Bleona nxjerr gjoksin dhe albumin e saj në anglisht... - Page 8

emine · 22-08-11, 18:37

Urime Bleona Qerrepit,se koka dal qerak hahhahaah

Jana · 04-09-11, 01:52

“Superylli shqiptar Bleona Qereti sjell seksualitetin e saj për t’u bërë pjesë e industrisë muzikore Amerikane”, kështu komentohet nga siti Global Grind në Amerikë, këngëtarja shqiptare. Më poshtë po ju sjellim intervistën e dhënë për këtë sit, ku ajo flet për rrugën e saj muzikore, takimin me producentin e njohur Timbaland dhe për veten e saj, ku çuditërisht nuk tregon se është e martuar…
Keni qenë më parë në SHBA?
Jo, kjo është hera ime e parë dhe kuptova që në këtë botë unë nuk mund të bëj asnjë gjë tjetër, nëse nuk vazhdoj muzikën.
Kur mbërritët në New York, shkuat në “Times Square”?
Po, bëra pak turizëm dhe thashë “unë dua që një ditë fotoja ime të jetë aty”!
Çfarë instrumentash i bie përveç violinës?
Vetëm violinën. Jeta ime ka qenë vetëm në studio. Unë zgjohem, takoj trajnerin tim, bëj yoga dhe pastaj shkoj në studio. Kjo është dita ime..
Si është procesi i të bërit një superstar në Shqipëri, ndryshe nga Amerika?
Shqipëria është një vend i vogël krahasuar me Amerikën, dhe edhe atje është konkurs, si kudo. E rëndësishme është që njerëzit të të duan ty dhe unë kam qenë me fat sepse më kanë dashur pa kushte. Sa herë që jam në skenë, njerëzit presin dhe thonë “çfarë do bëj tani”, “ku do shkojë?” Kam vënë re në Amerikë se njerëzit janë njerëz dhe nuk ka rëndësi se çfarë gjuhe flet, nëse ti ndihesh mirë me ta, nëse ti ke energji të mira dhe ata pëlqejnë muzikën tënde, atëherë ia ke dalë. Mua mu desh pak kohë sigurisht, të vija këtu të njihja situatën dhe të kuptoja se çfarë është ky vend. Ende s
Si nise të punoje me Timbaland?
Kam qenë në një tur tre vjet më parë në Gjermani dhe dëgjova këngën “The Way I Are”, të Timbaland dhe Keri Hilson, dhe thashë “ky duhet të jetë producenti im, do të shkoj në Amerikë dhe do ta gjej këtë djalë”. Dhe kjo ndodhi, unë shkova në ndarjen e çmimeve Grammy, shkova drejt Tim dhe i thashë “ju duhet të më jepni një shans edhe mua, kam nevojë që ti të punosh me mua”. Ai më tha: “më fal, cili është emri juaj”? -Unë i thashë: “emri im është Bleona, kam realizuar 8 albume në Shqipëri. vetëm më jep një shans”. Ai tha “nuk bëhet fjalë për album, së pari është koha për një këngë. Nëse unë bëj një album për ndonjë, emri do të jetë Justin Timberlake, jo ti”. Pas kësaj u mërzita shumë. Kini parasysh unë kam lidnur dhe jetuar në një vend ku të gjithë më thoshin sa special je, sa e zonja, dhe njerëzit më donin. Dhe kështu mbërrita këtu dhe këtij djali që më tha mua jo, (që për botën time nuk ekziston përgjigja jo), thashë, nuk do ta kërkojë më kurrë.
Pra, Timbaland nuk donte në fillim t’u jepte një shank?
Po, dhe kështu unë u ktheva për një koncert në Milano. Nuk e harroj kurrë, ishte ora 9 e mëngjesit në Europe, dhe 12 në Los Angelos dhe shoh fytyrën e Timbaland në ekranin e telefonit tim. Dhe thashë “uh, tungjatjeta”, dhe i tregova që jam në Milano për koncert. Kështu që, mbarova koncertin dhe shkova tek studioja e tij dhe në vend të një këngeje që më kërkoi, i thashë dua 8 këngë, sepse kur unë jap, jap me shumicë. Sigurisht që unë ndejta gjashtë muaj në pritje para studios së tij. Ai më priti dhe më tha “ti e di që ky nuk është stacioni yt”. E di i thashë, unë dua muzikën amerikane ndaj po qëndroj këtu. Pas gjashtë muajsh ai tha “nuk e di pse je këtu dhe cila është historia jote, por do të bëj dicçka për ty, pasi ti nuk ke ndër mend të largohesh nga studioja ime”. “Po i thashë, sigurisht që nuk iki”. Dhe më tej më premtoi se “do të ndihmoj, por veç duhet të presësh pak”. Kaluan dhe gjashtë muaj të tjerë dhe pas kësaj, më në fund, në dhjetorin e kaluar ne bëmë një marrëveshje për 3 këngë nga ai, dhe gjatë kësaj kohe unë nisa të punoja edhe me producentë të tjerë.
