Lajme Aktuale....

[Lona]

Britania mbështet përpjekjet për realizimin e mandatit të misionit të BE-së në Kosovë

Kombet e Bashkuara, 29 maj - Ambasadori britanik në OKB Xhon Sauers ka deklaruar se i takon Sekretarit të Përgjithshëm të KB, Ban Ki Mun, që të vendosë për riorganizimin e ardhshëm të misionit civil të KB në Kosovë, ndërsa Britania e Madhe mbështet përpjekjet për realizimin e mandatit të misionit të BE-së në Kosovë, të paraparë me Planin e Ahtisarit. "Nga perspektiva e KB, rezoluta 1244 mbetet në fuqi dhe prezenca ndërkombëtare do të bjerë nën kornizën e gjerë juridike të rezolutës 1244. Por sa i takon prezencës së riorganizuar të KB në Kosovë, e cila do të rezultojë nga ajo, i takon Sekretarit të Përgjithshëm të KB që të vendosë", u ka thënë Sauers gazetarëve në selinë e KB në Nju Jork. Ai ka shtuar se Britania do të vazhdojë të mbështesë përpjekjet për transferimin e kompetencave nga KB në misionin e BE-së në Kosovë.

Ban Ki Mun nga Skeferi mori në dijeni shqetësimin e NAT0-s për Kosovën, tha zëdhënësi i OKB-së

Nju Jork, 29 maj - Duke komentuar takimin e krerëve të OKB-së dhe të NAT0-s Ban Ki Mun dhe Jap de Hop Skefer, zëdhënësi i organizatës botërore, Brendon Varma, tha se ky ka qenë një takim privat, detajet e të cilit nuk janë për publik. "Ban Ki Mun mori në dijeni shqetësimin e NAT0-s, ndërsa nga ana e tij Skeferit ia përcolli vizionin e vet të zhvillimit të mëtejshëm të ngjarjeve". I lutur nga BBC që të sqarojë atë vizion, Brendon Varma tha: "Nuk mund të them shumë nga ajo. Do të rikujtoj se Kombet e Bashkuara janë prezente në Kosovë që nga fundi i viteve të nëntëdhjetë dhe në përputhje me rezolutën 1244 atje do të mbetemi gjithnjë derisa Këshilli i Sigurimit nuk vendos ndryshe", tha Varma. Duke komentar një deklaratë të shefit të UNMIK-ut Joakim Ryker dhënë AP se Eulex me gjasë dë të jetë nën ombrellën e UNMIK-ut, zëdhënësi i Kombeve të Bashkuara tha se "përfaqësuesi ynë ka paraqitur mendimin personal, analizën e tij për zhvillimet e mundshme të ngjarjeve dhe ka folur për një skenar hipotetik që mund të ndodhë në të ardhmen", tha Varma.

Ban e Skefer biseduan për rolin në Kosovë

Nju Jork, 29 maj - Sekretari i Përgjithshëm i Kombeve të Bashkuara Ban Ki Moon dhe kreu i NATO s Jap de Hop Skefer janë fokusuar rreth zhvillimeve në Kosovë gjatë takimit të mbrëmshëm në Nju Jork. Sipas Kombeve të Bashkuara Ban i ka shprehur vizionin e tij shefit të NATO s dhe ka dëgjuar shqetësimet e Aleancës. Përfaqësuesit e dy organizatave shkëmbyen mendime dhe për rreziqet që gjenden përpara Kosovës. Para takimit të Nju Jorkut zëdhënësi i NATO s Xhems Apaturai theksoi se trupave të NATO s nuk mund t'u lihen mbi supe detyrat e policisë në Kosovë. "Ne nuk duam që KFOR i të jetë në pozitë që të përgjigjet i pari. Ai nuk është forcë policore dhe nuk duhet të jetë në pozicion të tillë", tha zëdhënësi Apaturai. "Ne mundemi dhe do tu kërkojmë organizatave tjera që ta luajnë atë rol", tha ai.

Hiqet monarkia në Nepal pas 240 vjetësh

Katmandu, 29 maj Në shtetin e Himalajave Nepal, pas rreth 240 vjetësh është hequr monarkia. Asambleja kushtetuese e shpalli thuajse njëzëri vendin republikë. Në vendim i jepet mbretit Gyanendra 15 ditë kohë, për tu larguar nga pallatii i tij në Katmandu. Konsiderohet e sigurt, që qeveria provizore do të drejtohet nga maoistët, të cilët kanë dalë nga zgjedhja e asamblesë kushtetuese si partia më e fortë. Megjithatë, ata nuk kanë shumicën absolute. Deri në vitin 2006, maoistët kanë luftuar me armë kundër monarkisë. Në konflikt u vranë më shumë se 13 mijë njerëz.

Në Suedi hapet Konferenca ndërkombëtare për Irakun

Stokholm, 29 maj Delegatë nga mbi 100 vende dhe organizata takohen sot në Suedi për të diskutuar rindërtimin dhe zhvillimin e Irakut. Kryeministri irakian Nuri al Maliki tha se vendi i tij dëshiron që të hapen ambasadat e huaja në Bagdad dhe të pezullohet borxhi i kohës së Sadam Huseinit. Iraku ka së paku 67 miliardë dollarë borxhe, kryesisht ndaj Arabisë Saudite, Emirateve të Bashkuara Arabe, Kuvajtit dhe Katarit. Sekretarja amerikane e Shtetit, Kondoliza Rajs i ka bërë thirrje bashkësisë ndërkombëtare të mbështesin rindërtimin e Irakut. Ajo u shpreh se Iraku tashmë ka një sistem "plotësisht funksional".

Shtëpia e Bardhë mohon akuzat e ish zëdhënësit Mëklllellen

Uashington, 29 maj Shtëpia e Bardhë ka hedhur poshtë akuzat nga ish zëdhënësi i presidentit amerikan, se administrata Bush ka përdorur propagandë zhgënjyese për të bindur popullsinë amerikane se lufta kundër Irakut ishte e nevojshme. Zëdhënësja aktuale e Shtëpisë së Bardhë, Dana Perion tha se Mëklllellen është vetëm një ish punonjës "i pakënaqur". Mëklllellen ka botuar së fundi një libër ku e cilëson luftën në Irak si të panevojshme.

[Lona]

NATO mund të mbetet edhe 5 vjet në Kosovë, thotë Kryeministri slloven

Paris, 30 maj Bashkimi Evropian pret që NATO ja të qëndrojë në Kosovë edhe gjatë pesë vjetëve të ardhshme krah misionit policor të Bashkimit Evropian, që pritet të vendoset në muajt e ardhshëm. "Me siguri do të ketë reduktim gradual të trupave, por NATO ja do të mbetet në Kosovë gjatë tre, katër ose pesë vjetëve të ardhshëm", tha Kryeministri i Sllovenisë Janez Jansha, vendi i të cilit kryeson me Bashkimin Evropian. Në një intervistë për televizionin France 24, Kryeministri slloven shfaqi mendimin se misioni i EULEX it do të vendoset në Kosovë gjatë këtij viti. "Mendoj se të gjithë e shohin se ky është një proces që nuk mund të ketë kthim prapa", ka thënë Jansha. Ndërkohë për EULEX in dhe UNMIK un diskutojnë në Stokholm edhe Sekretari i Përgjithshëm i OKB së, Ban Ki Mun dhe përfaqësuesi i lartë i BE së për Politikë të Jashtme dhe Siguri, Havier Solana.

Objektiv kryesor i Qeverisë gjermane është pjesëmarrja e trupave ndërkombëtare në Kosovë

Berlin, 30 maj - Në Bundestagun gjerman u debatua për zgjatjen e misionit të ushtarëve gjermanë në Kosovë. Ministri i jashtëm Frank Valter Shtajnmajer u bëri thirrje deputetëve për zgjatjen e mandatit edhe për një vit. "Qeveria në Prishtinë dëshiron vazhdimin e KFOR it, Natoja është e gatshme ta vazhdojë angazhimin e saj, ne jemi të një mendimi me partnerët, që KFOR i do të marrë pjesë edhe në ndërtimin e strukturave të sigurisë, në mënyrë që Kosova me kalimin e kohës të jetë vetë në gjendje që të përgjigjet vetë për detyrat e saj në fushën e sigurisë. Prandaj unë shpresoj që zgjatja e mandatit të KFOR it në Bundestagun gjerman të ketë një mbështetje të gjerë.", tha Shtajnmajer gjatë paraqitjes së kërkesës së qeverisë së tij në Parlament. Kërkesës së Shtajnmajerit iu bashkangjit dhe ministri i mbrojtjes Franc Jozef Jung. Deputetë të opozitës që e morën fjalën kritikuan gjendjen aktuale në Kosovë pas shpalljes së pavarësisë. Kërkesa e qeverisë megjithatë pritet të miratohet mbas një debati të dytë në Parlament, pasi të jetë shqyrtuar në komisionet përkatëse. Krahas çëshjes së KFOR it temë debati ishte edhe misioni civil EULEX, shfuqizimi i kompetencave të UNMIK ut dhe pasqyrimi i gjendjes së tanishme qeverisëse në Kosovë pas pavarësisë së saj.

Rupel: Tërësia e Kosovës, vijë që s'mund të kapërcehet

Lubjanë, 30 maj - Tërësia territoriale e Kosovës është vija mbi të cilën nuk mund të kapërcehet, ka deklaruar ministri i Jashtëm i Sllovenisë, Dimitrij Rupel, në takimin me Sekretarin e Përgjithshëm të Kombeve të Bashkuara Ban Ki Moon. Sipas një njoftimi të presidencës së radhës së BE së, Rupel dhe Ban kanë biseduar për detyrat që i presin Kombet e Bashkuara dhe Bashkimin Evropian para dhe pas hyrjes në fuqi të kushtetutës së Kosovës në 15 qershor. Gjatë takimit në Stokholm, Rupel i ka theksuar angazhimet e kryesuesit të BE së për stabilitetin në rajon. "BE është e obliguar me vendimet dhe qëndrimet që janë miratuar në dhjetor 2007, si dhe me politikën, e cila shumë herë është konfirmuar. Këto janë vijat mbi të cilat nuk mund të kalohet, dhe mes tyre është edhe tërësia territoriale e Kosovës", ka thënë Rupel.

