Opinione dhe Reagime, Shteti i ri i Kosovës

[Pupi]

Kryeministri i Kosovës nderohet me Çmimin për Paqe ?!

Kjo nuk është edhe keq, që një Kryeministër i shtetit të ri të Kosovës, që sipas zotit Thaçi "Tjerët spekulojn se nuk dijn gja" të merr një shpërblim të tillë.
More, neve na hy friga n'palc me kto far "Çmimesh Për Paqe" e k'so muhabetësh sa që mënjeher të shkon mendja mos po dojn "me na i zbut zemrat" e me na lujt naj lojë mas shpine ?
Ça ju merr menja ju ?

[Pupi]

Luja Babë luja, me foret e tuja....

Presidenti Sejdiu gjatë vizitës së tijë në Turqi, ku takoi edhe homologun e tij.

Koment:

Dje i dhuroi papes luftëtarin kunder turqëve, sot e përshëndeti Erdoganin me "selam alejkum".

Phaaaaaaa........... ???

[Guri i madh]

Postimi origjinal është bërë nga Pupi

Luja Babë luja, me foret e tuja....

Presidenti Sejdiu gjatë vizitës së tijë në Turqi, ku takoi edhe homologun e tij.

Koment:

Dje i dhuroi papes luftëtarin kunder turqëve, sot e përshëndeti Erdoganin me "selam alejkum".

Phaaaaaaa........... ???

po me siguri sejdiu e ka dit se turqia heziton per me njoft kosoven shtet të pamvarun


ku edhe i tha ky erdragani kur të merr vendim bashksia nderkombtare edhe ne pastaj do e njohim pamvarsin e kosoves

[4peace]

Postimi origjinal është bërë nga Pupi

Kryeministri i Kosovës nderohet me Çmimin për Paqe ?!


More, neve na hy friga n'palc me kto far "Çmimesh Për Paqe" e k'so muhabetësh sa që mënjeher të shkon mendja mos po dojn "me na i zbut zemrat" e me na lujt naj lojë mas shpine ?
Ça ju merr menja ju ?

Pikërisht ashtu është!


Mirë e paske nuhatë, Pupi.

Ani, e paske harruar edhe shpalljen "qyetar nderi i Vlorës", e që e përforcon edhe më shumë dyshimin tënd/tonë!!!


Diçka e keqe, e mbështjellë/paketuar me çokolatë?


***

[Pupi]

Agjencia Private e lajmeve www.kosovapress.com , Shërbime falas për një javë e më sipër për hir të Pavarsis !
Televizioni Shtetror www.rtkliv.com, Flen në Natën e Pavarsis së vendit.
Asnjë lajm të ri s'mund ta ndëgjosh apo ta lexosh në web faqen e radiotelevizionit të Kosovës në Interenet. Ky është Turp dhe papërgjësi e madhe, dikujt i flihet rehat edhe në këso ditërash.

DERISA Agjencia e lajmeve Kosova Pres ofron shërbime falas për Qytetarët e Kosovës mbrenda dhe jasht vendit.
Në vazhdim nga Drejtorati i Kosova pressit:

Njoftim: Kosova Press për më shumë se një javë jep të gjitha shërbimet në gjuhën shqipe, angleze, serbe dhe turke falas


Agjencia e Pavarur e Lajmeve Kosova Press në mbledhjen e mbajtur me datë 15 shkurt 2008, ka vendosur që në këto ditë historike për Kosovën dhe rajonin, të gjithë qytetarëve, të gjitha mediave vendore dhe të huaja si dhe zyrave të huaja diplomatike në Kosovë dhe jashtë (Kosova Press është në sistemin me parapagim dhe vetëm ata që lidhin kontratë me Kosova Press u jepet e drejta në qasjen e lajmeve), shërbimin e lajmeve dhe fotove në gjuhën shqipe, angleze, serbo-kroate-boshnjake dhe turke ta japë falas për më shumë se një javë rresht. Shërbimi do të jepet falas nga data 16 shkurt ora 08.00 deri më 24 shkurt, ora 08.00.
Gjithashtu, njoftojmë të gjitha mediat dhe institucionet të cilat shërbimet i shfrytëzojnë për qëllime komerciale (publikimin e lajmeve në radio, televizione, gazeta apo faqe të ndryshme interneti), të cilët nuk kanë marrëveshje me AL Kosova Press, se duhet që të citojnë burimin e informacionit, pra Agjencinë e Pavarur të Lajmeve Kosova Press, në të kundërtën do të përballen me ligjet në fuqi.

