Xhihadi global; fe, politikë apo biznes?

[Zero Cool]

Xhihadi Global: fe, politikë apo biznes?







Kampet e trajnimit të vahabistëve tashmë që prej kohësh dhe në mënyrë mjaft të suksesshmë veprojnë në shumë vende evropiane, po ashtu si, në fakt, edhe në mbarë botën. Autoritetet e vendeve të Evropës ose bëjnë një sy qorr e një vesh shurdh ndaj kësaj, ose qëllimisht i injorojnë dhe i lënë në heshtje faktet. Hetimi i zhvilluar nga Radiokompania "Zëri i Rusisë" ka konfirmuar: xhihadi ka filluar tashmë në Evropë.
Faktet dëshmojnë në mënyrë mëse evidente se islamistët radikalë në Francë po bëhen gjithnjë e më aktivë. Por autoritetet evropiane preferojnë të mbyllin sytë ndaj këtij problemi global - pas çdo sulmi të ndërmarrë nga ana e terroristëve konfirmohet se fjalë bëhet thjesht për një rast të veçantë.

Një pikëpamjeje të tillë i përmbahet, për shembull, specialisti i l'European Security Intelligence and Strategy Center, Alain Chouet:

- Po, vërtetë, ka njerëz të rinj të cilët shfaqin interesim ndaj veprimtarisë së "Al-Qaeda-s" në Internet. Por ne nuk duhet të ekzagjerojmë përmasat e këtij fenomeni: në krahasim me komunitetin pesë milionësh mysliman në Francë, këto raste janë të pakta. Megjithatë, ne kemi marrë masa policore dhe ligjore, të cilat na lejojnë që të veprojmë me një parashikueshmëri dhe parandalim shumë të lartë. Ne kemi një rrjet të shërbimit të fshehtë të brendshëm politik, i cili ka një përfytyrim të plotë të asaj që po ndodh në "komunitetet e mbarsura me rrezik". Kombinimi i mundësive ligjore dhe atyre të shërbimeve të brendshme të zbulimit na lejon të monitorojmë nga afër të gjithë ata që mund të përbëjnë ndonjë rrezik në këtë fushë. Kjo nuk do të thotë aspak se fjalë në këtë rast bëhet për terroristët, ne flasim më tepër për ata të cilët mund të tundohen për t'u bashkuar me xhihadistët.

Kurse nga vendi fqinj, Belgjika, tablloja franceze shihet krejtësisht ndryshe, tregoi për Radiokompaninë "Zëri i Rusisë" Presidentja e Nderit e Senatit belg Anne-Marie Lizin:

- Në Francë dhe në Belgjikë po vazhdon rekrutimi i të rinjve dhe meshkujve të moshës së mesme për operacionet në emër të xhihadit. Njerëzit shkojnë në luftë për të holla, ka disa fuqi të caktuara që paguajnë për operacione të tilla. Operacionet për rekrutim zhvillohen nga njerëz të besimit sunit dhe ithtarë të rrymave ekstremiste fetare - me një punë të tillë është angazhuar në mënyrë krejtësisht të vetëdijshme Arabia Saudite.

Edhe më shokuese, befasuese janë të dhënat që përmend në librin e tij me titull "Les Égarés" ("Të mashtruarit" apo "Të humburit") gazetari francez Jean-Michel Vernochet. Ai ka zbuluar se gjatë këtyre kohëve të fundit në Francë janë trajnuar rreth 400 militantë vahabistë, të cilët janë nisur për të luftuar në anën e opozitës siriane. Herët apo vonë ata do të kthehen në shtëpi (në atdhe), por pas përvojës së luftës ata vështirë se do të preferojnë jetën e gjindjes së zakonshme. Kështu që xhihadi, sipas mendimit të Vernochet, tashmë ndodhet në hyrje të qyteteve evropiane, por autoritetet e tyre vazhdojnë të bëjnë sikur nuk po ndodh asgjë. Madje më tepër se kaq, në rastin e Francës fjalë bëhet tashmë jo vetëm për aktet terroriste, shprehet me bindje të plotë gazetari francez. Sipas të dhënave në dispozicion të tij, Katari, po ashtu si dhe Arabia Saudite, po e blejnë pak nga pak Francën. Katari zotëron tani klubin e futbollit "Paris Saint-Germain", një pjesë të aksioneve të gjigandit financiar "Vinci", letra me vlerë të kompanisë së naftës "Total". Parashikimi i Jean-Michel Vernochet është i tillë: francezët nuk duhet të habiten aspak në qoftë se pas 10 vjetësh ata do t’i detyrojnë të kryejnë namaz nën kërcënimin e tytave të armëve, kur të fshijnë nga faqja e dheut Katedralen Notre Dame, të presin të gjitha vreshtat dhe të mbulojnë gratë dhe bijat e tyre me ferexhe (perçe). Dhe kjo do të jetë fizionomia e Francës së re, vahabiste.

Në vitet e ardhshme "pikë e nxehtë" e Islamit radikal në Evropë me propabilitet të madh mund të bëhet Ballkani. Në fokusin e vëmendjes së ekspertëve këto muajt e fundit ka qenë Mali i Zi. Nga kjo republikë - një resort i mrekullueshëm, i qetë dhe me qëndrueshmëri të habitshme - filluan të vijnë njoftime në lidhje me aktivizimin e veprimtarisë së islamit radikal.