Ballkani është një nga zonat më të sigurta në Evropë, vlerësoi një hulumtim i OKB së

Nju Jork, 30 maj - Ballkani është një nga rajonet më të sigurta të Evropës. Ky është përfundimi i një raport të Zyrës së Kombeve të Bashkuara për Drogat the Krimet. Edhe vetë ky raport thotë se ky konluzioni është pak i papritur sepse ky rajon për një kohë të gjatë ka qenë i njohur si vend i trazirave dhe i një aktiviteti të lartë kriminal, krahasuar me rajonet e tjera të Evropës. Por organizata ka ardhur në këtë përfundim pas një studimi të shumëanshëm dhe krahasues. Raporti i quajtur "Krimi dhe Ndikimi i tij në Rajonin e Ballkanit" u botua të enjten nga Zyra e Drogës dhe Krimit pranë OKB së. Rajoni i Ballkanit thotë ky raport është më i sigurt se rajoni perendimor i Evropës. Antonio Maria Kosta, drejtori Ekzekutiv i Zyrës së OKB së për Drogat dhe Krimin, thotë se cikli i kriminalitetit në rritje i shkaktuar nga trazirat politike që kishin mbërthyer rajonin e Ballkanit në vitet 1990, të cilat mundësuan lulëzimin e krimit të organizuar, tani është thyer. Por megjithëse rajoni ka shënuar një sukses të dukshëm në uljen e krimit dhe rritjen e sigurisë, raporti thekson se Ballkani ende ndeshet me probleme serioze. Një nga problemet që shihet si burim i krimit dhe dhunës është lidhja e biznesit me politikën. Politika dhe biznesi, thuhet në raport, duhet të izolohen nga ndikimi i krimit dhe sidomos i krimit ekonomik. Shqipëria dhe Kosova, thuhet në raport, kanë shënuar një sukses në uljen e krimit, ngjashëm me vendet e tjera të rajonit. Shqipëria për shembull ka shënuar një rënie të theksuar të numrit të vrasjeve nga viti 1998 deri në vitin 2006. Por, një fushë ku Shqipëria ka ngecur, është dhuna ndaj grave, e cila sipas raportit është më e lartë se në vendet e rajonit. Droga dhe trafiku i saj vazhdon të jetë një problem serioz. Bullgaria dhe Shqipëria, thuhet në raport, janë vende ku kultivohet dhe eksportohet kanabisi. Trafiku i heroinës është një ndër trafiqet më fitimprurëse dhe sipas disa studimeve të fundit, 70 përqind e heroinës që futet në disa nga rajonet kyçe të Evropës kontrollohet nga trafikantët shqiptarë. Trafiku i heroinës nga shqiptarët aktualisht konsiderohet si një ndër problemet kryesore të krimit të organizuar në Evropë. Por raporti pranon se cilësimi i trafikantëve si shqiptarë është i vështirë dhe i bazuar më tepër në vlerësime se sa në fakte të qarta, sepse ky përfundim është arritur bazuar në numrin e atyre që janë arrestuar dhe numrin e rasteve kur është kapur droga gjatë trafikimit. Në këto raste regjistrohet vetëm shtetësia e trafikantëve dhe jo përkatësia e tyre etnike. Në rastet kur trafikantët janë nga Maqedonia, apo pjesë tjera të ish Jugosllavisë, ata regjistrohen vetëm me përkatësinë shtetërore. Pra vlerësimi se 6 përqind të të arrestuarve në lidhje me trafikim droge janë shqiptarë është i bazuar në këtë lloj qasjeje të vlerësimit. Megjithatë sipas raportit edhe trafiku i drogës nga shqiptarët në vitet e fundit ka shënuar rënie dhe kjo bazohet në numrin në rënie të atyre që janë arrestuar për këtë lloj trafiku. Trafiku i qënieve njerëzore, e sidomos i femrave, zë një vend veçantë në këtë raport. Ndërsa Shqipëria dhe Moldovia në vitet 1990 ishin burim kryesor i këtij trafiku, këtë vend tani e zënë Rumania dhe Bullgaria. Për shembull 40 përqind e femrave të trafikuara në Itali gjatë viteve 1990 ishin shqiptare, në vitin 2003 ky numër ra në 15 përqind ndërsa në vitin 2004 u ul në vetëm 2 përqind. Arsyeja e kësaj rënieje, sipas raportit, nuk është e qartë, por aludohet se një ndikim mund të kenë pasur ndryshimet sociale dhe ndërhyrjet shtetërore. Një ndër krimet i cili jo vetëm që nuk ka rënë, por ka shënuar rritje në rajon, është korrupsioni dhe krimet ekonomike. Raporti citon një raport të organizatës Transparency International, ku thuhet se Shqipëria zë vendin më të lartë për ryshfet nga 57 vendet e analizuara. Mesatarja e vendeve të Evropës Juglindore është 4, 5 herë më i lartë se në vendet e Evropës Perëndimore. Kosova dhe çështja rreth statusit të saj, thuhet në raport, ka qenë burim i jostabilitetit në katër vende të Evropës Juglindore dhe si rezultat një raport i Bankës Botërore vë në listë Serbinë, Maqedoninë, Bosnjen dhe Shqipërinë, si vende që janë më pak të qëndrueshme se vendet e Afrikës nën Sahariane. Mbledhja e fondeve gjatë luftës në Kosovë ka përfshirë edhe trafikime të tjera dhe lidhjet ndërmjet krimit dhe politikës janë të paqarta në shumë fusha. Raporti vjen në përfundim se megjithë rënien e nivelit të krimit ordiner dhe rënies së aktivitetit të krimit të organizuar, ndarja e paqartë ndërmjet sferave të interesit ndërmjet politikës dhe ekonomisë me krimin vazhdon të jetë një çështje e trashëguar nga paqëndrueshmëria e mëparshme. Hartuesit e raportit gjithashtu mendojnë se rritja e krimit të organizuar në Ballkan kishte qenë si rezultat i drejtpërdrejtë i mungesës së stabilitetit, por kjo situatë duket se po shënon ndryshime, gjë që shihet edhe në disa nga përfundimet e raportit. Ndërkohë që rajoni stabilizohet dhe sigurohet një shtet ligjor, mundësia dhe prirja për t'u marrë me aktivitete krimanale duhet të ulet, thekson raporti i OKB së për Krimin dhe Drogat. (Z.A.)

Presidenti Topi u shpreh i pakënaqur për vonesat e miratimit të dekreteve të tij në parlament

Tiranë, 30 maj - Presidenti i Shqipërisë, Bamir Topi, u shpreh mbrëmë i pakënaqur nga vonesat e kalimit për miratimin në Parlament të dekreteve të tij për emërimin e 5 antarëve të Gjykatës së Lartë. Kryetarja e Parlamentit, Jozefina Topalli, ka kërkuar verifikime nga organt e specializuara për figurat e 5 kandidatëve. Por, Presidenti Topi gjatë një interviste në televizionin Klan, tha se kjo është një e drejtë ekskluzive e institucionit të tij. Po dje, për këtë çështje zonja Topalliu sulmua ashpër edhe nga kryetari i Partisë Socialiste, i cili e akuzoi për abuzim me detyrën dhe shkelje të kompetencave dhe kushtetutës. Por Kryetarja e Parlamentit u përgjigj se nuk kishte asnjë vonesë dhe nuk kishte bërë asnjë shkelje. Edhe opozita ka sulmuar dje kryetaren e Parlamentit Jozefina Topalli për vonesat në miratimin e dekreteve të 5 anëtarëve të gjykatës së Lartë. Sipas kryetarit socialist Edi Rama, kërkesa për verifikimin e figurave të tyre nga ana e kryetares së parlamentit është kapërcim i kompetencave të saj dhe abuzim me detyrën duke parlajmëruar një mocion per shkarkimin e saj. Sipas tij pakti për drejtësinë nuk mund të vazhdojë me shkelje të kushtetutës. Por zonja Topalli ka reaguar duke deklaruar se nuk ka asnjë vonesë dhe se gjithshka është bërë në respekt të kushtetutës dhe rregulloreve.

[Lona]

Nga tërmeti në Islandë, lëndohen 30 vetë

Rejkjavik, 30 maj Një tërmet i fuqishëm, që dje ka goditur Islandën, u shkaktoi lëndime të lehta rreth 30 njerëzve, si dhe dëmtoi disa rrugë dhe ndërtesa. Shërbimi Gjeologjik Amerikan tha se tërmeti kishte fuqinë prej 6.2 shkallë të Rihterit, ndërsa epiqendra ishte rreth 50 km nga kryeqyteti Rejkjavik.

Përpjekje për lehtësimin e krizës ushqimore

Karakas, 30 maj Ndërsa Banka Botërore ka njoftuar një program 1,2 miliardë dollarësh për të ndihmuar vendet e varfra, që po përballen me vështirësi për shkak të çmimeve në rritje të ushqimeve dhe karburanteve, udhëheqësit amerikano latinë janë mbledhur ta diskutojnë këtë kërcënim. Përfaqësues nga 26 vende latino amerikane dhe të Karaibeve janë mbledhur në Karakas të Venezuelës për të diskutuar një politikë të përbashkët për ta përballuar këtë problem. "Banka Botërore sapo ka aprovuar një fond prej 1,2 miliardë dollarësh për ta ndihmuar bankën që të përballojë mbështetjen e vendeve në krizën e ushqimeve, që po ndodh tani," tha në Uashington drejtorja menaxhuese e Bankës Botërore Nikozi Okonjo Iveala. Paratë janë pjesë e një programi që do të zbatohet shpejt për të përballuar nevojat e menjëhershme në krizën globale të ushqimeve.

