Daci viziton Washingtonin

[panta_rhei]

Nexhat Daci
Daci viziton Washingtonin

Nga Express më 12.06.2009 në ora 16:34
Kryetari i LDD’së, Nexhat Daci do të zhvillojë një vizitë zyrtare në SHBA ku do t’i njohë zyrtarët e lartë amerikanë me pikëpamjet e këtij subjekti politik për zhvillimet në Kosovë.
LDD nëpërmes një komunikate për media pohon se Daci do t’i paraqesë në Washington pikëpamjet e këtij subjekti politik për daljen nga stagnimi ekonomik dhe politik i vendit, si dhe alternativën që do ta ofrojë LDD në suaza të konceptit të saj për dalje nga varfëria ekstreme e popullit të Kosovës.

Kjo u bë e ditur pas takimit të Kryesisë së Lidhjes Demokratike të Dardanisë, me përfaqësuesit e degëve në nivel vendi dhe diasporë.

Daci pritet të vizitoj Shtëpinë e Bardhë, ku do të takohet me Drejtorin për Europën Juglindore, po ashtu takim do të ketë edhe në State Departamentin Amerikan, konkretisht në Departamentin për Kosovën, si dhe pritet të vizitojë Senatin amerikan, ku do të ketë takim me Kryetaren Pelosi.

Daci në vazhdën e vizitave të tij në çarqet ndërkombëtare, do të ketë takime edhe me senatorë të rëndësishëm amerikanë, siç është senatori Mich McConell, si dhe me kongresmenin amerikan Eliot Engel.