Citate nga dijetaret islam

[Kosova19]

Zekati për paratë e depozituara në bankë
Alifta.org

Pyetje: A duhet paguar zekatin për paratë e depozituara në bankë, duke ditur që një pjesë e parave nuk e ka kompletuar një vit hënor, meqë unë çdo muaj shtoj një sasi parash.

Përgjigje: Është obligim që të paguhet zekati për paratë e depozituara në bankë, kur ato të mbërrijnë (sasia që detyron zekatin) dhe të ketë kaluar një vit hënor. Dhe ti duhet të paguash zekatin për sasinë e re (të parave), kur të ketë kaluar një vit hënor nga depozitimi i tyre, si dhe të paguash zekatin në shumën totale si të shumës fillestare, ashtu dhe të shumës së resë. Nëse s’mund ta kalkulosh këtë saktësisht, atëherë, për të qenë i sigurt, zekati duhet të paguhet në krejt paratë që ke depozituar në bankë, qoftë herët apo vonë, me qëllim që të shkarkosh përgjegjësinë. Ti, po ashtu, duhet të caktosh një kohë për nxjerrjen e zekatit, siç është muaji i ramazanit, që të mos ngatërrohesh lidhur me kompletimin e vitit hënor të depozituar në kohë të ndryshme.

Komisioni i përhershëm për Hulumtim dhe Fetwa
Kryetar: Abdul-Aziz ibn Abdullah bin Baz
Zëvendës-kryetar: Abdul-Aziz Al-Shejh
Anëtar: Salih el-Feuzan
Anëtar: Bekr ebu Zejd

www.mburoja.net/

[Kosova19]

Të shesësh më lirë se tjetri
Shejh Ibn Uthejmin el-Sherh el-Mumti’ (8/204)

Pyetje: A është haram ofrimi i një çmimi më të ulët për të njëjtin artikull, me qëllim të konkurrimit me tregtarët e tjerë, dhe a konsiderohet kjo tejkalim i vëllait musliman1 në ofrim/tregti?

Përgjigje: Pikëpamja e saktë është se është haram t'ia rrëzosh çmimin vëllait musliman, qoftë kjo gjatë kohës kur ata ende mund ta anulojnë marrëveshjen, apo pas kësaj. Por, nëse kjo ndodh pas një kohe të gjatë, s'ka gjë të keqe në këtë, dmth nëse kjo ndodh pas një jave apo një muaji dhe të ngjashme me këtë, dhe ai vjen e thotë:'Do të të jap një artikull të ngjashëm për nëntë, kurse ia e kishte blerë për dhjetë, pra, s'ka gjë të keqe në këtë, sepse s'është e mundshme të anulohet marrëveshja në këtë fazë.


1 "Asnjëri s'bën t'ia rrëzojë çmimin vëllait të tij". [el-Buhari (5142) dhe Muslim (1412) nga Ibn Umer] "… dhe ai s'bën të shesë më lirë se vëllai i tij [musliman]". [Muslim (1408) nga Ebu Hurejra] "Asnjëri s'bën të shesë më lirë se vëllai i tij, derisa të arrihet apo të anulohet marrëveshja". [en-Nesa'i (4504) nga Ibn Umer. I cilësuar si sahi nga el-Albani në Sahi en-Nesa'i]

www.mburoja.net

[Kosova19]

Vendimi në lidhje më kërkimin e vdekjes për shkak të fatkeqësisë
nga shejh Ibn Uthejmin

Pyetje: Jam përballur me mjaft fatkeqësi në jetën time, të cilat më kanë bërë ta urrej këtë jetë. Sa herë që lus Allahun, kërkoj nga Ai që të ma merr jetën sa më shpejt. Kjo është dëshira ime deri tash, meqë nuk shoh zgjidhje tjetër për problemet e mia përveç vdekjes. Kjo është e vetmja gjë që mund të më shpëtojë nga ky dënim. A bën të sillem kështu?

Përgjigje: Kur njeriu të dëshirojë vdekjen për shkak të diçkaje që e godet atë, ai bën diçka që pejgamberi [salallahu alejhi ue selam] ka ndaluar. Pejgamberi [salallahu alejhi ue selam] ka thënë:

"Askush prej jush mos ta kërkojë vdekjen për shkak se është goditur me fatkeqësi. Nëse ka këso dëshira, ai duhet të thotë:'O Allah, më jep jetë nëse jeta është më mirë për mua, dhe më jep vdekjen nëse vdekja është më mirë për mua".

Andaj, s'është e lejueshme për askënd të dëshirojë vdekjen për shkak të fatkeqësisë që e ka goditur atë, apo ndonjë vështirësie a mundim. Në fakt, ai duhet të ketë durim dhe të shpresojë në shpërblimin e Allahut për atë që po përjeton. Ai po ashtu duhet të shpresojë se do të vijë lehtësimi, siç ka thënë pejgamberi [salallahu alejhi ue selam]:

"Dije se fitorja vjen më durim, ndihma me shqetësim dhe lehtësimi me vështirësi".

