Lajme aktuale nga vendi !

[MemphiSx]

Postimi origjinal është bërë nga Llapi

e geci qe e vret pas shpine komandantin e UÇK-se Abedin Rexhen Sandokanin koka patriot a piiiiii sa i paftyr eshte ky qe i thot veti nieri se ky asgje se ka nierin e le ma te jet vet njeri dhe shum rrall a hiq nuk rrin me njerz ky

Kush ke Sandokani bre??? Aaaaa qaj qe pat dal ne prit me vra Ganin aaa?? Shhnosh breee per to edhe gruja vet e hjeki akuzen ne prokurori e su ba nami qyyyyy :D

[Zero Cool]

Nis ndërtimi i xhamisë në Prishtinë, pa leje!





Një grup besimtarësh të rinj myslimanë kanë filluar të hënën pasdite ndërtimin e xhamisë së qendrës, afër Fakultetit Filologjik, përball katedrales. Të rinjtë hapen themelet, vunë betonin dhe e bënë “për hajër”, duke e uruar njëri-tjetrin, raportoi Klan Kosova.
Ky ndërtim nuk pati lejen e askujt dhe për këtë arsye, sigurimi i Fakultetit Filologjik lajmëroi policinë, të cilët erdhën pas pak, mirëpo punëtorët vetëm se kishin shkuar. Megjithatë, policia gjeti njërin prej tyre, të cilin e shoqëruan në stacionin policor.

Besimtarët myslimanë, të cilët nisën punimet për ndërtimin e xhamisë, thanë se nuk dëshirojnë të shembin çerdhen për ta ndërtuar xhaminë, por përkundrazi, siç tha njëri prej “ndërtuesve”, “ne do ta ndërtojmë një çerdhe nën xhami”.

Besimtarët myslimanë ka kohë që kërkojnë një hapësirë në Prishtinë për ndërtimin e xhamisë së qendrës, ku javën e kaluar, për të dytën herë radhazi, protestuan para Xhamisë së Çarshisë në Prishtinë, duke u falur në rrugë, kur edhe ndërhyri policia e Kosovës.

[Zero Cool]

Nervozohet me Editën


Borislav Stefanovicit, shef i ekipit serb në bisedime, nuk i ka ardhur mirë kur ka kuptuar se homologia e tij, Edita Tahiri, ka bërë publike detaje të marrëveshjeve që pritet të arrihen.
Ai ka deklaruar se marrëveshjet nuk do të nënshkruhen, por vetëm do të zbatohen nga qeveritë përkatëse.

Stefanovic është pyetur të hënën nga mediat serbe për ato që Edita Tahiri i ka paraqitur për Express.

Ai theksoi se “është shumë keq të flitet për detajet e gjërave, për të cilat nuk është arritur ende ndonjë marrëveshje”, njofton Express.

“Thelbi është që të përputhen interesat kryesore të dy palëve. Nëse kjo nuk ndodh, nuk mund të ketë marrëveshje”, tha Stefanovic.

[Zero Cool]

E shfrytëzojnë Vidovdanin



Beteja e humbur e Kosovës nga ana e Serbisë, 622 vjet më parë, vazhdon të festohet nga serbët në Kosovë. Në organizimin e partive, kryesisht opozitare nga Serbia dhe strukturat paralele serbe në Kosovës, pritet që kolonat me serbë të nisen si zakonisht nga veriu dhe qendra tjera të banuara me serbë, për në manastirin e Graçanicës dhe për në Gazimestan.
Simbolikisht ky marsh nënkupton rikujtimin dhe shënimin e një ngjarje historike, por për këto dy dekadat e fundit, shënimi i kësaj feste në Kosovë më shumë ka sjellë mesazhe kërcënuese për paqen, stabilitetin dhe tërësinë tokësore të Kosovës, shkruan Zëri.

