[Zero Cool]

Burri i thotë gruas
të dua
po si:
si të shtrëngoja midis pëllëmbëve
zemrën time, si cifël qelqi
që më gjakos gishtat
kur e thyej
çmendurisht.

Burri i thotë gruas
të dua
po si:
me thellësinë e kilometrave
me pafundësinë e kilometrave
njëqind për qind
një mijë për qind
njëqind herë pafundësisht për qind.

Gruaja i thotë burrit
pashë

me buzët e mia
me kokën time me zemrën time
me dashuri me terror, duke u përkulur
mbi buzët e tua
mbi zemrën tënde
mbi kokën tënde.
Dhe atë që po them tani
e kam mësuar nga ti
si një mërmërimë në terr
dhe tani e di
se toka
si një nënë
me fytyrë dielli
që mëkon me gji krijesën e saj më të bukur.
Por ç’të bëj?
Flokët e mi janë ngatërruar me gishtat e asaj që vdes
nuk mund të këpus kokën
duhet të nisesh
duke shikuar sytë e të porsalindurit
duhet të më braktisësh.

Gruaja heshti
u puthën
një libër ra mbi dysheme
një dritare u mbyll.

Kështu e lanë njeri - tjetrin.