NASA paralajmeron per tragjedi globale

NASA paralajmeron per tragjedi globale
6 February 2012 -

NASA nëpërmjet një e-mail-i sekret paralajmëron punonjësit e saj që të përgatisin familjarët e tyre për një gjendje emergjence globale, për shkak të tërmeteve të fuqishme që priten të godasin planetin tonë, por jo vetëm ato. Drejtori i NASA-s, Charles Bolden, nëpërmjet një video e-mail-i i bën thirrje gjithë punonjësve që të organizohen, në mënyrë që të jenë të përgatitur për emergjencën e radhës globale që pritet të godasë Tokën, pasi nëse një punonjës i NASA-s e mbron familjen nga një rrezik i mundshëm, atëherë ai do të jetë i aftë të përballojë ditën e punës që e pret. Mesazhi i drejtorit të NASA-s është sa i frikshëm, aq dhe i pazakontë, lexoni mesazhin e plotë dhe nxirrini vetë përfundimet. Ja, çfarë thotë ai në këtë mesazh: “Unë dua disa minuta për të folur me ju për Gatishmërinë Emergjente që na pret. NASA është një organizatë unike. Ne jemi e vetmja organizatë në qeverinë federale që është përgjegjëse për sigurinë dhe mirëqenien e njerëzve, jo vetëm këtu në Tokë, por edhe jashtë planetit. Në përvojën time në menaxhimin e astronautëve, kemi folur gjithmonë për rëndësinë e përgatitjes së familjeve, për pasjen e një programi të posaçëm për mbështetjen dhe mbrojtjen e familjes. Dhe kam frikë se programi ynë nuk është aq i mirë sa duhet të jetë. Pra, unë kërkoj nga ju të gjithë, nëse banoni në bregun perëndimor, në bregun lindor, në zonën e Liqeneve të Mëdha, mendoni për fatkeqësitë natyrore që mund të ndodhin në zonën tuaj, mendoni siç keni bërë gjatë sulmeve të 11 shtatorit, mendoni diçka, e cila mund të vijë nga forcat e jashtme dhe bisedoni me familjen tuaj, duhet ta bëni në mënyrë që të përgatiten për ngjarje të paparashikuara. Hartoni një plan për shtëpinë tuaj. Mendoni për një strategji komunikimi me familjen. Ku mund të mblidheni të gjithë nëse ndodh një emergjencë natyrore dhe ndodheni në pika të ndryshme të qytetit. Gjëja më e rëndësishme për ne është që të kryejmë me sukses misionin tonë dhe që njerëzit tanë, familja jonë të jetë e sigurt, me qëllim që ju të vini të qetë në punë dhe në rast tragjedie familjet tuaja të jenë të sigurta. Pra, unë kërkoj nga ju që të mblidhni familjet tuaja dhe të mendoni mirë se çfarë duhet të bëni në një rast emergjence globale, shpresoj që të adaptoni programin e përgatitjes për familjet tuaja, ndërkohë që të gjithë të jemi të qetë që t’i bëjmë ballë tragjedisë. Ju e dini se çfarë bëni. Ju e dini se çfarë duhet të bëni ju dhe familja juaj në rast emergjence, dhe mbi të gjitha, jini të përgatitur.

Burimi: Gazeta Standard