Lajme aktuale nga vendi !

[Peja-Boy]

Sot pasdite u Vra edhe nje Person en Peje ,nuk dihet arsyet apo identitetet e vrasesve dhe te ndjerit , per me shum kur te degjoj Lajmet ju Lajmroj ...Kaq Nga The Texas City ...

[Zero Cool]

Qeveria s’ka buxhet për gratë e dhunuara


Prishtinë, 12.06.2013

Qeveria e Kosovës nuk e përkrah plotësim-ndryshimin e ligjit për për statusin dhe të drejtat e dëshmorëve, invalidëve, veteranëve, pjesëtarëve të UÇK-së, personave të dhunuar gjatë luftës, viktimave civile të luftës dhe familjeve të tyre, pasi nuk kanë buxhet me të cilin do të bëhej implementimii projektligjit. Por, kundër këtij ka dal shoqëria civile dhe organizatat e dala nga lufta të UÇK-së, duke thënë se nuk është arsyetim mungesa e buxhetit.

Gjatë, dëgjimit publik që ka mbajtur Komisioni për Shëndetësi, Punë dhe Mirëqenie Sociale për Projektligjin për ndryshimin dhe plotësimin e ligjit për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, personave të dhunuar gjatë luftës, viktimave civile të luftës dhe familjeve të tyre, Ministri i Punës dhe Mirëqenies Sociale Nenad Rashiq tha se duhet të jenë të kujdesshëm sepse çdo veprim i cili nuk është i planifikuar mund të bëjë dëme të shumëfishta dhe ta dëmtoj se pari jo vetëm buxhetin e Kosovës, por edhe marrëdhëniet ndërkombëtare dhe institucionale me faktorët që janë shumë të rëndësishme për të gjithë.

“Unë në këtë projektligj absolutisht nuk e kundërshtoj esencën e projektligjit, nuk e kundërshtoj idenë e tij, kjo është me vend dhe me besoni nga ana morale, Ministria e Punës do të përkrah çdo projektligj që ka për detyrë rregullimin e statusit personave që kanë qenë të dhunuar, të dëmtuar gjatë konfliktit. Por nga ana tjetër duhet ta theksoj se forma e prezantuar në këtë projektligj nuk është në nivelin që ne mund ta përkrahim. Këtë po e them për shkak se e dini edhe ju vet se buxheti planifikohet jo vetëm vit për vit por planifikohet për tre vitet e ardhshme”, tha ministri Rashiq.

Ai u shpreh se të gjithë ata që kanë pasur pasoja gjatë luftës kanë të drejtë, jo vetëm morale, por edhe institucionale për kompensim, edhe pse sipas tij, nuk ka forma financiare që mund të kompensoj një humbje qoftë familjare qoftë morale gjatë luftës.

Rashiq tha se në këtë projektligj e sheh se ka një rrezik të kostos i cili do të tejkalon të gjitha mundësitë që ata kanë për këtë moment, por po ashtu në të ardhmen planifikime nuk kanë bërë dhe që për momentin nuk kanë as numër të saktë të personave që duhet kompensuar, e as kosto finale financiare.

Në anën tjetër drejtoresha e Rrjetit të Grave Igballe Rugova ka kundërshtuar arsyetimin e ministrit Rashiq se nuk kanë kosto financiare për ta implementuar ligjin, duke thënës e rëndësia që kanë këto gra nuk duhet të bisedohet se a ka mundësi të lejoj buxheti apo jo, sepse ato gra janë dëmtuar shumë edhe është koha që t’ua kompensojnë dëmin, lëndimet që ato i kanë pasur.

“Ministër dëmi është bërë shumë i madh nga okupatori edhe dëmi është bërë shumë i madh edhe nga shoqëria jonë. Gjithë këto 14 vjet u kemi bërë dëm këtyre grave. E them këtë sepse deri tash janë identifikuar dhe kanë pranuar të identifikohen vetëm gratë edhe pse e dimë që në Kosovë ka pasur edhe burra, por ata kurrë nuk do të dalin të thonë që kanë qenë të dhunuara”, tha Rugova.

Ndërsa, kryetar i OVL-UÇK-së Muharrem Xhemajli tha se ata edhe më herët kanë qenë kundër këtij projektligji, para se të hyn në plotësim ndryshim, tek çështja e veteranëve dhe pjesëtarët e UÇK-së. Sipas tij veteranët janë të përjashtuar nga të gjitha beneficionet me anë të këtij ligji.

“Ne mendojmë që personat e dhunuar ka pasur mundësi dhe ka mundësi që të mbesin në këtë emërtimin për viktimat civile, sepse duke marr parasysh viktimat civile konsiderohen të gjithë ata njerëz që kanë qenë të pambrojtur dhe kanë pësuar në forma të ndryshme. Nuk do të thotë se është viktimë civile është vrarë apo është maltretuar sepse termi dhunim është termë i gjerë dhe duhet të bisedohet për këtë se çka nënkuptojmë me termin dhunim”, u shpreh Xhemajli.

