Kronika e zeze

[Zero Cool]

Ne Rotterdam te Holandes, gjindet trupi i pajete i vogelushes Jennefer, 10 vjeqare e zhdukur dy dite me pare.

[Zero Cool]

16 vjeçari vret me çifte babanë





Një 16 vjeçar vrau të hënën babain e tij në Shëngjergj të Tiranës.
Burime nga policia thanë se “16 vjeçari L.Muça pas një grindje brenda familjes, ka vrarë nga pakujdesia me një armë gjahu, babain e tij Kujtim Muça, 43 vjeç.”

Policia arrestoi 16 vjeçarin dhe sekuestroi armën e gjahut teke, pa leje, të kalibrit 12 mm, bashkë me një gëzhoje, me të cilën është kryer krimi. /Telegrafi/

Shpërblim 30 mijë euro për gjetjen e vrasësit


12-10-2011 13:33 CET


Policia e Durrësit kërkon ndihmën e informatorëve për të zbardhur vrasjen e një 24-vjecari në mes të shtatorit. Blutë e Durrësit kanë vendosur shpërblim prej 30 mijë eurosh për ata persona që japin detaje që do të cojnë në gjetjen e autorit.
Në një njoftim të policisë bëhet me dije se po kryhet një punë intensive hetimore, por ende nuk është bërë i mundur identifikimi i autorit dhe bashkëpunëtorëve të tjerë në vrasjen me thikë të Juxhin Guzës, ngjarje që tronditi opinionin publik.
"Drejtoria Policisë Qarkut Durres, në bashkepunim me Drejtorinë e Përgjithshme të Policise Shtetit, fton te gjithe personat të cilët kanë dijeni mbi autorësinë, rrethanat dhe motivet e kësaj ngjarje, ta vënë këtë informacion në shërbim të hetimit.Per kete qellim, në dispozicion të këtyre personave vihet shuma prej 30.000 Euro, si dhe garantohet anonimati absolut. Po ashtu ne dispizicion vendosen edhe numrat e telefonit 069 41 02 987 dhe 069 41 02 733", thuhet në njoftim./Tch/

Durrës, aksident rrugor, shuhet familja


14-10-2011 10:22 CET


Aksidenti tragjik i cili tronditi Shqipërinë mëngjesin e sotëm në Gjipalaj të Durrësit, tashmë liston edhe viktimën e katërt.
Ndërsa rënia e një makine shkaktoi katër të vdekur nga një familje trupi i njërit prej tyre rezultonte i zhdukur në ujërat e kanalit që mori me vete jetën e 4 familjarëve.
Mëngjesin e sotëm efektivët e policisë gjetën trupat e pajetë të Baki e Mimoza Keçit burrë e grua dhe djalit të tyre 15 vjeçar Renato Keçi, por vetëm pak më parë është gjetur trupi i pajetë i fëmijës 10 vjeçar Arbër Keçi.
Sipas policisë thuhet se shkak për këtë aksident mendohet të ketë qenë moti i keq, çka ka provokuar edhe rënien në kanalin me ujë të mjetit dhe katër anëtarëve të një familje. /NOA/
***
Një aksident në fshatin Gjepalaj të Durrësit ka shkaktuar vdekjen e 3 personave, ndërsa një i katërt rezulton i zhdukur.
Makina ka përfunduar në kanal pas humbjes së kontrollit gjatë natës për shkak të motit të keq.
Durrës, policia ka nxjerrë trupat e 3 personave nga kanali duke i identifikuar ata: Baki Keçi, 43 vjeç, gruaja e tij Mimoza dhe një nga djemtë.
Policia po kërkon edhe trupin e njërit prej dy djemve Renaldo e Arbi Keçi, 10 dhe 15 vjeç. /tch/

