Lajme Aktuale....

[Lona]

Presidenti Sejdiu shpërfill deklaratat e Jeremiqit

Prishtinë, 13 gusht: Presidenti i Kosovës, Fatmir Sejdiu, ka shpërfillur deklaratat e shefit të diplomacisë serbe për ngrirjen e procesit tës njohjes së shtetit të pavarur të Kosovës. “Po të pyetej Serbia, Kosova s'do të njihej nga asnjë vend ", ka thënë Sejdiu, duke iu përgjigjur interesimit të gazetarëve. “Unë nuk merrem me deklarimet e zyrtarëve të Serbisë e as të ministrit serb dhe me prognozat e tij se ka ngrirë apo çngrirë veprimet e ndonjë shteti të pjesëve të ndryshme të globit”, ka thënë Sejdiu. “Ne do ta bëjmë punën tonë. Besojmë që procesi i njohjes së pavarësisë së Kosovës nuk do të ndalet do të ketë shtete që do të na njohin, ndërkohë”, ka shtuar ai. Presidenti Sejdiu i ka bërë këto komente duke iu përgjiigjur pyetjeve të gazetarëve lidhur me deklaratën e ministrit të jashtëm të Serbisë, Vuk Jeremiq. Sipas tij, pas Malajzisë e cila e ka ngrirë procesin për njohjen e pavarësisë së Kosovës, Singapuri ka dhënë garancione se nuk do ta njohë Kosovën e pavarur. Deri më sot shtetin e pavarur të Kosovës e kanë njohur 45 vende.

Presidenti Sejdiu premton mbrojtje ligjore për pjesëtarët e TKM-së

Prishtinë, 13 gusht: Presidenti i Kosovës Fatmir Sejdiu tha se Forca e Sigurisë së Kosovës, e cila do të krijohet në partneritet me NATO-n dhe do të jetë forcë profesionale. "Kjo do të bëhet në bashkëpunim edhe me miqt tanë, të cilët kanë investuar shumë dhe do të investojnë ende në të ardhmen, në mënyrë që FSK të jet[ vërtet një forcë elite, një ushtri elite, me qa numër sa parashihet në kriteret profesionale”, ka thënë ai, pas takimit me komandantin e përgjithshëm të TMK-së, gjenerallejtnant Sylejman Selimin. Presidenti Sejdiu e gjenerali Selimi kanë biseduar për çështjen e pjesëtarëve të TMK-së që nuk do të përfshihen në FSK. Presidenti tha se çështja e këtyre pjesëtarëve të Trupave Mbrojtëse të Kosovës do të zgjidhet me ligjin për pensionimin e parakohshëm, i cili pritet të miratohet në muajin shtator. Komandanti i përgjithsëm i TMK-së, Sylejman Selimi, përsëriti edhe një herë domosdoshmërinë për miratimin sa më të shpejtë të këtij ligji. Ky ligj pritet të miratohet në shtator, sapo të kthehen nga pushimi deputetet e Kuvendit të Kosovës.

Pirs: BE dhe OKB po kërkojnë formulën për veprimin e EULEX-it

Pragë, 13 gusht: Karen Pirs, e ngarkuar me punë në misionin e Britanisë së madhe në Kombet e bashkuara, në Nju Jork, ka thënë se BE dhe OKB janë duke kërkuar një formulë për vendosjen e EULEX-it në Kosovë. ”BE dhe OKB po punojnë në sqarimin e detajeve. Natyrisht, EULEX-i do të funksionojë në kontekstin e Rezolutës 1244 dhe do jetë nën ombrellën e Kombeve të Bashkuara. Ne presim që OKB dhe BE të bëjnë së shpejti të qarta detajet se si do të funksionojnë konkretisht në terren”, ka thënë Pirës, në një intervistë për Radion Evropa e Lirë. Zonja Pirs ka hedhur poshtë kritikat për ngecje në çështjen e rikonfigurinmit të UNMIK-ut. “Nuk është e saktë të thuhet se rikonfigurimi i UNMIK-ut nuk po ecën. Aktualisht UNMIK-u po zvogëlohet, kurse BE-ja dhe misioni i saj EULEX po vendoset në terren”, ka thënë ajo. Karen Pirs ka thënë se “prania e Kombeve të Bashkuara në Kosovë po zvogëlohet, ndërsa prania e BE-së po rritet”.