Drejtori: Skënder KRASNIQI

[get_up]

Edhe Fatmiri ka te drejt , nuk dhuroi "luftetarin kunder turqeve" por nje hero kombetar qe lufoti edhe kunder Hungarezve para qe te luftonte kunder osmaneve . e se dyti Fatmir Sejdiu pershendet nje MIK te lasht ne Turqi , Qe 100 vjet Turqia ka qene miku me i madh i shqipterave ne te gjitha aspektet .

E politika keshtu e ka , eshte me rendesi me qen ashtu si je . Ose dukesh si je ose behesh si dukesh - thote nje fjal e urte popullore

[Pupi]

Pas "bujës" që krijoi intevista e përfaqsuesit Rus në Nato...

Që interesat ruse "u mbrohkan" edhe në Kosovë, kjo nuk është edhe diçka e re. Që për Kosovën të luftojn rusët kjo do të ishte më shumë se qesharake.

Duke e lexuar moton time (jam ardhur në përfundim që sjell përparim njerzimit dhe individit) Rusët duhët njehr e përgjithmonë të kuptojn se Kosova është Evropë, dhe nga ajo që Kosova është Evropë, nuk ka Bruksel të sukseshëm pa një Kosovë të Pavarur, e një serbi Demokratike. Këtë nuk guxon ta lejoj Evropa (çka që edhe e bëri). Reagimi i Solanes sot në mediat Gjermane ishte poashtu përgjegjie e merituar diplomacis ruse.
Ndërsa një përgjegjie edhe më të merituar ka dhënë edhe nënsekretari Amerikan Bërns, intervista në vijim:

rtv21

Bërns: Moska të demantojë qëndrimet e Rogozinit

Përfaqësuesi rus në NATO, Dmitrij Rogozoin e ka këshilluar sot Departamentin amerikan të shtetit të shfrytëzojë,siç ka thënë, burime më të besueshme të informimit dhe të mos përhapi gënjeshtra notore lidhur me deklarimin e tij të ditës së kaluar në Bruksel. Mediet njoftuan se Rogozin ka paralajmëruar mundësinë e përdorimit të forcës ushtarake në Kosovë nëse NATO dhe BE tejkalojnë mandatin e tyre. Ndërkaq,sipas Rogozinit, esenca e deklaratës së tij është se ,në rast se zhvillimet në Ballkan shkojnë rrugëve jo legjitime do të jetojmë në botën ku sundon jo e drejta ndërkombëtare por dhuna dhe forca përfshirë edhe atë të armatosur. Në komentin e tij Nikollas Bërns ka deklaruar se Rusët asgjë nuk janë duke bërë për Kosovën dhe ka kërkuar demante të Moskës për qëndrimet e shprehura të Rogozinit.

Bërns:Kosova së më parë anëtare e OKB-së

Kosova duhet të bëhet sa më shpejtë anëtare e OKB-së. Kështu ka thonë nënsekretari amerikan i shtetit, Nikolas Bërns. Sipas diplomatit amerikan, për të arritur deri në këtë proces do të nevojitet pak kohë, pasi disa shtete, përkohësisht mund ta bllokojnë këtë proces. Nëse Kosova dëshiron dhe plotëson kushtet për në NATO, jam i bindur se kjo do të merret parasysh dhe do të shqyrtohet.\23.02.08\

[uliksi31]

