Teknologjia CLOUD

[Zero Cool]

Parametrat e teknologjisë cloud






Në të ardhmen e afërt, kur Wi-Fi të jetë i disponueshëm kudo dhe njerëzit të kenë akses në internet në çdo moment e vend që ndodhen, nuk do të ketë më rëndësi se çfarë kompjuteri përdorim apo sa shumë hapësirë ka hard disku jonë.

Të gjitha dokumentat si muzika, fotot, pra çdo gjë e jona do të ruhet në cloud (përdorimi i burimeve informatike si harduerë dhe softuerë që përbëjnë një shërbim në formën e një rrjeti).

Të paktën, këtë synojnë kompanitë serioze si Google, Amazon apo Microsoft. Ato janë gjithashtu në garë për teknologjinë e tyre cloud dhe hapësirën që ofrojnë. Me serverat e tyre ‘cluster’ ato mund të regjistrojnë madhësi të jashtëzakonshme të dhënash. 20 janë konkurrentët aktualë: DropBox, Box, Cubby, Mozy Stash dhe disa të tjerë.

Pyetjes se sa madhësi të dhënash mund të mbajë cloud-i është vështirë t’i përgjigjesh.

Kompani si Google apo Amazon nuk i bëjnë të ditura shifrat për shkak të konkurrencës.

Megjithatë, ne mund të arrijmë të bëjmë një supozim. Le të supozojmë se operatorët më të mëdhenj të cloud-it pra Facebook, Google, Amazon dhe Microsoft, ruajnë 300 petabytes të dhëna secila, atëhere cloud-i do të arrinte 1 exabyte. E frikshme apo jo?!

Llogaritet që kaq hapësirë do të mjaftonte për të ruajtur të gjitha dokumentat që zotëron njerëzimi.




Por, në terma më të thjeshta, sa e madhe është një exabyte?

1 exabyte = 1024 petabytes = 1 048 576 terabytes = 1 073 741 824 gigabytes = 1 099 511 627 776 megabytes

Kjo hapësirë do të thotë:

4.2 milionë Macbook Pro me HDD 256GB

16.8 milionë iPhone 4S me hapësirë (maksimalja) 64GB

213.4 milionë filma HD (me madhësi 5GB secili)

268.4 milionë Flash Drive me madhësi 4GB

1.6 miliardë CD me 80 minuta muzikë (700MB secila)

180.2 miliardë foto me rezolucion të lartë (6.1MB secila foto)

366.5 miliardë këngë tre minutëshe (3MB secila)

763 miliardë disketa (1.44MB secila).

[Zero Cool]

Glide1, një aplikacion për të menaxhuar të gjitha pajisjet e patentuara





Premtimi i parealizuar i "reve" është efiçenca mes platformave- aksesi i çastit, editimi dhe ndarje e skedarëve nga çdo pajisje dhe vendndodhje.

Platformat e patentuara kanë "edhe re të patentuara" (si Apple iCloud) dhe segmentimi i skajshëm i tregut krijon shërbime të shkëputura që kanë vetëm një qëllim (si Picasa për foto, YouTube për video etj), duke rezultuar në fragmentim të direktorisë së skedarëve dhe mosmarrëveshje dixhitale për përdoruesit.

Glide1 është një aplikacion të cilin mund ta instaloni në PC, tablet dhe smartfon. Glide1 është i pozicionuar në pikën ndarëse mes pajisjeve të patentuara dhe shërbimeve të shkëputura në re.

Glide ofron me efikasitet integrim të automatizuar mes pajisjeve dhe shërbimeve në re duke përfshirë:

1) akses në skedarë dhe aplikacione dhe menaxhimin e skedarëve duke ofruar përputhje në shikimin dhe menaxhimin e skedarëve;

2) siguri në ndarje dhe gjurmim mes pajisjeve përmes lejes granulare (mes pajisjeve dhe platformave); dhe

3) zotërim dhe administrim i skedarëve dhe aplikacioneve (mes platformave).