Kështu, pak kohë më parë u bë publik informacioni mbi ndalimin e një familje serbe që ka përqafuar ideologjinë dhe praktikat vahabiste. Gjatë bastisjes së shtëpisë, kryefamiljarit dhe dhëndërrit të tij iu gjetën armë dhe municione. Siç u bë e qartë, të dy burrat në mënyrë periodike "shkonin për të luftuar në Siri" në mbështetje të shokëve të tyre të idesë në luftën kundër Bashar Al-Assad.

Pothuajse në të njëjtën kohë në veri të Malit të Zi, jo larg kufirit me Kosovën, u zhvillua "tubimi" tradicional i vahabistëve. Ky takim u mbajt nën flamujt e Turqisë dhe Arabisë Saudite. Sipas të dhënave të fundit, tani në rajonet veri-lindore të Malit të Zi (kryesisht myslimane, më të varfërat në vend) janë evidentuar si të paktën 200 pasues të Islamit radikal. Në vështrim të parë kjo shifër nuk duket të jetë dhe aq e madhe. Por Agjencia e Sigurisë Kombëtare e vendit është tejet e shqetësuar në lidhje me rritjen e prirjeve të tilla dhe deklaron mbi rrezikun e drejtpërdrejtë kërcënues për vendin.

Ndërsa në Bosnjë dhe Hercegovinë vahabistët dalin shpesh herë në rolin e trajnerëve në palestrat e shkollave. Është vërtetuar se militantët e përgatitur në territorin e BiH-së janë përfshirë në shpërthimet e trenave në Madrid në vitin 2004. Në trupat e militantëve të vrarë të opozitës në Siri janë gjetur shpesh pasaporta boshnjake. Raporti i fundit i tillë i përket datës 27 shtator të këtij viti.

Njihet fort mirë me islamizmin radikal edhe Maqedonia. Sipas të dhënave të ekspertit maqedonas të sferës së sigurisë Ivan Babanovski, kampet e "Al-Qaeda" kanë qenë të vendosura në atë pjesë të territorit të Republikës, e cila kontrollohej nga terroristët e "Ushtrisë Çlirimtare Kombëtare". Këto janë pikërisht ato trupa që ndërmorrën intervencionin nga Kosova në Maqedoni në vitin 2001. Meqë ra fjala, sot në Kosovë, në kampin e madh pranë Kaçanikut, trajnohen vullnetarët që nisen më pas për të luftuar në Siri.

Le të kujtojmë me këtë rast se "Kosova e Pavarur" është projekt i SHBA-së dhe aleatëve të saj dhe nuk ka gjasa të ndodhë ndonjë gjë në këtë territor pa dijeninë e tyre. Dhe, për fat të keq, kjo është vetëm një pikë në gjeografinë e gjerë të kampeve të trajnimit të militantëve, të cilat financohen nga Perëndimi, theksoi në një intervistë me Radiokompaninë "Zëri i Rusisë", eksperti nga Gjermania, Dr Hans Kreh:
- Në lidhje me këtë temë ekziston raporti shumë interesant i revistës së autoritetshme e të respektuar amerikane "Defense and Foreign Affair Strategic Policy", i cili u botua disa muaj më parë. Nëse do t’i besohet këtij raporti, shërbimet e inteligjencës të SHBA-së tashmë që prej shumë muajsh po përgatisin në Jordani 3000 militantë për desantim të mëtutjeshëm në Damask. Ata tashmë u përpoqën një herë për të bërë këtë, por u bllokuan në përleshjet me grupet e tjera rebele, të cilat penguan avancimin e tyre drejt destinacionit. Kurse në revistat arabe unë kam lexuar se shërbimet sekrete franceze janë përfshirë gjithashtu në trajnimin e njësive të militantëve.

[Zero Cool]

Xhihadi Global: fe, politikë apo biznes?







Në vitet e ardhshme "pikë e nxehtë" e Islamit radikal në Evropë me propabilitet të madh mund të bëhet Ballkani. Në fokusin e vëmendjes së ekspertëve këto muajt e fundit ka qenë Mali i Zi. Nga kjo republikë - një resort i mrekullueshëm, i qetë dhe me qëndrueshmëri të habitshme - filluan të vijnë njoftime në lidhje me aktivizimin e veprimtarisë së islamit radikal.Kështu, pak kohë më parë u bë publik informacioni mbi ndalimin e një familje serbe që ka përqafuar ideologjinë dhe praktikat vahabiste. Gjatë bastisjes së shtëpisë, kryefamiljarit dhe dhëndërrit të tij iu gjetën armë dhe municione. Siç u bë e qartë, të dy burrat në mënyrë periodike "shkonin për të luftuar në Siri" në mbështetje të shokëve të tyre të idesë në luftën kundër Bashar Al-Assad.

Pothuajse në të njëjtën kohë në veri të Malit të Zi, jo larg kufirit me Kosovën, u zhvillua "tubimi" tradicional i vahabistëve. Ky takim u mbajt nën flamujt e Turqisë dhe Arabisë Saudite. Sipas të dhënave të fundit, tani në rajonet veri-lindore të Malit të Zi (kryesisht myslimane, më të varfërat në vend) janë evidentuar si të paktën 200 pasues të Islamit radikal. Në vështrim të parë kjo shifër nuk duket të jetë dhe aq e madhe. Por Agjencia e Sigurisë Kombëtare e vendit është tejet e shqetësuar në lidhje me rritjen e prirjeve të tilla dhe deklaron mbi rrezikun e drejtpërdrejtë kërcënues për vendin.