Departamenti i Shtetit nuk u kushton rëndësi komenteve ruse për Kosovën




Një zyrtar i lartë i Departamentit amerikan të Shtetit nuk u kushtoi rëndësi komenteve të një diplomati rus, sipas të cilit Rusia mund të përdorë forcën ushtarake nëse vendet e NATO-s shkelin mandatin e Kombeve të Bashkuara në Kosovë.
Zyrtari vuri në dukje se ambasadori i Rusisë në NATO, Dmitri Rogozin, ish kreu i komisionit të Dumës për Marrëdhëniet Ndërkombëtare, është i njohur për retorikën me tone nxitëse. Zoti Rogozin i bëri komentet sot gjatë një lidhjeje televizive me Brukselin. Diplomati rus argumentoi se nëse NATO-ja shkel ligjin ndërkombëtar dhe mbështet me forcë pavarësinë e Kosovës, atëhere Rusia duhet të veprojë në të njëjtën mënyrë për të fituar respekt.
Zyrtari amerikan, i cili kërkoi të mos identifikohet, vuri në dukje se zyrtarë të lartë të qeverisë ruse janë shprehur në mënyrë të përsëritur kundër deklaratës së pavarësisë të Kosovës por akush nuk e ka përmendur një kërcënim të tillë. Ai tha se beson që zoti Rogozin mund t’i ketë tejkaluar udhëzimet e marra. //ad//

Zëri i Amerikës

[uliksi31]

Scheffer: Jemi të gatshëm të reagojmë në Kosovë



24/02/08

Sekretari i për gjithshëm i NATO-s, Jaap de Hoop Scheffer, ka potencuar gatishmërinë e KFOR-it për të reaguar ndaj çfarëdo situate.
Ai ka thënë se KFOR-i do ta ketë edhe mbështetjen e trupave rezervë - nëse paraqitet nevoja për një gjë të tillë.
"Këto rezerva, që përfshijnë EUFOR-in në Bosnje, janë të gatshme dhe në numër të mjaftueshëm. Por, fillimisht duhet të intervenojnë forcat e Shërbimit Policor të Kosovës, pastaj ato të policisë së UNMIK-ut, dhe në fund, në linjën e tretë, KFOR-i”, ka shpjeguar Scheffer.
Scheffer po ashtu ka thënë se të gjithë duhet të shmangen nga dhënia e deklaratave “nxitëse”, pasi që tash është e nevojshme që të ruhet stabiliteti. Ai është shprehur i brengosur me deklaratat e disa ministrave serbë dhe ka dënuar ashpër shkatërrimin e ambasadave në Beograd.
"Shumë mirë e kuptoj se serbët nuk e kanë të lehtë të pranojnë pavarësinë (e Kosovës), mirëpo një gjë është të kuptosh, ndërsa diçka tjetër të inkurajosh njerëzit që ndërmarrin aksionet shkatërrimtare. Nëse këta individë mbështeten nga ndonjë ministër i caktuar serb, atëherë kjo është e rrezikshme dhe e papranueshme”, ka shtuar ai.
"Jam shumë i brengosur me deklaratat e disa ministrave serbë – ajo çfarë ka ngjarë në Beograd është plotësisht e papranueshme. Ajo ishte goditje për reputacionin e Serbisë në botë”, ka thënë Scheffer për gazetën franceze “Mond”.

(telegrafi)

[Pupi]

Lidhur me Taktiken se si do ta mbrojn trupat e Natos Kosovën në rast provimi Sekretari i Nato-s duket se e ka bërë qëllimisht një, dy ,tre. që në faktë do të jetë ajo e katërta vendimtare (si në SAO-Krajina).
Dhe duhet ti shmangemi tonëve nxitse, vetë pranuam një Pavarsi Ahtisariane, ja pafshmim hajrin. Dhe më së keqi do na del neve. 95 % do të ndajn me 5 % k'shtu nuk ka askund në Botë.
Që serbët se kuptojn, edhe unë këtë e kuptoj bile. E si ta kuptojn, serbët kur deri dje kan pasur vendet kyqe gjithkah në instuticione, fabrika e gjithkah, dhe më shumë pa punë se me punë kan jetuar më mirë se gjithkushi, e tash?
Tash duhet grah prapanicës, sepse tash sundon e drejta e ligjit, edhe serbët do të vihën në ato vende kyqe( i garanton paketa maxhike) por e mira është që ata duhët të njohin shtetin e Kosovës si të tyrin, dhe të kenë aftësin profesionale.
Ministrat ?
mpërdht.....
si qent frigacak që turrën deri te gardhi, e qe s'ua mbanë ta kalojn.

[Pupi]

Opozita e fjetur, apo edhe e papërgaditur

Ibrahim Makolli, (AKR): Një veprim i tillë nuk do të duhej të ndodhte dhe se ende nuk e dinë arsyen e heqjes së flamurit.
Lulëzim Zeneli(LDD):Është një veprim konform realitetit të ri kur dihet tash se Kosova është shtet i njohur ndërkombëtarisht.
Ardian Gjini (AAK): Nuk e kam parë se është hequr dhe nuk kam komente.