Me kë tjetër keni punuar?
Pas Timb-it, kam bërë 3 këngë me Rodney Jerkins, Makeba dhe Alex Cantrell, i cili ka bërë edhe gjashtë këngë të tjera për mua. Kështu, unë po bëj këngë që pastaj, dikush ta dëgjoj muzikën time. E di që nuk është e lehtë, por as e pamundur.
Historia juaj është pak e veçantë, pasi ju keni qenë superstar përpara se të vinit në Amerikë.
Po, e di që është shumë e vështirë. Dhe unë prita kaq shumë që vetëm të më shihnin me sy, të kuptonin që unë isha aty.
Kush kanë qenë idhujt tuaj në muzikë?
I dua të gjithë. Dua Michael Jackson. Michael Jackson ka qenë nga ata artistë që më merrte frymën dhe këtë e ndejva që kur e pashë për herë të parë. Sot më pëlqejnë Beyonce, Rihanna, J. Lo, Ne-Yo dhe Enrique Iglesias. Të gjithë ata kanë këngë të mira, dhe unë kam nevojë për të pasur një këngë si ata.
Shumë njerëz do të vdisnin për të qenë në vendin tuaj?
Besomëni, unë vdiqa dhe u ktheva nga vdekja. Nuk ka qenë aspak e lehtë për mua. Ka shumë njerëz që thonë se është e lehtë, je e bukur ti, vetëm shko në studio dhe ata do të të pranojnë. Por nuk është kështu. Njëherë takova ‘will.i.am’ dhe i kërkova të më jepte një shans. Ai më tha OK, por tani jam i zënë. Mu desh një vit e gjysmë të jetoja në L.A. dhe mora vëmendjen e shumë njerëzve se çfarë do të bëja. Kështu që unë duhet t’ju jepja një këngë të mirë këtyre njerëzve. Dhe ja ku jemi këtu, e jam shumë e bekuar tashmë që ndodhem në këtë pozicion.
Me kë artist tjetër të muzikës pop do të donit të bashkëpunonit në Amerikë?
Është pyetje e vështirë. Por do të doja pse jo një duet me Enrique Iglesias, Ne-Yo, Pitbull ose FloRida.
Prindërit tuaj janë ende në Shqipëri?
Po, mami dhe babi im janë atje. Kam një familje të mrekullueshëm dhe jemi shumë të lidhur. Më mungojnë shumë. Nuk është lehtë. Ata janë të shqetësuar për mua. Dhe me të drejtë, atje isha një princeshë dhe këtu, mu desh ta nisja nga zero. Por kjo ishte zgjedhja ime dhe unë e dua. Megjithë vështirësitë që kam kaluar, nuk dua tia di. Unë jam këtu tani.
Veshjet tuaja janë shumë të mira.
Unë jam e gjithë për këtë. Disenjatorët më të mirë në botë janë të gjithë miqtë e mi. Roberta Cavalli është mikja ime më e mirë. Gjithë këtë e kam falë Belmont. Pasi unë bëra këngën e parë që u transmetua në radio, ata donin të bënin të gjitha rrobat e mia. Gjithashtu më pëlqejnë shumë edhe bizhutë.
Si është media në Shqipëri?
Ata janë të gjithë miqtë e mi. Sigurisht, nëse ata duan të shesin gazetën, unë u jap një intervistë dhe u bë.
Si është dinamika atje, mes yjeve të tjerë?
Jemi miq të mirë. Sigurisht kjo është dramë, është e njëjta gjë si këtu. Por është një konkurencë e mirë. Kam mësuar të respektoj kolegët e mi, pasi edhe ata kanë punuar shumë gjithashtu.
Cila është çmenduria më e madhe që ke bërë me flokët në skenë?
Kam pasur një album katër vjet më parë, albumi im i tetë në fakt, që quhej Mandarin. Kështu i bëra flokët e kuq dhe në tre video kam qenë flokë kuqe, në vitet 2006 dhe 2007.
Keni të dashur?
Po bën shaka me mua? Jam pak e vështirë kur vjen puna në këtë pikë. Dua të them, se kush do të merret me një divë? Në të vërtetë kam nevojë të eci pak ngadalë në veprimet e mia. Jam duke ndjekur një teori të diamantit. Gjenden shumë diamande në këtë botë, ata nuk janë të shtrenjtë, por ata kanë këtë marketing të mrekullueshëm që bëjnë, ata të mos jenë për të gjithë dhe kështu që, njerëzit duhet të punojnë shumë për të pasur një diamant.

