Urime 5 vjetorin e pavarsisë së Kosovës

[Domira]

Urime ditëlindja e 5 Kosovë, ardhshin të tjerat më të mira.

[halla e madhe]

Ane e mban trojeve Kosovare ku familjet u lan pas dore,ku papunsia po shkakton tragjedi te rijve, ndaj me ju dhembjen me shprese qe vitet e ardhshme te kesaj date te pavarsise te ju sjellin pak drite dhe fakte konkrete ne zhvillimin e mirefillt politik dhe zbatim sa me te shpejt te vendpunimve per rinin tone!!

[Eddi]

Urime Kosovë

[Zero Cool]

Pulla e 5-vjetorit të Kosovës


Deklarata e shpalljes së pavarësisë së Kosovës, përvjetori i pestë dhe simboli i shtetit janë bërë bashkë në pullën postare të lançuar nga Posta e Kosovës në pesëvjetorin e shpalljes së pavarësisë.

Në ceremoninë solemne për këtë rast morën pjesë drejtues të Postës së Kosovës dhe ministra të kabinetit qeveritar. Ministri i Zhvillimit Ekonomik, Besim Beqaj tha se kjo pullë postare dërgon mesazhin e paqes dhe vlerave anëkend botës.

“Mesazhe të paqes, stabilitetit dhe të shtetit të ri, që diti në momente të caktuara të vlerësojë punën e shumë gjeneratave. Para 5 vitesh, kur deputetët e Parlamentit të Kosovës shpallën pavarësinë, ata jetësuan ëndrrën e shumë gjeneratave”, deklaroi Beqaj.

“Për pullat janë gati imazhe për ditën e pavarësisë, lindjen e shtetit evropian, ngritjen e institucioneve, për historinë e kombit shqiptar dhe arritjet e tij”, tha nga ana tjetër drejtori i postës, Sejdi Hoxha.

Kjo pullë postare është punuar nga dizajneri Lirion Kadriu, në bashkëpunim me qeverinë e Kosovës dhe nën patronazhin e drejtorit të postës. Me lëshimin e saj nis zyrtarisht edhe axhenda festive për 5-vjetorin e pavarësisë

[Zero Cool]

Newborn pëson tjetër ndryshim


Flamujt e shteteve që njohën pavarësinë e Kosovës gjatë 5 vjetëve do të zënë vend në monumentin simbol të pavarësisë, “Newborn”.

Autori i obeliskut të pavarësisë, Fisnik Ismajli, e ka marrë këtë iniciativë vetëm pak ditë pasi Këshilli Organizativ për shënimin e Pesëvjetorit të Pavarësisë vendosi që t’i kthente ngjyrën e verdhë.

Ai thotë se për këtë nuk ka marrë leje, sepse një gjë të tillë ia jep e drejta e autorit, ndërsa shpjegon se qëllimi i këtij aktiviteti është falenderimi i shteteve që kanë njohur Kosovën.


“Kam kërkuar për 5 vjet për ta lyer ndryshe dhe jam refuzuar. Këshilli Organizativ merr një vendim pa më konsultuar mua. Ai ka injoruar kërkesën time dhe e ka lyer me një ngjyrë që po na kthen mbrapa 5 vjet. Newborn-i duhet lyer çdo vit ndryshe për të dhënë një porosi të re”, deklaron Ismajli.

Këtij aktiviteti iu bashkangjitën edhe të rinj që ishin ftuar nëpërmjet rrjetit social “Facebook” nga Ismajli, i cili thotë se disa herë ka kërkuar që të ndryshohet pamja e obeliskut, por kjo nuk ka ndodhur më herët.

“Kjo tregon dy porosi, përparimin dhe falenderimin për shtetet që na kanë njohur, por dhe se kjo është e vetmja arritje e Kosovës, meqenëse situata këtu është “shumë e mirë” dhe nuk na kanë njohur as 100 shtete. Ajo i bën thirrje qeverisë që të punohet më shumë për njohje të tjera”, shton Ismajli.

Në Këshillin Organizativ për shënimin e Pesëvjetorit, të kontaktuar nga Top Channel nuk kanë treguar nëse do të ndërhyjnë prapë, vetëm se kanë thënë se kërkesa për t’u ngjyrosur me të verdhë ky obelisk ka qenë e Ismajlit dhe e kompanisë së tij, gjë që është mohuar nga vetë ai.

