Barcelona

[LuLjaa]

Postimi origjinal është bërë nga LaCoStA

Po bre Sabile, hupen, po qka me ju ba?!
Ka pas gabime te gjyqtareve, po s'po du me hi anej, a ke me hile a jo, ato le ti kqyr tjeter kush

Po de po
e pram fitoj mire aa,, hahahaa brravo i koft

[Gjumashja]

qy xhelozat kur te hupin fill me hile


o rroft reali hahahahha

[LaCoStA]

Postimi origjinal është bërë nga Gjumashja

qy xhelozat kur te hupin fill me hile


o rroft reali hahahahha

Rroft Reali, rroft, se mos me kan Reali, tani s'ka kon me mujt Barcelona

[LaCoStA]

Kthehet magjistari



Barcelona ka regjistruar fitore prej 5-1 përballë Valencias në kryendeshjen e kësaj xhiroje të Kampionatit spanjoll.

Pas një periudhe frustuese, futbollisti që mban epitetin e më të mirit në botë, Lionel Messi, shkëlqeu në këtë takim, i cili ishte i 200-ti në La Liga, duke i realizuar katër gola.



Ishin lojtarët mysafirë ata që shënuan të parët me anë të Pablo Piatti (9’), por ky gol vetëm sa i nervozoi lojtarët vendas.

Lionel Messi shfrytëzoi një gabim të Adil Rami pas pasimit të Pedros dhe e barazoi rezultatin (22’).



Pesë minuta më pas, argjentinasi me tentativën e dytë e mposhti portierin Diego Alves, i cili nuk e mbajti topin si duhet (27’).

Në minutën e 76-të, Leo Messi kompletoi het-trikun e tij pas një pune të mirë të Tellos.

Një pasim perfekt nga Sergio Busquets, e shfrytëzoi për mrekulli SuperMessi për t’u regjistruar për të katërtën herë këtë mbrëmje në listën e golashënuesve (85’).



Nuk kaloi shumë minuta pas hyrjes në lojë, i rikthyeri nga lëndimi, Xavi Hernandez, shënoi një gol të bukur për ta mbyllur me ‘qershi mbi tortë’ këtë paraqitje mbresëlënëse të Blaugranëve.

Barcelona mbetet në pozitën e dytë në tabelë me dhjetë pikë më pak se Real Madridi që i prin La Ligas.

[LaCoStA]

Messi “4 golëshi” i parë sivjet në La Liga





Lionel Messi shtangu të gjithë dashamirësit e futbollit me paraqitjet e tij magjepsëse në ndeshjen ndaj Valencias duke shënuar plot 4 gola në këtë takim.


4 golat e Messit janë të veqanta në këtë edicion pasi që bëhet lojtari i vetëm në këtë edicion të La Ligas që arrin të shënoj 4 gola brenda një ndeshje.


Statistikat e Messit janë të paprekshme edhe pse Messi mbetet si golashënuesi I dytë në La Liga pas Cristiano Ronaldos që ka 28 gola, 1 më shumë se Messi që ka 27. Por statistikat tregojnë se Ronaldo në këtë edicion ka shënuar 10 gola nga penaltitë , ndërsa Messi vetëm 2.

[LuLjaa]

LaCoStA a e din se i perngjan Messi-t pak :D

... edhe kjo loj u kan, tash net vjen Gjumashja ne t'fol per Realin hahaa :P

[LuLjaa]

Erdha me kallxu se edhe sonte fitun

Atletico Madrid 1-2 FC Barcelona


... LaCoStA ( selim ) ti vjen ma vone nashta ose neser dhe kallxon ma shume :)

[LaCoStA]

Postimi origjinal është bërë nga LuLjaa

LaCoStA a e din se i perngjan Messi-t pak :D

... edhe kjo loj u kan, tash net vjen Gjumashja ne t'fol per Realin hahaa :P

Çka i perngjaj?

