[Zero Cool]

New York Times: “Një parajsë e lirë në rivierën shqiptare”






Gazeta prestigjioze “New York Times” ka botuar një artikull titulluar “Një parajsë e lirë, në rivierën shqiptare”, të shkruar nga Seath Kugel, i cili ka vizituar personalisht brigjet e mrekullueshme të vendit tonë, nga Vlora në Sarandë.


Gazetari shprehet i magjepsur nga plazhet dhe blunë e thellë të ujit kristal, pamjet idilike, çmimet e lira dhe kuzhinën e shijshme të shijuar në tavernat e zonës. Zoti Kugel përmend vende që sipas tij ia vlen të vizitohen si gjiri i Gjipesë, Himara, Butrinti, plazhi i Jalit dhe parku kombëtar i Llogarasë.

Gazetari i New York Times thotë në artikull se cilido mund të shkojë në Shqipëri, nga çdo vend i Europës, edhe pse vetë gazetari sugjeron një kombinim udhëtimi ndoshta duke nisur nga Greqia, Italia apo ndonjë vend tjetër i Ballkanit.