Priten ndryshime klimatike në SHBA në dekadat e ardhshme

Uashington, 30 maj Një raport shkencor i qeverisë amerikane bën të ditur se gjatë dekadave të ardhshme në Shtetet e Bashkuara do të vihen re ndryshime mjaft të mëdha klimatike, të shkaktuara në radhë të parë nga aktivitetet e njeriut. Raporti arrin në përfundimin se ngrohja e tokës do të ketë njëndikim të gjerë në Shtetet e Bashkuara, jo vetëm se dimri do të jetë i butë dhevera e nxehtë, por ndryshimet e klimës do të ndikojnë tek reshjet, rezervat ujore, aktivitetet e uraganëve, nivelit të detit, prodhimit bujqësor, prodhimit të energjisë, diversitetit biologjik dhe shëndetit të njerëzve. Raporti, i shkruar nga Këshilli Kombëtar i Presidentit Bush për Shkencën dhe Teknologjinë, i është dërguar Shtëpisë së Bardhë dhe Kongresit. Në raport theksohet se ndryshimet klimaterike janë një fenomen i komplikuar, por arrin në përfundimin se ?mbi klimën ekziston një influence e madhe njerëzore?. Në veçanti, aktivitetet njerëzore që prodhojnë dioksidin e karbonit, të ashtuquajtura "efekti serë", shihet si dëmi kryesor.

[Jana]

Finlanda ofron ndihmë financiare për Kosovën
Zëvendëskryeministri i Finlandës, Jirki Katainen tha të enjten në Prishtinë se ky vend është i gatshëm që financiarisht të ndihmojë Kosovën.
Pas takimit me presidentin Fatmir Sejdiu dhe zëvendës kryeministrin Hajredin Kuçi, ai shprehi gatishmërinë për ndihmë në lëmin e arsimit dhe sektorëve tjerë të rëndësishëm.

Katainen tha se Finlanda është e gatshme të marrë pjesë në konferencën e donatorëve për Kosovën.

[Jana]

MacShane: Populli i Kosovës të evitojë çdo provokim
Kosova ka një periudhë të vështirë përpara, por me rëndësi është që populli i saj të mos bie pre e provokimeve dhe ta evitojë dhunën, ka deklaruar në një intervistë për Radion Evropa e Lirë, ish-ministri britanik për Evropën, Denis MacShane.
MacShane, po ashtu ka thënë se është e rëndësishme që 41 shtete nga tërë bota dhe shtetet më të rëndësishme e kanë njohur të drejtën e Kosovës që të ekzistojë si shtet. Mirëpo ai gjithashtu ka vlerësuar se, Kosova para vetes ka një periudhë të vështirë, pas deklarimit të shtetësisë dhe tani duhet ta ndërtojë shtetin.

“Ajo që duam tani - duam të shohim Qeverinë e Kosovës me më shumë autoritet, duam të shohim sundimin e ligjit të vendosur nga EULEX-i”, ka thënë ai.

Sipas ish-ministrit britanik, UNMIK-u duhet që seriozisht të shqyrtojë, nëse duhet të zvogëlojë operimet dhe praninë e tij në Kosovë, sepse “përballë krejt logjikës dhe arsyeshmërisë, serbët dhe rusët insistojnë që Kosova mbetet pjesë e Serbisë, që teknikisht theksohet në Rezolutën 1244”.

Megjithatë, sipas MacShane, realiteti në terren është ngjashëm si është rasti me Malin i Zi, i cili është i pavarur, si Kroacia, Sllovenia, që janë të pavarura. “Tash edhe Kosova është e pavarur. Por, populli i Kosovës duhet të evitojë çfarëdo provokimi, sepse unë mendoj se do të ketë provokime që do të përpiqen t’i mërzisin kosovarët, por ata duhet të mos bien pre, meqë e kaluara e tyre ka qenë gjithmonë paqësore dhe jo e dhunshme”, ka thënë ai.

[Jana]

Steinmeier: Kosova ka perspektivë evropiane
Shumica e deputetëve në Bundestagun gjerman kanë votuar për vazhdimin e mandatit të trupave gjermane në kuadër të KFOR-it në Kosovë.
Të martën, qeveria e kancelares Angela Merkel vendosi që mandati i trupave të vazhdohet për një vit.

"Qeveria në Prishtinë dëshiron vazhdimin e pranisë së KFOR-it, dhe NATO-ja është e gatshme për këtë", tha ministri i Jashtëm, Frank Walter-Steinmeier, njofton Radio Evropa e Lirë.

Ai i përkujtoi deputetët se Kosovën deri tash e kanë njohur 20 vende të Bashkimit Evropian, dhe shtoi se "Kosova dhe vendet tjera të rajonit kanë perspektivë evropiane".

[Lona]

