Hulumtime - Prishtinë

HULUMTIMI I OPINIONIT PUBLIK TË PRISHTINASVE, PËR PROBLEMET QË I PREOKUPOJNË ATA
“Cilat janë problemet që më së shumti i preokupojnë qytetarët e Prishtinës” është bërë në kaudër të kursit “Metodat e hulumtimit empirik” Projekti i këtij hulumtimi është punuar nga disa studentë të Sociologjisë, Viti i II-të.

Hulumtimi është bërë me qëllim që t’i vëj në pah problemet e shumta për të cilat aq shumë flitet por nuk ka kurrfarë projekti i cili do t’i identifikonte ato në mënyrë shkencore. Duke u nisur nga ky qëllim, pas punës 6 javore që është bërë, janë arritur disa rezultate nga të cilat shpresojmë se do të kemi dobi të gjithë, përfshirë këtu edhe komunën e Prishtinës.
Me qëllim që ky hulumtim t’i identifikojë problemet sa më mirë, është punuar me pyetësorë të hapur, i cili përbërhet nga 23 pyejte, që janë të ndara në tri grupe:

1. Grupi i pyetjeve në nivel të lagjes
2. Grupi i pyetjeve në nivel të qytetit (Prishtinës) dhe
3. Grupi i pyetjeve në nivel të vendit (Kosovës)

Për të pasur përfaqësim sa më të mirë të opinionit të qytetarëve, Prishtina është ndarë në disa zona që përfshijnë disa lagje. Në bazë të madhësisë së lagjes është caktuar numri i respodentëve. Numri i respodentëve është 100. Caktimi i tyre është bërë me metodën e mostrës së rastit. Kur dihet se Prishtina i ka rreth 500 – 600 mijë banorë, përfundimet e këtij hulumtimi nuk mund të jenë shumë përfaqësuese për qytetin e Prishtinës, mirëpo në “vija të trasha” do të tregoj për shumë probleme, si dhe preventivat që duhet të mirren…

Analiza e të dhënave tregon se qytetarët e Prishtinës janë të preokupuar me disa probleme esenciale që kërkojnë zgjidhje të menjëhershme.
Infrastruktura, papastërtia, janë problemet kryesore me të cilat preokupohen banorët e të gjitha lagjeve të përfshira në hulumtim. Kur kemi parasysh se hulumtimi përfshinë të gjitha lagjet kryesore të Prishtinës, atëherë del se këto dy probleme të lartëpërmendura nuk janë vetëm probleme të lagjeve të vecanta por janë probleme me të cilat përballet i tërë qyteti i Prishtinës.
Përvec problemeve në nivel të lagjeve, kemi hasur edhe në shumë probleme të tjera edhe më të mëdha, dhe më të përgjithshme, e të cilat probleme janë brengë e madhe e të gjithë qytetarëve. Me këtë rast, nga të gjitha problemet e identifikuara, ato më kryesoret të cilat janë preokupim i madh i qytetarëve të Prishtinës janë: papunësia, papastërtia, infrastruktura e dobët, parkingu, shërbimet e dobëta publike, komunikacioni i dendur, ndricimi i lagjeve, qentë endacakë, mungesa e furnizimit me ujë, rrymë, ngrohje etj. Në njërën nga pyetjet, ishte edhe ajo rreth asaj se Cka do të kishit ndërruar në Prishtinë, 10% e respodentëve janë përgjigjur se do ti ndërroja njerëzit. Në anën tjetër si problem mjaft i përmendur nga ana e qytetarëve është edhe problemi i quajtur mbipopullim. Një numër majft i madh i respodentëve mendojnë se kapacitetet e rrugëve, infrastrukturës, dhe të shërbimeve publike të Prishtinës janë të vogla për një numër kaq të madh të banorëve.
Problem tjeter që i preokupon qytetarët e Prishtinës është edhe ai i ndërtimeve pa leje. Në pyetjen se Cka ju pengon më së shumti në qytetin e Prishtinës, rreth 12 % të respodentëve janë përgjigjur se problemi i ndërtimeve pa leje duhet të rregullohet sa më shpejt. Ka respodent që edhe japin zgjidhje për këtë problem duke thënë se ato duhet rrënuar sa më shpejtë dhe do të ishte shumë keq po që se këto objekte do të legalizohen.
Parkingu gjithashtu është një problem që kërkon zgjidhje të menjëhershme. Nuk është cudi që një nga pyejtet tona se ku do t’i investoni paratë e suficitit të buxhetit, qytetarët të përgjigjen se ato para do ti investonin në ndërtimin e parkingjeve.
Për këto dhe shumë probleme të tjera qytetarët e Prishtinës akuzat e tyre iu drejtonin kuvendarëve. Rreth 61% e respodentëve mendojnë se ka papërgjegjësi në kryerjen e punëve nga komuna.



Problemet që i kanë zbuluar qytetarët janë shumë të shumta dhe të natyrave të ndryshme, duke filluar që nga problemet e infrastrukturës deri tek problemet në kuadër të vendit (Kosovës). Duke pasur parasysh këtë, e kemi parë shumë të arsyeshme që edhe pse ky hulumtim ka qëllim që ti tregoj problemet e qytetarëve të Prishtinës, ti përmbaj edhe disa pyetjet që kanë të bëj me “politikën shtetërore”.
Në këtë aspekt problemet si: statusi final, papunësia, zhvillimi ekonomik, kompetencat, standardet, kanë zënë një vend të rëndësishëm. Vlen të përmendet se rreth 70% e respodentëve mendojnë se problemi që duhet dhënë më së shumti prioritet është problemi i Statusit të pazgjidhur të Kosoves.