Burimi: Gazeta Mapo

~~taraku-1~~ · 04-09-11, 05:05

eger eger e don ajo...,gani bardhi ...sja ka mush synin fort...,kjo o malsork
qka ka than malsorka...''kur sma mush synin sma mush.....''

tash ja ka nis me producentaaa..... kategori e fort vip hahaha nryshe smuj deporton ne hollywud ...pa e jep ma te shtrejten...

**Zero Cool** · 09-09-11, 11:47

Bleona Qerreti: Vazhdoj me tim shoq

Bleona Qereti, kengetarja e njohur qe prej vitesh banon ne Amerike, eshte merzitur jo pak me interpretimet qe mediat shqiptare i kane bere nje interviste te saj dhene per ‘Global Grind’, ku veç te tjerash kengetarja pyetej edhe per jeten private. Ne fakt, pyetja qe i drejtohej Qeretit kishte te bente me pasjen apo jo te nje te dashuri ne jeten e saj dhe per kete arsye Bleona ishte pergjigjur: ‘Po ben shaka me mua?

Jam pak e veshtire kur vjen puna ne kete pike. Dua te them, se kush do te merret me nje dive? Ne te vertete kam nevoje te eci pak ngadale ne veprimet e mia. Jam duke ndjekur nje teori te diamantit. Gjenden shume diamante ne kete bote, ata nuk jane te shtrenjte, por ata kane kete marketing te mrekullueshem qe bejne qe ata te mos jene per te gjithe dhe keshtu qe, njerezit duhet te punojne shume per te pasur nje diamant’, ka thene ajo.

Pergjigje kjo qe ka ngjallur shume dyshime ne faqet e shtypit roze, per nje ndarje te kengetares nga bashkeshorti Gani Bardha, por qe Bleona e mohon ne menyre kategorike, duke u shprehur per Summer-in se pyetja ishte per te dashur, ‘nuk me pyeti ne jam apo jo e martuar’, u shpreh kengetarja e revoltuar per te perfunduar me frazen: ‘vazhdoj me Ganin, jemi shume te lumtur te dy me njeri-tjetrin dhe keshtu do te vazhdojme gjate’.

