Google Chrome

**Zero Cool** · 03-09-08, 11:33

Google Chrome (BETA) për Windows

Google ka premtu qe ky te jete browser me i shpejte dhe me stabil nga te gjithe. Me stabil se IE, me i mire se Firefox, dhe me i shpejte se Opera.
Provojeni, MUA ME PELQEJKA TYBE !

Shkarko:
http://www.google.com/chrome/index.h...tm_campaign=nl

**Zero Cool** · 03-09-08, 11:50

ahahahahah vertet qenka i bukur i thjeshte dhe i shpejt, shiqo se sa inati ja paska MICROSOFTI:

**Murgesha** · 03-09-08, 12:29

1s. Google Chrome
5s. Google.

Vërtet qenka i shpejtë.

**Zero Cool** · 03-09-08, 12:33

Citim:

Postimi origjinal është bërë nga Murgesha

1s. Google Chrome
5s. Google.

Vërtet qenka i shpejtë.

Tybe as Opera so ma i shpejt kurr se leje mo IE qe u bo si kerri me kije

Arkza · 03-09-08, 13:56

Citim:

Postimi origjinal është bërë nga Zero Cool

Tybe as Opera so ma i shpejt kurr se leje mo IE qe u bo si kerri me kije

Phaaaaaaaaaaa Vallaha edhe ky Zero S'kam Faj jooo qe te kam Than Mbret je !!!
E Rregullova edhe une kete , Seriozisht po bon me shpejt dhe me mir !!!!! Te Lumt aaa !

rilinda · 03-09-08, 14:40

ZC, qysh i ke ka tezes me kan kaq intelegjent :D
Faleminderit, faleminderit se hajrin jemi tu ta pa nime.

**Zero Cool** · 07-09-08, 18:09

Oooooooooooooo qka koka i mire ky:
shume viruse merren duke vizitu faqe te ndryshme te internetit (qe i hapesh vete apo si reklama qe hapen). Ky po i mbyll automatikisht dhe po te thot qe kjo faqe ka mundesi me pas MALWARE dhe po te pyet nese don vizitoje por mundet me tu demtu PC-ja... Shum keksi o ka me doket tybe, une veq muj me ja bo bye bye Internet Explorerit

**Zero Cool** · 02-09-11, 14:06

Google Chrome feston tre-vjetorin

Shfletuesi Google Chrome ka nisur të funksionojë për përdoruesit e saj tri vjet më parë, ndërsa kompania Google në ditarin e saj e ka shënuar këtë ditë me një info-grafikë interaktive dhe një listë të përmirësimeve në produktin e saj, të cilat janë realizuar kohëve të fundit.
Me sa duket, Google ka shumë më tepër arsye për të festuar ditëlindjen e saj.

Shfletuesi i saj tashmë ka një rritje të pjesëmarrjes së saj në tregun global me 15 për qind, e në disa tregje si Britania e Madhe, ajo e ka tejkaluar rivalin Firefox, për tu bërë shfletuesi i dytë më i popullarizuar, pas IE të Microsoft.

Çfarë mendoni, cili ka qenë kontributi më i rëndësishëm i shfletuesit Chrome në tregun e shfletuesve në këto tri vite të ekzistencës së tij?

**Zero Cool** · 14-09-11, 15:31

Facebook me shtojcë zyrtare për Google Chrome

Rrjeti më i madh social në botë Facebook, ka prezantuar shtojcën zyrtare “Facebook Like Button” për shfletuesin Google Chrome.

Kjo shtojcë instalohet brenda disa sekondash. Ajo fillon punën e saj menjëherë, duke shkurtuar pak rrugën e mëparshme për pëlqime. Ju vetëm duhet të klikoni me tastin e djathtë të mausit dhe të shkoni tek “Facebook Like Button” dhe të shikoni opsionet e ofruara.

Kjo shtojcë është falas në Chrome Web Store, ku njëherësh mund të shikoni edhe më shumë informacione rreth punës se saj.

Eddi · 26-09-11, 16:05

IE se preferoj aspak
Te gric nervat duke prit

**Zero Cool** · 30-09-11, 15:16

Chrome së shpejti i dyti

Kompania StatCounter e cila përcjell përdorimin e shfletuesve të internetit përmes veglave statistikore pohon se shfletuesi Chrome i Googleit deri në muajin dhjetor do ta tejkaloj Firefoxin e Mozillas dhe kështu do të pozicionohet në vendin e dytë për nga përfaqësimi në mesin e shfrytëzuesve, menjëherë pas Internet Explorerit.

Chrome sipas statistikave të tyre gjatë shtatorit është përdorur nga 23.6% të shfrytëzuesve, Firefox nga 26.8%, e Internet Explorer nga 41.7%. Chrome sipas të dhënave të njëjta statistikore nga janari i këtij viti u rrit për 50% derisa posedimet e Explorerit dhe Firefoxit kanë rënë për 9 për qind respektivisht 13 për qind. Në përputhje me këtë, nëse ky trend vazhdon, Chrome kah mesi i vitit të ardhshëm do të duhej ta tejkalonte Firefoxin. Net Applications, i cili gjithashtu përcjell edhe analizon përqindjen e përdorimit të browserëve, më herët pati parashikuar se deri në fund të vitit Chrome do të arrij në 17.8%, e Frefox në 22.3%, por Chrome që tani ka tejkaluar parashikimet.

Ndoshta parashikimet e StatCounterit ishin nga pak tej-optimiste, por fakti se Google Chrome po përdoret gjithnjë e nga më shumë përdorues, është pjesërisht i ndikuar nga telefonat mobil dhe tabletët e bazuar në Android OS ku versioni i adaptuar i Chromeit është pjesë standarde e sistemit operativ.

