Dardania.de - Shiko Postimin Tek - LPK-ja perkujton Enver Hoxhen

Arb · 16-04-05, 04:07

Lëvizja Popullore e Kosovës shënoi 20- vjetorin e vdekjes së Enver Hoxhës

Në Ferizaj u shënua 20- vjetori i vdekjes së Enver Hoxhës

Ferizaj 2005-04-11

Rreth 50 ferizajas, pas ndjekjes së fjalimeve të diktatorit komunist të Shqipërisë, Enver Hoxha, përmes videokasetave, kanë shënuar të hënën mbrëma 20-vjetorin e vdekjes së tij, duke e vlerësuar figurën e Hoxhës si më të rëndësishmen në historinë e popullit shqiptar.

Një Këshill organizativ, që tha se ishte politikisht neutral në skenën e sotme, pohoi se me shënimin e 20-vjetorit të vdekjes së "xhaxhit Enver", dëshironte të bëjë të ditur që historia e shqiptarëve nuk do të ishte e plotë, pa hallkën e Enver Hoxhës, i cili, siç thanë ata, i dha vulë gjatë 50 viteve të sundimit të tij.

"Në historinë e përplasjeve të përgjakshme dhe në rezistencën gjatë përjetimit të tragjedive, populli ynë ka nxjerrë në skenën e historisë shumë figura legjendare, por Enver Hoxha ishte personaliteti më i shquar që ka njohur ndonjëherë historia e deritashme e Shqipërisë", tha me një patos patriotik, Remzi Hasani, nga Këshilli organizativ dhe kryetar lokal i Lëvizjes Popullore të Kosovës, parti e cila gjatë dy palë zgjedhjeve komunale, nuk ka siguruar asnjë vend në kuvendin vendor.

Folësit e tubimit përkujtimor, e vlerësuan Enver Hoxhën si një strateg të pashoq, reformator, mbrojtës fanatik të integritetit të Shqipërisë dhe përhapës të madh të arsimit e shkencës ndër shqiptarë. Sipas tyre, kosovarët për një kohë të gjatë kanë luftuar për çështjen kombëtare, “duke pasur si idol prijësin Enver Hoxha”.

"Ne ecnim krenar, sepse e dinim se shqiptarët kanë Zot. Dhe ky Zot ishte shoku Enver", u është drejtuar me një ton emfatik pjesëmarrësve, veterani i arsimit në Ferizaj, Hajrush Reka.

Në fjalimet e tyre, organizatorët kanë kritikuar regjimet shqiptare pasenveriane, se e kanë kthyer Shqipërinë në një vend lypsar, ndërsa shqiptarët - në një popull pa dinjitet kombëtar. Ata e kanë quajtur Enver Hoxhën figurë, të cilën popujt e nxjerrin një herë në pesë shekuj.

Tubimi përkujtimor për shënimin e 20- vjetorit të vdekjes së Enver Hoxhës, ka përfunduar me një fjalim të diktatorit shqiptar, të vitit 1981, në të cilin ai dënonte dhunën e autoriteteve serbe ndaj kërkesave të drejta të kosovarëve për liri kombëtare.

16-04-05, 04:07	#1
Arb Anëtarësuar: 09-10-04 Vendndodhja: Little Dardania, NEW YORK Postime: 11,439	LPK-ja perkujton Enver Hoxhen Lëvizja Popullore e Kosovës shënoi 20- vjetorin e vdekjes së Enver Hoxhës Në Ferizaj u shënua 20- vjetori i vdekjes së Enver Hoxhës Ferizaj 2005-04-11 Rreth 50 ferizajas, pas ndjekjes së fjalimeve të diktatorit komunist të Shqipërisë, Enver Hoxha, përmes videokasetave, kanë shënuar të hënën mbrëma 20-vjetorin e vdekjes së tij, duke e vlerësuar figurën e Hoxhës si më të rëndësishmen në historinë e popullit shqiptar. Një Këshill organizativ, që tha se ishte politikisht neutral në skenën e sotme, pohoi se me shënimin e 20-vjetorit të vdekjes së "xhaxhit Enver", dëshironte të bëjë të ditur që historia e shqiptarëve nuk do të ishte e plotë, pa hallkën e Enver Hoxhës, i cili, siç thanë ata, i dha vulë gjatë 50 viteve të sundimit të tij. "Në historinë e përplasjeve të përgjakshme dhe në rezistencën gjatë përjetimit të tragjedive, populli ynë ka nxjerrë në skenën e historisë shumë figura legjendare, por Enver Hoxha ishte personaliteti më i shquar që ka njohur ndonjëherë historia e deritashme e Shqipërisë", tha me një patos patriotik, Remzi Hasani, nga Këshilli organizativ dhe kryetar lokal i Lëvizjes Popullore të Kosovës, parti e cila gjatë dy palë zgjedhjeve komunale, nuk ka siguruar asnjë vend në kuvendin vendor. Folësit e tubimit përkujtimor, e vlerësuan Enver Hoxhën si një strateg të pashoq, reformator, mbrojtës fanatik të integritetit të Shqipërisë dhe përhapës të madh të arsimit e shkencës ndër shqiptarë. Sipas tyre, kosovarët për një kohë të gjatë kanë luftuar për çështjen kombëtare, “duke pasur si idol prijësin Enver Hoxha”. "Ne ecnim krenar, sepse e dinim se shqiptarët kanë Zot. Dhe ky Zot ishte shoku Enver", u është drejtuar me një ton emfatik pjesëmarrësve, veterani i arsimit në Ferizaj, Hajrush Reka. Në fjalimet e tyre, organizatorët kanë kritikuar regjimet shqiptare pasenveriane, se e kanë kthyer Shqipërinë në një vend lypsar, ndërsa shqiptarët - në një popull pa dinjitet kombëtar. Ata e kanë quajtur Enver Hoxhën figurë, të cilën popujt e nxjerrin një herë në pesë shekuj. Tubimi përkujtimor për shënimin e 20- vjetorit të vdekjes së Enver Hoxhës, ka përfunduar me një fjalim të diktatorit shqiptar, të vitit 1981, në të cilin ai dënonte dhunën e autoriteteve serbe ndaj kërkesave të drejta të kosovarëve për liri kombëtare.