Duke adresuar pengesat teknike të pikës së takimit, Glide1 ka potencialin që të ndryshojë peizazhin e informatikës në re.

“Ekziston një nevojë e madhe për një aplikacion që menaxhon të gjithë skedarët e një përdoruesi, të shpërndarë në pajisje të ndryshme të patentuara dhe në shërbime të shkëputura në re – Glide1 do të bëjë pikërisht këtë”, thotë Presidenti dhe CEO i TransMedia, Donald Leka. “Besojmë se Glide1 është revolucionar sepse do të sigurojë një pikë të vetme aksesi për të gjithë skedarët dhe informacionin e përdoruesit dhe bashkëpunim transparent mes përdoruesve të pajisjeve dhe platformave që nuk përputhen.”


Problemi

Klienti potencial mund të ketë një Windows PC në punë, një Mac në shtëpi, një smartfon Google Android dhe një Apple iPad.

Kjo vjen nga fakti se Microsoft Windows vazhdon të jetë lider në tregun e kompjuterëve personale me 87.6% të tregut për versione të ndryshme të sistemit operativ Windows (Forrester Report, mars 2011); Google Android kryeson në tregun e smartfonëve me 52% të tregut (Gartner, shtator 2011); dhe Apple iOS (iPad/iPad2) kryeson në tregun e “media tabletëve” me 73% të tregut (IDC, qershor 2011).

Mosmarrëveshja dixhitale për përdoruesit shtohet edhe më tej nga shpërndarja e skedarëve dhe e informacionit në shërbime të shkëputura në re dhe në shërbime që ndajnë mes përdoruesve foto, muzikë, video dhe dokumente, si Flickr, YouTube, Dropbox dhe Box.

Ky është kryqëzimi ku përdoruesit duhet të kalojnë çdo ditë në jetën e tyre dixhitale.

Zgjidhja që ofron Glide1


Glide1 do të ofrojë një pikë të vetme aksesi për të gjithë skedarët dhe informacionin e përdoruesve të magazinuar në PC, tabletë, smartfonë, në re dhe në shërbime ndarëse. duke përdorur aplikacionin e Glide për sinkronizimin e platformave dhe përbërësve të shfletuesve për Microsoft Internet Explorer, Apple Safari, Mozilla Firefox dhe Google Chrome, Glide1 do të sinkronizojë të gjitha direktoritë e skedarëve mes pajisjeve dhe shërbimeve në re duke konsoliduar direktoritë dhe të dhënat e përdoruesit në serverët e Glide.

Edhe pse Glide ofron një zgjidhje komplete për magazinimin në re, aplikimi i ri Glide1 mund të lidhë jetën dixhitale të përdoruesit në një skedar të vetëm në serverët e Glide.

Glide1 është i dobishëm si për konsumatorët edhe për bizneset në mënyrat në vijim:

1) Konsolidim - i direktorive të skedarëve të magazinuar në pajisje të ndryshme dhe në shërbime në re (si dhe emrat e përdoruesve dhe fjalëkalimet për akses automatik);

2) Lehtësi - akses i vetëm në të gjitha gjërat tuaja dixhitale pa qenë nevoja të lëvizni skedarë ose të ndryshoni shërbimin që përdorni.

3) Kursim kohe - akses i shumëfishtë në pajisje dhe shërbime të ndryshme në re falë një pike hyrjeje; dhe

4) Rritje e ndarjes së skedarëve dhe rritje të funksionalitetit të publikimit. Glide mund të përdoret për të ndarë dhe publikuar virtualisht të gjitha llojet e skedarëve të magazinuara në çdo pajisje ose shërbim në re si Twitter, Facebook, Google+, Craigslist, Ebay etj.


Glide1 lehtëson “Bring-Your-Own-Device" (BYOD)

Me Bring-Your-Own-Device (BYOD) – punonjësit mund të përdorin pajisjet e tyre dhe shërbimet në re për të punuar , diçka që po pranohet gjithnjë e më shumë, ndërkohë që administratorët e IT-së në kompani të ndryshme kanë vështirësi të adresojnë problemet e sigurisë që shoqërojnë këtë situatë.