Ai që goditet me ndonjë dëm duhet të dijë se ato dëme ia shlyejnë disa mëkate që ai ka bërë. Asnjë besimtar nuk goditet me ndonjë lloj shqetësimi, dhimbjeje apo brenge vetëm se Allahu ia shlyen mëkatet atij për shkak të kësaj, madje edhe me shpimin e gjembit. Kur një person është i duruar dhe shpreson shpërblimin e Allahut, ai mbërrin shkallën e të qenit ndër durimtarët. Kjo shkallë është një shkallë mjaft e lartë. Allahu ka thënë rreth banorëve të tij:

"Dhe përgëzoje durimtarin, i cili kur goditet me fatkeqësi, thotë:'Vërtet, Allahut i përkasim dhe Atij do t'i kthehemi". [el-Bekare, 155-156]

Femra që po pyet ndien se s'ka tjetër zgjidhje për problemet e saj përveç vdekjes. Besoj që ky është qëndrim i gabuar. Vdekja nuk zgjedh asnjë problem. Në fakt, vështirësitë mund të bëhen edhe më të rënda. Sa e sa njerëz vdesin ndërsa janë të goditur me dhimbje dhe probleme, por ata kanë qenë duke i bërë padrejt vetes dhe nuk i kanë dorëzuar mëkatet e tyre dhe kështu t'i pendohen Allahut. Në këtë rast, vdekja e tij është vetëm një përshpejtim i dënimit të tij. Po të mbetej gjallë, ndoshta Allahu do ta udhëzonte që të pendohej, të kërkonte falje, durim, ballafaqim me problemin dhe pritje të ndihmës. E gjithë kjo do të ishte mirë për të. Andaj, ti, pyetëse, duhet të jesh e duruar dhe të presësh ndihmë nga Allahu. Allahu thotë në librin e Tij:

"Vërtet, pas vështirësisë vjen lehtësimi. Vërtet, pas vështirësisë vjen lehtësimi". [esh- Sherh, 5-6]

Dhe pejgamberi [salallahu alejhi ue selam] ka thënë, në një transmetim të vërtetë:

"Dije se fitorja vjen me durim, ndihma me shqetësim dhe lehtësim me vështirësi".

www.mburoja.net

[Kosova19]

Të gjitha risitë janë devijim
Shkruar nga Shejkh Fauzan

"Fjala më e mirë është fjala e Allahut, ndërsa udhëzimi më i mirë është udhëzim i Muhamedit. Gjërat më të këqija janë risitë në fe dhe çdo risi është devijim.” Muslimi (867).

Kjo kundërshton ata që ndajnë risitë në dy lloje, të mira dhe të këqija. Nuk ka asnjë të mirë në risitë fetare. Ato janë të gjitha të këqija.

I Dërguari (sal Allahu alejhi ue selem) tha: "Çdo risi është devijim."

Ndërsa ‘dikush’ thotë: “Të gjitha risi nuk janë të këqija. Vërtet, ka edhe risi të mira.”

Kjo thënie vije në kundërshtim me fjalën e Profetit (sal Allahu alejhi ue selem) dhe hedh poshtë vetë thirrjen e tij (sal Allahu alejhi ue selem).

Njëri nga poetët ka thënë: Çështjet më të mira janë ato të më hershmet sipas udhëzimit (islam) dhe çështjet më të këqija janë risitë e futura në fe.

Kushdo që thotë se ka risi të mirë, ne e refuzojmë duke thënë se këto risi janë devijime dhe sherr. Nuk ka risi të mira në fe. Ne qëndrojnë larg risive dhe mjaftohemi me atë që është prej Sunnetit. Vetëm në Sunnetin e Profetit (sal Allahu alejhi ue selem) janë gjërat më të mira dhe më të përsosura.

Kontrolloi: Usame Morina
Burimi: Sherh Akidet-ul-Imam Muhamed bin Abdul-Vahab, faqe. 131-132

[Kosova19]

Nuk ka pranverë arabe

Pyetje: Çfarë mendoni për atë që sot quhet 'pranvera arabe'?

Shejkh Fauzan: Për Allahun, ne nuk kemi parë ndonjë pranverë. Ne kemi parë vetëm vrasje dhe sprova.

Kjo nuk është pranverë. Kjo është një epokë. Jobesimtarët e quajnë pranverë. Myslimanët nuk e quajnë atë 'pranverë', por e quajnë atë 'sprovë dhe sherr.'

Është e vërtetë se kjo është pranvera e jobesimtarëve sepse ata i dëmtojnë myslimanët me të. Ata janë të kënaqur nga ajo që dëmton myslimanët. Ata janë të kënaqur nga kjo. Andaj kjo është pranvera e tyre.