Anketa(E hapur) Në Kosovapress


Si e vlerësoni heqjen e Flamurit Kombëtar dhe atë te UN-it nga Qeveria e Kosovës

• Veprim i duhur konform realitetit të ri (162 Vota, 49 %)
• Nuk është dashtë të largohet Flamuri Kombëtar (86 Vota, 26 %)
• Veprim shumë i gabuar i Qeverisë së Kosovës (72 Vota, 22 %)
• Nuk e di (8 Vota, 2 %)

[Pupi]

Kosova nuk Kërcënon, Kosova veq tërheq Vërejtjen/Paralajmron

Cërvenkowski po i'u bëhkan miza Shqiptarët në Maqedoni, derisa ai guxuaka ti quaj pakic kombëtare, Dhe se sipas tijë, Njohja e Kosovës sillka vetëm ,,Rreziqe", ishin sot fjalët e tija gjatë një takimi në Sllovaki me Presidentin Sllovak Gashparovic.
Presidenti Sllovak, duket se i paska bërë qejfin Cervenkovskit, kur ai e di që ditët e tija janë të numruara, derisa ka thënë që Sllovakis i duhën vite të tëra për ta njohur Kosovën e Pavarur.

[Pupi]

Kujdes nga “diskriminimi pozitiv” i qytetarëve tanë serbë

18 mars 2008

Xhavit Haliti

Pavarësia e Kosovës është njohur nga shumica e vendeve demokratike e më të përparuara të komunitetit ndërkombëtar dhe vazhdon të njihet zyrtarisht çdo ditë nga shtete të ndryshme të Globit. Përreth 20 e ca ditë, duke filluar nga 17 shkurti, Republika e Kosovës për hir të njohjes masive ndërkombëtare është bërë, subjekt i bashkësisë shtetërore botërore. Strukturat shtetërore të të dy niveleve, qendrore e vendore, të zgjedhura demokratikisht nga populli i Kosovës, po konsolidohen e po veprojnë me devocion, maturi e mençuri brenda kuadrit të hapsirave ligjore te ne.

Nuk mund të ri indiferent ndaj përmbajtjes së ligjit themeltar të Republikës së Kosovës, që pritet të miratohet së shpejti dhe që do të jetë burimi dhe mbështetja e gjithë infrastrukturës ligjore, që pritet të krijohet me kompetencë, përgjegjshmëri e përgjegjësi nga gjithë deputetët e Kuvendit për më të mirën dhe mbarëvajtjen e shpejtë progresive të shtetit tonë të saposhpallur.

Kushtetuta e Republikës së Kosovës, sipas deklarimit të komisionit kushtetues, do të jetë “ndërrthurje e 100-varianteve”. “Ne kemi shqyrtuar mbi 100-kushtetuta, shprehet kryetari i komisionit Kushtetues, përfshirë këtu edhe modelin indian, Kushtettutë që peshon 30 kg. dhe është më e gjata në botë.

Të përzgjedhësh është prirje interesash për të arritur më të mirën. Komisioni ynë Kushtetues besoj se është prirur dhe ka pasur aftësinë dhe mençurinë për të hartuar një draft kushtetute, që pritet të miratohet e të bëhet vepruese, pas miratimit, në interes të shumicës së qytetarëve, të shqiptarëve dhe të respektimit dhe realizmit të të gjithë të drejtave qytetare-demokratike të minoriteteve në Kosovë.

Në pritje të konsolidimit kushtetues të Pavarësisë të Republikës së Kosovës, po shfaqen dy dukuri, që mendoj se duhen legjitimuar e trajtuar në kuadër të të drejtave demokratike për minoritetet, kurdoherë pa cënuar e dëmtuar konceptin themelor “barazinë mes qytetarëve” të një shteti. Me veprimet shtetërore të derisotme, kam krijuar përshtypjen se jo vetëm ne, por edhe UMNIK-u, po shfaqemi si “diskriminues pozitivë” ndaj pakicës serbe në Republikën e Kosovës.