Ndërsa në Bosnjë dhe Hercegovinë vahabistët dalin shpesh herë në rolin e trajnerëve në palestrat e shkollave. Është vërtetuar se militantët e përgatitur në territorin e BiH-së janë përfshirë në shpërthimet e trenave në Madrid në vitin 2004. Në trupat e militantëve të vrarë të opozitës në Siri janë gjetur shpesh pasaporta boshnjake. Raporti i fundit i tillë i përket datës 27 shtator të këtij viti.

Njihet fort mirë me islamizmin radikal edhe Maqedonia. Sipas të dhënave të ekspertit maqedonas të sferës së sigurisë Ivan Babanovski, kampet e "Al-Qaeda" kanë qenë të vendosura në atë pjesë të territorit të Republikës, e cila kontrollohej nga terroristët e "Ushtrisë Çlirimtare Kombëtare". Këto janë pikërisht ato trupa që ndërmorrën intervencionin nga Kosova në Maqedoni në vitin 2001. Meqë ra fjala, sot në Kosovë, në kampin e madh pranë Kaçanikut, trajnohen vullnetarët që nisen më pas për të luftuar në Siri.

Le të kujtojmë me këtë rast se "Kosova e Pavarur" është projekt i SHBA-së dhe aleatëve të saj dhe nuk ka gjasa të ndodhë ndonjë gjë në këtë territor pa dijeninë e tyre. Dhe, për fat të keq, kjo është vetëm një pikë në gjeografinë e gjerë të kampeve të trajnimit të militantëve, të cilat financohen nga Perëndimi, theksoi në një intervistë me Radiokompaninë "Zëri i Rusisë", eksperti nga Gjermania, Dr Hans Kreh:

- Në lidhje me këtë temë ekziston raporti shumë interesant i revistës së autoritetshme e të respektuar amerikane "Defense and Foreign Affair Strategic Policy", i cili u botua disa muaj më parë. Nëse do t’i besohet këtij raporti, shërbimet e inteligjencës të SHBA-së tashmë që prej shumë muajsh po përgatisin në Jordani 3000 militantë për desantim të mëtutjeshëm në Damask. Ata tashmë u përpoqën një herë për të bërë këtë, por u bllokuan në përleshjet me grupet e tjera rebele, të cilat penguan avancimin e tyre drejt destinacionit. Kurse në revistat arabe unë kam lexuar se shërbimet sekrete franceze janë përfshirë gjithashtu në trajnimin e njësive të militantëve.

[Zero Cool]

Xhihadi Global: fe, politikë apo biznes?






Moskë, 22.10.2013

Tashmë që prej kohësh nuk është më sekret për askënd se në vendet aleate lindore NATO-ja po krijon faktikisht plasdarmën për militantët e "Al-Qaeda", tregoi për Radiokompaninë "Zëri i Rusisë" eksperti rus për Lindjen e Mesme, Stanisllav Tarasov:- Turqia fillimisht e mohonte praninë e grupeve terroriste në territorin e saj. Por gjatë zhvillimit të ngjarjeve në Siri shtypi amerikan, evropian, ndërsa më pas edhe ai turk, filluan të pohojnë se zonat pranëkufitare janë vendosur kampet, në të cilat përgatiten militantët, apo nëpërmjet të cilave realizohet transportimi i tyre prej vendeve të ndryshme, veçanërisht nga Libani.

Fakte, që dëshmojnë pjesëmarrjen e drejtpërdrejtë të Ankarasë në trajnimin e militantëve, arritën të gjejnë edhe aktivistët e të drejtave të njeriut nga "Human Rights Watch". Organizata u bën thirrje autoriteteve turke për të marrë masa nga më të rreptat, i tregoi "Zërit të Rusisë" eksperti mbi Sirinë dhe Libanin, Lama Fakih:

- Ne kemi arritur të zbulojmë se një grup njerëzisht, të përfshirë në vrasjen e 190 banorëve paqësorë, ishte i përbërë nga militantë të huaj (mercenarë), të cilët, sipas mendimit tonë, kanë depërtuar në Siri nëpërmjet territorit të Turqisë. Ne kemi evidentuar gjithashtu se disa persona, të cilët kanë financuar këto operacione, e kanë bërë këtë nga vendet e Gjirit Persik.

Falë financimit bujar grupeve terroriste, të përqendruara rreth "Al-Qaeda", në kuptimin e plotë të fjalës u është hapur një frymëmarrje e dytë. Kurse Siria është shndërruar në poligon për trajnimin e rekrutëve në kushte lufte, tha analisti politik tunizian Mohammed Yasin al-Djilas:

- Që nga fillimi i krizës siriane në disa vende kanë filluar të organizojnë pikat e rekrutimit të militantëve. Të ashtuquajturat qendra, numri i të cilave është mjaft i madh, kanë gjetur një përhapje të gjerë veçanërisht në Libi dhe Tunizi. Prej tyre militantët e trajnuar i dërgojnë nëpërmjet Turqisë dhe Jordanisë në Siri. Numri i militantëve nga Tunizia arrin në disa mijëra vetë. Në Libi janë ngritur baza me pajisje shumë të mirë teknike, ku militantët kryejnë kursin e plotë të trajnimit. Instruktorë të tyre janë anëtarët e "Al-Qaeda" që vijnë nga Algjeria fqinje.