Foleja e re e A-Kaedes

Duart e dërmuara futen në kazan njëra pas tjetrës. Copa mishi dashi, kocka pulash dhe të brendshme lundrojnë në sipërfaqen e lëngut të nxehtë. Pesë personat që qëndrojnë rreth ushqimit falënderojnë Zotin për çdo kafshatë. Dhe ndërkohë komentojnë vdekjen e tre personave që u dërguan për të kërkuar sekuestruesit e dy turistëve austriakë të rrëmbyer më 22 shkurt të këtij viti në Tunizi dhe më pas u transferuan nga këto anë. Lajmin e morën pasdite nga lajmet e radios. Të pestë kryetarët e familjes e dinë mirë se për kë po flasin. I kanë takuar me dhjetëra herë në mes të shkretëtirës ata "kasapë" fanatikë. Dhe i kanë furnizuar me ujë, sheqer, mish, miell dhe ushqime të tjera.
Bëhet fjalë për kufirin e mbretërisë së re të Al-Kaedas, zona në të cilën më parë ka qenë Sudani dhe Afganistani. Gjenerata e fundit e terroristëve po përhapet në këto zona të rrethuara nga duna të mëdha rëre. Disa kilometra në veri ndodhet Timbuku, qyteti misterioz i Malit, i cili që prej dhjetë shekujsh ka qenë vendi i takimit ndërmjet Afrikës dhe pushtimeve arabe dhe prej disa muajsh është bërë kufiri ndërmjet tolerancës dhe fanatizmit. Atje tej, pas horizontit, fshihen qindra fanatikë të Osama Bin Laden. Ndër ta, edhe një grup komandosh prej 15 muxhahedinësh, të cilët rrëfehen dhe mburren se duan të sulmojnë Vatikanin. I drejton një algjerian, por mendja e planit qenka zëvendësi i tij: një bashkëkombës jo më shumë se tridhjetë vjeç, i cili ka jetuar në Itali.
Evropa duket aq afër
Timbuku duket kaq larg në shekuj. Larg, por prej andej Evropa duket aq afër. Drejtimi i emigrimit klandestin tashmë është spostuar në Mali: në një udhëtim pa rregulla të shumta dhe kontrolle gjithashtu, si në rrugë detare dhe tokësore, duke kaluar Algjerinë dhe Libinë, brenda disa ditëve mbërrin në Lampeduza. Vendburime të shumta nën rërë. Tashmë është bërë një garë për kompanitë e përpunimit të naftës për të marrë me koncesion disa qindra metra tokë. Pikërisht aty ku ndodhen edhe rekrutët e Al-Kaedas. Globalizimi tashmë ka pushtuar edhe Sahelin, pjesën jugore të shkretëtirës së Saharasë, rajoni më i varfër i planetit. Dhe rezultati është një perde tensioni që nga Mauritania bashkon Malin, Niger, Ciad deri në Darfurin e Sudanit. Është fronti i luftës energjetike dhe komerciale ndërmjet Kinës, Francës dhe Shteteve të Bashkuara. Dhe jo vetëm kaq. Pikërisht në Mali, në shkretëtirën e madhe në veri të lumit Niger, Al-Kaeda po ndërton të ardhmen e saj. I vetmi vend i cili i ka mbetur pa u dashur të luftojnë për ta zaptuar. Një territor ku përgatisin terroristët në përdorimin e armëve dhe eksplozivëve, ku të fshehin komandantët që janë larguar nga Iraku dhe ku organizojnë atentatet që kanë si shënjestër Afrikën Veriore, ndoshta edhe Evropën. Janë kampe stërvitore të lëvizshme, të paparashikueshme. Por lind pyetja se si furnizohen me ushqime dhe nevoja të tjera jetike. Relativisht të vetmit që mund ta bëjnë një gjë të tillë janë banorët e Saharasë, me vullnet të plotë ose jo. Kjo pjesë e shkretëtirës është një pozicion strategjik. Përmes asgjësë së madhe të rërës, në pak ditë udhëtim me një makinë të përshtatshme mund të arrish në Libi, Tunizi dhe Marok. Kufijtë ndërmjet Malit, Mauritanias dhe Algjerisë janë 4434 kilometra vijë arbitrare, të cilat vëzhgohen fare pak. Një territor shumë i thjeshtë për t'u përshkuar, i cili është një vend i përsosur për të shpërndarë predikues dhe luftëtarë, të cilët më vonë do të jenë gati për t'u përhapur nëpër botë. Ku është plani i shpallur për herë të parë në komunikatën e shtatorit 2006 nga Osama Bin Laden dhe i përsëritur tre muaj më vonë nga ideologu i tij, egjiptiani Ayaman Al Zauahiri. Dhe i konfirmuar nga hetimet mbi muxhahedinët që janë arritur të arrestohen. Si tuniziani që jetoi gjatë në Milano, Mohamed M'Sahel, 39 vjeç dhe marokeni Anouar Majrar, 34 vjeç, i marrë në pyetje në Marok. Dhe si egjiptiani Ghasan Ibrahim Abd Al Maqsoud, 28 vjeç, i arrestuar në Libi. Tre militantë që kanë nxjerrë në pah lidhjet e reja të rrjetit të Sahel me celulat me bazë në Siri, Maghreb, Francë dhe Itali. Duket e pabesueshme që ndodhen kaq pranë, por është e vërtetë. Shumë nga rekrutët që janë stërvitur në kampet stërvitore të Malit tashmë kanë hyrë në aksion. Disa në Irak. Të tjerë në atentatet e fundit në Algjeri, Marok dhe Mauritania.
Nga koka te këmbët me
një vello të zezë
Nga Senegali në Bamoko, ky i fundit kryeqyteti i Malit, mund të udhëtosh edhe me tren. Studentët e luftës së shenjtë gjejnë mikpritje në një pallat popullor i fshehur mbas tendave të tregut të madh, në qendër të vendit, lagjja me kaotike e qytetit. Aty pranë është ndërtuar edhe xhamia më agresive e kryeqytetit. Kuptohet qartë që nga shërbimi ushtarak që e survejon. Të gjithë janë vigjilentë.
Mali gjithmonë ka qenë një shembull i jashtëzakonshëm për tolerancën multikulturore. Por prej disa kohësh, që pas kthimit të disa imamëve të indoktrinuar në Evropë, mbi të gjitha në Francë, ka sjellë me vete "uahabizmin", rrymën e pastër dhe të papajtueshme të Islamit, i cili që nga Arabia Saudite ka ushqyer ideale dhe argumente fetare për grupimet e Al-Kaedas. Rezultati shihet çdo mëngjes pranë tregut të madh. Ndër gratë e veshura me stofa të ngjyrosura dhe të zbukuruara me kujdes, lëvizin tashmë edhe shumë gra të tjera të mbuluara nga koka te këmbët me një vello të zezë. Dhe ta mendosh mirë, vetëm pesë vjet më parë, këto lloj veshjesh nuk ekzistonin. Dhe nuk është vetëm një shtrëngesë kulturore, por edhe klimatike. Sepse në stinën e pranverës dhe të verës temperatura në Bamako arrin gjithmonë 45 gradët. Dhe të dalësh i mbuluar totalisht me një rrobë të zezë është një vuajtje e vërtetë, por që nuk u përket burrave që e vunë si detyrim.
Në Bamako ka rreth 50 xhami, ndërsa ato "uahabite" janë dhjetë. Dhe pasha e tyre ndihet. Edhe sepse disa imamë të Qendrës Kulturore Islamike janë uahabitë dhe merren me formimin e imamëve të rinj. Marabutët në islamin e Sahel dhe në Maghreb janë personazhe të shenjtëruar nga vetë populli. I përkasin traditës afrikane dhe ndihmojnë në mësimdhënien e Kuranit. Diçka e re që uahabitët e quajnë të padrejtë dhe e dënojnë. Thonë në xhami se marubitët janë haram, mëkat. Përhapja e fondamentalistëve dhe mbërritja e muxhahedinëve shtynë qeverinë e Uashingtonit të mbyllnin ambasadën në Baba Diarra përballë kaosit të stacionit. Ndërsa ambasada e re që u ndërtua është një pallat i fortifikuar në periferi, pikërisht përballë xhamisë së madhe të Shoqatës për Apel Islamik, organizëm i përdorur nga qeveria libiane për të infiltruar në rajon. Në boshllëkun strategjik që është formuar tashmë në Mali, ka vend për të gjithë. Është një boshllëk mbi të gjitha kulturor: nevoja për një identitet të ri që të zëvendësojë indiferencën e Evropës.
Në mes të një lufte në
Tin Zauatin
Çdo javë, qindra emigrantë të torturuar zbarkohen dhe lihen në mëshirë të fatit nga ushtarakët algjerianë në mes të një lufte në Tin Zauatin, oazë kufitar ku 250 kilometra vijë tokësore është e rrethuar me mina antitank, pikërisht që nga Kidali, qendra e parë e banuar që has rrugës kur zbret nga Mali, të cilin e ndan 342 kilometra shkretëtirë nga Gao, qyteti i parë i mirëfilltë. Për të bërë këtë gjë, Algjeria komplimentohet dhe mbështetet nga Bashkimi Evropian dhe Franca. Në Bruksel dhe Paris, emigracioni është thjesht një çështje sigurie. Por për një popull i detyruar të studiojë historinë franceze, me libra në gjuhën franceze dhe foto njerëzish të bardhë, nuk është më pak se një tradhti. Dhe nga ky këndvështrim, predikuesit uahabiti, me komunizmin e tyre fetar, ofrojnë një alternativë tjetër: ata gjejnë përgjigjen shpirtërore, politike dhe për ata që rekrutohen në kampet stërvitore, edhe mbështetje ushtarake. Një prezencë kjo që arrin të mbulojë shumë zona rurale ku shkolla publike dhe organizatat ndërkombëtare nuk mund të mbijetojnë. Kështu, gjatë 1200 kilometrave rrugë të asfaltuar, e cila të shpie në Gao, ndodh shpesh të lexosh tabela që tregojnë hapjen e medreseve, shkollave fetare ku studiohet në arabisht. Janë të financuara nga "Daua al Islamia". Nuk kanë asnjë lidhje me 18 shkollat e tjera të Djenes, qyteti që thuhet se ka xhaminë më të bukur në botë. Ato ndjekin traditat e marabutëve. Gjithsesi, Daua është një lëvizje e mbështetur nga Arabia Saudite dhe nga disa celula pakistaneze. Ka një numër telefoni ku mund të telefonosh, të thuash se do të hapësh një shkollë dhe ata të dërgojnë para e bëjnë gati stafin e mësuesve. Gao, porta e Saharasë e rrethuar nga rëra dhe nga brigjet e lumit Niger, tashmë është lidhur me pjesën tjetër të Afrikës nga një urë e ndërtuar nga kinezët. Nga Gao ka kaluar grupi i Mohamed Said Idghiri, 31 vjeç, bosi i një celule terroristësh të përqendruar në Marok, të cilët kanë edhe disa baza të vogla në Spanjë dhe Barcelonë. Ndërsa Barka Ag Belkheir, ushtarak i forcave speciale të ushtrisë konsiderohet si një individ që do të evitojë luftën. Ishte duke u larguar nga Kidali me një mision sekret: të shkonte dhe të bënte tratativa për të liruar Uolfgang Ebner, 51 vjeç dhe bashkëshorten e tij, Andrea Kloiber, 44 vjeç, dy turistët austriakë të rrëmbyer më 22 shkurt në shkretëtirën tuniziane, si për pengjet e vitit 2003 që u transferuan në Mali.

[Lona]

Vazhdon....
Uahabitët nuk ua hedhin sytë vajzave
Gao në ditët e sotme është një qytet pa lëvizje. E përshkojnë vetëm fuoristradat pa targa të kontrabandistëve algjerianë, kamionët që sjellin emigrantë drejt Mesdheut dhe ndonjë makinë ushtarake. Ministria e Drejtësisë ka vendosur të arrestojë ndonjë të huaj që po shkon drejt veriut, por ata janë të shumtë. Ka pasur sulme terroriste gjatë rrugës për në kidal: banditë, rebel, tuareg dhe thonë, Al-Kaeda. Por sa larg mund të shkojë fanatizmi? Për shembull uahabitët, nuk ua hedhin sytë vajzave, nuk shohin televizor, nuk dëgjojnë muzikë. Madje, nuk përdorin as stilolapsa, shkruajnë me maja druri dhe si bojë përdorin hi të shuar në ujë. Madje edhe lutjet i bëjnë në shtëpi, as në xhami nuk shkojnë. Por njerëzit janë të shqetësuar me praninë e Al-Kaedas në Saharanë e tyre. Muxhahedinët lëvizin në grupe prej 15 ose 20 vetash në dy ose tre fuoristrada "Toyota". Kanë gjithçka me vete, ujë, ushqime, armë dhe municione. Jetojnë për hesap të tyre. Vetëquhen muxhahedinë, ushtarë të xhihadit. Dhe thonë se sheiku i tyre është Osama Bin Laden. Flasin arabisht me theks mauritan ose algjerian. Por ka edhe afrikanë, mbi të gjitha nigerianë që mblidhen në rrugët e emigracionit klandestin. Edhe këta lëvizin me fuoristrada në karroceritë e të cilave kanë montuar mitraloza të rëndë. Pushkë, mitraloza dhe kundërtanke i kanë paguar me 5 milionë eurot (por disa flasin për 15 milionë) që u kanë marrë turistëve evropianë të sekuestruar në vitin 2003. Ndërsa fuçitë me karburant i blejnë në El Khalil, një pus uji në Mali rreth 20 kilometra nga kufiri algjerian i Bordj Mokhtar. Pusi kontrollohet nga ushtarakët malianë. Por muxhahedinët ndalen në kilometrin e 15-të. Telefonojnë me celularin satelitor dhe menjëherë trafikantët e El Khalil shkojnë bashkë me karburantin e porositur. Në fakt muxhahedinët paguajnë mirë.

[Lona]

Bush diskuton me presidentin irakian për trupat amerikane

Uashington, 26 qershor Presidenti i Shteteve të Bashkuara, Xhorxh Bush, diskutoi me presidentin e Irakut, Xhalal Talabani, rreth marrëveshjes për qëndrimin e trupave amerikane në Irak. Bush tha se u diskutua për "kornizën strategjike të marrëveshjes, e cila do të kënaqte edhe qeverinë irakiane". Diskutimet zhvillohen para skadimit të mandatit të OKB së në Irak, në fund të këtij viti. Marrëveshja synon lejimin e pranisë afatgjate amerikane në Irak.