Kontrolloi: Usame Morina
Burimi: http://www.sahab.net/forums/index.php?showtopic=125352

[Kosova19]

Ata i quajnë dijetarët, dijetarë të hajzit e nifasit
Shkruar nga Shejkh Uthejmin

Pyetje: Ne shpresojmë që ju mund t’i këshilloni disa nxënës të dijes, e disa të rinj, të cilët nënçmojnë disa dijetarë, me qëllim apo pa qëllim. Kur ju thuhet atyre se duhet t’i kthehemi dijetarëve në kohë të sprovave dhe mosmarrëveshjeve të ndryshme, ata thonë se, këta dijetarë janë dijetarët e menstruacioneve e lehonisë! Edhe unë vetë i kam dëgjuar këto thënie. Në lidhje me këtë, shpresojmë që ju mund të na këshilloni me diçka të dobishme.

Shejkh Uthejmin: Është obligim për çdo njeri që t’i frikësohet Allahut (Azze ue xhel) dhe të mos i nënçmojë të tjerët:

يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ

"O ju që keni besuar, Mos të tallet një popull me një popull tjetër, ngaqë ata (të përqeshurit) mund të jenë më të mirë sesa ata (të cilët tallin) dikë tjetër." 49:11


Përveç kësaj, duhet ruajtur gjuhën, ngase ajo është një nga rreziqet më të mëdha për njerëzit.


Profeti (sal Allahu alejhi ue selem) i tha Muadh bin Xhebelit:
“A të tregoj për atë që të ruan nga e gjithë kjo?”
Ai tha, “Gjithsesi, o i Dërguari i Allahut.”
Profeti (sal Allahu alejhi ue selem) e kapi gjuhën e tij dhe tha: “Ruaje këtë.”
Muadhi tha: “O i Dërguar i Allahut, a do të gjykohemi për atë që ne flasim?”
Ai (sal Allahu alejhi ue selem) i tha: “Mjerë për ty o Muadh! Çfarë tjetër do t’i fus njerëzit në zjarr me fytyrat e tyre përveçse gjuhët e tyre?!”


Dijetari në lidhje me menstruacionet dhe lehoninë, është dijetarë në lidhje me gjykimet e Allahut dhe sheriatin e Tij. Çështjet që kanë të bëjnë me menstruacionet dhe lehoninë, janë nga çështjet më të vështira për nxënësit e dijes shkak të kundërshtimeve të shumta që kanë të bëjnë me to. Ai që është i aftë në lidhje me këto çështje, është shumë i dijshëm. Dhe nuk duhet shprehur në drejtim të tyre në mënyrë nënçmuese. Shumë gjykime në sheriatin islam, kanë të bëjnë me menstruacionet dhe lehoninë. Shembuj të tillë janë: adhurimet e ndryshme, periudha e pritjes, periudha e divorcit e të tjera gjëra. Pra, kjo nuk është çështje e lehtë.

Kontrolloi: Eshrefedin Ismajli
Burimi: Lika el-Bab el-Maftuh (74 B)
http://www.youtube.com/user/audiosun.../0/at-Ytn61pKA

[Kosova19]

Mos fol me të tjerët për mëkatet tuaja të mëhershme
Shkruar nga Shejkh Fauzan

Pyetje: Në shtetin tonë në Amerikë, disa këngëtarë kanë pranuar islamin. Disa prej tyre, ligjërojnë për t’i thirrur të rinjtë në pranimin e islamit dhe lënien e kufrit (mohimit). Ndonjëherë gjatë ligjërimit, ata përmendin mëkatet e tyre të mëhershme, a është ky veprim i drejtë?

Shejkh Fauzan: Jo, nuk është kjo e drejtë.
Thirrja-da’veti i tyre, kjo është gjë e mirë. Kurse, përmendja e mëkateve të cilat ata i kanë bërë më herët, kjo nuk është siç duhet.

Njeriu duhet të pendohet për mëkatet e veta dhe nuk duhet t’i përmendë ato. Përveç nëse i përmend apo kujtojnë me veten e tij. Kjo, që të ndjejë keqardhje dhe të pendohet për to. Ndërsa t’i flasësh mëkatet tuaja me njerëzit e tjerë, kjo mund t’i shtyj që edhe ata të veprojnë të njëjtat gjëra.

Përktheu: Usame Morina
Burimi: http://www.youtube.com/user/Perlatmu.../0/V0U47hY5UU8

[Kosova19]

Pasojat e fitneve

Pasoja e tretë
Ardhja në krye e të paditurve

Gjithashtu ndër pasojat e fitneve është: ardhja në krye e njerëzve mendjelehtë dhe të paditur, të cilët nuk e kuptojnë fenë e Allahut, por tentojnë të vinë në krye vetëm me eufori, pa e kuptuar fenë e Allahut, pa pasur dituri dhe maturi, por duke i gjykuar gjërat kuturu dhe duke përhapur lajme që sjellin trazira, duke ndërhyrë në çështje të fetvave dhe të tjera duke qenë se nuk njihen si njerëz të ditur dhe të matur, por euforia është ajo që i shtyen deri te kjo, ndërsa euforinë ua sjellin fitnet.
Lidhur me këtë, Ibën Tejmije në librin e tij “El Minhaxh” thotë: “Kur ndodhë fitneja, njerëzit e menqur nuk mund t’ia dalin që t’i zbrapsin të paditurit”1.
Kështu është çështja e fitneve, siq thotë Allahu:“Ruajuni fitneve, të cilat nuk i godasin vetëm ata që bëjnë keq” El Enfal/25.
Kur ndodhë fitneja, askush nuk shpëton pa u përlyer me të, përveç atyre që i ka ruajtur Allahu, e të Cilin e lusim të na ruaj të gjithve.

