Trashëgimia kulturore Shqiptare

[Zero Cool]

Kthehet në Shqipëri Thesari i Trashëgimisë







Rreth 260 objekte, pjesë e thesarit të trashëgimisë kulturore shqiptare, që u ekspozuan në Romë, Torino e Prishtinë, janë kthyer në Shqipëri. Pas një viti 'emigrimi', ato kanë mbërritur në Tiranë dhe janë shpërndarë nëpër muzetë nga ishin marrë.


Spiro Nika, specialist i Institutit të Monumenteve të Kulturës, pjesë e grupit të shoqërimit të tyre, tregon për Gazetën Shqiptare se objektet me vlera unikale, janë dorëzuar nëpër muzetë që iu takonin, siç ishin marrë.

Epitafi i Gllavenicës, Thesari i Korbit, ikona të Onufrit dhe objekte arkeologjike të shumta qenë pjesë e këtij thesari. Ndërkaq, punonjës të muzeve ku aktualisht janë objektet konfirmojnë ardhjen e tyre në gjendje të mirë, dhe flasin për dëmtime fare të lehta të ndonjë syresh, dëm që mund të jetë pësuar gjatë transportit.

Në nëntor të viti 2012, Ministria e Kulturës e Shqipërisë dërgoi një ekspozitë të quajtur "Rrënjët e Shqipërisë" ("I tesori del patrimonio culturale albanese") për ekspozim në Muzeun Arkeologjik në Romë (Vittoriano), prej 21 nëntorit 2012 deri më 6 janar 2013. Më tej, ekspozita qëndroi në Torino (Palazzo Madama), prej 23 janarit deri në 7 prill 2013. Më pas, thesari u nis drejt Prishtinës për të qëndruar deri në mes të tetorit.

E gjithë kjo shkaktoi debat në Tiranë, pasi shteti nxori jashtë vendit objektet e veta më të vyera (Epitafi i Gllavenicës, viti 1373, që në vitin 1974 u kërkua nga Franca për një vlerë prej 2.4 milionë dollarësh), e mbi të gjitha, drejt Kosovës ai u dërgua pa pasur as siguracion, sikundër procedohet në raste të tilla, dhe siç në fakt me të njëjtën ekspozitë për 'udhëtimin' e saj italian. Nika nuk do të flasë për çështjen e siguracionit të munguar.

"Unë jam marrë me mbledhjen e objekteve nga muzetë. Siç i morëm, i dorëzuam, të gjitha në gjendjen që kishin. Është bërë një punë e madhe dhe objektet janë dorëzuar duke u kontrolluar nga specialistë për origjinalitetin dhe gjendjen e tyre”, thotë ai. Ndërkaq, sqaron se transportimi i tyre është shoqëruar me eskorta policie gjatë gjithë rrugës, si në Shqipëri edhe në Kosovë.

"Transportimi i tyre nga Tirana për në Prishtinë, është bërë me makina ushtrie. Edhe gjatë shpërndarjes nëpër muzetë e Shqipërisë, jemi shoqëruar nga 17 patrulla policie. Ato ishin marrë nga Muzeu i Butrintit, Muzeu Arkeologjik i Durrësit, ai i Shkodrës, Muzeu Mesjetar i Korçës dhe Muzeu i Onufrit në Berat. Kishim rreth 20 ikona, Epitafin e Gllavenicës, objekte arkeologjike dhe për shembull ornamente prej floriri që shoqërojë sakëmet mortore", ka sqaruar Nika.

[King_Gentius]

I ksha propozuar nje ekspozite te tille ambasadorit shqiptar Gilbert Gallanxhi per tu zhvilluar ktu ne Amerike per 100 vjetorin dhe me duket kjo qeshtja e siguracionut te artifakteve e beri te pamundur. Ne shqiptaret nuk jemi mesuar akoma me insurance, I vem bese vetem pushkes

[Guri i madh]

Fotografi e rrallë e heroit të kombit, Isa Boletini (FOTO LAJM)






Kjo është një fotografi e rrallë dhe mbase e fundit e heroit të kombit, Isa Boletini e bërë në shkurt të vitit 1916. Ai është fotografuar së bashku me publicistin austriak, Leo Freundlich. Fotoja është publikuar në gazetën nga Viena, “IW”.

[Zero Cool]

Të ruhet vlerësimi i MSN për Prizrenin








Fillimi i vitit 2014 solli një lajm të mirë dhe pak më ndryshe se herëve të tjera për Prizrenin. Në listën e vendeve më të mrekullueshme të botës të shpallur nga MSN-i për vitin 2013, qyteti i Prizrenit radhitet në vendin e nëntë ndër vendet më të bukura në botë.



“Lumi Lumbardhi rrjedh nën urën 500-vjeçare të gurit në qytetin e Prizrenit në Kosovë”, kështu e përshkruan MSN, qytetin e Prizrenit.

Organizata Joqeveritare “Ec Ma Ndryshe”, vlerëson lartë renditjen e qytetit të Prizrenit nga MSN, në mesin e qyteteve më të mira në botë.

Elmedina Baxhaku thotë se hyrja e qytetit të Prizrenit, në mesin e vendeve më të mira në botë,ishte një lajm i mirë jo vetëm për qytetarët e këtij qyteti, por për gjithë Kosovën.

“Ishte një lajm i mirë për të gjithë”, tha ajo.

Baxhaku thotë se sfida kryesore e vitit 2014, për të gjitha institucionet lokale dhe qendrore mbetet ruajtja e trashëgimisë kulturore të Prizrenit.

”Institucionet lokale, por edhe ato qendrore duhet të angazhohen që trashëgimia kulturore e Prizrenit të ruhet dhe të mos lejohet të degradohet”, tha Baxhaku, transmeton “PrizrenPress”

Sipas saj, fatkeqësisht shumë objekte të trashëgimisë kulturore për shkak moskujdesit të institucioneve janë shkatërruar.

“Organizata ‘EC MA Ndryshe’ gjatë vitit të kaluar ka mbledhur nënshkrimet e qytetarëve kundër degradimit të qytetit. Ky peticion shumë shpejt do t’i dorëzohet kryetarit të Komunës së Prizrenit”, tha Bazhaku.

Ajo premton se “Ec Ma Ndryshe” edhe gjatë këtij viti, do të angazhohen për të mbrojtur vlerat të cilat qytetin e Prizrenit e kanë renditur në mesin e vendeve më të mira në botë.