"Financuesit" kryesorë të xhihadit, me sa duket, nuk duan të nxjerrin kurrfarë mësimesh nga përvoja e hidhur e së kaluarës. Le të kujtojmë faktin se korparmata e parë islame e ekspeditës u formua me mbështetjen e Shteteve të Bashkuara të Amerikës që gjatë kohës së Luftës afgane të viteve 1979-1989. Disa dhjetëra mijëra shtetas të vendeve të botës arabe, po ashtu si dhe pakistanezë, luftuan atëhere kundër ushtrisë sovjetike me përkrahjen aktive të shërbimeve të zbulimit të shteteve të Evropës Perëndimore dhe Lindjes së Mesme. Kurse më pas filloi përshkallëzimi i theksuar i valës së dhunës: sulme terroriste filluan të ndodhnin në Arabinë Saudite, Egjipt, Algjeri, Maroko. Më tej pasoi shtatori i "zi" i vitit 2001 në Shtetet e Bashkuara, shpërthimet në Madrid, Londër, ndërsa kohët e fundit sulmi terrorist në Boston. E megjithatë, Perëndimi deri tani vazhdon të ushqejë iluzionin se "muxhahidinët e rinj" nuk janë gjë tjetër veçse marioneta në duart e tij. Dhe nuk arrin të vërë re se zinxhiri, me të cilin i mbante lidhur ata, është këputur tashmë që prej kohësh.

[Guri i madh]

krejt feja islame esht BIZNES nuk ka mbet asgjë shpirtnore ne Islam kemi deshmi me ngjarejt qe po ndodhin ne BIK kohve te fundit ose me xhamit siq esht e fshatit Marin afer skenderajt kur imami shtron rrug shperndan ndihna edhe te miturve ju jap nga 40 € per me marr pjes ne msimet kuranore ne at XHAMI ,kjo ishte ma par per momentin nuk e di se si esht gjendja se nji her at Hoxhen nga elbasani e kan pas largue ,po gjendja esht e njejt ne ter Kosoven

[Dardanesha]

Postimi origjinal është bërë nga Guri i madh

krejt feja islame esht BIZNES nuk ka mbet asgjë shpirtnore ne Islam kemi deshmi me ngjarejt qe po ndodhin ne BIK kohve te fundit ose me xhamit siq esht e fshatit Marin afer skenderajt kur imami shtron rrug shperndan ndihna edhe te miturve ju jap nga 40 € per me marr pjes ne msimet kuranore ne at XHAMI ,kjo ishte ma par per momentin nuk e di se si esht gjendja se nji her at Hoxhen nga elbasani e kan pas largue ,po gjendja esht e njejt ne ter Kosoven

1. Ku e di ti qka eshte feja Islame ?

2. Per diqka qe se njeh, ski afinitet edhe aftesi me ndi, me besu, me e pas ne shpirt , ski te drejte me e marre neper goje e me i mvesh lloj lloj etiketimesh.

3. Ne kete rast paske nis me fol per lisa e e paske bitis per fshisa. Mos e perzij asnje individ me fene Islame, merre e lexoje Kur'anin e mos kqyr qa bon filani e fisketu po bazohu ne Kur'anin famelarte, e jo me u mar me thashetheme si grate e katunit gardhiqeve.

[premium]

Ket Stivens per ndryshe Jusuf Islam e konvertuar nga Krishterimi ne Islam , thote > Ndihem krenar qe Islamin kam pranuar nga Kur'ani e jo nga njerezit . andaj mos shiqoni njerezit si praktikojne fejen muslimane , por lexoni dhe binduni.

[the godfather]

o kurr skeni ne pas sherr prej Islamit dhe muslimaneve kurr,paramendo Bota ka mbi 1.5 miliard musliman dhe nje grup i vogel prej 2 mij deri en max 5 mij vete jane extrem kur kreret e tyre jane te paguara nga qarqe perendimore per me ja qit Islamit dhe muslimaneve faqen e zez. Xhihadi nuk eshte lufte per eshte perpjekje dhr sakrifice ( nese nje njeri kujdeset per prinderit) eshte Xhihad nese nje njeri lufton kunder epshit te vete ka bere Xhihadin me te larte,nuk eshtre xhihadi i Al Kaides (al Cia) xhihad por propagande me shtu Islamofobin dhe. mediat menxi se presin mi shti en thes 1.5 miliard te tjere,paramendoni sikur nga 1.5 mil musliman sa ka bota veq 1 milion prej tyre te jene Al Cia (Kaida) po ji boj be qe gjysa e tokes ish shlatrru por jo ata nuk e perbejne as 0.0001% te Islamit prandaj mos keni frike se ska rrezik prej zagarve te Bin LadenoBushit ata jane pak por ka rrezik nga mediat dhe lajmeve copy/paste qe shkruhen kudo.
Nese sulmohet nje vend musliman dhe shkojne luftojne per ta çliruar (mbrojtur) ate vend menjehere mediat i mbrojtesit e atij vendi i quajne terroriste kurse agresoret çlirimtare definitivisht sot MEDIA e ka bere njeriun nje Dele qe ec me 2 këmbë.
Mbi 300 vite asnje shtet musliman nuk e ka pushtuar apo kercenuar asnje shtet katolik,por vertet arabet janë me zi se "gjaja" me shum luftojne me njeri tjetrin dhe nuk i permbahen fese e knej zotohen se janë mbrojesit e Islamit,shyqyr qe osht nje Krijues qe ka garantuar per kete Islam se sa per Arab dhe krejt muslimanet Islami do te ishte shuar por Ai lart e mbrone e dilbi ju do b...palare e shkruani kunder Islamit duke i marre shembull nje 0.0001% dhe qai 99.9 % per ju osht i pavlere pffff kjo osht Kulmi merruni me naj sen qe i sherben per mir ksaj shoqerie e leni rrenat e New York Times e Cnn e BBC.