Postimi origjinal është bërë nga LuLjaa

Erdha me kallxu se edhe sonte fitun

Atletico Madrid 1-2 FC Barcelona


... LaCoStA ( selim ) ti vjen ma vone nashta ose neser dhe kallxon ma shume :)

Fitoj praa ....... qe tash po kallzoj

[LaCoStA]

Messi i sjell fitoren Barcës



Barcelona ka shënuar fitore të vështirë prej 2-1 si mysafir i Atletico Madridit në njërën nga ndeshjet kryesore të kësaj xhiroje në Kampionatin spanjoll.

Mysafirët treguan më shumë nga loja në gjysmën e parë, ndërsa arritën të shënojnë një gol.



Pas një kombinimi të Messit dhe Fabregas, ky i fundit pasoi te Daniel Alves, dhe braziliani heshti tifozët në Vicente Calderon (36’).

Ende pa filluar mirë gjysma e dytë, pas një krosimi nga këndi të Gabit, aty ishte Radamel Falcao për t’i barazuar shifrat (49’).



Pas golit të shënuar vendasit të mbështetur nga tifozët filluan të ishin të rrezikshëm duke tentuar të dilnin me gjah të plotë nga ky takim, por harruan se Lionel Messi luan te Barcelona.

Superylli argjentinas ekzekutoi një gjuajtje të lirë fantastike për ta kthyer avantazhin e Blaugranëve (81’), ndërsa ky ishte goli i 28-të i tij këtë edicion.



Barcelona mban hapin me dhjetë pikë prapa Real Madridit që kryeson Primera Divisionin spanjoll.

[LaCoStA]

Simeone: Na mposhti gjeniali Messi, jo gjyqtarët





Diego Simeone ka pësuar disfatën e parë në krye të Athletico Madridit, Trajner argjentinas është shfaqur mjaft i matur në deklaratën e tij pas humbjes me Barcelonën.


”Luajtëm mirë ndaj Barcelonës. Por kur luan kundër një futbollisti si Messi duhet ta paramendosh edhe humbjen. Na mposhti gjenialiteti i tij” deklaroi Simeone.

Në pyetjen e bërë se a ndikuan gjyqtarët në rezultatin e ndeshjes, Simeone duke u qeshur deklaroj:”Jo gjyqtarët bënë punën mirë deri dikun”

[LaCoStA]

Guardiola: Nuk ka afat të fundit për rinovim



Vazhdojnë polemikat për të ardhmen e Pep Guardiolës. Bosi i Barcelonës tani ka deklaruar se nuk ka afat të fundit për rinovim të tij dhe këmbëngul se ai nuk do të nxitohet për vendimin e tij.

“Unë nuk ndihem i obliguar që të them ‘po’ për rinovimin, por nuk dëshiroj që këto polemika të vazhdojnë. Kur të ketë ndonjë vendim, ju do të jeni në dijeni.k Unë nuk kam vënë ndonjë afat mbi këtë”.

“Shpeshherë takohem me presidentin Rosell. Shpeshherë në qendrën stërvitore, në shtëpi, në restorant, kudo që e shoh. Takimet janë të mira gjithmonë.

“Unë kujdesem shumë për klubin dhe është privilegj të punoj me këta njerëz. Unë jap gjithçka, dëgjoj dhe ai pyet për mendimin tim. Unë nuk kam ankesa, ata gjithmonë janë sjellë mirë me mua”, u shpreh Guardiola.

[LaCoStA]

Barca triumfon me dhjetë lojtarë



Përjashtimi i Gerard Piques në fillim të pjesës së dytë nuk e pengoi Barcelonën që të fitonte me rezultat 3-1 përballë Sporting Gijonit.

Andres Iniesta kaloi Blaugranët në epërsi (42’) dhe me rezultat 1-0 përfundoi pjesa e parë.

Porsa filloi gjysma e dytë (46’), Pique u përjashtua me karton të kuq dhe vetëm disa minuta më pas, mysafirët e barazuan rezultatin me anë të David Barral (49’).