I rrahin policët


14-10-2011 16:26 CET



Në Xërxë të Rahovecit, në një pikë kontrolli, janë grushtuar dy policë të trafikut, të cilët si pasojë e lëndimeve që kanë marrë janë trajtuar në QKMF “Dr. Fahredin Hoti” në Rahovec.
Ata janë sulmuar pasi njëri nga policët i kishte shqiptuar një fletëparaqitje për gjykatë një shoferi, i cili nuk e kishte të regjistruar kamionin. Duke mos u pajtuar me fletëparaqitjen polici sulmohet me grushte nga baba e bir, nga një fshat i Rahovecit.
Në komunikatën e policisë lëshuar me këtë rast, bëhet e ditur se policit të sulmuar në ndihmë i kishte ardhur kolegu i tij por edhe ai kishte pësuar të njëjtin fat.
Policët e lënduar kanë marrë ndihmë mjekësore kurse njësitet tjera të policisë kanë arrestuar të dyshuarit.
Ata janë shoqëruar në polici dhe janë ndalur nën masën e arrestit policor.
N. Krasniqi

Konflikti për pronën, 1 i vrarë e 4 të plagosur


14-10-2011 10:26 CET



Konflikti për pronën, i zhvendosur nga salla e gjyqit në oborrin e gjykatës, ka degjeneruar në përdorimin e armëve, duke shkaktuar 1 të vdekur dhe 4 të plagosur.
Ngjarja ndodhi mëngjesin e sotëm në qytetin e Lezhës, ku dy familje që kishin mosmarrëveshje për çështje pronësie janë konfliktuar fillimisht në sallën e gjyqit.
Më pas, konflikti është vazhduar jashtë ambienteve të Gjykatës së Lezhës, ku ka mbetur i vrarë një person dhe janë plagosur katër të tjerë, tre prej të cilëve janë në gjendje të rëndë, raporton Shekulli.

[Zero Cool]

Gjenden trupat e pa jetë të dy të rinjve





Gjenden të vdekur dy të rinj në në Kodrën e Çabratit të Gjakovës pasditen e sotme. Dyshimet e para janë se ata janë qëlluar me armë zjarri, raportojnë burime policore të cilave.

Viktimat janë Petrit Isufi 35-vjeç nga fshati Bec dhe Arta Sufaj 27 vjeçe nga Gjakova, konfirmoi një burim zyrtar policor i drejtorisë rajonale policore Pejë.

Pas sinjalizimit nga kalimtarë të rastit, siç është bërë e ditur nga Drejtoria Rajonale e Policisë në Pejë, patrullat policore kanë dalë në vendin e ngjarjes, ku kanë gjetur personat e pajetë, që dyshohet se janë vrarë me pistoletë.

"Në vendngjarje kanë dalë Njësiti i krimteknikës , Njësiti i hetimeve rajonale, sektori për krime serioze, patologu dhe prokurori publik i Qarkut të Pejës", - deklaroi zyrtarisht Drejtoria Rajonale e Policisë së Pejës.

"Gjatë ekzaminimit të vendit të ngjarjes janë gjetur 6 gëzhoja dhe në dorën e djathtë të viktimës mashkull, Petrit Isufi (1977), lindur dhe banues në fshatin Bec – Gjakovë , është gjetur arma e tipit " Revolver " colt . cal.38 special, ndërsa viktima tjetër e këtij rasti është Arta Sufaj, 27 vjeç, nga Gjakova", deklaroi Drejtoria Rajonale e Policisë në Pejë.

Trupat e pajetë janë dërguar për autopsi në Laboratorin e Institutit Mjekësisë Ligjore në Prishtinë.

Ndërkohë se nuk ka më shumë detaje për vdekjen e këtyre dy personave dhe as për kohën se kur ka ndodhur ngjarja.