[Zero Cool]

Xhihadi i kosovarëve në Siri








Prishtinë, 06.11.2013

Lavdrimi, Mentori, Boletini, Fatoni, Bashkimi, Rafeti, Bujari, Jetoni, Osmani, Hamza përbëjnë një skuadër luftëtarësh shqiptarë në Siri. Ata janë dhjetë nga 150 kosovarët që kanë lënë gjithçka në Kosovë për të luftuar kundër regjimit të diktatorit Bashar al-Assad.Kosovarët atje tashmë janë pozicionuar se në krah të kujt të luftojnë. Jo në anën e opozitës, por me organizatën al-Nusra Front, një degë e Al Kaidës që udhëhiqet nga, Abu Mohammad al-Jawlan.

“Koha Ditore” ka bërë një hulumtim për shkuarjen e kosovarëve në Siri. Ka mësuar identitetin e shumicës prej tyre, mënyrën e rekrutimit, organizata që besohet se merret me këtë, si dhe rrugët e shkuarjes. Gazeta ka kontaktuar me të kthyer nga Siria dhe familjarë të tyre, të cilët nuk kanë pranuar të flasin shumë për luftën në Siri. Xhihad po e konsiderojnë atë luftë. Për të tillë ka bërë thirrje njëri prej tyre.

Lavdrim Muhaxheri, 24 vjeç, nga Kaçaniku, është njëri prej luftëtarëve të parë kosovarë që u është bashkuar aradheve të luftëtarëve të Sirisë. Lavdrimi ka shkuar së bashku me Naman Demollin. Demolli është “shehiti” i parë siç cilësohet nga përkrahës të tij.

Në tetor në kanalin Youtube është publikuar një video e një kosovari që bën thirrje për xhihad. “Koha Ditore” ka zbuluar se ai është Lavdrim Muhaxheri nga Kaçaniku. 24-vjeçari që po lufton në Siri, përmes një videoje të postuar në Youtube, u ka bërë thirrje shqiptarëve myslimanë që t'i bashkohen “luftës së shenjtë, Xhihadit”. Kësaj thirrjeje i janë përgjigjur disa kosovarë.

“Ju nuk e dini vëllezër se çfarë krenarie është të jesh në tokën e shenjtë të Xhihadit”, thotë ai. “Mos rrini asnjë minutë në shtëpitë tuaja, por ejani këtu”.

Në Kosovë, Policia e njeh mirë Lavdrimin. I ka përcjellë veprimet e tij, por nuk ka mundur të bëjë asgjë më shumë pos vëzhgimit të lëvizjeve, kontakteve dhe veprimeve. Asnjë prej veprimeve të tij në Kosovë nuk kanë bazë për hetim penal.

Ligjet në fuqi nuk sanksionojnë përfshirjen e shtetasve kosovarë në konflikte jashtë vendit.

[Zero Cool]

“Xhihadi i Kosovës” dyshohet se kërcënoi nga Bresalci



Letra kërcënuese e 12 nëntorit në drejtim të Policisë së Kosovës nga i ashtuquajturi “Xhemati i Teuhidit dhe Xhihadit në Kosovë” dyshohet të jetë dërguar nga fshati Bresalc i komunës së Gjilanit aty ku edhe e kanë prejardhjen tre nga gjashtë të arrestuarit për përgatitje të terrorizmit.

Gjashtë personat janë arrestuar më datën 5 nëntor të këtij viti në Prishtinë e Gjilan nën dyshimin se po përgatisnin një sulm terrorist. Gjashtë ditë pas arrestimit janë publikuar në detaje arsyet e arrestimit të tyre dhe armatimi që të dyshuarve iu është gjetur në ditën e arrestimit.

Një ditë më vonë policia ka marrë një e-mail kërcënues nga “Xhemati i Teuhidit dhe Xhihadit në Kosovë” të cilët përmes postës elektronike kanë kërkuar lirimin e gjashtë të arrestuarve. Në të kundërtën, policia do të pësonte sulme nga ky grup.

Qysh në ditën e marrjes së këtij e-maili, Policia e Kosovë ka nisur hetimin në disa pista për të vërtetuar se prej nga është dërguar e-maili kërcënues.

“Policia e Kosovës po heton në disa pista të dyshimta e që njëra nga to është fshati Bresalc i komunës së Gjilanit”, ka thënë një burim i gazetës teksa ka konfirmuar se deri më tani nuk ka ndonjë të arrestuar në lidhje me këtë kërcënim.

Sipas vendimit mbi të cilin është caktuar paraburgimi ndaj gjashtë personave, nga fshati Bresalc janë tre nga gjashtë të arrestuarit, Valon Shala, Genc Selimi e Musli Hyseni, derisa i arrestuari tjetër Ardian Mehmeti jeton në Gjilan, si dhe Nuredin Sylejmani e Bekim Mulolli në Prishtinë.

“Disa ditë pasi që i kanë arrestuar djemtë, policia ka qenë sërish në fshat dhe e ka kontrolluar njërën nga dy zyrat prej të cilave shpërndahet interneti në Bresalc”, ka treguar njëri nga banorët.

Sipas burimeve të gazetës, Policia e Kosovës në përpjekje për të gjetur dërguesin e e-mailit kërcënues, ka marrë në pyetje deri më tani njërin nga shpërndarësit e internetit në fshatin Bresalc të Komunës së Gjilanit me qëllim që ky i fundit të ndihmojë në gjendjen e IP adresës së saktë prej nga edhe është kërcënuar Policia e Kosovës.

