Barcelona

[LaCoStA]

Postimi origjinal është bërë nga Bajlozi i Zi

LaCosta,

Ni past ba vaki najsen barcelones qaty ne superkupë, ma mir mos um kallxoni

Barca e pandalshme


Barcelona e ka regjistruar fitoren e radhës në Primera Divisionin spanjoll. Viktimë e kësaj jave ishte Getafe që pësoi me rezultat 1-4 para tifozëve të vet.

Mysafirët e filluan ndeshjen me një formacion, ku mungonin disa nga lojtarët kryesorë, ndërsa mungesa që binte më së shumti në sy, ishte numri dhjetë.

Gjatë një gjysme të parë jo edhe aq dominuese, Blaugranët arritën të shënojnë vetëm një herë.



Cesc Fabregas e kreu gjithë punën para se të pasonte te Adriano, ndërsa mbrojtësi i krahut shënoi për epërsinë e mysafirëve (32’).

Pas një ore lojë, në fushë u inkuadrua Lionel Messi. Argjentinasi shënoi golin e dytë të katalunasve nga pika e bardhë (74’), pasi paraprakisht Pedro u ndal në mënyrë të palejuar në zonë.



Vetëm pas katër minutash, SuperMessi realizoi edhe golin e dytë personal falë një aksioni të bashkëlojtarëve të tij. Asistimi ishte i Montoyas.

Një autogol i shënuar nga Javier Mascherano (80’), mjaftoi për t’i ngushëlluar paksa tifozët vendas.



David Villa, i cili u inkuadrua në pesëmbëdhjetë minutat e fundit, arriti të regjistrohej në listën e golashënuesve (90’+1) dhe ta vendoste rezultatin përfundimtar.

Barcelona kryeson Kampionatin spanjoll me 12 pikë pas katër javësh.

[LaCoStA]

Puyol mungon gjashtë javë?



Barcelona ka marrë një goditje të rëndë pas njoftimeve se kapiteni Carles Puyol ka pësuar një lëndim më serioz nga sa është menduar në sfidën ndaj Getafes.

Barcelona e shkatëroi Getafen në Madrid dhe në pjesën e dytë u lëndua Carles Puyol, i cili u detyrua të largohej nga loja.

Besohet se Puyol ka ndrdhur nyjen e këmbës së majtë dhe pritet të jetë jashtë aksionit nga katër deri në gjashtë javë sipas raportimeve të para nga mediat spanjolle.

[LaCoStA]

Ronaldo: Messi ‘pak’ më i mirë se CR7



Sulmuesi legjendar, Luiz Ronaldo, beson se ylli i Barcelonës, Lionel Messi, është ‘pak’ më i mirë se sa sulmuesi i Real Madridit, Cristiano Ronaldo, për shkak se argjentinasi është më kreativ.

“Për mendimin tim, Messi është pak më i mirë e sa Cristiano Ronaldo. Unë preferoj Messin, për shkak se është lojtar që na fascinon më shumë, përkundër faktit se është nga Argjentina dhe dihet rivaliteti mes nesh”.

“Sidoqoftë, unë i admiroj që të dy. Neymar? Ai ka edhe një fazë për të kaluar, që të luajë në Europë dhe që të triumfojë në Europë”, ka deklaruar Ronaldo (origjinali) për CNN.

[LaCoStA]

Pasardhësi i Pintos te Barcelona



Portieri holandez i Newcastle United, Tim Krul shumë shpejtë pritet të jetë portieri i ri i Barcelonës. Krul është shenjëstruar nga Barcelona si kandidati kryesor për ta zëvëndësuar veteranin Pinto i cili pritet të pensionohet pas këtij edicioni.

