Lajme Aktuale....

[Llapjani_HH]

Manter: EULEX është mision legal dhe nën ombrellën e Rezolutës 1244

Ambasadori i SHBA-ve në Beograd, Kameron Manter ka vlerësuar, në intervistën për "Veçernje novosti" të Beogradit, se udhëheqja e Serbisë ka mirëkuptim për rolin e Misionit të BE në Kosovë dhe ka shfaqur bindjen se "në një moment, në të ardhmen, do të ketë mënyrë që në KS të vihet në dijeni se kjo është në harmoni me Rezolutën 1244". Ai ka shtuar se Sekretari i Përgjithshëm i KB po e drejton këtë proces sipas mënyrës për të cilën beson se do të sjellë sistemimin paqësor të Misionit EULEX në Kosovë.

Duke folur për pjesëmarrjen e 80 policëve dhe tetë gjyqtarëve e prokurorëve amerikanë në EULEX, ambasadori ka sqaruar se ky është "grup teknik i cili kujdeset që Kosova të jetë stabile, që të respektohen të drejtat e të gjithë qytetarëve në Kosovë, qofshin ata shqiptarë apo serbë".

Manter ka thënë se nuk sheh kundërthënie në deklaratat se EULEX do të jetë në harmoni me Rezolutën 1244 ku konfirmohet sovraniteti i Serbisë, në njërën anë dhe në anën tjetër me fjalët e Ndihmëssekretarit amerikan të Shtetit, Daniel Frid, i cili për sistemimin e EULEX-it ka folur si mbi elementin për pavarësinë e mbikëqyrur të Kosovës".

Sipas ambasadorit amerikan, s'ka dilemë se EULEX është Mision legal dhe nën ombrellën e Rezolutës 1244, ndërsa SHBA besojnë se instruksionet që i ka shkruar Sekretari i Përgjithshëm i KB mbi rikonfigurimin e Misionit të organizatës botërore në Kosovë (UNMIK), si dhe rregullat për Misionin evropian (EULEX), janë hapa të rëndësishëm drejtë asaj që ai mision të jetë efikas në terren dhe të jetë i pranueshëm nga njerëzit që jetojnë në Kosovë.

"Besoj se është në interesin e Serbisë, Kosovës, Evropës fhr SHBA-vr që të shtohet sundim i ligjit në Kosovë dhe njerëzit që jetojnë atje nga kjo të kenë dobi. Besoj se do të shohin se detyra e misionit, kur është fjala për policinë, gjykatësit, këshilltarët është që të sigurojnë jetë më të mirë për ata që jetojnë në Kosovë, si dhe për një të ardhme të qetë./f. musliu/

RTK

[Llapjani_HH]

Bajram Rexhepi kundërshton propozimin e ndërmjetësit të OKB-së, në bisedimet Prishtinë-Beograd

Kryetari i Mitrovicës, Bajram Rexhepi, e ka kundërshtuar propozimin e të dërguarit të OKB-së në bisedimet Prishtinë-Beograd, i cili sipas njoftimeve të para parasheh vija ndarëse administrative në Kosovë. Në një intervistë për Radion, Blue Sky, Rexhepi tha se propozimi bie ndesh me pakon e Ahtisarit dhe si i tillë nuk mund të pranohet e as të zbatohet në Kosovë.

B.Sky: Si e shihni propozimin më të ri të ndërmjetësit të OKB-së në bisedimet Prishtinë-Beograd ?

Rexhepi: Fillimisht dua të them se nuk e kam parë atë propozim. E kam pa në media dhe ashtu siç është prezantuar është plotësisht i papranueshëm. Nuk mund të ketë dy dogana, dy administratat. Kjo bie ndesh edhe me pakon e Ahtisaari-t dhe unë skam çfarë të shtoj në ato që i kanë thënë edhe kryeministri edhe presidenti apo me të tjerët të cilët i ka takuar ndërmjetësi i OKB-së.

B. Sky : Zotëri Rexhepi, a po ushtrohet presion mbi ju dhe autoritet qendrore në Prishtinë për ta pranuar këtë propozim ?

