Musliman mos u perçani ju lutem....

[falma_lotin]

Të gjitha falënderimet i takojnë vetëm All-llahut (xh.sh). Paqja dhe mëshira e tij qofshin mbi Pejgamberin (a.s), mbi familjen e tij mbi shokët e tij dhe mbi të gjithë ata që ndjekin rrugën e tij deri në ditën e gjykimit.
Çdo hap që ne hedhim na drejton drejt një të vërtete të pashmangshme, e cila për ne muslimanët duhet të jetë e tillë që All-llahu (xh.sh) të jetë i kënaqur me të.
Në një ajet All-llahu (xh.sh) thotë:
“Dhe jepni nga ajo që ju kemi dhënë juve, para se ndonjërit prej jush ti vijë vdekja, e atëherë të thotë: “O Zoti im, përse nuk ma shtyve edhe pak afatin (e vdekjes), që të jepja lëmoshë e të bëhesha prej të mirëve.”
Lë të jemi të përgatitur për këtë moment. Le të ndjekim rrugën e profetit (a.s). Ne duhet te shijojmë pese gjera para se te vije vdekja. Dhe ndër to është shijimi i jetës para vdekjes, sepse çdo njeri e shijon jetën, por duhet ditur si ta shijojmë ashtu që ne të jemi të kënaqur, por edhe All-llahu (xh.sh).
Ne një poezi thuhej:
Kur Linda pashë një rrugë me kthesa
Filloi tek materniteti
Dhe mbaroi tek varreza...
Po kështu kur kam qenë në varreza kam parë foton e një burri te ri në moshë, poshtë së cilës shkruhej:
Mos më shikoni me habi,
Aty ku jeni ju isha edhe unë
Këtu ku jam unë
Do të vini edhe ju!...
Te gjithë njerëzit, edhe ata që janë të dhënë shumë pas dynjasë i nënshtrohen këtij realiteti. Pra le të punojmë punë të mira para se libri i punëve tona të ndalet... Dhe ndër këto punë është të qëndruarit të bashkuar. Është detyrë e jona që mos të përçahemi mos ta urrejmë njëri-tjetrin dhe mos të lejojmë askënd, që t`i lejë muslimanët të shpërndarë në grupe. Sa njerëz mendojnë që Islami është fe e terrorizimit. Sa e sa njerëz e mohojnë All-llahun (xh.sh). Dhe ne, fare mirë mund të vazhdojmë shumë gjatë duke përmendur shembuj të tillë. Është në dorën tonë ta ndryshojmë këtë “realitet”, ku të tjerët mendojnë se është i tillë. Dua të përmend shembullin e një dijetari që thotë: “Po të jemi në një kamp shumë vetë. Dhe të gjithë flenë përveç njërit. Ky personi që nuk po fle, sheh se ka rënë zjarr në këtë kamp.
Dijetari parashtron një pyetje.
Ky djalë çfarë duhet të bëjë? A duhet ta fik vetë zjarrin dhe një pjesë e madhe e shokëve të tij do të vdesin, apo duhet të zgjojë shokët nga gjumi dhe të gjithë bashkë ta fikun zjarrin. Unë jam i sigurt që çdo njeri nga ju do të zgjidhtë alternativen e dytë. Tani po ju pyes unë ju. Ç`farë duhet të bëjmë ne? A ta lëmë këtë zjarr, këtë fitne që na ka kapluar sot e të përçahemi apo të gjithë të ngrihemi të bashkuar për ta fikur.
Më të vërtetë që Profeti (a.s) ka thënë, se do të vijë një kohë ku për ta mbajtur Islamin do të jetë sikur të mbash një gacë në dorë. Pra, shpërblimi i atij që e mban këtë gacë është Xhenneti!... Kurse ai që ia kthen shpinën këtij Islami, fundi i tij është në Xhehenem.
O ju besimtar le të ngrihemi nga ky gjumë i thellë dhe të luftojmë për të qëndruar të bashkuar. Shumë njerëz që kanë pushtet po mundohen me mish e me shpirt, që të fikin dritën e Islamit. Kurse ne nuk po bëjmë asgjë, vetëm merremi me debate të kota. Nëpër xhami nuk përmendet emri i All-llahut (xh.sh), ashtu siç është përmendur në kohën e të parëve tanë...
Detyra e jonë është që të ngrihemi dhe të zbatojmë obligimet fetare, obligimet ndaj njerëzve ta duam njëri-tjetrin për hir të All-llahu (xh.sh), t`a japim selamin dhe mos te kemi turp që jemi Musliman. All-llahu (xh.sh) thotë në Kur`an:
“Unë u thashë: Kërkoni falje zotit tuaj se ai vërtet fal shumë. Ai ju lëshon shi me bollëk. Ju shumon pasurinë dhe fëmijët. Ju bën të keni kopshte dhe ju jep lumturi.”
Kurse për ta forcuar besimin tonë dhe bashkimin tonë duhet që edhe të thërrasim të tjerët në këtë fe. Duhet të bëjmë durim sepse gjatë thirrjes do të kemi shumë vështirësi. Shumë vetë nuk e pranojnë fenë tonë, jo vetëm kjo por të quajnë të marrë ashtu siç e kanë quajtur Profetin (a.s).
All-llahu (xh.sh) i drejtohet Profetit (a.s) duke i thënë:
“Ti je vetëm qortues i atij që ia ka frikën All-llahut” , po kështu në një ajet tjetër All-llahu (xh.sh) thotë:
“Thuaj me të vërtetë që udhëzimi i All-llahut është më i drejtë”. Ne nuk kemi në dorë udhëzimin e njerëzve. Prandaj edhe n.q.s njerëzit e mohojnë All-llahun (xh.sh) mos të mërzitemi apo të shqetësohemi shumë, sepse All-llhu xh.sh nuk ka nevojë për ne, ne jemi ata që kemi nevojë për All-llahun! .
Dhe së fundi le të qëndrojmë të bashkuar, le t`a duam All-llahun (xh.sh), le ti duam muslimanët. Mos u përçani o vëllezër! Mos e shkatërroni veten tuaj. Mos e hidhni veten tuaj në zjarr. All-llahu (xh.sh) na shpërbleftë me Xhenetin e tij Firdeus. Amin!