Obama i kërkon ndihmën e Bill Klintonit

Çikago, 26 qershor Senatori Barak Obama, kandidati presidencial amerikan nga demokratët në zgjedhjet e nëntorit, ka mirëpritur mbështetjen e ish rivales së tij, Hilari Klinton dhe bashkëshortit të saj. Obama ka vlerësuar lart aftësitë dhe përkushtimin e senatores Klinton. Lidhur me mbështetjen që pak ditë më parë ai mori nga presidenti Bill Klinton Obama tha: "Nëse pyetja është a dëshiroj që Bill Klinton të bëjë fushatë për ne në nëntor, përgjigjja është një po e padiskutueshme. Ai është një politikan i shkëlqyer dhe ka qenë një president i jashtëzakonshëm. Unë e dua ndihmën e tij, jo vetëm për fushatën zgjedhore, por edhe për qeverisje." Komentet e tij u bën gjatë një konference shtypi në Çikago.

Gjermania konfirmon rrëmbimin e 2 gjermanëve në Somali

Berlin, 26 qershor Qeveria federale gjermane ka konfirmuar se në bregdetin e Somalisë janë rrëmbyer dy gjermanë në një jaht. Një zëdhënës i ministrisë së jashtme në Berlin tha se ky lajm u vërtetua pas kontakteve me autoritet vendore. Sipas autoriteteve vendore të Somalisë, piratët, të cilët fshihen pas këtij rrëmbimi, kanë bërë presion për para, si kusht për lirimin e tyre.

[Lona]

Ristrukturimi i pranisë ndërkombëtare në Kosovë pasqyron "statusin e ri të Kosovës", tha Kejzi

Uashington, 26 qershor - Departamenti amerikan i Shtetit ka përsëritur mbështetjen për propozimin e kreut të Kombeve të Bashkuara lidhur me konfigurimin e pranisë ndërkombëtare në Kosovë. Zëdhënësi i Departamentit të Shtetit, Tom Kejzi theksoi se ky plan nuk paraqet aspak braktisje të Kosovës nga OKB ja apo bashkësia ndërkombëtare. Sipas tij, propozimi i Ban Ki Munit është hartuar "për të lehtësuar zhvillimin e institucioneve vendore". Kejzi shtoi se ristrukturimi i pranisë ndërkombëtare në Kosovë pasqyron "statusin e ri të Kosovës". Komentet e zëdhënësit të Departamentit të Shtetit u bën gjatë një konference shtypi.

Presidenti Sejdiu priti një delegacion të Mbrojtjes së Asamblesë Kombëtare të Francës

Prishtinë, 26 qershor Presidenti i Republikës së Kosovës, dr. Fatmir Sejdiu priti sot një delegacion të Komisionit të Mbrojtjes të Asamblesë Kombëtare të Francës, të kryesuar nga Zhan-Luis Bernar (Jean Louis Bernard), i cili shoqërohej nga deputetët e kësaj asambleje, Zhan-Klod Bolie (Jean Claude Beaulieu), Zhak Dezallangre (Jaques Desallangre), Fransis Hilmie (Francis Hillmeyer) dhe Mishel Gral (Michel Grall). Në takim mori pjesë edhe ambasadorja e Republikës së Francës në Kosovë, znj. Delfinë Borion (Delphine Borione).


Fejt pret që vendet e rajonit "sa më parë" do të njohin pavarësinë e Kosovës

Podgoricë, 26 qershor - Përfaqësuesi special i Bashkimit Evropian në Kosovë Piter Fejt ka thënë se pret që vendet e rajonit, përfshirë edhe Malin e Zi, "sa më parë" do të njohin pavarësinë e Kosovës. "Ne shpresojmë shumë shpejt", është shprehur Fejt për TV malazez. Ai ka vlerësuar se njohja e pavarësisë së Kosovës "ndoshta nuk do të ishte një akt politik ndaj Beogradit, por do të kontribuonte në rajon". Mirëpo Fejt ka shprehur bindjen se njohja e pavarësisë së Kosovës nga Mali i Zi nuk do të shkaktojë "pasoja të mëdha". Fejt konsidern se Serbia në rast të njohjes së Kosovës ndoshta e tërheq ambasadorin e vet nga Podgorica. "Dhe kjo është e tëra" theksoi Fejt.

[Lona]

Paris: Berisha apeloi për njohjen e Kosovës

Paris, 14 korrik -Kryeministri shqiptar Sali Berisha deklaroi në samitin e Parisit se vendet që e kanë njohur pavarësinë e Kosovës nuk e kanë bërë këtë "për të ndëshkuar Serbinë", as për të "shpërblyer shqiptarët", por me "bindjen më të thellë se kjo është rruga e vetme për të garantuar paqen dhe stabilitetin në rajon". Kryeministri shqiptar u drejtoi një "thirrje miqësore", vendeve mike të pranishme në këtë samit, të cilat ende nuk e kanë marrë këtë vendim, të shfrytëzojnë shansin për të dhënë kontributin e mëtejshëm në paqen në gadishullin tonë, duke njohur pavarësinë e Kosovës", theksoi Berisha. "Kosova prej dekadash ishte shtatzënë me fatin e saj. Më 17 shkurt, fëmija lindi; Kosova është sot e pavarur. Në rajonin tonë një fëmijë i ri ka lindur. Kosova po hedh hapat e saj të parë në ndërtimin e demokracisë më të re në Evropë. Historia politike e legale e Kosovës, por edhe genocidi e fushatat e pastrimit etnik e bëjnë atë një rast unik që nuk krijon precedent. Kosova është njohur tashmë nga më se 42 vende", tha Berisha dje para liderëve të vendeve të Mesdheut në Paris.

Identifikohet trupi i Rushit Vidishiqit, i zhdukur në vitin 1999

Mitrovicë, 14 korrik - Zyra për identifikim dhe mjekësi ligjore në Prishtinë njoftoi se ka identifikuar trupin e Rushit (Hysen) Vidishiqit nga fshati Vidishiq i Mitrovicës. Trupi i të ndjerit Vidishiqi, i cili ka lindur më 1946 dhe është zhdukur nga forcat serbe më 08.06.1999 në Zhabar, është identifikuar në bazë të analizave të ADN së. Njoftohet se varrimi i mbetjeve mortore do të bëhet të martën në orën 13:30 në Varrezat e Dëshmorëve në Shipol.
Sot hapet Universiteti Veror i Prishtinës

Prishtinë, 14 korrik - Sot në orët e mbrëmjes, në Sallën e Kuqe të Fakultetit të Filologjisë, zhvillohet ceremonia solemne e hapjes së Universitetit Veror të Prishtinës 2008. Me këtë rast do të flasin, rektori i UP së, prof.dr. Enver Hasani, Presidenti i Republikës së Kosovës, Fatmir Sejdiu, kryeministri Hashim Thaçi, kryesuesi i EULEX it, Iv dë Kermabon, ministri i Arsimit, Shkencës dhe Teknologjisë, Enver Hoxhaj etj.
Në luftimet me militantët afganë u vranë 9 ushtarë amerikanë

Kabul, 14 korrik Nëntë ushtarë amerikanë u vranë në luftimet me militantët afganë, në afërsi të kufirit me Pakistanin. Përleshjet në krahinën Kunar ishin ndër sulmet më vdekjeprurëse për forcat e huaja në Afganistan gjatë viteve të fundit. Këtë vit janë shtuar sulmet e talebanëve, sidomos në pjesën lindore të Afganistanit, ku NATO thotë se ata po përfitojnë nga marrëveshjet për paqe në Pakistan.
Fillon sot stërvitja ushtarake Ukrainë NATO

Kiev, 14 korrik Disa parti politike dhe organizata jo qeveritare paralajmëruan protesta në Ukrainë kundër fillimit të stërvitjeve të përbashkëta ushtarake ndërmjet NATO s dhe forcave vendore. Në anën tjetër, ushtria tha se stërvitja është "hap i ri në ndërtimin e besimit dhe bashkëpunimit ndërmjet Shteteve të Bashkuara dhe Ukrainës". Stërvitja ushtarake fillon sot në Detin e Zi dhe pjesë tokësore të Ukrainës.
Në samitin e "Unionit të Mesdheut" arrihet pajtimi për armët

Paris, 14 korrik Më shumë se 40 vende, përfshirë Izraelin dhe shtetet arabe, u pajtuan që të punojnë për Lindjen e Mesme si zonë pa armë të shkatërrimit në masë. Në deklaratën përfundimtare të samitit të "Unionit të Mesdheut", që u mbajt dje në Paris, u tha se ndalesa përfshinë armët bërthamore, kimike dhe biologjike, si edhe sistemin shpërndarës për to. Presidenti francez, Nikolas Sarkozi, si mikpritës i samitit, kërkoi respekt të ndërsjellë ndërmjet shteteve të rajonit.

[Lona]

Në Ural gjenden eshtrat e fëmijëve të mbretit

Moskë, 16 korrik - Prokurorët rusë konfirmuan se eshtrat e gjetura vitin e kaluar, u përkasin djalit dhe vajzës së Car Nikola II. Zyra e kryeprokurorit tha se mostrat e DNA-së dhe analizat e dhëmbëve treguan se mbetjet e gjetura në Ural, janë të princit Aleksei dhe vajzës Maria. Njoftimi u bë disa orë para fillimit të ceremonive për shënimin e 90-vjetorit të vrasjes së familjes së Carit nga bolshevikët, në vitin 1918.