Aktualisht, shumica e bizneseve nuk kanë strategji, politika ose sisteme IT për të menaxhuar përdorimin e pajisjeve personale në korporata.

Glide1 u ofron organizatave një zgjidhje për administrim të centralizuar të skedarëve dhe informacionit që gjendet në pajisjet personale të punëtorëve dhe anëtarëve si dhe në shërbimet në re të palëve të treta.

[Zero Cool]

Ekosistemi i “cloud computing” do të mbërrijë këtë vit





Tregu global i “cloud computing” do të vazhdojë të rritet në vitin 2013, ku ndërmarrjet do të shikojnë për të zvogëluar shpenzimet dhe për të rritur risitë, sipas firmës Ovum.

Në saj të raportit "2013 Trends To Watch:Cloud Computing" , Ovum ka parashikuar se modelet publike, private, dhe hibride cloud janë duke evoluar dhe duke u përshtatur me gradat sipërmarrëse. Sipas analistit të Ovum Software UK, Laurent Lachal, shfaqja e ekosistemeve cloud do të jetë këtë vit.

"Clouds publike janë afruar gjithnjë e më shumë jo vetëm si platformat e ofrimit të teknologjisë, por edhe si shpërndarës të ekosistemit për ofruesit e shërbimeve cloud dhe konsumatorët",-tha ai në një deklaratë.

"Këto Clouds publike ofrojnë një mënyrë të re për të përshpejtuar pjesëmarrjen në rrjetet sociale që evoluojnë me shpejtësi dhe ekosistemet të zgjedhjes mobile të moshës së internetit".





Të dhënat Big

Raporti i Ovum gjithashtu parashikon që të dhënat do të bëhen “vaj” i “cloud computing “të ri gjatë 2013. Sipas Lachal, kjo është për shkak se shërbimet “cloud computing”, dhe aplikacionet sociale ose platformat mobile që mbështesin cloud, të gjenerojnë një shumë të dhënash të cilat në kthim kërkojnë shërbimet dhe aplikacionet cloud të cilat kanë kuptim.

"Kjo prirje lidhet me trendet dhe furnizuesit e tjerë të industrisë të tilla si Internet of Thing, hapja e të dhënave qeverisëse, përdorimin e IT dhe e fundit por jo më pak, të dhënat e mëdha", tha ai.

"Vëmendja e tregut nën “flamurin” e të dhënave të mëdha, aktualisht është përqendruar kryesisht në çështjet e teknologjisë, por nga 2013 e në vazhdim nuk do të rritet interesi në ndërrimin kulturor të kërkuar nga shitësit dhe ndërmarrjet për të kthyer të dhëna në një burim për ti menaxhuar dhe për ti bërë monedha".

Kjo do të përfshijë menaxhimin e të dhënave abstrakte nga themeli i sistemeve IT, ndarjen brenda dhe jashtë ndërmarrjes, dhe vlerësimin përmes një modeli nga ofruesit e shërbimeve cloud të tilla si Accenture.

"Disa shitës kanë luajtur me kartën e të dhënave cloud në fillim, por prodhimi i të dhënave cloud, dhe konsumi i ekosistemit është ende në marrje dhe do të vazhdojë të zhvillohet gjatë pesë viteve të ardhshme",- tha Lachal.

[Zero Cool]

BitTorrent Sync, shërbim falas për ngarkim pa kufi në cloud





Shërbimet për backup në cloud janë duke u paraqitur gjithkund këto ditë, ku edhe vetë BitTorrent është duke u hedhur në cloud: BitTorrent ka lajmëruar një shërbim të ri për backup në cloud të cilin e quan Sync dhe ndonëse ka mjaft shumë ngjashmëri me shërbimet e tjera në cloud që tashmë ekzistojnë, Sync ofron disa ndryshime kyçe.