Megjithatë, në vazhdim vendasit shënuan dy herë, me anë të Seydou Keita (79’) dhe Xavi (88’), për të fituar tre pikë nga kjo përballje.

Barcelona ngushton në shtatë diferencën e pikëve me Real Madridin që të dielën zhvillon ndeshjen e kësaj xhiroje përballë Espanyolit.

[LaCoStA]

‘Shtatë me një’



I pamundur të përshkruhet me fjalë të thjeshta mund të konsiderohet kualifikimi i Barcelonës në çerekfinale të Ligës së Kampionëve, pasi Blaugranët me një fitore super të lartë prej 7-1 ka arritur ta s’kualifikojë Bayer Leverkusenin nga gara më prestigjioze evropiane.

Ishte kjo një ndeshje stërvitore për Barcelonën, ku shkëlqeu një prej futbollistëve më të mirë të të gjitha kohërave, Lionel Messi, i cili u ka bërë të ditur të gjithëve se po kthehet në formën më të mirë me pesë golat e shënuar, që përbën rekord për numrin e golave të shënuara nga një lojtar në këtë garë, teksa gjermanët e Leverkusenit u turpëruan.



Gjithçka filloi në minutën e 25-të, kur goleadën e hapi Lionel Messi me një parabollim. Epërsia u dyfishua (43’) përsëri nga Lionel Messi, që ishte dhe rezultati përmbyllës i pjesës së parë.

Leverkuseni u dogj nga Lionel Messi në furrën e Camp Nou tek në pjesën e dytë. Ishte argjentinasi ai që në minutën e 50-të shënoi për 3-0, para se Tello të realizonte për 4-0 (55’). Vetëm tri minuta më vonë Messi shënoi golin e katërt për 5-0 (58’), kurse golat nuk kishin të ndalur për Blaugranët të cilët me Tellon (62’) konfirmuan debaklin për 6-0.



Në minutën e 85-të Messi konfirmoi se do të ndalej në këtë takim me golin e tij të pestë, teksa golin e nderit për gjermanët e shënoi Karim Bellarabi në minutën e fundit, për rezultatin përfundimtar 7-1.

Barcelona kualifikohet kështu me rezultat të përgjithshëm 10-2 në çerekfinalen e Ligës së Kampionëve, teksa Lionel Messi ka pas kësaj faze hiç më pak se 13 gola këtë sezon në Ligën e Kampionëve dhe pa ndonjë problem të madh do të shpallet golashënuesi më i mirë i kësaj gare, pasi rivalët e tij janë shumë, shumë larg tij.

[LaCoStA]

Pedro: Është privilegj të luash me Messin



Sulmuesi i Barcelonës, Pedro, është i ngazëllyer për Lionel Messi pas pesë golave të shënuar në fitoren e Blaugranëver ndaj Bayer Leverkusen.

Barcelona u kualifikua në çerekfinale të Ligës së Kampionëve pasi mposhti skuadrën gjermane me rezultat 10-2 nga të dy takimet (3-1 në takimin e parë, dhe 7-1 në takimin e dytë).

“Është kënaqësi dhe privilegj të luash me të, ta kemi atë në skuadrën tonë, ai është i shkëlqyeshëm si lojtar dhe personalisht, isha i kënaqur tejmase nga këto gola dhe ne të gjithë jemi të lumtur me formën e tij”, ka thënë Pedro.

[LaCoStA]

Messi i ngazëllyer me pesëshen



Superylli i Barcelonës, Lionel Messi, është më se i kënaqur me pesë golat e shënuar në fitoren ndaj Bayer Leverkusen.

Messi ishte i jashtëzakonshëm në ndeshjen e kthimit të 1/8-tës së finales së Ligës së Kampionëve.

“E rëndësishme është që ne jemi kualifikuar për në çerekfinale. Jam shumë i lumtur. Është hera e parë në karrierën time që e kam bërë këtë (të shënoj pesë gola)”, ka thënë Messi pas takimit në Camp Nou.