Dr. Abdurrezak el Bedër
Përktheu: Jeton Bozhlani

[Kosova19]

Pasojat e fitneve

Pasoja e dytë
Largimi i njerëzve nga dituria dhe dijetarët

Ndër pasojat e fitneve është se: ato i largojnë njerëzit nga dijetarët dhe nga tubimet ku mësohet dituria, duke i larguar kështu nga mësimi i dispozitave dhe mësimi i fesë. Nëse fitneja merr hov në zemrat e njerëzve, atëherë zemrat bëhen të preokupuara dhe njeriu nuk mund të jetë i qetë për të kërkuar dituri, nuk orientohet që të shoqërohet me njerëzit e dijes, por largohet tërësisht nga dija.

Më tepër se kjo, fitneja i shpie shumë njerëz që t’ua ulin vlerën dhe t’i nënqmojnë dijetarët duke përfolur për ta dhe për nderin e tyre.

Ndërsa është transmetuar nga Pejgamberi ynë (salallahu alejhi ve selem) të ketë thënë: “Nuk është në rrugën e ummetit tim ai që nuk i mëshiron të vegjlit tanë, nuk I respekton të moshuarit tanë dhe nuk ia di vlerën dijetarit tanë” 1.

Në kohë të fitnes, shumë njerëz ulin personalitetin e dijetarëve, i nënçmojnë, i përqeshin, shpifin ndaj tyre, i fyejn dhe i cilësojnë me cilësi të ulëta duke marrë guxim të paskrupullt, dhe e gjithë kjo si pasojë e fitneve, Allahu na ruajtë.

Ndër ngjarjet e historisë që transmetohen në këtë kuptim, është fitneja e Abdurrahman Bin el Esh’ath (sh.p. i cili ishte ngritur kundër Haxhaxhit dhe si rezultat i kësaj ishin vrarë mijëra musliman) në të cilën fitne ishin futur një numër i madh njerëzish. Në kohën kur kishte ndodhur kjo fitne; disa njerëz kishin shkuar tek Hasan el Basriu (Allahu e mëshiroftë) i cili ishte imam dhe ndër dijetarët dhe fukahatë më të mëdhenj të Islamit, duke i thënë: “Çfarë mendon për këtë zullumqar të madh – dmth Haxhaxhin – i cili ka derdhë gjak të pafajshëm, u a ka rrëmbyer njerëzve pasurinë, ka braktusur faljen e namazit si dhe ka vepruar shumë gjëra ...?!

Ata ia përmendën veprimet e Haxhaxhit, kurse Hasan el Basriu (Allahu e mëshiroftë) u përgjigj: “Unë mendoj se nuk duhet të luftoni kundër tij; sepse, nëse pushteti i tij mbi ju ka ardhë si ndëshkim nga Allahu; atëherë ju me shpatat e juaja nuk do të mund ta ndalni ndëshkimin e Allahut. Por nëse pushteti i tij mbi ju është sprovë; atëherë kini durim derisa të gjykoj Allahu, i Cili është gjykatësi më I mirë”.

Ata dolën nga ai duke thënë: T’i bindemi këtij njeriu të pagdhendur?! Por, kur fitneja morri hov në shpirtërat e tyre; atëherë kur edhe dijetari thotë një fjalë që nuk është në pajtim me teket dhe animet e tyre; ata e fyejnë.

Ndërsa fyerjet ndaj dijetarëve nga ana e atyre që janë futur në fitne nuk kanë kufij, as në kohërat e hershme as sot; i akuzojnë për servilizëm, për rrogëtarllëk, si dhe i akuzojnë me disa cilësi që nuk kanë fund.

Pra, fitnet u japin njerëzve guxim që të flasin për dijetarët, të përulin personalitetin e tyre, t’i nënçmojnë dhe t’i fyejn. Kjo është gjëja më e rrezikshme për njeriun, Allahu na ruajtë të gjithëve nga kjo.

Më pas, ai grup njerëzish, të cilët ia thanë atë fjalë Hasan el Basriut dhe nuk iu përmbajtën këshillës së tij; i ishin bashkangjitur Abdurrahman bin el Esh’athit dhe ishin vrarë që të gjithë, duke mos sjellë asnjë dobi, e po ashtu duke mos përfituar as nga këshillat e dijetarëve, sepse nuk kishin patur asnjë konsideratë ndaj dijetarëve dhe fjalëve të tyre.


