Intervistat e Hashim Thaqit qe nga viti 2001 e deri me tani...

fadil · 28-01-08, 17:18

THAQI:"ZGJEDHJET I HAPIN PERSPEKTIVE KOSOVES...."

Interviste me Hashim Thaqin, kryetar i PDK-se

EVROPA E LIRE
Si e vleresoni fushatën e deritashme për zgjedhjet parlamentare në Kosovë?

H. THAQI
Fushata zgjedhore për zgjedhjet e përgjithshme të 17 nëntorit në Kosovë, është duke kaluar shumë mirë. Nuk kanë ndodhur incidente që vlejnë të theksohen. Është një fushatë tejet demokratike ku po prezantohen vlerat e partive politike të Kosovës. Është një interesim i theksuar i qytetarëve të Kosovës për këtë fushatë dhe në kuadër të saj një rol mjaft të rëndësishëm dhe shumë pozitiv e kanë luajtur edhe partitë politike të Kosovës, mediat në prezantimin e drejtë dhe mjaft konstruktiv të fushatës. Besoj se tani me një angazhim edhe më të theksuar të partive politike në bashkëpunim me KFOR-in, UNMIKU-n dhe OSBE do të zhvillohet një fushatë e mirëfilltë, një fushatë që do t’i bëjë përshtypje edhe komunitetit ndërkombëtar, e mbi të gjitha do të fitojmë besimin e ndërkombëtarëve se ne dimë të zhvillojmë fushatë, se dimë të votojmë drejt, se dimë t’i ndërtojmë institucionet dhe të demokratizojmë vendin tonë, dhe natyrisht kjo do t’i hapë perspektivë Kosovës edhe për zhvillimin ekonomik.

EVROPA E LIRE
Zoti Thaçi, autoritetet ndërkombëtare në Kosovë aktualisht duket se janë të përqëndruara më së shumti në përpjekjet për të siguruar pjesëmarrjen e pakicës serbe në zgjedhje. Si i vlerësoni hapat e pranisë ndërkombëtare në këtë drejtim?

H. THAQI
Është një angazhim shtesë i komunitetit ndërkombëtar, pasi që është me rëndësi që në Kosovë u krijuan më në fund kushtet për organizimin e zgjedhjeve të lira; vitin e kaluar zgjedhjet lokale dhe tani zgjedhjet e përgjithshme. Është në interesin e Kosovës që të marrin pjesë të gjithë qytetarët me të drejtë vote në zgjedhjet e përgjithshme dhe në kuadrin të kësaj edhe serbët. Kanë ndodhur gjëra për të cilat mund të themi se janë reflektuar negativisht në Kosovë, sidomos legalizimi i ndërtimit të Universitetit të Mitrovicës, por sido që të jetë, ne angazhohemi që të marrin pjesë të gjithë qytetarët e Kosovës në zgjedhje, të krijohet një klimë tolerante ndërnjerëzore, ndërpartiake dhe ndëretnike, dhe të marrin pjesë të gjithë në ndërtimin e institucioneve. Këtu nuk kemi të bëjmë me konçesione, por më tepër me kompromise për të mirën e situatës aktuale politike dhe të sigurisë në Kosovë.

EVROPA E LIRE
Ditë më parë keni marë pjesë në një tryezë të projektit për marrëdhënie etnike, ku kanë qënë prezent edhe përfaqësues të pakicës serbe të Kosovës dhe zëvendëskryeministri serb Çoviç, ku është folur dhe për zgjedhjet dhe pjesëmarrjen e serbëve në to. Cilat ishin pozicionet e serbëve dhe a mund të thuhet se ata kanë treguar ndonjë shenjë pozitive në këtë drejtim?

H. THAQI
Në këtë tryezë nuk janë zhvilluar bisedime mes palës shqiptare dhe asaj serbe. Ka qenë një tryezë e organizuar nga Insituti për Relacione Ndëretnike, e udhëhequr nga zoti Kasof, institut amerikan dhe tema ka qënë:
“Shqiptarët dhe fqinjët e tyre”. Në këtë tryeze kanë marë pjesë përfaqësuesit politikë të zyrave diplomatike edhe të Shteteve të Bashkuara të Amerikës, të Britanisë së Madhe, dhe vendeve të tjera që kanë përfaqësitë në Kosovë. Kanë marrë pjesë edhe përfaqësuesit e KFOR-i, UNMIK-u OSBE-së dhe organizmave të tjera që janë prezent në Kosovë, duke nënkuptuar këtu, të gjithë liderët politikë të partive politike të shqiptarëve. Në tryezë kam theksuar se do të ishte mirë të diskutohen çështje të cilat janë të rëndësishme dhe që janë të pranueshme për zgjidhje edhe për palën shqiptare edhe për palën serbe, natyrisht këtu duke patur parasysh ndërmjetësimin e palës serbe. Këto çështje që janë të pranueshme për të dy palët janë: lirimi i të burgosurve politikë shqiptare që mbahen në burgjet serbe, fillimi i de-enklavizimit të Kosovës, bashkimi i qytetit të Mitrovicës, pjesëmarrja e serbëve në zgjedhjet e përgjithshme në Kosovë, pjesëmarrja e tyre në ndërtimin e institucioneve, si dhe çështje të tjera që janë të pranueshme dhe kërkojnë zgjidhje të shpejtë dhe për të cilat do të mund të fitonim dhe mbështetjen e komunitetit ndërkombëtar. Nuk është në interesin tonë që të izolohemi në vetvete, që ne të mos pranojmë sygjerimet e komunitetit ndërkombëtar për të filluar të zgjidhim problemet që janë në interes të Kosovës.

EVROPA E LIRE
Zoti Thaçi, ftesa juaj dhe ftesa e lidërve shqiptarë në përgjithësi drejtuar serbëve për të marrë pjesë në zgjedhje, është vlerësuar si shumë e sinqertë nga organizatorët. Çfarë në të vërtetë përmbante kjo ftesë, kjo thirrje drejtuar serbëve për të marë pjesë në zgjedhje?
H. THAQI
Fillimisht mund të themi se kjo ftesë është parimisht e drejtë. Ne nuk do të lusim askënd, sepse mund të ndërtojmë të ardhmen tonë bashkarisht me ata që marrin pjesë në zgjedhje. Me rëndësi është që të gjithë shqiptarët do të marrin pjesë në zgjedhje, do të marrin pjesë të gjitha partitë politike dhe të të gjitha minoriteteve të tjera me përjashtim të serbëve, por gjithashtu besoj se një pjesë e serbëve që nuk janë të manipuluar nga Beogradi do të marrin pjesë në zgjedhje dhe në ndërtimin e institucioneve . Ftesa jone ka qënë e sinqertë, ka qënë e hapur dhe ka qënë parimisht e drejtë për të marrë pjesë në zgjedhje. Dhe e ritheksoj se pjesëmarrja e tyre do të rriste vlerën e zgjedhjeve të përgjithshme në Kosovë.

EVROPA E LIRE
Zoti Thaçi, sipas jush cila është rëndësia e zgjedhjeve parlamentare të 17 nëntorit dhe në këtë kuadër çfarë prisni juve si Parti Demokratike e Kosovës nga këto zgjedhje?

H. THAQI
Rëndësia e zgjedhjeve të përgjithshme për Kosovën dhe qytetarët e saj është mjaft e madhe për arsye se këto janë zgjedhjet e para të lira të organizuara në Kosovën e lirë në nivel të Kosovës dhe nga këto zgjedhje presim që të dalë një parlament i fuqishëm, një parlament stabël, një qeveri stabël që do të qeverisë mirë. Natyrisht dhe një president që do të luajë rolin e një personaliteti unifikues të qytetarëve të Kosovës. Këto zgjedhje natyrisht që do t’i hapin një perspektivë të mirë Kosovës para komunitetit ndërkombëtar.

EVROPA E LIRE
Zoti Thaçi, zyrtarët e Partisë suaj e kanë vlerësuar si vizion të ri kandidimin e zonjës Flora Brovina për kryetare të Kosovës. Në fakt cili ishte qëllimi që ju keni kandiduar zonjën Brovina?

H. THAQI
Po. Fillimisht unë falënderoj anëtarët e kryesisë dhe të këshillit drejtues të Partisë Demokratike të Kosovës që propozimin tim për t’u kandiduar si kandidate nga ana e Partisë Demokratike të Kosovës, Dr. Flora Brovina, për presidente të ardhshme të Kosovës. Ka qënë një hap pozitiv dhe Dr. Flora Brovina, përveçse është poeteshë dhe humaniste, është personalitet i guximshëm, është personalitet që ka marë përgjegjësi edhe më herët për qytetarët e Kosovës dhe për Kosovën. Është personalitet unifikues, është personalitet që rreth saj mund të bashkohen
partitë politike të Kosovës, shoqëria civile. Është një personalitet i perspektivës, është një personalitet që do të luajë rolin e unitetit qytetar të Kosovës.

fadil · 28-01-08, 17:20

THACI: 2004 - VIT I BARTJES SË KOMPETENCAVE

Hashim Thaçi, kryetar i PDK-së

RADIO EVROPA E LIRË
Zoti Thaçi, plani për operacionalizimin e standardeve tashmë është bërë publik, por administrata ndërkombëtare ka njoftuar se në hyrjen e këtij dokumenti thuhet se plani do të zbatohet në bazë të rezolutës 1244 të Këshillit të Sigurimit, Kornizës Kushtetuese dhe rregulloreve të UNMIK-ut, ndërkaq në ato fusha ku mungojnë rregulloret do të aplikohen ligjet jodiskriminuese serbe. Cila është përgjigja juaj ndaj këtyre ndryshimeve?

HASHIM THAÇI
Standardet janë të formuluara në përputhshmëri me rezolutën 1244, me Kornizën Kushtetuese, me rregulloret e UNMIK-ut dhe mbi të gjitha, në bazë të kritereve të Kopenhagenit që janë kritere demokratike të punuara edhe prej vendeve tjera të pavarura të Evropës Juglindore, do të thotë të kritereve ekonomike, politike, legjislative perëndimore. Kështu që vlerësoj se ky proces duhet të vazhdojë të implementohet, do të punojmë bashkërisht edhe kosovarët edhe vendorët dhe do të kemi një përshpejtim të zgjidhjes së shumë problemeve të qytetarëve dhe përshpejtim të zgjidhjes së statusit politik dhe procesit të integrimit të Kosovës në strukturat euro-atlantike.

RADIO EVROPA E LIRË
Kur jemi tek standardet, nënsekretari amerikan Marc Grossman ka përmendur mesin e vitit 2005 si periudhën për vlerësimin përfundimtar të përmbushjes së standardeve dhe hapjen e çështjes së statusit politik të Kosovës. A besoni se pikërisht në këtë periudhë do të hapet kjo çështje?

HASHIM THAÇI
Unë e çmoj lart angazhimin e zotit Grossman. Ju e dini se edhe unë kam dalë me projektin tim për afatizimin e zgjidhjes së statusit politik të Kosovës, por në atë kohë unë e kisha menduar periudhën e pranverës së vitit 2005, ndërsa zoti Grossman e ka propozuar verën e vitit 2005. Unë besoj se kjo kohë do të jetë e përshtatshme për fillimin e zgjidhjes përfundimtare të statusit politik të Kosovës.

RADIO EVROPA E LIRË
Vëzhgues të shumtë thonë se përmbushja e standardeve varet edhe nga përgjegjësitë që aktualisht kanë institucionet vendore të Kosovës. Si mund të tejkalohen vështirësitë që mund të dalin nga ndarja aktuale e përgjegjësive në mënyrë që të arrihet përmbushja e standardeve?

HASHIM THAÇI
Unë mendoj se UNMIK-u duhet t’i bartë gradualisht kompetencat prej ndërkombëtarëve tek vendorët.
Vendorët duhet të kenë më tepër përgjegjësi dhe mundësi për implementimin e standardeve dhe besoj se në këtë drejtim do të kemi një bashkëpunim edhe më të mirë në mes të institucioneve të Kosovës dhe atyre të UNMIK-ut.

RADIO EVROPA E LIRË
Viti që po lëmë pas është karakterizuar shpeshherë edhe me acarime të raporteve në mes të institucioneve vendore dhe administratës së Kombeve të Bashkuara. Ku qëndron rrënja e problemit në këtë drejtim, a bëhet fjalë për moskoordinim veprimesh apo anashkalim të njëri tjetrit?

HASHIM THAÇI
Thjesht institucionet kosovare duhet të kuptojnë angazhimin e komunitetit ndërkombëtar, por edhe institucionet ndërkombëtare duhet t’u besojnë më tepër vendorëve në aftësitë dhe përgjegjësitë e tyre për zgjidhjen e problemeve në vend. Tek e fundit, institucionet janë zgjedhur në mënyrë demokratike prej votës së elektoratit. Por, vitin 2004 e shoh si një vit të bashkëpunimit dhe jo të konfrontimit me ndërkombëtarët. Dhe apeloj tek institucionet e Kosovës që të kemi qasje më serioze në punën me ndërkombëtarët, sepse edhe ata janë këtu për të mirën tonë.

RADIO EVROPA E LIRË
Zoti Thaçi një nga standardet më të përfolura është dialogu me Beogradin mbi çështjet teknike të interesit të ndërsjellë. Duke pasur parasyshë rrethanat aktuale, veçanërisht ato në Serbi, ku vëzhguesit thonë se në zgjedhjet e së dielës do të mund të fitonin forcat radikale, si e shihni ju zhvillimin e mëtutjeshëm të dialogut?

HASHIM THAÇI
Dialogu duhet të ndodhë, jo vetëm me Beogradin, por me të gjitha vendet fqinje, një dialog konstruktiv, parimor dhe duke respektuar interesat reciproke në realizimin e vlerave demokratike. Ndërsa lidhur me atë se si e shoh unë Serbinë vitin e ardhshëm është se ajo do të ketë institucione të brishta dhe mund të ndodhë që të ketë përsëri zgjedhje të lira.

RADIO EVROPA E LIRË
Institucionet e Kosovës po përballen tash e sa kohë me rradhë me një trysni të sofistikuar të komunitetit ndërkombëtar për të përmirësuar kushtet aktuale në të cilat jetojnë pakicat kombëtare, veçanërisht ajo serbe dhe që këto institucione të angazhohen për kthimin e tyre. Çfarë mund të bëjnë konkretisht institucionet vendore në këtë drejtim?

HASHIM THAÇI
Institucionet vendore kanë disa kufizime legale, por është mirë që ekziston vullneti për të punuar për kthimin e të zhvendosurve. Ju e dini se lidershipi kosovar me iniciativën time ka nxjerrë një letër publike për opinionin e gjerë kosovar dhe ndërkombëtare, duke shprehur gatishmërinë për të punuar në drejtim të kthimit individual dhe vullnetar në pronat e shtëpitë e tyre. Kështu që besoj se edhe në të ardhmen do të punohet më intenzivisht dhe bashkërisht me ndërkombëtarët në këtë drejtim. Por, dua të theksoj se këtu komuniteti ndërkombëtar duhet të punojë edhe më tepër me Beogradin, në mënyrë që Beogradi të mos e pengojë kthimin e të zhvendosurve, e në anën tjetër të linçojë pikërisht për këtë çështje Kosovën tek autoritetet ndërkombëtare.

RADIO EVROPA E LIRË
Zoti Thaci, viti i ardhshëm është viti i zgjedhjeve në Kosovë. Institucionet aktuale janë krijuar në bazë të një formule për qeverisje gjithëpërfshirëse, pa një opozitë të qëndrueshme. Sipas jush, sa ishte funksionale një formulë e këtillë?

HASHIM THAÇI
Ndoshta nuk ka qenë aq funksionale sa ne kemi dëshiruar, por ka qenë zgjidhja më e mirë për momentin. Neve na nevojitet deri në zgjidhjen përfundimtare të statusit unitet i qëndrueshëm politik, institucione stabile dhe të jemi të bashkuar si spektër politik në momentin e zgjidhjes përfundimtare të statusit politik. Vetëm të bashkuar mund të realizojmë pavarësinë dhe demokratizimin e vendit.

RADIO EVROPA E LIRË
Meqë jemi tek zgjedhjet, cili sistem zgjedhor do të duhej të aplikohej në zgjedhjet e ardhshme?

HASHIM THAÇI
Sistemi proporcional, me lista të mbyllura apo të hapura nuk është shumë me rëndësi, një njësi zgjedhore dhe natyrisht edhe integrimi i minoritarëve në këto institucione në bazë të veprimeve afirmative.

RADIO EVROPA E LIRË
Dhe zoti Thaçi, siç është bërë e zakonshme në raste të këtilla, çfarë prisni ju në vitin e ardhshëm?

HASHIM THAÇI
Unë pres që të vazhdohet me funksionimin stabil të institucioneve, të organizohen zgjedhjet e lira, demokratike dhe të drejta, të pranohet rezultati prej gjithë spektrit politik kosovar dhe përsëri pres ndërtimin e shpejtë të institucioneve që do të dalin nga vota e lirë e qytetarit në tetor të vitit 2004.

Intervistoi Arbana Vidishiqi

fadil · 28-01-08, 17:21

THAÇI: "KOSOVA DUHET BËRË ME KUSHTETUTË"

Hashim Thaçi, kryetar i Partisë Demokratike të Kosovës

RADIO EVROPA E LIRË
Zoti Thaçi, sot një javë u mbajt takimi i Vjenës, në të cilin Prishtina dhe Beogradi biseduan për çështje teknike. Për dallim nga periudha para bisedimeve, aktualisht duket sikur këto bisedime nuk po përmenden shumë. Cili është vlerësimi juaj për to?

HASHIM THAÇI
Ai takim i takon së kaluarës së afërt dhe natyrisht njerëzit sikur po vetëdijësohen që të merren dhe të punojnë më tepër për të ardhmen. Kështu që takimi i Vjenës e ka rëndësinë e vet të simbolikës së një takimi të autoriteteve të Beogradit dhe dy kosovarëve nga Prishtina me ndërmjetësimin ndërkombëtar. Vlerësoj se do të ketë një veprim dhe më të përgjegjshëm të të gjithë faktorit të Prishtinës, Beogradit por edhe të komunitetit ndërkombëtar në avancimin e proceseve të dialogimit dhe procesit më të lartë në këtë çështje mjaft të rëndësishme dhe të domosdoshme për të gjithë popujt dhe vendet e rajonit.

RADIO EVROPA E LIRË
Është folur shumë për mundësinë e një krize qeveritare në Kosovë, pikërisht për shkak të situatës së krijuar para takimit të Vjenës. Aktualisht cilat janë marrëdhëniet ndërmjet partnerëve të koalicionit qeveritar në Kosovë?

HASHIM THAÇI
Në Kosovë nuk ka krizë institucionale, ka keqpërdorim të institucioneve nga individë. Raportet e përbërësve të bashkëqeverisjes janë raporte konstruktive, raporte pozitive të punës vetëm për të mirën e qytetarit dhe vendit, janë raporte të thellimit të bashkëpunimit me komunitetin ndërkombëtar dhe ndërtimit të orientimeve programore të përbashkëta të spektrit të gjerë politik dhe institucional kosovar.

RADIO EVROPA E LIRË
Politikanët kosovarë po kërkojnë transferimin e më shumë kompetencave nga administrata e UNMIK-ut në institucionet kosovare. Në këtë aspekt si e vlerësoni ju rrjedhën e deritanishme të procesit të transferit?

HASHIM THAÇI
Unë vazhdoj të besoj se për këtë çështje më tepër po bëhet zhurmë, sesa është një realitet bartja e kompetencave nga ndërkombëtarët tek vendorët. E kam theksuar dhe e ritheksoj edhe sot: mund të ketë dialog, mund të ketë bisedime mes vendorëve dhe ndërkombëtarëve për kompetenca dhe disa ministri, por bindja ime është se nuk do të ketë bartje të kompetencave dhe as ministri të tjera për vendorët, pa filluar ndryshimi i kornizës kushtetuese të Kosovës, në mënyrë që Kosova të ketë kushtetutë. Kështu që mendoj se është vetëm një harxhim i energjive thjesht nga vendorët dhe një lutje e panevojshme ndaj ndërkombëtarëve.

RADIO EVROPA E LIRË
Kur mendoni se mund të fillojë një proces i tillë, procesi i ndryshimit të kornizës kushtetuese siç e përmendët?

HASHIM THAÇI
Mendoj se fillimisht duhet të binden ata që e kanë pranuar kornizën kushtetuese nga vendorët, sepse është i domosdoshëm ndryshimi i kornizës dhe bërja e Kosovës me kushtetutë. Duhet ta kuptojnë se kanë gabuar rëndë kur e kanë aprovuar këtë kornizë kushtetuese dhe vlerësoj se edhe komuniteti ndërkombëtar duhet ta kuptojë realitetin në rritje në Kosovë dhe faktin që Kosova nuk mund të ketë progres me korniza ligjore, por mund të ketë progres me kushtetutë, siç kanë të gjitha vendet e tjera në rajon, por natyrisht të kemi një kushtetutë që është në përputhje të plotë me standardet ndërkombëtare.

RADIO EVROPA E LIRË
Lidhur me këtë çështje, administrata ndërkombëtare në Kosovë thotë se për të hapur çështjen e statusit përfundimtar të Kosovës duhet të arrihen standardet e përcaktuara. Si e shihni ju çështjen e kësaj strategjie duke patur parasysh se ka politikanë dhe analistë që preferojnë një proces paralel të standardeve me statusin?

HASHIM THAÇI
Unë që në fillim kam qenë në favor të procesit "Standardet me statusin", në mënyrë që të kemi një proces progresiv paralel të realizimit të standardeve perëndimore në Kosovë, por edhe përshpejtimit të zgjidhjes së statusit politik të Kosovës. Unë vlerësoj se është me mjaft rëndësi që të kemi një afatizim kohor për zgjidhjen e statusit politik, por ndërkohë të vazhdohet me këmbënguljen më të madhe institucionale vendore dhe ndërkombëtare, për plotësimin e standardeve të domosdoshme për integrimin e Kosovës në strukturat euro-atllantike. Ne të gjithë jemi të përcaktuar për realizimin e standardeve dhe vlerësoj se këto standarde në Kosovë, veç po zbatohen në një nivel më të lartë sesa në disa vende të tjera të rajonit që janë të pavarura. Por statusi i Kosovës të jemi të bindur se është duke u përcaktuar çdo ditë e më tepër dhe çdo plotësim i standardeve perëndimore është duke e afruar Kosovën më afër pavarësisë.

RADIO EVROPA E LIRË
Thatë se statusi i Kosovës po përcaktohet çdo ditë e më tepër. Kur mendoni se do të fillojë procesi i përcaktimit të statusit final të Kosovës dhe kush do ta përcaktojë atë?

HASHIM THAÇI
Thashë se statusi i Kosovës po përcaktohet çdo ditë e më tepër. Statusi i Kosovës do të përcaktohet qartë në kohën e duhur, në përputhje të plotë me përcaktimin e qytetarëve të Kosovës për pavarësi të vendit me mbështetjen e komunitetit ndërkombëtar.

Intervistoi Fatmir Bujupi

fadil · 28-01-08, 17:23

THAÇI: "KOSOVA DUHET BËRË ME KUSHTETUTË"

Hashim Thaçi, kryetar i Partisë Demokratike të Kosovës

RADIO EVROPA E LIRË
Zoti Thaçi, sot një javë u mbajt takimi i Vjenës, në të cilin Prishtina dhe Beogradi biseduan për çështje teknike. Për dallim nga periudha para bisedimeve, aktualisht duket sikur këto bisedime nuk po përmenden shumë. Cili është vlerësimi juaj për to?

HASHIM THAÇI
Ai takim i takon së kaluarës së afërt dhe natyrisht njerëzit sikur po vetëdijësohen që të merren dhe të punojnë më tepër për të ardhmen. Kështu që takimi i Vjenës e ka rëndësinë e vet të simbolikës së një takimi të autoriteteve të Beogradit dhe dy kosovarëve nga Prishtina me ndërmjetësimin ndërkombëtar. Vlerësoj se do të ketë një veprim dhe më të përgjegjshëm të të gjithë faktorit të Prishtinës, Beogradit por edhe të komunitetit ndërkombëtar në avancimin e proceseve të dialogimit dhe procesit më të lartë në këtë çështje mjaft të rëndësishme dhe të domosdoshme për të gjithë popujt dhe vendet e rajonit.

RADIO EVROPA E LIRË
Është folur shumë për mundësinë e një krize qeveritare në Kosovë, pikërisht për shkak të situatës së krijuar para takimit të Vjenës. Aktualisht cilat janë marrëdhëniet ndërmjet partnerëve të koalicionit qeveritar në Kosovë?

HASHIM THAÇI
Në Kosovë nuk ka krizë institucionale, ka keqpërdorim të institucioneve nga individë. Raportet e përbërësve të bashkëqeverisjes janë raporte konstruktive, raporte pozitive të punës vetëm për të mirën e qytetarit dhe vendit, janë raporte të thellimit të bashkëpunimit me komunitetin ndërkombëtar dhe ndërtimit të orientimeve programore të përbashkëta të spektrit të gjerë politik dhe institucional kosovar.

RADIO EVROPA E LIRË
Politikanët kosovarë po kërkojnë transferimin e më shumë kompetencave nga administrata e UNMIK-ut në institucionet kosovare. Në këtë aspekt si e vlerësoni ju rrjedhën e deritanishme të procesit të transferit?

HASHIM THAÇI
Unë vazhdoj të besoj se për këtë çështje më tepër po bëhet zhurmë, sesa është një realitet bartja e kompetencave nga ndërkombëtarët tek vendorët. E kam theksuar dhe e ritheksoj edhe sot: mund të ketë dialog, mund të ketë bisedime mes vendorëve dhe ndërkombëtarëve për kompetenca dhe disa ministri, por bindja ime është se nuk do të ketë bartje të kompetencave dhe as ministri të tjera për vendorët, pa filluar ndryshimi i kornizës kushtetuese të Kosovës, në mënyrë që Kosova të ketë kushtetutë. Kështu që mendoj se është vetëm një harxhim i energjive thjesht nga vendorët dhe një lutje e panevojshme ndaj ndërkombëtarëve.

RADIO EVROPA E LIRË
Kur mendoni se mund të fillojë një proces i tillë, procesi i ndryshimit të kornizës kushtetuese siç e përmendët?

HASHIM THAÇI
Mendoj se fillimisht duhet të binden ata që e kanë pranuar kornizën kushtetuese nga vendorët, sepse është i domosdoshëm ndryshimi i kornizës dhe bërja e Kosovës me kushtetutë. Duhet ta kuptojnë se kanë gabuar rëndë kur e kanë aprovuar këtë kornizë kushtetuese dhe vlerësoj se edhe komuniteti ndërkombëtar duhet ta kuptojë realitetin në rritje në Kosovë dhe faktin që Kosova nuk mund të ketë progres me korniza ligjore, por mund të ketë progres me kushtetutë, siç kanë të gjitha vendet e tjera në rajon, por natyrisht të kemi një kushtetutë që është në përputhje të plotë me standardet ndërkombëtare.

RADIO EVROPA E LIRË
Lidhur me këtë çështje, administrata ndërkombëtare në Kosovë thotë se për të hapur çështjen e statusit përfundimtar të Kosovës duhet të arrihen standardet e përcaktuara. Si e shihni ju çështjen e kësaj strategjie duke patur parasysh se ka politikanë dhe analistë që preferojnë një proces paralel të standardeve me statusin?

HASHIM THAÇI
Unë që në fillim kam qenë në favor të procesit "Standardet me statusin", në mënyrë që të kemi një proces progresiv paralel të realizimit të standardeve perëndimore në Kosovë, por edhe përshpejtimit të zgjidhjes së statusit politik të Kosovës. Unë vlerësoj se është me mjaft rëndësi që të kemi një afatizim kohor për zgjidhjen e statusit politik, por ndërkohë të vazhdohet me këmbënguljen më të madhe institucionale vendore dhe ndërkombëtare, për plotësimin e standardeve të domosdoshme për integrimin e Kosovës në strukturat euro-atllantike. Ne të gjithë jemi të përcaktuar për realizimin e standardeve dhe vlerësoj se këto standarde në Kosovë, veç po zbatohen në një nivel më të lartë sesa në disa vende të tjera të rajonit që janë të pavarura. Por statusi i Kosovës të jemi të bindur se është duke u përcaktuar çdo ditë e më tepër dhe çdo plotësim i standardeve perëndimore është duke e afruar Kosovën më afër pavarësisë.

RADIO EVROPA E LIRË
Thatë se statusi i Kosovës po përcaktohet çdo ditë e më tepër. Kur mendoni se do të fillojë procesi i përcaktimit të statusit final të Kosovës dhe kush do ta përcaktojë atë?

HASHIM THAÇI
Thashë se statusi i Kosovës po përcaktohet çdo ditë e më tepër. Statusi i Kosovës do të përcaktohet qartë në kohën e duhur, në përputhje të plotë me përcaktimin e qytetarëve të Kosovës për pavarësi të vendit me mbështetjen e komunitetit ndërkombëtar.

Intervistoi Fatmir Bujupi

fadil · 28-01-08, 17:24

HASHIM THAÇI: BESOJ SE KY PROPOZIM PËR MORATORIUM DO TË PËRKRAHET EDHE NGA KOMUNITETI NDËRKOMBËTAR

Intervistë me Hashim Thaçin, kryetar i PDK-së

RADIO EVROPA E LIRË
Zoti Thaçi, kohët e fundit ju jeni deklaruar pro një moratoriumi për statusin politik të Kosovës. A do të mund ta elaboronit pak më gjerësisht këtë tezë tuajën?

HASHIM THAÇI
Po, ne duhet të jemi realistë për zhvillimet që po kalojmë në Kosovë, për procesin politik dhe funksionimin e institucioneve të vendit, për përfaqësimin e të gjitha komuniteteve dhe bazës së gjerë politike një kuadër të institucioneve dhe rrethanave çfarë janë krijuar në Kosovë, pastaj për dokumentat ndërkombëtare mbi të cilat funksionojnë këto institucione, por edhe për raportet me bashkësinë ndërkombëtare dhe raportet me Serbinë. Në fakt, ne tash kemi opinionin e Prishtinës, i cili është i palëkundur sa i përket pavarësisë së Kosovës dhe kemi opinionin e Beogradit që është i palëkundur për rikthimin e sovranitetit të Serbisë mbi Kosovën. Për komunitetin ndërkombëtar këto dy opinione diametralisht të kundërta njëri me tjetrin janë të paparanueshme për momentin – edhe pavarësia e Kosovës, edhe njohja e sovranitetit serb mbi Kosovën. Kështu, mendoj se është momenti i duhur dhe besoj se ky propozim dhe kjo ide do të përkrahet edhe nga komuniteti ndërkombëtar, në mnëyrë që të arrtihet një moratorium statusor për periudhë të caktuar kohore ndërmjet Prishtinës dhe Beogradit me ndërmjetësimin ndërkombëtar. Sinjalet e para pozitive, tashmë i kemi marrë nga qendrat e politikës ndërkombëtare, edhe nga Nju Jorku, por edhe nga Brukseli. Më vjen mirë, gjithashtu që këtë propozim timin dhe të PDK-së, po e mbështesin edhe komunitetet e tjera joshqiptare.

RADIO EVROPA E LIRË
Zoti Thaçi, ndërkohë, institucionet e Kosovës kanë thënë se mosdefinimi i statusit politik të Kosovës po i frenon disa procese. A mund ta shpjegoni se si do të shkojnë paralelisht edhe moratoriumi, edhe çuarja përpara e proceseve. Në fakt si do të zhvillohen proceset gjatë kësaj kohe?

HASHIM THAÇI
Po, sa u përket kompetencave dhe përgjegjësive, autoritetet e Prishtinës, institucionet e Kosovës i kanë të përcaktuara përgjegjësitë qartë, në përputhje me dokumentat bazë të funksionimit të institucioneve të Kosovës, në nivel qendror dhe lokal. Mirëpo, këtu shtrohet çështja e diskutimit nbdërmjet institucioneve vendore dhe atyre ndërkombëtare për transferin e kompetencave që janë në të drejtën e rezervuar të kryeadministratorit. Mirëpo, kjo është një çështje e ndieshme dhe për momentin e paparnueshme për administratën ndërkombëtare. Kështu, ne duhet t’i kryejmë obligimet që i kemi, kompetencat që i posedojmë e që ende nuk i implementojmë, mirëpo edhe në disa mekanizma ku kemi përgjegjësi të plota, ka dukuri të ndryshme negative, që po krijojnë një imazh jo të mirë për Kosovën dhe për bartësit e këtyre institucioneve e në veçanti në aspektin e shëndetësisë, por edhe në arsim. Mirëpo, jam i bindur se me një debat të brendshëm dhe intensiv ndërmjet vendorëve dhe ndërkombëtarëve, procesi i bartjes së kompetencave dhe rritjes së përgjegjësive për kosovarët do të jetë në nivel të duhur në përputhje me orientimet topna dhe natyrisht kjo do të hapë perspektivë edhe për zgjidhjen përfundimtare të statusit politik. Por, implementimi i standardeve perëndimore dhe i statusit politik janë të lidhura me njëra-tjetrën dhe unë jam në favor që të kemi një moratorium statusor ndërmjet Kosovës dhe Beogradit me ndërmjetësim ndërkombëtar, në mënyrë që të kemi një integrim si entitete të ndara në strukturat evropiane dhe vertiatlantike dhe më pas të ketë një njohje të statuseve mes Prishtinës dhe Beogradit.

RADIO EVROPA E LIRË
Zoti Thaçi ju përmendët bartjen e kompetencave dhe nesër praktikisht ky proces duhet të fillojë. Ndërkohë, ky proces kundërshtohet ashpër nga serbët e Kosovës dhe nga Beogradi zyrtar. Madje ka pasur kërcënime të ndryshme edhe me luftë në rast të pavarësimit të Ksoovës, pastaj formim të ushtrisë serbe etj. Si i komentoni ju gjithë këto procese?

HASHIM THAÇI
Lufta ka përfunduar në Kosovë. Formimi i ushtrive është jo i ligjshëm. Ata njerëz që bëjnë gjëra të tilla, që pretendojnë të ndërtojnë mekanizma jashtinstitucionale duhet të ndeshen me ligjin dhe besoj se kjo do të ndodhë, por në institucionet e Kosovës janë të përfshira të gjitha grupimet politike të të gjitha komuniteteve që jetojnë në Kosovë dhe këto përgjegjësi barten tek institucionet e Kosovës dhe jo vetëm për shqiptarët, prandaj edhe serbët edhe minoritarët e tjerë joshqiptarë janë të integruar në institucione dhe kjo është në përputhshmëri me orientimet e institucioneve të Kosovës për interesat e qytetarëve të Kosovës dhe ngadhënjimit të demokracisë qytetare në vend.
Intervistoi: Rrahman Paçarizi

fadil · 28-01-08, 17:24

HASHIM THAÇI: PËR KOSOVËN DO TË VENDOS PRISHTINA DHE NDËRKOMBËTARËT

Intervistë me Hashim THAÇIN, kyetar i Partisë Demokratike të Kosovës

RADIO EVROPA E LIRË
Zoti Thaçi, kryeministri i Serbisë, Gjingjiq ka thënë së fundi se Kosova po e ndërton një shtet të pavarur dhe ka kërkuar pengimin e pavarësimit të Kosovës përmes fillimit të menjëhershëm të bisedimeve. Në të vërtetë, si i vlerësoni ju këto qëndrime të kryeministrit Gjingjiq?

HASHIM THAÇI
Angazhimet e spektrit politik, të institucioneve të Kosovës, por edhe të faktorit ndërkombëtar që është i instaluar në Kosovë janë në drejtim të ndërtimit të institucioneve dhe të shoqërisë demokratike dhe ndërtimit të një vendi me të vërtetë me elemente dhe standarde perëndimore dhe këto angazhime do të vazhdojnë edhe në të ardhmen, do ta thellojmë këtë bashkëpunim me ndërkombëtarët. Por, në kuadër të kësaj do t’i kushtojmë jë rëndësi të veçantë edhe bashkëpunimit me fqinjët, ndërtimit të raporteve të fqinjësisë së mirë dhe ndërtimit të realiteteve demokratike në rajon, si parakusht për integrim në strukturat politike dhe ekonomike evropiane dhe në kuadër të kësaj, mendoj se përcaktimi i qytetarëve të Kosovës për statusin politik është i qartë – pavarësia e Kosovës. Por, në të njëjtën kohë, jemi duke punuar shumë seriozisht për demokratizimin e plotë të vendit dhe të shoqërisë kosovare, kështu që ky përcaktim i kosovarëve dhe ndërkombëtarëve nuk duhet ta pengojë askë dhe nuk është në të keqen e askujt.

RADIO EVROPA E LIRË
Por, a mendoni ju zoti Thaçi se fillimi i menjëhershëm i bisedimeve do ta pengonte pavarësimin e Kosovës, siç ka thënë zoti Gjingjiq?

HASHIM THAÇI
Shtrohet pyetja se për çka duhet biseduar, me kë duhet biseduar dhe cila është adresa për të bsieduar kosovarët. Mendoj se kosovarët duhet të bisedojnë seriozisht rrteth harmonizimit të prioriteteve të përbashkëta vendore me ato ndërkombëtare në Kosovë dhe rajon dhe në kuadër të kësaj edhe të ndërtimit të raporteve konstruktive me fqinjët. Por, ne duhet të ndërtojmë realitetin e shtetësisë së Kosovës, pastaj që edhe bota të njohë këtë realitet.

RADIO EVROPA E LIRË
Në këtë kaudër cili, sipas jush, do të ishte modeli për t’i hyrë përcaktimit të statusit përfundimtar të Kosovës?

HASHIM THAÇI
Po, ka shumë mundësi për të realizuar pavarësinë e Kosovës, por unë mendoj se duhet patjetër që ne t’i kryejmë obligimet tona si vendorë, të bindim botën se pavarësia e Kosovës është në të mirën e regjionit, në të mirë të angazhimit të perëndimit në rajon dhe natyrisht edhe në të mirë të fqinjëve. Duhet të garantojmë se në Kosovë do të jenë të lirë dhe do të gëzojnë të drejta të barabarta të gjithë qytetarët e vendit, të ndërtojmë një shtet të pavarur, të lirë dhe demokratik për të gjithë qytetarët dhe të ngadhënjejë demokracia qytetare. Kështu, që ne duhet të ndërtojmë realitetin demokratik dhe bota të njohë këtë realitet, por çështja e statusit politik duyhet kuptuar se nuk vetëm çështje e kosovarëve, por edhe e ndërkombëtarëve, ashtu si edhe standardet që janë çështje të ndërkombëtarëve, por edhe prioritete tonat. Pra, procesi është i ndërlidhur ndërlidhur ndërmjet faktorëve vendorë dhe atyre ndërkombëtarë, duke mos i përjashtuar as fqinjët, por për Kosovën do të vendosë Prishtina dhe ndërkombëtarët.

RADIO EVROPA E LIRË
Zoti Thaçi, kryeadministratori Steiner pati përcaktuar disa standarde që duhen përmbushur. Në mesin e këtyre është edhe kthimi i serbëve të zhvendosur, që është përcaktuar si prioritet për këtë vit. Çfarë në të vërtetë mund të bëjnë liderët shqiptarë në këtë kuptim?

HASHIM THAÇI
Standardet e përcaktuara nga shefi i UNMIK-ut nuk janë vetëm standarde të tij, por janë tandarde dhe kritere që kanë përcaktuar edhe liderët kosovarë dhe shoqëria t’i realizojnë në praktikë dhe mendoj se janë bërë hapa të mirë në drejtim të implementimit të këtyre çështjeve. Ka hapësirë për punë, kemi edhe përgjegjësi për një debat të hapur mes institucioneve vendore dhe administratës ndërkombëtare për të gjitha çështjet e diskutuara që kohët e fundit kanë marrë edhe një kah të kundërthënieve ndërmjet ndërkombëtarëve dhe vendorëve, jo se kosovarët nuk duan të implementojnë standardet, por dëshirojnë të diskutojnë për këto standarde, në mënyrë që të kemi një periudhë kohore të implementimit të tyre dhe të hapet perspektiva e zgjidhjes së statusit politik të Kosovës. Kështu, një prej çështjeve më të rëndësishme në të cilën jemi angazhuar edhe konkretisht ne si liderë kosovarë, ka qenë që të parapërgatitet terreni dhe të merret përgjegjësia edhe nga ana kosovare për kthimin e refugjatëve, që janë të zhvendosur jashtë Kosovës të të gjitha komuniteteve dhe PDK ka dalë me propozimin që Parlamenti i Kosovës të nxjerrë rezolutën për kthimin, që është bërë nga Parlamenti. Mendoj se tashmë ky proces është kosovarizuar dhe ka fituar edhe mbështetjen e ndërkombëtarëve, por mendoj se edhe Beogradi duhet të luajë rol më konstruktiv, sepse nuk është as në interesin e Beogradit që të pengojë kthimin e të zhvendosurve në Kosovë dhe pastaj të manipulojë me çështjen e të zhvendosurve.

RADIO EVROPA E LIRË
Një nga standardet zoti Thaçi është edhe çështja e sigurisë. Cili është qëndrimi juaj për situatën e sigurisë. Si e vlerësoni atë dhe raportet ndërmjet institucioneve të Kosovës dhe pranisë ndërkombëtare?

HASHIM THAÇI
Mendoj se raportet ndërmjet institucioneve vendore dhe atyre ndërkombëtare janë të mira, por mund të jenë më efikase në implementimin e prioriteteve tona të përbashkëta. Ndërsa, sa i përket sigurisë, ajo është më e mirë. Kanë ndodhur incidente kohët e fundit, të cilat kanë qenë të diksutueshme nga opinioni, por sido që të jet ne duhet t’u besojmë organeve të hetuesisë, organeve të drejtësisë dhe asnjë politikan apo bartës i institucionit të paragjykojë incidentet që ndodhin në Kosovë. Këto incidente janë të dënuara nga të gjithë ne, mirëpo ne nuk kemi argumente se këto incidente janë të motivuara politikisht, por kemi argumente se këto incidente nga individë të ndryshëm janë instrumentalizuar për të fituar poena politikë.

RADIO EVROPA E LIRË
Në anën tjetër zoti Thaçi, institucionet e Kosovës vazhdimisht janë ankuar për mungesë kompetencash. A kanë institucionet e Kosovës kompetenca të mjaftueshme apo si duhet t’i fitojnë ato?

HASHIM THAÇI
Unë besoj se në këtë fillimviti do të ndodhë një bartje graduale e kompetencave nga UNMIK-u tek autoritetet vendore dhe besoj se në këtë dhjetëditësh do të kemi zhvillime aktive në drejtim të zhvillimit të një debati transparent ndërmjet vendorëve dhe ndërkombëtarëve, në mënyrë që t’i diskutojmë standardet, harmonizimin dhe implementimin sa më të shpejtë të standardeve dhe bartjen e kompetencave te vendorët. Por, në të njëjtën kohë ne duhet të jemi vetëkritikë sa u përket disa angazhimeve të vendorëve dhe institucioneve vendore, në çështje të caktuara institucionale. Vazhdimisht kërkojmë kompetenca dhe është mirë që kërkojmë, pasi jemi të gatshëm t’i implementojmë, por në të njëjtën kohë duhet të jemi edhe të vetëpërgjegjshëm për angazhimet që i bëjmë në kuadër të institucioneve vendore, ta zëmë ne kemi kompetenca të plota të shëndetësi apo arsim, por është e vërtetë se reformat as që kanë filluar në shëndetësi dhe arsim.
Intervistoi: Rrahman Paçarizi

fadil · 28-01-08, 17:26

THAÇI: PAVARËSIA E KOSOVËS NËNKUPTON RAJON DEMOKRATIK

Hashim THAÇI, kryetar i Partisë Demokratike të Kosovës

Evropa e Lirë
Zoti Thaçi jemi në përmbyllje të vitit të parë gjatë të cilit Kosova ka funksionuar në raporte të reja pozitë-opozitë. Si e vlerësoni këtë vit nga këndvështrimi i partisë më të madhe opozitare?

Hashim Thaçi
Ndërtimi i raporteve të reja në Kosovë, i raporteve demokratike pozitë-opozitë është diçka e re, është një frymë e dhe filozofi e re politike dhe institucionale e mund të them edhe vlerë demokratike. Mendoj se këto raporte vetëm sa janë duke u qartësuar dhe zhvilluar dhe viti 2005 mund të them lirisht se ishte viti edhe i rëndësishëm, por edhe vendimtar për fillimin e zgjidhjes së statusit politik. U vlerësuan standardet kënaqshëm në raportin e zotit Kai Eide që është një investim i gjithë spektrit politik kosovar dhe i qytetarëve dhe në anën tjetër, siç e dimë edhe u hap çështje a negociimit për mënyrën e bërjes së shtetit të Kosovës ndërmjet autoriteteve kosovare dhe atyre ndërkombëtare, që do të thotë se ky është viti i vlerësimit të standardeve, i ndërtimit të raporteve të reja në Kosovë, është viti i stabilitetit dhe sigurisë, por i hapjes së perspektivës për bërjen e shtetit të pavarur dhe sovran të Kosovës.

Evropa e Lirë
Pas daljes në opozitë keni formuar kabinetin e qeverisjes së mirë që është cilësuar si një qeveri në hije. Çfarë mund të thuhet se keni arritur përmes këtij mekanizmi?

Hashim Thaçi
Partia Demokratike e Kosovës tash e një vit është në opozitë. Të qenit në opozitë është një përgjegjësi shumë e madhe – kërkon angazhim, përkushtim, por edhe një filozofi shumë më integruese sesa të qenit në pozitë, por sido që të jetë PDK e ka gjetur veten shpejt, është konsoliduar në mënyrë të shkëlqyeshme, ka krijuar atmosferën pozitive në punë dhe anën tjetër ka luajtur rol të rëndësishëm në integrimin e personaliteteve të rëndësishme nga bota civile në PDK, për të fuqizuar vizionin e PDK dhe qytetarëve të Kosovës për pavarësinë e plotë. Në aën tjetër PDK ka luajtur rolin e saj të rëndësishëm për të krijuar realitete të reja politike – ka formuar Kabinetin e Qeverisjes së Mirë, që t’u përgjigjet edhe më mirë ballafaqimeve me sfidat nëpër të cilat kemi kaluar, po kalojmë dhe që të përgatitemi si PDK thjesht për t’u ballafaquar me situata të reja, por në anën tjetër Kabineti i Qeverisjes së Mirë ka luajtur rolin e vet, mund të them krucial, në prezantimin e platformave, ideve dhe alternativave në raport me qeverisjen e keqe aktuale të koalicionit aktual.

Evropa e Lirë
Ju si kryetar i partisë jeni pjesë e ekipit negociues që kryesohet nga presidenti i Kosovës Ibrahim Rugova. Si e vlerësoni punën e deritashme të këtij grupi?

Hashim Thaçi
Delegacioni i Kosovës është në fazën fillestare të punë së vet. Ka kryer ato obligime që ka pasur mundësi t’i kryejë për periudhën e shkurtër kohore, por me rëndësi është që ka zhvilluar debat interesant dhe pozitiv nga liderë të ndryshëm të partive të ndryshme, por mbi të gjitha më e rëndësishmja dhe më pozitivja është se delegacioni i Kosovës në raport ndërkombëtarët është treguar vazhdimisht unik dhe ka dorëzuar dokumente të përbashkëta edhe zotit Ahtisari edhe zotit Rohan, por edhe Grupit të Kontaktit dokumentin për shtetin e pavarur dhe sovran të Kosovës dhe më vjen mirë që në dokumentin final të delegacionit të Kosovës është përfshirë shumica e pikave të vizionit të PDK-së për shtetin e pavarur, sovran dhe demokratik.

Evropa e Lirë
Zoti Thaçi fillimisht ka pasur mospajtime brenda këtij ekipi, e më pas një mbyllje të punës së tij për opinionin. A janë tejkaluar tashmë këto probleme dhe a mund të flitet për një grup unik?

Hashim Thaçi
Ne nuk jemi të përkryer por kemi bërë punën më të mirë të mundshme. Unë nuk jam pjesë e mospajtimeve brenda grupit negociator – kam investuar për kultivimin dhe ruajtjen e kohezivitetit brenda këtij ekipi negociator, por duhen kuptuar edhe dallimet përbrenda grupit negociator që janë dallime në kuptimin e gjetjes së mënyrës më të mirë të kryerjes së obligimeve që kemi ndaj qytetarëve të vendit, por mund të theksoj se ky grup tashmë është konsoliduar dhe punon mirë.

Evropa e Lirë
Keni pasur takime me kryenegociatorin Ahtisari dhe me zëvendësin e tij Rohan. Cila është ideja që keni mundur të krijoni lidhur me projeksionin ndërkombëtar për të ardhmen e Kosovës?

Hashim Thaçi
Tash për tash mund të them se edhe zoti Ahtisari, edhe zoti Rohan, por edhe Grupi i Kontaktit janë fazën fillestare të marrjes së opinioneve edhe në Prishtinë edhe në Beograd për statusin e ardhshëm të Kosovës, opinione që do të prezantohen dhe janë prezantuar nga zoti Ahtisari edhe në Bruksel, por edhe Nju Jork e Uashington. Unë pres që janari i vitit 2006 të jetë fillimi më dinamik i punës së ndërkombëtarëve për të përshpejtuar procesin e zgjidhjes së statusit politik të Kosovës. Me rëndësi është që Prishtina është shumë e qartë në qëndrimin e vet për të ardhmen e statusit të saj politik dhe ky qartësim rrjedh edhe nga rezoluta e Parlamentit të Kosovës për rikonfirmimin e vullnetit të popullit të Kosovës për shtetin e pavarur dhe sovran. Kjo rezolutë është edhe baza politike, juridike për ekipin negociator dhe unë besoj se ndërkombëtarët tashmë janë duke e kuptuar gjithnjë e më tepër se e vetmja zgjidhje e cila siguron paqe, stabilitet, zhvillim ekonomik, mirëqenie sociale dhe integrim të Kosovës në strukturat euroatlantike dhe ato të BE-së është shteti i pavarur. Çdo tentim për zgjidhje tjetër nënkupton thjesht vazhdim të problemeve në Kosovë, por edhe në rajon. Në anën tjetër është shumë inkurajues qëndrimi për zgjidhjen e statusit politik i vendeve fqinje, sidomos nga Shqipëria, Maqedonia dhe Mali i Zi dhe e theksoj, zgjidhja e drejtë e statusit politik të Kosovës- shtet i pavarur, është edhe në interes të investimeve të SHBA dhe Bashkimit Evropian. Pavarësia e Kosovës nënkupton rajon demokratik.

Evropa e Lirë
Zoti Thaçi, si e shihni ju formatin e marrëveshjes, domethënë si do të ndodh përfundimi i procesit- duke qene të dyja palët përballë, me imponim ndërkombëtar apo në ç’formë?

Hashim Thaçi
Takimet e njerëzve të mirë për interesa të përbashkëta do të ndodhin edhe ndërmjet Prishtinës dhe të gjitha vendeve fqinje, për të shqyrtuar mundësitë më të mira të bashkëpunimit, por unë mendoj se pas marrjes së opinioneve dhe intensifikimit të procesit të ndërkombëtarëve në raport me Prishtinën he Beogradin, komuniteti ndërkombëtar do të nxjerrë vendimin e drejtë, më të drejtë të mundshëm për statusin politik të Kosovës.

Intervistoi: Rrahman PAÇARIZI

fadil · 28-01-08, 17:27

THAÇI:"KOSOVARËT TË PËRGATITUR PËR SHTET TË PAVARUR DHE SOVRAN"

Hashim THAÇI, kryetar i Partisë Demokratike të Kosovës

RADIO EVROPA E LIRË
Zoti Thaçi, prania e gjeneralit Pashkash në ceremonialin e ndrrimit të komandës së KFOR-it ka shkaktuar reagime të shumta në Kosovë. Si e shihni këtë zhvillim?

HASHIM THAÇI
Është diçka e re, e papritur, krejt e panevojshme dhe rrjedhimisht edhe reagimet e qytetarëve të Kosovës janë shumë të arsyeshme. Realiteti i ri i Kosovës në procesin e ndërtimit të shtetit dhe prezenca e uniformes serbe në Kosovë nuk shkojnë bashkë. Kosova ka uniformen e vetë ushtarake, sepse e ka TMK-në. Prandaj ishte një provokim krejtësisht i panevojshëm.

RADIO EVROPA E LIRË
Një nga temat më të nxehta me të cilat aktualisht ballafaqohet Kosova është çështja e decentralizimit. Ju keni qenë shumë kritikë ndaj projekteve që i ka ofruar qeveria e Kosovës. Si e shihni tash këtë çështje?

HASHIM THAÇI
Unë dhe Partia Demokratike e Kosovës nuk kemi qenë kritikë dhe kundër decentralizimit. Kemi qenë kundër pilot – projekteve që i ka prezantuar qeveria aktuale, sepse janë projekte dezintegruese, të motivuara në baza etnike dhe politike, që çojnë drejt krijimit të enklavave në Kosovë apo ndarjeve të brendshme teritoriale të Kosovës. Rrjedhimisht, nga fillimi kemi kërkuar që të nxirret ligji për reformimin e pushtetit lokal ose të arrihet një koncenzus ndërmjet spektrit politikë kosovar ose të organizohet një referendum për mënyrën e reformimit të pushtetit lokal. Pra në Kosovë duhet të bëhet decentralizimi, por ai duhet të jetë legal, i ligjshëm dhe jo i imponuar prej askujt. Ky proces kërkon seriozitet dhe përgjegjësi shumë më të lartë dhe mbi të gjitha një projekt që u ofronë shërbim qytetarëve dhe jo t'i ndaj qytetarët në baza etnike apo që krijon probleme politike në vend.

RADIO EVROPA E LIRË
Zoti Thaçi, disa prej zyrtarëve ndërkombëtarë kanë kërkuar nga udhëheqësit kosovarë që të bëjnë përgatitje më thelbësor për fillimin e bisedimeve për statusin. A është e përgatitur klasa politike në Kosovë për këto bisedime dhe nëse po, me kë dhe për çfarë do të bisedohet?

HASHIM THAÇI
Unë jam i bindur se 2 milionë shqiptarët e Kosovës janë të përgatitur për shtet të pavarur dhe sovran. Klasa politike e Kosovës është e përgatitur për të punuar për ndërtimin e shtetit të pavarur të Kosovës. Këto gjashtë vite kanë qenë vite të sprovës për demokratizimin e vendit. Tash kemi arritur në një fazë solide të zbatimit të kritereve demokratike, të domosdoshme për status dhe integrimin në strukturat evroatlantike. Do të ishte me interes që komuniteti ndërkombëtar të jetë shumë i përgatitur dhe i përgjegjshëm për njohjen e vullnetit të qytetarëve të Kosovës të shprehur më heret për shtet të pavarur e sovran dhe të integruar në strukturat e Bashkimit Evropian dhe ato evrotlantike.

RADIO EVROPA E LIRË
Një çështje që është ngritur nga zyrtarë ndërkombëtar është ajo e kompromisit rreth statusit, ndërkaq Grupi Ndërkombëtar i Krizave tash sa kohë ka rekomanduar pavarësi të kushtëzuar. Cila do të ishte përgjigja e Juaj?

HASHIM THAÇI
Për Kosovën është vetëm një zgjidhje dhe ajo është ndërtimi i shtetit të saj, ndërsa ne liderët politik jemi përgjegjës për rrespektimin e vullnetit të qytetarëve për pavarësi. Ne nuk mund të hedhim në treg të drejtën e qytetarëve tanë për kompromise të ndryshme dhe rrjedhimisht dëshiroj të ritheksoj se zgjidhja e drejtë dhe angazhimi i të gjithëve është për ndërtimin e Kosovës së pavarur dhe sovrane.

RADIO EVROPA E LIRË
Si e shihni rolin e bashkësisë ndërkombëtare pas definimit të statusit përfundimtar të Kosovës?

HASHIM THAÇI
Rolin e bashkësisë ndërkombëtare pas zgjidhjes së statusit politik të Kosovës e shoh si një rol monitorues, vëzhgues, këshillëdhënës dhe me ambasada në Kosovë. Por njëkohësisht duhet menduar edhe në drejtim të kundërt, përkatësisht se si do të jetë roli i Kosovës në mekanizmat ndërkombëtar. Duhet që tash të mendojmë seriozisht se çfarë do të jetë roli i institucioneve të Kosovës, përkatësisht Kosovës në Nju Jork, Uashington, Bruksel dhe kryeqendrat tjera perendimore. Ne duhet të fokusohemi te roli i ynë si shtet në mekanizmat ndërkombëtare.
Sidoçoftë, mendoj se do të kemi një rol këshillëdhënës të administratës civile, ndërsa një prezencë të theksuar të NATO-s.

RADIO EVROPA E LIRË
Forumi ka qenë dhe ka mbetur një nga çështjet rreth të cilit ende nuk ka koncenzus të plotë. Si e shihni Ju rolin dhe angazhimin e Forumit në këtë periudhë?

HASHIM THAÇI
Krijimi i Forumit politik të Kosovës ka qënë një organizim i vullnetshëm i lidershipit politik kosovar. Nuk ka qenë zgjidhja më e mirë, por ka qenë një zgjidhje optimale për aktualitetin nëpër të cilin po kalojmë dhe në prag të zgjidhjes së statusit politik të Kosovës. Rrjedhimisht, sërish ritheksoj përkushtimin e Partisë Demokratike të Kosovës që të luaj rolin e vetë konstruktiv në Forumin politik, sekretariatin e Forumit dhe në grupet punuese në mënyrë që si spektër politik i Kosovës bashkërisht të ecim drejt zgjidhjes së statusit përfundimtar të Kosovës.

Intervistoi: Melazim KOCI

fadil · 28-01-08, 17:28

THAÇI: KABINETI I QEVERISJES SË MIRË NUK ËSHTË KABINET PARALEL ME QEVERINË AKTUALE

Hashim Thaçi, kryetar i PDK-së

RADIO EVROPA E LIRË
Zoti Thaçi a mund të na thoni se cili është roli i kabinetit për qeverisje të mirë që e keni formuar në kuadër të Partisë Demokratike të Kosovës?

HASHIM THAÇI
Roli i kabinetit të qeverisjes së mirë do të jetë zbatimi i programit politik të PDK-së dhe në angazhimet e veta, kabineti i qeverisjes së mirë, si bazë ka vizionin për ndërtimin e shtetit të pavarur dhe sovran të Kosovës. Në të njëjtën kohë kabineti i qeverisjes së mirë përbëhet prej deputetëve më të mirë të Partisë Demokratike të Kosovës, prej ekspertëve të saj, prej njerëzve të botës akademike, shoqërisë civile dhe të biznesit kosovar. Pra kemi të bëjmë me një qeverisje të mirë nga njerëz të botës së politikës, të botës akademike, dhe ekspertëve të pavarur.

RADIO EVROPA E LIRË
Cili është qëllimi juaj konkret dhe cila do të jetë forma e veprimit?

HASHIM THAÇI
Qëllimi i PDK-së është formësimi i plotë i vizionit për ndërtimin e shtetit të pavarur dhe sovran, zbatimi i standardeve, ushtrimi i autoritetit për garantimin e funksionimit demokratik të institucioneve, respektimi i ligjit, lufta pa kompromis ndaj korrupsionit dhe krimit të organizuar, reformimi i pushtetit lokal, fillimi i zbatimit të kontratës kolektive, zhbllokimi i fondeve të privatizimit dhe përdorimi i tyre për zhvillimin e Kosovës, bashkëpunimi me vendet fqinje, por mbi të gjitha do të jetë fuqizimi i angazhimeve tona për ndërtimin e shtetit të pavarur të Kosovës dhe arritjen në nivel të duhur të mirëqënies sociale të qytetarëve të Kosovës.

RADIO EVROPA E LIRË
Cila do të jetë forma e veprimit në mënyrë që të realizohen këto qëllimet tuaja?

HASHIM THAÇI
Forma e veprimit të kabinetit të qeverisjes së mirë është duke u përcaktuar me rregullore të veçantë të punës. Do të ketë takime të rregullta javore, në të cilat do të marrin pjesë të gjithë drejtuesit e 14 departamenteve. Natyrisht secili do të ketë përgjegjësitë e veta të ndara. Do të kemi prezantim të ideve, objektivave dhe alternativave të reja për proceset aktuale politike dhe qeverisëse në Kosovë, në prezantimin e ideve më të mira dhe në zbatimin e tyre nga institucionet aktuale, brenda mundësive aty ku i kemi këto mundësi. Në të njëjtën kohë do të kemi edhe angazhimet tona në reagimet për eleminimin e dobësive, lëshimeve dhe deformimeve në kuadër të qeverisë aktuale, por edhe në veçanti të ngritjes së zërit për mosrespektimin e ligjit nga qeveria aktuale dhe thjesht lufta ndaj korrupsionit dhe krimit të organizuar, e natyrisht angazhime të tjera shtesë.

RADIO EVROPA E LIRË
Zoti Thaçi, në media, por edhe në qarqe të ndryshme ky mekanizëm është quajtur qoftë qeveri në hije, qoftë qeveri paralele. Cili është shpjegimi juaj?

HASHIM THAÇI
Partia Demokratike e Kosovës sot ka formuar kabinetin e qeverisjes së mirë, që do ta lerë në hije qeverinë aktuale me ide dhe projekte, ndërsa kabineti i qeverisjes së mirë nuk do të jetë kabinet paralel me qeverinë aktuale, por do të jetë kabinet i qeverisjes së mirë, që do të përballet me ide, projekte dhe sfida të reja përballë kabinetit të qeverisjes së keqe Kosumit.

RADIO EVROPA E LIRË
Si do të përballeni me qeverinë aktuale të Kosovës? Cila do të jetë fuqia juaj në raport me qeverinë?

HASHIM THAÇI
Kontaktet do të jenë në nivel të kabineteve qeveritare. Natyrisht ne do të shikojmë që të gjejmë të gjitha pikat e mundura të kontakteve, por edhe të bashkëpunimit që lidhen me interesat madhore të vendit dhe qytetarëve.

RADIO EVROPA E LIRË
Cilat pritni që të jenë efektet dhe pasojat e mundshme të kabinetit të qeverisjes së mirë në raport me rrjedhat politike në Kosovë?

HASHIM THAÇI
Fillimisht dua të theksoj se ky projekt i PDK-së është krejt diçka e re për Kosovën dhe për qytetarët e saj. Por besoj se qytetarët do ta kuptojnë drejt riorganizimin dhe natyrisht përshtatjen në rrethanat e reja demokratike me ide të reja. Kështu që ky projekt është duke u praktikuar për herë të parë në Kosovë dhe rajon, por është një projekt që është praktikuar në vendet perëndimore dhe në disa vende të tjera të Evropës Lindore që është treguar i suksesshëm. Është një projekt që do të sjellë rezultate dhe emancipim të jetës institucionale në Kosovë.

Intervistoi Rrahman Paçarizi

fadil · 28-01-08, 17:31

THAÇI: DINAMIZOHET PROCESI I DECENTRALIZIMIT

Hashim Thaçi, kryesues i delegacionit të Kosovës për bisedimet e Vjenës

RADIO EVROPA E LIRË
Zoti Thaçi, fillimisht delegacioni i Kosovës për bisedat lidhur me decentralizimin ka pësuar ndryshime, kryesori prej të cilëve është emërimi juaj në krye të delegacionit. Çka ka ndikuar për këto ndryshime?

HASHIM THAÇI
Unë mendoj se kjo është përgjegjësi të cilën ka vendosur për ta kryer si delegacion i Kosovës, një përgjegjësi që tregon se procesi është duke u futur në një dinamikë të re, me përgjegjësi të reja, me përkushtim më të lartë në raportin e Prishtinës me komunitetin ndërkombëtar. Kështu që unë vlerësoj se Prishtina është mjaft mirë e organizuar dhe unike në qëndrimet e veta për reformimin e pushtetit lokal kësaj radhe dhe, në kuadër të kësaj, hapjes së perspektivës për nxjerrjen e vendimit të drejtë nga komuniteti ndërkombëtar për shtetin e pavarur dhe sovran.

RADIO EVROPA E LIRË
Në cilësinë e udhëheqësit të delegacionit, si i vlerësoni përgatitjet që janë bërë?

HASHIM THAÇI
Unë sapo përfundova një takim me grupin politik strategjik dhe me ekspertë vendorë e ndërkombëtarë, ku morën pjesë edhe disa anëtarë të delegacionit të Kosovës. U dëgjuan vërejtjet dhe sugjerimet e fundit, të cilat do të respektohen dhe vendimi përfundimtar sa u përket qëndrimeve përfundimtare do të nxirret nesër në takimin e delegacionit të Kosovës. Por mund të them përsëri se jemi të përgjegjshëm, të organizuar mirë si spektër politik dhe profesional i Kosovës e mbi të gjithë ka një harmonizim të qëndrueshëm të qëndrimeve të delegacionit të Kosovës që do të prezantohen në takimin me ndërkombëtarët në Vjenë.

RADIO EVROPA E LIRË
Zoti Thaçi, çështjet që do të diskutohen në takimin e të premtes vlerësohen paksa më të ndjeshme sesa ato të takimit të parë. Cilat janë gjasat për një pajtueshmëri qëndrimesh të të dyja palëve?

HASHIM THAÇI
Qëndrimi i Prishtinës është i qartë. Ne kemi punuar dhe vazhdojmë të këmbëngulim që në Kosovë të ndodhë reformimi i pushtetit lokal sipas standardeve ndërkombëtare, një reformim i pushtetit lokal që do të nënkuptonte integrimin e minoritarëve dhe jo modelin e ndarjes, një reformim që si model do të nxirreshin elementet e Marrëveshjes së Ohrit, që do të thotë një reformim integrues, ku do të respektohet parimi qytetar dhe etnik, një reformim që do të nënkuptonte edhe ruajtjen e integritetit territorial të Kosovës, ndarjet jo të brendshme territoriale, apo pretendime për autonomi territoriale, por thjesht një integrim sipas standardeve më bashkëkohore perëndimore.

RADIO EVROPA E LIRË
Në letrën e zotit Rohan thuhet se do të diskutohet edhe për lidhjet ndërmjet komunave në Kosovë dhe për mekanizmat e lidhjeve komunale ose qendrore me jashtë Kosovës. Cili është qëndrimi i palës kosovare për këto lidhje?

HASHIM THAÇI
Këto janë opinione të ngritura, mirëpo në Kosovë do të ketë dy palë pushtete – pushteti qendror dhe ai lokal dhe kurrsesi një pushtet të tretë.

RADIO EVROPA E LIRË
A e rrezikojnë lidhjet e tilla tërësinë territoriale të Kosovës?

HASHIM THAÇI
Lidhjet e tilla nuk do të ndodhin. Në Kosovë nuk do të ketë pushtet të tretë, por pushtet qendror dhe pushtet lokal.

RADIO EVROPA E LIRË
Zoti Thaçi cili është qëndrimi juaj për çështjen e Mitrovicës, pasi ka zëra që thonë se ajo duhet të diskutohet në kuadër të bisedave për decentralizimin?

HASHIM THAÇI
Mitrovica është pjesë e Kosovës. Me zgjidhjen e statusit të Kosovës do të zgjidhet edhe çështja e Mitrovicës, ku do të kemi një prani të theksuar ndërkombëtare. Ne duhet të punojmë të gjithë që të kemi një administratë unike që do të dalë nga zgjedhjet e lira, një administratë që do ta ushtrojë autoritetin e vet në tërë territorin e Mitrovicës dhe Prishtina assesi nuk duhet të lejojë që puna e Mitrovicës të bëhet pjesë e negociatave me askënd. Mitrovica është pjesë e Kosovës dhe do të ruhet autoriteti dhe integriteti territorial i Kosovës.

RADIO EVROPA E LIRË
Dhe për fund zoti Thaçi a besoni se ky do të mund të jetë raundi i fundit i bisedimeve për decentralizimin dhe të shkohet në çështje të tjera, apo si e vlerësoni në përgjithësi ritmin e bisedave për statusin?

HASHIM THAÇI
Unë vlerësoj se ky takim nuk do të jetë as i fundit, por mund të jetë vazhdimësi e gjërave të mëhershme, por me një dinamizim më thelbësor. Sido që të jetë, unë jam optimist se Prishtina do të dalë mirë, do të ruajë bashkëpunimin me ndërkombëtarët, do të jetë konstruktive, korrekte dhe kreative me qëndrimet e veta.

Intervistoi: Rrahman Paçarizi

fadil · 28-01-08, 17:35

THAÇI: KONFERENCA NË NJU JORK PATI SUKSES TË PLOTË

Hashim THAÇI, kryetar i Partisë Demokratike të Kosovës

RADIO EVROPA E LIRË
Z, Thaçi, si i vlerësoni punimet e përgjithshme të konferencës për Kosovën në Nju Jork?

HASHIM THAÇI
Mendoj se konferenca ka pasur suksesin e plotë. Të gjitha autoritetet e qeverisë amerikane dhe personalitetet që i janë drejtuar konferencës, kanë theksuar se e vetmja zgjidhje për Kosovën dhe për statusin e saj është respektimi i vullnetit të popullit të Kosovës për Kosovën e pavarur, sovrane, me mbikqyrje të lehtë civile ndërkombëtare dhe prezencë të NATO-s. Një Kosovë si vend i të gjithë qytetarëve të Kosovës me të drejta të barabarta. Por, në anën tjetër, kemi edhe marrjen e përgjegjësisë nga politika kosovare për implementimin të projektit për Kosovën e pavarur dhe diskutimin e hapave strategjikë që do t'i ndërmarrim në 120 ditët e ardhshme pas nxjerrjes së rezolutës nga ana e Këshillit të Sigurimit.

RADIO EVROPA E LIRË
Ku është fokusuar më së shumti vëmendja e takimit?

HASHIM THAÇI
Fokusimi është në hapat e mëtutjeshëm që do të ndërmarrin institucionet dhe politike kosovare, në mënyrë që të kemi një fillim të ri, një epokë të re, një fazë të re të suksesit për implementimin e angazhimeve të përbashkëta, në veçanti për nxjerrjen e Kushtetutës së re të shtetit të Kosovës, për nxjerrjen e simboleve, nxjerrjen e legjislacionit të duhur, dhe natyrisht edhe për hapat e mëtutjeshëm për integrimin e minoritarëve në institucione, në veçanti të serbëve. Gjithashtu, edhe për zgjidhjen sa më të shpejtë të çështjes së Mitrovicës, në mënyrë që qyteti të integrohet, si dhe të krijohen kushtet që secili të ketë të drejtën për të jetuar në pronat dhe shtëpitë e tyre.

RADIO EVROPA E LIRË
Z. Thaçi, sa mendoni se Kosova do ta ketë mbështetjen e partnerëve perëndimorë, sidomos të Shteteve të Bashkuara në fazën e tranzicionit?

HASHIM THAÇI
Kosova është partneri më i qëndrueshëm i Shteteve të Bashkuara të Amerikës në rajon. Kosova ka mbështetjen e plotë të Uashingtonit edhe pas zgjidhjes së statusit. Mendoj se është një mbështetje e merituar dhe është një partneritet, i cili ka rezultuar me sukses. Kosova është një rrëfim i suksesshëm i ndërkombëtarëve. Edhe në takimin që e kishim me sekretarin e përgjithshëm të OKB, Ban Ki-Moon u theksua se do të punohet me këmbëngulje që rezoluta të nxirret sa më shpejt që është e mundur. Kështu, gradualisht po krijohet uniteti ndërkombëtar për nxjerrjen e rezolutës, me gjithë hezitimet që mund të paraqiten. Por, përsëri po them se partnerët tanë për shtetin e Kosovës janë duke punuar fuqishëm në mënyrë që të përmbyllet ky proces sa më shpejt që është e mundur, dhe pastaj edhe ne t'i ndërmarrim veprimet tona në Kosovën e bërë. Nxjerrjen e ligjit zgjedhor, organizimin sa më të suksesshëm të zgjedhjeve, në mënyrë që të kemi edhe qeverisje të re, lidership të ri dhe hapje të perspektivës së re për vendin dhe qytetarët.

RADIO EVROPA E LIRË
Po sa mendoni se është e gatshme apo e përgatitur vetë Kosova që të përballet me 120 ditët e para pas përcaktimit të statusit?

HASHIM THAÇI
Nuk duhet pritur mrekulli në 120 ditëshin e ardhshëm. Mendoj se Kosova ka qenë e gatshme për pavarësi qysh në qershor të vitit 1999. Tash ajo është e gatshme, është unike dhe është e përgatitur për t'i marrë përgjegjësitë që i takojnë. Ne kemi kaluar një tranzicion 7-vjeçar të ballafaqimit me implementimin e standardeve demokratike. Mendoj dhe mund të them lirisht se Kosova është e përgatitur për shtet dhe për të funksionuar si shtet.

Intervistoi Vullnet POSHKA

fadil · 28-01-08, 17:37

Thaçi: Kosova e pavarur do të jetë vendi i të gjithë qytetarëve të sajLaura Konda
Zëri i Amerikës
10-01-2008

Cilat do të jenë disa nga sfidat kryesore me të cilat do të përballet qeveria e re e Kosovës, në kushtet kur vendi pritet të shpallë pavarësinë dhe si do të përpiqet ajo t'i realizojë ato? Për të biseduar për disa nga këto çështje, Zëri i Amerikës kishte të ftuar për një bisedë telefonike në programin televiziv “Ditari” kryeministrin e ri të Kosovës, Hashim Thaçi.
Zëri i Amerikës: Zoti Thaçi mirëmbrëma. Ju uroj për zgjedhjen tuaj në postin e Kryeministrit.
Hashim Thaçi: Ju faleminderit.
Zëri i Amerikës: Zoti Thaçi ju jeni shprehur se pavarësia e Kosovës do të jetë përparësia e qeverisë suaj dhe keni thënë gjithashtu se do ta shpallni pavarësinë në bashkërendim me SHBA-në dhe BE-në. Kur pritet të ndodhë kjo?
Hashim Thaçi: Pavarësia e Kosovës, jo vetëm që do të jetë përparësia dhe fokusimi kryesor i qeverisë së Kosovës, por ajo do të jetë vetë jeta e qytetarëve të Kosovës, e ardhmja e tyre, përkushtimi i të gjitha institucioneve tona, përkushtimi i të gjithë spektrit politik e i gjithë qytetarëve të Kosovës, në periudha të ndryshme historike. Tani Kosovën e kemi përgatitur edhe për zyrtarizim të këtij realiteti të ndërtuar në qershor të vitit 1999, institucionet e Kosovës janë të përgatitura dhe unike për këtë; Kosova do të jetë një vend me mundësi të barabarta për të gjithë qytetarët e saj, me të drejta të barabarta, dhe të afirmuara për komunitetet jo-shqiptare, një vend i të gjithë qytetarëve të Kosovës; të gjitha përkushtimet e Kosovës do të jenë të koordinuara ngushtë me partnerët dhe miqtë tanë SHBA, BE dhe NATO-n. Jemi në një rrugë të mbarë, bota perëndimore na beson ne përkushtimet tona; edhe ne kemi besim të plotë se ky proces do të përmbyllet shumë shpejt dhe Kosova po e finalizon procesin e shtetndërtimit, sovranitetit dhe ndërtimit në një rendi demokratik. Shumë shpejt presim vendimin ndërkombëtar, fillimin e njohjes ndërkombëtare, një njohje kualitative dhe të fuqishme të bashkësisë ndërkombëtare, SHBA-së BE-së dhe të vendeve përreth, por në të njëjtën kohë, edhe një njohje sa më të madhe numerike.
Zëri i Amerikës: Zoti Thaçi, një pyetje lidhur me kohën kur do të ndodhë pavarësia. A do te prisni ju për përfundimin e zgjedhjeve ne Serbi për ta shpallur pavarësinë e Kosovës?
Hashim Thaçi: Zgjedhjet në Serbi nuk do të ndikojnë asesi në Kosovë; ne duam të kemi një Kosovë të pavarur dhe demokratike, natyrisht në një rajon demokratik; do të funksionojmë si shtete të veçanta, edhe Kosova, edhe Serbia, si dy fqinjë me të kaluar të hidhur, por me shpresë për të ardhme të relacioneve demokratike; Prishtina do të ndërtojë raporte të shkëlqyera me të gjitha vendet fqinje, edhe me Maqedoninë, me Shqipërinë dhe me Malin e Zi, por pavarësia e Kosovës, patjetër do të instalojë, paqe, stabilitet dhe hapje të procesit integrues të rajonit në strukurat e BE-së dhe ato euroatlantike. Është me interes edhe për Kosovën që të ketë demokraci në Serbi, që Serbia t’i kthehet vetevetes dhe asesi të mos mbetet peng e së kaluarës, e mentalitetit të shekullit të së kaluarës; prandaj çdo zhvillim demokratik atje, është një zhvillim i mirë edhe për Prishtinën, edhe për komunitetin e serbëve në Kosovë, sepse ne e respektojmë interesimin legjitim të autoriteteve të Beogradit, përmes institucioneve të Kosovës, edhe për komunitetin serb në Kosovë, por është me rëndësi sot, që autoritetet serbe, lokale të Kosovës, kanë marrë pjesë disa prej tyre në zgjedhjet e lira dhe demokratike të 17 nëntorit, janë pjesë e Parlamentit të Kosovës, janë pjesë e qeverisë sime, janë dy ministra, të cilët do të udhëheqin dikastere të rëndësishme, dhe Kosova ka ndërtuar, lirisht mund të themi, insitucione stabile, respektive dhe shumëetnike, me perspektivë të sigurtë.
Zëri i Amerikës: Pikërisht, le të qëndrojmë pak tek çështja e komuniteteve. Ju, por edhe udhëheqës të tjerë të Kosovës, keni premtuar për mbrojtjen e pakicave serbe në Kosovë, pas shpalljes së pavarësisë. Një pjesë e banorëve serbë kanë thënë se nëse Kosova shpall pavarësinë, ata do të largohen prej andej. Çfarë masash konkrete do të marrë qeveria juaj për mbrojtjen e të drejtave të pakicave?
Hashim Thaçi: Pavarësia e Kosovës nuk është në intersin dhe të mirën e vetëm shqiptarëve, pavarësia e Kosovës është në interesin e të gjithë qytetarëve të saj, pa dallime etnike; të drejtat e serbëve janë të respektuara dhe të garantuara prej institucioneve të Kosovës, në kuptimin më afirmativ të mundshëm dhe mund të them se ne kemi marrë përgjegjësi për respektimin e minoriteteve, më tepër se çdo vend, mund them, lirisht, edhe në Evropë, të drejta këto të garantuara edhe me kushtetutën e re të Kosovës; mund të ketë opinone të ndryshe, opinione, të cilat duhen shikuar edhe me sy kritik, por edhe duhen vlerësuar. Insitucionet e Kosovës, qeveria e Kosovës, do të bëjnë punën më të mirë të mundshme dhe do të instalojnë kulturën e komunikimit, të dëgjimit, të vizitave, për t’i dëgjuar hallet, shqetësimet dhe problemet e komunitetit serb dhe të gjithë qytetarëve të Kosovës, ... që të investojmë në përmirësimin e relacioneve ndëretnike; është e rëndësishme të theksohet se ka dy vite, kur nuk ka incident ndëretnik, apo të motivuar mbi baza etnike, prandaj baza është e mirë, vullneti ekziston, përkushtimi po, dhe vizioni është shumë i qartë, për ndërtimin e Kosovës së pavarur dhe demokratike.
Zëri i Amerikës: Le të kalojmë tek disa sfida të tjera që ka aktualisht qeveria e Kosovës. Çështja e statusit duket se ka lënë në hije problemet e tjera të mëdha, me të cilat ndeshet vendi, ekonomia, për shembull, duket se ka mbetur në plan të dytë, duke shkaktuar një sërë problemesh, mes tyre edhe papunësia e lartë. Çfarë mendoni të bëhet për zhvillimin e ekonomisë dhe krijimin e vendeve të punës në Kosovë?
Hashim Thaçi: Çështja e statusit ka qenë në fakt, përkushtim i të gjithë spektrit politik kosovar, i institucioneve të Kosovës dhe mirëkuptim për këtë preokupim të gjithanshëm ka patur nga ana e qytetarëve të Kosovës dhe nga spektri politik kosovar. Për statusin politik do të punojmë të gjithë bashkarisht, por edhe për zhvillimin ekonomik. E thashë, që zgjidhja e çështjes së pavarësisë së Kosovës nuk nënkupton edhe tejkalimin e sfidave të tjera, me të cilat ballafaqohet vendi dhe qytetarët. Kosova po pavarësohet në proces të suksesit, por të një niveli shumë të ulët të zhvillimit ekonomik të vendit. E di dhe e njoh përgjegjësinë që kam marrë në këto momente të vështira, për të udhëhequr atë që më kanë besuar qytetarët e Kosovës, qeverinë e Kosovës. Ekonomia e Kosovës është në një nivel shumë të ulët, por unë dua të besoj në fillimin e ndryshimeve, të cilat jemi zotuar t’i bëjmë, që ato do të hetohen shpejt në jetën e qytetarëve të Kosovës, për të mirën e vendit; prandaj ekipe të tëra të ekspertëve vendorë dhe ndërkombëtarë që kam në kabinetin tim, janë duke bërë projekte konkrete, që jemi zotuar edhe gjatë fushatës elektorale, për të filluar zhvillimin ekonomik, për të filluar reformat në ekonomi, politikë dhe legjislacion, për të filluar me projekte të qarta edhe me sektorin e energjetikës, pasi Kosova është në terr dhe ne jemi zotuar ta qesim në dritë...; kam besim se në këtë proces do të punohet gjithashtu edhe për infrastrukturën, që është tejet e dobët, por do të punojmë që të ketë një fillim të suksesshëm dhe do të kemi projekte konkrete për modernizimin e infrastrukturës; do të ketë reforma edhe në agrokulturë. Zgjidhja e statusit politik dhe pavarësia e Kosovës hap hapësirë të sigurtë edhe legale, për integrim edhe të insitucioneve, por edhe të Kosovës në strukturat e tjera ndërkombëtare, si edhe për përfitime financiare nga strukturat ndërkombëtare; fokusi kryesor i imi do të jetë edhe në edukim. E kam trajtuar dhe e trajtoj edukimin si ekonomi: një edukim i zhvilluar, i avancuar, që nënkupton edhe fillimin e zhvillimit eknomik; do të kemi edhe një investim që të kemi edhe qendra kompjuterike në çdo shkollë të Kosovës...; përkushtim do të kemi po ashtu në shëndetësi, por edhe për pensionistët, të cilët do të kenë një zyrë të veçantë në zyrën time, e cila do të merret me përmirësimin e jetës së pensionistëve; natyrisht, përkushtim do të kemi edhe për shoqatat e veteranëve të luftës, që gjithashtu do të kenë një zyrë pranë meje.
Zëri i Amerikës: Një nga problemet shume te perfolura ne Kosove, eshte ai ai korrupsionit. A do të dalë qeveria juaj me një strategji për të luftuar korrupsionin?
Hashim Thaçi: Qeveria dhe unë personalsiht, jam zotuar që do jemi pa kompromis në betejën kundër korrupsionit. Secili nga ne ndjehet i turpëruar që Kosova është në vendin e katërt për korrupsion. Jemi zotuar që do ta bëjmë çdo qytetar që të ndjehet mirë që jeton në Kosovë, dhe jemi zotuar që ata të ndjehen mirë me punën, përkushtimin, dhe me respektimin e ligjit nga qeveria e re e Kosovës, të cilën unë do ta udhëheq; do të jetë toleranca zero në raport me korrupsionin, do të punojmë me reforma në legjislacion, nuk do të ndodhin revanshe, apo hakmarrje politike, do të ketë respektim të ligjit, gjithësesi, përkrahje e opozitës politike, nga unë në veçanti; më vjen mirë që është përkrahur porgrami i qeverisë sonë dhe që është përkrahur edhe nga opozita, prandaj, edhe shumica e Parlamentit të Kosovës, është një kabinet kredibil, i përgjegjshëm, i aftë profesionalisht, për të zabtuar qëllimin e vizionit të përcaktuar më herët... pra do të jetë pa kompromis në raport me korrupsionin dhe nuk do të toleroj të përsëriten fenomene të tilla nga autoritete aktuale, të cilët janë zotuar se do të punojnë me përgjegjësi më të lartë kombëtare dhe politike...
Zëri i Amerikës: Zoti Thaçi, edhe për një pyetje. Qyteti i Mitrovicës, "de facto" është i ndarë. A ekziston mundesia e integrimit te ketij qyteti, apo pjesa veriore po shkon drejt shkëputjes. Cila eshte strategjia e qeverise suaj per Mitrovicen?
Hashim Thaçi: Tashmë Mitrovica ka një kryetar të shkëlqyeshëm, të përkrahur fuqishëm nga institucionet e Prishtinës, nga SHBA dhe BE, zotin Bajram Rexhepi, që është duke punuar maksimalisht për integrimin e qytetit dhe të komuniteteve, është zotimi i të gjitha institucioneve të Kosovës që të punojë në drejtim të zgjerimit të autoritetit lokal dhe atij ndërkombëtar në tërë territorin e Kosovës; territori i Kosovës është i njohur dhe i pranuar nga e gjithë bota. Mitrovica, do të jetë e bashkuar dhe autoriteti i institucioneve të Kosovës do të funksionojë në të gjithë territorin e Kosovës. Ky është zotimi ynë, kjo është mbështetja e Washingtonit dhe e Brukselit dhe në këtë drejtim nuk do të ketë luhatje, por vetëm do të ketë ecje përpara.
Zëri i Amerikës: Zoti Thaçi, ju faleminderit për intervistën dhe ju uroj sukses në punën tuaj.

fadil · 28-01-08, 17:38

Hashim Thaçi: Deklarimi i pavarësisë, nga Parlamenti i Kosovës pas disa ditëshLaura Konda
Zëri i Amerikës
24-01-2008

Kryeministri i Kosovës, Hashim Thaçi, ishte në Bruksel, për dy ditë bisedime me zyrtarët e lartë të Bashkimit Evropian. Në përfundim të këtyre takimeve, Zëri i Amerikës zhvilloi një bisedë të drejtpërdrejtë telefonike me Kryeministrin Thaçi, në programin televiziv “Ditari”. Zoti Thaçi tha mes të tjerash, se është konfirmuar tashmë, se Uashingtoni dhe Brukseli do të shkojnë bashkarisht dhe njëkohësisht drejt vendimit për njohjen e statusit politik të Kosovës, pas deklaratës së pavarësisë që do të nxjerrë Parlamenti i Kosovës në ditët në vijim.
Zëri i Amerikës: Zoti Thaçi, ju jeni shprehur se pavarësia e Kosovës është çështje ditësh. Në takimet që keni patur dje dhe sot me zyrtarët e lartë evropianë, a u diskutua çështja e datës se kur do të shpallet pavarësia?
Hashim Thaçi: Natyrisht, se kemi biseduar për të gjitha zhvillimet në Kosovë, për bashkëpunimin e ngushtë mes Prishtinës dhe autoriteteve e Brukselit. Edhe me takimin që kam patur me zotin Rupel dhe me zotin Olli Rehn, por edhe me takimin që pata me zotin Solana, kam rikonfirmuar qëndrimin e institucioneve të Prishtinës, qëndrimin dhe vullnetin e qytetarëve të Kosovës për shtet të pavarur, sovran dhe demokratik; kam rikonfirmuar pozicionin e Kosovës, se Prishtina është gati, është e përgatitur dhe është unike për vendim; tanimë është konfirmuar se Uashingtoni dhe Brukseli do të shkojnë drejt vendimit bashkarisht, me vendimin e përbashkët, në kohë të njëjtë, për njohjen e statusit politik të Kosovës, për njohjen e deklaratës së pavarësisë që do nxjerrë Parlamenti i Kosovës në ditët në vijim; prandaj, ka qenë një vizitë shumë e suksesshme, një vizitë që do të hapë perspektivë, edhe për procesin vendim-marrës, edhe për procesin implementues dhe në të njëjtën kohë, janë angazhimet tona integruese për në strukturat e BE-së dhe të NATO-s.
Zëri i Amerikës: Megjithatë, a është caktuar një datë, dhe nga çfarë kushtëzohet ajo?
Hashim Thaçi: Pavarësia e Kosovës nuk kushtëzohet me asgjë. Kanë mbetur edhe disa aspekte procedurale në proces për t’u kryer, në mënyrë që Kosova të dërgojë mesazhin e mirë, pozitiv dhe pamja e parë për ditën e pavarësisë së Kosovës është mjaft me rëndësi edhe për Kosovën, për qytetarët e vendit, për botën demokratike, prandaj, janë duke u kryer të gjitha përgatitjet e duhura në Kosovë, në koordinim të ngushtë me partnerët tanë, në mënyrë që të kemi edhe shpallje të suksesshme, edhe njohje kualitative, të gjithanshme të autoriteteve vendim-marrëse botërore, dhe në të njëjtën kohë të kemi një situatë të qetë, paqësore, një situatë që hap perspektivë për integrimin e Kosovës, që hap perspektivë për mbështetje të fuqishme edhe për fillimin e zhvillimit ekonomik të Kosovës.
Zëri i Amerikës: Nga bisedat që keni patur në Bruksel, kur pritet të vendoset misioni i sigurisë i BE-së në Kosovë?
Hashim Thaçi: Me rëndësi është, që ky mision është i përgatitur, dhe tani vetëm pritet në ditët në vijim të angazhimeve tona, të insitutcioneve të vendit; tash do të kemi diskutime edhe në Parlament dhe natyrisht, edhe me Presidentin, me qëlllim që në mënyrë unike të vazhdojmë t’i nxjerrim vendimet; misioni i ri ndërkombëtar është i mirëpritur në Kosovë, është i mirëseardhur; do të kemi prezencë autoritative në tërë territorin e Kosovës, ashtu sikurse do të pasojmë edhe me ushtrimin e autoriteteve të vendit në tërë territorin e Kosovës, me prezencën e NATO-s; do të kemi procesin e kalimit të këtyre detyrave nga forca ndërkombëtare, në ushtrimin e autoritetit të institucioneve legjitime të Kosovës; do të kemi tani një rol mbështetës, për lidershipin kosovar dhe të udhëhequrit e vendit. Dhe natyrisht, që do të kalojmë edhe tranzicionin nga UNMIK-u në misionin e ri ndërkombëtar, në mënyrë që ky proces të kalojë sa më shpejt që është e mundur, të jetë sa më efektiv dhe asesi, mos të kemi dy adresa civile ndërkombëtare në Kosovë, por të kemi një adresë, adresën e misionit të ri ndërkombëtar mbështetës, për ndërtimin, fuqizimin e institucioneve të vendit dhe krijimin e realiteteve shumë më pozitive, për fillimin e zhvillimit më të mirë ekonomik, të jetës më të mirë të qytetarëve, dhe në të njëjtën kohë, të kalojmë nga procesi i vetëm prezencës ndërkombëtare në Kosovë, tek angazhimet e integrimit të Kosovës në organizata ndërkombëtare, do të thotë në OKB, në NATO, në strukturat e BE-së, në Bankën Botërore, në FMN dhe institucione të tjera.
Zëri i Amerikës: Qeveria e Beogradit njoftoi ditët e fundit se ka tashmë një plan veprimesh, në se Prishtina e shpall pavarësinë. A është qeveria juaj e përgatitur për përballimin e atyre masave të këtij plani që prekin Kosovën?
Hashim Thaçi: Deri më tani, Kosova ka ngadhnjyer mbi çdo plan të Serbisë, por ne nuk kemi ndërtuar një plan të reagimit, por të përgjigjes në rrethanat e reja që mund të krijohen dhe ky plan është i përbashkët, plani i Kosovës, i administratës ndërkombëtare dhe plani i NATO-s. Plani ynë është i fuqishëm, është realist, është një plan i implementueshëm, është një plan që do të ketë sukses, për t’iu përgjigjur rreathanave të reja që do të mund të krijohen.
Zëri i Amerikës: Zoti Thaçi, ju faleminderit për intervistën.
Hashim Thaçi: Ju faleminderit edhe juve.

fadil · 28-01-08, 17:41

Pershendetje>

Kerkoi nga moderatori, qe te mos i lejoj askujt te postoj diqka tjeter perpos intervistave te Hashim Thaqit pasi qe edhe tema eshte dedikuar vetem per kete qeshtje.

fadil · 01-02-08, 19:18

Thaçi: Asnjë pengesë drejt pavarësisë

Kryeministri i Kosovës Hashim Thaçi i ka thënë BBC-së se Kosova ka hyrë në fazën përfundimtare të përgatitjeve për shpalljen e pavarësisë.
Ai ka thënë se zyrtarizimin e pavarësisë së Kosovës nuk mund ta ndalojë asnjë vështirësi apo pengesë.
Kryeministri Thaçi ka deklaruar se Prishtina është gati që ta njohë pavarësinë e Serbisë dhe se do të kërkojë që edhe Beogradi ta njohë shtetin e pavarur dhe sovran të Kosovës.
Kjo, sipas tij, do të ishte në të mirën e paqes dhe qëndrueshmërisë në rajon dhe të të sigurisë globale edhe të SHBA-së, BE-së dhe të NATO-s.
Arbër Vllahiu zhvilloi një bisedë me kryeministrin Thaçi.
BBC: Në ç'fazë ndodhet procesi i shpalljes së pavarësisë së Kosovës?
Zoti Thaçi: Vlerësoj se nuk është e domosdoshme që të merremi me diskutimin për çështje orësh, ditësh ose minutash. Se a do të ndodh këtë të diel, këtë të martë apo të enjte. Me rëndësi është se Kosova është në fazën përfundimtare të përgatitjeve zyrtare për organizimin e shpalljes së pavarësisë, për fillimin funksional të shtetit tonë të ri, të një shteti të mundësive të barabarta dhe affirmative për minoritarët. Tanimë ka filluar debati publik për Kushtetutën. Kosova në ditën e shpalljes së pavarësisë do të ketë të përfunduar së përgatituri edhe Kushtetutën, edhe simbolet dhe do të veprojmë në mënyrë unike si politikë, si institucione edhe si qytetarë.
BBC: Ju keni thënë me një rast se i keni bashkërenduar të gjitha punët me Washingtonin dhe Brukselin për shpalljen e pavarësisë?
Zoti Thaçi: Vendimi për shpalljen e pavarësisë nga institucionet e Kosovës do të merret në bashkërendim të plotë me Washingtonin dhe Brukselin. Edhe vizita ime javën e kaluar në Bruksel ka qenë në shërbim të këtij përkushtimi të përbashkët dhe Washingtoni dhe Brukseli tani do të marrin vendimin e njohjes së përbashkët në kohë të njëjtë.
BBC: Dhe ju thoni se asnjë zhvillim tjetër nuk mund ta pengoj zgjidhjen e statusit të Kosovës në këtë periudhë?
Zoti Thaçi: Zyrtarizimin e pavarësisë së Kosovës nuk mund ta pengojë asnjë vështirësi apo pengesë. Pavarësia e Kosovës është në axhendën e gjithë botës demokratike.
BBC: Zoti kryeministër a do t'i bëni ftesë BE-së që të vendosë misionin e tij në Kosovë në kohën kur do ta shpallni pavarësinë e saj?
Zoti Thaçi: Të gjitha aktivitetet e Institucioneve të Kosovës dhe e punës së tyre do të jenë të bashkërenduara me partnerët tanë ndërkombëtarë. Ne do të vazhdojmë që të punojmë ngusht me misionin e ri ndërkombëtar që ka qenë i ftuar dhe i mirëpritur nga ana kosovare. Ne kemi marrë zotime për zbatimin e dokumentit Ahtisaari, për Kosovën e pavarur nën mbikëqyrje civile ndërkombëtare dhe me prani të NATO-s. Prandaj misioni i ri ndërkombëtar që nuk do të jetë vetëm i BE-së është i mirëpritur, është i ftuar dhe do të kemi bashkëpunim të ngusht mes institucioneve të Kosovës dhe misionit të ri ndërkombëtar, i cili do të ketë një rol më tepër mbështetës e të udhëhequrit të vendit nga institucionet legjitime të Kosovës.
BBC: Por cila do të jetë marrëdhënia mes Prishtinës dhe Beogradit pas shpalljes së pavarësisë së Kosovës?
Zoti Thaçi: Qeveria e Kosovës dhe unë do të ndërtojmë raporte të mira me të gjithë fqinjët. Tani kemi raporte të mira edhe me Maqedoninë, edhe me Shqipërinë dhe me Malin e Zi. Pas shpalljes së pavarësisë shpresoj dhe do të investojë që të kemi marrëdhënie sa më normale të komunikimit ndërshtetëror edhe me Serbinë.
BBC: Dhe më lejoni zoti kryeministër. A do të kërkoni nga Beogradi që të njohë pavarësinë e Kosovës?
Zoti Thaçi: Prishtina është gati ta njoh pavarësinë e Serbisë ndërsa natyrisht se do të kërkohet një gjë e tillë që edhe Beogradi ta njoh shtetin e pavarur dhe sovran të Kosovës. Kjo në të mirën e të dy vendeve, në të mirën e paqes dhe qëndrueshmërisë në rajon si dhe në të mirën e investimeve për qëndrueshmërinë afatgjatë dhe të sigurisë globale edhe të SHBA-së, BE-së dhe të NATO-s.

Kerkoi nga moderatori ta shlyej shkrimin e Guri i madhe, sepse nuk perputhet me temen.

rrespekt nga fadili.