Duke përdorur Sync-in, ju në fakt jeni duke përdorur serverët e BitTorrentit për të bartur skedarët nga njëra pajisje tek tjetra. Kjo ka një numër të përfitimeve, pasi nënkupton që ju më nuk do të jeni të kufizuar për madhësinë sikurse jeni me shërbimet e tjera.

Njëra nga kokëçarjet madhore me shërbimet si Dropbox dhe SkyDrive është që ju jeni të kufizuar në atë se sa mund të vendosni në folderët tuaj të sinkronizuar, për shembull, me Dropbox ju merrni 2 GB hapësirë të lirë pa pagesë dhe që shpenzohet shpejt kur e përdorni për të sinkronizuar shumë video.

Sapo ta keni arritur kufirin, ju duhet të shpenzoni para për të marrë më tepër hapësirë.

Kjo nuk është një ankesë e madhe, teksa ndërmarrjet që ekzistojnë bëjnë para nga këto pagesa.

Sync i BitTorrent-it në anën tjetër është falas për t’u përdorur. Ju nuk duhet të shqetësoheni për kufizimet në madhësinë e bartjeve që e realizoni nga një pajisje në tjetrën, që me siguri tingëllon si një gjë mjaft e këndshme për ata që në vazhdimësi duhet të mbështeten në shërbimet e cloud-it për bartur skedarët mes pajisjeve.

Aq mirë sa tingëllon, ekziston vetëm një problem: BitTorrent Sync nuk është ende në dispozicion për t’u përdorur (nëse nuk dëshironi ta përdorni versionin testues pre-alpha). Ai për momentin është në fazat e testimit, por mbase mund të kalojnë disa muaj derisa Sync të jetë në dispozicion për përdoruesit e BitTorrent-it.

[Zero Cool]

London Gatwick Airport

Prova që edhe aeroportet po zhvendosen në cloud







Teknologjia cloud dhe strategjia “bring your own device” (BYOD) – “sillni pajisjen tuaj” janë metoda që adaptohen zakonnisht nga bizneset.

Por mesa duket ky konstatim ka filluar të ndryshojë. Aeroporti London Gatwick, i cili renditet i dyti për nga madhësia në Mbretërinë e Bashkuar, po shkon drejt adaptimit të të dyja këtyre metodologjive.
Pas marrjes së aprovimit në vjeshtën e vitit të kaluar, London Gatwick filloi planin për kalimin nga serverët tek shërbimet në cloud. Michael Ibbitson, CIO i aeroportit, është shprehur se deri tani kanë hequr nga qarkullimi 200 servera. Ndërkohë punët do të vazhdojnë deri në vitin 2016, ku pritet të kalohet nga tre qëndra të dhënash në një të vetme.

Gatwick u shërben gjithsej mbi 34 milionë pasagjerëve në vit. Aeroporti ka filluar tashmë përdorimin e gjerë të shërbimeve cloud, përfshi Amazon-in në Irlandë, Box.net, ServiceNow dhe Yammer. Për më tepër, në Gatwick po punohet me një zhvillues aplikacionesh në industrinë e linjave ajrore, i cili do të ndërtojë versione të bazuara në cloud për produktet e tyre.

Për menaxhimin dhe kontrollimin e mënyrës se si përdoren shërbimet në cloud nga punonjësit e aeroportit, Gatwick po bashkëpunon me një firmë shërbimesh menaxhimi, e specializuar për cloud-in. Ajo u mundëson menaxherëve të sigurisë të kontrollojnë, menaxhojnë dhe vëzhgojnë aksesin e stafit në shërbimet në cloud.

Një nga arsyet e adaptimit të kësaj teknologjie është reduktimi i kostove. Një arsye tjetër janë edhe përmirësimet e dukshme që ka pësuar kjo teknologji, duke sjellë avantazhe të tjera për përdoruesit.
Përpos cloud computing, në aeroport përdoret edhe praktika BYOD. Pjesa më e madhe e punonjësve mund të aksesojnë shërbimet në cloud përmes pajisjeve të tyre personale. Numri më i madh i smartfonëve të përdorur janë nga Apple si dhe ato me Android.