Autor: Abdurrezak el Bedr
Përktheu: Jeton Bozhlani
Qendra Imam Albani

_____________________________

1 . Transeton Ahmedi (22755), Hakimi (211/1), kurse shejh Albani e konsideron hasen në librin Sahihul Xhami (211/1).
2 .Transmeton Ibën Sa’d në librin Et Tabakat el Kubra (7/163-164), Dulabi në librin El Kuna vel Esma (3/1030), si dhe transmetohet në librin Tarihu Dimeshk (12/176)

[Kosova19]

Leximi i Kur’anit për të vdekurin
Shkruar nga Shejkh Suhejmi

Pyetje: Sot kam prezantuar në një varrim në varrezat Beki’ (në Medine) dhe njëri nga të afërmit e të vdekurit, lexoi suren Jasin dhe el-Fatiha pasi e mbuluan të vdekurin...

Shejkh Suhejmi: Ai ka gabuar dhe veprimi i tillë është risi prej risive në fe. Nuk duhet lexuar asgjë nga Kur’ani për të vdekurit. Është një hadith i dobët i cili thotë: “Lexoni për të vdekurit tuaj Jasinin.” Ndërsa ata të cilët kanë punuar sipas këtij hadithi, Jasinin ia kanë lexuar të vdekurit, vetëm gjatë agonisë së vdekjes d.m.th. vetëm para daljes së shpirtit nga trupi.

Kurse leximi i Kur’anit pasi të bëhet varrimi ose gjatë varrimit, pas tre ditësh, një jave, pas dyzetë ashtu siç veprojnë disa njerëz; - të gjithë ato veprime, nuk i përkasin mësimeve të Allahut. Dhe ajo pasuri që jepet për këtë gjë është pa të drejtë. Andaj nuk lejohet ngrënia e ushqimit i cili përgatitet në këto tubime.

Disa prej sahabeve, kur i vdiste ndonjë i afërt i tyre, i mbyllnin dyert e shtëpisë që të mos tuboheshin njerëzit aty. Pra, tubimi për të pritur ngushëllimet është prej risive në fe. Prandaj ti e ngushëllon vëllanë tënd kur të varroset i vdekuri apo në ndonjë vend tjetër ku ti e takon atë. Mirëpo pritja në një vend të caktuar për të shprehur njerëzit ngushëllimet e tyre, kjo është prej risive më të mëdha. Nëse në këto vende përgatitet ushqim dhe lexohet Kur’an, atëherë kjo është prej risive më të urryera. E nëse pasuria e shfrytëzuar në këto tubime është i ka takuar të vdekurit, atëherë kjo është keqpërdorim e të drejtës së trashëgimtarëve. Sepse, pasuria e të vdekurit realisht nuk është më e tij, por është e trashëgimtarëve të tij. Nuk lejohet që ta shpenzosh asnjë kirsh (cent) për këta lexues të Kur’anit të shthurur dhe imoral! Unë i quaj ata të shthurur! Sepse:

“Ata nuk respektojnë te asnjë besimtar as farefisninë e as marrëveshjen.” (9:10)

Atyre që nga mëngjesi, u intereson vetëm të kenë ndonjë thirrje për të fituar ndonjë gjë, duke shpresuar të vdes ndokush! Kur dëgjojnë se dikush ka vdekur, ai gëzohet. Pastaj vijnë të gjorët, familja e të vdekurit dhe bëjnë pazar me të. Po të jenë ata të varfër, nuk u përgjigjen në ftesat e tyre, duke u thënë: “Jo, më fal! Kërko ndonjë lexues tjetër. Kërko ndonjë lexues të Kur’anit i cili është i vogël (jo i njohur). Unë nuk bën që të jem në mesin tuaj, për mua duhet të paguani shumë të madhe dhe ajo që më ofroni ju, nuk më mjafton mua!” Kjo është e vërtetë dhe ekziston edhe në shtete arabe! Pasha Allahun, kjo gjë ndodhë dhe është krim monstruoz!

Nuk lejohet të marrim pjesë në këto tubime dhe as të hamë ushqimin i cili përgatitet për nder të tyre. Nuk lejohet ushqimi i tillë, për arsye se siç edhe e theksuam më herët, është krim, ku keqpërdoret pasuria që i takon trashëgimtarëve; është krim sepse është edhe bidat; është krim sepse njerëzit tubohen për diçka të kotë... Lexuesit të tillë, të cilit i përgatitet ëmbëlsira të ndryshme, pemë e mish,- kur ta mbush barkun e tij të mykur me këto, do të tundet në të majtë e të djathtë duke e zgjatur qafën dhe ngritur zërin sikurse të ishte këngëtare! Pasha Allahun! Kjo është vepër e urryer. Dhe pasha Allahun, nuk i arrin të vdekurit. Po betohem, nëpërmjet të cilit i afrohem Allahut! Betohem mu nga ky vend, nga xhamia e të Dërguarit të Allahut se ky lexim i Kur’anit nuk i bën dobi të vdekurit. Ky veprim është vetëm një prej bidateve. Andaj, keni frikë Allahun dhe ruajeni pasurinë e trashëgimtarëve dhe mos e humbni tek ata lexues të Kur’anit të shthurur! Përzëni ata, sepse:

“Ata i kanë blerë ajetet e Allahut për një vlerë të paktë.” (9:9)

Njerëz si këta, janë zullumqarë. Shumë prej tyre i gjeni pa mjekra dhe pa asnjë qime, e me fytyra sikurse të grave. Kërkoj ndjesë për këto fjalë; por ky veprim i urryer ndoshta e gjejmë në tërë botën islame përveç aty ku Allahu i ka mëshiruar! Organizimi i varrimeve (në këtë mënyrë) është një prej risive. Ndërsa, ngrënia e ushqimit i cili përgatitet për raste të tilla është haram. Shfrytëzimi i pasurisë së trashëgimtarëve për këta lexues është prej krimeve monstruoze. Do të pyetni për të në Ditën e Kiametit. Do të të kërkoj përgjegjësi ky trashëgimtarë përpara Allahut, duke thënë: “Përse e keni keqpërdorur pasurinë time dhe hakun tim, pasuri të cilën ma lënë babai im, duke ia dhënë këtij lexuesi gënjeshtarë dhe dashakeqës?!” I cili luan me Librin e Allahut të Lartësuar!
Disa prej tyre, nëse u jepet shumë para, i lexon ajetet e mëshirës! E nëse u jepet pak para, atëherë lexon prej ajeteve të ndëshkimit!

Tregon njëri se, një lexuesi të tillë nuk i kanë mjaftuar paratë për të lexuar. Atëherë ai kishte lexuar ajete të ndëshkimit:

“(Do të thuhet): Kapeni atë dhe lidheni në pranga. Pastaj hidheni në zjarrin e flakëruar. Mandej lidheni atë me një zinxhirë të gjatë shtatëdhjetë kut.” (69:30-32)

Me këtë rast, familjarët e të vdekurit të mjerë, të hidhëruar i thonë atij: “O vëlla, lexo nga ajetet e mëshirës, gjej ndonjë ajet ku flitet për Xhenet!” Ndërsa ai ua kthen: “I Lartësuar është Allahu, po e dëshironi Xhenetin falas?! Jepni nëse dëshironi të lexoj atë që doni!” Kur i dhanë atij më shumë para, ai lexoi ajete sikurse:

“O ti shpirt i bindur plotësisht! Kthehu te Zoti yt i vetëkënaqur e i pranuar. Hyn në turmën e robërve të Mi. Dhe hyn në xhennetin Tim.” (89:27-30)

Shih se çfarë veprojnë këta njerëz të ndyrë me librin e Allahut të Madhëruar! Pasha Allahun, ata luajnë me të. Pra, nuk lejohet të prezantosh në këto organizime, e as të hash ushqimin i cili është përgatitur për këtë gjë. Nuk lejohet të shkosh në to dhe nuk lejohet të ngushëllosh dikë aty ku organizohen funerale të tilla.

E Lus Allahun e Madhëruar, Poseduesin e Arshit madhështorë që të na fal neve dhe juve...

www.perlat-muslimane.com
Burimi:http://www.youtube.com/watch?v=k6-ueFUhL7o&

[Kosova19]

Horoskopi
Salih Aal Shejkh

Prej gjërave që bëjnë pjesë qartazi në astrologji në kohën tonë - edhe pse njerëzit janë të hutuar ndaj saj - është edhe horoskopi që e vërejmë shumë nëpër revista. Ato veçojnë një faqe apo më pak se një faqe në gazeta dhe vendosin figurat e shenjave zodiakale; shenjën e luanit, akrepit, demit etj. Pas çdo shenje vendosin se çfarë ka për të ndodhur. Nëse një burrë apo një grua ka lindur në atë shenjë, i thotë: Në këtë muaj ty do të ndodhë kjo dhe ajo. Ky veprim është prej tenxhijm-it (astrologjisë) dhe gjithashtu është te’thijr (besimi se lëvizja e yjeve ndikon në Tokë). Argumentimi me yjet dhe shenjat zodiakale për ndikimin e tyre në Tokë dhe për atë që do të ndodhë, është pjesë e fallit.

Të gjëndurit e këtyre gjërave në revista dhe gazeta, do të thotë të gjëndurit e fallit në to. Duhet pra që ato të kundërshtohen si kundërshtim i shirkut, kundërshtim i pretenditmit të fshehtës, i magjisë, i astrologjisë; sepse astrologjija është pjesë e magjisë sikurse përmendëm. Ato duhen kundërshtuar në çdo vend. Poashtu ato nuk duhet të hyjnë në shtëpinë e asnjë muslimani, as t’i lexojë, as t’ia hedhë shikimin, sepse leximi i shenjave (të horoskopit) –thjesht për njohuri- bën pjesë tek ndalesa e vajtjes tek fallxhori.