E ashtuquajtura Garda e Car Llazarit, si dhe grupe të tjera nacionaliste serbe, pritet të marshojnë për në Gazimestan, madje edhe të përdorin fjalë poshtëruese ndaj kombit shqiptar.

Megjithatë, sivjet mund të jetë një festë pak më ndryshe. Apo edhe dy lloje festimesh. Disa liderë komunalë serbë që njohin dhe punojnë në institucionet e shtetit të Kosovës kanë plane për organizimin e një feste pa programe që fyejnë dhe cenojnë ndjenjat e shqiptare, thonë burime qeveritare.

Sipas tyre, ata do t’u japin shembull serbëve nga veriu se mund të festohet pa lënduar ndjenjat e të tjerëve.

Festa serbe tashmë ka filluar. Nga e diela në shumë enklava serbe ka nisur të festohet. Kurse mesazhet kërcënuese erdhën nga veriu, atje ku u mbajt një rok-koncert i motoristëve e politikanëve serbë bashkë, të cilët i bashkohen kënga, alkooli dhe mesazhet urrejtëse ndaj fqinjëve shqiptarë.

Qeveria e Kosovës nuk ka folur në asnjë rast për këtë ngjarje. Policia ka bërë të ditur se ka përgatitur planin operacional me rastin e shënimit të Vidovdanit. Aktive do të jetë sidomos policia në trafik, e cila do të përcjellë lëvizjen e kolonave dhe do të vëzhgojë nga afër automjete që shpien drejt qendrave ku do të festohet.

Sipas zyrtarëve të Policisë, duke u bazuar në përvojën nga e kaluara kur grupet nacionaliste serbe kanë provokuar dhe mesazhe urrejtëse ndaj shqiptarëve, Policia për gjithçka është gati.

[Zero Cool]

Tridhjetë ditë burgim serbit që fyeu shqiptarët





Në pikën kufitare në Merdar është arrestuar serbi Todor Milorad Doshalevic, 1971, nga Hoqa e Madhe e Rahovecit, me vendbanim në Jagodinë të Serbisë. Ai në pikën kufitare në Merdar kishte hyrë me flamurin serb, në gjatësi prej 2 metrash, që e kishte ngritur në veturën e tij të tipit “Pasat” me targa PZ 422 27, thuhet në një njoftim të policisë.
Todori pasi ishte urdhëruar nga Policia kufitare e Kosovës për të hequr flamurin serb nga vetura, ai kishte nisur të fyejë policinë dhe popullin e Kosovës, me fjalët se “këtu është Serbi e nuk njoh polici as Gjykatë të Kosovës” etj.

Policia kufitare e Kosovës, pasi ia ka hequr flamurin serb nga vetura, ai ka vazhduar me fyerjet në baza nacionale si “shiptari” dhe më pas kishte sharë shtetin e Kosovës dhe Policinë e Kosovës me fjalët: “Ju nuk jeni kurrgjë dhe nuk ju njoh”.

Dyzetvjeçarit nga Hoqa e Rahovecit, pensionist invalidor pas arrestimit nga policia i janë gjetur edhe 6000 mijë euro, që dyshohet se i kishte sjellë për t’ua shpërndarë shokëve të tij në Kosovë, për të marrë pjesë në shënimin e ditës së Vidovdanit.

Todor Doshalevic pasi është sjellë para kryetarit të Gjykatës për Kundërvajtje në Podujevë, Sabit Çitaku, ka refuzuar të japë deklaratë dhe ka kërkuar të jenë prezent KFOR-i dhe UNMIK-u. Ai së pari është dënuar për veprën kundërvajtje, me një gjobë prej 450 eurosh dhe pasi ka refuzuar aktvendimin e kryetarit të Gjykatës, ka pasuar vendimi tjetër me burg prej 30 ditësh, vendim i cili është ekzekutuar menjëherë.

Doshalevic, në bazë të veprimeve të tij dhe si pensionit invalidor, dyshohet të ketë marrë pjesë edhe në krime monstruoze ndaj shqiptarëve gjatë luftës.