Si grup punues i këtij hulumtimi të vogël, mund të vijme tek disa konkluzione jo shumë të dëshirueshme. Në bazë të të dhënave të fituara kuptojmë se për qytetarët e Prishtinës është mjaft vështirë të mbijetohet në Prishtinë. Problemet që tani ekzistojne në Prishtine mund ti ndajmë në dy grupe të imagjinuara:

a) problemet serioze (papunësia, papastërtia, infrastruktura, rryma, uji, ngrohja, rruga, ndricimi, dukuritë shëmtuese të shoqërisë) si dhe

b) problemet e luksit (ndërtimin e parkingjeve nëntokësore, ndërtimin e qendrës sportive, metroja etj.)
Nga kjo nenkuptojme se për shkak se të ashtuquajturat probleme serioze janë të shumta, ne rekomandojmë dhe njëkohësisht bëjmë thirrje që të punohet sa më shumë që t’i zbusim këto probleme dhe dalëngadalë edhe t’i eliminojmë.

Populli shqiptar ka ushqyer vazhdimisht ndaj popujve të Ballkanit serbëve, malazezëve, maqedonasve, grekëve dhe popujve tjerë në segmentin e vet një miqësi, afrim dhe solidaritet.
Baza ideore e Programit të Lidhjes së Popullit Shqiptar, është koncipuar në mes tjerash, në lirinë e tërë popullit shqiptar për integritetin territorial dhe miqësinë e bashkëpunimin ndërfqinjësor me popujt serbë, malazezë, grekë, maqedonë dhe popujt e tjerë të Ballkanit.



Deviza e fuqive të Mëdha: Austrohungarisë, Rusisë, Gjermanisë, Francës, Anglisë ishte: „nëse serbët, bullgarët, grekët, shqiptarët, rumunët dhe popujt e tjerë ballkanikë e preferojnë miqësinë tonë duhet të kenë armatat e veta nacionale prej 200 gjer 300 mijë e më shumë ushtarë. Qindra mija ushtarë do të thoshte miliona të tjera huash dhe rishndërrim të Ballkanit dhe të popujve liridashës ballkanikë në peng të imperialistëve dhe ekspansionistëve të huaj.

Gadishulli Ballkanik nuk është i vogël dhe nuk është as i ngushtë për popujt e tij autoktonë. Ai është shumë i pasur. Pozita gjeografike strategjike është shumë e rëndësishme me arteriet më të rëndësishme: Luginën Morava — Vardar, Luginën Moravë — Ibër dhe Nishavë — Maricë d. m. th. paraqesin arterie jashtëzakonisht të rëndësishme ekonomike ushtarake strategjike si për posedimin e Ballkanit ashtu edhe për depërtimin kah Bosfori, Stambolli, Azia ashtu edhe për daljen në Mesdhe, Afrikë e më tutje që është shënjestër vitale e synimeve agresive imperialiste për pushtimin kolonial. Ai mjafton për popujt e tij. Popujt e tij nuk janë të paaftë për zhvillim, sepse ata nuk i ka dënuar natyra të jenë robër, vetëm të eksploatohen nga armiqtë e tyre të jashtëm të cilët i nxisnin vendët ballkanike të kacafyten në mes vedi. Kjo ka qenë ideja e Programit të luftës çlirimtare të bashkëpunimit solidar e vëllazëror me popujt fqinj — të Lidhjes së Popullit Shqiptar të mbajtur në Prizren.

Fillimi dhe zhvillimi i lëvizjeve nacionale: kryengritja e popullit serb, grek, maqedon, kroat, malazez, hercegovas si dhe Lëvizja Nacionale e Popullit Shqiptar — çështje e ndërlikuar ball-kanike — që e karakterizojnë antagonizmat kombinimet diplomatike të intrigave, hipokrizisë, mahinacioneve kalon në trollin e zjarrtë të luftërave dhe lëvizjeve nacionale.

Fuqitë e mëdha evropiane sa herë që janë mbledhur rreth tryezës, ato i kanë zgjidhur vetëm problemet e veta — orekset për hegjemoni. Ato nuk janë kujdesur asnjëherë për popujt dhe shtetet e vogla, prandaj edhe populli shqiptar u bashkua në lidhjen e vet, udhëheqja e të cilës është shembulli i rrallë i shkathtësisë, talentit dhe dashurisë për liri.

Dëshira e monarkisë austrohungareze për okupimin e Bosnës e Hercegovinës qe sinjal për popujt liridashës të Ballkanit dhe të Evropës se duhet ndërmarrë masat organizative me fuqinë e armës dhe me një bashkëpunim të gjerë popullor kundër politikës ekspansioniste të shteteve të mëdha.

Kongresi i Berlinit jo vetëm që nuk e shqyrtoi çështjen shqiptare por i dëmtoi shqiptarët. Nuk e njohu Lëvizjen Nacionale të shqiptarëve, ekzistimin autokton të popullit shqiptar, nuk ia njohu luftën për autonomi, luftën për shkëputje dhe për çlirim nga robëria shekullore turke.
Abdyl Frashëri ideolog i Lëvizjes Nacionale Shqiptare theksoi „se duam të jetojmë në marrëdhënie të mira me fqinjët tonë — me popujt dhe shtetet ballkanike".
Lidhja Shqiptare e Prizrenit në programin e vet e ka lidhur lëvizjen e vet çlirimtare, idenë dhe programin me lëvizjet çlirimtare progresive të popujve maqedon, kroat, slloven, të Bosnës e Hercegovinës e të tjerë.

Programi i Lidhjes Shqiptare ishte një fundament i emancipimit politik të popullit shqiptar, ishte garanci e realizimit të aspiratave shekullore çlirimtare të shqiptarëve për çlirimin nacio-nal dhe për krijimin e autonomisë kombëtare.

Populli shqiptar i bashkuar nën udhëheqjen e Lidhjes shqiptare, arriti një pikë kulminative në luftën për çlirimin kombëtar.

