Shtetet e Bashkuara të Amerikës

[uliksi31]

Postimi origjinal është bërë nga BE LK

O Uliks, te kemi korospondent persmari bre, trujt zoti !

Mire, mire pom punon copy & paste.

[uliksi31]

Rice kandidate për zv.presidente nga radhët e republikanëve

25/07/2008

Nga Beqir Sina/New York
Disa ditë me rradhe disa nga mediat më prestigjoze në SHBA, spekuluan me emrin e sekretares Amerikane, Condoleezza Rice për postin e zëvendës presidentes.
Ato e komentuan këtë fakt, sikur republikanët janë duke udhëhequr një strategji të veçantë, me sekretaren Rice. Dhe ndoshta ajo mund t'i bashkohet tiketës - John McCain - Rice.
Analistët në Amerikë vlerësojnë se këto pohime janë vetëm spekulime me kalkulimet që mundohen të bëjnë gazetarët, por ndoshta edhe vetë dy kandididatët me takitikat e testimit, për të zgjedhur dy z/vendësit e tyre, në garën për Presidentin e ardhshëm të Shtetetve të Bashkuara të Amerikës.
Zgjedhjet siç dihet mbahen në javën e parë të muajit nëntor, ditën e mart, sipas kushtetutës amerikane. Mirëpo, ka një rregull partiak, i cili vendos për çdo kandidat për president të shpallë zyrtarisht z/vendësin e tij vetëm pasi konventa (kongresi) i partisë qoftë republikan apo demokratë, të ketë miratuar kandidatin zyrtar për president nga rradhët e partisë së tij. Zëvedësi i tij zgjidhet jo nga partia, por nga ai vetë.
Të dyja konventat do të mbahen nga mesi i muajit të ardhshëm - në intervale kohe të shkurtër mes njeri tjetrit.
Për sa e përket lakimit të emrit të Sekretares Amerikane të Shtetit Condoleezza Rice, kandidati republikan, senatori i Arizonës, veterani i luftës në Vietnam John McCain, pohoi në një një bised televizive në programin e së dielës, në rrjetin e madh televizivë NBC, se Rice e ka të "hapur rrugën" për një tiket, për të qënë numri 2 i republikanëve në këtë fushat, për zgjedhjen e presidentit të SHBA.
" E mirëpresë çdo sinjal nga Rice” tha McCain duke theksuar se “ajo është një amerikane e madhe". McCain, tha se për Rice mendon atë më të mirën, pikërishtë atë që e mendojnë edhe milona amerikanë, pse jo edhe njërëz rreth e qark botës, për rolin dhe punën e saj gjatë këtyre vjetëve sa ajo shërbeu si Sekretare Amerikane e Shtetit.
Ndërkaq, zëdhënësi i Departamentit të Shtetit, Sean McCormack, nuk pranoi të komentojë spekulimet, të atilla se shefja e tij ka "ndonjë plan të këtillë", ose që ajo të ketë shprehur ndonje ide rreth kësaj pune.
Megjithatë, tha zëdhënësi McCormack, zonjushës Rice, tash i mbetet deri në përfundim të mandatit të kryej në postin që mban edhe disa detyra të tjera. Deri sa ajo ndoshta - do të shpallë edhe zyrtarishtë këtë ambicje. Ajo këto ditë duhet të shkojë me punë në perendim të SHBA-së, në Misisipi dhe Stamford", tha McCormack.

Kush është Sekretarja Amerikane e Shetit Condoleezza Rice?

Condoleezza Rice, kandidatja aktualisht mban detyrën e Sekretares Amerikane të Shtetit, që pas largimit nga ky post të Sekretarit të Shettit Colin Powell.
Condoleezza Rice, ose Kondi, siç i referohet presidenti Bush, ka shërbyer si këshilltare e presidentit për Sigurimin Kombëtar, që kur Gerge W. Bush erdhi në Shtëpinë e Bardhë në janar 2001. Ajo është këshilltarja më e besuar e presidentit për politikën e jashtme, gjë që e theksoi edhe kur e propozoi si Sekretare të Shtetit në nëntor të vitit 2004.
Ajo lindi dhe u rrit në Birmingam të Alabamës, gjatë periudhës kur jugu i Shteteve të Bashkuara zbatonte politikat e ndarjes raciale. Fillimisht ajo dëshironte të bëhej pianiste, por më pas i lindi interesi për politikën e jashtme dhe mori edhe doktoratën në këtë fushë. Ajo ka dhënë mësim në Universitetin Stanford, si dhe ka shërbyer si Shefe e Zyrës së Financave të këtij universiteti. Përveç anglishtes, zonja Rais flet rusisht, frëngjisht dhe gjuhën spanjole.
Rice është një pianiste e zonja, amatore e patinazhit artistik dhe tifoze e zjarrtë e futbollit amerikan.