Rexhepi : Nuk kam presion nga askush. Tek e fundit kjo nuk është shumë çështje e imja, sa është e autoriteteve në Prishtinë. Por edhe sikur të ketë presion, unë jam imun ndaj presionit dhe një gjë të tillë nuk do ta kisha pranuar.

B. Sky : Ju edhe me herët keni qenë kritikues ndaj punës së UNMIK-ut në Mitrovicë. A mendoni se propozimi i fundit e fuqizon faktin se në këtë fazë UNMIK-u është i padobishëm në Kosovë ?

Rexhepi: E kam thënë më herët dhe prapë mendoj se sa më shpejtë dhe ma herët ta kryen mandatin është ma mirë edhe për UNMIK-un edhe për funksionalizimin e funksioneve të cilat nuk janë realizu në pjesën veriore.

B. Sky : Vendosja e EULEX-it në veri duket se do të jetë rezultat i një marrëveshje me Beogradin. A mendoni se me ketë fakt Bashkimi Evropian po e fuqizon edhe më shumë ndikimin e Beogradit mbi veriun ?

Rexhepi: Mendoj se Beogradi nuk duhet ta ketë atë fuqi vendosëse. Këto janë çështje që po diskutohen mes Nju Jorkut dhe Brukselit për ta gjetur formën e vendosjes së EULEX-it. Kjo duhet të bëhet por jo duke u bazuar në kriteret e përcaktuara nga Beogradi .


B. Sky: Është thënë se deri në fund të vitit EULEX-i do të fillojë të operojë në Kosovë. Nëse një gjë e tillë nuk ndodh me veriun, cilat do të ishin pasojat ?

Rexhepi: Realisht edhe tani ekziston një vakum ne pjesën veriore, nuk funksionon rendi dhe ligji dhe sa më shpejtë të vendosen është më mirë. Duhet te jetë këmbëngulës edhe Unioni Evropian që EULEX-i të vendoset në pjesën veriore, sepse këtu është nevoja më e madhe e vendosjes së EULEX-it . Dua të jem optimist real, se kjo do të bëhet.


B. Sky : A mund të ketë përkeqësim të situatës së sigurisë nëse gjërat vazhdojnë të zvarriten sikur deri tani ?

Rexhepi : Situata e sigurisë normalisht po mbahet nga KFOR-i dhe nga institucionet përgjegjëse për siguri, mirëpo aty ka edhe probleme politike dhe nëse vazhdohet kështu me kontrabandim, me mosfunksionim të rendit dhe ligjit mund të ketë përkeqësim.

B. Sky: Dhe një pyetje e fundit. Ish kryeministri Agim Çeku ka propozuar që zonat e banuara nga serbët të shpallen zona të interesit të veçantë. Si e shihni ju këtë propozim ?

Rexhepi: Nuk dua të komentoj gjërat të tilla. Partitë opozitare mund të bëjnë kërkesa të ndryshme dhe nuk do të kisha komentuar kërkesën e tillë, të cilës nuk i kam kushtuar ndonjë rëndësi të madhe.

Intervistoi: Enver Bajrami

RTK

[Llapjani_HH]

Edhe Kermabon i gatshëm të shkojë në Beograd

Beograd, 28 tetor

Edhe shefi i EULEX-it Iv dë Kermabon ka shprehur gatishmërinë që të shkojë në Beograd për të shpjeguar mandatin e EULEX-it dhe për të vënë në dukje "dobitë e shumta të cilat nëpërmjet sundimit të së drejtës do t'i kenë sidomos komunitetet pakicë". Sipas fjalëve të Kermabonit, "ka sinjale pozitive nga Beogradi kur bëhet fjalë për pranimin e EULEX-it". "Çështja e njohjes së pavarësisë së Kosovës është çështje individuale për çdo anëtar të BE-së", ka thënë Dë Kermabon për shtypin serb.

