Rugova, gjeniu që nuk u përkul kurrë

[Dilaver]

Rugova, gjeniu që nuk u përkul kurrë

Ish-presidenti i ndjerë i Kosovës përkujtohet në Tiranë

Një vit pas ndarjes së tij nga jeta, Ibrahim Rugova, ish-presidenti i ndjerë i Kosovës, vjen nëpërmjet kujtimeve në një ceremoni të zhvilluar dje në ambientet e Qendrës Ndërkombëtare të Kulturës. Një ceremoni më shumë e mbushur me përfaqësues politikë, nënvizoi rëndësinë e kësaj figure politike në historinë e shqiptarëve.
"Ibrahim Rugova vjen në historinë tonë si një gjeni i vizionit kombëtar. Në fundin e viteve ‘80 dhe fillimin e viteve ‘90, Rugova i vetëm shpalli para kombit të tij, Evropës dhe botës vizionin për Kosovën e pavarur. Këtë vizion, në atë kohë i papritur, Presidenti Rugova e formuloi e hartoi e formësoi, duke lexuar, duke kuptuar më mirë se çdokush tjetër shpirtin e shqiptarëve të Kosovës. Gjeni në vizionin e tij, ai kurrë nuk u përul", është shprehur në fjalën e tij Kryeministri Sali Berisha. Por misioni i tij historik do të hasej edhe nga një skepticizëm jo vetëm brenda hapësirave shqiptare, por edhe botërore". Kurse Rugova i qëndroi atij besimi, përballë një skepticizmi botëror, përballë një presioni të jashtëzakonshëm rajonal, qëndroi përballë një moskuptimi edhe shqiptar, por Rugova kishte kuptuar që një popull që kishte vuajtur më shumë se kushdo tjetër në Ballkan, më shumë se kush tjetër kishte derdhur gjak dhe sakrifica për liri, një popull që me vitalitetin e tij e bëri të pavarur Shqipërinë. Një popull vigan në përpjekjet e tij për liri e dinjitet kishte përcaktuar pavarësinë si rrugën më të mirë e më të shkëlqyer për të ardhmen e tij. Rugova nuk ishte vetëm një vizionar i madh, por një gjeni i kurajës njerëzore", tha Berisha. Figura e Ibrahim Rugovës u quajt nga Rustem Gjata si një nga personalitetet më të rralla të historisë sonë". Ai arriti të kthehej nga një lider i një partie në liderin historik të një populli". Ndërsa Arian Starova e ka quajtur jetën e punën e tij, si misionin që bëri të mundur faktin që Kosova tashmë është drejt pavarësisë, shiritin e së cilës duhet ta priste ai.
Por përveç rëndësisë në jetën politike dhe kontributit të tij për çuarjen e vendit drejt statusit final, Ibrahim Rugova do të kujtohet për kontributin e tij të jashtëzakonshëm në letrat shqipe, për rolin e një kritiku të jashtëzakonshëm që ka bërë gjatë jetës së tij.

[dardan100]

IBRAHIM RUGOVA, HERO i vertete i Kosoves.

Behuni shqiptare si Ibrahim Rugova

www.youtube.com/watch?v=t6MBOKZ4N4I

[dardan100]

www.youtube.com/watch?v=t6MBOKZ4N4I

[Psikologu]

Me ty
(Kushtuar Dr:Ibrahim Rugoves )

Koha , kaloj dhe eci
bashkë me kohen si cdo here , u rrite dhe jetove
do të jetosh cdo here
në faqet shekullore.

Në ditet e qendreses
Ti , në ballë të furtunes , u kalite dhe u rrite
do të kujtohesh cdo here
në historin e nanes shqipe.

Pa ty tash jemi jetim
me lot ne sy,por krenar
rralle do të lind si Ti
Trim , Hero , Dijetar e Qendrimtar.

Dielli do të shendrit cdo here
mbi vepren tende , mbi varrin tendë
ti ishe shembull i botes
qe syri kurrë s´tu tremb.

Lavdi vepres, jetes dhe dituris
guximit të pamposhturë , legjend e filozofis
shembullë i fushes së mendimit
Djalë i dashur i Ilirisë.