Gostivar: Vidhen stoli në vlerë 30mijë euro


19-10-2011 16:13 CET


Stoli ari me vlerë prej mbi 30 mijë eurove janë grabitur mbrëmë në një shtëpi private në Bellovishtë të Gostivarit.
Grabitja ka ndodhur në shtëpinë e shtetasit J.S (38), i cili jeton dhe punon përkohësisht në Kroaci dhe se nuk gjendej në shtëpi, përveç familjes së tij.
Grabitësit mbrëmë kanë shfrytëzuar mungesën e pronares së shtëpisë, e cila po qëndronte tek prindërit e saj. Ata kanë thyer forcërisht dritaren e katit përdhesë të shtëpisë dhe janë futur në ambientet e brendshme duke gjetur stolitë e arit dhe të argjendit. Sipas policisë, po ashtu janë grabitur edhe 1.200 euro si dhe gjësende të tjera me vlerë. Vlera e përgjithshme e arit dhe argjendit të grabitur shkon mbi 30 mijë euro.
Policia e Gostivarit po kryen hetime lidhur me zbardhjen e kësaj grabitje të radhës në këtë rajon. (INA)

E lëshon shpirti duke biseduar


19-10-2011 13:00 CET


Në Sfeqël afër Podujevës të martën rreth orës 14:00 gjersa dy meshkuj po bisedonin papritmas njërin nga ta e ka lëshuar shpirti duke u rrëzuar përtokë.
Me gjithë përpjekjet për ti ndihmuar viktima ka mbetur pa shenja jete. Trupi i pajetë është dërguar për obduksion në murgun e Prishtinë

[Zero Cool]

Në pranga kërcënuesi që kërkonte 450 mijë euro


Nga hetuesit rajonalë të Prishtinë është arrestuar një person i cili dyshohet me bazë të jetë i përfshirë në një rast detyrim.


21 tetor 2011
Rasti është lajmëruar me datën 13.09.2011, në stacionin jugu në Prishtinë, ku viktima (mashkull) 34 vjeç, ka raportuar se nga një person i dyshuar përmes mesazheve kërcënuese telefonike i janë kërkuar 450.000 euro.
Bashkëpunimi i hetuesve rajonalë të Prishtinës me stacionin policor të Gjakovës, ka mundësuar identifikimin dhe arrestimin e të dyshuarit G. Gutaj 25 vjeç, i cili dyshohet me bazë të jetë i përfshirë në këtë rast.
I dyshuari, është dërguar në qendrën e paraburgimit në Prishtinë. Ai do të dërgohet në gjykatën kompetente pas përfundimit të të gjitha veprimeve të nevojshme hetimore e procedurale.

Konfiskohen 50 kg drogë në veturën me targa serbe


28-10-2011 14:57 CET


Mbi 50 kilogramë drogë marihuanë janë gjetur, të enjten, në fshatin Uglar, të banuar kryesisht me serbë në afërsi të Fushë Kosovës, ka njoftuar policia. Sipas njoftimit, në një veturë me targa të Serbisë janë konfiskuar 50 paketime me nga një kilogram me substancë narkotike që dyshohet të jetë marihuanë.
Është konfiskuar një veturë e tipit BMW me targa të shtetit të Serbisë “në të cilën ka qenë e vendosur substanca narkotike e paketuar dhe e vendosur në tre thasë”, thotë njoftimi.
Në vijim njoftohet se “vetura ka qenë e ndalur në një vend dhe në momentin kur policia ka vendosur të kontrollojë veturën nuk ka qenë askush në te”, andaj policia nuk ka ndonjë të arrestuar.
Në vijim policia thotë se është duke hulumtuar “të gjitha pistat e mundshme për të ardhur deri te personi apo personat e dyshuar” lidhur me këtë rast.