QIK-u

[Llapjani_HH]

Zannieri dhe Ledli në Beograd për rikonfigurimin e UNMIK-ut

Prishtinë, 28 tetor

Shefi i UNMIK-ut Lamberto Zanieri dhe i dërguari i KB për dialog mes Beogradit dhe Prishtinës, Endrju Ledli do t'i vazhdojnë sot në Beograd bisedimet me autoritetet serbe për arritjen e një zgjidhjeje për gjashtë pikat e planit për rikonfigurimin e UNMIK-ut. Zëdhënësi i UNMIK-ut, Aleksandar Ivanko, ka thënë për mediat serbe se Zanieri dhe Ledli me përfaqësuesit e Beogradit do të diskutojnë për policinë, gjyqësinë, doganën, kufijtë, infrastrukturën dhe mbrojtjen e trashëgimisë kulturore dhe fetare.

QIK-u

[Llapjani_HH]

Haraqija fton Sejdiun ta lë postin e presidentit

Anëtari i Kryesisë së LDK-së, Astrit Haraqija, e ka ftuar presidentin e Kosovës, Fatmir Sejdiu, që ta shqyrtojë opsionin e dorëheqjes.

E martë, 28 Tetor 2008 16:06

"Nëse presidenti Sejdiu e do aq shumë LDK-në, mund të japë dorëheqje nga posti i presidentit dhe t'i udhëheqë reformat e partisë", ka thënë ai.

Lidhja Demokratike e Kosovës zotohet se do t'i vazhdojë reformat pavarësisht vështirësive të paraqitura pas dorëheqjes së parevokueshme të shefit ekzekutiv të partisë, Blerim Kuçi, i ngarkuar pikërisht për zhvillimin e reformave. Zyrtarët e kësaj partie presin rimëkëmbjen e saj pas rezultatit jo të mirë të treguar në zgjedhjet e fundit në Kosovë.

Sekretari i përgjithshëm i LDK-së, Ramë Manaj, thotë se pret që reformat të vazhdojnë edhe pas dorëheqjes së Kuçit, duke i mbështetur reformat në këtë parti, sipas dy dokumenteve të miratuara nga Kryesia e LDK-së. "Aktualisht po punohet në ridizajnimin e programit të partisë dhe është puna në një ngritje eventuale të cilësisë së organizimit politik e struktural të partisë, para së gjithash për të ofruar edhe hapje të partisë për përtëritje, për forca të reja", thotë Manaj.

Ndërkohë, Astrit Haraqija, anëtar i Kryesisë, thotë se partia duhet ta shqyrtojë edhe dorëheqjen e Blerim Kuçit, pavarësisht se ajo është e parevokueshme. Sipas tij, duhet të sqarohen arsyet e dorëheqjes së Kuçit, nëse ai e ka dhënë me vullnetin e tij apo ishte i shtrënguar nga jashtë që të tërhiqet.

Sipas deklaratave të Kuçit, dorëheqja atij i është kërkuar nga kryetari me postin e ngrirë të LDK-së dhe presidenti i Kosovës, Fatmir Sejdiu. Andaj, Haraqija kërkon që të ketë sqarime, pasi që në LDK ka zyrtarë që mendojnë se Sejdiu nuk ka kompetenca kushtetuese që nga posti i presidentit të Kosovës, të interferojë në çështjet partiake. /REL/

Mesazhi.com

[Llapjani_HH]

Ndarja e Kosoves, Blic: Propozimi, tentim për të formuar regjione


BEOGRAD: 30/10/2008 - 11:44

Propozimi i ashtuquajtur “për ndarjen administrative të Kosovës” - apo njësisë së veçantë administrative në veri të Kosovës - është tentim për të formuar regjione në hapësirat ku banojnë serbët në Kosovë, bën të ditur gazeta Blic, e cila i referohet burimeve të huaja diplomatike.
Këtë propozim tashmë ia ka prezantuar Prishtinës i dërguari i OKB-së, Andrew Landley, ndërsa rreth këtij propozimi janë zhvilluar negociata edhe në relacionin Beograd-New York, bën të ditur kjo gazetë.
Megjithatë, ajo shton se ndaj këtij propozimi kanë reaguar shtetet e Quintit, të cilat kundërshtojnë regjionalizimin e Kosovës.