Ismajli ka treguar se iniciativa e tij nuk ka të bëjë me subjektin ku është anëtar, lëvizjen Vetëvendosje. Sipas tij, 98 flamujt në Newborn do të qëndrojnë të vendosur deri në përvjetorin e gjashtë të Pavarësisë së Kosovës.

[Zero Cool]

Festimet te NewBorn


Siç ndodh zakonisht, edhe këtë herë hapësira ku ndodhet monumenti “New Born” ka mbledhur qindra qytetarë me rastin e festës së pavarësisë së Kosovës.

Ngjyrat e reja me flamujt e shteteve të cilat e kanë njohur pavarësinë e Kosovës me të cilat u ngjyros një natë më parë monumenti, duket se i kanë dhënë madhështinë e vet kësaj kremte.

Prishtina ndërkaq me rastin e përvjetorit të shpalljes së pavarësisë nuk ka shpëtuar nga tingujt e këngës Harlem Shake. Qytetarët e mbledhur tek “New Born”-i, përveç fotografive, janë bërë pjesë e një kërcimi të “çmendur” që tashmë kudo në botë është identifikuar si Harlem Shake.


Fëmijë dhe të rritur me maska në kokë e flamuj në duar janë bërë pjesë e kësaj ngjarjeje, qëllimi i së cilës është realizimi i një reklame të cilën do të mund ta shohë e gjithë bota.

[Zero Cool]

Pavarësia e Kosovës, festimet në Tiranë


Festimeve të 5-vjetorit të pavarësisë së Kosovës iu bashkua edhe Tirana, me një sërë aktivitetesh të organizuara nga Bashkia, por edhe të rinj e të reja nga shkollat e kryeqytetit. Në sheshin Skënderbej, qindra gjimnazistë dhanë një performancë spontane ose siç njihet në të gjithë botën me emrin 'flash mobe', shoqëruar nga ritmet e muzikës së këngëtares shqiptare, me famë ndërkombëtare, Rita Ora.

Në përfundim të performancës, pesë pëllumba të bardhë u lëshuan në fluturim në shenjë simbolike për pesë vitet e pavarësisë së Kosovës.

Urimi i të rinjve të kryeqytetit shqiptar për pavarësinë e Kosovës u mbajt paralel me dy aktivitete të tjera të ngjashme në Prishtinë dhe Shkup.

Në një tjetër atmosferë festive, zona pedonale në kryeqytet mblodhi me dhjetëra qytetarë në koncertin e organizuar nga Bashkia e Tiranës. Në skenën e improvizuar në qiell të hapur u ngjitën dj, grupe muzikore dhe këngëtarë nga Shqipëria e Kosova si Juliana Pasha, grupi 'Na' apo Valon Shehu.

Në Muzeun Kombëtar vazhdon të qëndrojë e hapur ekspozita me fotografitë e të rënëve dhe dëshmorëve gjatë luftës së Ushtrisë Clirimtare të Kosovës nga Kukësi, Hasi, Tropoja, Librazhdi Tirana etj.

FRD: Jo nacionalizmave

Në 5-vjetorin e Kosovës shtet, të rinjtë e Frymës së Re Demokratike u tubuan para Ambasadës së Kosovës nga ku u kërkuan politikanëve shqiptarë të ulin tonet nacionaliste dhe të kontribuojnë në shtimin e njohjeve të Kosovës.

Nertila Marku, përfaqësuese e Rinisë së FRD-së, theksoi: “Rinia e FRD-së u bën thirrje politikanëve shqiptarë të ulin tonet nacionaliste sepse vetëm në këtë mënyrë ata do ta ndihmojnë Kosovën të jetë një shtet i konsoliduar. Ne mendojmë se rruga e vetme e Shqipërisë dhe Kosovës është rruga e Bashkimit Europian dhe në këto momente akti më patriotik për politikën shqiptare është lobimi për njohjen e Kosovës shtet nga shtetet që ende nuk e kanë njohur.”

[Zero Cool]

Egjipti njeh Kosovën





Në ditën e 5-vjetorit të Pavarësisë, Egjipti konfirmoi njohjen e Kosovës si shtet i pavarur.

Këtë lajm e dha në Prishtinë e dërguara e posaçme e presidentit egjiptian, Mohamed Morsi, dhe njëherësh zëvendëspresidente e Egjiptit, Pakinam Al Sharkaui.

