Lajme Aktuale....

[Zero Cool]

Ofendim skandaloz i kancelares Merkel


Pas dëgjimit të një bisede të incizuar telefonike mes kryeministrit italian, Silvio Berlusconi, dhe redaktorit të një gazete italiane, që ndërlidhet me hetimet e skandaleve seksuale të Berlusconit, në publik është shfaqur një deklaratë vulgare e tij ndaj kancelares gjermane, Angela Merkel.





Nga Express më 15 shtator 2011 në ora 19:09
Meqenëse bëhet fjalë për një zonjë, e cila veç kësaj është edhe kancelare, gazeta më e shitur gjermane ‘Bild’, e cila ka shkruar gjatë për këtë rast, vetëm konstatoi se Berlusconi “është shprehur në mënyrë tejet vulgare dhe të pashembulltë ndaj kancelares Merkel, veçanërisht për figurën e saj”.

Ndërkohë, gazeta britanike “Daily Mail’ këtë deklaratë të Berlusconit e ka cituar paska më konkretisht, megjithëse të kamufluar me yje të shumtë. Sipas gazetës, Berlusconi për kancelarin gjerman ka thënë se është “një .... e trashë, të cilën s’do ta .... askush”.

Por, kjo nuk është gafa e parë ofenduese e kryeministri italian për kancelaren gjermane.

Në fakt, gjatë një samiti të para dy viteve, Berlusconi e kishte lënë homologen e tij gjermane duke pritur derisa ai bisedonte me celularë. E një vit më herët, me rastin e vizitës së saj zyrtare në Itali, ai e kishte pritur atë i fshehur prapa një statuje. E pastaj, kishte kërcyer përnjëherë para saj, duke brohoritur: Ku-ku!.

[Zero Cool]

Libi: Vritet ish-atasheu ushtarak serb


Sipas gazetës ‘Blic’, të shtunën në Tripoli është vrarë ish-atasheu ushtar i Serbisë në Libi, Zarko Radunkovic. Sipas gazetës, kufoma e tij aktualisht po mbahet në ambasadën serbe në Tripoli.





Nga Express më 15 shtator 2011 në ora 19:05
Edhe pse nga qarqet diplomatike gazetës ‘Blic’ i ishte thënë se Radunkovic kishte vdekur si pasojë e një sulmi në zemër, të dhënat e mbledhura nga ajo tregojnë se ka shumë gjasa që ai të jetë vrarë.

Radunkovic ishte kolonel në pension i ushtrisë së Serbisë dhe Malit të Zi, dhe ai kishte punuar si i deleguar ushtarak në Libi nga viti 2000 deri në vitin 2005. Sipas ‘Blic’, qeveria e Serbisë nuk ishte e kënaqur me mënyrën sesi Radunkovic e kryente detyrën e atasheut ushtarak, prandaj edhe e mbylli përfaqësinë e saj ushtarake në Libi në vitin 2005, për ta hapur sërish vitin e kaluar.

Radunkovic ndërkohë ishte pensionuar, megjithëse vazhdonte të udhëtonte shpesh drejt Libisë, si përfaqësues i kompanisë private nga Beogradi Kofis, e cila me Libinë tregonte me armatim.

[Zero Cool]

Zukorlic: Kushti për autonomi të Sanxhakut


Ripërtëritja e Këshillit Popullor të Sanxhakut, si organ më i lartë përfaqësues i boshnjakëve në Serbi, paraqet një akt historik drejt themelimit të autonomisë, para së gjithash në vetëdijen e qytetarëve, deklaroi myftiu i Bashkësisë Islame të Serbisë, Muamer Zukorlic.





Nga Express më 15 shtator 2011 në ora 19:03
Duke mos e përjashtuar këtu mundësinë e një reagi8mi represiv nga ana e Beogradit, gjatë një interviste dhënë për gazetën sarajevase ‘Dnevni Avaz’, Zukorlic sërish i ka bërë thirrje bashkësisë ndërkombëtare për dëfrimin e monitoruesve në Sanxhak.