Për ne, shqiptarët etnikë të Kosovës, termi “diskriminim pozitiv” jo vetëm ka qenë i pakuptueshëm por edhe fare i panjohur. Ne donim kuptonim dhe përjetonim diskriminimin, duke u ndjerë dhe duke qenë faktikisht siç na cilësonte politika zyrtare e ish Federatës Jugosllave, “qytetarë të dorës së dytë”. Kemi ndjerë përçmimin etnik ( na quanin shiptari, shiftari,shipci, shokovi), nuk na pranonim të ishim graduatë në strukturat e larta të shtetit dhe ishim të përjashtuar apriori nga të gjitha nivelet e pushtetit për shkak të kombësisë, duke perjashtuar ketu disa nga ata qe ishin te pershtatshem per pushtetin, ("poshteni albanci"")

Tashmë, që kemi shpallur pavarësinë, ne shqiptarët etnikë të Kosovës dhe institucionet tona shtetërore ,duke u përpjekur të distancohemi nga diskriminimi ynë prej dekadash nga Serbia “rrezikojmë të rrëshqasim” drejt “diskriminimit pozitiv” të pakicave e sidomos, ndaj pakicës serbe.

Bashkëqytetarët tanë serbë, me nxitjen e drejtpërsëdrejtë të Beogradit bojkotuan zgjedhjet për pushtetin vendor dhe qendror më 17 nëntor 2007. Megjithatë, u gjet një “modus” që t’u ruheshin vendet “që u takonin” në këto instanca të pushtetit. Qytetarët serbë të Kosovës kundërshtuan praninë e UMNIK-ut dhe dogjën makinat e tij,dogjen pikat doganore dhe pushtuan me dhune disa nga institucionet e rendesise se vecante sic qe rasti me Gjykaten e Mitrovices, por askush s’u penalizua për këto akte. Dhanë dorëheqjen, për arsyet që dihen, mbi 100 efektivë të forcave të rendit, dorëzuan edhe armët dhe uniformat, por atyre jo vetëm vazhdon t’u jepet paga, por edhe u ruhet vendi i punës. Bllokohet prej 50 vetësh treni me pasagjerë i linjës Fushë-Kosovë-Leshak, Zveçan, dhe Kryetari i Komunes se Mitrovicës shprehet: “Ata i bëjnë dëm vetes së tyre”.

Kuptohet, lëvizja nga superioriteti te barazia qytetare, krijon disbalancë dhe shqetësim te ish superiorët. Por kam bindjen që me miratimin e Kushtetutës dhe me krijimin e legjislacionit të domosdoshëm, pakica serbe në Kosovë do të ndihet realisht e barabartë në rrafshin e të drejtave qytetare dhe komode në shtëpitë, pronat dhe bizneset e veta. Ata e dinë që shqiptarët nuk janë hakëmarrës, e dinë që ata janë fqinjë dhe miq të mirë në gëzime dhe në fatkeqësi. Ata e dinë, që, në një mënyrë apo në një tjetër kanë qenë më pranë ose më të “privilegjuar” nga diskriminuesit e Beogradit, se sa bashkëqytetarët e fqinjët e tyre shekullorë në Kosovë, shqiptarët.

Më pëlqen që Komisioni ynë Kushtetues deklarohet se, për hartimin e projektit tonë të Kushtetutës, ka shqyrtuar 100 kushtetuta. Por më tërhoqi vëmendjen “konsultimi” me Kushtetutën e Indisë, që për nga historia, madhësia e popullsisë dhe e territorit as që mund të përqaset jo vetëm me Republikën Kosovës, por dhe me mbarë Kontinentin Evropian. Arsyeja për t’u konsultuar edhe me kushtetutën 30 kg dhe më të gjatën në botë më shtyu të hulumtoj rreth saj.. Për të mbështetur opinionin tim, po citoj “Fjalorin Politik” të Oxfordit (Ian M.c Lean, bot. shqip., v.2001) ku thuhet: “Në Indi ku ndoshta ekziston sistemi më i gjerë i “diskriminimit pozitiv në botë, kjo politikë ka të bëjë me të gjitha shfaqjet e jetës. Sipas Programit të 9 të Kushtetutës Indiane, për kastat më të ulta rezervohen vende në institucionet shtetërore, arsimore dhe politike të të gjitha niveleve. Përkrahësit e këtij sistemi e shohin këtë si një borxh historik, që grupet sunduese të një shoqërie të dhënë u kthejnë grupeve të paprivilegjuara si një proces, që do të çojë në shoqëri më të integruara”.

