Barcelona - Page 6

LaCoStA · 27-09-11, 10:05

Villa: Askush si Messi

Sulmuesi i Barcelonës David Villa, ka thënë se askush nuk mund të krahasohet me bashkëlojtarin e tij Lionel Messi.

“Messi bënë qudira në teren. Statistikat e tij janë të jashtëzakonshme, askush nuk mund të krahasohet me të. Me këtë konstatim pajtohemi të j gjithë”, ka thënë Villa.
Messi gjatë të shtunën kishte shënuar 3 gola në fitoren 5-0 ndaj Atheltico Madridit, ndërsa për momentin e kryeson listën e golashënuesve në La Liga me 8 gola.

LaCoStA · 28-09-11, 00:30

Zubizarreta: Rekordet e Messit, sikur të ishte afër pensionimit

Drejtori sportiv i Barcelonës, Andoni Zubizarreta, ka gjetur kohë për të lavdëruar Lionel Messi pas shkëlqimit të tij këtë fillim sezoni.

Argjentinasi tashmë ka shënuar tetë gola në pesë ndeshje në La Liga këtë sezon dhe pritet të tejkalojë ish-lojtarin Laszlo Kubala në listën e shënuesve më të mirë të klubit të të gjitha kohërave, derisa me shpejti i afrohet edhe rekordit të Cesar Rodriguez.
“Statistikat e Messi janë si ata të ndonjë lojtari që është afër të pensionohet, por ai ende është vetëm 24-vjeçar”, ka thënë Zubizarreta.
Messi ka shënuar 192 gola për Barcelonën që kur ka debutuar në ligë për klubin në tetor të vitit 2004, derisa Kubala dhe Rodriguez kanë nga 194, respektivisht 235 gola secili në karrierën e tyre për klubin spanjoll.

LaCoStA · 29-09-11, 10:41

Barcelona e “nxehtë” për bellorusët

Kampioni aktual evropian, Barcelona , i është kthyer fitoreve në Champions League. Barcelona shënoi fitore prej 5-0 në terrenin e skuadrës belloruse, Bate Borisov. Ishte mbrojtësi bellorus, Volodko, ai që e hapi rrugën e golave për katalonasit, pasi shënoi një auto-gol në portën e tij. Një asistim i Villas i mundësoi Pedros të ngritë epërsin e Barcelonës në minutën e 22. Radhën për gola e kishte futbollisti më i mirë në botë, Lionel Messi I cili shënoi 2 gola të radhës(38, 56min.) Për të përmbyllur një shfaqje impressive u përkujdes, sulmuesi spanjoll David Villa, i cili shënoi golin e fundit në këtë takim në minutën e 90, dhe në fund Bate Borisov-Barcelona 0-5.

LaCoStA · 29-09-11, 10:44

Villa: Nuk ishte lehtë kundër BATE

Barcelona shënoi fitore bindëse prej 5-0 ndaj BATE Borisov, por David Villa thotë se sfida ka qenë më e vështirë se që është dukur.

Një autogol i Aleksandr Volodko, një gol i Pedro Rodriguez, një dygolësh nga Lionel Messi, dhe një gol i minutës së fundit i shënuar nga Villa, vulosën ndeshjen. "Ishte vështirë për ne pasi BATE është një rival i vështirë. Pavarësisht rezultatit të thellë, kjo na kushtoi neve me shumë mund para se të arrinim golin e parë. BATE është një ekip shumë i vështirë të luash dhe nuk ishte lehtë. Këto ndeshje në Ligën e Kampionëve gjithmonë janë të vështira, por ne kemi merita për rezultatin", ka thënë sulmuesi spanjoll.
Barcelona mban kreun e grupit së bashku me Milanin, që mposhti Viktoria Plzen me rezultat 2-0 në San Siro.

LaCoStA · 29-09-11, 10:58

Guardiola lavdëron lojtarët

Trajneri i Barcelonës, Pep Guardiola, ka lavdëruar djelmoshat e tij pas 90 minutave fantastike në fitoren 5-0 të grupit H të Ligës së Kampionëve përballë BATE Borisov.