Myftiu ka nënvizuar se autonomia nuk do të shpallet vetëm formalisht, por ajo do të veprojë edhe realisht, megjithëse mund të thuhet se ajo vepron që tani.

Duke u thirrur në vendimet e Takimit të Dytë Gjithëboshnjakë, i cili u mbajt të dielën e kaluar në Novi Pazar, dhe në dy deklaratat që miratuan me atë rast – për diskriminimin e popullatës boshnjake dhe për riemërimin e Këshillit në Këshill Popullor – Zukorlic paralajmëroi një ndryshim të plotë të konceptit të politikës kombëtare në Sanxhak, meqenëse, siç tha, për herë të parë nuk po i dërgohen më porosi Beogradit, por boshnjakëve dhe bashkësisë ndërkombëtare.

[Zero Cool]

SHBA-të vrasin liderin e Al-Qaedas në Pakistan





21:57 / 15.09.2011

hteteve të Bashkuara njoftojnë se shefi i operacioneve të Al-Qaedas në Pakistan, Abu Hafs al-Shahri, është vrarë nga një sulm i një aeroplani pa ekuipazh, në një territor fisnor pakistanez.
Njëri nga zyrtarët, që ka folur në kushte të anonimitetit, ka thwnw se “vdekja e Abu Hafsit e largon kërcënimin kryesor brenda Pakistanit, ku ai kishte bashkëpunuar për së afërti me grupin kryesor të talibanëve në Pakistan, Tehrik-e Taliban, për të kryer sulme të koordinuara”.

Nuk janë dhënë njoftime për datën dhe vendin e sulmit nga i cili u vra Abu Hafs, që thuhet se kishte kombësi saudite. Raportet për vrasjen e Abu Hafsit vijnë pas vrasjes së numrit dy të al-Qaedas, Atijah abd al-Rahman, i cili ishte vrarë në muajin gusht.

[Zero Cool]

Ndryshim pushteti pas zgjedhjeve parlamentare në Danimarkë





9:38 / 16.09.2011

Zgjedhjet parlamentare në Danimarkë kanë çuar në një ndryshim pushteti.
Sipas prognozave, koalicioni i majtë me qendrën me kandidaten socialdemokrate, Thorning-Schmidt ka siguruar shumicën në parlamentin e ri.

Koalicioni i së djathtës nën kryeministrin Rasmussen ka pësuar humbje.

Katër milionë qytetarë danezë votuan të enjten për parlamentin e ri. Kriza ekonomike ishte temë qendrore në fushatën zgjedhore.

[Zero Cool]

Holanda ndalon mbulimin e fytyrës në publik




23:25 / 16.09.2011

Qeveria holandeze ka bërë të ditur se do të ndalojë mbajtjen e vellos që mbulon fytyrën në publik.
“Veshja e rrobave që mbulojnë fytyrën është në kundërshtim me jetën publike, ku njerëzit njihen nga fytyrat e tyre. Mbulimi i fytyrës është në kundërshtim me principet e barazisë midis burrave dhe grave, e veçanërisht grave”, thuhet në deklaratën e qeverisë.

Kryeministri holandez, Mark Rutte, po ashtu ka njoftuar për rregulla më të ashpra për emigrantët dhe azil-kërkuesit që duan shtetësi holandeze. Ata, në të ardhmen, duhet të dëshmojnë se kanë fituar të ardhura dhe se nuk kanë marrë asistencë financiare ose përfitime për të paktën tre vjet.

ps: Koincidence, ky eshte shkrimi im i pare ne "rolin" e moderatorit.

[Zero Cool]

Flamuj dhe thirrje antishqiptare, rrihen provokuesit maqedonas


Një grup të rinjsh shqiptarë janë përleshur dhe kanë rrahur një grup të rinjsh maqedonas të cilët i kanë provokuar. Incidenti ka ndodhur në Kumanovë.