[Zero Cool]

Aleanca kuqezi merr nismen e saj te dyte e cila do te jete:
NJE KOMB NJE PASHAPORTE
Aleanca KuqeZi i kerkon parlamentit shqiptar ndryshimin e menjehershem te kushtetutes se vitit 1998 ne dispozitat per dhenien e shtetesise shqipetare.

Aleanca Kuqezi kerkon me force dhenien e pashaportave shqiptare cdo qytetari me origjine dhe kombesi shqiptare kudo qe jeton si : Shqiperi, Kosove, Maqedoni, Mal te Zi Greqi , Serbi apo ne diaspore.

TE GJITHE SHQIPETARVE KUDO QE JANE NJE PASHAPORTE KUQEZI
Aleanca kuqezi deklaron se eshte detyrim i shtetit ame’ te pajise me pashaporta shqiptare, cdo qytetar qe jeton brenda dhe jashte kufijve te cilet kane kombesine shqipetare, ashtu sic veprojne greket me homogjent, serbet me shqipetaret e kosoves, bullgaria me maqedonasit, vende te cilat jane dhe anetare te bashkimit europian.

Ne keto kushte edhe Shqiperia duhet te aplikoje keto standarte dhe te respektoje bashkëkombasit e vet.
Eshte e turpshme qe nje shqiptar i kosoves pajiset me pashaporte serbe brenda tre ditesh, ndersa nuk I mundësohet marrja e pashaportes shqiptare.

Aleanca kuqezi do te ndermarre keto hapa per te mundësuar pajisjen me pashaporte shqiptare nen slloganin:

NJE KOMB NJE PASHAPORTE
AK kerkon te realizoje:
1. Nenshkrimin e nje peticioni ne cdo treve shqiptare per te paisur me pasaporte te shtetit ame cdo person qe jeton brenda dhe jashte kufive qe kane kombesi shqipetare.
2. Kerkesen per ndryshime kushtetuese, dhe regjimi te ri juridik per marrjen dhe lenien e shtetesise shqiptare
3. Respektimin e standarteve te Brukselit per pashaportat e shqipetareve qe jetojne jashte Shqiperise, duke mos u dhene te drejten e votes.
4. Bejme thirrje qe kuvendi i Shqiperise te votoje urgjentisht kunder projekt ligjit POLLO dhe te votoje pro vullnetin e popullit

[Artisti]

Postimi origjinal është bërë nga Zero Cool

Aleanca kuqezi merr nismen e saj te dyte e cila do te jete:
NJE KOMB NJE PASHAPORTE
Aleanca KuqeZi i kerkon parlamentit shqiptar ndryshimin e menjehershem te kushtetutes se vitit 1998 ne dispozitat per dhenien e shtetesise shqipetare.

Aleanca Kuqezi kerkon me force dhenien e pashaportave shqiptare cdo qytetari me origjine dhe kombesi shqiptare kudo qe jeton si : Shqiperi, Kosove, Maqedoni, Mal te Zi Greqi , Serbi apo ne diaspore.

TE GJITHE SHQIPETARVE KUDO QE JANE NJE PASHAPORTE KUQEZI
Aleanca kuqezi deklaron se eshte detyrim i shtetit ame’ te pajise me pashaporta shqiptare, cdo qytetar qe jeton brenda dhe jashte kufijve te cilet kane kombesine shqipetare, ashtu sic veprojne greket me homogjent, serbet me shqipetaret e kosoves, bullgaria me maqedonasit, vende te cilat jane dhe anetare te bashkimit europian.

Ne keto kushte edhe Shqiperia duhet te aplikoje keto standarte dhe te respektoje bashkëkombasit e vet.
Eshte e turpshme qe nje shqiptar i kosoves pajiset me pashaporte serbe brenda tre ditesh, ndersa nuk I mundësohet marrja e pashaportes shqiptare.