Në frymën e parimeve të kombësisë Lidhja shqiptare dënoi paqen e Shën Stefanit dhe Bullgarinë e madhe sepse me këtë shkelej liria dhe integriteti nacional i popujve të tjerë fqinjë. Me këtë paqe u çrregulluan seriozisht marrëdhëniet e mira mes popujve ballkanikë. Shën Stefani është shembull në histori se si fuqitë dhe shtetet e mëdha siç ishte Rusia cariste — për qëllimet e veta megalomane, hegjemoniste krijon shtetin artificial bullgaromadh — si tampon për grindje e përleshje permanente në mes të popujve ballkanikë — si përzierje të fuqive të mëdha në interesat vitale të popujve ballkanikë.

Parimisht, Programi i Lidhjes së Popullit Shqiptar paraqet suksesin më të madh në mobilizimin e masave për çlirimin nacional, solidaritetin e masave për bashkëpunim dhe miqësi me popujt ballkanikë, ajo shprehu qenjen nacionale të popullit shqiptar dhe duke njohur qenien e vet njohu edhe respektoi parimet e luftës çlirimtare për integritetin nacional të popujve ballkanikë..

tung pershende pershendetje juve nuk edi veq kur kam hi ne chat me ka tregu epo kam hi edhe ju kam gjet jua ej amunime m ndimuar mua pre nje deshir te flakt qe po vuaj shum jupershendes dhe ktheni ju tregoj se per deshira ime eflakt eshte fudbolli :oops: [/i][/b]

me vjen keq qe me duhet te ju shkruaj nje gje te till por me duhet.

mendoni nje her e per gjithmon se nuk eshte detyr e jona te mendojm per te gjith popujt e ballkanit kur e dim mir se punet tona jan ende te pakryera dhe se jemi shum larg me zhvillim dhe shkollim perkunder disa fqinjeve qe gjithmon e kan shfrytezuar menqurin ,filozofin,miresin ,urtesin
dhe shum e shum te mira qe i kemi ne si popull.
duhet te punojm shum dhe menqurin mos tjua falim popujve qe gjithmon e kan perdorur kunder nesh.
nuk kemi nevoj ta bejm hapin e par dhe tua shtrim doren tjerve per deri sa ata nuk jan gati te na pranojn si partner te barabart ne qdo aspekt.
andaj porosia ime eshte :pun ,durim,shkollim,zhvillim ekonomik,ngritje shoqerore nacionale,zhvillim demokratik,SHTET me ligj dhe ushtri te fort e mandej mund ti kalojm kufijt tan nese mundemi te kontribuojm ne fqinjesi te mir.
NENVIZOJ:mos keqkuptoni ,nuk mendoj mbyllje dhe izolim por punet duhet ti kryejm hap pas hapi dhe mos te ngutemi