17 shtator 2011
Sipas dëshmitarëve të ngjarjes, një grup të rinj maqedonas me motoçikleta dhe flamuj maqedonas kishin parakaluar pranë shkollës së mesme "Sami Frashëri" në Kumanovë, duke provokuar dhe ofenduar nxënësit shqiptarë të kësaj shkolle, të cilët kishin dalë në pushimin mes orëve.
Ngacmimi i të rinjve maqedonas që dyshohet se janë huliganë ishte pjesë e atmosferës festive të ndeshjes së basketbollit Maqedoni – Spanjë në kuadër të evropianit 2011, kur po festohej dje, para humbjes së kësaj ndeshje.
Ashtu që papritmas ka ndodhur edhe incidenti i cili ka përfunduar me grushte dhe shqelma për provokuesit, ndërsa për të qetësuar situatën kanë vepruar njësiti policor "Alfa" pranë SPB në Kumanovë.(noa)

[Zero Cool]

Assadi vazhdon dhunën kundër protestuesve






Nga Express më 17 shtator 2011 në ora 18:30
Në Siri, pushtetmbajtësi Baschar al-Assad, sipas të dhënave të opozitës, ka lejuar forcat e tij të sigurisë që edhe më tej të përdorin të gjitha mjetet ndaj kundërshtarëve të qeverisë.

Së fundi, gjatë demonstratave në gjithë vendin kanë vdekur të paktën 47 njerëz, bëri të ditur një anëtar i opozitës.

Një burim i pavarur për të dhënat është i pamundur, pasi qeveria siriane nuk lejon asnjë gazetar të huaj në vend.

Vetëm në provincën Idlib, në afërsi të kufirit turk, kanë humbur jetën 21 kundërshtarë të qeverisë.

[Zero Cool]

Sikorski: Gjermania, Kali rus i Trojës brenda NATO-s





Nga Express më 17 shtator 2011 në ora 19:30
Një dokument i publikuar së fundmi nga Wikileaks, zbulon se Ministri i Jashtëm polak, Radek Sikorski, në një bisedë private me diplomatët amerikanë, është shprehur se Gjermania është Kali i Trojës i Rusisë në NATO.

Ai u ka thënë diplomatëve amerikanë se Gjermania ka një marrëveshje me Rusinë. “Ata luajnë në emër të Rusisë dhe në këmbim të kësaj, kompanitë gjermane marrin qindra miliard euro investime atje, një marrëveshje shumë e mirë,” ka thënë ministri i Jashtëm.

Komentet e Sikorskit erdhën pasi Gjermania kundërshtoi që Gjeorgjisë dhe Ukrainës tu jepej Plani i Veprimeve për Anëtarësim nga NATO në Samitin e Bukureshtit.

Pak pas rrëzimit të këtij vendimi, Rusia sulmoi Gjeorgjinë. Shumë analistët thonë se nëse Gjeorgjia do merrte Planin, nuk do kishte ndodhur lufta.

Të gjithë kujtojnë se si së fundmi Gjermania abstenoi në Këshillin e Sigurimit të OKB bashkë me Rusinë, për sulmet ajrore të NATO-s mbi Libi.

Nga kabllot mësohet se disa herë Sikorski ka deklaruar se ka frikë nga fakti që është pranë Rusisë. Sipas tij, vetëm fakti se aty ka ushtarë amerikanë, e tremb Rusinë.

Ditari


PolitikëShoqëriBallkan&BotëINTERVISTAZëri i BE

Serbia do bllokojë kufijtë me Luginën...