Në përleshjet në Turqi vriten edhe 11 militantë kurdë

Ankara, 16 korrik - Ushtria turke bëri të ditur se 11 militantë kurdë janë vrarë në përleshjet në Turqinë juglindore, duke e ngritur në 33 numrin e kryengritësve të vrarë nga ushtria në pesë ditët e fundit. Ushtria tha se ata janë vrarë në operacionin në provincën Hakari, e cila është në kufi ndërmjet Irakut dhe Iranit. Ushtria njoftoi dje për 22 militantë të vrarë në provincën Sirnak.

NATO zhvendos disa pika të kontrollit në Afganistanin verilindor

Kabul, 16 korrik - NATO bëri të ditur sot se është larguar nga disa pika kontrolli në Afganistanin verilindor, disa ditë pasi në sulmet e militantëve u vranë nëntë ushtarë amerikanë dhe u plagosën 15 të tjerë. Zyrtarët afganë thanë se ushtarët u larguan nga baza në provincën Kunar, ndërsa zëdhënësit e NATO-s thanë se ushtarët janë larguar nga pika e kontrollit atje. Ushtarët kanë zhvendosur postin e kontrollit në afërsi të fshatit Vanat.

Biznesmenë turq vlerësojnë mundësinë e investimeve në Kosovë

Prishtinë, 16 korrik - Delegacion i biznesmenëve nga Turqia u informua sot në Odën Ekonomike të Kosovës për mundësitë e investimeve në Kosovë dhe krijimin e partneriteti më të avancuar të bizneseve të dyja vendeve. Takimi në mes të biznesmenëve nga regjioni i Stambollit dhe biznesmenëve kosovar në Odën Ekonomike të Kosovës (OEK) u cilësuar si rast i mirë për promovimin e mundësive për investime të drejtpërdrejta në Kosovë. Drejtori për marrëdhënie me jashtë në OEK Safet Gërxhaliu theksoi se është e pamundur të mendohet se Kosova do të ketë stabilitet politik, nëse nuk do të sigurohet zhvillimi ekonomik, mirëpo zhvillim ekonomik nuk do të ketë nëse nuk krijohet një ambient i volitshëm për të inkurajuar investitorë nga jashtë. Duke folur në emër të biznesmenëve nga Turqia, Nezih Liman, tha se biznesmenët turq para luftës, gjatë dhe pas luftës, kanë qenë gjithnjë të pranishëm në Kosovë me investime të tyre. "Ne jemi këtu sot të gjithë së bashku për të shikuar mundësinë për t'i dhënë një shtytje zhvillimit ekonomik të Kosovës". Ai tha se delegacioni i afaristëve nga Turqia përbëhet nga biznesmenë të fushave të ndërtimtarisë dhe tekstilit, por edhe fushave tjera.

Maqedonia njeh pasaportat e Kosovës

Shkup, 16 korrik - Ministria e Jashtme e Maqedonisë njoftoi se do t'i njoh pasaportat e reja të Kosovës, duke i konsideruar ato si vazhdimësi e pasaportave të UNMIK ut. Petar Çulev nga kjo ministri tha se "qytetarët e Kosovës lirisht do të mund të hyjnë në Maqedoni me pasaportat e reja, sikurse edhe deri më tani". Maqedonia ende nuk e ka njohur pavarësinë e Kosovës.

Sejdiu përshëndet gatishmërinë e Çekisë për investime në sferën ekonomike

Prishtinë, 16 korrik - Presidenti i Republikës Fatmir Sejdiu, priti sot, Zëvendësministrin e parë të Punëve të Jashtme të Republikës Çeke Tomash Pojar. Në këtë takim u bisedua për proceset e bashkëpunimit, për angazhimet që Çekia ka pasë në mbështetje të Kosovës, si dhe për rolin e veçuar që kishte presidenti Havel dhe e gjithë elita që ka udhëhequr shtetin e Çekisë në procese të rëndësishme të reformave dhe të lëvizjes së tyre të shpejtë në proceset integruese në Bashkimin Evropian edhe në NATO. Presidenti i Republikës Fatmir Sejdiu, duke e falënderuar z. Pajar për rolin e Çekisë në nxitjen e mbështetjeve të lirisë në radhë të parë të Kosovës, me njohjen e pavarësisë së Republikës së Kosovës, e përshëndeti gatishmërinë që kanë për investime të rëndësishme në sferën ekonomike, posaçërisht në fushën e energjetikës si dhe për bashkëpunimin e mëtejshëm në të gjitha nivelet në mes të dy shteteve sovrane. "Dëshiroj edhe një herë që t'i përcjell falenderimet më të thella për Republikën Çeke, për vendimet që ka marrë, për mbeshtetjen që i ka dhënë Kosovës, për punën e kontigjentit çek në kuadër të forcave të KFOR it në Kosovë, që është një kontigjent jashtëzakonisht profesional dhe i disiplinuar", theksoi Presidenti. Ndërsa, Zëvendësministër çek, i cili po qëndron në vendin tonë me rastin e hapjes së Ambasadës së Republikës Çeke në Kosovë, tha se stabiliteti, prosperiteti, demokracia, respekti për individë dhe të drejtat civile këtu në Kosovë dhe poashtu në të gjithë regjionin nuk është i mirë vetëm për regjionin, por për të gjithë Evropën dhe për Republikën Çeke. "Mendoj se ka shumë projekte që mund t'i bëjmë së bashku në sektorin e ekonomisë, investitmeve dhe energjetikës dhe ne jemi të gatshëm t'i bëjmë ato në Republikën e Kosovës", pohoi ai. Duke iu përgjigjur një pyetje të gazetarëve për sferat në të cilat kompanitë çeke janë të interesuara në Kosovës, Pojar tha: "Ne kemi përmendur kompaninë ÇES, e cila është më shumë se 60% pronë e shtetit Çek, e cila është një nga lojtarët më të mëdhenjë në tregun ballkanik. Kjo kompani po shqyrton mundësitë për investime jo vetëm në Kosovë por edhe në shtetet e tjera të regjionit. ÇES është shumë e interesuar për ivestime në Kosovë dhe po presim për një hap nga qeveria e Kosovës dhe pastaj ne jemi të gatshëm. Gjatë takimit me Presidentin Sejdiu, z. Tomash Pajar, ripërsëriti zotimin e vendit të tij se do të jenë prezent në Kosovë për të ruajtur stabilitetin e Kosovës dhe të gjithë regjionit.

[hasanmehmeti]

Papa kërkon falje për abuzimet


Papa ka kërkuar faljme për abuzimet e priftërinjve Gjatë një vizite në Australi, Papa Benedikti ka kërkuar falje për abuzimin seksual të fëmijëve nga disa priftërinj katolikë.
Duke folur në një takim me peshkopë katolikë, Papa shprehu keqardhje të thellë për vuajtjet që kishin shkaktuar priftërinjtë.
"Me duhet të pranoj turpin që ne të gjithë kemi ndjerë si rezultat i abuzimit seksual të të miturve nga disa priftërinj dhe klerikë në këtë vend. Unë shpreh keqardhje të thellë për dhimbjet dhe vuajtjet që kanë përjetuar viktimat e këtyre abuzimeve. Këto abuzime, të cilat përbëjnë një tradhëti të rëndë të besimit, meritojnë të dënohen pa ekuivoke", tha Papa Benedikti.
Grupet që mbrojnë të drejtat e viktimave thonë se deri tani për abuzime seksuale ndaj fëmijëve në Australi janë dënuar më shumë se 100 priftërinj apo klerikë të tjerë.
Çështja e abuzimit të fëmijëve nga disa priftërinj katolik e ka dominuar vizitën aktuale të Papa Benediktit në këtë vend.

http://www.bbc.co.uk/albanian/news/2...pe_sorry.shtml

[hasanmehmeti]

Arrestohet prifti i Karavastasë,bë nte trafik klandestinësh me tre policë



http://www.panorama .com.al/index. php?id=16929

Prifti, rekruti i klandestinëve

Trafik nëpërmjet kishës së Karavastasë. Dhjetëra të rinj që hynin e dilnin nga kisha e fshatit të Lushnjës u kanë bërë përshtypje banorëve të zonës, por kanë menduar se bëhej fjalë për besimtarë të devotshëm.
Por, dje lajmi i arrestimit të priftit të tyre si trafikant klandestinësh u ka dhënë përgjigjen e dyshimeve.
Mihal Shuli, prift i kishës së Karavastasë në Lushnjë u arrestua dje nga policia, si një ndër anëtarët kyç të grupit të trafikantëve klandestinë. Me arsim të lartë, 47 vjeç, prifti kishte autoritet dhe ndikim të madh te banorët e për pasojë sipas policisë ka arritur të sigurojë dhe të interesuarit për të emigruar ilegalisht drejt perëndimit. Burime të brendshme të policisë së Lushnjës pohojnë se, at Mihali ishte një ndër pjesëtarët kryesorë të kësaj bande të mirorganizuar, e cila i pajiste emigrantët me dokumente false. Ai mbante lidhje direkt me kokën e trafikut, i cili jeton në Athinë, madje shpeshherë kryente rolin e taksistit të klandestinëve.
At Mihali shërbente në kishën e Karavastasë prej vitesh, ndërkohë që kjo e fundit ishte një ndër më të frekuentuarat në zonë nga besimtarët. Banorë të zonës kanë treguar për oficerët e policisë se disa herë shikonin lëvizje të dyshimta në mjediset e kishës, por gjithmonë duke menduar se aty kryheshin rite të ndryshme fetare edhe gjatë orëve të vona të pasdites. "E kam shtëpinë fare pranë kishës ku shërben prifti, të cilin e kanë arrestuar. Kemi parë që hyjnë e dalin shumë, po me mendje se janë besimtarë të cilët nuk kanë mundësi ta frekuentojnë kishën paradite dhe vijnë aty pasdite. Madje, e kemi pyetur edhe priftin për këto lëvizje, por ai është shprehur se për besimtarët nuk ka orar", ka deklaruar një prej banorëve. Sinjalet e tyre dhe hetimet disamujore të policisë së rrethit, e cila po bashkëpunonte me homologet në qytete të tjera, kanë çuar grupin hetimor drejt kishës. Ecejaket e njerëzve të shoqëruar nga prifti, linin të dyshoje se bëhej fjalë për diçka jashtë kishës, që nuk i përkiste kultit të Zotit. Madje, burime policore tregojnë se, të ashtuquajturit besimtarë vinin aty edhe në orët e vona të natës dhe pastaj dilnin në grupe. Më pas ishte prifti ai që krijonte lidhjen me rrjetin tjetër të shpërndarë gjithandej. Në ambientet e kishës janë gjetur në cilësinë e provës materiale kompjuter, si dhe disa certifikata të personave të ndryshëm me gjendje civile të shumë komunave dhe bashkive të vendit.
Ajo që dihet e sigurt është që prifti Shuli i gjente klientët që kishin nevojë për të kaluar kufirin nga disa fshatra të largët të rrethit të Lushnjës, si Dushk, Gorre, Fiershegan, Hallvaxhie etj., por nuk ishin të përjashtuar banorët të zonave të tjera, të cilët nëse ishte e nevojshme, strehoheshin për disa ditë nga vetë prifti. Mendohet se gjatë kohës së predikimit, shumë njerëz i qanin hallin priftit për varfërinë që i kishte kapur ata, ose të afërmit e tyre dhe ai "i siguronte" hallexhinjtë se gjithçka mund të merrte zgjidhje vetëm në rast emigrimi. Prifti u tregonte se mund t'i ndihmonte duke i adresuar te njerëz që i njihte mirë dhe në rast se familjarët nuk e kalonin kufirin, ata nuk do të paguanin asnjë lekë. Kjo ishte mesa duket detyra e thjeshtë, por e madhe që i ishte ngarkuar priftit të fshatit Karavasta, si njeri i besuar dhe që nuk mund të zbulohej lehtë, nga grupi i trafikantëve.


