300 mijë familje, 460 mijë kredi

300 mijë familje, 460 mijë kredi


Lavdim Hamidi | 29-02-2012 12:48 CET


Pavarësisht kamatave të larta, të gjitha familjet kosovare janë të zhytura në kredi bankare. Bankat komerciale dhe institucionet mikrofinanciare i kanë të aprovuara rreth 460 mijë kredi, përderisa numri i përgjithshëm i ekonomive familjare, sipas të dhënave të Agjencisë së Statistikave të Kosovës është mbi 295 mijë, krahas rreth 1.8 milionë banorëve që ka Kosova.
Zëdhënësi i Bankës Qendrore të Kosovës (BQK), Besnik Kada, thekson për “Zërin” se numri i kredive të lëshuara nga bankat komerciale deri në janar 2012 është 392 mijë e 652. Ndërsa institucionet mikrofinanciare që veprojnë në vend i kanë të lejuara rreth 64 mijë kredi.
Sipas statistikave të Bankës Qendrore, shuma e përgjithshme e kredive të lejuara nga bankat arrin në rreth 1.7 miliardë euro, ndërsa institucionet mikrofinanciare i kanë lejuar mbi 115 milionë euro kredi. Vlera mesatare e një kredie të lejuar nga këto të fundit është më pak se 1900 euro.
Sipas raportit të stabilitetit financiar të Kosovës, të përgatitur nga Banka Qendrore, mikrofinanciarët kanë një pjesëmarrje prej 4.1 për qind në asetet e përgjithshme të sektorit financiar.
Kreditë e lëshuara nga sistemi bankar, sipas BQK-së, shënuan një ritëm më të shpejtë të rritjes gjatë vitit 2011, duke regjistruar një rritje vjetore prej 16,4 për qind, krahasuar me rritjen prej 13.2 për qind që ishte shënuar në vitin 2010.
Kreditë për ndërmarrjet vazhdojnë të përfaqësojnë pjesën më të madhe të kredive, me pjesëmarrje prej 69.5 për qind.
Në anën tjetër, kreditë e lëshuara për ekonomitë familjare përbëjnë 30,5 për qind të kredive të përgjithshme. Struktura e kredive sipas afatit të maturimit vazhdoi të dominohet nga kreditë me afat mbi 2 vjet, të cilat përfaqësuan 71,3 për qind të gjithsej kredive.
Kreditë me afat maturimi më të ulët se 1 vit, në vitin 2011 kishin pjesëmarrje prej 21,1 për qind. Ndërsa, pjesëmarrja e kredive me maturitet mes 1 dhe 2 vite ishte 7,3 për qind.
Dallimi ndërmjet normave të interesit në kredi dhe depozita në vitin 2011 ka qenë 10,6 për qind, krahas 10,9 % sa ka qenë në vitin 2010.
Gjatë periudhës janar-dhjetor 2011, norma mesatare e interesit në kreditë e ndërmarrjeve ishte 12,9 për qind, ndërsa norma mesatare e interesit në kreditë për ekonomitë familjare ishte 11,9 për qind.
Vlera e përgjithshme e profitit neto të realizuar nga bankat komerciale që operojnë në
Kosovë, në vitin 2011, ishte 37 milionë euro, që paraqet një normë vjetore të rritjes prej 12,8 për qind.
Derisa normat e interesit mbesin të larta, përqindja e kredive joperformuese (kredive të këqija) vazhdon të mbetet e ulët.
Sipas BQK-së, kreditë joperformuese vazhdojnë të jenë të mbuluara në nivel të kënaqshëm me provizione për humbje nga kreditë.
Raporti i kredive joperformuese ndaj gjithsej kredive, në vitin 2011, u zvogëlua në 5,7 për qind, krahasuar me 5,9 për qind sa ishte në dhjetor të vitit 2010.
12

[Makresh]

Tani po e qeshmi greqin, kurse qenkemi edhe me katastrof se ta !

[4peace]

*



Po s'thuhet badihava: "I keshmi t'keshë".
Na jimi bankrot hala pa le (newborn).
Ani k'to jon t'dhana zyrtare...
...m'i ja nise m'i kallxue ato privatet...
...jo 4strofë po 400strofë
Kosova i g'zohet Greqise se po i bohet shok

Kur um kallxoj njoni per ni rast, kesh tu u shastrisë:
1300 € borxh kish pasë njani me ni kafe...
...per kafe t'mengjezit (edhe masdrekës)
...edhe ate me nji kafene...tjerat kush e di?


*

[Arbenito]

Mjerim!!!!

[Makresh]

Postimi origjinal është bërë nga 4peace

*



Po s'thuhet badihava: "I keshmi t'keshë".
Na jimi bankrot hala pa le (newborn).
Ani k'to jon t'dhana zyrtare...
...m'i ja nise m'i kallxue ato privatet...
...jo 4strofë po 400strofë
Kosova i g'zohet Greqise se po i bohet shok

Kur um kallxoj njoni per ni rast, kesh tu u shastrisë:
1300 € borxh kish pasë njani me ni kafe...
...per kafe t'mengjezit (edhe masdrekës)
...edhe ate me nji kafene...tjerat kush e di?


*

Nje matematik palidhje po e bej ; 1'300 € x 430'000 borxhlinjë = 559'000'000 € + 10% interes = 564'590'000 € borxhë minimum !