Burime të tjera kanë thënë se me rastin janë njoftuar edhe zyrtarët e policisë së Serbisë prej nga dyshohet të ketë ardhur automjeti dhe personat e dyshuar që janë shpallur në kërkim.
Policia ka bërë të ditur se Drejtoria për Hetimin e Trafikimit me Substanca Narkotike në punën e vazhdueshme për luftimin e veprave penale, përveç këtij rasti ka realizuar edhe bastisje të tjera që kanë rezultuar me konfiskim të drogës dhe arrestimin e disa të dyshimtëve.
Kështu, po të enjten rreth, orës 21:00 në lagjen “Kodra e diellit” nga zyrtarët policorë është ndalur vetura “Opel Corsa” në të cilën kanë qenë të dyshuarit J. D. e E. A. dhe gjatë kontrollit atyre u janë gjetur dy qese me marihuanë.
Pas gjetjes së kësaj sasie ka lindur dyshimi për veprime të mëtejme policore dhe është bërë kontrollimi i shtëpisë së personit të dyshuar J. D. në komunën e Prishtinës.
Gjatë kontrollimit të shtëpisë, në dhomën e tij janë gjetur edhe 14 qese me marihuanë me peshë 105 gramë. Gjithashtu janë gjetur edhe dy paketime me pluhur të bardhë që dyshohet të jetë drogë.
Të dyshuarit në këtë rast janë intervistuar dhe janë ndaluar në polici në afat 48 orësh, ndërkohë që hetuesit po e kompletojnë lëndën dhe po e përgatisin për gjykatë. /Zëri/

Dibër, sherr me thikë, vritet në shkollë 17- vjeçari


28-10-2011 12:41 CET


Burime nga policia e Dibrës bëjnë të ditur se në orët e para të mëngjesit në një prej shkollave të mesme të këtij qyteti ndodhi një ngjarje e rëndë ku ka humbur jetën një adoleshent.
17- vjeçari K. Bërdulla humbi jetën pasi është vrarë me thikë nga bashkëmoshatari dhe shoku i tij E. Reçi, raporton Shekulli/
Policia ka mbërritur në vendngjarje dhe po heton rreth rrethanave që quan në këtë tragjedi.

Vrasja në Tiranë, pranga 27-vjeçarit kosovar


28-10-2011 12:39 CET


Arrestohet në Tiranë një 27-vjeçar që dyshohet se është autor i vrasjes së pronarit të një argjendarie pak ditë më parë. Policia e Tiranës ndaloi shtetasin kosovar Nexhat Mulaj, ndërsa nuk ka dhënë hollësi të tjera.
62-vjeçari Rrapo Sinanaj mbeti i vrarë me armë zjarri në dyqanin e tij të argjendarisë, në rrugën ‘Siri Kodra’, në Tiranë.
Sipas policisë së Tiranës për vrasjen ka dy pista hetimi. E para ka lidhje me tentativën, pasi viktima kishte shtypur sinjalin e alarmit menjëherë sapo e kapën grabitësin. Megjithatë, pas krimit ai nuk ka prekur asgjë në dyqan. Kjo ka bërë që hetuesit të ngrenë edhe një tjetër pistë, atë të vrasjes për ndonjë konflikt të mundshëm.
Grupi i hetimit ka tentuar të gjejë për këtë pistë të dhëna të tjera, por me gjithë veprimet hetimore nuk raportohet deri me tani që viktima Rrapo Sinanaj të ketë patur mosmarrëveshje.
Policia e Tiranës thotë se ka shoqëruar të paktën 60 persona, shumica e të cilëve janë persona me precedentë penalë në fushën e grabitjeve, veçanërisht në këtë zonë.
Kjo taktike në fakt përdoret shpesh nga policia shqiptare sa herë ka ngjarje kriminale, agjentet e komisariateve përkatëse depozitojnë menjëherë emrat e shtetasve problematikë të cilet me pas edhe shoqërohen. Por policia pohon se mes atyre që janë shoqëruar ka edhe dëshmitarë që kanë deklaruar se kanë parë një të ri të dalë nga dyqani dhe të largohet në këmbë fare i qetë.
Jozyrtarisht thuhet se gjatë orëve të natës janë kryer edhe procedurat e ballafaqimit mes dëshmitarëve dhe disa nga të shoqëruarit që kane tipare të përafërta me identikitin e të dyshuarit, por edhe ky veprim ka rezultuar pa sukses.
Për policinë shpresat për gjetjen e autorit të vrasjes fillimisht mbaheshin tek kamera e sigurisë së argjendarisë, e cila ne fakt doli që nuk ka filmuar gjë. /TCH/