Nëse njeriu e lexon këtë faqe horoskopi duke ditur shenjën në të cilën ka lindur apo duke ditur shenjën që i përshtatet, është sikur ai të ketë pyetur fallxhorin, kështu që nuk i pranohet namazi dyzet ditë e nëse beson atë që shkruhet në horoskop atëherë ka mohuar çfarë i është shpallur Muhammedit (sal-lAllahu alejhi ue sel-lem).

Kjo të tregon sa i ‘huaj’ është bërë teuhidi mes pjestarëve të tij, dhe të tregon sa pak kuptohet ky libër –libri i teuhidit – qoftë edhe tek njerëzit me natyrshmëri të pastër dhe pjestarët e këtij daveti.

Duhet që këto gjëra të kundërshtohen në çdo vend, dhe nuk duhet të bëjmë gjynah as neve dhe as pjestarët e familjeve tona duke i futur këto revista në shtëpi, sepse kjo do të thotë të fusësh fallin, dhe falli – uel ijadhu bil-lah - është prej gjynaheve të mëdha. Është detyrë që këto gjëra të kundërshtohen, të grisen dhe të përpiqemi në këtë rrugë derisa ato revista të ndalen.

Vërtet pjestarët e astrologjisë dhe horoskopeve janë prej fallxhorëve. Astrologjia ka institutet e saja në Liban dhe tjera vende, ku njerëzit në to mësojnë lëvizjet e yjeve dhe çfarë do të ndodhë përmes disa llogaritjve të njohura dhe tabelave të caktuara.

Me anë të këtyre (llogaritjeve) ata lajmërojnë se çfarë do t’u ndodhë njerëzve të filan shenje horoskopi. E gjitha kjo bëhet përmes një mësimi iluzionar me anë të cilit krerët dhe fallxhorët e tyre i mashtrojnë.

Është detyrë për nxënësin e dijes që të përpiqet t’i sqarojë njerëzit rreth këtij realiteti gjatë fjalimeve që ata mbajnë, pas namazeve, në hutbet e xhumasë, sepse kjo është një e keqe shumë e përhapur, ndërsa kundërshtimi dhe paralajmërimi prej saj është i pakët dhe i dobët. UAllahul mustean!


Burimi: http://www.sahab.net/forums/index.php?showtopic=124689
Përshtati: Besmir Cacani

[Kosova19]

Objektivat e Sheriatit Islamik në ruajtjen e interesit të nderit dhe mjetet e tij në luftimin e thashethëmeve


Lavdërimi dhe falënderimi i takon Allahut, i cili na udhëzoi në Islam, i cili përmbledhë të mirat e kësaj jete dhe jetës tjetër. Ndërsa salavatet dhe selamet qofshin mbi Pejgamberin tonë Muhammedin (salallahu alejhi ve selem) mbi familjen dhe shokët e tij.

Duke parë përhapjen e thashethëmeve në të gjitha shoqëritë, e në veçanti në shoqëritë bashkëkohore, për shkak të zhvillimit të mjeteve të reja të cilat ndihmojnë në përhapjen e kësaj dukurie, si dhe duke u nisur nga ajo se specializim i imi është lëmia e Usuli Fikhut (shkenca që merret me studimin e argumenteve të Sheriatit), si dhe nga fakti që më parë kam bërë shkrime në lëmin e “Mekasidu Sheriah” (Objektivat e Sheriatit), atëherë e pashë të arsyeshme që të bëjë një shkrim në këtë temë të rëndësishme nga aspekti i shkencës së Objektivave të Sheriatit duke e titulluar: “Objektivat e Sheriatit Islamik në ruajtjen e interesit të nderit dhe mjetet e tij në luftimin e thashethëmeve”

Hyrje

Domosdoshmëria e nderit në Islam
Sheriati Islamik ka ardhur për t’i ruajtur interesat e njerëzve, siq thotë Allahu: “Dhe Ne nuk të kemi dërguar ty (o Muhamed), veçse si mëshirë për botët” El Enbija: 107.

Këto interesa ndahen në të domosdoshme, të nevojshme dhe plotësuese[1]. Ato të domosdoshmet janë të patjetërsueshme për të qëndruar feja dhe jeta, ashtu që nëse njëra nga to mungon atëherë nuk mundet të ketë jetë të mirë, por do të ketë jetë të prishur, gjë që jneriu do ta humbë këtë botë apo edhe tjetrën.

Interesat e domosdoshme janë: ruajtja e fesë, jetës, nderit, pasurisë dhe mendjes. Një grup dijetarësh kanë theksuar se të gjitha fetë qiellore kanë qenë në pajtim rreth ruajtjes së këtyre pesë interersave të domosdoshme, edhe pse disa dijetarë mendojnë se këto nuk kufizohen vetëm në këtë numër, sepse këtyre mund t’u shtohen edhe interesa tjera që janë të domosdoshme, siq është domosdoshmëria e sigurisë, ku vërejmë se sheriati ka vënë masa të prera ndëshkuese ndaj banditëve me qëllim të ruajtjes së sgurisë.