Të arrestuarit

1. Ismet Rroqi, 29 vjeç, përgjegjës në Kapshticë
2. Sefer Çollaku, 50 vjeç, kontrollor Kapshticë
3. Rajmondi Duro, 40 vjeç, kontrollor Kapshticë
4. Mihal Shuli, 47 vjeç, prift në Karavasta
5. Leonard Belortaja, 32 vjeç, nga Korça shofer
6. Artur Likollari, 42 vjeç, nga Korça shofer
7. Altin Qatipi, 30 vjeç, nga Tirana shofer
8. Edmond Kallkuçi, 35 vjeç nga Korça
9. Manol Xhamia, 48 vjeç nga Bilishti shofer
10. Ilir Çipi, 38 vjeç nga Korça, tregtar

Hetim pronave, për fitimet nga trafiku

TIRANE - Njësia Task-Force Kundër Krimit Ekonomik dhe Korrupsionit në Prokurorinë e Tiranës është duke verifikuar të gjitha pasuritë që ekzistojnë në emër të personave të arrestuar së fundi, me akuzën e trafikut ndërkombëtar të klandestinëve. Ata dyshohet se, kanë pasur përfitime të majme financiare për shkak se kanë kaluar një numër të madh klandestinësh, duke marrë nga secili prej tyre 2 mijë euro për person. Me fitimet që kishin siguruar, trafikantët kishin arritur të korruptonin edhe punonjësit e policisë, të cilët pasi hynin në autobusët që udhëtonin drejt Greqisë dhe kontrollonin pasaportat për t'i vulosur ato, nuk nxirrnin probleme për personat që kalonin në mënyrë të paligjshme, duke u trafikuar nga grupi i të arrestuarve. Sipas hetimeve, ata dyshohet se kanë përfituar pasuri dhe biznese të ndryshme me fitimet që arrinin nga trafiku ndërkombëtar i klandestinëve që kalonin në drejtim të Greqisë me destinacion përfundimtar Italinë. Prokuroria tha se, veç gjashtë makinave që u janë bllokuar trafikantëve gjatë arrestimit të tyre, po verifikohet në hipoteka dhe në banka për prona të tjera të tyre, që dyshohet se janë vendosur nga veprimtaria kriminale.

“Tre oficerë në bandën e trafikut”

Shërbimi i Kontrollit të Brendshëm arrestoi një grup kriminal të akuzuar për falsifikim dokumentesh, trafik klandestinësh dhe korruptim të tre oficerëve të policisë, që sipas provave të grumbulluara, konsiderohen anëtarë dhe bashkëpunëtorë të trafikantëve.

Dashamir Biçaku

Të arrestuarit mblidhnin klandestinë nga e gjithë Shqipëria dhe përmes taksive i transportonin në Korçë. Me anë të korruptimit të tre oficerëve të pikës kufitare, klandestinët kalonin në Greqi, ku i prisnin anëtarë të grupit kriminal që i nisnin më pas drejt Italisë. Për çdo klandestin, sipas hetimeve, të arrestuarit përfitonin 2 mijë euro, të cilat ndaheshin në çdo rast mes anëtarëve të grupit. Operacioni është zhvilluar nën drejtimin e SHKB-së në Ministrinë e Brendshme dhe është zhvilluar njëkohësisht në Tiranë, Korçë, Lushnjë, Vlorë dhe Fier ku vepronin anëtarët e grupit. Ata po hetoheshin prej gjashtë muajsh nga Zyra Task-Forca Antikorrupsion në Prokurorinë e Tiranës, pas një denoncimi të paraqitur aty nga SHKB, që kishte zbuluar korruptimin e tre oficerëve nga grupi kriminal, duke u bërë kështu shkak për zbulimin e veprimtarisë së gjithë personave të tjerë. Burimet zyrtare të policisë thanë dje se, trafikantët i kalonin klandestinët në pikën kufitare kur aty shërbenin tre oficerët e arrestuar, të cilët përfitonin shuma ryshfeti për çdo kalim të klandestinëve. Mes të arrestuarve ndodhet edhe prifti i Karbunarës, i cili akuzohet se ka transportuar klandestinë me makinën e tij dhe u ka gjetur atyre dokumente false, që shërbenin për udhëtimin nga Greqia drejt Italisë.
Zbulimi
Grupi i akuzuar për trafik klandestinësh, falsifikim dokumentesh dhe korrupsion është zbuluar pas dhjetëra rasteve të kthimit të emigrantëve shqiptarë nga Italia, që ishin kapur atje me dokumente false. Pasaportat e tyre kishin vulat dalëse në pikën kufitare të Kapshticës dhe duket se këtu ka filluar edhe hetimi i SHKB-së. Në bashkëpunim me Task-Forcë Antikorrupsion është realizuar përgjimi i dhjetëra bisedave mes trafikantëve dhe oficerëve të policisë, të cilët jepnin miratimin për kohën kur duhej të kalonin klandestinët, duke informuar për kontrollet dhe masat e policisë në pikën e kalimit kufitar. Operacioni i koduar "Korridori i lirë" për shkak se tre oficerët e arrestuar u hapnin rrugën klandestinëve, ka sekuestruar gjashtë makina që përdoreshin nga të akuzuarit, 20 pasaporta false të përdorura nga klandestinët si dhe 12 celularë të personave të prangosur. Ministria e Brendshme konfirmoi dje se hetimi i kësaj çështje është bërë në bashkëpunim edhe me policinë greke, e cila gjithashtu kishte pikasur kalimin e klandestinëve me autobusë drejt tokës helene. Sipas hetimeve të Task-Forcë Antikorrupsion mësohet se në hetim janë edhe disa persona të tjerë, që veprojnë në Shqipëri dhe në Greqi për të cilët verifikimet po vazhdojnë me qëllim sqarimin e pozicionit të tyre në trafikun ndërkombëtar të klandestinëve.


"Baza e Igumenicës, pranga dy trafikantëve

VLORE - Pas një hetimi disa mujor, policia e Vlorës arrestoi dje dy persona nga Saranda. Gerald dhe Erand Metushi, përkatësisht 21 dhe 20 vjeç që ushtronin aktivitetin e dhënies së ndihmës për kalim të paligjshëm të kufirit. Dy kushërinjtë kishin arritur të depërtonin me aktivitetin e tyre deri në Greqi, vend ku ata falsifikonin dokumentet për personat që do të kalonin kufirin. Madje, falsifikonin dhe viza greke e italiane. Policia e ka koduar operacionin për arrestimin e dy të rinjve "Baza e Igumenicës". Sipas burimeve të policisë, pikërisht në Igumenicë të Greqisë, ishte një bazë e përpunimit dhe falsifikimit të dokumenteve për shqiptarët, të cilët me anë të këtyre dokumenteve kalonin në Greqi, e më pas në Itali. Në këmbim, të arrestuarit përfitonin 3000-3500 euro për person. Mësohet se hetimi ndaj dy të arrestuarve të djeshëm ka filluar në muajin prill 2008. Ata janë mbajtur në përgjim për gati tre muaj, deri në finalizimin e arrestimit, ku tashmë janë grumbulluar prova më se të mjaftueshme për t'i përballur ata me togat e zeza. Ata e kanë ushtruar aktivitetin e tyre në zonën e Vlorës dhe Sarandës. Ndërkohë, në bazën e përpunimit të dokumenteve në Igumenicë, kishin bashkëpunëtorë të tjerë. Dy të rinjtë bënin porositë përkatëse duke dhënë më parë emrat dhe gjeneralitetet që duhej të plotësoheshin në dokumentet, që do të shërbenin për kalimin e kufirit nga të interesuarit.