"Ne jemi të kënaqur që do të jemi në maje të grupit me këtë fitore. Triumfi vjen pas barazimit me Milanin dhe kjo është një rezultat që çon peshë për ne".
"Ne luajtëm kundër një ekipi i cili mbyllte hapësirat vërtet mirë dhe ne ishim me fat që shënuam herët. Nuk kam pritur që ata të luajnë aq ngjeshur në mbrojtje", ka thënë Guardiola.

LaCoStA · 29-09-11, 10:59

Messi barazon rekordin e Kubalas

Me 2 golat ndaj Bate Borisov, Leo Messi e ka barazuar rekordin e golave me një prej legjendave të Barcelonës, hungarezin Kubala me nga 194 gola.

Kubala i shënoi këto gola në 12 sezone (1950 deri me 1962), kurse Messi arriti këtu për 7 sezone.

Me vetëm 24 vjet, Messi që prej debutimit më 16 tetor 2004 ka shënuar 127 gola në La Liga, 39 në Ligën e Kampionëve, 17 në Kupën e Mbretit, 8 në Superkupën e Spanjës, 2 në Botërorin e Klubeve dhe 1 në Super Kupën e Evropës.

Pas barazimit të rekordit të Kubalas, atij i mbetet përpara vetëm rekordi i Cesar Rodriguez që ka shënuar 235 gola për 14 sezone në Barcelonë dhe njihet si golashënuesi më i mirë i të gjitha kohëve në këtë klub. “Jam shumë i lumtur që jam barazuar me një njeri kaq të madh dhe historic”, ka thënë pas ndeshjes Messi.

LaCoStA · 29-09-11, 11:00

Guardiola, mbreti i Ch.Leagues

Pep Guaradiola është bërë trajneri i Barcelonës më i suksesshëm Champions League. Fitorja ndaj skuadrës belloruse, Bate Borisov, e vendos Guardiloën në pozitën e trajnerit më të suksesshëm të skuadrës katalonase në garën më të madhe evropiane e njohur si Liga e Kampionëve. Keshtu Guardiola lë prapa historisë, 2 ish trajnerët Louis Van Gaal dhe Franck Rijkaard. Trajneri spanjoll deri më tani në Champions League ka arritur rezultate impressive duke shënuar gjithsejt 23 fitore, 13 barazime dhe vetëm 4 humbje.

LaCoStA · 29-09-11, 13:59

Neymar: Messi një gjeni

Sulmuesi i ri brazilian Neymar, ka thënë se ylli i Barcelonës ,Lionel Messi nuk bën të krahasohet me askënd dhe se ai është bindshëm lojtari më i mirë në botë. “Gjërat që i bën ai, mund ti bëjë vetëm një gjeni, dhe i tillë është Messi” shton Neymar. Në pyetjen rreth krahasimit të Cristiano Ronaldos dhe Messis, braziliani i ri shton:”Ronaldo ka stil por…me Messin askush nuk duhet të krahasohet, ne mundohemi të bëjmë gjëra qfarë bën Messi, por është e pamundur te arrihen” përfundon Neymar.

LaCoStA · 30-09-11, 09:35

Puyol lëndohet sërish?

Kapiteni i Barcelonës, Carles Puyol, ka pësuar një lëndim të freskët në fitoren e Ligës së Kampionëve ndaj BATE Borisov.

Mbrojtësi spanjoll ka marrë një dëmtim të brinjëve në fitoren 5-0 të së mërkurës dhe ende kishte ndjerë ca mundim gjatë të enjtes.
33-vjeçari do t'i nënshtrohet një stërvitje të veçantë të premten dhe është në dyshim për ndeshjen e vikendit në La Liga kundër Sporting Gijon.

LaCoStA · 30-09-11, 09:36

Guardiola: Duhet ta ruajmë shpirtin luftarak

Pep Guardiola dëshiron që lojtarët e tij të ruajnë shpirtin garues dhe disiplinën gjatë gjithë sezonit dhe të marrin seriozisht çdo kundërshtar.

Këto komente të Guardiolës vijnë pas fitores 5-0 ndaj klubit bjellorus, BATE Borisov, në Ligën e Kampionëve, që ishte fitorja e dytë radhazi e Barcës me të njëjtin rezultat, pas fitores ndaj Atletico Madrid në vikendin e kaluar.