Ajo e cilësoi këtë “një moment shumë të rëndësishëm për të dyja vendet, i cili do të ndihmojë në bashkëpunimin në shumë fusha, sepse - siç u shpreh - kemi një të kaluar të përbashkët, si në aspektin kulturor, ashtu edhe në atë historik”.

Edhe kryeministri Thaçi, e vlerësoi këtë si një moment të rëndësishëm për të dy kombet. Zëvëndëspresidentja e Egjiptit mbërriti në Prishtinë sot në mëngjes dhe u prit edhe nga ministri i Jashtëm Enver Hoxhaj.

[Zero Cool]

Beogradi reagon në ditën e Pavarësisë

Serbia e ka pritur përvjetorin e Pavarësisë së Kosovës, mes akuzash për këtë shtet dhe pranimit të realitetit.

Kryeministri Ivica Daçiç ka deklaruar se për Pavarësinë kanë arritur në Prishtinë rreth 20 delegacione, nga ato që njohin Kosovën, por edhe 100 vjet mund të vazhdojë kështu.

“Duhet kuptuar që, pa marrëveshje me shtetin nga i cili kërkohet ndarje, nuk ka shtet. Ne jemi të gatshëm për bisedime”, ka thënë Daçiç.

Zyra e qeverisë serbe për Kosovën ka lëshuar një njoftim për shtyp, që më shumë i ngjan përdorimit të brendshëm, ku thuhet se Serbia kurrë nuk do ta pranojë Pavarësinë e Kosovës.

Në këtë reagim, qeveria bën një bilanc dhe thotë se, pa gjykuar të gjitha krimet, nuk mund të ketë progres dhe ripajtim.

Sipas tyre, pa pajtimin e Serbisë nuk mund të ketë qetësi në Kosovë dhe këtë duhet ta kuptojë edhe bashkësia ndërkombëtare. Qeveria njofton se, që nga shpallja e Pavarësisë së Kosovës, kanë ndodhur 1015 sulme.

Kryetari i Partisë Liberaldemokratike, Cedomir Jovanovic, ka theksuar se Serbia duhet ta pranojë realitetin e ri në Kosovë.

Dragan Gjillas, kryetar i Partisë Demokratike, ka theksuar se qeveria ka bërë shumë gabime gjashtë muajt e fundit, duke dhënë për Kosovën më shumë se sa kërkohet. Por, sipas tij, Serbia mund të ndihmojë qytetarët vetëm nëpërmjet ekonomisë.

Ish-kryeministri, në kohën e shpalljes së Pavarësisë, Vojisllav Koshtunica, ka deklaruar se separatistët shqiptarë, së bashku me forcat e NATO-së, kanë shkelur rezolutën 1244 dhe është e qartë se shteti i rremë, siç ka thënë, i Kosovës nuk ka legjitimitet, por mbahet me dhunë.

[natyra]

Postimi origjinal është bërë nga murrizi

Urime edhe nje her me te njejten permbajte.

cke more ti me te njeten permbajtje,pak e kishe nje'a
e sidomos Natyren,pas gjithe atyre urimeve e postimeve qe i beri,te pakten e ktheu temen ne jet,,e qe gati harruan antaret me Urua pavaresin.lol

Ani qat Zeron,qe ke dasht mes LDK-istave "be njeri",,tybe s'po ja dashke te miren

sidoqofte,mirembetesh Murriz Shqypnia

P/s.(pa te njejten permbajtje)

[natyra]

Pesë Vjet Kosova e Pavarur

Gazeta:Bota SOT.