Në Maqedoni shënohet 7 vjetori i Marrëveshjes së Ohrit

Shkup, 13 gusht: Në Maqedoni sot është shënuar 7 vjetori i nënshkrimit të Marrëveshjes së Ohrit, e cila i kishte dhënë fund konfliktit të armatosur. Zëvendës-kryministri i Maqedonisë, Abdylaqim Ademi, i cili është i ngarkuar me zbatimin e Marrëveshjes së Ohrit, ka paralajmëruar se do të bëjë një ekspertizë të zbatimit në praktikë të ligjeve të miratuara, të cilat ndërlidhen me marrëveshjen. "Duam të shohim sa këto lidhje kanë arritur deri te qytetarët apo nëse e kanë arritur qëllimin për shkak së cilës janë miratuar. Do të bëjmë edhe prerje se sa është përfaqësimi i drejtë i të gjitha komuniteteve etnike në të gjitha institucionet e shtetit. Duam ta analizojmë mirë procesin e decentralizimit dhe nëse dhe sa këto tri sfera, si dhe disa të tjera që janë përmbajtur në Marrëveshjen kornizë janë implementuar në praktikë", ka deklaruar Ademi. Ai ka shfaqur shpresën se në katër vjetët e ardhshme do të rrumbullakësohet edhe përfaqësimi adekuat i të gjitha komuniteteve etnike dhe zgjidhja graduale e të gjitha çështjeve të përcaktuara me marrëveshje dhe lëvizja e shpejtë në drejtim të zgjidhjes së plotë të tyre. Zëvendëskryeministri Abdylaqim Ademi ka thenë se mjetet e nevojshme për realizimin e Marrëveshjes së Ohrit do të sigurohen nga buxheti i shtetit. Nënshkrues të marrëveshjes së Ohrit ishin presidenti i atëhershëm i shtetit, Boris Trajkovski, ish-kryeministri dhe ish lideri i VMRO-DPMNE-së, Lupço Georgievski, si edhe liderët e LSDM-së, Branko Cërvenkovski, PDSH-së Arben Xhaferi dhe PPD-së, Imer Imeri. Në cilësinë e garantëve, dokumenti ishte nënshkruar edhe nga përfaqësuesit e posaçëm të Bashkimit Evropian dhe Shteteve të Bashkuara të Amerikës, Fransoa Letoar dhe Xhejms Perdju.

Miliband: “Moska të japë prova për krimet e luftës”

Londër, 13 gusht: Sekretari i Jashtëm britanik Dejvid Miliband, i ka bërë thirrje Rusisë që të paraqesë prova për pohimet se gjeorgjianët kanë bërë krime lufte në Osetinë e Jugut. Milliband ka thënë se Moska po e përdor argumentin e krimeve të luftës për të justifikuar inkursionin e saj ushtarak në rajonin separatist të Gjeorgjisë, prandaj është me rëndësi që Rusia t'i mbështesë këto pretendime. Milliband e ka akuzuar Rusinë edhe për "agresion të zhurmshëm" në dërgimin e forcave luftuese në Osetinë e Jugut.

Lavrov: “Nuk aneksojmë asnjë pjesë të Gjeorgjisë”

Londër, 13 gusht: Ministri i Jashtëm i Rusisë, Sergei Lavrov ka thënë se Moska nuk ka për qëllim që të aneksojë asnjë pjesë nga Gjeorgjia dhe e respekton sovranitetin e Gjeorgjisë. Në një shkrim në të përditshmen britanike "Financial Times", Lavrov thotë se inkursioni ushtarak rus në Osetinë e Jugut ishte përgjigje e sulmit të provokuar ndaj qytetarëve të vet, duke iu referuar faktit se Moska i ka pajisur me dokumente shumicën e popullsisë në këtë rajon separatist të Gjeorgjisë. Lavrov ka thënë se në ditët e ardhshme Rusia do të vazhdojë të ndërmarrë hapa diplomatikë për të konsoliduar armëpushimin e ndërmjetësuar nga Bashkimi Evropian, me kusht që Gjeorgjia të përmbahet nga aktivitetet ushtarake dhe t'i mbajë forcat e saj jashtë rajonit. Zyrtarët gjeorgjianë i kontestojnë pohimet e Rusisë se aktivitetet e ushtrisë ruse në Osetinë e Jugut dhe për rreth saj kanë përfunduar. Kreu i Këshillit Kombëtar të Sigurisë pohon se një autokolonë e tankeve ruse ka hyrë në qytetin strategjik gjeorgjian Gori.