"Shpresoj ata të mos e humbin shpirtin garues të cilin e treguan të mërkurën, dhe kjo e ka karakterizuar ekipin për një kohë të gjatë... këtë shpirt e kam parë për vite të tëra".

"Kjo është e ngulitur në ta. Unë jam shumë i bindur se ata e ndjejnë. Nuk ka rëndësi nëse ne fitojmë ose humbasim, por ne gjithmonë duhet të vazhdojmë të bëjmë të njëjtat gjëra", ka thënë Guardiola.

LaCoStA · 30-09-11, 16:33

Messi dhe rekordi i radhës

Sulmuesi argjentinas Lionel Messi, e ka regjistruar edhe një rekord nën fanelën e Barcelonës. Pas 2 golave të realizuar ndaj Bate Borisov, Messi është bërë golashënuesi më i mirë argjentinas në garat evropiane. Messi ka arritur në kuotën e 40 golave në garat evropiane duke e kaluar argjentinasin tjetër Hernan Crespo i cili kishte realizuar 39 gola gjatë karrierës sa ishte anëtar i skuadrave Inter, Milano, Parma, Lazio dhe Chelsea.

LaCoStA · 30-09-11, 16:34

Messi dixhital!

Lojtari më i mirë në botë , Lionel Messi, shumë shpejtë do të bëhet provë e një version të ri teknologjik. Marka e njohur sportive Adidas, që është një prej sponzorëve kryesor të tij, së shpejti do ta pajis yllin argjentinas me të ashtëquajturat “këpucë inteligjente”. Këpucët e tilla pritet të kenë një çip dixhital të montuar në pjesën e poshtme të këpucës, e cila do të arrije të kap lëvizjet e lojtarit në 360º, dhe do të arrijë të llogaris vrapimin e tij gjatë kohës sa është në fushë.

LaCoStA · 03-10-11, 11:54

Guardiola: Messi e ka vendin te legjendat

Trajneri i Barcelonës, Pep Guardiola, edhe njëherë ka folur me nota të larta për yllin e tij, Lionel Messi, duke thënë se ai e ka vendin me legjendat tjera të futbollit.

“Ai e ka barazuar edhe një legjendë tjetër të Barcelonës, i cili atëkohë ndryshoi klubin. Me futbollin e Kubalas, stadiumi Les Corts u bë tepër i vogël për të pritur njerëzit dhe prandaj u ndërtua Camp Nou”.

“Mënyra e vetme që Messi nuk do ta arrijë Cesarin dhe 235 golat e tij është nëse ai largohet, por ne shpresojmë se ai do të mbetet për shumë vite. Unë vetëm mund ta përgëzoj për atë që ka bërë me 24 vitet e tij”, ka thënë Guardiola.

LaCoStA · 03-10-11, 11:57

Fitore minimale e Barcës

Barcelona ka shënuar fitore prej 1-0 si mysafir i Sporting de Gijon në takimin e të dielës mbrëma të zhvilluar në Estadio Municipal El Molinon.

Nuk ishte kjo një fitore e zakonshme e Blaugranëve me shumë gola, megjithatë ata kanë rrëmbyer tre pikët e nevojshme për t’u pozicionuar në krye të tabelës.

Adriano ishte heroi i mysafirëve, i cili shfrytëzoi një top të kthyer pas goditjes së Xavit për ta shënuar golin e fitores.

Barcelona mban vendin e parë në tabelë me 14 pikë, aq sa ka edhe Levante në vend të dytë.

LaCoStA · 04-10-11, 08:12

Messi, lojtari më i shëndetshëm

Mjeku i Barcelonës, Ricard Pruna, ka thënë se Lionel Messi është njëri nga lojtarët më të shëndetshëm në Camp Nou.

Argjentinasi edhe këtë sezon vazhdon të shfaqë formë të jashtëzakonshme në secilën ndeshje duke mos shprehur aspak shenja lodhjeje.

Pruna, ka thënë se Messi është në gjendje t’i kontrollojë periudhat e tij të pushimit dhe ta kontrollojë ushqimin që konsumon- duke i kombinuar ato me angazhimin fizik.

“Ai është njëri nga lojtarët me kondicion më të mirë te Barcelona”, citon Sport.es fjalët e mjekut Pruna.