[Qika^Me^Kule]

Oooooo Kurr nuk do kete Kosova President sic..... te Ndjerin Ibrahim RugoVa

[arberia]

Respekt Dhe Nderim Per Te Madhin Patriot ,ibrahim Rugova!!

[Jana]

Biografia

Dr. Ibrahim Rugova lindi më 2 dhjetor të vitit 1944 në fshatin Cercë, komuna e Istogut. Më 10 janar 1945 komunistët jugosllavë ia pushkatuan të atin, Ukën dhe gjyshin Rrustë Rugova, që kishte qenë luftëtar i njohur kundër çetave çetnike që po depërtonin në Kosovë gjatë Luftës së Dytë Botërore.

Ibrahim Rugova shkollën fillore e kreu në Istog, të mesmen e kreu në Pejë, më 1967. Fakultetin Filozofik – Dega Gjuhë e Letërsi Shqipe e kreu në Prishtinë. Gjatë vitit akademik 1976-77 qëndroi në Paris, në Ecole Pratique des Hautes Etudes, nën mbikëqyrjen e Prof. Roland Barthes-it, ku ndoqi interesimet e veta shkencore në studimin e letërsisë, me përqendrim në teorinë letrare. Doktoroi në fushën e letërsisë në Universitetin e Prishtinës, më 1984. Në vitin 1996 Dr. Ibrahim Rugova u zgjodh anëtar korrespondent i Akademisë së Arteve dhe Shkencave të Kosovës. Në fillim ishte redaktor në gazetën e studentëve Bota e re dhe në revistën shkencore Dituria (1971-72), që botoheshin në Prishtinë. Një kohë punoi edhe në revistën Fjala. Mandej, për afro dy dekada, Dr. Ibrahim Rugova veprimtarinë e vet shkencore e zhvilloi në Institutin Albanologjik si hulumtues i letërsisë. Një kohë ka qenë kryeredaktor i revistës Gjurmime albanologjike të këtij Instituti. Me krijimtari letrare u mor që nga fillimi i viteve gjashtëdhjetë.

Dr. Ibrahim Rugova më 1988 u zgjodh kryetar i Shoqatës së Shkrimtarëve të Kosovës, që u bë bërthamë e fuqishme e lëvizjes shqiptare, e cila kundërshtoi sundimin komunist serb dhe jugosllav në Kosovë.

Si intelektual me nam që i jepte zë kësaj lëvizjeje intelektuale e politike Dr. Ibrahim Rugova u zgjodh, më 23 dhjetor 1989, nga themelimi kryetar i Lidhjes Demokratike të Kosovës, partisë së parë politike në Kosovë që sfidoi drejtpërdrejt regjimin komunist në fuqi. LDK, nën udhëheqjen e Dr. Ibrahim Rugovës, u bë shpejt forca politike prijëse në Kosovë, duke mbledhur shumicën e popullit rreth vetes. Në bashkëpunim me forcat e tjera politike shqiptare në Kosovë si dhe me Kuvendin e atëhershëm të Kosovës, Dr. Ibrahim Rugova dhe LDK-ja përmbyllën kornizën ligjore për institucionalizimin e pavarësisë së Kosovës. Deklarata e pavarësisë (2 korrik 1990), shpallja e Kosovës Republikë dhe miratimi i kushtetutës së saj (7 shtator 1990), referendumi popullor për pavarësinë dhe sovranitetin e Kosovës, mbajtur në fund të shtatorit 1991, qenë prelud për zgjedhjet e para shumëpartiake për Kuvendin e Kosovës, mbajtur më 24 maj 1992. Dr. Ibrahim Rugova u zgjodh President i Republikës së Kosovës. Dr. Ibrahim Rugova u rizgjodh President i Republikës së Kosovës në zgjedhjet e mbajtura në mars të vitit 1998. Nën udhëheqjen e Dr. Ibrahim Rugovës LDK-ja fitoi shumicën e votave në zgjedhjet e para lokale të sponsorizuara ndërkombëtarisht në Kosovën e pasluftës në tetor të vitit 2000 si dhe n zgjedhjet e para nacionale në vitin 2001 dhe në zgjedhjet e dyta lokale të vitit 2002. LDK fitoi edhe zgjedhjet e fundit nacionale më 2004.

