Milioneret kosovar

[Dilaver]

Milioneret kosovar


Nuk ka të dhëna të sakta se sa milionerë mund t'i ketë Kosova, edhe pse për këta njerëz aq shumë flitet e spekulohet. Sipas një hulumtimi të bërë nga Express, disa mijëra kosovarë peshojnë mbi 1 milion euro.
Në krye të tyre qëndrojnë biznesmenët Behxhet Pacolli, Ekrem Lluka, Ramiz Kelmendi, vëllezërit Devolli, vëllezërit Kuqi, Ibrahim Bucali, Nebih Zariqi etj.

Arben Hyseni

Prishtinë, 13 tetor - Prej tridhjetë e pesë mijë bizneseve private aktive sa afarojnë në Kosovë, dhjetë për qind e tyre vlerësohet të kenë pasuri prej disa milionave eurosh. Njerëzit më të pasur të këtij vendi, sipas biznesmenëve kosovarë, është shumë vështirë të identifikohen. Për ta më shumë flitet sesa ka të dhëna konkrete.
Për njerëzit me të kamur të Kosovës nuk ka ndonjë institucion të specializuar që do të raportonte me saktësi, siç rëndom veprojnë në vende të tjera të botës. Në top dhjetëshen e më të pasurve në Kosovë, që Express e ka përpiluar
në konsultim me njerëzit e biznesit, kryesisht futen njerëzit e tregtisë. Shtatë nga dhjetë biznesmenët e ranguar në top 10, aktivitet primar ose të rëndësishëm e kanë tregtinë.
Express ka nxjerrë disa të dhëna, bazuar në bisedat që janë zhvilluar në mënyra individuale me këtë kastë shoqërore. Ata kanë folur për njëri-tjetrin, duke provuar në mënyrë të lirë të shpallin më të pasurin e Kosovës.
I vetmi që ka pranuar që të spekulojë për numrin e milionerëve kosovarë, ka qenë Agim Shahini, kryetar i Asociacionit Kosovar të Biznesit.
Sipas një përllogaritje të thjeshtë, Shahini ka thënë se 10 për qind e të gjitha ndërmarrjeve biznesore të regjistruara - janë biznese të disa milionëve.
"Sa e di unë, në AKB janë të regjistruara 35 mijë ndërmarrje private biznesore dhe mund të themi se afërsisht 10 për qind e tyre, të ardhurat i kanë me miliona",tha Shahini, që i bie se në Kosovë mund të ketë disa mijëra milionerë, ose kompani që vlejnë disa miliona.
Që të gjithë këta biznesmenë kanë thënë se njeriu më i pasur në Kosovë është shefi i kompanisë "Mabetex", Behxhet Pacolli. Ndërtimtari Pacolli, i cili themeloi kompaninë e tij Mabetex në Zvicër, llogaritet të ketë një pasuri qindramilionëshe. Ai, këtë kompani e ka të regjistruar edhe në Kosovë, ku aktualisht edhe jeton, pasi i ka hyrë edhe politikës. Pacolli, i cili po merr pjesë edhe në zgjedhjet vendore, pasurinë e vet në Kosovë e ka vlerësuar rreth 400 milionë (euro v.i.). Ai këtu shumë lart e ka vlerësuar Bankën Ekonomike, por edhe kompaninë e sigurimeve, e cila është në pronësi të tij. Përndryshe, pjesa esenciale e biznesit të Pacollit është e lokalizuar në Azi.
Të gjithë bashkëbiseduesit e gazetës kanë thënë se për nga veprimtaria biznesore brenda kufijve të Kosovës, më i fuqishmi prej të gjithëve është biznesmeni pejan, Ekrem Lluka. Lluka ështëpronar i një numri të madh tëkompanive. Ai udhëheq me kompaninë"Dukagjini". Kompania etij konsiderohet ndër më të fuqishmetnë tregunkosovar.Deri vonë burimikryesor i pasurisë së tijështë llogaritur të jetë importii cigareve, por kjo gjë kandryshuar kohëve të fundit. Llukakohëve të fundit e ka përqendruarbiznesin e tij në ndërtim.Në këtë mënyrë ai ka vepruarfuqishëm në Pejë,por nuk imungojnë projektetas për ndërtime në Prishtinë,ku pritet që të fillojë brendakëtij viti. Ky biznesmen kanë pronësi një pjesë të kompanisësë sigurimeve Dukagjini, ku pjesënmë të madhe të aksioneve të kësajkompanie ai ia ka shitur një kompaniesllovene. Mësohet se vlerae shitjes së këtyre aksioneve ishtee lartë disa miliona euro.Dukagjini merret edhe me aktivitetetë tjera, të cilat kanë njëpjesë të konsiderueshme të tregut.Aty është edhe shtypshkronjamjaft e fuqishme, TV lokal dhe radiojanacionale si dhe fabrika ecigareve etj. Biznesi i Llukës ështëi zgjeruar edhe në Shqipëri, kugjithashtu e ka shitur kompaninëe sigurimeve. Kohëve të funditLluka është përqendruar edhe nëinvestime në fushën e energjetikës,kryesisht në Shqipëridhe atë në hidroenergji. Pasuriae Llukës vlerësohet të jetë disa qindramiliona euro. Për një kohë të gjatë, kompania e Llukës ka qenë ajo që ka paguar më së shumti tatime në Kosovë
Një tjetër pejan, po ashtu i suksesshëm në biznes, është edhe pronari i kompanisë Elkos, Ramiz Kelmendi. Ai ka një rrjet bukur të madh të supermarketeve në tërë Kosovën. Edhe pasuria e Kelmendit është multimilionëshe.
Vëllezërit Devolli, po ashtu nga Peja, kanë një qarkullim disa milionësh. Ai është pronar i fabrikës për prodhimin e qumështit, të lëngjeve dhe të kafesë.
Por, për të folur me shifra të sakta është e pamundur. Askush nga institucionet e Kosovës, e as shoqatave ekonomike, nuk është në gjendje të tregojë të dhëna për pasuritë e biznesmenëve kosovarë dhe as të dijë se cilët janë njerëzit më të pasur të këtij vendi. Ata as nuk dëshirojnë të flasin për këtë çështje.
"Është vështirë të përcaktohen milionerët në Kosovë, për shkak se askush nuk e raporton të gjithë pasurinë", tha Ejup Qerimi, zyrtar i lartë në Odën Ekonomike të Kosovës.
Drejtori i Administratës Tatimore të Kosovës, Jonuz Krasniqi, tha se as që ka menduar ndonjëherë se sa milionerë ka ky vend. Ai as që e ka çuar nëpër mend se ATK-ja duhet të merret me këtë çështje.
"Ne merremi me bizneset dhe nuk e dimë se sa milionerë janë në Kosovë", tha Krasniqi. As Muhamet Mustafa, drejtor i Institutit Riinvest tha se nuk e di se sa milionerë janë në Kosovë.
"As unë nuk di se sa milionerë janë në Kosovë, e di që janë disa, po jo krejt", tha Mustafa.

Dhjetë kosovarët më të pasur
1. Behxhet Pacolli - Mabetex
2. Ekrem Lluka - Dukagjini
3. Ramiz Kelmendi - Elkos
4. Vëllezërit Devolli - Devolli
5. Remzi Ejupi - Eurokoha
6. Vëllezërit Kuqi - Benaf
7. Hetem Ramadani - Salbatring
8. Nebih Zariqi- Standard
9. Vëllezërit Besimi - Getoari
10.Ibrahim Bucaliu - Hib Petrol