Aleanca kuqezi do te ndermarre keto hapa per te mundësuar pajisjen me pashaporte shqiptare nen slloganin:

NJE KOMB NJE PASHAPORTE
AK kerkon te realizoje:
1. Nenshkrimin e nje peticioni ne cdo treve shqiptare per te paisur me pasaporte te shtetit ame cdo person qe jeton brenda dhe jashte kufive qe kane kombesi shqipetare.
2. Kerkesen per ndryshime kushtetuese, dhe regjimi te ri juridik per marrjen dhe lenien e shtetesise shqiptare
3. Respektimin e standarteve te Brukselit per pashaportat e shqipetareve qe jetojne jashte Shqiperise, duke mos u dhene te drejten e votes.
4. Bejme thirrje qe kuvendi i Shqiperise te votoje urgjentisht kunder projekt ligjit POLLO dhe te votoje pro vullnetin e popullit

I lumtë kësaj Aleance!

Ky është lajmi dhe Veprimi më i mirë qe 10 vjet.

.

[Zero Cool]

Prishtina më pak se 200 mijë banorë!

Drejtori i Zyrës për regjistrimin e popullsisë në Entin e Statistikave të Kosovës, Sabri Zabërxha ka bërë të ditur se numri i popullsisë në Prishtinë sillet rreth 200 mijë banorë, megjithëse është menduar të jetë shumë më i madh. Në një intervistë për Radio Dukagjinin, Zabërxha bëri të ditur se rezultatet preliminare të regjistrimit do të bëhen publike ditën e nesërme.
Ndërsa, duke folur për vendbanimet me shumicë serbe, drejtori i Zyrës për regjistrimin e popullsisë në ESK, tha se ata nuk kanë shprehur dëshirën të marrin pjesë në regjistrim, ndërsa Enti do të bazohet në disa formularë që ishin mbushur në gjithë territorin e Kosovës në vitin 2009.

“Nesër do të bëhet shpallja e rezultateve të para në 34 komuna ku është mbajt regjistrimi i popullsisë. Për Prishtinën sillet rreth 200 mijë... Është numër real dhe i saktë. Po mendoj është shifër e popullsisë rezidente”, tha Zabëxha.

Por çfarë mund të jenë statistikat kur nuk përfshihet edhe veriu i vendit, drejtori i Zyrës për regjistrimin e popullsisë tha se komuniteti serb nuk e ka shprehur dëshirën të marrë pjesë në regjistrimin e popullsisë, por ESK do të bazohet në disa formular të vitit 2009, ku ishte bërë azhurnimi i territorit të Kosovës.

“Ne në vitin 2009 kemi bërë azhurnimin e gjithë territorit të Kosovës, d.m.th kemi bërë regjistrimin në një formular të shkurtuar për numrin e banorëve, ekonomive dhe banesave, prandaj ne i kemi të gjitha të dhënat për gjithë Kosovën”, tha ai.

Shpallja përfundimtare e rezultateve për numrin e banorëve në Kosovës duhet të bëhet në qershor të vitit të ardhshëm.

[Zero Cool]

Irinej: Flijohemi nëse është nevoja për Kosovën



Në manastirin e Graçanicës të martë ka filluar liturgjia për festën e Vidovdanit. Në fjalimin përfundimtar, patriarku serb Irinej thirri popullin serb që nëse të jetë nevoja të flijohen, për këtë, siç e quajti ai tokë të shenjtë serbe.
Në këtë manifestim të pranishëm ishin shumë figura nga jeta publike serbe, si Oliver Ivanovic, ministri Goran Bogdanivic, Rada Trajkovic dhe si princi Aleksandar i Serbisë me gruan e tij.

Patriarku serb Irinej thirri popullin serb që nëse të jetë nevoja të flijohen për, këtë, siç e quajti ai tokë të shenjtë serbe. Ndërkaq ministri serb Goran Bogdanovic ka ndarë para për nënat serbe, që kishin 4 apo më shumë fëmijë.