Dr. Ibrahim Rugova u zgjodh President i Kosovës në mars të vitit 2002 dhe u rizgjodh edhe më 2004.

Dr. Ibrahim Rugova vdiq më 21 kallnor 2006 në Prishtinë dhe u varros në Bregun e Diellit me nderimet më të mëdha të popullit të Kosovës.

Në përvjetorin e vdekjes së Ibrahim Rugovës, më 21 janar 2007, Presidenti i Kosovës, Dr. Fatmir Sejdiu, dekoroi Presidentin historik të Kosovës me Urdhrin “Hero i Kosovës”, titulli më i lartë në vendin tonë që u jepet figurave historike shqiptare dhe të Kosovës që kanë bërë “vepra trimërie për lirinë dhe pavarësinë e Kosovës”.

Veprat

* Prekje lirike, Rilindja, Prishtinë, 1971,
* Kah teoria, Rilindja, Prishtinë, 1978,
* Bibliografia e kritikës letrare shqiptare 1944-1974, Instituti Albanologjik, Prishtinë, 1976 (së bashku me Isak Shemën),
* Kritika letrare (nga De Rada te Migjeni), Rilindja, Prishtinë, 1979 (së bashku me Sabri Hamitin),
* Strategjia e kuptimit, Rilindja, Prishtinë, 1980
* Vepra e Bogdanit 1675-1685, Rilindja, Prishtinë, 1982,
* Kahe dhe premisa të kritikës letrare shqiptare 1504-1983, Instituti Albanologjik, Prishtinë, 1986
* Refuzimi estetik, Rilindja, Prishtinë, 1987,
* Pavarësia dhe demokracia, Fjala, Prishtinë, 1991,
* Çështja e Kosovës, Dukagjini, Pejë, 1994,
* Kompleti i veprave të Ibrahim Rugovës në tetë vëllime, Sh.B. Faik Konica, Prishtinë, 2005

Çmimet dhe titujt ndërkombëtarë

* Më 1995, Dr. Ibrahim Rugovës iu dha Çmimi për paqe i Fondacionit Paul Litzer në Danimarkë.
* Më 1996, Dr. Ibrahim Rugova u shpall Doktor Nderi (Honoris Causa) i Universitetit të Parisit VIII, Sorbonë, Francë.
* Më 1998, Dr. Ibrahim Rugovës iu nda Çmimi Saharov i Parlamentit Evropian.
* Në vitin 1999, Dr. Rugova mori Çmimin për paqe i qytetit Mynster, Gjermani, ndërsa u shpall qytetar nderi i qyteteve italiane: Venedik, Milano dhe Breshia.
* Në vitin 2000, Dr. Ibrahim Rugova mori çmimin për paqe të Unionit Demokratik të Katalonisë “Manuel Carrasco i Formiguerra” në Barcelonë, Spanjë.
* Në vitin 2004 Dr. Ibrahim Rugova u nderua me Çmimin e Evropës, Senator Nderi nga Fondacioni panevropian Coudenhove-Kalergi.
* U nderua gjithashtu nga Komonuelthi i Pensilvanisë (SHBA), “Mik i Shteteve të Bashkuara të Amerikës”.
* Më 2004, Dr. Ibrahim Rugova u shpall Doktor Nderi (Honoris Causa) i Universitetit të Tiranës.
* Në vitin 2006 Persidenti i Shqipëris, Alfred Moisiu dekoroi Presidentin Dr. Ibrahim Rugova (post mortum) me çmimin “Urdhërin e Flamurit Kombëtar”

Simbolet e Kosovës të propozuara nga Presidenti Rugova

* Flamuri i Dardanisë
* Himni Kur ka ra kushtrimi n’Kosovë

[Guri i madh]

me kalimin e kohes veq po tregohen veprat kolosale te ndjerit RUGOVA


ishte nji personalitet shtetror edhe komtar i perkryer ter boten e kthej nga ne


ter kta miq qe na perkrahen per debimin e shavit nga Kosova esht si rezulltat i diplomacis RUGOVJANE

[Guri i madh]

Rifat Berisha- gjall e kam Rugoven