Zanzi/M · 09-09-11, 20:26

Po more me mire me vazhdu, se edhe ashtu disa her ne muaj po u takojshin. Kesaj i thone me pas burr me letra hahahahhaa. Ne nje interviste thojke " burri jem i ka kembet sexi" phiiffffff.

Kalimero · 11-09-11, 09:46

Citim:

Postimi origjinal është bërë nga Zanzi/M

Po more me mire me vazhdu, se edhe ashtu disa her ne muaj po u takojshin. Kesaj i thone me pas burr me letra hahahahhaa. Ne nje interviste thojke " burri jem i ka kembet sexi" phiiffffff.

heee dijuzz heeee,une e kom ni kur ka thonen "buri

e ka vesht sexyy"

Zanzi/M · 11-09-11, 11:36

Citim:

Postimi origjinal është bërë nga Kalimero

heee dijuzz heeee,une e kom ni kur ka thonen "buri

e ka vesht sexyy"

Dejuz, nashti me e pas veshin e madh ja vlen me thonen :d hihihi.

**Zero Cool** · 15-09-11, 10:46

Bleona: Personaliteti mbi nacionalitetin

11:41 / 15.09.2011
Bleona Qereti gjatë një interviste për emisionin “Pasdite në Top Channel” ka thënë se e gjithë zhurma e krijuar për deklaratat e saj në lidhje me prejardhjen shqiptare nuk është një strategji marketingu.
“Unë kam idenë se të gjithë strategjinë po e krijon media shqiptare”, është shprehur Bleona.

Duke folur për karrierën e saj në SHBA, këngëtarja theksoi se deri tani ka përfunduar gjashtë këngë të albumit të saj të ri.

“Unë kam përfunduar gjashtë këngë dhe në momentin që do të përfundojnë 12 këngë, do të zgjidhen se kush do të shkojnë për video”, theksoi Bleona.

“Nuk jam kujtuar vonë për Amerikën… Amerika është një vend që nuk ka lidhje nga vjen, nuk është e rëndësishme nacionaliteti, por personaliteti”, thotë Bleona, e cila është shprehur e vendosur të ndjekë ëndrrën e saj.

Fshatari · 15-09-11, 20:45

Citim:

Postimi origjinal është bërë nga Zero Cool

Bleona: Personaliteti mbi nacionalitetin

11:41 / 15.09.2011
Bleona Qereti gjatë një interviste për emisionin “Pasdite në Top Channel” ka thënë se e gjithë zhurma e krijuar për deklaratat e saj në lidhje me prejardhjen shqiptare nuk është një strategji marketingu.
“Unë kam idenë se të gjithë strategjinë po e krijon media shqiptare”, është shprehur Bleona.

Duke folur për karrierën e saj në SHBA, këngëtarja theksoi se deri tani ka përfunduar gjashtë këngë të albumit të saj të ri.

“Unë kam përfunduar gjashtë këngë dhe në momentin që do të përfundojnë 12 këngë, do të zgjidhen se kush do të shkojnë për video”, theksoi Bleona.

“Nuk jam kujtuar vonë për Amerikën… Amerika është një vend që nuk ka lidhje nga vjen, nuk është e rëndësishme nacionaliteti, por personaliteti”, thotë Bleona, e cila është shprehur e vendosur të ndjekë ëndrrën e saj.

Po jetojka n'endrra ! I del gjumi naj dite...!

**Zero Cool** · 18-09-11, 09:00

Bleona Qereti prezantohet nga mediat amerikane

Një nga mediat amerikane më prestigjioze “Daily Motion”, ka publikuar një artikull për Bleonën duke e prezantuar si më poshtë:

Merrni producentët më të mirë të muzikës, shtojini performimin më eksitues dhe më të mirat e personaliteteve, hidhini një pamje seksi dhe buzëqeshjen më të bukur, dhe e gjithë kjo do t’ju ngjajë shumë me Bleonën!