[uliksi31]

65 vjeçari Bajdën, kandidati demokrat për nën president


Zëri i Amerikës
23-08-2008



Senatori Barak Obama emëroisenatorin Xhozef Bajdën për kandidat për nën president, me objektivin që të forcojë kandidaturën e tij në fushën e politikës së jashtme, ku kundërshtari e ka sulmuar vazhdimisht si kandidat pa përvojë. Senatori Obama, një emër i ri në politikën amerikane hyri në histori duke u bërë kandiadati i parë afrikano-amerikan i njërës nga partitë kryesore për president.
Por ai është ndeshur me kritika të shumta nga kundërshtari i tij republikan, senatori Xhon Mekejn se nuk ka përvojë në sigurinë kombëtare dhe për propozimin e tij për tërhjeqje nga Iraku brenda 16 muajsh.
Duke zgjedhur zotin Bajden si kandidati për nën president, shumë qartë ka për qëllim t'u përgjigjet këtyre kritikave.
Për gati 30 vjet në Senatin amerikan, senatori Bajdën ka shërbyer në poste të larta jo vetëm si kryesues i komisionit për Mardhënie me Jashtë por edhe si kryesues i komisionit të drejtësisë. 65 vjeçari Bajdën gëzon mbështetje në radhët e votuesve të klasës punëtore, një tjetër pikë e dobët e senatorit Obama.
Senatori Bajdën është i besimit katolik dhe vjen nga një familje punëtore me prirje liberale dhe ka kandiduar dy herë për postin e Presidentit.
Në komisionin për Mardhënie me Jashtë, senatori Bajdën ka qenë vazhdimisht aktiv edhe në politikën ballkanike. Ai ishte deklaruar hapur për pavarësinë e Kosovës dhe njihej si një kritik i administratës amerikane se nuk po tregohej sa duhej aktive në këtë drejtim.
Në dëshmitë në Senat ai shpesh përmend faktin se djali i tij Bo kishte shërbyer në Kosovë dhe se ai ishte shumë krenar për këtë fakt.
Fushata e Senatorit Obama e njoftoi vendimin e tij në faqen e internetit dhe me anë të një tekst mesazhi përmes telefonave celularë pak orë pasi media kishte filluar të spekulohente për Senatorin Bajden si kandidat. Kjo e detyroi fushatën të dërgojë mesazhin shumë shpejt dhe shumë njerëz që ishin regjistruar për mesazhe përmes celularit, e morën këtë lajm në orën tre të mëngjesit.
Sot të dy Senatorët marrin pjesë në një miting fushate në qytetin Springfield të shtetit Illinois, mitingu i parë të dy kandidatëve para Kuvendit të Partisë Demokrate i cili fillon të hënën në Denver të Kolorados

[uliksi31]

SHBA: Kandidatët për president sfidojnë aftësitë e njëri-tjetrit për të sjellë ndryshime në Amerikë

Jim Malone

Zëri i Amerikes, Shën Pol - Minesota
07-09-2008


Kuvendit Kombëtar të republikanëve nuk i munguan sulmet ndaj kandidatit presidencial të demokratëve Barak Obama. Po ashtu gjatë punimeve u bënë të qarta strategjitë që do të ndjekin republikanët gjatë fushatës zgjedhore në ditët e ardhshme. Korrespondenti i Zërit të Ametrikës Xhim Malone njofton nga Shën Poli i Minesotës.

Gjatë Kuvendit të Partisë Republikane, tre njerëz ishin në qendër të vëmendjes, i emëruari i Partisë për president, Xhon Mekein, kandidatja e tij për nënpresidente, Sarah Pejlin dhe rivali politik i zotit Mekein, Barak Obama.

Ish anëtari i Kongresit nga Teksasi dhe ish udhëheqësi i republikanëve në Dhomën e Përfaqësuesve, Tom Delay, thotë se pati një arsye për të gjitha sulmet në Kuvend ndaj Barak Obamës.

"Zoti Mekein duhet ta përkufizojë zotin Obama për atë që ai përfaqëson, një socialist radikal. Vetëm në se ai e bën një gjë të tillë, mendoj se ai do të ketë mundësinë t'i fitojë zgjedhjet".

Folësit republikanë në kuvend e kritikuan senatorin 47-vjeçar Barak Obama, për atë që ata besojnë se është mungesa e eksperiencës, krahasuar me zotin Mekein, i cili shërben në Kongres që nga viti 1982. Folësit, po ashtu e portretizuan zotin Obama, si një nga demokratët më liberalë në Senat.

Republikanët po ashtu shpresojnë, që edhe komentatorët konservatorë të medias, si Mike Gallagher, do të trumpetojnë kundërshtimin ndaj Obamës në emisonet e tyre.

"Unë besoj me të vërtetë, se nuk do të jetë aspak mirë për vendin tonë, në se ai zgjidhet president i SHBA-së. Mendoj se republikanët duhet ta ngrenë zërin kundër Barak Obamën, ndërsa nxjerrin në pah konsevatorizimin e Xhon Mekeinit".

Shumë nga delegatët në kuvendin e republikanëve fishkëllenin, sa herë që përmendej emri i Barak Obamës në fjalimet e ndryshme. Disa nga delegatët, megjithatë, patën një ton më të moderuar kur bënin bilancin e ndryshimeve të tyre me senatorin e Ilinoit. Gale Sayers është delegate republikane e Teksasit.