Bisedimet në mes të dërguarit të OKB-së dhe pushtetit në Prishtinë dhe Beograd po zhvillohen në bazë të letrës së sekretarit të përgjithshëm të Organizatës së Kombeve të Bashkuara, Ban Ki-Moon, rreth konfigurimit të pranisë civile ndërkombëtare në Kosovë, në gjashtë fusha të jetës: doganë, polici, gjyqësi, infrastrukturë, kufij dhe trashëgimi kulturore.
Sipas burimit të kësaj gazete – që potencohet se është i përfshirë në këto negociata – në bisedimet e deritashme është precizuar funksionimi i doganave, policisë dhe gjyqësisë, “që do të duhej të ishin pothuajse të ndara administrativisht nga Prishtina”.
Landley thuhet të ketë propozuar që veriu i Kosovës të jetë një tërësi territoriale administrative – ndërsa sipas propozimit të tij, dogana në veri do të funksiononte e ndarë nga sistemi doganor i Republikës së Kosovës – ku pjesa më e madhe e të ardhurave nga hyrjet e mallrave në këtë pjesë do të mbeteshin në shfrytëzim të autoriteteve lokale, përkatësisht komunave serbe, ndërsa një shumë më e vogël do t’i takonte Prishtinës.
Serbët, sipas këtij propozimi, do ta kontrollonin edhe një pikë tjetër doganore, jashtë veriut të Kosovës, në Dardanë (ish-Kamenicë), ndërkaq policia dhe gjyqësia do të ishin nën kompetenca të UNMIK-ut.
Sipas këtij burimi, kanë mbetur edhe tri pika të tjera për t’u diskutuar nga letra e Ban Ki-Moonit – mirëpo edhe të merret pajtimi i Prishtinës.
Megjithatë, arsyeja kryesore pse këto bisedime teknike, me ndërmjetësim të OKB-së, ende nuk kanë marrë fund - sipas këtij burimi - është se, propozimin për regjionalizmin e Kosovës, dhe zgjidhjet e ofruara bashkë më të, është kundërshtuar shtetet e Quintit (SHBA-të, Britania e Madhe, Gjermania, Franca dhe Italia).
Sidoqoftë, që propozimi për regjionalizimin e veriut e Kosovës të jetësohet, duhet të pajtohet edhe Prishtina. Nëse pushteti në Prishtinë bën një gjë të tillë, atëherë ai duhet të heqë dorë pjesërisht, nga plani i Ahtisaarit, e me këtë edhe të ndryshojë disa nga 41 ligjet e miratuara. Por, problem këtu paraqiten edhe serbët që jetojnë në pjesët të tjera të Kosovës, të cilët kundërshtojnë ndarjen administrative të Kosovës.

Telegrafi/BalkanWeb

[Llapjani_HH]

UNMIK-u do të ndihmojë dialogun mes Prishtinës dhe Beogradit, thotë Ivanko

Shefi i UNMIK-ut, Lamberto Zannieri dhe i dërguari i OKB-së, Endrju Ledlli, kanë biseduar me zyrtarë të qeverisë serbe mbi gjashtë pikat e Ban Ki Munit. Zëdhënësi i UNMIK-ut, Aleksandër Ivanko, ka thënë se Zannieri është kthyer nga takimi i Beogradit, ndërkaq pritet që së shpejti të bisedojë edhe me zyrtarë kosovarë për këtë çështje.

Ivanko ka thënë se UNMIK-u do të ndihmojë dialogun mes Prishtinës dhe Beogradit për fushat e policisë, drejtësisë, kufijve, doganave, infrastrukturës dhe mbrojtjes së trashëgimisë kulturore, të adresuar nga Ban ki-Moon në një letër dërguar presidentit serb, në qershor të këtij viti.

