Izraeli së shpejti do ta njeh pavarësinë e Kosovës

[Bajlozi i Zi]

18:35 / 3.08.2012

Qeveria izraelite është duke shqyrtuar
mundësinë e njohjes së pavarësisë së Kosovës,
ka deklaruar zëvendësministri i Punëve të
Jashtme të Izraelit, Danny Ayalon. Ai ka thënë
se njohja e shtetit të ri të Kosovës nga ana e
Izraelit do të bëhet më së largu vitin tjetër.

I ftuar të marrë pjesë në Gjenevë në punimet e
Forumit Ndërkombëtar të Migracionit dhe me rastin
e 60-vjetorit të Konventës së UNHCR-së që po
zhvillohen në Pallatin e OKB-së, zv.shefi i
diplomacisë izraelite Ayalon, zhvilloi një takim edhe
me përfaqësues të mediave botërore.
Pyetjes rreth relacioneve mes Jerusalemit dhe
Prishtinës dhe mundësitë për gatishmërinë e
qeverisë izraelite të njohë shtetin e Kosovës, Ayalon
për agjencinë informative “Presheva Jonë”, është
përgjigjur: “Me Kosovën kemi marrëdhënie shumë
të mira, kam takuar personalitete dhe delegacione të
Qeverisë së Kosovës dhe besoj se së shpejti do të
vizitojë Kosovën, për zgjerimin e bashkëpunimit
tonë”.
Ndërsa lidhur me njohjen e Kosovës, Ayalon ka
thënë se qeveria izraelite do ta merr së shpejti edhe
këtë vendim. “Për proceset në Kosovë, si dhe
njohjen e saj është mjaft i angazhuar edhe
komuniteti ndërkombëtar. Edhe qeveria jonë në këtë
drejtim është duke negociuar dhe duke shqyrtuar
mundësinë e njohjes së shtetit të ri të Kosovës, gjë
që do ta bëjmë së shpejti, me siguri vitin e
ardhshëm. Por me rëndësi është të theksoj se Izraeli
mbështet fuqishëm Kosovën dhe popullin shqiptar”,
ka thënë ndër të tjera Ayalon. /Telegrafi/


p.s.

ok, nuk është ky ndonje lajm "kumeditë se çka", ama, le te flasim pak për Izraelin ne raport me Kosovën (shtetin). Kjo, për arsye se (sipas meje) Izraeli, deshtem a s'deshtem, është NYJE për diplomacine botërore.