[Zero Cool]

Freedom House: Kosova-demokraci e papjekur






Një raport jo pak i zymtë për Kosovën është publikuar të martën edhe nga organizata Freedom House, e cila vlerëson se Kosova mbetët një demokraci e papjekur. Në vlerësimet e kësaj organizate, Kosova ka rënë nga niveli i 4.25 në 4.50, ndikuar më shumë nga procesi zgjedhor i karakterizuar me mashtrime të mëdha në të paktën gjashtë komuna.
Lufta kundër korrupsionit është zhvilluar përmes debateve, por përpjekjet për ta luftuar atë kanë pasur rezultate minimale.

Në këtë raport përmendet situata jo e mirë edhe e shoqërisë civile, ndërsa e akuzon qeverinë e Kosovës se “ka dështuar të zbatojë dispozitat kushtetuese që garantojnë lirinë e medias dhe të shprehjes”, transmeton Rel. Organizata vë në pah se gazetarët dhe mediat e pavarura kanë qenë objekt i kërcënimeve dhe i presioneve të shtetit dhe institucioneve ndërkombëtare.

Punonjësit e dy të përditshmeve të pavarura thuhet se kanë qenë objektiv i shpeshtë i kërcënimeve.

Qeveria thuhet se ka vazhduar të kontrollojë transmetuesin publik, RTK, dhe të ndikojë në mediat private nëpërmjet reklamave selektive. Për shkak të një rënieje të vazhdueshme të pozitës së gazetarëve dhe zbatimit të pamjaftueshëm të garancive kushtetuese në lirinë e medias, vlerësimi për media të pavarura në Kosovë përkeqësohet nga 5.50 në 5.75.

Vlerësimi i Freedom House, për të arriturën më të madhe të Kosovës është vazhdimi i zbatimit të pakos së decentralizimit, pas së cilës u krijuan tri komuna të reja me shumicë serbe.

[Zero Cool]

Rexhepi paralajmëron “xhematin protestues”





Ministri i Punëve të Brendshme, Bajram Rexhepi, e ka paralajmëruar “xhematin protestues” se nuk do të lejohet bllokimi i rrugës të premten e ardhshme. Protestën në kërkim të një xhamie të madhe ai e sheh si të drejtë të organizatorëve, por bllokimin e rrugës në asnjë mënyrë.
Besimtarë të fesë islame të organizuar nga një lëvizje e quajtur “Bashkohu”, e udhëhequr nga Fuad Ramiqi, kanë protestuar dy të premte radhazi para Xhamisë së Çarshisë, duke kërkuar një truall në qendër të Prishtinës për ndërtimin e një xhamie të madhe. Ndonëse në kryeqytet janë mbi 20 xhami, sipas këtyre protestuesve por edhe të Bashkësisë Islame të Kosovës, nuk janë të mjaftueshme për t’u bërë vend besimtarëve, shkruan Koha Ditore.

Ministri i Punëve të Brendshme, Bajram Rexhepi, ka dhënë një jo të prerë, se të premten nuk do të lejohet falja e namazit në rrugë. Jo pse është kundër namazit, por kundër bllokimit të rrugëve dhe lëvizjes së lirë. Ai kërkon që kjo çështje të zgjidhet në mënyrë institucionale e jo nëpërmjet bllokimit të rrugëve. Më tej, Rexhepi ka thënë se policia është e obliguar ta zbatojë ligjin me përpikëri.

Lideri i lëvizjes “Bashkohu”, Fuad Ramiqi, shprehet se nuk po cenohet liria e lëvizjes së qytetarëve. Më skandaloze, sipas tij, është bllokimi i rrugëve për ndonjë këngëtar apo edhe për vizita, siç ishte ajo e shefit të delegacionit serb për bisedime, Borislav Stefanoviq.