"Natyrisht, që mua ai më pëlqen si njeri. Por, si republikanë dhe konservatorë, ne e dimë, se ndryshimet mes nesh janë tepër, tepër të qarta. Nuk ka asnjë dyshim lidhur me këtë".

Sigurisht, që pati një numër të vogël demokratësh, të cilët morën pjesë në kuvendin e republikanëve dhe të cilët e kundështuan retorikën anti-Obama. Njëri prej tyre, që u shfaq në kuvend, ishte Kryetari i Bashkisë i qytetit pranë, Mineapolis, demokrati R.T. Rybak.

"Unë ndjehem shumë më mirë kur përmendet Barak Obama, sepse ai e ka frymëzuar mbarë vendin tonë. Ajo që mund të bëjnë republikanët, janë vetëm sulmet, ata nuk mundet të frymëzojnë më askënd. Pra, në se ata duan të bëjnë gjithshka negative që kanë në dorë ta bëjnë, kjo s'ka problem. Ne kemi një kandidat fenomenal, Barak Obamën dhe ai ka për të qenë presidenti i ardhshëm i Amerikës".

Analistët politikë, të cilët morën pjesë në kuvendin e republikanëve, thonë se ekziston një llogjikë në strategjinë e republikanëve, për ta bërë Barak Obamën një çështje kryesore të fushatës. Norman Ormstein është ekspert në Institutin Amerikan Enterprise, në Washington.

"Kemi të bëjmë me zgjedhje, kur njerëzit kërkojnë ndryshim dhe ata i identifikojnë demokratët si partia e ndryshimeve. Por Barak Obama në zgjedhjet e këtij viti, ashtu sikurse Ronald Regan në ato të 1980, duhet të kapërcejnë pengesën e të pranuarit nga njerëzit, që ata të ndjehen mirë me një president si ai".

Norman Omstein dhe analistë të tjerë thonë se Barak Obama do ta fitojë garën presidenciale, ndoshta me një diferencë të ngushtë votash, kryesisht sepse votuesit duken këtë vit më tepër të shqetësuar për çështjet ekonomike.

Eksperti nga Washingtoni Stuart Rothenberg thotë se faza tjetër e rëndësishme në zgjedhjet presidenciale do të jetë kur kandidatët të marrin pjesë në debatet e transmetuara me televizion.

"Tani gara presidenciale duket se do të jetë tepër e ngushtë. Duket sikur ajo do të varet nga votat e Ohajos, Kolorados, Virxhinias dhe Miçiganit, si dhe një numër i vogël shtetesh të tjera, pavaresisht nga vota popullore. Prandaj, një moment hezitimi në një kohë tepër kritike, kur sytë e të gjithë botës janë drejtuar këtu, mund të jetë vendimtar".

Në peridhën nga fundi i shtatorit deri në mesin e tetorit, do të zhvillohen tre debate presidenciale dhe një tjetër mes dy kandidatëve për nënpresident.

[Dilaver]

Interes i dyanshëm

Prishtinë, 19 shtator - Ambasadori i Shteteve të Bashkuara të Amerikës në Podgoricë, Roderick Moore ka thënë se interesat e Amerikës dhe të Mali të Zi përputhen në lidhje me njohjen e Kosovës, sepse që të dyja vendet janë të interesuara për ruajtjen e stabilitetit të rajonit.
Diplomati amerikan ka thënë se pothuajse pesëdhjetë vende e kanë e njohur deri më tash Kosovën, dhe ka hedhur poshtë pohimet e një pjese të opozitës malazeze se duke lavdëruar Qeverinë e Malit të Zi po e shtynë atë drejt njohjes së pavarësisë së Kosovës.
“Disa çështjen e njohjes së Kosovës nga ana e Malit të Zi e kanë komentuar si çështje amerikane, ndërsa ato pohime gjithmonë i kam hedhur poshtë si të pasakta”, ka theksuar Ambasadori Moore.
Ai ka thënë se e “bën të lumtur” fakti që Ambasada amerikane ka një bashkëpunim të shkëlqyer me Qeverinë dhe me autoritetet në Podgoricë, si dhe me përfaqësuesit e të gjitha partive parlamentare. Moore ka vlerësuar se edhe rrjedhat demokratike, për të cilat informohet nëpërmjet mediave, ka kontribuar që të merret vendimi edhe për njohjen e Kosovës.
Pyetjes se çfarë qëndrim të Malit të Zi pret, Moore është përgjigjur se mendimin e vet e ka bërë të ditur më herët në disa raste, ndaj për këtë nuk dëshiron më që të shprehet.

[uliksi31]

Roderick Moor përsëri për pranimin e shtetit të Kosovës

Koha për braktisjen e iluzioneve

Tri herë për dy javët e fundit, ambasadori i SHBA -së në Mal të Zi, Roderick Moor, e cek në opinionin malazez rëndësinë e pranimit të pavarësisë së Kosovës nga Mali i Zi dhe vendet e tjera të rajonit. Herën e fundit ishte kjo me 9 shtator, kur ai foli edhe për perspektivat e Malit të Zi lidhur me anëtarësinë në NATO.

Kosova - rast sui generis

I lutur nga gazetarët që ta shpjegojë dallimin mes rastit të Kosovës në një anë dhe Abhazisë dhe Osetisë në anën tjetër, Moor ka thënë se këtu ekziston një dallim i madh politik si dhe dallimi në situatë dhe ka hyrë në shtjellimin juridik dhe politik të arsyeve për të cilat Kosova është rast sui generis.
Për ne si qytetarë, është më me rëndësi edhe një kategori tjetër e arsyeve e cila nuk mund të futet në kategori racionale juridike dhe politike. Cilat janë, pra, këto kategori? Këto i takojnë korpusit të fakteve se je pjesë civilizuese dhe kulturologjike e Europës dhe se duhet të mbetesh në Europë. Sepse, gati kemi pasë rrëshqitur jashtë këtij kontinenti.
Si mund të krahasohen Kosova në një anë dhe Abhazia dhe Osetia në anën tjetër? Kurrsesi! Kosova (Dardania) - gjithmonë ka qenë në zemrën e civilizimit europian. Por, edhe në momente të vështira kur është dukur se më nuk ka kthim në shtëpi, ka qenë ndonjë forcë metafizike e cila na ka mbajtur afër këtij kontinenti. E sa i përket emrit të Dardanisë, shumë shpejt do të vijë koha kur do të realizohet ëndrra e presidentit Ibrahim Rugova që Kosova t’i kthehet emrit të saj të natyrshëm, sepse, emri është një nga shenjat e jashtme të identitetit.

Mali i Zi në NATO

E lidhur me këtë çështje të pranimit të pavarësisë së Kosovës nga Mali i Zi, është edhe një çështje tjetër - hyrja e vendeve të rajonit në NATO. Roderick Moor ka deklaruar se "SHBA i merr për seriozisht deklaratat e përfaquesve të pushtetit malazias se NATO është qëllimi strategjik i vendit". Ai tha se "Mali i Zi është realisht kandidat potencial për anëtarësi në Aleancë kur t’i përmbushë kushtet për këtë". Por, njëkohësisht, si ka thënë, Moor, faktori kryesor është mbështetja publike që duhet të jetë kriter i rëndësishëm lidhur me çështjen se a duhet ose jo të hyjë Mali i Zi në NATO. "NATO nuk dëshiron që të pranojë anëtarë që nuk kanë përkushtim të mjaftueshëm ndaj kësaj ideje, sepse, si ka thënë ai, NATO është jo vetëm aleancë ushtarake, por, edhe, bashkësi e vendeve demokratike.
Sipas sondazheve të opinionit publik, mbi 30% e popullatës e përkrah këtë ide. Mirëpo, nuk është kjo ajo që brengos. Me lobim të mirë në opinion dhe shtjellimin e arsyeshëm të përparësive që i sjell hyrja në NATO, mund të përfitohen jo vetëm ata që janë të luhatshëm por, edhe kundërshtarët e tashëm të kësaj ideje. Brengos diçka tjetër.
Mali i Zi duhet të vendosë mes sentimentalitetit rusofil dhe iluzionit se Rusia është miku tradicional, në një anë dhe realitetit, në anën tjetër. Nëse të gjitha vendet e Ballkanit vendosin të orientohen kah NATO, a mund të mbetet Mali i Zi jashtë? Është e qartë se te faktorët politikë malazez me orientim proevropian, ekziston disponimi për të hyrë në NATO, mirëpo, si të shpjegohet kjo dëshirë dhe hezitimi për ta njohur pavarësinë e Kosovës. Është e qartë se nëse do të hysh në NATO, duhet t’i respektosh disa rregulla, e njëra është edhe politika e jashtme përbashkët e Aleancës. Imperativi që të njihet sa më parë pavarësia shtetrore e Republikës së Kosovës nga fqinjët, është pjesë e këtij orientimi strategjik të NATO- s.

Shqiptarët në NATO

NATO është caku i natyrshëm i shqiptarëve. Që nga viti 1917 kur SHBA - ja e braktisi politikën e vet të izolimit nga ngjarjet botërore, shqiptarët kanë fituar një aleat dhe mik të sigurt. Para pak vitesh, Madeleine Albright, ish sekretarja amerikane, ka deklaruar me rastin e vizitës në Tiranë, se shqiptarët janë partneri kyç gjeostrategjik i SHBA-së në Ballkan. Ky është lajm i mirë sepse popujt e vegjël nuk mund të mbijetojnë në skenën ndërkombëtare pa aleatë të fortë. Kësaj here, Historia ka qenë e mëshirshme ndaj nesh. Më në fund, synimet e lirisë së kombit tonë janë përputhur me interesat gjeostrategjike të fuqisë më të rëndësishme në botën bashkëkohore, e cila, njëkohësisht, është e bazuar mbi idetë e lirisë dhe demokracisë qytetare.

Xhoana M.Perkaj

[uliksi31]

Shqiptarët e amerikës festuan me moton : "Pavarësia e Kosovës - dhe Shqipëria në NATO"
postuar: 21.09.2008

BEQIR SINA, New York

Nju Jork: Visner dhe Engel nderohen me çmimin “Duart e Shpresës”

MIDTOWN - MANHHATAN NY: Ishte kjo një festë e përvjetëshme që këtë vit iu dedikua Pavarësis së Kosovës - dhe marrjes së ftesës së Shqipëris për në NATO. Darka, u zhvillua mbrëmë, në lokalin “Cipriani” në Nju Jork. Rreth 400 pjesmarrësve, morën pjesë në darkën e 12- të, vjetore, nga Këshilli Kombëtar Shqiptaro-Amerikan(KKSHA). Në kuadër të darkës vjetore, u folë edhe për 100 vjetorin e lindjes së personalitetit të kombit, fesë dhe letërsisë shqiptare, Fan Stilian Noli.
Në darkë u ndanë edhe çmimet Duart e Shpresës, dhe çmimi për Arritje Jetësore, të cilat janë edhe vlersimet më larta që Këshilli Kombëtar Shqiptaro Amerikan(KKSHA), u jep për çdo vit, atyre personaliteteve, që janë të dalluar më së shumti për kontribute në të mirë të kombit shqiptar. Me këtë çmim janë nderuar në të kaluarën personalitete mjaft të njohura, amerikane e shqiptare, përfshirë edhe ish presidentin Bill Clinton, ish sekretarja e Shtetit Madelin Albright, ish sekretari i Shtetit James Baker, senatori Bob Bole, Gjenerali Wesely Clark, James Rubin, Soren Jesen Petersen, aktivistja për të drejtat e njeriut Bjanka Xheger dhe personalitetet e shquara shqiptaro-amerikane: Anthony Athanas, Xhim Xhema, Elez Biberaj, Ilir Zherka, Bruno Selimaj, Pjetër Kola e Harry Bajraktari.
Në mbrëmjen madhështore, më 19 shtator ishin të pranishëm edhe disa prej personaliteteve më të njohura shqiptaro-amerikane, dhe të ftuar si mysafirë special nga Shqipëria, Kosova dhe Maqedonia. Këtë vit KKSHA, ja, e organizojë këtë darkë, të nderojë me çmimin “Duart e Shpresës”, diplomatin e njohur amerikan, ambasadorin Frank Visner, ish i dërguari i posaçëm i SHBA-së për zgjedhjen e çështjes së Kosovës dhe mikun e madh të shqiptarëve dhe të Kosovës, kongresistin Eliot Engel, bashkëkryetar i Komisionit për çështje Shqiptare në Kongres, me çmimin për Arritjet Jetësore.

Darkën vjetore të Këshillit Kombëtar Shqiptaro-Amerikan, e udhëhoqi Drejtori Egzekutivë i KKSHA, zoti Avni Mustafaj, dhe Miss Kosova 2008, Zana Krasniqi

Ishin të pranishëm misitri i Jashtëm i Shqipërisë, zoti Lulzim Basha, dr. Imer Selmani nga Maqedonia, kryetari i partisë Demokracia e re, zoti Joshua Black, nga Kosova Desk Office, Jerry S. Ismail zyrtar i Departamentit të Shtetit për Çështjet të Europës Juglindore, nga zyra "Alabania Desk , presidenti i KKSHA, Martin Shkreli, kryetari i Vatrës z Agim Karagjozi, veprimtarët Harry Bajraktari, Lumi Hadri, Agim Rexhaj, Elmi Berisha, ambasadori i Shqiperise në OKB, Adrian Neritani, afaristi Xhim Xhema, diplomati Lublin Dilja, aktori Ilir Pirgu, Luan Behxheti, Elza Zagreda, Shkurte Fejza, Toni Dovolani e Fadil Berisha.
Darka vjetore e Këshillit Kombëtar Shqiptaro-Amerikan, u çel me ekzekutimin e hymneve kombëtare të Shqipërisë dhe SHBA-s, kënduar nga këngëtarja Aurela Gaçe. Bekimi i darkës, u krye sipas riteve ortodokse e muslimane, prej Hirësisë së Tij Nikon Liolin, i Dioqezës Shqiptare në SHBA-së, dhe Imam Nasuf Hoxhaj i Qendrës Islamike Shqiptare-Amerikane, për Nju Jork e Nju Xhersi.
Ndërkaq, folën edhe Avni Mustafaj, drejtor ekzekutiv i NAAC-ut, si dhe presidenti i KKSHA, Martin Shkreli. Zoti Mustafaj ka vlerësuar me këtë rast se rruga e Kosovës, për në strukturat ndërkombëtare vjen nga Washingtoni. “E rëndësishme, sot është të ndërtohet Kosova: infrastruktura, rrugët, shkollat dhe spitalet. Ne kemi nevojë të zhvillojmë gjithë atë talent që është sot në Kosovë dhe të mos kenë nevojë këta njerëz të largohen nga Kosova. Nuk ka përse Kosova të mos bëhet shtet modern dhe të pranohet një ditë në NATO dhe ne BE. Megjithatë ne e dimë se rruga e Kosovës për në strukturat ndërkombëtare vjen nga Washingtoni”, tha Mustafaj.

Ministri i jashtëm i Shqipërisë, zoti Lulzim Basha, tha se përfiton nga ky rastë që në emër të shtetit shqiptar, t'i përcjell miqve të shqiptarve ambasadorit Vizner dhe kongresmenit të Nju Jorkut, Eliot Engel, personaliteteve të larta të qeverisë Amerikane, faleminderimet më të përzemrta për atë çka bën ata për pavarësinë e Kosovës. "Falemndrojë me këtë rast, tha ministri Basha, presidentin Gorge H. Bush, presidentin Clinton, sekretaren e shtetit Ollbriat, presidentin e tanishëm George W. Bush, ju zoti ambasador Vizner, kongresmen, Engel, ju shqiptarët e Amerikës, për punën e madhe që keni bërë, për pavarësinë e Kosovës dhe ndihmën e për të cilën i keni dhënë Shqipërisë, për antarësimin në NATO dhe integrimin e saj në Europë. Kosova dhe Shqipëria, theksoi Basha, tani kanë një të arthme të shkëlqyer dhe të bukur, dy vende të cilat i kontribojnë aq shumë paqes e stabilitetit në rajon e më gjërë. Ai e quajti në fjalën e tij një përvilegje e madhe t'i jap në emër të KKSHA-s, çmimin "Duart e Shpresës" mikut të madh të shqiptarëve ambasadorit Vizner."

Shqiptarët, e vleresuan në kë mbrëmje ambasadorin Vizner, si mikun e madh të tyre për rolin që kishte ai gjatë bisedimeve të Kosovës, në cilësinë e të dërguarit të posaqëm të presidentit Bush.

Ambasadori Frank Vizner, tha se i ndodhur përpara këtyre emocioneve, është shumë e vështirë për mua të gjejë fjalë për t'ju falemnderuar ju shqiptarëve të Amerikës, për këtë vlersim që po më bëni. Është kënaqësi e madhe për mua, personalisht të marë pjesë së bashku me ju në këtë festë të madhe, duke celebruar pavarësinë e Kosovës dhe marrjen eftesës së Shqipërisë për në NATO. Ndarja e këtij çmimi, tha diplomati amerikan, Vizner, është për vendin tim - SHBA-së, për të gjithë ata çfarë bënë për pavarësinë e Kosovës,, Bill Clinton, Medlin Albright,George W. Bush, Kondeliza Rise, Nik Burnes, e të tjerë.
Kjo ka theksuar ambasadori Vizner, është një ngjarje shumë speciale që edhe unë në këtë festë të madhe t'ju bashkohem ju shqiptaro–amerikanëve, ju të cilët keni punuar dhe sakrifkuar aq shumë për ardhmërinë e Kosovës, për pavarësinë dhe prosperitetin e saj. Të jem pjesë e këtij manifestimi, patjetër që është një privilegje speciale për mua dhe nuk mund të gjejë fjalë për t'ju falemnderuar ju shqiptarëve të Amerikës(KKSHA), për këtë vlersim që po më bëni.
Përfitojë nga ky rastë të permend edhe një herë se " Unë isha i privilegjuar gjithashtu që pëfaqësova vendin tim, si i zgjedhur special për bisedimet për statusin e Kosovës, me kolegët e mi ( përfaqësuesin e BE-së Volfgang Ishinger dhe atë rus Aleksander Botsan-Kharchenko), sepse, personalisht kam besuar se Presidenti Bush dhe administrata e tij do të më mbështesin fuqishëm pavarësinë e Kosovës.
Mirpo, sot, mendojë se përveç se duhet pa tjetër të festojmë, por duhet për të menduar se si ta vazhdojmë më tej këtë punë, sepse pavarësia e Kosovës nuk përfundon me kaq. Tani janë duke u bërë hapat e parë dhe fillimisht duhet të krijohet një ekonomi të suksesshme, të krijohen vende pune, të ndërtohet infrastruktura, ndërmarrjet, etj. Të punohet edhe më shumë, për njohjen e sa më shumë shteteve të tjera të Kosovës. Rruga e pavarësisë së Kosovës ishte një rrugë e shëndrritëshme e cila "ndez dritën jeshile" për sfidat e së ardhmës që e presin Kosovën tash".

Miku i madh i shqiptarëve në kongresin amerikan, demokrati i Nju Jorkut, Eliot Engel, një tjetër figurë e rëndësishme që luajti rol në sensibilizimin e Kongresit dhe të administratave të ndryshme amerikane për Kosovën, nga Këshilli Kombëtar Shqiptaro-Amerikan, u nderua me "Çmimin për arritje jetësore".
"Më vjen mirë që këtë çmim e marrë në këtë darkë - tha Engel, në një kohë kur së bashku me ju ne po festojmë edhe pavarësinë e Kosovës si dhe marrjen e ftesës së Shqipërisë në NATO. Ai tha se pavarësia e Kosovës, lidhet edhe me atë çfarë unë gjithmon e pata thënë se "Pavarësia e Kosovës , është e vetmja zgjidhje e cila sjell paqe dhe stabiletet, dhe i kontribon më së miri edhe integrimit të Ballkanit, në të gjitha strukturat Evro- Atlantike" ka cekur Engel Nga ana tjetër gjatë fjalës së tij, Engel, nënvizojë se" Kjo është një punë e madhe edhe e juaja, ju që së bashku me ne për vite të tëra luftuam e punuam së bashku për të ndalur, atë çfarë Millosheviqi kishte planifikuar të bënte ndaj Kosovës".
Darka e 12 vjetore e Këshillit Kombëtar Shqiptaro-Amerikan(KKSHA), e cila është një manifestim i madh ndër më të mëdhat në komunitet, u shoqëruar me një spektakël të bukur muzikor, ku kënduan këngëtaret Shkurte Fejza, Yllka Kuqi dhe Aurela Gaqe, dhe iu dedikua gjatë gjithë kohës pavarësisë së Kosovës dhe marrëjes së ftesës së SHqipërisë në NATO. Darka e Këshillit Kombëtar Shqiptaro-Amerikan, është një manifestim lobistik me shumë autoritet në qarqet zyrtare amerikane, organizohet në frymën e mirëkuptimit e bashkëpunimit të personalieteteve e autoriteteve shqiptare nga të gjitha trojet etnike
__________________

[uliksi31]

Obama: Do të punoj për forcimin e sovranitetit të Kosovës

Barack Obama, kandidat demokrat për president të SHBA-ve, ka deklaruar për gazetën “Illyria” se mbështet pavarësinë e Kosovës dhe se “si president do të ndihmoj Kosovën që të begatohet ekonomikisht”.
Senatori nga Illinois duke rikonfirmuar mbështetjen për pavarësinë ka thënë se do të punojë për forcimin e sovranitetin e Kosovës.
Deklarata është përpjekja e parë publike e senatorit nga Illinois për të komunikuar drejtpërdrejt me komunitet shqiptar në SHBA, thekson kjo gazetë.
Vendosja e theksit te çështja e Kosovës, mund të ketë si synim qetësimin e shqiptaro-amerikanëve, të cilët kanë ndjekur me nervozizëm deklaratat që senatori ka bërë lidhur me Serbinë.
Ndonëse në asnjë prej tyre nuk vihej në dyshim pavarësia e Kosovës, deklaratat e Obama’s i kanë bërë shumë shqiptarë të dyshojnë se senatori nuk e njeh mirë historinë e viteve ‘90 të Ballkanit dhe se mund të jetë i ndikuar jo pak nga lobi serb që në Illinois ka praninë e tij më të fortë në SHBA.
Megjithatë, deklarata që mbërriti në zyrën e gazetës “Illyria” nuk lë dyshime për angazhimin e kandidatit demokrat. “Barack Obama e mbështet pavarësinë e Kosovës dhe dëshirën e saj për të ecur drejt sovranitetit të plotë”, thuhet në deklaratë.
“Shtetet e Bashkuara duhet të punojnë për të ndihmuar në zhvillimin e një demokracie vibrante në Kosovë, të siguruar nëpërmjet pushtetit të ligjit e që garanton të drejtat e të gjithë njerëzve”.
Deklarata shkon edhe më tej duke shprehur mbështetjen për integrimin e Kosovës në institucionet euro-atlantike, duke ndërtuar një shoqëri të lirë e tolerante që nxit të drejtat e pakicave dhe mbron objektet kulturore e fetare.
Si president i Amerikës, Obama do të punojë për “zhvillimin e një ekonomie tregu të begatë në Kosovë, duke u përqendruar në zhvillimin ekonomik dhe hapjen e vendeve të punës, si dhe me ndihma për sektorët e infrastrukturës dhe energjisë”.
Në deklaratën e tij, Obama gjen rastin të duatrokasë “edhe arritjet e rëndësishme të Shqipërisë”. Ai mbështet hyrjen e Shqipërisë në NATO dhe shpreson që kjo ëndërr të bëhet sa më shpejt realitet.
Një numër shqiptaro-amerikanësh demokratë kanë mbështetur Obama’n që në hapat e para të fushatës së tij, ndonëse shumica ka qenë të tërhequr nga Hillary Clinton, për shkak të popullaritetit të presidentit Bill Clinton dhe të afërsisë me zonjën e tij si
senatore e shtetit të Neë York-ut. /Illyria

[Pupi]

Qeverit vijnë e shkojnë, Janë miqësit e popujve ato që mbesin !

-Pati thënë Mbretëresha Angleze Elizabeth e Dyta gjatë një fjalimi në kapitol hill. Si për ta vërtetuar këtë më së miri kemi rastin e miqësis Amerikano -Shqiptare nëpër shekuj.
Për së fundit herë kjo miqësi u "riaktivizua" me rastin e shpërbërjes së ish Jugosllavis, si dhe reformimit të Ballkanit/Evropes juglindore në përgjithësi.
Miku i mirë në ditë të vështirë, thojm ne Shqiptarët. Dhe vërtetë doli se paskemi edhe të tillë MIQË !

Demokratet me Klintonin, Për Shqiptarët.
Republikanet me Bushin, Për Shqiptarët.
Demokratët (sërishtë) me Obamën/Klintonin, dhe duket të mos ketë ndryshuar asgjë në Miqësit e popujve tanë.
Amerika "lutë" Bangladeshin ta njohë Kosovën si Shtet të Pavarur e Sovran!

[Murgesha]

Me konë që marrin mësim edhe shqiptarët prej Amerikanëve e me qenë së paku njëherë për Shqiptarët.

[murrizi]

Mbahu Nëno mos ke frig, se i ke gjinen tu midis Beogradit:

Uorlik: Statusi i Kosovës, çështje e mbyllur

“Për SHBA-në çështja e statusit të Kosovës ka përfunduar, por Amerika beson fuqishëm se është në interesin e Serbisë që të zgjidhen çështjet që kanë të bëjnë me cilësinë e jetës, sundimin e ligjit dhe sistemin e drejtësisë për të gjithë qytetarët në gjithë Kosovën. Në këto fusha mund të bashkëpunojmë”, ka deklaruar ambasadorja e re amerikane në Serbi....
Postuar: 15:48:29 / 05.02.2010 në rtk.live

Në një intervistë për mediat serbe ambasadorja Uorlik ka thënë se Uashingtoni mbështet Serbinë në rrugën drejt integrimit euro-atlantik. (REL)

[murrizi]

Veq mjafton ta lexosh Pupin para një viti çfar "ngjyre" i ka dhënë miqësis mes popullit tonë dhe atijë Amerikan, dhe u kry puna.

Me rastin e shënimit të 4 Korrikut, Ditës së Pavarësisë së SHBA-ve, Ambasadori amerikan në Kosovë, Kristofer Dell, shprehu edhe një herë mbështetjen e vendit të tij për Kosovën...



Postuar: 11:15:47 / 03.07.2010
Me rastin e shënimit të 4 Korrikut, Ditës së Pavarësisë së SHBA-ve, Ambasadori amerikan në Kosovë, Kristofer Dell, shprehu edhe një herë mbështetjen e vendit të tij për Kosovën, duke thënë se miqësia ndërmjet popujve të dyja vendeve do të vazhdojë edhe në të ardhmen.

Lexojeni ju lutëm frigën e Princit Dell, se mos dikujt nga Shqiptarët po i shko mendja të prishet me Amerikën .
Jo i nderum, Nëse prishemi unë me ty (ose hashimi me ty) Miqësia mes pupujve tanë nuk filloi e as që mbaron me ju dy, këtu kemi të bëjmë thjesht me dy politikaj amator !

[Arb]

Ani cka je ka don me thane me kete pune o Murriz?

Se tybe t'pshtjellt t'kish fal zoti...

[murrizi]

Kjo do me than Arb:

Urime Dita Pavarsis Amerik nga miku i juaj Murrizi me gjithë popullin e Kosovës.

Ndërsa, gabimet politike që është duke i bërë kohë pas kohe dhe n'krye t'vetin Princi (Ambasadori) Dell, nuk e rrezikojnë, dhe nuk ka asnjë shanc të vetme ta rrezikojn Miqësin e popujve tanë !

[murrizi]

Kosovarët i duan amerikanët dhe përjetësisht i falënderohen SHBA-së

Publikuar: Sot, më 11 korrik 2010
New York, 11 korrik - Në shtypin amerikan gjatë dy ditëve të fundit janë botuar dy udhëpërshkrime të dy grave amerikane që ndaras e kanë vizituar Kosovën, ku i kanë djemtë me punë në organizata amerikane dhe prej nga janë kthyer me përshtypje më të mira e tani këtë përvojë të tyre e sjellin tek lexuesit amerikanë, raporton RTK.
Në shkrimin e parë në të përditshmen konservatore të Chicagos, Chicago Tribune, me titull “Kosova në ngritje,” autorja Karen Torme Olson, e cila për të dytën herë pas tetë vitesh vizitonte Kosovën, thotë se kudo në Kosovë ‘sheh vetëm ndërtime dhe rrugë të reja dhe tani mungonin shenjat kujdes nga minat. Kjo frymë optimizmi ndjehej
kahdo që shkoje,’ shkruan zonja Olson.
“Një gjë që më kishte emocionuar më së shumti para tetë vjetesh e që fare nuk kishte ndryshuar është dashuria e kosovarëve për Amerikën dhe popullin e saj. Asgjë tjetër më shumë nuk e bën një udhëtar të ndjehet si në shtëpinë e vetë,” thekson shkrimi në Chicago Tribune.
“Kosovarët i duan amerikanët dhe ata përjetësisht i falënderohen Shteteve të Bashkuara të Amerikës për ndihmën që ju dhanë gjatë dhe pas luftës për pavarësi,” thuhet në shkrimin tjetër në të përditshmen Danville News.
“Janë këta njerëz të cilët me krenari valojnë flamurin amerikan dhe i kanë vendosur statujën e presidentit Bill Clinton në një nga sheshet kryesore,” shkruan nëna tjetër që poashtu e ka djalin me punë në Kosovë, Mary Kay Sweiker në shkrimin me titull “Udhëtimi në Kosovë i largon stereotipet e zakonshme.