Por duke e cilësuar si të ndjeshëm këtë rast, Policia e Kosovës, zyrtarisht nuk jep detaje për rrjedhën aktuale të hetimeve.

“Lidhur me kërkesën tuaj ju informojmë se rasti në fjalë është duke u hetuar nga Policia e Kosovës në konsultim me prokurorin përkatës. Momentalisht nuk mund të publikojmë informacione lidhur me këtë hetim”, thuhet shkurt në një përgjigje të kthyer nga Zyra për Informim e Policisë së Kosovës.

Kërcënimin ndaj policisë e kanë në duar vendorët derisa rastin e gjashtë personave tashmë të arrestuar për veprën penale të përgatitjes së terrorizmit dhe atë të armëmbajtjes pa leje, e kanë marrë në duar zyrtarë të misionit EULEX.

“Ne mund të konfirmojmë se një prokuror i EULEX-it në Prokurorinë Speciale tashmë është duke u marrë me këtë rast”, ka njoftuar shkurt për gazetën, Zyra për Informim e Misionit EULEX.

Gjashtë të arrestuarit e 5 nëntorit do të qëndrojnë në paraburgim së paku një muaj, ngase kështu ka vendosur Gjykata Themelore e Prishtinës në vendimin për caktimin e paraburgimit.

[Zero Cool]

Vritet edhe një "shqiptar" në Siri



Aleppo, 29.12.2013

Edhe një shqiptar vritet në përleshjen e brendshme të Sirisë. Ai është Ebu Amar, njofton portali boshnjak “Vijesti Ummeta”.

Ky portal ka shkruar se ai ka humbur jetën në A’zat të Aleppos të Sirisë. Ende nuk dihet nëse ky është një shqiptar i Maqedonisë, i Kosovës apo Shqipërisë, por në profilin e portalit në Facebook ceket vetëm kjo: “Vëllai Ebu Amar, shqiptar”.

Fotografia e postuar më poshtë nuk preferohet për ta parë të miturit dhe personat e ndjeshëm.

Në muajin gusht ishte njoftuar se dhjetëra shqiptarë janë bashkuar me kryengritësit në Siri, duke dhënë jetën kundër regjimit të presidentit Bashar al-Assad. Kështu kishte shkruar agjencia franceze AFP, në një reportazh të sajin duke nënvizuar se shumë prej tyre kthehen në qese trupash pranë familjeve të tyre, të cilat nuk e dinë se ata janë bashkuar me rebelët në luftë.

"Migena Maliqaj, një shqiptare, nuk ka dëgjuar gjë nga i shoqi, Halili, që prej nëntorit, kur ai i tha se do largohej nga shtëpia, në Prush të Tiranës, për të gjetur punë në Turqi. Në qershor ajo mori një mesazh nga një numër i panjohur, ku i thuhej se Halili ishte vrarë në Siri. Maliqaj nuk pranoi të fliste për AFP-në. Nëna e Ermal Xhelos dëgjoi për angazhimin e djalit të saj në Siri vetëm kur trupi i 35 vjeçarit mbërriti në qytetin e lindjes, në Vlorë. Edhe ai kishte thënë se do shkonte të punonte në Turqi ", shkruan AFP.

Sipas saj, jo vetëm në Shqipëri, edhe në Kosovë po vërshojnë luftëtarët e xhihadit drejt Sirisë.
“Nëse Rusia, Irani dhe Hezbollahu nuk hezitojnë të mbrojnë presidentin Assad dhe regjimin e tij, që vret njerëz, madje edhe fëmijë, pse duhet të hezitojmë ne që të ndihmojmë sirianët,” thotë për AFP një 40 vjeçar nga Podujeva, që po bëhet gati për të udhëtuar për në Siri.

[Zanzi/M]

Profeti Muhamed ka qene:

1. Lider Politik

2. Lider Ushtarak

3. Lider Shpirteror

Cdo udheheqes Islamik pretendon te merr keto tri pozita brenda nje shteti.





.

[Zero Cool]

Sulmuesi vetëvrasës nga Volgogradi: Më vjen keq t’ju shoh lotët, kjo është zgjedhja ime







Pavel Peconkin, punëtori i ndihmës së shpejtë i cili në sulmin vetëvrasës, në dhjetor, vrau 18 persona e plagosi 36 njerëz, prindërve të tij në mars ua ka dërguar një video-mesazh ku thotë se kishte zgjedhur rrugën e tij dhe se nuk do të kthehet në shtëpi.








“Më vjen keq të shoh lotët tuaj, por e zgjodha rrugën e Allahut. U përcaktova që Allahu të jetë i kënaqur me mua dhe ta meritoj Parajsën. Nuk mund të më largoni nga kjo rrugë”, ka thënë ai.

Ai shtoi se nuk ka dashur të shoh porosinë e tyre, “që të mos largohet nga rruga”.

“Nuk kam dashur ta shikoj, sepse kam menduar se do të më zbus”, ka shtuar ai, duke theksuar se nuk e ka ndërmend të kthehet në shtëpi, raporton The Moscow Times.









“Allahun mua askush nuk ma imponon”, thotë ai dhe shton se shumë vëllezër të tij kanë braktisur familjet “për të ecur në tundimin e Xhihadit”.

Ai i porositi prindërit që të mos besojnë gjithçka që dëgjojnë në televizor për myslimanët.