Sheriati ka ardhë me dispozita për t’i ruajtur këto interesa, si nga aspekti i të qenit njeriut aktiv, duke urdhëruar atë për veprat që i forcojnë dhe i ruajnë këto interesa, ashtu edhe nga aspekti i të qenit pasiv, duke ndaluar nga çdo vepër që i cenon këto interesa, duke caktuar masa ndëshkuese përkatëse për ata që i cenojnë këto interesa.

Dijetarët kanë mendime të ndryshme rreth shkallës së rëndësisë së interesit të nderit në raport me inetresat e tjera të domosdoshme, ku disa prej tyre siq është Subuki dhe Ibnu Nexhari kanë konsideruar se interesi i nderit është i së njëjtës rëndësi me interesin e pasurisë, ndërsa disa të tjerë janë mjaftuar me shprehjen “interesi i ruajtjes së përkatësisë familjare” në vend të shprehjes “interesi i ruajtjes së nderit”.

Ndërsa ai që i vështron tekstet e sheriatit vëren se ato i kanë kushtuar rëndësi të veçantë interesit të nderit, ku ai është përmendur në një kontekst me rëndësinë gjakut (jetës) dhe pasurisë në një numër tekstesh. Pejgamberi (salallahu alejhi ve selem) ka thënë: “Gjakërat tuaja, pasuritë tuaja dhe nderi juaj është i ndaluar (të cenohet) mes jush, ashtu siq është e ndaluar të cenohet shenjtëria e kësaj dite (ditës së arafatit), shentëria e këtij muaji (dhul hixhes) dhe shenjtëria e këtij vendi (Mekes)”[2].
Po ashtu thotë: “Çdo musliman e ka të ndaluar (ta cenoj) gjakun, pasurinë dhe nderin e muslimanit… një muslimani i mjafton si mëkat nënçmimi i vëllaut të tij musliman”.

Nga kjo pikënisje, sheriati ka sjellë masën ndëshkuese ndaj atij që i shpif dikujt për kurvëri (zina), me qëllim që të ta ruaj interesin e nderit, e po ashtu ka sjellë masë ndëshkuese të pacaktuar ndaj atij që bën shpifje tjera që janë më vogla se shpifja për kurvëri, duke ruajtur me këtë gjërat që e plotësojnë interesin e nderit.

Vijon…

www.imamalbani.org

Autor: Dr. Saed Esh Shithri

Përktheu: Jeton Bozhlani

__________________________
[1] El muvafekat: 6/2, Mexhmuul fetava: 48/20

[2] Buhariu dhe Muslimi.

[GURI SYLAJ]

Postimi origjinal është bërë nga Kosova19

...si u pajtove dhe si nuk u pajtove është njesoje dhe nuk qone peshe se ti as qe din spari me lexua Kurani e sa per tefsir mos te flasim.




...kjo ështe rren se dijetaret nuk kan kundershtime.

"Sikur njerezit te kishin dashur te jene te ditur aq sa duan te jene te pasur dhe te bukur, nuk do te kishte pasur mbi siperfaqen e tokes kaq shume injorante". - Jakup Hasipi (Allahu e meshirofte)

Hajt kallxom tash , ku eshte ketu Vullneti ( URDHERI) i Allahut !!????? Masi po thu qe nuk ka kundershtime apo ndoshta ti nuk ke mundesi me e ba kete dallim ne mes deshires se Individit dhe Urdherit te Allahut!?

[Alima]

Postimi origjinal është bërë nga GURI SYLAJ

"Sikur njerezit te kishin dashur te jene te ditur aq sa duan te jene te pasur dhe te bukur, nuk do te kishte pasur mbi siperfaqen e tokes kaq shume injorante". - Jakup Hasipi (Allahu e meshirofte)

Hajt kallxom tash , ku eshte ketu Vullneti ( URDHERI) i Allahut !!????? Masi po thu qe nuk ka kundershtime apo ndoshta ti nuk ke mundesi me e ba kete dallim ne mes deshires se Individit dhe Urdherit te Allahut!?

...

Allahu me amin , i madhe ishte rahmetlia !


Bal , mu pom duket se ka desht me thone , kane , kane kundershtime ... edhe kane !



.

Postimi origjinal është bërë nga GURI SYLAJ

"Sikur njerezit te kishin dashur te jene te ditur aq sa duan te jene te pasur dhe te bukur, nuk do te kishte pasur mbi siperfaqen e tokes kaq shume injorante". - Jakup Hasipi (Allahu e meshirofte)

Hajt kallxom tash , ku eshte ketu Vullneti ( URDHERI) i Allahut !!????? Masi po thu qe nuk ka kundershtime apo ndoshta ti nuk ke mundesi me e ba kete dallim ne mes deshires se Individit dhe Urdherit te Allahut!?

......si shkurt e shqip vullneti i Allahut eshte qe na ka lane vet te jetoim ne "Demokraci" vet te vendosim a te besoim apo mos te besoim, kende ta adhuroim, si te kaloim kohen dhe jeten.