Krul pritet të vije në Barcelon si portier i dytë, por gjasat janë që ai ti zë vendin edhe Victor Valdes, pasi që bëhet fjalë për një portier të jashtëzakonshëm ndërsa Valdes ka humbur atë sigurinë e tij

[LaCoStA]

A e dini se...Messi ka gola më shumë se Real Madridi



Diferenca prej 8 pikësh nuk është shqetësimi i vetëm për Real Madridin në këtë fillim të edicionit. Reali i cili në edicionin e kaluar njihej si makineri e golave, sivjet nuk është kërka, duka shënuar vetëm 5 gola nga 4 ndeshjet e para, duke pranuar edhe katër gola.
Duket paksa absurde por statistikat tregojnë se Lionel Messi ka më shumë gola se sa krejt Real Madridin në këtë edicion. Messi ka 6 gola në La Liga, ndërsa skuadra e Realit ka shënuar vetëm 5.

Barça në La Liga 2012/13
Barça, 5 - Real Sociedad, 1 (Puyol, Messi (2), Pedro, Villa / Gonzalo)
Osasuna, 1 - Barça, 2 (Llorente / Messi (2))
Barça, 1 - Valencia, 0 (Adriano)
Getafe, 1 - Barça, 4 (Mascherano (pp) / Adriano, Messi (2), Villa)

Real Madrid në La Liga 2012/13
Madrid, 1 - Valencia, 1 (Higuaín / Jonás)
Getafe, 2 - Madrid, 1 (Higuaín / Valera, Abdelaizi)
Madrid, 3 - Granada, 0 (Cristiano Ronaldo (2), Higuaín)
Sevilla, 1 - Madrid, 0 (Trochowski)

[LaCoStA]

Barca e Vilanovës, më e mira në histori!




Nëse Pep Guardiola njihet si një nga trajnerët më të mirë në botë viteve të fundit me suksesin e tij te Barcelona, këtë rrugë po e ndjek edhe Tito Vilanova.

Kështu tregojnë statistikat, sipas të cilave Vilanova bëhet trajneri i tretë që në 20 vitet e fundit arrin të fitoj 4 lojërat e para me Barcelonën. Këtë e kishte arritur Van Gaal në edicionin 1997-98, ndërsa edhe Guardiola në edicionin 2009-2010.

Por se Barcelona e Vilanovës po llogaritet si një nga më të famshmet është dallimi me Real Madridin, pasi që përveç 4 fitoreve, Vilanova krenohet për dallimin në pikë që ka me Real Madridin, diferencë të cilën në vitet e fundit askusht nuk e ka arritur te Barcelona brenda kaq pak javësh.

Vilanova mburret edhe me një fakt tjetër pasi që në skuadrën e tij kanë luajtur pothuajse dy ekipe në përbërjen e parë duke angazhuar plot futbollist në fushë.

[LaCoStA]

Busquets: Nuk e kam menduar gjithë këtë sukses



Sergio Busquets thotë se suksesi i tij me Barcelonën e ka befasuar atë, pasi ai kurrë nuk ka pritur të jetë një lojtar kyç te klubi ose të fitojë kaq shumë trofe me të.

“Gjithçka ka kaluar aq shpejtë dhe e vërteta është se kurrë nuk kam menduar se do të fitoj kaq shumë trofe”.

“Jam shumë i kënaqur. Roli im ka qenë i rëndësishëm, kam luajtur shumë, dhe kurrë nuk e kam menduar këtë. Shpresoj të kem edhe shumë vite me Barcën dhe të fitoj edhe më shumë tituj”, ka thënë Busquets.

[LaCoStA]

Sezoni i kaluar nuk ishte dështim për Barcën, thotë Messi



Sezoni i kaluar ishte i suksesshëm për Barcelonën, përkundër dështimit në Ligën e Kampionëve dhe në La Liga. Kështu mendon lojtari kryesor i skuadrës, Lionel Messi.

Blaugranët fituan Superkupën, Kupën e Botës për Klube dhe Kupën e Mbretit, por nuk ishin të suksesshëm në dy garat kryesore – La Ligan që e fitoi Real Madridi dhe Ligën e Kampionëve, ku u eliminuan në gjysmëfinale nga më pas fituesi, Chelsea.

“Ishim me fat që fituam Superkupën, Kupën e Botës për Klube dhe Kupën e Mbretit. Këto janë gara të rëndësishme. Nuk e fituam Ligën e Kampionëve dhe La Ligan, siç prisnin njerëzit dhe siç kemi bërë në të kaluarën”.

“Në Ligën e Kampionëve ishim shumë pranë. Eliminimi nga Chelsea ishte shumë i përafërt dhe unë huqa një penalti ndaj tyre”.

“Këtë vit jemi të gatshëm që të përpiqemi përsëri (ta fitojmë Ligën e Kampionëve). Nuk mendoj se ka grupe të lehta në Ligën e Kampionëve, mendoj se të gjithë kundërshtarët janë të komplikuar”, ka thënë argjentinasi për Uefa.com.

[LaCoStA]

Iniesta shënjestron trofeun e LK



Mesfushori i Barcelonës, Andres Iniesta, ia ka vënë syrin trofeut të Ligës së Kampionëve këtë edicion.

Spanjolli e ka fituar tri herë trofeun prestigjioz me fanellën blaugrane, por në sezonin e kaluar u eliminua nga Chelsea në gjysmëfinale.

Wembley (stadiumi ku do të mbahet finalja këtë sezon) ka qenë nikoqir i dy nga katër finalet që i kanë fituar katalunasit në Ligën e Kampionëve, ndërsa Iniesta ëndërron një tjetër triumf në atë stadium.

“Është një vend, një stadium që është i rëndësishëm për Barcelonën në këtë rast, për shkak të trofeve të Ligës së Kampionëve që i kemi fituar atje. Prandaj mendja jonë është fokusuar aty, megjithatë kemi një rrugë shumë të gjatë përpara nesh”, ka theksuar 28-vjeçari për Uefa.com.

[LaCoStA]

Përjetësohet’ Lionel Messi


Superylli argjentinas, Lionel Messi, është përjetësuar në një statujë prej dylli, e cila është prezantuar në stadiumin Wembley.

Numri dhjetë i Barcelonës ishte i jashtëzakonshëm në finalen e vitit 2011 të Ligës së Kampionëve kundër Manchester Unitedit (që u zhvillua pikërisht në Wembley).



Figura prej dylli e 25-vjeçarit është ndërtuar për katër muaj dhe ka kushtuar rreth 190.000 euro.
Statuja do të shfaqet për publikun në muzeun Madame Tussauds nga 23 shtatori.

[LaCoStA]

Messi dëbon rusët nga Camp Nou


Barcelona ka arritur të shënojë fitore me vështirësi të mëdha ndaj rusëve të Spartak Moskës në Camp Nou, sfidë të cilën Blaugranët e përfunduan në të mirë të tyre me rezultat 3:2.

Që në fillim të takimit Blaugranët u goditën rëndë kur mbrojtësi Gerard Pique u lëndua, i cili u zëvëndësua nga Alex Song.

Kjo do të ndikonte në vazhdim të takimit, përkundër faktit se Cristian Tello e kaloi Barcelonën në epërsi (14’).

Pas një harkimi të rrezikshëm në zonë në mënyrë amatoreske Daniel Alves nuk arriti të largojë topin vetëm për ta dërguar në rrjetën e portierit Victor Valdes, i cili nuk ishte me mend në lojë gjatë kësaj situate, duke bërë që rezultati pas minutës së 29-të të jetë i barabartë, 1:1.

Me këtë rezultat përfundoi dhe pjesa e parë, ndërsa në pjesën e dytë Barcelona u shokua.

Skuadra e Unai Emeryt që njeh mirë Barcelonën kaloi në epërsi në minutën e 58-të me anë të Romulos, duke heshtur të pranishmit në Camp Nou, ishte 1:2 për rusët dhe pak kush i besoi këtij rezultati.



Sidoqoftë, më pas u shfaq në skenë futbollisti më i mirë në planet. Pasi në lojë hyri Sanchez, rrezikshmëria e Barcelonës u rrit ndjeshëm.