Bleona është një artiste e muzikës që ka pushtuar audiencën në mbarë Evropën dhe tashmë është e vendosur të triumfojë edhe në tregun e Amerikës. Aktualisht ajo është duke punuar në studiot e producentëve Timbaland, Rodney Jerkins, Makeba etj..
Bleona është artistja e parë e Evropës Juglindore që ka shitur mbi 800 mijë albume duke vendosur një rekord të ri. Të gjithë albumet dhe hitet e saja janë shndërruar në numrin 1 në atë rajon.
E lindur në Shqipëri, e rritur dhe shkolluar në Evropën Perëndimore për aktrim, ajo ka filluar të interpretojë që në moshën 5 vjeçare, duke fituar konkurse të shumta ndërkombëtare, gjë që e kanë çuar në korrjen e famës së saj si këngëtare dhe interpretuese në të gjithë Evropën. Popullariteti i saj është i përhapur nga adoleshentët, të rinjtë dhe deri tek personalitetet e qeverisë dhe familjes mbretërore.
Popullariteti i saj është zgjeruar dhe vërtetuar në koncertet që ajo ka dhënë në Gjermani, Londër, Zvicër, Itali dhe New York, ku turmat mesatarisht arrinin në 10-20 mijë fansa.
Bleona flet dhe performon në katër gjuhë: anglisht, italisht, gjermanisht dhe sigurisht edhe në shqip.
Albumet e saj janë:
Kam qejfin tim (I Run My Own Game)
Nese me do fort (If You Love Me That Much) S’me behet vone (I Don’t Care) Ik meso si dashurohet (Go and Learn How to Love) Ti nuk di as me ma lyp Boom Boom** Mandarin^^
Hitet e saj janë:
Lermeni (Let Me Be free)
“Nese me do fort” (If You Love Me That Much) “S’me behet vone” (I Don’t Care) “Ik meso si dashurohet” (Go and Learn How to Love) “O Bo Bo C’I Bere Vehtes”
“S’dua”
“Boom Boom”**
“Hallal e Ke”
“Mandarin”
“Magnetic”.

**Zero Cool** · 18-09-11, 10:50

Bleona: “Oj Kosovë ta honksha loçkën”

Ka kohë që këngëtarja Bleona Qereti është duke zhvilluar profesionin e saj të këngës në SHBA. U bë kohë që ajo nuk e ka vizituar Kosovën për të cilën thotë se e ka marrë malli shumë. Ajo tani është duke përgatitur shumë befasi për adhuruesit e saj. Për më shumë rreth karrierës dhe çdo gjë tjetër flet për “Zëri”.

18 shtator 2011
Si është një ditë e juaja në Amerikë?

Zgjohem rreth orës 11 paradite, dalë për vrap pesë milje ose shoh trainerin tim Gunnar Peterson për dy orë, në drekë kam takim pune (ku zakonisht unë shkoj në restorant dhe ushqimin e marr me vete, duke qenë që ushqimi më vjen i paketuar me kalori se çfarë duhet të ha).

Pas drekës takohem me profesorin e kantos William Riley për një orë e më pas shkoj në joga rreth orës 4 e 30, dhe në orën 7:00 shkoj në studio ... deri në orën një ose dy të mbrëmjes.

Pastaj vi në shtëpi, flas me mamin në “Skype” ose siç ndodh tani në këto momente ulem para kompjuterit për ndonjë intervistë apo e-mail që më duhet të kthej përgjigje. D.m.th jetë qeni (qesh).

Mirëpo gjërat nuk arrihen pa sakrifica dhe kjo është jeta që unë kam zgjedhur. Zakonisht njerëzit çuditen këtu me mua që nuk dalë ose shoqërohem me njerëz të tjerë dhe gjithmonë më bëjnë pyetjen: “Si është e mundur që bën këtë lloj jete? Pse nuk del dhe të kënaqesh nëpër party?”.