ju faleminderit per lexim

Kosova ka përjetuar dje eskalimin më të madh të situatës që nga stacionimi i trupave paqeruajtëse të NATO-s në qershor të vitit 1999. Si një zjarr i pakontrollueshëm, protestat kanë nisur në Mitrovicë dhe janë zgjeruar pothuaj në të gjithë vendin. Bilanci është tragjik: njoftohet për së paku tetë njerëz të vrarë dhe qindra të plagosur. Ka mjaftuar një lajm i pikëllueshëm se një turmë serbe ka ndjekur një grup fëmijësh shqiptarë në fshatin Çabër në veri të Kosovës për të tensionuar skajshëm gjendjen. Kundër fëmijëve kosovarë, serbët thuhet të kenë ndërsyer edhe një qen. Duke ikur tre fëmijë kanë rënë në lumin Ibër; kufomat e dy fëmijëve janë gjetur, ekipe shpëtimi po kërkojnë edhe trupin e fëmijës së tretë fatkeq. Por, ky është vetëm sfondi sipërfaqësor i përshkrimit të gjendjes.
Arsyet e shpërthimit të dhunës në Kosovë janë më të thella. Këto ditë do të mbushen pesë vjet nga fillimi i luftës së NATO-s kundër forcave serbe. Në qershor do të shënohet pesëvjetori i çlirimit të Kosovës. Tani është koha e bilancit. Ku ka arritur Kosova gjatë kësaj gjysmëdekade? Me ndërhyrjen e bashkësisë ndërkombëtare në Kosovë është rrëzuar plani i regjimit të Slobodan Milosheviçit për të realizuar përndjekjen më të madhe etnike pas Luftës së Dytë Botërore. Edhe injeksionet financiare të Perëndimit (BE dhe SHBA) si dhe të organizatave joqeveritare kanë lënë gjurmë pozitive në Kosovë. Mijëra shtëpi janë rindërtuar, aty-këtu është meremetuar ndonjë rrugë.
Megjithatë, bilanci nuk rezulton pozitiv. Kosova kryesisht ka numëruar në vend, sepse askush në Perëndim nuk ka ide të qartë se si do të zgjidhet çështja e statusit. Përshtypja e përgjithshme është se vendimmarrësit ndërkombëtarë i frikësohen hapjes së kësaj teme si djalli ujit të bekuar. Në vend të zgjidhjes së problemeve, administrata ndërkombëtare në Prishtinë është bërë kujdestare e status quos. Shumë nëpunës të misionit të OKB-së e shohin qëndrimin në Kosovë si një aventurë interesante dhe aspak të rrezikshme. Për dallim nga Iraku në Kosovë – së paku deri më tani – ndërkombëtarët janë pritur me mirësjellje nga vendasit. Jo rastësisht në Prishtinë qarkullon anekdota për nëpunësin e UNMIK-ut, i cili sapo të zbresë në aeroportin e Sllatinës afër kryeqytetit fillon përgatitjen e mbrëmjes lamtumirëse. Por, çdo muaji të mjaltit i vjen fundi.
Dhe fundi më radikal është shënuar dje. Protestat kanë qenë shprehje e zemërimit kundër keqqeverisjes së Kosovës, bllokimit të procesit të privatizimit pas intervenimit nga Beogradi, bllokadave të rrugëve kryesore nga ana e pakicës serbe para portave të Prishtinës dhe ndarjes sandaloze të Mitrovicës po aq sa edhe kundër paperspektivës së përgjithshme, papunësisë së madhe, zhgënjimit. Mjafton të shikohet vetëm rritja drastike e numrit të vetëvrasjeve në Kosovë sidomos ndër të rinjtë. Edhe pesë vjet pas përfundimit të luftës ende nuk është sqaruar fati i rreth tre mijë shqiptarëve, derisa kufomat e zhgroposura nga varrezat masive në Serbi, qeveria e Beogradit vazhdon t’i mbajë si trofe lufte. Para pak ditësh autoritetet serbe ia dorëzuan UNMIK-ut kufomat e 40 civilëve shqiptarë të vrarë gjatë fushatës të terrorit të regjimit serb në vitet 1998-1999.
Mbi të gjitha dje është protestuar kundër tolerimit të strukturave paralele serbe në Kosovë. Për një fshatar serb në një fshat apo enklavë të Kosovës ende ekziston pushteti i Beogradit. Pensioni i tij vjen akoma nga Serbia, ai vazhdon të telefonojë përmes rrjetit serb Mobtel, korrespondencën e sjell posta serbe. Me dijenë e UNMIK-ut, Beogradi në Kosovë derdh miliona euro për funksionimin e pushtetit paralel. Në këtë situatë shumë serbë as që kanë ndonjë interes të integrohen në Kosovë. Jo Prishtina, por Beogradi shikohet si kryeqytet. Inflitrimi i strukturave sekrete serbe në Kosovë ka arritur në një nivel, kur vetë zyrtarët e Beogradit mburren publikisht dhe nuk kanë asnjë ngurrim të flasin për këtë çështje. Për eskalimin e gjendjes në Kosovë ka kontribuar edhe qeveria e re nacionaliste serbe. Debati për “krahinën serbe” është kthyer në qendër të vëmendjes nga kryeministri Vojislav Koshtunica. Madje lideri i radikalëve serbë Tomislav Nikoliq kërkoi që kabineti në Beograd të organizojë mbrojtjen ushtarake të serbëve në Kosovë.
Një sinjal i qartë është dërguar nga protestat e djeshme edhe në adresë të politikanëve shqiptarë në Prishtinë. Njerëzit janë lodhur duke dëgjuar rrëfime për grindjet notorike dhe mungesën e çdo sensi për bashkëpunim mes partive politike. Në vend të miratimit të ligjeve, Parlamenti i Kosovës bën jehonë në opinion me piktura muri të stilit socrealist. Në vend të adresimit të një oferte, një “road map” për ndërtimin e një Kosove, ku mund të jetojnë të qetë shqiptarë, serbë, turq dhe minoritarë të tjerë, politikanët shqiptarë ende vetëkënaqen me një fjalor të tejkaluar folkoristik. Këtë imazh të keq të klasës politike të Kosovës nuk e ndryshon as ndonjë shembull pozitiv, siç ishte rasti me kryeministrin Bajram Rexhepi. Dje politikanët e Prishtinës reaguan me panik. Befasisht atyre u ra ndërmend se nevojitet ndihma e Shqipërisë në arenën ndërkombëtare për të tejkaluar situatën, për t’iu përgjigjur akuzave serbe në Këshillin e Sigurimit të OKB-së, të cilat do të pasojnë me siguri gjatë ditëve të ardhshme. Edhe këtu shihen pasojat e moskomunikimit dhe moskoordinimit mes Prishtinës dhe Tiranës.
Përkundër të drejtës legjitime për të protestuar kundër status quos së padurueshme, demonstratat e djeshme me epilog tragjik janë të dëmshme për progresin në Kosovë. Nuk duhet dyshuar në qëllimin e mirë të demonstruesve. Por, me apo pa vetëdije ata kanë rënë në një kurth, që mund të jetë përgatitur nga Serbia. Vdekja e fëmijëve shqiptarë është tragjike, por një shoqëri e përgjegjshme dhe largpamëse do të priste hetimet dhe jo të merrte ligjin në dorë. Sulmet e mëvonshme të turmave shqiptare kundër serbëve të kthyer në rrethinën e Pejës, djegia e strehimores kolektive serbe në qendër të Prizrenit, shpërthimi afër kishës ortodokse në Ferizaj godasin Kosovën dhe të gjitha përpjekjet e deritanishme për t’ia ndryshuar namin e keq Kosovës në median dhe në qarqet diplomatike në Perëndim. Protestuesit duket të mos kenë menduar për pasojat. Si shpeshherë në histori edhe kësaj radhe u dëshmua se energjia e shqiptarëve në momente vendimtare derdhet në drejtim të gabuar. Tani u mbetet liderëve të Kosovës që këtë situatë të rëndë ta tejkalojnë duke e stimuluar procesin politik me iniciativa, jo me akuza e ndezje emocionesh. Një Kosovë e përgjakur do të thotë kthim në të kaluarën. Dhe Kosova do të vazhdojë të mbahet në karantinë nga bashkësia ndërkombëtare. Këtë nuk do të duhej ta dëshironte vërtet asnjë qytetar i Kosovës