18-09-2011 10:23 CET


(E plotësuar) - Strukturat paralele u toleruan skajshmërisht shumë
ORA 15:13 - Mediet gjermane edhe sot, të dielën, i kanë kushtuar vëmendje gjendjes në Kosovës, gjegjësisht në veri të vendit, ku qeveria, së bashku me faktorët ndërkombëtar në vend, janë në zbatim të planit të marrjes nën kontroll të pikave kufitare atje.
E përditshmja gjermane, “Die Tageszeitung”, në një shkrim të sajin botuar në numrin e sotëm, shkruan se as OKB e as EULEX-i nuk ia dolën që në veri të Kosovës të vendosin “sundimin e ligjit”, i cili ka kohë që mungon atje.
“Strukturat paralele serbe janë toleruar skajshmërisht shumë në veri të Kosovës. Mafia dhe ekstremistët nacionalistë shumë gjatë janë trajtuar me vëmendje të veçantë. Gjatë njëmbëdhjetë vjetëve të fundit, në atë pjesë të vendit “qeverisë” një përzierje e ekstremistëve politik, shërbimeve sekrete, mafisë, politikanëve dhe policisë”, shkruan TAZ, duke shtuar se “kushdo që nuk ka vallëzuar sipas ritmit të tyre, ka qenë humbës”.
Gjithashtu, sipas TAZ, edhe ata që janë përzier në kontrabandën e drogës dhe benzinë, e ka gjetur i njëjti fat. “Ato struktura të ashtuquajtura paralele i përkrahte edhe presidenti i Serbisë, (Vojislav) Koshtunica, por sot nuk munden më të mbështeten tërësisht në ndihmën e Beogradit”.
“Ai që dëshiron të integrohet në BE, duhet ta zgjidhë problemin e dukshëm në Mitrovicë. Kjo edhe ka qenë porosia e qartë e Angele Merkel gjatë vizitës që ajo i bëri Beogradit. Serbia, herët a vonë, do të duhet të distancohet nga mafia në veri të Kosovës”, shkruan më tej “Die Tageszeitung”. /zëri/
***
ORA 14:20 - Ministri i Brendshëm serb, Ivica Daqiç ka paralajmëruar se Serbia do të marrë si masë reciproke bllokimin e kalimeve kufitare ndërmjet Kosovës dhe Serbisë, sidomos ato që shfrytëzojnë më së shumti shqiptarët.
Kjo masë është paralajmëruar dhe pritet të aplikohet nga ana e autoriteteve serbe, mirëpo ajo akoma nuk ka marrë bekimin e presidentit Boris Tadiq dhe të Qeverisë, sidomos pjesës së Partisë Demokrate.
Menjëherë pas këtij deklarimi kanë reaguar përfaqësuesit politik të Luginës së Preshevës.
Partia Demokratike Shqiptare në Luginë, e cila drejton edhe komunën e Preshevës ka reaguar ndaj deklaratës së Daqiçit, që nxit dhunë, diskriminim dhe urrejtje ndërnacionale dhe që synon përkeqësimin e situatës së sigurisë, edhe ashtu të rëndë në Luginën e Preshevës.
Me këtë rast PDSH apelon te shqiptarët e Luginës së Preshevës që të mos bien pre e provokimeve eventuale të policisë dhe xhandarmërisë serbe dhe të jenë vigjilent gjatë kalimit të kufijve në drejtim të Republikës së Kosovës.