"Ne nuk vrasim fëmijë, por këtu shoh shumë fëmijë që qajnë për etërit e tyre”, tha ai .

Kjo video ishte përgjigja ndaj kërkesës së prindërve të tij që ai të kthehet në shtëpi. Babai i tij, Nikolai, e kishte lutur që “të lë armët para se të bëhet terrorist”.









“A ecin të gjithë myslimanët përreth me armë? Ju jeni kokëfortë. Çfarë të keqe të kanë bërë ata njerëz”, ka thënë babai i tij.

Nëna e tij, Fanaziyja, i kishte thënë se edhe ajo ishte myslimane dhe se dëshiron që të përmbahet nga dhuna.

“Çfarë Kurani!? Allahu nuk ka thënë se njerëzit duhet të vriten. Pavlik, unë kam besim te ti. Kthehu, të lutem”, i ka thënë nëna, duke shtuar se qëkur ka ikur ai, ajo jeton në ferr.

“Imagjino nëse dikush vret prindërit tuaj, si do të ndihesh? Pse fëmijët i bëni jetim?”, e pyet ajo.

Peconkin është me origjinë nga Volzhski që gjendet në lindje të pjesës evropiane të Rusisë. Në dhjetor 2011 kalon në islam, e pastaj largohet nga prindërit të cilët nuk e dinin se ku gjendet. Pas konvertimit ai quhej Ansar al-Rusia.

[Zero Cool]

Luftoni, luftoni



Kryengritësit sirianë vrasin 34 mercenarë të huaj







Damask, 07.01.2014

Të paktën 34 mercenarë që luftojnë në krah të grupeve të ndërlidhura me Al-Kaidan në Siri, janë vrarë nga kryengritësit sirian gjatë tri ditëve të fundit, bëri të ditur sot Observatoriumu Sirian për të Drejtat e Njeriut.Vrasjet thuhet se janë bërë gjatë luftimeve në rajonin Jabal al-Zawiya, i cili ishte arenë e konfrontimeve të përgjakshme ndërmjet të aleancës së kryengritësve kundër Shtetit Islamik të Irakut dhe Levantit (ISIL), transmeton Rel.

Rami Abdulrahman, drejtori i Observatoriumit me seli në Londër, tha se shumica e të vrarëve ishin pjesëtarë të ISIL, kurse pjesa tjetër e grupit Jund al-Aqsa.

Verifikimi i raportit të kësaj organizate është vështirë i realizueshëm në terren, për shkak të kufizimeve të mëdha dhe rrezikut që i paraqitet medieve ndërkombëtare në mbulimin e luftës në Siri.

Më se 100 mijë njerëz vlerësohet se kanë vdekur gjatë tri vjetëve sa po zgjat lufta në Siri, që u nis pas kryengritjes së popullit për të rrëzuar presidentin Bashar al-Assad.

[Zero Cool]

Krasniqi: Lufta në Siri, luftë vëllavrasëse – prodhon mëkat


Prishtinë, 09.01.2014

Kryeparlamentari i Kosovës, Jakup Krasniqi, në një postim në Facebook, ka folur për dhimbjet e mëdha të Kosovës.

Ndër dhimbjet që e lëndojnë Kosovën, Krasniqi e ka cilësuar edhe shkuarjen e shqiptarëve të Kosovës për të luftuar në luftën, siç a e cilëson, “të pakuptimtë” të Sirisë.

“Shkuarja për të luftuar në luftën e pakuptimtë të Sirisë e cila s’është gjë tjetër veçse një luftë vëllavrasëse mes fiseve të ndryshme dhe e cila veç mëkatit, mjerimit e fatkeqësisë se atyre njerëzve të mjerë, nuk prodhon gjë tjetër të shenjtë si shahitë apo dëshmorë siç i themi shqip, ne. Krijuesi ynë (Zoti) është dhuruesi i jetës sonë, ai s’e ka autorizuar asnjë, e më asnjë njeri në botën tonë, i dobët apo i fuqishëm qoftë, për t’ia marr tjetrit dhunshëm atë që ia ka dhuruar Ai (krijuesi). Mekanizmat e shtetit dhe Bashkësia Islame, janë të obligueshëm që t’i njoftojnë qytetarët e vet për të vërtetën e asaj lufte, përkatësisht t’i edukojnë besimtarët e vet me vlerat e fesë islame. Ata nuk mund të hiqen sikur nuk po ndodhë asgjë rreth tyre”, ka shkruar Krasniqi në Facebook, transmeton Koha.net.
Sipas informatave të fundit që vijnë nga Siria, në luftën që po ndodh atje, vetëm në ditët e fundit kanë humbur jetën 2 shqiptarë nga Kosova.

Krasniqi, ndërkaq, ka folur edhe për dhimbjet tjera, që sipas tij po e dëmtojnë Kosovë. Një ndër to është edhe mos-zhvillimi ekonomik i përcjellë me papunësi të madhe për shkak të politikave jo vetëm të pa qarta ekonomike, por edhe të dëmshme e të gabueshme të udhëhequra fillimisht nga ndërkombëtaret e që sa vite edhe nga vendoret.

Sipas tij, mungesa e një arsimi dhe edukimit tradicional kombëtar të filluar me një atdhedashuri të veçantë në vitet e Rilindjes Kombëtare Shqiptare ( në shekullin XIX) e të zhvilluar deri në ditët tona, është edhe një dhimbje që po e dëmton Kosovën.
“Sot arsimi ynë është në ngërç të madh, i cili ngërç ka prodhuar dhimbjet tona të më poshtme”, ka shkruar Krasniqi.