nga Enver Robelli

„Jeta ime ka marrë kahje tmerruese prej ditës kur shkova në qytetin e P.... për ta takuar bashkëbiseduesin tim nga mesingjeri. Nëna më thoshte çdo ditë, çka është kjo bisedë në internet, dhe me kë flisja. U njohëm me të kur ai më kërkoi bisedë në çast dhe prej aty kaluam në mesingjer. Kishte shumë dashuri nga dukja e parë dhe çdo gjë ishte në rregull dhe e ëmbël nga takimi. Mezi prisja bisedën me të... U bën 2 muaj bisedë dhe tashmë ai me të cilin bisedoja, më ishte bërë një njeri i dashur, sikur ta njihja me vjet. Sipas tërë asaj që flisnim dilte se ne do të ishim një çift bashkëshortor i përkryer dhe me çdo të mirë në mes. Tmerrin tim as që e kisha menduar ndonjëherë dhe as që mund të kisha ëndërruar dorën e fortë të mafias kosovare, duke shitur dhe dhunuar një femër të re që nuk do të dinte madje as kur është ditë e as kur është natë. Tani jetoj e krisur dhe e komprometuar, falë policisë që më nxori shumë rastësisht nga dora kriminele e dhunuesve që mendoj se janë aq të shpeshtë në Kosovë dhe rreth nesh.

Pas bisedave për 2 muaj në internet, vendosa të shkoja të takoheshim me atë njeri që e konsideroja si timin. Isha e sigurt se me të do të rrinim në shtëpinë e tij, ku do të më prisnin familja e tij, si një nuse të ardhme të tyre. E kisha atë bindje, pa ditur se do të prehesha në dhëmbët e ujqërve që ka aq shumë Kosova dhe nuk i zhduk askush“.

Takimi i tmerrshëm

„Ai do të më priste në afërsi të stacioni të autobusëve dhe unë do të takohesha me të posa të dilja nga autobusi. Ai priste dhe unë, sapo dola ai më buzëqeshi dhe ma hapi derën e veturës. Nuk vonoi shumë dhe u futëm në dyert e një shtëpie të vjetër, në periferi të qytetit. Dolën 2 burra të tjerë dhe m’u ofruan të më përshëndesin… Hymë në shtëpi dhe ata e mbyllën derën e hekurtë. Nuk po lëvizte askush dhe atmosfera më dukej e tmerrshme. Më propozuan të ulesha në një fotele dhe njëri prej tyre ma konfirmoi se tani e tutje do të isha gruaja e të treve dhe jo vetëm e njërit siç kishte thënë ai. Njëri prej tyre ma zbërtheu kopsen e bluzës dhe kur unë kundërshtova, ai m’u kërcënua fizikisht. Pas 5 minutash dy prej tyre më zhveshën me dhunë dhe pa e shpjeguar tmerrin dhe dhunën fizike që ushtruan ndaj meje gjatë aktit të dhunimit. Sikur më copëtuan të tërën në çdo pjesë të trupit. Më rrahën dhe më kafshuan dhe duke më lënë përplot lëndime në trup, e futën të tretin, i cili më dhunoi të lodhur në po atë shtrat. Pas aktit të dhunimit, më sollën një lëng pemësh dhe më vonë pak bukë. Unë qaja dhe lotoja, por kjo nuk u bënte përshtypje dhunuesve. Nuk isha e vetmja që kisha kaluar nëpër këtë rrugë. Kur mendova se kjo ishte e tëra, ata sollën edhe 2 veta të tjerë, dy burra të pagdhendur, të cilët më shfrytëzuan njëri pas tjetrit. Tashmë pashë se ishte e kotë të bërtisja dhe të provoja gjithçka, sepse shtëpia ku po qëndroja, përdorej vetëm për gjëra të tilla dhe ishte një çerdhe e mbajtjes së femrave që shiteshin dhe stërshiteshin, pasi i dhunonin 3 burrat e moshës së mesme.

Më shitën për një plak!

Më jepnin bukë dhe ujë sa për ta mbajtur shpirtin dhe më sillnin vazhdimisht njerëz për të zbrazur ndjenjat shtazarake tek unë. U bën 5 ditë që kur po jetoja e mbyllur në atë shtëpi, e cila kurrë nuk ishte e vetmuar, por të paktën nga njëri prej tyre e mbikqyrur. Nuk kishte asnjë gjasë të dilja dhe nuk kishe as mundësinë më të vogël të paraqitesha në shtëpi. E dija se tashmë prindërit e mi ishin çmendur, siç ishin kur vonohesha qoftë edhe për ndonjë orë të vetme. Nga nevoja për të dal dhe ikur i luta dhe u shtira se të isha pranë tyre vetëm t’u thosha prindërve se isha te një shoqe imja. Jo më thanë nuk mund t’i tregosh askujt. Kjo ishte përgjigje e prerë si me thikë prej tyre. Edhe disa ditë të tjera më sollën gjithfarë njerëzish që kurrë nuk i kisha menduar. I lutesha Zotit të ma merrte shpirtin. Flisja me vetveten çdo moment kur mbetesha vetëm. Pas një javësh, kur unë nisa të zbehesha dhe të humbja shumë peshë, ata më morën dhe më shitën gjetiu, por blerësi u tha se unë tashmë isha e stresuar dhe nuk isha për shtrat. Më hoqën prej aty dhe më dërguan te një burrë, të cilit i kishte vdekur gruaja prej kohësh. Ai, nuk ishte i prishur shpirtërisht si dhunuesit dhe nuk i dinte të gjitha veprat dhe rrjedhat e ngjarjes së dhunuesve. Ai dukej se dinte vetëm se u jepte atyre pak para për të më bërë grua të vullnetshme”. /Vazhdon /


E dhunuara në liri/Nga Kosovarija

[Albanam]

Tmerr!!!!!!!

[Murgesha]

E kam lexuar dhe jam shqetesuar shume per fatin e asaj vajze. Po si themi ne
Ben vaki gjithcka- e edhe kjo.
nuk po e di ende se a jane zene ata gjakpires, une per vete do tju jepja denimin me te rende.