Liban: 16 të vrarë nga shpërthimi i bombës

Tripoli, 13 gusht: Zyrtarët e sigurisë në Liban thanë se të paktën 16 njerëz e kanë humbur jetën dhe rreth 30 të tjerë janë plagosur në shpërthimin e një bombe, në qytetin verior Tripoli. Të paktën shtatë nga të vrarët janë ushtarë. Zyrtarët thanë se shënjestër e sulmit duket të ketë qenë një autobus ushtarak, në sheshin qendror të qytetit. Askush nuk e ka marrë përgjegjësinë për sulmin. Javët e kaluara Tripoli ka qenë arenë e përleshjeve sektare që vranë dhe plagosën dhjetëra njerëz.

[Lona]

Ministri Hyseni paralajmëron njohje të reja në shtator

Prishtinë, 15 gusht: Ministri i Punëve të Jashtme, Skënder Hyseni, ka thënë se në muajin shtator pritet të ketë njohje të reja të shtetit të Kosovës. “Sipas disa indikatorëve, mund të ketë intensifikim (të njohjes) në prag të mbajtjes së Asamblesë së Përgjithshme të OKB-së. Disa indikatorë të tjerë thonë se shumë shtete presin të shohin se çka po ndodh në këtë sesion të Asamblesë së Përgjithshme të OKB-së, pastaj të vendosin”, ka thënë Hyseni në një intervistë dhënë gazetës “Epoka e re”. Ai ka thënë edhe shtetet islamike do ta njohin Kosovën e pavarur dhe ka shtuar se ato “kanë pasur nevojë për më shumë kohë që ta shqyrtojnë kërkesën për njohjen e Kosovës”. Ministri Hyseni ka hedhur poshtë spekulimet se emërimi i të ngarkuarve me punë në ambasadat e para në vendet që e kanë njohur Kosovën po vonohet për shkak të mosmarrëveshjeve ndërmjet presidentit Fatmr Sejdiu dhe kryeministrit Hashim Thaçi. Ai ka thënë se edhe kjo punë do të bëhet shumë shpejt.

Hejsom: Nuk ka përplasje kompetencash në Kosovë

Prishtinë, 15 gusht: Zëvendësshefi i UNMIK-ut, Nikolas Hejsom, deklaroi se “nuk ka përplasje kompetencash” ndërmjet UNMIK-ut, EULEX-it dhe Qeverisë së Kosovës. Në një konferencë shtypi në Prishtinë, Hejsom tha se “roli i UNMIK-ut po zvogëlohet në përputhje me realitetin në terren, duke ndihmuar kështu në vendosjen e misionit të EULEX-it”. Hejsom tha se misioni i Kombeve të Bashkuara në Kosovë do të vazhdojë përpjekjet për vendosjen e dialogut ndërmjet autoriteteve të Prishtinës dhe atyre të Beogradit.

Malajzia nuk e ka ngrirë procesin e njohjes së pavarësisë së Kosovës

Prishtinë, 15 gusht 2008. Presidenti i Republikës së Kosovës, Dr. Fatmir Sejdiu, e ka pritur dje në takim shefin e Zyrës Ndërlidhëse të Malajzisë, Mustafa Mansor. Në takim është biseduar për gjendjen në Kosovë dhe për relacionet e vendit tonë me Malajzinë. “Nuk ka ndryshim të qëndrimit të Malajzisë karshi Kosovës. Malajzia nuk e ka ngrirë procesin e njohjes së pavarësisë së Kosovës. Kjo çështje është në shqyrtim e sipër”, ka thënë z. Mansor, duke paraqitur qëndrimin e qeverisë së Malajzisë. “Malajzia e mirëpret shpalljen e pavarësisë së Kosovës më 17 shkurt 2008”, thuhej në një deklaratë për shtyp të Ministrisë së Jashtme të Malajzisë, më 20 shkurt 2008.
Kondoliza Rajs arriti për vizitë në Gjeorgji