RTK

[Llapjani_HH]

Doris Pak kundërshton zërat në favor të neutralitetit të EULEX-it ndaj statusit të Kosovës

Deputetja e Parlamentit Evropian, Doris Pack, ka vlerësuar se vendosja e EULEX-it duhet të bëhet në përputhje me Kushtetutën e Kosovës dhe planin e Ahtisarit. Ajo ka kundërshtuar zërat që flasin në favor të një qëndrimi neutral të EULEX-it ndaj statusit të Kosovës, në këmbim të marrjes së pëlqimit nga Beogradi për vendosjen e misionit evropian në pjesën veriore të Kosovës.

Eurodeputetja Pak tha në Prishtinë se sikur të mos ishte plani i Ahtisarit, as EULEX nuk do të ishte në Kosovë.

RTK

[Skyfter]

Postimi origjinal është bërë nga Llapjani_HH

UNMIK-u do të ndihmojë dialogun mes Prishtinës dhe Beogradit, thotë Ivanko

Shefi i UNMIK-ut, Lamberto Zannieri dhe i dërguari i OKB-së, Endrju Ledlli, kanë biseduar me zyrtarë të qeverisë serbe mbi gjashtë pikat e Ban Ki Munit. Zëdhënësi i UNMIK-ut, Aleksandër Ivanko, ka thënë se Zannieri është kthyer nga takimi i Beogradit, ndërkaq pritet që së shpejti të bisedojë edhe me zyrtarë kosovarë për këtë çështje.

Ivanko ka thënë se UNMIK-u do të ndihmojë dialogun mes Prishtinës dhe Beogradit për fushat e policisë, drejtësisë, kufijve, doganave, infrastrukturës dhe mbrojtjes së trashëgimisë kulturore, të adresuar nga Ban ki-Moon në një letër dërguar presidentit serb, në qershor të këtij viti.

RTK

Zotėri jeni shumė i kulturuar! Llapjon, na knaqe me kto lajme, a nuk esht ka ndosh asgje pozitive a?

m'fal ...nese dola nga tema

[Llapjani_HH]

Postimi origjinal është bërë nga Skyfter

Zotėri jeni shumė i kulturuar! Llapjon, na knaqe me kto lajme, a nuk esht ka ndosh asgje pozitive a?

m'fal ...nese dola nga tema

Flm.për kompliment
Ka edhe pak sene pozitive, po këto lajmet negative po më nervozojn, që mej pas ma ngat këta politikuaj (nuk po du me i nënqmu me këtë kuajt se besa disa jan ma t'meqëm se këta politakanat ton) pa i que n'kopsh zologjik se kisha lan edhe me i mshel n'kafaza me ka 2 dryna

[Llapjani_HH]

Qeveria nuk ka plan për veriun e Kosovës

Koha Ditore: Qeveria e Kosovës nuk ka plan konkret për të parandaluar "ndarjen administrative" të Kosovës.

E diel, 02 Nëntor 2008 16:14

E përditshmja kosovare vlerëson se Qeveria aktuale nuk ka ide konkrete se si të zgjerojë autoritetin e saj në veriun e Kosovës.

Zëdhënësi qeveritar në Prishtinë, Memli Krasniqi ka deklaruar se Qeveria angazhohet që EULEX të shpërndahet në tërë territorin e Kosovës pa asnjë kushtëzim. Por ai nuk ka sqaruar se çfarë hapa konkrete ka ndërmarrë Qeveria për parandalimin e ndarjes administrative të Kosovës.

"Qeveria do të bëjë gjithçka që është e mundur në bazë të Kushtetutës dhe Planit të Ahtisarit", deklaroi zëdhënësi Krasniqi.

Ish-kryeministri i Kosovës, Agim Çeku si opcion për zgjerimin e pushtetit në veri të Kosovës përmendi edhe përdorimin e forcës, një propozim që është hedhur nga institucionet e Kosovës.