[uliksi31]

Sikur te ndodhin keso gjera ne Harlem NY,South L.A apo ne Rio,do te ishte e tmerrshme.
Po si ben qe te ndodh mu ne mes te Kosoves dhe popullit te shume vuajtur.Se di se si po na mban Toka!Ligji i Krijuesit eshte zgjedhje permanente per njerzimin.
Pra keto jan pasoja te demokracise.Ne akoma nuk jemi te pregatitur per nje gje te till (demokraci).

[Vera]

no koment TMERRRRR!!!!!!!!!!! nuk mund te flas mandej

SI MË SHITËN DHUNUESIT II

Prishtinë, 02 maj 2004 - Pas të gjitha dhunimeve që mi bëri dhe torturave si dhe kur humba peshën sa të mos më mbajnë këmbët, më morën dhe më shitën te njeriu që mund të ishte babai im. Më morën me veturë dhe më dërguan te ai në shtëpi. Nuk dija se ata më kishin shitur në fund, sepse kishin vërejtur se unë nuk isha më e denjë për klientët e tyre. Njeriu që më priste të më bënte grua, nuk dinte se unë isha e dhunuara e tyre dhe e dhjetëra klientëve të tjerë që më mbanin me orë të tëra në dhomën e errësuar. Ata flisnin mes se unë do të qëndroja te burri im më së shumti 14 ditë dhe pastaj do të më merrnin me dhunë prej tij për me më shitur sërish tek klientët e tyre. Kur më futen në shtëpinë e tij, ia kërkuan 5000 euro, ndonëse pjesën tjetër të parave e kishin marrë përpara se të më qonin aty. Unë kuptova se po bëhesha nuse e një njeriu, tek pasi u zgjatën duartë dhe i uruan fat e lumturi, por edhe kjo formë më konvenonte, sepse do t’ia shpjegoja burrit tim rastin tërësisht dhe në fund të fundit do të kisha mundësinë të ik prej tij. Ata shkuan, por i kishin thënë njeriut se më kishin vajzën e dajës, i cili nga varfëria dhe skamja, ishte detyruar të më jepte për para. Ai kishte tjetër bindje prej asaj që ishte reale dhe që më kishte ndodhur, si rast i njohjes nga mesingjeri në internet. Kur njerëzit e lëshuan shtëpinë burri im e filloi temën me fjalët e dhembjes se zoti e kishte marrë gruan e tij, pas një sëmundje kanceroze që shpejt ia kishte shuar jetën. Ma mori zoti, se unë kam qenë i mirë ndaj saj, por kështu ishte shkruar nga zoti, thoshte ai. Ti je e re, vazhdoi ai, por me mua do të kesh jetë të mirë se unë jam besnik dhe i sinqertë…, unë i tregova babait tënd për të gjitha më rikujtoj ai dhe kjo më bëri të kuptoj se ai kishte folur zoti e din me kënd në emër të babait tim. Mbeta e habitur kur kuptova një gjë të tillë, por të reagoja me temperament ishte interes kundër meje. Ndoshta me shpresë se do t’i zgjidh problemet e mia, pasi kuptova se dhunuesit e kishin kontaktuar burrin tim me ndonjë njeri të vjetër që do të ishte prezantuar si babai im. Ti thosha se ky nuk ishte babai, ai do t’i thirrte menjëherë dhunuesit dhe ata do të më merrnin mua dhe do të më errësonin e ngujonin si më parë. Përdora taktikën me shpresë se nuk ishte momenti ta thosha të vërtetën për vetveten. Fjetëm natës së bashku dhe ai pati mirëkuptim të mos më prekte kur i thashë se isha me ciklin mujorë.

Burri do të më çonte në gjini

Tri ditë qëndruam të tillë në shtëpi pa u prekur fare dhe në ditën e katërt ai më propozoi të më çonte te babai dhe të rrinim atë natë deri vonë. Çka t’I thosha, o zot? T’ia tregoja të vërtetën pësoja, të nisesha te njeriu me të cilin ishte bërë marrëveshja s’kisha ku të shkoja sepse ai nuk ekzistonte! Erdha në dilemë, por ishte momenti t’ia thosha të gjitha… I thashë, nëse ma jep besën se do të më mbrosh dhe nuk do të më japësh për askënd do të të tregoj diqka shumë të rëndësishme, e nëse nuk më mbron qom ku të duash! Po, tha. Atëherë e hapa tregimin dhe I thashë: unë nuk jam bija e atij njeriu, sepse babai im është në një qytezë në Rrafshin e Kosovës. Ai, babai im, as që e di se ku jam unë, këta që më sollën tek ti janë dhunuesit që u njohëm në mesingjer dhe më tradhtuan e më dhunuan… më shitën te shumë klientë dhe kur panë se më nuk isha për askend, më shitën te ti. Dua të kuptosh o njeri, se nuk ke ku më çon se ai njeri që të është prezantuar si babai im, s’ka lidhje me mua… Njeriu, siç ishte ulur, u ngrit në këmbë dhe nuk I besonte rastit, por më pyeste a është kjo e mundshme. Vetëm këtë ma tha dhe asgjë më shumë. E halli?, më tha: Bën si të duash, ia ktheva, unë kam qenë në dhëmbët e ujqërve dhe I kam dëgjuar se pas 2 javësh do të vie të më marrin me dhunë në këtë shtëpi. Njeriu desh u çmend kur ia shpreha këto fjalë dhe më tha: Mos ke dert, nuk do të të ndodhë asgjë, tani e tutje nuk je gruaja ime, por do ta kesh mbrojtjen time. Ai nxori nga një qoshe e dhomës një pistoletë dhe e futi në shokë dhe më tha nëse kisha durim të qëndroja me të vetëm deri atë ditë kur ekspedita do të vinte ta merrte nusen për qëllime tjera. Ndonëse frikësohesha, vendosa të qëndroja në shtëpi dhe ta pres momentin e duhur.