[Lona]

Dobins: As Serbia, as Rusia nuk mund ta bllokojnë anëtarësimin e Kosovës në BE dhe në NAT0

Pragë, 23 korrik - Ish emisari amerikan për Ballkanin Xhems Dobins, mendon se Rusia dhe Serbia do të vazhdojnë të rezistojnë dhe t'ua vështirësojnë punën Qeverisë së Kosovës, Kombeve të Bashkuara dhe Bashkimit Evropian. Megjithatë ai nuk mendon se Moska dhe Beogradi janë në pozitë që fundamentalisht ta bllokojnë misionin e BE-së. Ndonëse mund të krijojnë komplikime, ato nuk mund ta bëjnë të pamundshme vendosjen e EULEX-it. "Në fund të fundit, Bashkimi Evropian do të vendoset dhe ende do të ketë një mbetje të pranisë së Kombeve të Bashkuara, për aq kohë sa rezoluta e Këshillit të Sigurimit do të jetë në fuqi si kornizë juridike për praninë ndërkombëtare atje", tha Dobins për REL, duke shtuar se kjo rezolutë nuk mund të ndryshohet pa pajtimin e Rusisë. Duke folur për perspektivën e integrimeve euroatlantike të Kosoëvs dhe Serbisë, Dobins thotë se Shtetet e Bashkuara dhe pjesa më e madhe e vendeve evropiane do të dëshironin t'i shihnin të dyja vendet si anëtare të BE së dhe të NATO s. Por, anën tjetër Donbins mendon se "as Serbia e as Rusia nuk kanë ndonjë mundësi për ta bllokuar anëtarësimin e Kosovës në këto organizata". Në kontekstin e kërcënimit real të ndarjes së Kosovës dhe reagimit të bashkësisë ndërkombëtare, Dobins është mendimit se ndërkombëtarët nuk do të lejojnë "de jure" ndarjen e Kosovës. "Kjo do të thotë se nuk do ta njohë ndarjen", thotë Dobins, ndonëse siç shprehet "në një shkallë kjo ndarje tashmë ekziston". "Komuniteti ndërkombëtar do të vazhdojë të përdorë masa ekonomike dhe politike, me qëllim që gradualisht ta dobësojë këtë ndarje dhe ta riunifikojë Kosovën". Ndërkaq në lidhje me mundësinë e ndryshimit të qëdrimit të qeverisë së Serbisë ndaj politikës karshi Kosovës së pavarur, Dobins thotë se kjo nuk do të ndodhë shpejt. "Mendoj se qeveria do të vazhdojë të rezistojë që ta njohë pavarësinë e Kosovës dhe do të vazhdojë të krijojë vështirësi për Kosovën. Por, është e qartë se fokusi prioritar i saj do të jetë në lëvizjen drejt marrëdhënieve më të afërta me Perëndimin", tha Dobins.

Qiproja thotë se nuk e përkrah pavarësinë e Kosovës

Beograd, 23 korrik - "Qiproja ka përsëritur se nuk e njeh dhe nuk e përkrah pavarësinë e Kosovës", ka thënë sot ministri i Punëve të Jashtme të Serbisë, Vuk Jeremiq, në konferencën e përbashkët për gazetarë me shefin e diplomacisë qipriote, Markos Kiprianu në Beograd. Ministri i Jashtëm i Qipros ka thënë se përkrahja qipriote për Serbinë rreth Kosovës konsiston në "respektimin e parimeve të së drejtës ndërkombëtare, që është një nga parimet themelore të respektimit të integritetit territorial dhe sovranitetit të vendit". Qiproja bashkë me Spanjën, Rumaninë dhe Sllovakinë këmbëngul në mosnjohjen e pavarësisë së Kosovës.

UNMIK u dhe Policia e Kosovës mohojnë se Karaxhiq e Mlladiq kanë qëndruar në Kosovë

Prishtinë, 23 korrik - UNMIK ku dhe Policia e Kosovës kanë mohuar mundësinë e qëndrimit eventual të Radovan Karaxhiqit, me emrin e rremë, Dragan Dabiq dhe Ratko Mlladiqit në vendin tonë. Në konferencën e sotme me gazetarë ata thanë se Policia e UNMIK ut dhe ajo e Kosovës është duke funksionuar në veri dhe se nuk ka informacione të tilla. Zëdhënësi UNMIK ut, Rasel Giki tha se UNMIK u mohon të këtë informacione se i shumë kërkuari për krime lufte në Bosnje Radovan Karaxhiq, me emrin e rremë Dragan Dabiq dhe bashkëpunëtori i tij gjithashtu i kërkuar nga Gjykata e Hagës, Ratko Mladiq të kenë qëndruar në Kosovë. Edhe zëdhënësi i Policisë të Kosovës Veton Elshani tha se deri më tani nuk kanë ndonjë informatë për qëndrimin e këtyre personave në Kosovë. Por në anën tjetër në pyetjen nëse përfaqësuesit e UNMIK, KFOR it dhe Policës së Kosovës mund të garantojnë se Karaxhiq dhe Maldiq nuk kanë hyrë kurrë në Kosovë, zëdhënësi i UNMIK ut, tha "jo".

Propozohen ndryshime në qeverinë shqiptare

Tiranë, 23 korrik - Kryeministri Sali Berisha i ka propozuar Presidentit të Shqipërisë Bamir Topi emërimin në postin e Zëvendëskryeministrit Genc Pollo, ndërsa në postin e Ministrit të Arsimit dhe Shkencës që e mbante Pollo, ai propozon emërimin Fatos Bejës, nënkryetar aktual i Kuvendit. Ndërkaq në postin e Ministres së Shëndetësisë ai porpozon znj. Anila Godo dhe lirimin nga kjo detyrë të Nard Ndokës.

BE i pezullon miliona dollarë ndihma Bullgarisë

Bruksel, 23 korrik - BE ka pezulluar miliona dollarë ndihma për Bullgarinë pas një serie raportesh që kritikonin ashpër qeverinë se kishte dështuar të luftonte korrupsionin dhe krimin e organizuar. BE po i mban fondet në linjë me paralajmërimet e dhëna më herët Bullgarisë kur vendi u anëtarësua në BE në janar të vitit të kaluar dhe ka ndaluar pagesat për dy agjenci qeveritare. Drejtuesit e BE së thonë se megjithë disa përpjekje për të luftuar korrupsionin dhe krimin e organizuar, institucionet duken të mira në letër, por nuk japin rezultate në praktikë. BE ka paralajmëruar edhe Rumaninë për progresin e ngadaltë në këtë fushë. Një zëdhënës i Komisionit evropian tha se BE donte të ndihmonte të dy vendet, por rezulatat duhet të vinin nga brenda vendit. Për shkak të shqetësimeve në masë të madhe, përsa i takon zgjerimit të mëtejshëm të Bashkimit Evropian, mesazhi nga Komisioni Evropian është se nëse të rinjtë nuk sillen siç duhet ata do ta paguajnë.

Parlamenti maqedonas pritet të miratojë ligjin për liberalizimin e vizave me Shqipërinë

Shkup, 23 korrik - Parlamenti maqedonas pritet të miratojë ligjin për liberalizimin e regjimit të vizave me Shqipërinë. Kohë më parë ky ligj u bë tejet i diskutueshëm për shkak se autoritetet maqedonase thanë se ligjin për të huajtë do ta zbatonin edhe për shtetasit e Shqipërisë që nënkuptonte se shtetasit shqiptarë për hyrje në Maqedon vizat duhej t'i siguronin në Tiranë e jo në vendkalimet kufitare. Ligji i ri mundëson që qytetarët e dy vendeve pa ndonjë procedurë të theksuar të mund të kalojnë nga njëri në shtetin tjetër. Sipas marrëveshjes, shtetasit e një vendi do të mund të qëndrojnë në vendin tjetër 90 ditë brenda një periudhe prej gjashtë muajve. Gjithashtu, parashikohet që banorët e zonave kufitare, 20 kilometra nga kufiri, do të mund të kalojnë në vendin fqinj vetëm me karta identiteti.

Obama thotë se Izraeli do të jetë top prioritet

Tel Aviv, 23 korrik - Barak Obama u zotua të forcojë lidhjet me Izraelin dhe të konsiderojë prioritet kryesor sigurinë e këtij vendi, në rast se zgjedhet president i SHBA ve. Kandidati i Partisë Demokratike i bëri komentet gjatë takimit me presidentin e Izraelit Shimon Peres. Obama do të vizitojë edhe Bregun Perëndimor dhe do të takohet me presidentin palestinez Mahmud Abbas. Gjatë turneut, Obama ka vizituar Afganistanin, Irakun dhe Jordaninë. Gjatë javës, ai do të qëndrojë në Gjermani, Britani dhe në Francë.

Rajs takon homologun nga Koreja Veriore

Kuala Lumpur, 23 korrik - Sekretarja amerikane e Shtetit Kondoliza Rajs u takua me shefin e diplomacisë së Koresë Veriore, për të parën herë në katër vitet e fundit të karakterizuara nga mosmarrëveshjet rreth programeve bërthamore të Penjanit. Rajs dhe Pak Ui Chun u takuan në Singapor me zyrtarët e vendeve të tjera të përfshira në bisedimet për çarmatosjen e Koresë Veriore. Ministri i Jashtëm i Kinës Yang Jiechi e cilësoi takimin të rëndësishëm dhe tha se tregon vullnetin për të shtyrë përpara procesin e çarmatosjes.

Irani nuk heq dorë nga programet atomike

Teheran, 23 korrik - Presidenti Mahmud Ahmadinejad tha se Irani nuk do të lëshojë pe në mosmarrveshjet rreth programeve bërthamore. "Kombi iranian po ndjek rrugën e tij të drejtësisë dhe dinjitetit, nuk do të tërhiqet nën presionin e fuqive tjera" tha Ahmadinejad. Ai sidoqoftë, lëvdoi pjesëmarrjen e amerikanëve në rrethin e fundit të negociatave për programet bërthamore.