Po ku do të ishte trualli më i përshtatshëm për ndërtimin e xhamisë? Për Fuad Ramiqin hapësira e blertë para Fakultetit të Filologjisë do të ishte më e përshtatshmja. Ndonëse nuk e shenjëzën saktë atë pjesë, ai thotë se hapësira e përshtatshme është ndërmjet katedrales katolike dhe kishës ortodokse, që ndodhet në hapësirën e Qendrës universitare.

Nga ana tjetër rektori i Universitetit të Prishtinës, Mujë Rugova, shprehet kategorikisht kundër ndërtimit të objekteve të kultit fetar në Qendrën universitare. Ndonëse e pranon se prona aty është komunale, ai ka thënë se është kundër. E për të treguar këtë kundërshtim ai ka treguar se si gjatë viteve ‘90 ka qenë kundër ndërtimit të kishës ortodokse në hapësirën universitare.

“Më 26 qershor (1991 v.j.) kemi dalë rreth e qark këtij trualli diku 6 mijë studentë dhe profesorë. Ne kemi thënë se këtu duhet me dhënë shpirt e mos me lanë të ndërtohen objekte fetare në qendër të Universitetit dhe për këtë jam maltretuar fizikisht dhe psiqikisht”, ka thënë ai. “Unë kam qenë dhe jam kundër ndërtimit të objekteve fetare qoftë kisha, xhamia, sinagogë. Ne nuk e kishim lejuar as kishë katolike e as xhami”.

Bashkësia Islame e Kosovës ia ka vu syrin një hapësire përballë Institutit Albanologjik në “Ulpianë”. Ata synojnë ndërtimin e xhamisë mu në hapësirën prej 90 arësh, në të cilën aktualisht ndodhet çerdhja e fëmijëve “Fatosët”.

Duke i mbështetur kërkesat e protestuesve por jo protestën, kryemami i Kosovës, Sabri Bajgora, ka thënë se Bashkësia Islame e Kosovës nuk ka ndonjë koordinim me protestuesit, mirëpo kërkesat e tyre përputhen me ato që BIK-ut të shtruara qysh 12 vjet më parë.

[Zero Cool]

BIK nuk ka nisur ndërtimin e xhamisë pa leje







Myftiu i Kosovës, Naim Tërnava, përjashtoi mundësinë që me dijen e Bashkësisë Islame të Kosovës, të ketë filluar themeli i një xhamie në hapësirën universitare në Prishtinë.
Para se t’u fliste besimtarëve myslimanë ferizajas lidhur me Natën e Miraxhit, myftiu Tërnava u tha gazetarëve se janë pallavra ato që fliten për gjoja fillimin e ngritjes së një xhamie afër Fakultetit Filologjik, raporton KosovaLive.

“Bashkësia Islame e ka fjalën e vet, ajo vendos për ngritjen dhe ndërtimin e xhamive dhe askush tjetër në Kosovë. Këtë duhet ta dijë çdokush”, tha prerazi Tërnava.

Por myftiu i Kosovës përligj plotësisht kërkesat e besimtarëve myslimanë për ndërtimin edhe të një xhamie të madhe në Prishtinë, megjithëse nuk është i sigurt për formën që kanë zgjedhur ata, duke u falur në rrugë, në shenjë proteste.

“Por ne përkrahim vijën institucionale për zgjidhjen e të gjitha problemeve, prandaj edhe të BI-së. Me mund të madh i kemi krijuar këto institucione, me flijime, me gjak e sakrifica, prandaj duhet që në mënyrë institucionale t’i zgjidhim të gjitha kërkesat”, thotë Tërnava.

Ai beson se Kuvendi Komunal i Prishtinës dhe kryetari i kryeqytetit, Isa Mustafa, do të mbështesë kërkesat e besimtarëve dhe brenda një kohe të shkurtër do të kënaqen nevojat e tyre.

Myftiu Tërnava tha se është kundër çfarëdo dhune që pushteti ka ushtruar ose mund të ushtrojë ndaj besimtarëve, ashtu siç u ka bërë thirrje atyre që shkojnë në xhami, që me sjelljet e tyre të mos krijojnë pakënaqësi në raport me besimtarët dhe qytetarët tjerë.