Burri vrau dhunuesit

Në ditën e 14, sikur kishin bërë marrëveshjen dhunuesit, u vizatuan në derën e shtëpisë së njeriut të ndershëm, i cili po më mbante si grua. Na e kthe nusen zotri!, i thanë dhunuesit burrit të shtëpisë. Dhunuesit vazhduan t’i thonë burrit se babai i nuses nuk po pajtohet të të ketë dhëndërr ty, sepse dikur paskësh pasur një problem ndërfamiljar. Burri u tha dhunuesve se prej këtu mund ta nxjerrin nusen vetëm kur të vritet ai dhe ua tregoi të vërtetën sikur ta kisha rrëfyer unë vetë. Njëri prej dhunuesve e kërcënoi burrin dhe kur u nis të më kapte mua për flokësh, ky nxori revolën dhe shkrepi në gjoksin e tij. Tre të tjerët u sulën mbi burrin dhe pas një tollovie të dëgjuar në fqinjësi e më gjerë ia bëhu policia dhe 2 prej tyre i zunë. Dhunuesit po mbahen në burg dhe po përgjigjen për rrjet të dhunshëm prostitucioni. Njëri prej tyre gjeti varrin. Mua më kthyen në shtëpi. Nga Sokol Merturi / Kosovarija

Martesa ilegale mes shqiptarëve dhe maqedonasve

Nuk njihen më parë, as janë takuar ndonjëherë, madje nuk e flasin gjuhën e njëri-tjetrit, por “fati” u troket në derë përmes njerëzve, të cilët mundësojnë lidhje martesore në rrugë ilegale. Kështu janë martuar me qindra e qindra vajza nga Malësia e Shkodrës me burra maqedonas në Tetovë. Mjafton të paguash një shumë prej 250 eurosh dhe lidhjet martesore bëhen funksionale mes vajzave nga Malësia e Shkodrës dhe maqedonasve të Tetovës. Gjithçka shkon sipas një plani të mirorganizuar nga rrjete ilegale që veprojnë në të dyja anët e kufirit Maqedoni- Shqipëri. Autorët e këtij rrjeti duke përfituar nga gjendja e rëndë ekonomike e shumë familjeve shqiptare nga fshatrat e thella malore të Shkodrës kanë arritur të nxjerrin përfitime duke inauguruar martesa me maqedonas. “Nusja” shqiptare dhe “dhëndri” maqedonas, duhet së pari të tundin xhepat për të shpërblyer shkuesit, paga për të cilët është gjithsej 500 euro. 250 eurot e vajzave përfundojnë në xhepat e ndërmjetësuesve në Shkodër. Një shumë të tillë e paguajnë edhe burrat maqedonas, të cilët e derdhin paratë e tyre në “kasafortën” e agjencisë në një fshat të Tetovës. Vajzat shkodrane të cilat zbarkojnë në Tetovë për t’u martuar me burra maqedonas, i përkasin moshës 24 deri më 35 vjet. Viti 1995 shënon dhe hapin e parë të këtyre martesave, kurse nga viti 2000 e deri më tani, ky numër ka shënuar rritje të madhe. Sipas psikologes së qendrës për punë sociale në Tetovë, Valdete Neziri, nga janari deri në muajin maj, janë shënuar 17 raste kur qytetarë maqedonas nga Tetova kurorëzohen me vajza shqiptare nga Shqipëria, konkretisht nga rrethi i Shkodrës. Këto lloj martesash nga viti në vit shënojnë rritje të konsiderueshme, ndërsa në vitin 2003 raste të kësaj natyre kapin shifrën e 30 martesave. “Vetëm brenda 5 muajve të këtij viti kemi 17 raste, pra një rritje prej 50 për qind’,- thotë psikologia Neziri. Ajo konfirmon se vajzat shqiptare nga Shqipëria vijnë nga zonat e thella të rrethit të Shkodrës ku më shumë se 90 për qind e këtyre vajzave janë katolike. Vajzat shqiptare pas kurorëzimit përfundojnë në fshatra më të popullura nga etniteti maqedonas, konkretisht në fshatin Bervenicë, Dobrosht, Ratajë, Tetovë dhe në disa fshatra të tjera.
Martesa përmes agjencive ilegale
Askush nga autoritetet kompetente nuk e ka vënë ujin në zjarr se në një fshat të Tetovës funksionon një “agjenci” ilegale, e cila siguron kapital në kurriz të martesave jonormale. Duket qartë se rrjeti nga të dyja anët e kufirit e zhvillon aktivitetin e tij pa u shqetësuar se veprojnë në mënyrë të paligjshme. “Në fshatin tim kemi disa raste që vajza nga Shkodra janë martuar me maqedonas”,- thotë për “Shekullin”Avniu nga fshati Tenovë, duke shtuar se është shumë i bindur se vajzat nga Shqipëria bëjnë martesa të tilla ose nga mashtrimi, ose nga halli. Në lagjen time,- thotë ai- kemi dy raste të tilla, dhe jam i sigurt se vajzat shqiptare nuk kanë ditur se ku shkojnë dhe me çfarë realiteti do të ballafaqohen. Banori i Tenovës thotë se ka biseduar me fqinjin e tij maqedonas, por ai nuk i ka shpjeguar se si ka arritur deri te kjo martesë. Të gjithë banorët e fshatit, ku dominojnë shqiptarët, jemi të habitur pse “nusja e re” nuk preferon t’i përshëndesë në shqip. Por- shton ai- unë e kuptoj pozicionin e saj, sepse familja maqedonase kërkon të ruhet tradita, pra të mos përdoret qoftë dhe një fjalë e vetme në shqip.
Përpiluesit e kësaj strategjie janë maqedonas, të cilët kanë ngritur folenë e tyre në fshatin Kopanicë, në komunën e Jugonovcës, vetëm pak kilometra nga qyteti i Tetovës. Sipas burimeve shumë të sigurta të “Shekullit”, në këtë fshat ekziston një “agjenci” ilegale, e cila u mundëson vajzave nga Shqipëria dhe burrave maqedonas të vendosin kurorën e martesës. Drejtuesit e rrjetit janë ekskluzivisht maqedonas, por ka edhe të punësuar shqiptarë, të cilët mbajnë lidhje të fshehta me anën tjetër të kufirit, duke bërë kështu të mundur martesat e tilla. Ekzistencën e këtij rrjeti bashkëpunues Tetovë-Shkodër e pohojnë edhe punonjësit socialë, të cilët kryejnë funksionin e dhënies së këshillave para kurorëzimit. “Pavarësisht se nuk kemi informacione zyrtare për një agjenci të tillë, ne kemi dëgjuar se ekziston një zyrë e tillë që shërben për njohjen e vajzave nga Shqipëria me qytetarë maqedonas nga Tetova”,- shprehet nëpunësja e këtij insistucioni, Valdete Neziri. Ndërkaq qytetarët, të cilët preferojnë të mbeten anonimë, thonë se qendra e këtij biznesi martesor ndodhet në një shtëpi private në fshatin Kopanicë. Pronari, sipas burimeve tona, është me kombësi maqedonase dhe kryen shërbime ekskluzivisht për bashkëkombasit e tij. Kjo konfirmohet edhe nga zyrtarët e Qendrës për Punë dhe Politikë Sociale në Tetovë, të cilët bëjnë të ditur se të gjitha martesat që janë evidentuar deri tani me vajza nga Shqipëria, janë bërë vetëm me maqedonas nga Tetova.