Shkarko

**Zero Cool** · 03-10-11, 10:51

Chrome vjen edhe në Android?

Ndërsa popullariteti i Chrome është në rritje të vazhdueshme, gjiganti amerikan i teknologjisë, kompania Google, është duke planifikuar që së shpejti ta ketë atë në dispozicion edhe në telefonat e mençur dhe tabletet që bazohen në sistemi operativ Android.

Madje, disa zëra thonë se shfletuesi i Google do të arrijë në këto pajisje, jo më larg se pas një muaji.

Sipas “Android and Me” thuhet se Chrome do të jetë edhe në versionin mobil për Android, dhe se i njëjti do t’i ketë të gjitha funksionet si në versionin e shfletuesit në kompjuterët personal.

**Zero Cool** · 10-10-11, 23:22

Kontrolloni kompjuterët tjerë përmes Chrome Remote Desktop Beta

Google lëshoi në përdorim një shtojcë të re (addons) për Google Chrome i cili ju mundëson përdoruesve që të kontrollojnë kompjuterët tjerë nga largësia. Bëhet fjalë për shtojcën e quajtur Chrome Remote Desktop Beta, e cili u mundëson përdoruesve që përmes shfletuesit të tyre Chrome të shëndrojnë atë në kontrollues të largët, dhe me atë të kontrollojnë kompjuterët tjetër, Për të funksionuar Chrome Remote Desktop, është e nevojshme që të dy kompjuterët të kenë të instaluar shfletuesin Chrome, pa dallim nëse janë në Windows, Mac, ose Linux.

Pasi të keni instaluar shtojcën duhet të aktivizoni atë, për të fituar qasje do t’ju kërkohet profili juaj Gmail. Pasi të keni fituar qasje, mund të ndani desktopin tuaj, me të tjerër, e gjitha çfar duhet bërë me këtë është të klikoni në Share This Computer. Kur të fillojë procesi i shpërndarjes, do të fitoni një kod prej 12 numrave i cili do të vlejë në minutat e ardhshme.

Në kompjuterin tjetër, aktivizoni opsionin “Access a shared computer” dhe vendos kodin e dhënë më herët. Ky kod do të lidh të dy kompjuterët, dhe në shfletuesin tuaj Chrome do të shfaqet desktopi i kompjuterit tjetër. Ndoshta aplikacioni do të jetë i ngadalshëm, por varet nga lidhja e internetit tuaj, kuptohet.

**Zero Cool** · 17-10-11, 18:20

Google Chrome me 200 milionë përdorues

Shfletuesi 3 vjeçar i Google para pak ditësh shënoi 200 milionë përdorues, njoftoi Larry Page.

Shfletuesi kishte një rritje të shpejtë, 120 përdorues në dhjetor të vitit 2010 sipas eWeek, 160 milionë në maj dhe saktësisht 200 milionë përdorues në tetor.

Rritja e Google Chrome është vërejtur edhe në shumë vende tjera. Chrome ka marrë 15 për qind të tregut në disa vende si në Britaninë e Madhe, ku ka tejkaluar Mozilla Firefox’in duke u bërë shfletuesi i dytë më i popullarizuar pas Internet Explorer. Në mesin e lexuesve të portalit itshqip, ndërkohë, Chrome është më i përdoruri.

Chrome i pari në Amerikën Jugore

Chrome i Google për herë të parë në njërin nga kontinentet u bë shfletuesi më i popullarizuar i Internetit.
Në të vërtetë, Chrome në Amerikën Jugore tejkaloi Internet Explorerin duke bërë për vete 40% të tregut. Kjo është hera e dytë në më shumë se 14 vite që Internet Explorer humbi pozitën udhëheqëse në ndonjë kontinent të tërë. Në të vërtetë, Firefox më herët pati tejkaluar Internet Explorerin dhe ende është duke udhëhequr bindshëm në Gjermani.

Chrome është në veçanti i fortë në Kili me posedim të 50% të tregut, Kolumti me 47%, Urugvaj me 44$, dhe Argjentinë me posedim të 43% të tregut.

Sipas Internet World Stats, Amerika Jugore ka rreth 162 milion shfrytëzues të Internetit, prej të cilëve gjysma janë në Brazil, 16% në Argjentinë dhe 14% në Kolumbi.

**Zero Cool** · 30-10-11, 14:59

Google paraqiti Chrome 15

Google publikoi verzionin e fundit të shfletuesit të saj Chrome, në të cilin janë përmisuar disa gabime dhe janë bërë disa ndryshime vizuale.

Në fakt, Chrome funskionon në të njejtën mënyrë sikur verzioni i mëparshëm, me theks të veçant në dizajnin ose pamjen. Ndryshimet më të mëdha në këtë verzion janë “kozmetike”, – linja e sipërme është më e thjeshtë, kurse Chrome Store është e ridizajnuar dhe duket më e thjeshtë.

Në krye të shfletuesit mund të vërehet ndarja e aplikacioneve dhe ueb faqeve më të vizituara të cilat janë në dispozicion përmes shigjetave majtas dhe djathtas, si dhe opsionet përmes opsioneve më të “vizituara” dhe “aplikacionet” të cilat ndodhen në pjesën e poshtme të faqes.

Ndryshimet mund të vërehen edhe në ueb faqen e fundit të cilën e keni mbyllur, të cilën mund ta gjeni në një pjesë të veçantë, përmes pullës në fund të faqes. Këto opsione deri më tani të gjitha ishin në një faqe. Verzionin më të ri do të shkarkoni nga këtu.