Malishevë: Shtatë të arrestuar për grabitje


29-10-2011 13:27 CET


Në Malishevë janë arrestuar shtatë persona të cilët sipas policisë u përkasin dy grupeve të ndara të grabitësve. Merret vesh se njëri nga këto grupe është arrestuar me dyshimin e grabitjes së një pompe karburanti në Bellanicë përderisa grupi tjetër ka tentuar grabitjen e një punëtori të një bastoreje në qendër të Malishevës.
Informacionin në fjalë ndërkaq, e ka konfirmuar edhe Drejtoria Rajonale e Policisë në Prizren përmes zëdhënësit të saj togerit Hazir Berisha, sipas të cilit hetues policorë nga Stacioni policor i Malishevës tashmë kanë arrestuar dy grupe të ndara grabitësish të cilët kanë kryer vepra kriminale në rajonin e Malishevës.
“Njëri grup prej katër të dyshuarish, me datën 21.10. 2011, rreth orës 22:20 min. me kanosje me armë dhe maska të vendosura në kokë, kanë grabitur para nga punëtori i pompës së derivateve të naftës ‘Reforma’ në Bellanicë”, ka thënë Berisha, duke njoftuar po ashtu se ky grup ndërlidhet edhe me vjedhje tjera për të cilat janë siguruar informacione dhe disa gjësende të vjedhura si llap-top e gjëra të tjera që do t’i kalojnë prokurorisë si prova materiale kundër grupit të dyshuar.
“Ndërsa grupi i tjetër i përbërë nga tre të dyshuar, me datën 25.10.2011, rreth orës 21:40 min, në rrugën ‘Rilindja Kombëtare’ në Malishevë, ka tentuar të grabisë punëtorin e një bastoreje sportive kur ai e kishte mbyllur bastorën dhe ishte nisur për në shtëpi”, ka bërë të ditur Berisha, sipas të cilit të dyshuarit kishin vënë çorapë në kokë për t’u maskuar dhe e kishin pritur viktimën në errësirë e më pas befasisht e kanë sulmuar duke u përpjekur për ta ngulfatur, mirëpo viktima në ato çaste ka thirrur në ndihmë, ndërkaq të dyshuarit kanë hequr dorë nga grabitja.
Ndryshe, për të dyja rastet është informuar prokurori i cili ka urdhëruar që të shtatë të dyshuarit të ndalën në masën e arrestit policor, kurse bëhet e ditur se personat e arrestuar janë kryesisht të rinj nga Bellanica, Malisheva dhe Bubli i kësaj komune.
N. Krasniqi

[Zero Cool]

Apeli i një prindi


Hafiz Dizdari është një prind që prej 16 vjetësh përsërit apelin drejtuar shtetit shqiptar për gjetjen e djalit të tij të mitur.

Ai thotë se i biri u zhduk rrugës për në shkollë në vitin 1995 kur ishte vetëm 12 vjec, ndërsa familja edhe sot e kësaj dite nuk di asgjë.

Prej 16 vitesh Hafiz Dizdari, jeton me brengën e gjetjes së djalit të vogël, Xhevahirit. Ai tregon se djali 12 vjecar, është zhdukur në vitin 1995 teksa shkonte në shkollë.

“1995, ka qenë ditë e mërkurë, u nis për në shkollë me cantën me libra dhe sic do ditë, u nis. 15 metra pa shkuar në shkollë, ai nuk ka arritur të shkojë në mësim që e zhvillonte nga ora 10 deri në orën 13:00”, tregon babai i djalit të zhdukur në ’95-n.

Edhe pse i ka ndjekur të gjitha rrugët ligjore, asnjë institucion shtetëror nuk ka mundur të zbulojë se ku ndodhet djali i tij. Ai sot i bën një apel shtetit, që ta ndihmojnë ta gjejë.

“Si Presidenti, Kryeministria, ashtu edhe Interpoli më kanë thënë gjithnjë ‘e dimë e dimë, jemi në kërkim’. Jemi në ankth të jashtëzakonshëm bashkë me familjen”, thotë 65 vjecari.

65 vjecari që jeton në fshatin Tagon jeton cdo ditë me shpresën se djali i tij është gjallë.