430'000 borxhlinje jan 1/4 e popullesis se Kosoves.

[4peace]

Postimi origjinal është bërë nga Makresh

Nje matematik palidhje po e bej ; 1'300 € x 430'000 borxhlinjë = 559'000'000 € + 10% interes = 564'590'000 € borxhë minimum !

430'000 borxhlinje jan 1/4 e popullesis se Kosoves.

Jo
ty shume mire ta paska qite matematika...
...300 mije familje, ka mesatarisht 6 anetare po bojne 1 miljon e 800 mije, sa i ka Kosova
...hiqja mbi gjysmen qe jane me te rinj se 18 vjet... ce 4strofa.

Kur ta bojsh hesap pe cka hyhet borxh - mend't t'lojne:
...per me lujte n'bastore
...per me lujte ndoj loje tjeter (zhol, poker)
...me ble sende per inati t'kojshijes e qi s't'vy'jne per kurgja
...me bo shpijen me internet, rrjet satelitor, ka dy-tre mobila per anetare te familjes, me dale n'korzë (kafiq)...

Kur t'i mlidhsh krejt truç...
...derl se perm'i 85% kane hy borxh per kurgja hiç.
Te vetmit jon ata qe marrin borxh per ndonji biznes, investim ne ndonje pune ku s'mund te hyhet pa pasur kapital apo mjete per pune.

Do t'i kisha kuptue ata qe hyn borxh per bukë (ushqim). Bile keta i kisha justifikue edhe nese vjedhin, me qellim qi ta ushqejne familjen. Amo, k'ta jon shume pak.

Ka shume njerez qe marrin borxh dikund tjeter, per me ja kthye dikujt tjeter, ky tjetrit tjetrit... ku bohen ka 100 borxhlinj...


*

[Murgesha]

Kam ndëgju atje, marrim rrogë 400 euro e në muaj i hargjojmë 1000 euro
Tash po e di qysh pja bojkan.

[Neferta]

Postimi origjinal është bërë nga Murgesha

Kam ndëgju atje, marrim rrogë 400 euro e në muaj i hargjojmë 1000 euro
Tash po e di qysh pja bojkan.

Ne jemi agallar pa timarë

[Zero Cool]

1.77 miliardë euro kredi




Prishtinë, 01.10.2012

Qytetarët e Kosovës janë “mbytur” në kredi. Edhe pse kamatat vazhdojnë të jenë mjaft te larat, ata nuk hezitojnë të marrin kredi nga bankat që veprojnë në vendin tonë. Deri në qershor të vitit 2012, vlera e kredive të marra nga qytetarët ka shkuar në 1.77 miliardë euro. Kjo shifër është rritur për 9.3 për qind nga viti i kaluar.

Sipas Bankës Qendrorë të Kosovës (BQK) kreditë vazhdojnë të merren më se shumti nga bizneset dhe familjet kosovare. Madje, sipas BQK-së kreditë që kishin për destinim ekonomitë familjare shënuan rritje më të shpejtë gjatë pjesës së parë të vitit 2012 krahasuar me kreditë e destinuara për ndërmarrjet. Përderisa rritja vjetore e kredive ndaj ekonomive familjare ishte 13.0 për qind kreditë për ndërmarrjet gjatë kësaj periudhe shënuan rritje vjetore prej 7.3 për qind.

“Në qershor 2012, vlera e gjithsej kredive të sektorit bankar arriti në 1.77 miliardë euro që paraqet një rritje vjetore prej 9.3 për qind, krahasuar me normën prej 15.7 për qind të regjistruar në gjysmën e parë të vitit 2011. Kreditë për ndërmarrjet vazhdojnë të përfaqësojnë pjesën më të madhe të kredive të lëshuara nga sistemi bankar, me pjesëmarrje prej 68.9 për qind, ndërsa pjesa prej 30.7 për qind përfaqësohet nga kreditë e lëshuara për ekonomitë familjare”, ka vlerësuar BQK-ja në raport.

Më tutje BQK-ja ka treguar se në qershor të vitit 2012, struktura e kredive sipas afatit të maturimit është dominuar nga kreditë me afat mbi 2 vite, të cilat përfaqësuan 69.5 për qind të gjithsej kredive. Kreditë me afat maturimi më të ulët se 1 vit, në qershor 2012 kishin pjesëmarrje prej 23.2 për qind. Ndërsa, pjesëmarrja e kredive me maturitet mes 1 dhe 2 vite ishte 7.3 për qind.

Por, përveç kredive që janë rritur, gjatë njëjtës kohë është rritur edhe vlera e aseteve të bankave në Kosovë. Sipas BQK-së vlera e aseteve të sistemit bankar të Kosovës në qershor 2012 arriti në 2.65 miliardë euro dhe shënoi rritje vjetore prej 6.0 për qind.

Kurse, sistemi bankar i Kosovës vazhdon të përbëhet nga gjashtë banka me pronësi të huaj, si dhe dy banka me pronësi vendore.

[LaCoStA]

Postimi origjinal është bërë nga Murgesha

Kam ndëgju atje, marrim rrogë 400 euro e në muaj i hargjojmë 1000 euro
Tash po e di qysh pja bojkan.

Bil bile ka edhe prej tyre qe perveq se i marrin rroge 400 €, e i hargjojnë 1000 €, edhe i palojnë (kursejn) nja 3-400 €