Si dhimbje të tretë, Krasniqi e ka vlerësuar mungesën për mundësi punësimi dhe perspektive që ka vendi ynë, gjë e cila “ka bërë që shumë të rinj, perspektiven e tyre për një jetë më të mirë e të dinjitetshme, ta kërkojnë në rrugën e ikjes nga Atdheu ynë i shtrenjtë”.

[Zero Cool]

Kaos në Siri:
Boshnjakët, fatin e njëjtë si shqiptarët!



Mediat e Novi Pazarit kanë publikuar pamjet tronditëse të të ndjerit Mirza Ganic (19), nga Sebeqeva e Epërme e Novi Pazarit, i cili ka luftuar në Siri e për të cilin që një javë nuk dihej a është i gjallë a i vdekur. Foto e mëposhtme të Ganicit të vdekur nuk preferohen për të mitur dhe persona të ndjeshëm.


Misterin e vdekjes së tij e kanë zgjedhur shokët e luftës, të prirë nga Ebu Malik - Sanxhaklia nga Novi Pazari, të cilët nga Aleppo kanë raportuar se Mirza u vra në një sulm kundër armikut, duke mos e specifikuar cilin, shkruajnë mediat e Sanxhakut.

Sipas informatave nga Aleppo, Mirza është vrarë nga pjesëtarët e Ushtrisë së Lirë Siriane, e jo nga ushtarët e Bashar al Assadit kundër të cilit ky i ri ka luftuar, e që para një viti ishte nxënës i shkëlqyer i gjimnazit të Novi Pazarit, transmeton Telegrafi.


Ditët e fundit, anëtarë të Ushtrisë së Lirë Siriane dhe të Frontit Islamik të Sirisë kanë luftuar kundër ushtrisë së Shtetit Islam të Irakut dhe Shamit, të kryesuar nga grupi famëkeq Al Nusra i lidhur me al-Qaedan.

Të tri formacionet deri dhjetë ditë më parë kanë luftuar së bashku kundër Assadit, ndërsa luftëtarët nga Ballkani kryesisht i kanë takuar lëvizjes al-Nusra. Tash ata rrezikohen të vriten, sepse pothuaj të gjithë në Siri janë kundër tyre. Sipas informacioneve, gjasat për ikje janë minimale, kështu që rritet frika se numri i të vrarëve nga Ballkani do të shtohet më shumë.

Gjashtë të rinj nga Bosnja u vranë në ditët e fundit, dhe shumë të tjerë u plagosën. Opozita në Siri ka vlerësuar se anëtarët e saj të al Nusras bëjnë krime më të mëdha se ushtria e Assadit dhe se për shkakun e këtij grupi që ka “rrëmbyer revolucionin”, SHBA-të nuk kanë intervenuar.

“Qërimi i fundit i hesapeve po ndodhë. Të gjithë nga Sanxhaku dhe Bosnja janë në anën e gabuar. Kam frikë se nëse nuk ia dalin të ikin, të gjithë do të vriten”, thotë një boshnjak që ndjek nga afër ngjarjet në Siri.

Siç ka thënë nëna e dëshpëruar Sadija, “Mirza Ganici është rekrutuar në një xhami në Novi Pazar dhe u dërgua në ferrin e luftës siriane”.

Shumë nga këta të rekrutuar lajmërohen përmes rrjetit Facebook dhe blogjeve të ndryshme të internetit, duke kritikuar boshnjakët se pse nuk nisen në numër më të madh në xhihadin e Sirisë. Ai kishte kërcënuar secilin që mendon ndryshe nga ai, si aktivisten Aida Corovic (që ka kërkuar përcjellje policore), zëvendëskryeministrin e Serbisë, Rasim Ljajic, dhe ministrin e Brendshëm të Bosnjes, Fahrudin Radoncic, vetëm pse këta janë shprehur kundër shkuarjes së boshnjakëve në Siri.


Për vrasjen e Ganicit ka shkruar në rrjetin Twitter, Ebu Malik Sanxhaklia, më 3 janar. Por, shpejtë në Facebook publikohet demanti me këtë përmbajtje:

“Njoftim... - Allahu ju ndihmoftë.. Nuk kam shumë kohë... Unë, Mirza Ganic nuk kam vdekur (edhe pse doli lajm i rrejshëm e kësaj iu gëzuan të pafetë)... Falënderime Allahut... Vëllezërit që e kanë publikuar e kanë marrë lajmin nga profili i një vëllai tim e ai profil është hakuar... E di se disa nuk do të besojnë, por unë jam... Myslimanët nuk gënjejnë e lëre me muxhahedinët...Nëse mundeni përhapeni lajmin, ‘gëzojini’ qafirat”, është shkruar në Facebook.

Por, më vonë u konfirmua vdekja e tij e dokumentuar me fotografi. Fotografia e Ganicit të vrarë është publikuar edhe në profilin e Facebook-ut “Xhihadi - obligim i harruar”, në gjuhën shqipe, me këtë përmbajtje: “Disa foto nga vëllau jonë 19 vjeçar Mirza Ganiç, i cili ra shehid in sha Allah në Aleppo. Ai u plagos në këmbë e majtë dhe nga gjakderdhja e tepërt ndërroi jetë. Lusim Allahu ta shpërblen me gradat më të larta të Xhennetit me Pejgamberët, shehidët dhe njerëzit e mirë” (sic).




Edhe ky i ka kthy patkojt prej diellit.