PDSH shpreh shqetësimin e vet me shtimin e numrit të forcave të ushtrisë dhe xhandarmërisë serbe ditëve të fundit, që frekuentojnë nëpër vendbanimet shqiptare të Luginës së Preshevës.
PDSH kërkon nga faktori ndërkombëtarë i vendosur në Serbi dhe nga institucionet e Bashkimit Evropian dhe NATO-s të vendosura në Bruksel që të mos lejojnë përsëritjen e skenarëve të së kaluarës ndaj shqiptarëve të pafajshëm të Luginës së Preshevës.
”Kërkojmë nga NATO-ja që ta rikthejë zonën e lirë tokësore të sigurisë nga marrëveshja e Kumanovës me të cilën do të pamundësonte realizimin e këtyre veprimeve të errëta të qeveritarëve serb”, thuhet në kërkesën e kësaj partie.
PDSH, gjithashtu reagon ndaj ministrit serb të arsimit Zharko Obradoviq për ndërhyrjen e tij joprofesionale në ndryshimin e Abetares Shqiptare e cila për ne është denigruese dhe e papranueshme. /ina/
***
Haliti: Do të mbledhim tatimin edhe në veri
ORA 12:55 - Administrata Tatimore e Kosovës ka bërë të gjitha përgatitjet e nevojshme për mbledhjen e tatimeve edhe në komunat veriore të Kosovës. Drejtori i këtij institucioni, Behxhet Haliti thotë se kanë hartuar një plan konkret për t’iu qasur tatimpaguesve të komunitetit serb. Kurse njohësit e çështjeve ekonomike thonë se kjo do të jetë mjaft sfiduese.
Ndonëse për më shumë se një dekadë ATK-ja nuk ka mbledhur tatimet në veri të vendit, tani është e gatshme për një gjë të tillë.
“Ne kemi bërë një plan sesi t’iu qasemi edhe tatimpaguesve të komunitetit serb. Në brendi të Kosovës, veçse kemi bërë hapa në atë drejtim duke rekrutuar staf në zyrën e Graçanicës, Shtërpcës apo në rajon të Gjilanit. Ndërsa, për rajonin e Mitrovicës kemi zhvilluar të gjitha procedurat, kemi rekrutuar një staf prej tetë inspektorëve, jemi të përgatitur për t’iu mbajtur trajnime në gjuhën serbe, kemi përgatitur të gjitha materialet dhe në momentin e parë që të krijohen kushtet, ne do të kemi një qasje më të madhe”, thotë drejtori i kësaj administrate, Behxhet Haliti.
Haliti thotë se aktualisht kanë kontakte me tatimpagues edhe në pjesën veriore dhe se disa sish kanë marrë numrat fiskalë dhe kanë filluar të instalojnë pajisjet elektronike fiskale.
Ndryshe, që nga viti 1999, veriu i Kosovës që banohet me shumicë serbe nuk ka paguar tatimet, dhe ATK-ja për 12 vjet nuk ka arritur të shtrijë autoritetin e saj atje. Borxhet e përgjithshme të tatimpaguesve ndaj ATK-së janë rreth 260 milionë euro, dhe vlerësohet se një pjesë e madhe janë të tatimpaguesve në veri.
***

