[~AnnA~]

Njerëzit, në kohëra të vjetra, nuk kanë mundur të besojnë se të ashtuquajturat “shtatë mrekullitë e botës” do të treten ndonjëherë. Nga të gjitha ato mrekulli, ka ngelur vetëm një. Ka mbetur vetëm Piramida e Keopsit në Gizë të Egjiptit. Ajo u ngrit para nja 5000 vjetësh, si varr për faraonin dhe gruan e tij.

Mrekullinë e dytë, Muret e Babilonisë, në Irakun e sotëm, e ngriti rreth viteve 600 para epokës së re, mbreti Nabukodonosor. Ato mure u ngritën me tulla, në lartësi prej 110 metrash. Sot kanë mbetur vetëm gërmadhat.

Mrekullia e tretë ishte shtatorja e Zeusit në Olimp të Greqisë; e punuar nga skulptori grek-Fidi. Kjo shtatore e gjatë 12 metra, ndërkaq ishte e veshur me ari, duart dhe fytyrën e kishte prej fildishi, kurse sytë prej gurëve të çmuar. Tash, nga ajo shtatore nuk ka mbetur asnjë gjurmë.

Mrekulli e katërt ishte tempulli i perëndeshës Artemidë, në Efes të Azisë së Vogël. Kulmin e këtij objekti e mbanin shtylla të mëdha prej guri që ishin të larta 20 metra. Në tempull janë ruajtur disa nga veprat më të mira të artit grek. Këtë tempull e djegën gotët, në vitin 262, të epokës së re.

Si mrekulli e pestë është konsideruar Mauzolue i Halikarnasit, në Azi të Vogël, i ngritur për mbretin Mauzola, që vdiq në vitin 353 para epokës së re.

Mrekulli e gjashtë ishte Kolosi në Rodos, shtatore e bronztë kushtuar perëndisë së Diellit, Heliosit. Kjo shtatore ishte e lartë 45 metra. U rrëzua në vitin 224 para epokës së re.

Mrekulli e shtatë, dhe e fundit, është konsideruar Ndriçuesi i Faroksit, i ngritur në Ishullin Faros në afërsi të bregdetit të Egjiptit. Besohet se ky ndriçues ishte me lartësi prej 200 metrash, kurse në maje të tij ishte flaka përmes së cilës orientoheshin anijet që hynin në liman. Kjo kështjellë drite ka shërbyer më shumë se 1500 vjet, por u shkatërrua nga tërmeti.

Burimi:Zeri.Info