Kejsi kualifikohet në finale të Eurovisionit

[jonuzi]

Kejsi kualifikohet në finale të Eurovisionit

Shqiptar kudo që gjendeni, ndihmoni Kejsi Tola që në naten finale te triumfoj në EUROVIZION

Këngëtarja e cila e përfaqëson Shqipërinë në edicionin e sivjetmë të Eurovisionit, Kejsi Tola, ka siguruar një vend në finalen e të shtunës mbrëma ku do të konkurrojë me përfaqësuesit e 24 shteteve tjera finaliste për ta fituar Festivalin evropian të këngës, i cili mbahet në kryeqytetin rus, Moskë.
Kejsi bëri një paraqitje të bukur të enjten mbrëma në gjysmëfinalen e dytë të Eurovisionit për të marrë vizën që të paraqitet sërish të shtunën mbrëma në finale.

Sonte u kualifikuan dhjetë shtete: Azerbajxhani, Kroacia, Ukraina, Lituania, Shqipëria, Moldavia, Danimarka, Estonia, Norvegjia dhe Greqia.

Në natën e parë gjysmëfinale u kualifikuan: Turqia, Suedia, Izraeli, Portugalia, Malta, Finlanda, Bosnja dhe Hercegovina, Rumania, Armenia dhe Islanda, ndërkohë që Rusia, Franca, Gjermania, Britania e Madhe dhe Spanja, janë kualifikuar automatikisht, dhe është ky numri i plotë prej 25 shteteve të kualifikuara për finalen e madhe të të shtunës mbrëma