[Zero Cool]

Malazezët keqtrajtojnë dhe plaçkitin shqiptarët








Publikuar, 20/06/2013



Doganierët Malazez, kërkojnë 100 euro nga mërgimtarët ose kaloni për Serbi

Mërgimtarët që shkojnë në Ulqin apo edhe vijnë në Kosovë nëpërmjet Malit të Zi detyrohen të paguajnë nga 100 euro në doganën e këtij vendi fqinji me Kroacinë, vetëm për shkak se kalimtarët kanë pasaportë të Kosovës.

Kjo për udhëtarët dhe dëshmitarët e këtij keqtrajtimi nga shteti malazias, doganierët malazez, është plaçkitje, pasi paratë shkojnë drejtpërdrejtë në xhepat e këtij personeli.

“Ishin dy doganierë, njëri tullac, ndërsa pak metra më larg veturës sonë qëndronte një femër dhe sikur kënaqej me ato që shihte”, thotë mërgimtari, i cili jeton në Danimarkë, B.L.

Për t’ua marrë paratë me çdo kusht ata kërcënonin udhëtarët shqiptarë se do ti dërgonin në polici, në gjykatë. “Dy doganier malazez, për çdo hapje të veturës, thoshin ‘pllati (paguajë) 100 euro”, ju dërgojmë në gjyq, në polici. Kërkonin raportim për paratë që kishin me veti, një dokument”, thotë mërgimtari i revoltuar me tërë atë që ka përjetuar një ditë më parë, teksa po udhëtonin drejt Ulqinit dhe Kosovës, në pikën kufitare të Malit të Zi me Kroacinë në afërsi të qytetit turistik Dubrovnikut.

M. B. mërgimtar në Gjermani, që ishte i shoqëruar nga B. L., kur u detyruar të paguante hiq më pak se 100 euro, që në fakt, ia mori paratë pa e pyetur. “Ose më jepni një Iphone”, thoshte malazezi. “Kjo ishte plaçkë për lëndinë”, thotë. B.L.

Përveç plaçkitjes, duket se doganierët malazez e kanë hallin e Serbisë, dhe jo të shtetit të tyre, pasi keqtrajtimin e bëjnë për Serbinë dhe interesat e saja, por në kurriz të shqiptarëve. “Ata po bëjnë presion në mërgimtarët tanë dhe pyesin pse nuk po kaloni nëpër Serbi, ngase ajo po i pranon dokumentet e Kosovës”, kështu na thotë z.B.L.

Për shqiptarët është shqetësues fakti se pavarësisht që kryetari i Ulqinit dhe politikanët shqiptarë në Mal të Zi po i bëjnë thirrje diasporës shqiptare për të shkuar turist në Ulqin, ata nuk po reagojnë ndaj keqtrajtimeve.

Po ashtu këta mërgimtarë që kanë përjetuar këto keqtrajtime bëjnë thirrje tek shqiptarët e diasporës, që të kenë kujdes se cilën pikë e zgjedhin për të kaluar andej. “Unë e thirra ambasadën daneze, dhe ata më kërkuan që të bëja një raportim në polici, po ashtu kontaktova edhe një avokat, por ai më tha se ti e din si janë shkiet, qeni qenin se han”, përfundon B.L.

[Guri i madh]

Me pagë 36 mijë euro – merr edhe pension invalidor






Publikuar: 23.06.2013 - 09:55Prishtinë, 23 qershor - Gjithsej pronat e tij bashkë më ato të cilat i ka deklaruar si trashëgimi familjare, kapin vlerën prej 848 mijë euro. Së paku kështu i ka vlerësuar vetë kryeshef ekzekutiv i ndërmarrjes publike “Ibër Lepenc”, Hajdar Beqa, në formularët e deklarimit të pasurisë në Agjencisë Kundër Korrupsionit (AKK). Beqaj, i cili është edhe kandidat i Partisë Demokratike të Kosovës (PDK) për kryetar të Gjakovës në zgjedhjet lokale, në cilësinë e kryeshefit të “Ibër Lepencit” ka një pagë vjetore prej 24 mijë e 873 euro.

Edhe pse pagë kjo shumë më e lartë se sa e ministrave të Kosovës, Beqaj për punën e tij të “suksesshme” ka marrë ekstra bonus prej 10 mijë e 890 euro. Pra gjithsej brenda vitit për punën në krye të kësaj ndërmarrje ai merr rreth 36 mijë euro.

Por si duket ky zyrtar publik pos pagës së majme dhe shpenzimeve të tjera që i mbulohen si ato të harxhimeve telefonike, karburantet dhe mëditjet e tjera nuk është ngopur, edhe më tej i shikon mundësitë se si të marrë nga buxheti i Kosovës. Ai tash sa vjet merr edhe pensionin e invalidit të luftës prej 2 mijë e 160 euro, shkruan gazeta Zëri.

Sipas gazertës, këto të ardhura Beqës i janë rritur kohë pas kohe nga periudha kur ka marrë postin e kryeshefit të kësaj ndërmarrjeje në vititn 2009. Nëse analizohen formularët e deklarimit të pasurisë së këtij zyrtari në vitin 2010 kur ka deklaruar pagë vetëm 20 mijë e 520 euro, ai një vit më vonë në vitin 2011 ka nisur të marrë pensionin invalidor prej 1 mijë e 440 euro.

Në vitin 2012 paga e tij vjetore bruto është shkruar 34 mijë e 313 euro dhe pensioni invalidor tashmë i ngritur në 2 mijë e 160 euro. Ndërkaq në deklarimin e fundit të pasurisë, paga bazë e Beqajt bashkë me bonuse kap shumën prej 35 mijë e 763 euro dhe pension prej 2 mijë e 160 euro prej gjithsej gati 38 mijë euro.

Hajdar Beqa nga vitit 2010 e deri më tash ka deklaruar pasurinë e paluajtshme të njëjtë përveç se një prone ia ka rritur vlerën. Ndërkohë dhe është avancuar me veturë nga një vlerë prej 17 mijë euro në një tjetër të tipit BMw X5 në vlerë prej 30 mijë euro.

Në vitin 2010, një vit pas emërimit të tij kryeshef në “Ibër Lepenc”, Hajdar Beqaj, ka deklaruar pasuri: banesë prej 78 metra katrorë në vlerë prej 78 mijë euro (kredi 14 mijë euro), të blerë në vitin 2008, 5 ar tokë në lagjen “Sofalia” në Prishtinë, të blerë në vitin 1985 (e përbashkët me familje) në vlerë prej 50 mijë euro, shtëpi me një hektar tokë në fshatin Molliq prej edhe nga vjen Beqaj (pasuri e trashëguar nga familja) në vlerë prej 250 mijë euro, 4 hektarë të tjera nga po ky fshat të cekura si pasuri e trashëguar në vlerë prej 300 mijë euro bashkë me një tokë tjetër të pyllëzuar prej 3 hektarë të vlerësuar 150 mijë euro.

E njëjta pasuri është deklaruar për katër vjet me radhë. Ndërkohë që pronës në “Sofali” nga 50 mijë euro në vitin 2010, Beqaj ka vlerësuar se i është rritur vlera në 70 mijë euro.

[Zero Cool]

Ambasada amerikane: VV dëmton reputacionin e Kosovës me taktika të dhunshme


Prishtinë, 27.06.2013

Ambasada amerikane përmes një deklarate për media njoftoi se sot në mëngjes ambasadorja Tracey Jacobson dhe personeli i ambasadës amerikane u penguan fizikisht nga protestuesit e Vetëvendosjes për të hyrë dhe marrë pjesë në seancën e rregullt parlamentare, në ndërtesën e Kuvendit të Kosovës.

Në deklaratë thuhet se vëzhguesit tjerë dhe deputetë janë sulmuar në të njëjtën mënyrë, gjersa tentonin të hynin në ndërtesë.

“Siç kemi theksuar me të gjithë liderët e sidomos me ata të Vetëvendosjes, ndërkohë që Shtetet e Bashkuara respektojnë të drejtat e qytetarëve për lirinë e shprehjes, njëkohësisht dënon përdorimin e taktikave të dhunshme në pengimin e procesit demokratik. Liria e shprehjes nuk do të thotë kufizimi i lirisë së lëvizjes për të tjerë. Duke u mbështetur vazhdimisht në taktika të dhunshme, Vetëvendosja dëmton reputacionin e Kosovës së një demokracie në zhvillim”, thuhet në deklaratën e ambasadës amerikane.

Ambasadorja Jacobson është duke ndjekur seancën e sotme me ftesë zyrtare të Kuvendit të Kosovës.

[Zero Cool]

Ashton: Marrëveshje për kodin telefonik të Kosovës


Beograd, 27.06.2013

Serbia dhe Kosova kanë arritur marrëveshjen për kodin telefonik të Kosovsë, ka thënë përfaqësuesja e lartë e BE Catherine Ashton në mbledhjen e Këshillit për Politikë të Jashtme të Parlamentit Evropian, transmeton Koha.

Siç transmeton FoNet, Ashton, duke iu përgjigjur pyetjes së raportuesit të Parlamentit Evropian për Serbinë Jelko Kacin, ka thënë se marrëveshja për kodin telefonik është pjesë e pakos për çështje të tjera lidhur me telekomunikacionin që pret konfirmimin final.

Ajo ka shtuar se kryeministri i Kosovës dhe ai i Serbisë “kanë kaluar më shumë se 100 orë në dialogun e lartë politik", që ka rezultuar me Marrëveshjen për normalizim marrëdhëniesh më 19 prill, ka kumtuar kabineti i Jelko Kacinit.

Në fillim të majit autoritetet e Prishtinës kishin kumtuar se ishte arritur marrëveshja me Beogradin që kodi telefonik për Kosovën të jetë +383 ose +384.

[Zero Cool]

Postimi origjinal është bërë nga Zero Cool

Ashton: Marrëveshje për kodin telefonik të Kosovës


Beograd, 27.06.2013

Serbia dhe Kosova kanë arritur marrëveshjen për kodin telefonik të Kosovsë, ka thënë përfaqësuesja e lartë e BE Catherine Ashton në mbledhjen e Këshillit për Politikë të Jashtme të Parlamentit Evropian, transmeton Koha.

Siç transmeton FoNet, Ashton, duke iu përgjigjur pyetjes së raportuesit të Parlamentit Evropian për Serbinë Jelko Kacin, ka thënë se marrëveshja për kodin telefonik është pjesë e pakos për çështje të tjera lidhur me telekomunikacionin që pret konfirmimin final.

Ajo ka shtuar se kryeministri i Kosovës dhe ai i Serbisë “kanë kaluar më shumë se 100 orë në dialogun e lartë politik", që ka rezultuar me Marrëveshjen për normalizim marrëdhëniesh më 19 prill, ka kumtuar kabineti i Jelko Kacinit.

Në fillim të majit autoritetet e Prishtinës kishin kumtuar se ishte arritur marrëveshja me Beogradin që kodi telefonik për Kosovën të jetë +383 ose +384.

Kosova pa marrëveshje me Serbinë për telekomunikacionin


Bruksel, 28.06.2013

Autoritetet e Kosovës kanë hedhur poshtë sot propozimin e Serbisë për telekomunikacionin, që ishte harmonizuar në Bruksel minids ndërmjetësit të BE Pierre Mirel dhe delegacionit të Serbisë, njoftoi Tanjugu.

“Marrëveshja për telekomunikacionin që ishte arritur dje në Bruksel ishte e pranueshme edhe për BE-në, edhe për delegacionin e Qeverisës së Serbisë, por nga Prishtina sot bëhet e ditur se për të ajo është e papranueshme”, citon Tanjug një burim “jozyrtar”.

Nuk jepen hollësi se çfarë përmbante ajo marrëveshje. Më parë ishte pohuar se Serbia do të kërkonte një kod telefonik të cilin pastaj do t’ia jepte Kosovës, ndërsa Serbisë do t’i lejohej një operator i telefonisë mobile në Kosovë. Nga ana tjetër Kosova ishte treguar e gatshme të kërkonte qoftë edhe nga një vend i tretë që për Kosovën të merrte një kod të veçantë telefonie, kurse Serbisë t’i lejohej një operator i telefonisë mobile në Kosovë pasi t’i nënshtrohej kritereve dhe të licencohej nga Rregullatori i Kosovës.

[Zero Cool]

RAMIQI: EDHE NE JEMI VETËVENDOSJE



Fuad Ramiqi i Lëvizjes Islame Bashkohu, në një intervistë për Gazetën Express, tregon se pse iu bashkua Albin Kurtit në protestën e së enjtes para Parlamentit të Kosovës. Ai thotë se Vetëvendosje mbron parimet e njëjta me ato të partisë së tij. Ramiqi pohon se LISBA do të konkurrojë e vetme në zgjedhje, por pas zgjedhjeve, ndër partitë më të preferuara për koalicione, e konsideron Vetëvendosjen.

Express: Fillimisht a mund të na thoni si po shkojnë punët në partinë tuaj, a keni mbajtur kongresin dhe a janë zgjedhur strukturat drejtuese nëpër degë?

F. Ramiqi: Tashmë është e ditur se jemi certifikuar si subjekt politik dhe kohëve të fundit vëmendjen ekemi përqendruar në formimin e infrastrukturës në tërë Kosovën. Pretendojmë që të jemi edhe jashtë Kosovës në perëndim, por edhe në Maqedoni, Shqipëri dhe Preshevë dhe kemi bërë këshilla nismëtare përafërsisht në pesë deri gjashtë qytetet kryesore dhe këto ditë presim që ato t’i rrumbullakësojmë dhe t’i mbajmë kuvendet e para zgjedhore, sepse deri në gusht ne duhet të mbajmë edhe zgjedhjet e brendshme, pra kuvendin e parë zgjedhor dhe deri atëherë do të jemi gati. Deri më tani nuk kemi asnjë degë, domethënë janë këshille nismëtare duke punuar nëpër qytete dhe dalëngadalë jemi duke i zgjidhur njerëzit adekuat të cilët do t’i udhëheqin degët nëpër qytete.

Express: Ju kemi parë në protestën e fundit të Lëvizjes Vetëvendosje. Çka ju lidh juve me Vetëvendosjen?

F. Ramiqi: Qëndrimet e mia janë botërisht të njohura, nëse i hyni historikut, qëndrimeve të pas luftës, gjithmonë kam pas qëndrime përafërsisht të afërta me ato të Vetëvendosjes. Vetë si njëri por edhe koncepti im politik dhe kombëtar ka qenë i përafërt me atë të Vetëvendosjes dhe zakonisht në të gjitha protestat e Vetëvendosjes kam marrë pjesë edhe pa u bërë subjekti politik tash i imi. Zakonisht i kemi mbështet ato kërkesat e tyre sepse iu thashë janë të përafërta me qëndrimet tona por edhe së fundi edhe Lëvizja Islame Bashkohu i ka qëndrimet e afërta sepse nuk e mbështesim as si Lëvizje e as unë si Fuad marrëveshjen e cila është bërë tashmë së fundi me Serbinë dhe jemi munduar që të japim fillimisht një kontributtë vogël në mbështetje të thirrjes së Vetëvendosjes kundër ratifikimit.

Express: A ju keni bashkuar vullnetarisht protestës së Albin Kurtit apo ka pasur koordinim mes dy subjekteve?

F. Ramiqi: Jo ne asnjëherë nuk kemi pasur koordinim, ne e kemi vlerësuar vetë situatën dhe pikat e përbashkëta të cilat janë vitale për atdheun tonë, kombin dhe shtetin, ne nuk kemi nevojë për koordinim, nuk ka askush në fakt do të duhej të ishin të gjithë pa u koordinuar për t’i mbrojtur ato interesa vitale.

Express: A mund të na thoni çfarë mendimi keni për Albin Kurtin dhe Lëvizjen e tij?

F. Ramiqi: Mendimi im është ky: Unë e vlerësojë shumë qëndrimin, vizionin dhe veprën e tij në të kaluarën dhe tash.

Express: Ky mendim i juaj a vjen pas deklarimeve të tij pro shamisë dhe qëndrimit të tij të themi të butë ndaj deklaratave të Hoxhë Irfan Salihut apo është kaherë i tillë?

F. Ramiqi: Jo unë iu thashë që me atë kam relacione edhe më të hershme dhe e kam vlerësuar atë dhe pa këto qëndrimet e fundit. Nuk ndikojnë fare këto në qëndrimet dhe mendimet që kam për Liderin e Vetëvendosjes, pra këto i kam qysh herët. Anën tjetër është një kënaqësi që Lideri i VV’së qëndrimet e fundit i ka në interesa të demokracisë së zhvilluar dhe të përparuar europiane e jo si subjekte që për interesa vazale i kundërshtojnë gjërat fondamentale të të drejtave të njeriut a gojën e kanë plot integrime e demokraci kurse ato vetë i shkelin.

Express: A i bie kjo që Lëvizja juaj dhe ajo e Albin Kurtit përkojnë me qëndrimet?

F. Ramiqi: Sigurisht që ka shumë të përafërta sepse në fokus është dinjiteti, identitet dhe pse jo edhe ekzistenca e kombit shqiptar në të ardhmen dhe gjithkund ku ka të përbashkëta aty do të bashkëpunojnë edhe pa u koordinuar. Ne i çmojmë shumë vizionin edhe pse ne e kemi të njëjtë për shembull sa i përket çështjeve kombëtare, sa i përket marrëveshjes së fundit që u bë me Serbinë definitivisht Serbia arriti që të realizojë ëndrrën e vet për Serbinë e madhe në kufijtë e brendshme, jo me metodat gjenocidiale por me formën e bisedimeve kinse demokratike duke rrumbullakësuar Veriun e Kosovës me Republika Srpska dhe e cenojë rëndë interesin e kombit shqiptarë në tërësi dhe për neve kjo është e papranueshme. Sikur që është e papranueshme defilimi i hordave çetnike me thirrjet kundër shqiptarëve gjatë ditës që ata e quajnë Vidovdan, ashtu humbjes së tyre për fat tonin dhe dëbimin e tyre nga trojet shqiptare në 1389 nga perandoria osmane dhe ne këto nuk do ti tolerojmë në të ardhmen, Ka qenë një situatë e ndjeshme, por nëse ata vazhdojnë kështu LISB’a në vitin eardhshëm do të merr masa dhe do të pengojë edhe ardhjen e tyre ose çfarëdo thirrje antishqiptare, urrejtjeje apo grup banale për neve është e patolerueshme dhe t’i ndalojmë ato grupe që të vijnë në Kosovë.

Express: Këto thoni që janë qëndrimet të përafërta për çështjeve kombëtare me Vetëvendosjes, çka sa i përket çështjeve fetare?

F. Ramiqi: Po ju e thatë më herët që ata kanë dalë përkrah bartjes së shamisë, unë nuk e shoh si përkrahje por ata vetëm e kanë zbatuar një standard demokratik gjë që edhe ne e jetojmë këtu dhe është për t’i përshëndetur jo pse e kanë bërë një punë të madhe por ata vetëm e kanë zbatuar një standard. Kurse tendencat që neve si lëvizje islame që të na etiketojnë vetëm si lëvizje islame ose tendencat që ne të hyjmë në konflikt me Lëvizjen Vetëvendosje janë të gabuara sepse koncepti edhe politik edhe filozofik edhe kombëtare edhe fetar është i përafërt.

Express: Z. Ramiqi në vjeshtë do të mbahen zgjedhjet lokale. A do të garojë LISB’a në këto zgjedhje?

F. Ramiqi: Lëvizja Islame Bashkohu e ka një mision që ta vetëdijesojë në aspektin horizontal dhe vertikal çdo qytetarë e jo vetëm familje për vlera kombëtare dhe fetare si parakusht i një identiteti të përafërt me të gjitha kombet e botës. Mos të jetë e nënshtruar nga interesa vazale apo mos të jetë satelit i interesave të dikujt tjetër edhe si komb edhe si shtet por të jetë faktor edhe paqeje edhe sigurisë por edhe forcë në Ballkan qoftë ekonomike apo ushtarake në të ardhmen. Ne do ti vlerësojmë mirë zgjedhjet por ky është një problem i keq sepse fatkeqësisht neve zgjedhjet na i caktuan serbët duke shkel rëndë rendin kushtetues dhe parimet me të cilat ne jetojmë e veprojmë dhe ndoshta është edhe një arsye që të mos marrim pjesë në këto zgjedhje?

Express: Në zgjedhjet parlamentare a do të merrni pjesë?

F. Ramiqi: Po gjithsesi në ato do të marrim pjesë, është një ndër kushtet meqë po mundohemi që mekanizmat e pushtetit të jenë vetëm mjete për të arritur qëndrimet tona dhe të distancohemi nga mentaliteti vazal dhe mentaliteti i viktimës ose kërcënimeve apo shantazhit ose interesave të tjetër kujt në kurriz të popullit shqiptarë.

Express: Me kënd jeni më të afërt politikisht, pra me kënd do të lidhnit koalicion parazgjedhor, me Vetëvendosjen?

F. Ramiqi: Tash këto janë kalkulime që janë shumë të hershme për neve meqë na takon neve që të dëshmohemi si subjekt andaj në zgjedhje të hyjmë si të vetme. Të hysh në koalicion pa u dëshmuar nuk është një forcë dhe ne pretendojmë që të jemi faktor dhe jemi faktor dhe koncepti fillestarështë që në vet do të hyjmë në zgjedhjet parlamentare. Nuk domethënë që një qëndrim Ad- hoc ose një segment ku përputhemi me ndonjë parti politike të jetë gjithçka për të hyrë në koalicion. Ka gjëra më parimore dhe të thella që mund të na ofron me një subjekt që të jetë në garë me ne.

Express: Nëse do të kishit ofertë nga z. Kurti a do të pranonit?

F. Ramiqi: Po kjo duhet të shihet. Unë ju thashë që së pari ne duhet ta tregojmë fuqinë tonë vet pastaj të shohim me kë jemi më të përafërt për të zhvilluar konceptet tona.

Express: Pra nuk po e mohoni mundësinë e ndonjë koalicioni me VV’në?

F. Ramiqi: Po në politikë jam mësuar me thanë që kurrë mos thuaj kurrë, për momentin nuk them asgjë por thellë parimisht jemi të vendosur që të shkojmë vetë ne zgjedhjet dhe do të tentojmë që vet të fitojmë.

[Guri i madh]

Një i vdekur dhe dy të lënduar në autostradën “Ibrahim Rugova”




Një person ka humbur jetën si pasoj e lëndimeve të marra nga rrëzimi i një shtylle elektrike të tensionit të lartë dhe dy të tjerë janë lënduar derisa ishin duke e zhvendosur ato nga vendi nëpër të cilin do të kaloj autostrada “Ibrahim Rugova”. Ngjarja ka ndodhur sot në mbrëmje në fshatin Shkabaj.
Lajmin për lëndimin e tre personave dhe vdekjen e njërit prej tyre e ka konfirmuar për Kosovapress, zëdhënësi i Policisë së Kosovës, Baki Kelani.
“Disa punonjës të cilët kanë qenë duke punuar në zhvendosjen e shtyllave elektrike gjatë punimit një shtyllë elektrike i ka zënë disa punonjës. Dy prej këtyre kanë pësuar lëndime, ndërsa një prej tyre ka ndërruar jetë si pasoj e lëndimeve të marra. Mjeku kujdestar e ka konstatuar vdekjen e personit”, ka thënë Kelani.
Ai tha se njësitë policore kanë dal në vendin e ngjarjes dhe kanë njoftuar institucionet tjera, si shërbimet shëndetësore.
Kjo nuk është hera e parë që në autostradë “Ibrahim Rugova” humbin jetën persona gjatë punimeve që po bëhen.
Për të kuptuar se kush i ka kontraktuar këta punëtor për të zhvendosur shtyllat elektrike të tensionit të lartë Kosovapress ka provuar të kontaktoj edhe me zëdhënësin e KEK-ut, por ai nuk e ka hapur telefonin.

[Zero Cool]

Gjykata Federale e Zvicrës vendos të mos u paguhen pensionet kosovarëve







Bern, 05.07.2013

Zvicra edhe në të ardhmen mund të vazhdojë të mos ua paguajë pensionet e moshës dhe ato të invaliditetit kosovarëve që kthehen të jetojnë në Kosovë. Këtë qëndrim e ka publikuar sot (e premte) Gjykata Federale, si instanca më e lartë e gjyqësisë së Zvicrës, si një vendim parimor, bazë për këtë problematikë që po zvarritet tash 3 vite.

Siç është shkruar tashmë shumë herë, të gjithë kosovarët të cilëve u është ndarë pensioni i moshës ose i invaliditetit nga 1 prilli i vitit 2010 e tutje, atë nuk und ta shfrytëzojnë nëse kanë vendosur të jetojnë në Kosovë. Por ata kanë të drejtë që në rast të kthimit të përhershëm në Kosovë të tërheqin përnjëherë të gjitha kontributet që kane paguar për pensionet në fjalë.

Ndërprerja e pagesës së pensioneve ishte anulim njëanshëm nga ana zvicerane, i marrëveshjes për sigurime sociale në mes të Zvicrës dhe ish Jugosllavisë nga viti 1962. Si shkas kishin shërbyer dyshimet për keqpërdorime nga pensionistët kosovarë, disa raportime për kërcënime të detektivëve socialë të dërguar nga Zvicra në Kosovë dhe mungesa e sigurisë sa i përket regjistrit civil në Kosovë.

Ndërsa në vendimin e saj Gjykata Federale ka shkruar veç tjerash se “Kosova është shtet i pavarur dhe për këtë arsye marrëveshja për sigurimet sociale e vitit 1962 me Jugosllavinë bëhet e pavlefshme, transmeton albinfo.

Për këtë arsye shtetasit e Kosovës, pas shpalljes së pavarësisë nuk mund të bartin automatikisht edhe shtetësinë e Serbisë krahas asaj kosovare. Për këtë arsye ata, me rastin e marrjes së pensionit zviceran nuk mund të thirren në marrëveshjen për sigurime sociale Zvicër-Serbi që vazhdon të jetë e vlefshme", shprehet Gjykata Federale e Zvicrës.

Gjykata Administrative Federale e Zvicrës (një shkallë më poshtës se Gjykata Federale) bazuar në ankesat individuale të disa pensionistëve kosovarë kishte marrë vendim në favor të tyre. Kundër këtij vendimi ishte ankuar në Gjykatë Federale Zyra Federale për Sigurime Sociale . Ankesa e saj fillimisht për shkaqe procedurale, nuk qe marrë në shqyrtim.

Një sërë aktivitetesh kryesisht nga organizmat sindikalë, ë Zvicrës dhe të Kosovës janë zhvilluar lidhur me këtë problematikë gjatë tri viteve të fundit. Parlamenti i Kosovës nga ana e tij kishte miratuar një kërkesë për vazhdimin e marrëveshjes së sigurimeve sociale me Zvicrën.

[Guri i madh]

Qeveria fsheh nga populli thellësinë e dialogut në Bruksel







Publikuar: 06.07.2013 - 08:59Prishtinë, 6 korrik - Qeveria e Kosovës nuk është duke u treguar e drejtë me popullin e saj dhe po e mban të fshehtë thellësinë e dialogut në Bruksel, ka theksuar drejtori i KIPRED-it, Ilir Deda, gjatë prezantimit të analizës politike për marrëveshjet ndërmjet Kosovës dhe Serbisë. Deda ka numëruar ngecjet dhe ecjet e marrëveshjeve të arritura në Bruksel. Normalizimi i marrëdhënieve midis dy shteteve nuk mund të ndodhë pa zbardhjen e fatit të të pagjeturve, pasi që normalizimi duhet të prekë edhe popullatën, ka thënë ai.

Sipas Dedajt, rreziku më i madh mund të vijë nga bashkësia e komunave nëse nuk ndryshohet dhe nuk sqarohet përfshirja e këtij asociacioni me Kushtetutë.

Për Dedajn, kjo bashkësi mund të shfrytëzojë dhe të keqshfrytëzojë secilën kushtetutë, ashtu siç i konvenon asaj, duke krijuar pushtet të tretë në këtë pjesë të Kosovës.

[Guri i madh]

• Sonte në KTV mund të ndiqni: *** *** 15:15 Flladi Veror ® *** 17:00 KOHA E LAJMEVE *** 17:10 Flladi Veror ® - vazhdimi *** 18:50 Marketing *** 19:00 Lajmet e mbrëmjes *** 19:35 Filma Vizatimor: “ Ariu i Vogël Çarli “ epis. 46, 47, 48 *** 20:05 Serial:”Borgen” – epis 2 *** 21:00 Film Artistik:”Gangsterët” *** 22:55 Marketing *** 23:00 KOHA E LAJMEVE ...
  

Ministrat i frikohen garës për Prishtinën







Publikuar: 07.07.2013 - 08:44Prishtinë, 7 korrik - Asnjëri nga anëtarët “e fortë” të Partisë Demokratike të Kosovës (PDK) nuk po tregon guxim që të garojë për kryetar të komunës së Prishtinës në emër të kësaj partie.

Debakli që kishte pësuar ish-kandidati i PDK-së në Prishtinë, Astrit Salihu, në zgjedhjet fundit kundrejt atij të Lidhjes Demokratike të Kosovës, Isa Mustafa, ka bërë që askush brenda partisë më të madhe në vend, të cilat mbajnë poste ministrore në Qeverinë Thaçi, mos të jetë i gatshëm që t’i hyjë garës zgjedhore në kryeqytet.

Burime të “Zërit” të afërta me partinë e kryeministrit Hashim Thaçi, kanë thënë se PDK-ja e ka problem ta bindë ndonjërin prej ministrave Blerand Stavileci e Memli Krasniqi që të garojnë për kryetar komune, në garë me kandidatin e LDK-së, pasi që Prishtina edhe më tutje konsiderohet bastion i fortë i kësaj të fundit.

“Po e dinë se secili që kandidon është i djegtë qysh në fi llim të garës, sepse, komuna e Prishtinës është bastion i fortë i Lidhjes Demokratike të Kosovës, edhe nuk po janë të interesuar që të digjen, ashtu siç është djegur Astrit Salihu në vitin 2009”, ka thënë burimi.

Në fakt, në zgjedhjet e fundit lokale kandidati i LDK-së, Mustafa, pati arritur të fi tojë pa balotazh në Prishtinë, përkatësisht t’i fitojë mbi pesëdhjetë për qind të votave, ndërsa kandidati i PDKsë, Salihu, rreth dymbëdhjetë për qind. Madje, i dyti në këtë garë pati dalë kandidati i Aleancës Kosova e Re, Vegim Gashi, i cili pati marrë rreth njëzetetre për qind të votave.

[Shpati]

Postimi origjinal është bërë nga Guri i madh

• Sonte në KTV mund të ndiqni: *** *** 15:15 Flladi Veror ® *** 17:00 KOHA E LAJMEVE *** 17:10 Flladi Veror ® - vazhdimi *** 18:50 Marketing *** 19:00 Lajmet e mbrëmjes *** 19:35 Filma Vizatimor: “ Ariu i Vogël Çarli “ epis. 46, 47, 48 *** 20:05 Serial:”Borgen” – epis 2 *** 21:00 Film Artistik:”Gangsterët” *** 22:55 Marketing *** 23:00 KOHA E LAJMEVE ...
  

Ministrat i frikohen garës për Prishtinën







Publikuar: 07.07.2013 - 08:44Prishtinë, 7 korrik - Asnjëri nga anëtarët “e fortë” të Partisë Demokratike të Kosovës (PDK) nuk po tregon guxim që të garojë për kryetar të komunës së Prishtinës në emër të kësaj partie.

Debakli që kishte pësuar ish-kandidati i PDK-së në Prishtinë, Astrit Salihu, në zgjedhjet fundit kundrejt atij të Lidhjes Demokratike të Kosovës, Isa Mustafa, ka bërë që askush brenda partisë më të madhe në vend, të cilat mbajnë poste ministrore në Qeverinë Thaçi, mos të jetë i gatshëm që t’i hyjë garës zgjedhore në kryeqytet.

Burime të “Zërit” të afërta me partinë e kryeministrit Hashim Thaçi, kanë thënë se PDK-ja e ka problem ta bindë ndonjërin prej ministrave Blerand Stavileci e Memli Krasniqi që të garojnë për kryetar komune, në garë me kandidatin e LDK-së, pasi që Prishtina edhe më tutje konsiderohet bastion i fortë i kësaj të fundit.

“Po e dinë se secili që kandidon është i djegtë qysh në fi llim të garës, sepse, komuna e Prishtinës është bastion i fortë i Lidhjes Demokratike të Kosovës, edhe nuk po janë të interesuar që të digjen, ashtu siç është djegur Astrit Salihu në vitin 2009”, ka thënë burimi.

Në fakt, në zgjedhjet e fundit lokale kandidati i LDK-së, Mustafa, pati arritur të fi tojë pa balotazh në Prishtinë, përkatësisht t’i fitojë mbi pesëdhjetë për qind të votave, ndërsa kandidati i PDKsë, Salihu, rreth dymbëdhjetë për qind. Madje, i dyti në këtë garë pati dalë kandidati i Aleancës Kosova e Re, Vegim Gashi, i cili pati marrë rreth njëzetetre për qind të votave.

Prishtina nuk esht e sigurt per asnjerin !
Ne Prishtin nuk jetojn me shumica ish- Komunistet dhe Familjet e tyre te cilet do te votonin Partin e tyre por jetojn edhe shume Muhagjir.
Tiranen e humben Socialistet edhe Prishtinen do ta humbin Komunistet /LDK.
Ai qka flet diqka sot , flet se ashtu ia konda dhe deshiron te manipulon zgjedhesit dhe ka frige por rezultati i zgjedhjeve sot nuk dihet por ate dit kur te perfundojn zgjedhjet.

[Guri i madh]

Vajza me fustan të kuq kap "mat" policët e Kosovës




Një foto e cila po qarkullon së fundmi në rrjetet sociale ka tërhequr vëmendjen maksimale të publikut. Një bukuroshe që kalon në rrugë shtang policët. Gjatë kohës kur Policia e Kosovës ishte duke ruajtur Kuvendin nga protestuesit e Lëvizjes Vetëvendosje, rastësisht kalon një vajzë shumë bukur, e cila s’mund të mos vihej re nga ata. Fatmirësisht në ato momente nuk ishin protestuesit e Vetëvendosjes, pasi pa problem do të hynin në Kuvend sepse, si duket policët e kishin mendjen tek bukuroshja me fustan të kuq.

[Shpati]

Postimi origjinal është bërë nga Guri i madh

Vajza me fustan të kuq kap "mat" policët e Kosovës




Një foto e cila po qarkullon së fundmi në rrjetet sociale ka tërhequr vëmendjen maksimale të publikut. Një bukuroshe që kalon në rrugë shtang policët. Gjatë kohës kur Policia e Kosovës ishte duke ruajtur Kuvendin nga protestuesit e Lëvizjes Vetëvendosje, rastësisht kalon një vajzë shumë bukur, e cila s’mund të mos vihej re nga ata. Fatmirësisht në ato momente nuk ishin protestuesit e Vetëvendosjes, pasi pa problem do të hynin në Kuvend sepse, si duket policët e kishin mendjen tek bukuroshja me fustan të kuq.

Policet siq duket e kan kryer detyren me sukeses.
Secili ka vezhguar objektin qe ka kaluar afer tyre me kujdes dhe kur kan konstatue se nuk esht spiune e vetevendosjes e kan len te kaloj.