Zëdhënësi i Qeverisë, Memli Krasniqi tha se propozimi i Çekut është joserioz dhe se nuk ka aplikim të asnjë plani përveç atij të Ahtisarit.
Partitë opozitare në Prishtinë kanë reaguar ashpër ndaj Qeverisëpër mosaplikimin e kushtetutës dhe pushtetit edhe në pjesën veriore të Kosovës. (INA)

Mesazhi.com

[Jana]

Në Burgun e Dubravës fillon gjykimi ndaj 21 personave


Në Burgun e Dubravës sot fillon gjykimi ndaj 7 të arratisurve nga ky burg dhe 14 të tjerëve që ndihmuan ikjen e tyre.
Gjykimi mbahet nën organizimin e Gjykatës së Qarkut të Pejë dhe sipas zyrtarëve të kësaj gjykate ai mbahet në ambientin e Burgut të Dubravës për shkaqe sigurie.

Gjykimi pritet të përfundojë në dhjetor, ndërsa do të paraqiten një numër i dëshmitarëve.

Shtatë të akuzuarit kanë ikur në mënyrë të organizuar nga Burgu i Dubravës në vitin 2007, të cilët dyshohet se gjatë ikjes janë ndihmuar edhe nga persona të tjerë.

[Llapjani_HH]

Mitrovicë: Eshtë ndaluar nga policia Ali Kadriu së bashku me dy punëtorë

Mtrovicë, 3 nëntor - Sipas informatave të KMDLNJ së, sot paradite në oborrin e tij është arrestuar Ali Kadriu (51 vjeçar), i cili kishte shkuar, së bashku me dy punëtorë për ta meremetuar shtëpinë e tij dhe atë të vëllaut të tij (Kadri Kadriu, që ishte vrarë nga forcat serbe në vitin 1999). Arrestimin e kanë bërë forcat speciale të SHPK së me urdhër të komandantit fushor të policisë së UNMIK ut të quajtur Filip. Sipas KMDLNJ, i arrestuari, Ali Kadriu, është transferuar në stacionin policor në Mitrovicë dhe është duke e pritur vendimin e prokurorit. Opinioni në Kosovë është i informuar se paraprakisht ishte arritur një marrëveshje që zoti Kadriu të hënën mund t'i vazhdonte punët në meremetimin e shtëpive të dëmtuara, së bashku me dy punëtorë. KMDLNJ shpreh shqetësimin për pengesat që po i bëhen zotit Kadriu në shfrytëzimin e pronës së tij si një e drejtë elementare dhe e patjetërsueshme dhe me arrestimin krejt të paligjshëm që e kanë bërë pjesëtarët e SHPK së.

QIK-u

[Llapjani_HH]

Kosova sërish në rrezik?

Shkruan: "The Washington Times"