Tbilis, 15 gusht: Sekretarja amerikane e Shtetit, Kondoliza Rajs, ka mbërritur në Tbilisi, për të biseduar me presidentin Mikhail Saakashvili lidhur me përfundimin e konfliktit ruso-gjeorgjian. Me të mbërritur, ajo tha se duhet të qartësohen disa pika të marrëveshjes së armëpushimit, e cila u ndërmjetësua nga Franca "për t'i mbrojtur interesat e Gjeorgjisë". Kondoliza Rajs udhërtoi për në Tbilisi nga Parisi, pas bisedimeve me presidentin francez Nikolas Sarkozi. Dje, Rajs ka thënë se "Gjeorgjia, integriteti, pavarësia dhe sovraniteti i së cilës duhet të respektohen plotësisht, duhet të jetë në gjendje t'i rikthehet jetës normale”.

Moska: Mburoja raketore i acaron raportet me SHBA

Moskë, 15 gusht: Zëvendës shefi i Shtabit të Përgjithshëm të armatës ruse, gjeneral koloneli Anatoli Nogovitsin ka thënë se Polonia rrezikon të bëhet shënjestër e Rusisë, nëse në territorin e saj vendosen interceptorët raketorë amerikanë. Ai ka thënë se vendosja e interceptorëve në Poloni "nuk mund të mbetet pa u ndëshkuar". "Kur njëra palë dakordohet t'i pranojë ato, kuptohet që merr përsipër edhe përgjegjësi të caktuara. Prandaj kjo nuk është një gjë aq e thjeshtë, dhe nga pikëpamja ushtarake nuk mund të kalojë pa u ndëshkuar", ka thënë gjenerali rus. Nogovitsin ka thënë se marrëveshja që një pjesë e sistemit mbrojtës raketor amerikan të vendoset në Poloni mund t'i acarojë marrëdhëniet SHBA- Rusi.

SHBA: Mbrojtja raketore ndihmon NATO-n

Uashington, 15 gusht: Shtëpia e Bardhë ka mirëpritur nënshkrimin e marrëveshjes për vendosjen e pjesëve të sistemit të mbrojtjes raketore në Poloni. "Ne mirëpresim këtë zhvillim. Besojmë se mbrojtja raketore është kontribut substancial për sigurinë kolektive të NATO-s", ka thënë zëdhënësja e Shtëpisë së Bardhë, Dana Perino. Ministri i Jashtëm i Rusisë Sergei Lavrov, e ka anuluar vizitën e planifikuar në Poloni. Ai e ka bërë këtë vetëm disa orë pas arritjes së marrëveshjes. Tensionet ndërmjet Polonisë dhe Rusisë janë shtuar, për shkak të kundërshtimit rus për sistemin amerikan.


Zbulim i rrallë i arkeologëve londinezë

Londër, 07 gusht: Arkeologët në Londër besojnë se mund të kenë zbuluar rrënojat e një teatri të shekullit të 16-të, ku u interpretuan për herë të parë veprat e hershme të Uilliam Shekspirit, përfshirë “Romeo dhe Xhuljeta” dhe “Tregtari i Venecias”. Punëtorët që po gërmonin një garazh për ndërtimin e një teatri të ri, zbuluan themelet e teatrit, në zonën Shoreditch, në Lindje të Londrës. Nëse konfirmohet se bëhet fjalë për vendndodhjen e saktë të teatrit, objekti do të plotësonte zbulimin e një grupi teatrosh të hapura, në të cilat ishin interpretuar pjesët e Shekspirit. Ekspertët thonë se rrënojat janë të ngjashme me themelet me kënde të mureve që janë gërmuar gjatë dekadave të fundit në disa zona të Londrës. Historianët thonë se Teatri ishte ndërtuar në vitin 1576. Ata thonë se Shekspiri dhe trupa e tij filluan të interpretonin atje në vitet 1590.