Statistika
Mosha e vajzave të preferuara 24-35 vjeç
Pagesa për t’u martuar 250 euro për secilin (burrin e gruan)
Fillimi i martesave të tilla viti 1995
Gjatë vitit 2003 shënohen 30 martesa
Gjatë këtyre pesë muajve 17 martesa

[VARDARI]

-I nderuari Admin un vete jam nga Gostivari ksish rastesh kam ndygjuar dhe ka qe un i njoh personalisht ketu ne qytetin tim qe jane martuar me vajzat e shqiperis por edhe buri esht shqiptar e sllav-muti.
-Vetem nje rast e kam lexu ne gazet siq thuani ju nje vajz me emrin Flora nga malsija e madhe ishte martu ne Prilep me nje Maqedonas.
-Aq mka ardh inat sa qe edhe gazeten e kam gris per momentin se shum u bana nervoz si ka mundesi te ndodh kjo pune.

-Tash ju ndertohem vllezerve nga Shqiperia

--TE DASHUR VLLEZER MOS LAJONI QE MOTRAT TONA TI ANASHKALOJN SLLAVET SE NUK KAN ASNIFAR JETE PO I MARIN SI ROBRESHA PER PUNET E BAGTIS DHE SHPIS JETA E TYRE NUK ESHT JETE
JU LUTEM KINI KUJDES SE SI VEPRONI ME VAJZAT E JUAJA DHE MOTRAT
UN PER VETI JAM SHUM I NENCMUAR ME AT RASTIN E FLORES QE E KAN MASHTRU LAPERAT PER AT NUK KA JETE ME PRANDAJ JU APELOJ ME LOCKEN E ZEMRES QE KETA MASKAREJ SI NDERMJETSUES TI IZOLNI SE JAN TE POSHTER E KAM FJALEN PER LAPERAT QE TENTOJN QE NJE VAJZ SHQIPTARE ME E MARTU ME NJE SLLAV



KY APEL NUK VLEN PER NJE NDERMETSUES -SHKUZ-MSIT-


QE ME NDERSHMERI ESHT QE TE MARTONE NJE SHIPTAR ME NJE SHQIPTARE
KSISH MARTESASH EDHE UN UROJ TE KIET NE GJITH HAPSIREN SHQIPTARE (KOSOV-ILIRID-SHQIPERI-MALTEZI-CAMRI)
-SHQIPERIN ETNIKE-
PRA ME FAT FEJASAT SHQIPTARO-SHQIPTARE

TE MALLKUM QOFSHIN FEJESAT SLLAVO-SHQIPTARE-SLLAVE
TE MALLKUM QOFSHIN KETA NDERMJETSUES SLLAVO-SHQIPTAR

Ju pershendet Vardari

[turisti]

Ju pershendes. Ky rast tregon ( me siguri ka shume raste te ketilla ),sa jane politikanet te preokupuar me punet e veta e nuk e shohin dhembjen e popullit i cili edhe ashtu nuk din se ku e ka koken prej problemeve tjera.Ky rast asgje nuk dallohet prej atyre te luftes,dhe egzekutuesit e kesaj vepre meritojne egzekutimin ( mendimi im per rastet e keti lloji )si ne ARABI SAUDITE .Tolerimi i ketyre puneve eshte katastrofe njerezore per shoqerijen e cila propagon ( politikanet ) menyren e jeteses normale,duke e demantuar vetin me paaftesinat te kesi lloji.... :cry: :cry: :cry: :cry: :cry:

[raif]

:( :( :( :( :( :( :( :( :( tung nga GEZIMI,tju them sinqerisht kjo qe sapo lexova eshte TRAGJEDIIIIIIIIII!!!!!!!!!!,dhe TMEEEEEEERRRRRRR!!!!,per mbare popullin shqiptar kudo qe eshte e ketu mendoj per strukturat udheheqese te shtetit (qeveria por edhe policia).
Dhashte Zoti e kjo le te jete e fundit sepse populli i kosoves nuk e meriton se paku nje gje te tille.
Ju pershendes dhe me te vertete jam i tmerruar per kete gje!!!! :oops: :oops: :oops: :oops: :oops: :oops: