Madona: ”Confessions on a dancefloor”

[ARVANITI]

Albumi i ri i Madonës që po pritet me kureshtje nga të gjithë tashmë ka edhe titullin e tij:”Confessions on a dancefloor” (Konfesione në pistën e vallëzimit). Lajmi u dha nga vetë Madona në një intervistë dhënë MTV-së në Britani. Në album do të jetë edhe një këngë me titullin “I Love New York”, një deklaratë dashurie në këngë nga ana e këngëtares për qytetin që braktisi për të jetuar në Londër.
“E vetmja arsye për të cilën nuk jetoj në New Yourk”-shpjegoi mbretëresha e pop-it,-“është se fëmijët e mi shkojnë në shkollë në Londër dhe bashkëshorti im preferon të jetojë në Angli”
Albumi- i dhjeti në karrierën e Madonës-do të dalë në fund të vitit. Në të njëjtën kohë do dalë dhe dokumentari në DVD i turneut botëror që Madona përfundoi këtë vit.