Tahiri: Asnjëherë nuk do të bisedojmë për pikat doganore
ORA 12:30 - Zëvendëskryeministrja Edita Tahiri, ka porositur homologun e saj serb në procesin e dialogut, Borisllav Stefanoviq, se Kosova asnjëherë tjetër nuk do të bisedojë për çështjen e pikave doganore në veri.
Doganat janë kapitull i mbyllur ka thënë Tahiri, në përgjigje ndaj kërkesës së Serbisë që i ka bërë Brukselit që në raundin e ri të bisedohet për pikat doganore 1 dhe 31.
***
ORA 10:55 - Ivanoviq habitet me pasivitetin e serbëve të jugut
I ashtuquajturi sekretar për Kosovën, Oliver Ivanoviq, ka thënë se “Beogradi nuk guxon dhe nuk mund të jetë për politikën deri në Ibër dhe prej Ibrit, por të jetë konsistent në tërë territorin e Kosovës”.
“Gabimi është te ne dhe te pushteti, por edhe te partitë opozitare që në Beograd flitet pak për serbët në jug të Ibrit”, ka thënë Ivanoviq për ditoren e “Dnevnik”, raporton Telegrafi.
Ai madje çuditet pse “janë pasivë serbët që jetojnë në jug të Ibrit”.
“Në këtë situatë është e pashpjegueshme pse janë pasivë. Ndërsa është shumë me rëndësi që ata qartë dhe zëshëm të deklarohen, të tregojnë çka mendojnë, se është me rëndësi të kuptojnë se nëse bie veriu, edhe mbijetesa e tyre do të jetë e paqartë”, ka deklaruar Ivanoviq.
Sipas tij, Kosova bëhet temë vetëm gjatë zgjedhjeve në Serbi dhe kur atje diçka “e keqe ndodhë”.
“Është një praktikë e keqe që ekziston me vite dhe për të cilën te një pjesë e bashkësisë ndërkombëtare ekziston perceptimi se Beogradit nuk ia ndien shumë për Kosovën. Prandaj, është e domosdoshme një përgjigje strategjike e pushtetit dhe opozitës për Kosovën”, ka theksuar Ivanoviq.
***
Rexhepi: Zhbllokimi i rrugëve, nuk është përgjegjësi e PK
Zhbllokimi i rrugëve që të çojnë në pikat kufitare 1 dhe 31 nuk është përgjegjësi e autoriteteve kosovare të policisë.
Ministri i Punëve të Brendshme, Bajram Rexhepi, në një intervistë për Top Channel tha se kjo është përgjegjësi e KFOR-it dhe EULEX-it dhe për këtë aktualisht nuk ka ndonjë plan.
“Përsa i përket barrikadave, përsëris se kjo mbetet përgjegjësi e KFOR-it dhe EULEX-it, por nëse kërkohet edhe përfshirja e policisë sonë nuk ka problem. Ata kanë rrugë alternative për furnizim, por nëse bëhen pengesë për KFOR-in barrikadat do të hiqen”, shprehet Rexhepi.
Në këtë situatë, pa ndonjë plan për mundësimin e lëvizjes së lirë, ministri ftoi qytetarët serbë që në vend që të qëndrojnë në barrikada të fillojnë përgatitjet për sezonin e vjeshtës dhe dimrit.
“Është më mirë që ata serbë që rrinë në barrikada të përgatiten për vjeshtën e dimrin se sa të qëndrojnë aty, por kjo është çështja e tyre”, shtoi ministri.
Ministri mohoi informacionet se doganierët serbë kanë refuzuar të shkojnë në pikën 1 dhe 31, por nëse kjo ndodh ai ka një porosi për ta: “Nëse ata pengohen nga barrikadat duhet të lajmërojnë, por nëse refuzojnë të kthehen në punë do të shkarkohen nga detyra”.
Ministri Rexhepi përjashtoi mundësinë që një gjë e tillë mund ta bëjë veriun pjesë të bisedimeve me Serbinë: “Kjo është çështje e brendshme e Kosovës dhe nuk do të ketë bisedime me Serbinë”.
Ndërsa se çfarë detyre po kryejnë aktualisht doganierët kosovarë në dy pikat që janë jashtë funksioni, këtë e sqaroi drejtuesi i tyre për rajonin e Mitrovicës, Ekrem Grabanica.
“Ndërrimi i doganierëve bëhet çdo 24 orë për momentin. Të shohim në vazhdim si do të procedohet. Nëse paraqiten mallra për zhdoganim, doganierët tanë janë të gatshëm të kryejnë punën e tyre”, deklaron Grabanica.
Situata e sigurisë mbetet e tensionuar në veri të Kosovës, ku herë pas here gjatë mbrëmjes së të shtunës dëgjoheshin të shtëna armësh, të cilat policia nuk mund t’i lokalizonte.
Mbi urën kryesore të lumit Ibër herë pas here shtohen masat e sigurisë. /tch/
* lajmi do të përditësohet gjatë ditës me informatat më të reja nga Veriu