17 Shkurti shënon 5 vjetorin e pavarësisë së Kosovës dhe populli i Kosovës ka shumë arsye përse të jetë krenar. Në vetëm pesë vjet si shtet i pavarur, Kosova është njohur nga gati 100 vende të botës, është anëtare e Bankës Botërore, FMN-së dhe BERZH-it. Sovraniteti i Kosovës është më i fuqishëm se kur më parë me përfundimin e “pavarësisë së mbikqyrur”, ndërsa marrëdhëniet ndër-etnike po bëjnë përparim të dukshëm dhe të qëndrueshëm. Banka Botërore afirmoi arritjet e Kosovës me raportin e fundit të rëndësishëm “Të Bërit Biznes 2012” ku thotë se asnjë vend tjetër nuk pati përmirësim aq të ndjeshëm sa Kosova.
Ka qënë një nder dhe kënaqësi të qëndrosh përkrah popullit të Kosovës ndërsa ata kaluan nga tragjedia në triumf gjatë 20 vjetëve të fundit. Por beteja nuk ka mbaruar. Kosova ende pengohet nga mungesa e vullnetit të disa vendeve për ta njohur kombin e ri, ndërsa vende të tjera ende e bllokojnë Kosovën të bëhet anëtare e OKB-së dhe të përparojë normalisht drejt një të ardhme euro-atlantike.
Megjithë vështirësitë, dialogu mes Kosovës dhe Serbisë i ndërmjetësuar nga Bashkimi Evropian ka shënuar përparim të vërtetë. Ky është një lajm i mirë. Takimet mes kryeministrave Thaçi dhe Daçiç dhe ai mes presidentëve Jahjaga dhe Nikoliç janë inkurajues për një rajon që ka aq nevojë për dhënien fund të konfliktit dhe për njerëzit që kërkojnë të jetojnë në paqe dhe prosperitet. Angazhimi personal dhe udhëheqja e Sekretares së Shtetit Klinton dhe Shefes së Politikës së Jashtme të Bashkimit Evropian Kethrin Eshtën ka qënë shumë i rëndësishëm në përparimin e arritur. Por ne nuk duhet të ndalemi këtu. Ka ardhur koha për të shkuar më tej marrëveshjeve të vogla, më pak të rëndësishme, drejt atyre që mund t’i japin fund konfliktit afatgjatë.
Me Xhon Kerrin në postin e Sekretarit të Shtetit, është jetike që Shtetet e Bashkuara të vazhdojnë ta vendosin në listën e prioriteteve rajonin dhe të sigurojnë që dialogu nuk do të degradojë në bisedime thjesht për hatër të bisedimeve, pasi në Ballkan, ne e dim nga përvoja se stanjacioni sjell zhgënjim dhe konflikt. Vazhdimi i përparimit mes Kosovës dhe Serbisë dhe gjithë Ballkanit shoqërohet gjithmonë me vëmendjen e Shteteve të Bashkuara në një nivel të lartë.
Së bashku me dialogun, përparimi i Kosovës drejt strukturave kryesore Euro-Atlantike, Bashkimin Evropian dhe Naton, duhet të jenë një prioritet për Shtetet e Bashkuara dhe aleatët tanë evropianë. Brukseli po punon me Prishtinën për ta çuar Kosovën drejt Marrëveshjes së Stabilizim-Asocimit dhe drejt liberalizimit të vizave ku kosovarë do të jenë në gjendje të lëvizin lirshëm në Evropë si qytetarët e vendeve të tjera ballkanike. Fatkeqësisht, përparimi ka ndalur dhe është ngadalësuar, dhe ndryshe nga fqinjët, çdo hap i vogël në përparimin e Kosovës me Brukselin mund të përballet me veton e një nga pesë vendet anëtare të BE-së që nuk e kanë njohur Kosovën. Ndërsa kjo e bën rrugën edhe më të vështirë, i bën arritjet e Kosovës edhe më të rëndësishme. Në fund të fundit, ne duhet të jemi të qartë se Kosova duhet të përfshihet në Evropë së bashku me fqinjët e saj, pasi në të kundërt do të krijonim një gropë të re të zezë në Ballkan ku shqetësimet më të këqija për krimin dhe korrupsionin mund të bëhen realitet.
Rruga e Kosovës drejt Natos është e të njëjtës rëndësi. Së bashku me vendet e tjera në rajon, antarësimi i Kosovës në Nato do të çimentojë prespektivën e saj Perendimore ndërsa do të shtojë një tjetër vend të fuqishëm pro-amerikan në aleancë. Sigurisht, anëtarësimi në Nato kërkon që Kosova të zhvillojë një ushtri, dhe unë jam i kënaqur që ne mund të shohim hapat e parë në këtë drejtim më vonë këtë vit nëpërmjet planifikimit të një ushtrie profesionale dhe mbrojtëse. Si një republikë sovrane dhe e pavarur, Kosova ka çdo të drejtë të ndërtojë forcën e saj të armatosur dhe është një arritje e mirë për një vend që ka në plan të punojë nga afër me Shtetet e Bashkuara dhe aleatët tanë evropianë për kohën dhe organizimin e forcës së saj mbrojtëse. Ne nuk duhet të dëgjojmë shqetësimet iracionale të disave që shprehin dyshime të pabaza rreth një ushtrie të mundshme të Kosovës duke pasur parasysh garancinë se ajo do të jetë e vogël dhe me synimin mbrojtës. Pavarësisht, unë mezi pres ditën kur trupat e Kosovës do të qëndrojnë krah për krah me ushtarët amerikanë në luftën kundër terrorizmit ndërkombëtar.
Sigurisht që ka sfida të tjera që vendi i ri duhet ende të zgjidhë. Papunësia është e lartë, korrupsioni vazhdon të jetë pengesë për ekonominë dhe marrëdhëniet ndër-etnike duhet të vazhdojnë të forcohen. Në të njëjtën kohë, marrëveshjet mes Serbisë dhe Kosovës duhet të zbatohen plotësisht dhe strukturat paralele në veri duhet ose të eliminohen plotësisht ose të bëhen pjesë transparente e një shteti Kosovar të unifikuar në mënyrë që pakicat, kudo që ndodhen, të trajtohen drejtësisht.
Shtete e Bashkuara kanë qënë dhe do të vazhdojnë të jenë miqtë më të mirë të Republikës së Kosovës. Ne do të vazhdojmë të nxisim zhvillimin e Kosovës, respektin për sovranitetin e saj dhe zgjerimin e numrit të vendeve që e njohin atë. Me miqësinë në rritje mes dy vendeve dhe popujve tanë, kam shpresë se pesë vjetët e ardhshme do të jenë edhe më të mira sesa këto pesë vjet të para të pavarësisë.
______________________________________
// U tha u ba nga Miku i perhershem I Kosoves.z.ENGEL'i SHBA-s,,perpak e shkruva(egjeli):D