[Zero Cool]

Përgatitje për konfiskimin e pasurisë së paligjshme






Konfiskimi i pasurisë së paligjshme po rezulton si mënyra e duhur për të ecur përpara në mbarë botën për ta luftuar krimin e organizuar dhe korrupsionin. EULEX-i të martën filloi një program 12-mujor trajnimi për gjykatësit, prokurorët dhe hetuesit vendorë e ndërkombëtar në Kosovës lidhur me konfiskimin e pasurisë së paligjshme.
Sipas një komunikate për media të EULEX-it, programi ka për qëllim t’i shfrytëzojë kompetencat për konfiskim të cilat rrjedhin nga ligji ekzistues si mjet standard në luftën kundër krimit të organizuar dhe korrupsionit. Po ashtu do të shërbejë për përgatitjen e rrugës për zbatimin e legjislacionit të ri në këtë fushë.

Pas punëtorisë së parë të organizuar në selinë e EULEX-it, në të cilën kanë marrë pjesë më shumë se 30 pjesëmarrës, këshilltari kundër korrupsionit i EULEX-it, George Mills, tha se seminari i sotëm shënon fillimin e suksesshëm të një procesi për shfrytëzimin më të mirë të konfiskimit të pasurisë së paligjshme dhe përgatitjes për legjislacionin e ardhshëm.

Pjesëmarrësit u pajtuan që shfrytëzimi i kompetencave për konfiskim mund të jetë një armë efektive në luftën kundër krimit të organizuar dhe korrupsionit. Ata i këmbyen përvojat dhe mendimet e tyre lidhur me zbatimin më të mirë të legjislacionit.

“Konkretisht, sipas ligjit në fuqi, konfiskimi i pasurisë së paligjshme nënkupton që kriminelët e ndëshkuar jo vetëm që dënohen dhe për shembull shkojnë në burg, por pasuria e tyre e fituar në mënyrë të paligjshme dhe jeta luksoze u merret po ashtu. Këtë edhe e presin qytetarët e ndershëm nga sundimi i ligjit”.

Legjislacioni i ri anekënd botës është tani duke futur në përdorim ligje të reja për konfiskim pa qenë personi i dënuar, të cilat nganjëherë quhen “ligje kundër mafias”. Kjo ua mundëson hetuesve të zbatojnë një qasje më të fuqishme të “përcjelljes së gjurmëve të parave”.

[taraku-1]

Postimi origjinal është bërë nga Zero Cool

BIK nuk ka nisur ndërtimin e xhamisë pa leje







Myftiu i Kosovës, Naim Tërnava, përjashtoi mundësinë që me dijen e Bashkësisë Islame të Kosovës, të ketë filluar themeli i një xhamie në hapësirën universitare në Prishtinë.
Para se t’u fliste besimtarëve myslimanë ferizajas lidhur me Natën e Miraxhit, myftiu Tërnava u tha gazetarëve se janë pallavra ato që fliten për gjoja fillimin e ngritjes së një xhamie afër Fakultetit Filologjik, raporton KosovaLive.

“Bashkësia Islame e ka fjalën e vet, ajo vendos për ngritjen dhe ndërtimin e xhamive dhe askush tjetër në Kosovë. Këtë duhet ta dijë çdokush”, tha prerazi Tërnava.

Por myftiu i Kosovës përligj plotësisht kërkesat e besimtarëve myslimanë për ndërtimin edhe të një xhamie të madhe në Prishtinë, megjithëse nuk është i sigurt për formën që kanë zgjedhur ata, duke u falur në rrugë, në shenjë proteste.

“Por ne përkrahim vijën institucionale për zgjidhjen e të gjitha problemeve, prandaj edhe të BI-së. Me mund të madh i kemi krijuar këto institucione, me flijime, me gjak e sakrifica, prandaj duhet që në mënyrë institucionale t’i zgjidhim të gjitha kërkesat”, thotë Tërnava.