[Guri i madh]

Serbia lëviz dhjetëra tanke afër kufirit me Kosovën

Publikuar: E shtune 17 Shtator 2011, 11:52 0 Komente 5 Rekomandime
Një ditë pas fillimit të zbatimit të planit operacional për futjen nën kontroll të vendkalimeve kufitare me Serbinë, situata në pjesën veriore të Kosovës vlerësohet relativisht e qetë. Një burim ndërkombëtar njoftoi për “Kosova Sot” se të premten mbrëma, derisa ishte duke udhëtuar nëpër Serbi, 8 kilometra përtej Merdarit, brenda kufirit serb ka vërejtur se dhjetëra kamionë serbë të kenë shkarkuar dhjetëra tanke ushtarake.
Burimi i njohur për redaksinë ka vërejtur tanket duke lëvizur buzë rrugës, të cilat ishin sjellë me kamionë. Gjatë ditëve të fundit, zyrtarët e lartë serbë kanë lëshuar deklarata që shkojnë në funksion të destabilizimit të gjendjes në veriun e Kosovës.
Rreth orës 22:00 të së premtes mbrëma janë dëgjuar të shtëna, e të tilla janë dëgjuar edhe të shtunën kah mesdita. Forcat e sigurisë menjëherë kanë shtuar prezencën e tyre mbi urën kryesore mbi lumin Ibër, ndërkohë që nuk dihet vendi ku kanë ndodhur të shtënat e armëve. Pas këtyre të shtënave, disa automjete KFOR-it kanë kaluar në pjesën veriore nga ana e Suhadollit. Të shtënat janë dëgjuar nga ndërtesat në pjesën veriore të Mitrovicës. Barrikadat gjatë natës janë përforcuar nga ana e serbëve duke shkarkuar sërish zhavorr nëpër rrugë. Shumë serbë kanë qëndruar gjatë natës nëpër barrikada në afërsi të pikave kufitare në Jarinje dhe Bërnjak, përkatësisht në Rudar dhe Zupç, ndërsa kanë vëzhguar edhe urat mbi lumin Ibër dhe të gjitha rrugët e tjera, të cilat çojnë në drejtim të veriut.

KFOR-i:
Nuk kemi nevojë të ndërhyjmë tani për tani
Zyrtarët e KFOR-it thonë se shumë nga rrugët që çojnë në drejtim të vendkalimeve kufitare me Serbinë mbesin të bllokuara. Zëdhënësi i KFOR-it, Ralf Adamek, shpjegon: “Për momentin, situata në veri është relativisht e qetë. Të gjithë demonstruesit në bllokada rrugore janë të qetë. Pikat kufitare 1 dhe 31 janë të mbyllura, sepse nuk ka mundësi të kalohen për shkak të bllokadave rrugore. Ne na vjen mirë të shohim se çfarë po ndodh me Policinë e Kosovës, veçanërisht në veri. Ajo po bën një punë të madhe, në mënyrë që ne të mund të monitorojmë tërë skenën. Andaj, nuk kemi nevojë të ndërhyjmë për momentin”, thotë ai. Edhe Policia e Kosovës situatën në veri e vlerëson të qetë. Zëdhënësi Policisë së Kosovës për rajonin e Mitrovicës, Besim Hoti, thotë se një gjendje e tillë mbizotëron edhe në vendkalimet kufitare 1 dhe 31.“I referohem së pari situatës së sigurisë, e cila mbetet e qetë, pa incidente që nga orët e mesnatës. I kemi përcjellë së bashku zhvillimet e fundit gjatë natës së mbrëmshme, kur, në afërsi të urës, kishim përforcimin e barrikadës me zhavorr, por kjo situatë nuk ka zgjatur shumë. Situata është qetësuar pas intervenimit të policisë, bashkërisht me forcat e EULEX-it dhe të KFOR-it”, deklaron Hoti.