Pas dopingut largohen mjaft sportistë nga garat olimpike

Pekin, 06 gusht: Tri ditë para fillimit të Lojërave Olimpike, sportistë të shumtë janë përjashtuar nga garat pas kontrolleve të dopingut. Në Rusi dy atletë dolën pozitiv. Ata konsideroheshin kandidatë medaljesh për 20 kilometra. Edhe një çiklist rus i Astanasë doli pozitiv pas testit. Edhe një sportist pingpongu i Brazilit, një peshëngritëse nga India dhe një atlet nga Xhamajka duhet të lënë Pekinin pas kontrolleve të dopingut

[Lona]

Pas dopingut largohen mjaft sportistë nga garat olimpike

Pekin, 06 gusht: Tri ditë para fillimit të Lojërave Olimpike, sportistë të shumtë janë përjashtuar nga garat pas kontrolleve të dopingut. Në Rusi dy atletë dolën pozitiv. Ata konsideroheshin kandidatë medaljesh për 20 kilometra. Edhe një çiklist rus i Astanasë doli pozitiv pas testit. Edhe një sportist pingpongu i Brazilit, një peshëngritëse nga India dhe një atlet nga Xhamajka duhet të lënë Pekinin pas kontrolleve të dopingut

Gjeorgjia kërkon bisedime paqeje nën vëzhgimin e OKB-së

Nju Jork, 15 gusht: Gjeorgjia këmbëngul që bisedimet për gjetjen e një zgjidhjeje në konfliktin e Kaukazit të zhvillohen nën mbikëqyrjen e Kombeve të Bashkuara. Ambasadori gjeorgjian në Kombet e Bashkuara, Irakli Alasania në Nju Jork, ka thënë se bazë e bisedimeve duhet të jetë plani 6 pikësh, i prezantuar nga Franca. Në bisedime nuk duhet të debatohet për integritetin territorial të Gjeorgjisë. Ambasadori rus Vitali Çurkin tha se ai pret një proces të shpejtë për nxjerrjen e rezolutës së re të Kombeve të Bashkuara për Gjeorgjinë. Ka mundësi që projektrezoluta të prezantohet sot të premten në Këshillin e Sigurimit të Kombeve të Bashkuara. Çurkin theksoi se ekziston nevoja për të diskutuar ende mbi integritetin territorial të Gjeorgjisë. Ministrja e jashtme amerikane Kondoliza Rajs do të nxisë gjatë vizitave në Gjeorgji dhe Rusi, të dyja palët që të nënshkruajnë zartarisht planin e paqes të ndërmjetësuar nga Franca.

Presidenti Bush bën thirrje për respektimin e marrëveshjes së armëpushimit në Gjeorgji

Uashington, 15 gusht: Presidenti amerikan Xhorxh Bush, i ka bërë përsëri thirrje Rusisë që të respektojë integritetin territorial të Gjeorgjisë. "Unë, natyrisht që, bëj thirrje për respektimin e integritetit territorial të Gjeorgjisë dhe për respektimin e marrëveshjes për ndalimin të luftimeve", ka thënë ai. Presidenti Bush ka bërë këtë thirrje pas një takimi që ka pasur me zyrtarët të zbulimit, në zyrat e CIA-s, ku është njohur me ecurinë e luftimeve në Gjeorgji. Zyrtarët gjeorgjianë kanë thënë se tanket ruse po depërtojnë në thellësi të vendit.

Merkel takon Medvedevin në Soçi

Berlin, 15 gusht: Kancelarja gjermane Angela Merkel shkon sot në Soçi, në Detin e Zi, për të biseduar me presidentin rus Dimitri Medvedev. Temë e vetme e bisedimeve do të jetë konflikti i Gjeorgji. Ambasadori i Rusisë në Berlin, Vladimir Kotenev, ka thënë se Medvedev pritet të paralajmërojë Merkelin për rrezikun që ekziston nga ndikimi i shteteve të veçanta të Bashkimit Evropian në politikën e unionit për Rusinë. Këto vende marrin qëndrim shumë më kritik kundrejt Moskës, se sa ai i vendeve të tjera të BE-së. Të dielën Merkel do të takohet në kryeqytetin gjeorgjian Tiblisi me presidentin Mihail Sakashvili.

