[Zero Cool]

Në Mars ekzistojnë përbërësit për krijimin e jetës


Marsianët me siguri kanë ekzistuar dhe është e mundur që edhe tash të jenë në planetin e kuq - por jo në formën që njerëzit do të mund t’i njihnin, kanë deklaruar shkencëtarë nga Britania e Madhe.

Ata besojnë e zbulimi i mineralit nën sipërfaqen e Marsit është”dëshmia më e madhe” e cila shkon në favor të ekzistimit të jetës në këtë planet.

Megjithatë në pyetje nuk janë krijesat e vogla të gjelbra, por mikroorganizma të thjeshtë, shkruan, Daily Mail.

Hulumtimet që i ka bërë Muzeu natyror nga Universiteti në Aberdin, ka zbuluar se të gjithë përbërësit e nevojshëm për krijimin e jetës janë të pranishëm nën sipërfaqen e Marsit dhe kështu ka qenë gjatë tërë kohës së ekzistimit të tij.

Kur meteoritët ndeshen me Marsin, ata veprojnë si sonda natyrore dhe hedhin copa shkëmbinjsh që gjenden thellë nën koren e sipërfaqes.

Duke hulumtuar të dhëna që ka mbledhur NASA, shkencëtarët kanë analizuar shkëmbinjtë dhe kanë zbuluar se ata përmbajnë mellë dhe minerale që kanë ndryshuar nga ndikimi i ujit.

Gati gjysma e gjallesave në Tokë janë mikroorganizma të thjeshtë që jetojnë në brendi të saj, e shkencëtarët pohojnë se është e mundur të jetë kështu edhe në Mars.

Doktor Jozeph Michalski, udhëheqës studimi, ka deklaruar se ekzistojnë të gjithë përbërësit për krijimin jetës atje, porse në kushtet ekzistuese organizimet e vegjël njëqelizorë janë të vetmit që kanë mundur të ekzistojnë.

„Mendoj se më shumë do të më habitesha po të zbulohej se në Mars nuk ka pasur kurrë jetë se sa që një ditë të zbulojmë se dikur ka pasur jetë në Mars. Nëse ndonjë herë ka ekzistuar jeta, ekziston shan i madh që ajo të ekzistojë edhe tani“, ka shtuar Michalski.