Hapësirat për negociata
Hoti thekson se prioritet mbetet ruajtja e rendit dhe e qetësisë. “Plani i zhbllokimit të rrugëve nuk do të jetë një plan vetjak i Policisë së Kosovës. Në këtë situatë jemi duke vepruar bashkërisht me EULEX-in dhe KFOR-in, por aktualisht prioritet është qetësia”, thotë Hoti, për të shtuar se nuk ka rrugë të tjera të bllokuara, përveç atyre që kanë qenë deri më tash. Në zhbllokimin e tyre nuk do të intervenohet tani për tani, thotë zëdhënësi i KFOR-it, Adamek, ndonëse një gjë e tillë i lejohet misionit paqeruajtës. “Meqë demonstruesit janë shumë të qetë, natyrisht se e kemi të drejtën në kuadër të mandatit tonë për t’i hapur rrugët - nuk do të jemi tepër agresivë tani. Demonstruesit janë më të vërtetë paqësorë dhe ne po përpiqemi të krijojmë hapësirë për negociata. Kjo natyrisht se duhet të zhvillohet nga pala politike. Pra, meqë demonstratat janë aq paqësorë, nuk mendoj se do t’i largojmë bllokadat rrugore”, thotë ai. Shqiptarët që jetojnë në pjesën veriore të qytetit të Mitrovicës dhe tri fshatrave shqiptare të Leposaviqit, të Bistricës, Cerajës dhe Koshtovës, thonë se kanë mbetur të izoluar për shkak të bllokimit të rrugëve.

[Zero Cool]

Bullgaria pranohet pjesërisht në Shengen?






Nga Express më 18 shtator 2011 në ora 18:00
Është i mundshëm pranimi i pjesërishëm i Bullgarisë në zonën Shengen dhe atë në pjesën e hapësirës ajrore dhe detare, ka deklaruar kryetarja e parlamentit të Bullgarisë, Cecka Caceva.

Sipas fjalëve të saj, shtetet anëtare të BE-së po përballen me ngjarjet në Afrikën e Veriut dhe Lindjen e Mesme dhe për këtë arsye po parashtrojnë kushte tjera, të cilat nuk ekzistojnë në kërkesat për Shengen.

Ministrat e Punëve të Brendshme dhe të Drejtësisë së BE-së më 22 shtator do të shqyrtojnë mundësinë e anëtarësimit të Bullgarisë dhe të Rumanisë në zonën Shengen, por Holanda tashmë ka paralajmëruar se do të bllokojë me veto pranimin e këtyre dy shteteve në zonë.

[Zero Cool]

Silajxhic: Situata në Bosnje e rëndë






Nga Express më 18 shtator 2011 në ora 17:00
Haris Silajxhic, i cili sërish është zgjedhur kryetar i Partisë për Bosnjën, tërhoqi vërejtjen se Bosnja po kërcënohet nga shpërbërja dhe i bëri thirrje anëtarëve të partisë dhe qytetarëve që të kundërshtojnë shkatërrimin dhe gjymtimin e heshtur të vendit, me qëllimin përfundimtar të ndarjes së Bosnjës.

Silajxhic, i cili vlerësoi se situata në Bosnje nuk ka qenë asnjëherë më e rëndë, theksoi se orientimi i tij politik në të ardhmën do të mbështetet në marrëdhëniet me Turqinë.

[Zero Cool]

Gjermania kërkon qartësi nga Greqia






Nga Express më 18 shtator 2011 në ora 16:00
Ministri gjerman i Financave, Wolgang Scheuble, i ka kërkuar Greqisë së mbytur në borxhe që të mendohet mirë për qëndrimin e mëtejshëm në zonën e euros.

Anëtarësia në bashkimin monetar është një mundësi, por edhe një ngarkesë ë rëndë, tha politikani i CDU-së për gazetën "Bild am Sonntag".

Scheuble theksoi se vetëm nëse treshja e ekspertëve të Komisionit të BE-së, të Bankës Qendrore Evropiane dhe të Fondit Monetar Ndërkombëtar vërejnë se Greqia është duke respektuar kushtet e kursimeve, do të paguhet kësti i parë i kredive ndihmë prej tetë miliardë eurosh.

Pa para të tjera, Greqia do të falimentojë muajin e ardhshëm, thonë ekspertët.