[natyra]

"Mesohet per anashkalimin e Jasharajve ne 5 vjetorin e pavaresis nga Instuticionet dhe Lideret E Kosoves!

Murat Jashari i zhgënjyer për anashkalimin e familjes Jashari


Familja e komandantit legjendar Adem Jashari ndihen të anashkaluar me rastin e pesëvjetorit të pavarësisë së Kosovës nga presidentja Atifete Jahjaga dhe kryeministri Hashim Thaçi. Kjo familje e cila për lirinë dhe pavarësinë e Kosovës dha 20 anëtarë të ngushtë, nuk po respektohet e as nderohet siç duhet nga institucionet dhe liderët e vendit.
Anashkalimi i parë që iu bë familjes Jashari ishte ai në ceremoninë e ditës së parë të shënimit të pesëvjetorit të pavarësisë. Kryeministri Hashim Thaçi me apo pa dashje “harroj” të përshëndes Rifat Jasharin në manifestimin që u mbajt në fakultetin Filologjik, edhe pse baca Rifat ishte ulur në rreshtin e parë krah për krah me përfaqësues të lartë vendor e ndërkombëtar.
E për më tepër ky injorim i përfaqësuesve të institucioneve ndaj familjes Jashari vazhduan edhe në ditët në vijim. Rifat Jashari nuk u përshëndet as në dy manifestimet qendrore më 17 shkurt, në “Paradën e Pavarësisë” dhe as në seancën solemne.
I gjithë ky “marifet” i përfaqësuesve të institucioneve të Kosovës, për përfaqësuesin e familjes Jashari, Murat Jasharin si duket ka pasur një qëllim të vetëm, anashkalimin e tyre nga ky përvjetor i pavarësisë.
Ai madje shpreh habinë se si programi për manifestimin e pesëvjetorit të pavarësisë ka ndryshuar në momentin e fundit, meqë sipas tij, sipas paralajmërimeve delegacionet zyrtarë homazhet është dashur t’i bëjnë më 17 shkurt duke filluar nga ora 9:00.
“Zyrtarët e lartë shtetëror kanë ardhur në Prekaz më 16 shkurt dhe ne nuk kemi qenë të informuar. E kam thënë disa herë, se sipas një Protokolli që është në Prekaz, dhe këtë e ka edhe Protokolli i shtetit, delegacionet që vijnë duhet të paralajmërohen, qoftë përmes Protokollit të shtetit, apo edhe direkt në familje, që pastaj ne të bëjmë përgatitjet edhe të jemi në pritje të tyre. Zyrtarët që kanë qenë më 16 shkurt tek varrezat ne i kemi parë vetëm përmes medieve dhe nuk mund të komentoj, sepse nuk i di as arsyet pse ata kanë bërë vizitën një ditë më herët”, tha në një deklaratë për gazetën “Bota sot”, Murat Jashari./Indeksonline/

[Guri i madh]

Albina Jahjaga Gëzuar Kosovë (Official Video HD) - YouTube