Komisioni Kushtetues të më falë për këtë përqasje, por më shtyu drejt kësaj rrjedhe arsyetimi edhe përpjekja e rezultati i implementimit të Gandizmit për arritjen e Pavarësisë së Kosovës. Në këtë rast përvoja indiane dështoi, kurse sot marrja e përvojës prej Kushtetutës Indiane është e paaplikueshme, sepse:


* Ajo sanksionon “diskriminimin pozitiv” të kastave më të ulta nga shtresat apo kategoritë më të larta historikisht, si “borxh historik”. Kurse ne, shqiptarët etnikë të Kosovës, nuk i kemi “borxh” askujt, madje, na kanë “borxh”.

* Popullsia etnike shqiptare e Kosovës për gati 100 vjet, ka përjetuar persekutimin, genocidin, nënçmimin e përjashtimin për të qenë të barabartë e të barazvlefshëm në strukturat politike, ekonomike, arsimore, kulturore, shkencore, ushtarake etj. Kemi qenë të diskriminuar! Dhe duke qenë të tillë, edhe në kushtet kur kemi arritur dhe gëzojmë lirinë, aspirojmë e synojmë barazinë politike, ekonomike e sociale.

* I privilegjuari historikisht ka detyrimin e borxhit ndaj të “diskriminuarit”. “ I diskriminuari” ofron sinqerisht dhe ligjërisht barazinë përballë ligjit dhe gjithë institucioneve legale shtetërore. Këtë ofron dhe do ta ofrojë ligjërisht dhe institucionalisht për bashkëqytetarët tanë serbë por edhe për pjesëtarët e pakicave të tjera etnike në Republikën e Pavarur të Kosovës.

“Diskriminimi pozitiv” i bashkëqytetarëve tanë serbë në Kosovë nuk do të ishte as dinjitoz dhe as i favorshëm për ta. Nuk do të ishte i favorshëm, sepse në këtë mënyrë diskriminohen grupime apo shtresa sociale, që dihen. As “frika” më shumë e injektuar së jashtmi, pjellë e propagandës antishqiptare, se shqiptarët do të “hakmerren” ndaj tyre, nuk i qëndron përballjes me realitetin. Shteti i ri i Kosovës jo vetëm me premtimet, por edhe me kuadrin ligjor, u ka lejuar dhe po u garanton lirinë dhe barazinë në parametrat më të përparuara demokratike. Kërkesa dhe insistimi për trajtim kushtetues me statusin e “Diskriminimit pozitiv”, nuk do të jetë aq në favor, sesa në dëm të tyre.

“Diskriminimi pozitiv” është përdorur dhe do të vazhdojë të përdoret nga politika për të stimuluar e mundësuar pjesëmarrjen e kontributin e shtresave dhe kategorive të veçanta sociale në jetën e strukturave dhe veprimtarinë publike. Këtë lloj diskriminimi e kanë përdorur laburistët britanikë ndaj grave për të tërhequr anëtarësimin e tyre në parti. Ai është përdorur në vitet 1970 në SHBA për të shtuar mundësitë për arsimim të një grupi shoqëror, duke u rezervuar një numër të caktuar vendesh në institucionet arsimore. “Diskriminimi pozitiv” është përdorur edhe në Shqipëri në vitet ’90-të për arsimimin e bijve dhe të të afërmve të të persekutuarve politikë.

Këto shembuj dëshmojnë vetëm një fakt: Mund dhe duhet të “diskriminohen pozitivisht” ish të diskriminuarit, shtresat apo kategoritë sociale periferike të jetës aktive e produktive politiko-ekonomike, apo etnitete të natyralizuara e të dispozuara për t’i qendruar larg civilizimit. Kam përshtypjen, madje jam i bindur që bashkëqytetarët tanë serbë nuk do të ishin dakord dhe nuk do të pajtoheshin kurrë me një trajtimin të tillë nga shteti i Kosovës, sepse nuk janë dhe nuk mund të pranojnë asnjëherë një status “përkëdhelës”, të destinuar për shtresat dhe kategoritë e sipërpërmenduara. Qytetarët tanë serbë janë dhe të jenë të sigurt se do të vazhdojnë të jenë të barabartë mes të barabartëve në Republikën e Pavarur të Kosovës.