Lionel Messi barazoi rezultatin (71’) pas asistimit të Tellos për të barazuar rezultati në 2-2, ndërsa fitoren Barcës ia siguroi pikërisht argjentinasi, i cili shënoi për 3-2 dhe fitoren ndaj Spartakut.

Celticu dhe Benfica barazua pa gola në Celtic Park.

Pas ndeshjeve të para në Grupin G, Barcelona është lidere me tri pikë, teksa Celtic dhe Benfica ndajnë vendin e dytë dhe të tretë me nga një pikë. Spartaku është pa pikë.

[LaCoStA]

Messi: Fitorja nuk ishte e lehtë



Futbollisti më i mirë në botë, Lionel Messi, ka lëvduar Spartakun e Moskës për paraqitjen në fitoren e Barcelonës prej 3-2 në Camp Nou, duke thënë se fitorja u arrit me vështirë se sa katalanasit kanë menduar.

“Nuk është e lehtë të fitosh një ndeshje të tillë, kur ekipi kundërshtar ka epërsinë dhe mbrohet thellë”.

“Ata kanë sulmues shumë të shpejt dhe luajnë mirë në kundërsulme”, ka thënë Messi pas ndeshjes.

[LaCoStA]

Vilanova: Lojtarët reaguan mirë



Trajneri i Barcelonës, Tito Vilanova ka shprehur kënaqësinë pas fitores 3-2 ndaj Spartak Moskës në Ligën e Kampionëve gjatë të mërkurës, por ka thënë se ata nuk ishin as afër formës më të mirë.

“Performansa ishte e mirë, por jo më e mira. Ne luajtëm mirë, duke e hapur fushën. Gjëja më e mirë ishte reagimi i lojtarëve”.

“Është një ndjenjë e mirë pasi është e rëndësishme të fillohet me fitore. Ata ishte e vështirë t’i hapësh dhe na i bënë gjërat vështirë për ne me disa kundërsulme”.

“Ne kishim shumë shanse. Ekipet aplikojnë këtë lloj qasje vetëm kur luajnë ndaj nesh”, ka thënë Vilanova.

[LaCoStA]

Çfarë Barce e çmendur, ja çka i bëri Sevillës



Kjo Barcelonë po çmend adhuruesit e saj dhe të futbollit në përgjithësi. Skuadra e Tito Vilanovës e ka bërë atë që askush nuk e priti në këtë takim duke fituar ndeshjen edhepse ishte në disavantazh prej 2 golash në shumicën e lojës.



Sevilla shënoi golin e parë në minutën e 26 me anë të Trochowskit. Negredo ngriti epërsin në 2 me 0 në fillim të pjesës së dytë. Barca kthehet në lojë me golin e Fabregas në minutën e 53. Dhjetë minutat e fundit të ndeshjes ishin tejet dramtike.

Medel ndëshkohet me karton të kuq në minutën e 72 pasi që Medel goditi me kokë Fabregasin.

Fabregas barazoi rezultatin në minutën e 90 të ndeshjes. Për super fitoren e Barcelonës realizoi David Villa në minutat e fundit të lojës shtesë.

Barca mbete me bilanc të qind për qind nga 6 ndeshjet e para në La Liga

[LaCoStA]

Barca kthehet me “Manita” nga Madridi



Barcelona e udhëhequr nga jashtëtokësori Lionel Messi, ka arritur një fitore të thellë në udhëtim te Rayo Vallecano duke fituar 5 me 0.

Barca arriti që të demoloi skuadrën nga Madridi duke siguruar epërsin e parë në minutën e 20 me golin e David Villas.
Leo Messo shënoi për 2 me 0 në minutën e 47 të ndeshjes. Për 3 me 0 Xavi realizoi në minutën e 78.

Radha për gola i erdhi Fabregasit i cili shënon në minutën e 80 për 4 me 0. Më i miri i botës, Lionel Messi realizoi për 5 me 0 në minutën e 89 të ndeshjes.

Barca mbetet lidere në La Liga me 25 pikë të tubuara.