Ai beson se Kuvendi Komunal i Prishtinës dhe kryetari i kryeqytetit, Isa Mustafa, do të mbështesë kërkesat e besimtarëve dhe brenda një kohe të shkurtër do të kënaqen nevojat e tyre.

Myftiu Tërnava tha se është kundër çfarëdo dhune që pushteti ka ushtruar ose mund të ushtrojë ndaj besimtarëve, ashtu siç u ka bërë thirrje atyre që shkojnë në xhami, që me sjelljet e tyre të mos krijojnë pakënaqësi në raport me besimtarët dhe qytetarët tjerë.

E more mjeran, as kete dynja as tjetren...., me kan burr del i pari aty edhe i bashkohesh... me kan qe ta rr.. dikush moti ish ndertue xhamia , por ste bon hesap kerkush ... e dim mire qe sguxon ti me i livrit atyre qe tkan tregue ku jan vijat e kuqe...kur je kan ne vizit, tash ke ke marr tabiatin e rugoves durim durim.., por vjen koha qe del tjeter kush dhe ta ndryshon fjalen dhe ma dikur as thmija ste bojn hesap.. qysh po te shkon biznisi me kta qeveritart e rambon e hashimin...., adel mi vizitue xhamiat ne pr... bile bile as namaz nuk bon rregullisht more pis pos i lyp nejat e mevludet edhe bizniset ti si myfti nuk tka hije me shkue ne restorane ku ka alkohol si ne Koshtove ne Mitrovic..., ti po i prin popullit musliman te Kosoves

Ti nuk meriton 5 min me kan myfti i Kosoves, se lere ma me nga 5 vjet...

[Zero Cool]

Ramiqi: Thaçi na ka premtuar xham






Fuad Ramiqi po kërkon nga kryeministri Hashim Thaçi që ta mbajë një premtim të dhënë gjatë fushatës: ndërtimin e një xhamie të madhe në Prishtinë.
Përfaqësuesi i një lëvizjeje të quajtur “Bashkohu”, e cila ka marrë përsipër organizimin e protestave për ndërtimin e një xhamie në qendër të Prishtinës, ka thënë se kryeministri i vendit e kishte dhënë këtë premtim.

“Kryeministri e ka dhënë premtimin para fushatës dhe gjatë fushatës elektorale që do ta ndërtojë xhaminë dhe do t’i plotësojë kërkesat e xhematit për një xhami në Prishtinë”, ka thënë Ramiqi në një konferencë për media të mbajtur para Xhamisë së Madhe në Prishtinë. Premtim të njëjtë kanë bërë thuajse të gjitha partitë, sipas Ramiqit.

“Edhe kryeministri, edhe kryetari i Komunës dhe të gjitha partitë që kanë bërë fushatë kanë thënë se do ta bëjmë këtë punë”, ka thënë ai.

Gazeta ka provuar të martën pasdite që të marrë një prononcim nga zyrtarët qeveritarë të PDK-së për të mësuar nëse u ka premtuar kryeministri Thaçi xhami besimtarëve, por nuk ia ka dalë, shkruan Koha. Zëvendëskryeministri Hajredin Kuçi dhe ministrat Memli Krasniqi e Blerand Stavileci nuk e kanë hapur telefonin.

Ish-anëtari i Lidhjes Demokratike të Kosovës ka paralajmëruar që të premten do të bllokohet sërish rruga në udhëkryqin tek Xhamia e Çarshinë në shenjë proteste për mosndarjen e një trualli në qendër që për protestuesit do të ishte para Fakultetit të Filologjisë. Ai ka thënë se nuk ka kërkuar leje nga Policia për bllokimin e rrugës, por vetëm do t’i njoftojnë për këtë bllokim që pritet të ndodhë për herë të tretë këtë muaj.