të turpshme i dënuari i ka bërë shumë herë dhe ato kanë vazhduar për një kohë të gjatë, thuhet në vendimin e gjykatës, raporton Albinfo.

Gjykata e Qarkut, si gjykatë e shkallës së parë e kishte shpallur fillimisht atë të lirë. Por Gjykata e Lartë, në një proces ku ishte ndaluar pjesëmarrja e publikut, ka konstatuar se deklaratat e babait lidhur me deliktet kanë qenë të pabesueshme.

Trupi gjykues po ashtu ka konstatuar se dëshmitë e dhëna nga familjarët janë të përshkuara nga “neglizhimi kolektiv, shtypja dhe mohimi”, thuhet në një njoftim të Gjykatës së Lartë të Cyrihut.