Dhe një gjë që ata nuk kuptojnë është që lumturia ime apo kënaqësia ime është kur unë jam në studio dhe është tipi i jetës që kam zgjedhur dhe në momentin që do dëgjoj veten në radio atëherë dhe vetëm atëherë do të jem e lumtur.

Sa është e vështirë të merresh me këngë në SHBA?

Jo vetëm në Amerikë por kudo në botë çdo gjë varet nga komercializmi, që do të thotë në momentin që nuk të shitet CD-ja, atëherë mos thuaj “Jam i suksesshëm”. Këtu të gjithë artistët kanë linjën e tyre të parfumeve, veshjeve, këpucëve, etj, por kjo nuk do të thotë që nuk ka muzikë të mirëfilltë.

Të gjithë ata që janë të suksesshëm, janë të tillë sepse kanë këngë të bukura. Kam idenë që tek ne paaftësia e disave justifikohet me termin “unë nuk jam komercial”. Tek e fundit të gjithë artistët jetojnë nga koncertet dhe biletat që njerëzit blejnë për t’i parë live.

Ka kohë që s’keni lansuar ndonjë projekt të ri, përse?

Si mund të mendohet? Që unë erdha në Amerikë dhe direkt mora numrin e celularit të Timbaland apo Puff Daddy? Të ishin gjërat kaq të lehta do ishin bërë të gjithë yje Hollivudi. E gjithë kjo është proces!

Unë kisha 8 këngë të përfunduara në anglisht nga producentë shumë të mirë, dhe mu desh një vit e gjysmë që t’i realizoja përpara se Timbaland të më fuste në studio. Sigurisht që këngët të gjitha do dalin në momentin që albumi do të jetë në treg.

Kam përfunduar 12 këngë dhe kam edhe 6 të tjera, pastaj nga 18 këngë do të zgjidhen vetëm 8 ose 10 këngë. Një shembull që publiku shqiptar të kuptojë që gjërat nuk janë të lehta. Keri Hilson ka inçizuar 80 këngë përpara se t’i ofrohej një kontratë dhe në fund nga ato janë publikuar vetëm 10. Dhe njëherë e them: “Të ishte e lehtë do ishin bërë të gjithë yje Hollivudi”.

A keni në plan ndonjë udhëtim në Shqipëri?

Udhëtimi i parë që do të bëj në momentin që do të finalizojë diçka është Kosova dhe Shqipëria. Më ka marrë malli për byrek, flia, mantia, kos, kafe dhe dashuri të sinqertë.

E sidomos me Kosovën unë kam qenë shumë herë më e lidhur se sa me Shqipërinë. Kam shumë shokë dhe më ka marrë malli shumë për Kosovën ‘Oj Kosovë ta honksha loçkën’. E imagjinon që më ka marrë malli dhe për lajme?!

elvio · 18-09-11, 12:27

***********
C'ka eshte ajo qe me habit s'eshte pse ajo nxjerr gjoksin apo prapanicen,por pse fokusohet kaq shume shtypi mbi kete te vetequajturen yll Hollivudian.

Te ish Hollyvudi me te tij yje une do ta emeroja fole xixellonjash(asesi jo yje).

S'ka pike inteligjence,edhe ajo shfaqet.
Flet sikur nje 15 vjecare,qe ka mbaruar arsim te klases se tete,edhe ate te kategorise me nota 6.
Kur ben puci puci me ngjason si nje adoloshente qe i duken te gjitha dyert e hapura,kur asesi s'meriton nje shteg te jete gjysem i hapur lidhur me tel.
Pike edhe presje ajo ben reklama boshe duke shitur mend,qe s'ka kohe askush me ia ble(pervec fokusimit te shtypit te nxjerre ne balline te gazetes trupin e saj gjysme te zhvesh)

Se di kush ia blen albumet,sepse asgjekund s'lexoj qe ajo ka merite per zerin e saj.

Eh kur paragjykon tregon nje pjese te karakterit tend.

Le te jete e tille,,,,,,,,,,,,