Kur Kosova fitoi pavarësinë e saj nga Serbia, pas rreth nëntë vjet administrimi nga Kombet e Bashkuara, kishte besim se shqiptarët e Kosovës do të ishin në gjendje të vetëqeverisin në mënyrë të efektshme. Deri më tani kjo nuk ka ndodhur, pasi që shumë politikanë luftojnë me njëri tjetrin, ndërsa qeveria lufton për rimëkëmbjen e institucioneve të reja dhe që të fitojë sa më shumë njohje ndërkombëtare. Zgjedhjet e para kombëtare sollën në pushtet një koalicion të udhëhequr nga ish luftëtari i lirisë, Hashim Thaçi dhe ishin dëshmitarë të zhvillimit të liderëve të rinj politikë në krah të pasardhësve të Ibrahim Rugovës, lideri i vdekur i lëvizjes për pavarësi. Vendi do duhej të shkonte drejt një periudhe të krenarisë kombëtare, progresit ekonomik dhe pranimit ndërkombëtar. Mirëpo, me dallim nga kjo, vendi mbetet me ekonomi të dobët, njohjet nga komuniteti ndërkombëtar kanë stagnuar dhe elita politike duket më e interesuar në luajtjen e një loje se sa për të ardhmen e vendit të tyre. Ngadalë, njerëzit po e humbasin besimin e tyre në qeverinë e tanishme dhe në vet demokracinë. E gjithë politika është personale në Kosovë, ku partitë politike janë pak më shumë se sa makina për promovimin e interesave të pakta personale të liderëve të tyre. Rezultati i kësaj është lufta e vetëhumbur politike e Hobsit "Të gjithë kundër të gjithëve". Nuk ka Xhorxh Uashington e as Tomas Xhefersona në shtetin e ri të Kosovës. Ka vetëm persona të etur për vetëpushtet të pafund që manovrojnë për pozita për levërdi personale, të cilët shumë shpesh manipulohen nga interest dhe qeveritë e huaja. Ta marrim shembull Veton Surroin, njeri i edukuar mirë dhe i biri kozmopolit i ish diplomatit jugosllav që ka luajtur rol të rëndësishëm në negociatat që çuan në pavarësinë e Kosovës. Shumë kanë menduar se Surroi do të jetë Ministri i Jashtëm i Qeverisë së Kosovës. Ai nuk u bë dhe ndoshta nuk do të bëhet kurrë. Kur partia e Surroit doli me rezultat të dobët në zgjedhje, ai lajmëroi menjëherë për "tërheqjen" e tij nga jeta politike dhe dha dorëheqje nga partia që e themeloi. Kjo vetëm sa ritheksoi përshtypjen se Surroi nuk është person serioz, më shumë një person diletant se sa person i përkushtuar për të ardhmen e vendit të tij. Është thënë se Surroi më së miri di për humbje që nuk është mjaftueshëm i fortë për botën e vështirë dhe të çrregullt politike në Kosovë, e lëre më që të merret në mënyrë të efektshme me komunitetin ndërkombëtar. Për tani, Surroi qëndron rehatshëm i ulur në prapavijë duke shpresuar në gazetën e tij që mbështetet financiarisht nga interest ndërkombëtare dhe nga elita e tij e Klubit të Politikës së Jashtme. Më shqetësuese janë pyetjet e hapura mbi burimet e pasurisë së konsiderueshme të Surroit dhe marrëdhëniet e ti me interesa të caktuara të huaja. Sa kontroll dhe ndikim ka ana financiare e Surroit, aktivisti politik dhe multi milioneri Xhorxh Soros ndaj tij? Dhe, pse Grupi "Bilderberg Group" i luanëve të politikës së huaj nga SHBA të dhe Evropa, me sa duket po asistojnë që ai të ketë qasje në rrjetin e tyre dhe po tentojnë ta përgatisin atë për gjëra më të mëdha? Një gjë që i komplikon çështjet edhe më tutje është sqarimi për 40 milionë dollarë që Surroi i deklaroi në pasurinë e tj personale në Zgjedhjet parlamentare të vitit 2004, për të cilat dy vjet më vonë ai deklaroi se i kanë mbetur vetëm 3 milionë dollarë? A është kjo arsyeja përse Ambasada amerikane nuk e ka fshehur se nuk e pëlqen Surroin dhe ka pasur kohë kur ka punuar kundër tij? Në Kosovë ka shumë tregime mbi liderët aspirues sikurse Veton Surroi, që flasin shumë, por veprojnë pak. Kjo nuk parasheh gjëra të mira për popullin e shumëvuajtur të Kosovës.

(Autori i këtij shkrimi është Samuel Hoskinson, ish-president i Aleancës për Kosovën e Re, një grup amerikan që ka promovuar në mënyrë aktive pavarësinë e Kosovës)

QIK-u

[Jana]

SHBA-të me qëndrim të njëjtë ndaj Kosovës edhe pas zgjedhjeve
Ambasadori i Shteteve të Bashkuara të Amerikës në Beograd, Cameron Munter ka deklaruar se raportet e Amerikës ndaj Kosovës dhe Serbisë nuk varen nga epilogu i zgjedhjeve të sotme.
"Mes kandidatëve për president, John McCain dhe Barack Obama ekziston konsensusi, që të vazhdohet politika e deritashme ndaj Ballkanit Perëndimor", ka thënë Munter.

Ai ka thënë se SHBA konsideron se statusi i Kosovës është zgjidhur, ndërsa SHBA i dëshiron sukses Serbisë dhe Kosovës në rrugën e tyre drejt BE-së.