Memorialin “Heroinat”

[Zero Cool]

Simbolika e Memorialit të Gruas në Prishtinë







Fituesi i projektit për ndërtimin e Memorialit për Nderimin dhe Kontributin e Gruas Gjatë Luftës 1998-1999, Ilir Blakqori nga kompania Molos Group, në një konferencë për media, ka shpjeguar sot, simbolikën e memorialit në Ministrinë e Mjedisit dhe Planifikimit Hapësinor. Koncepti themelor se pse fitues është shpallur Blakqori nga 22 konkurrentë sa kishte gjithsej në këtë konkurs, anëtarët e komisionit për këtë Memorial kanë thënë se është medalja, për shkak se medalja e nderon çdo kënd dhe si e tillë e nderon edhe Memorialin kushtuar sakrificës së gruas shqiptare.

Sipas Blakqorit, skulptura ka një këndvështrim të dyfishtë – makro dhe mikro, që simbolikisht në mënyrë individuale të nderohet çdo grua shqiptare për kontributin e dhënë. Ilir Blakqori, ka theksuar se qëllimi ka qenë që secilën grua kontributdhënëse ta nderojnë më nga një medalje për sakrificën e tyre për lirinë dhe pavarësinë e vendit.

“Mënyra më e mirë se si nderohen këto gra është forma e medaljes. Ideja ime për këtë projekt është gjykuar në bazë të mesazhit të skulpturës. Sistemi i saj është i ndërtuar prej shufrave dhe medaljeve. Unë i kam bërë disa pamje për të mundësuar përcjelljen e zhvillimit të procesit të ndërtimit të kësaj figure.” ka deklaruar Blakqori, duke shtuar se duke u larguar sa më larg, krijohen diku rreth 20 mijë medalje. Sipas tij kjo shifër përçon një mesazh, pasi përkon përafërsisht me shifrën e grave të dhunuara në Kosovë.” ka thënë ai.