[Lona]

Pakistan - Jep dorëheqjen presidenti Pervez Musharraf
18-08-2008


Presidenti i Pakistanit, Pervez Musharaf, dha dorëheqjen, duke i dhënë kështu fund 9 vjetëve të trazuara në pushtet. Në një fjalim të transmetuar të hënën drejtpërdrejtë në mbarë vendin, zoti Musharaf mohoi të ketë kryer ndonjë shkelje. Ai i cilësoi akuzat për shkarkimin e tij si të pabaza. Zoti Musharaf mbrojti gjithashtu politikat e tij gjatë 9 vjetëve në pushtet, që kur mori këtë detyrë me anë të një grusht shteti. Partnerët e koalicionit të Pakistanit, Ali Asif Zardari dhe Navaz Sharif, po zhvillojnë një takim dhe pritet të bëjnë një njoftim të hënën. Presidenti pakistanez Pervez Musharraf tha se po jepte dorëheqjen për të shmangur një betejë për ndjekjen penale të tij që do të dëmtonte interesat e vendit.

Presidenti Musharraf dukej i prekur në fjalimin që mbajti në televizion.
"Kam vendosur të jap dorëheqjen. Letra e dorëheqjes arrin sot në Asamblenë Kombëtare. Nuk kërkoj asgjë nga askush. E lë të ardhmen time në dorë të vendit dhe popullit. Le të jenë ata gjykatësit". Zoti Musharraf mbajti nën kontroll Pakistanin për vite me radhë pasi mori pushtetin në vitin 1999 me një grusht ushtarak. Nën drejtimin e tij vendi u bë një aleat strategjik i Shteteve të Bashkuara, duke mbështetur luftën kundër terrorizmit.
Por me kalimin e viteve popullariteti i tij në vend ra.
Shumë pakistanezë fajësojnë aleancën e tij me Shtetet e Bashkuara për rritjen e dhunës në vend.
Reputacioni i tij u dëmtua rëndë në vitin 2007 kur ai shkarkoi dhjetra gjykatës dhe vendosi gjendjen e jashtëzakonshme.
Rivalët e tij fituan në zgjedhjet parlamentare të shkurtit dhe kishin kërkuar përmbysjen e tij.
Presidenti Musharraf, u kishte rezistuar thirrjeve për dorëheqje, megjithëse koalicioni qeveritar kishte thënë se i kishte bërë gati akuzat dhe mund të dërgonte një mocion në parlament këtë javë.

Rusi: Trupat filluan tërheqjen nga zonat e pushtuara në Gjeorgji18-08-2008


Udhëheqësit ushtarakë rusë thanë sot se trupat e tyre filluan tërheqjen nga zonat e pushtuara në Gjeorgji, duke iu përmbajtur premtimit të bërë dje dhe të përsëritur sot nga presidenti Dimitri Medvedev. Zyrtarët gjeorgjianë thanë se nuk kishin parë shenja të tërheqjes së trupave, për cilën dy vendet ranë dakort në marrëveshjen e paqes të ndërmjetësuar nga Franca. Korrespondentja e Zërit të Amerikës Ema Stikgold sjell hollësi nga Moska.
Më herët dukej sikur Rusia nuk po lëvizte nga pozicionet e saj në Gori, qyteti gjeorgjian që ka qenë një ndër pikat kryesore të konfliktit. Por një komandant ushtarak rus tha se forcat ruse kanë filluar të largohen nga qyteti. Megjithatë, zyrtarët gjeorgjianë thonë se trupat ruse vazhdojnë të qëndrojnë në pozicionet kyçe në vendin e tyre përtej rajonit separatist të Osetisë Jugore.
Gjenerali Anatoli Nogovitsin, zëvendës kryetar i shtabit të përgjithshëm të Rusisë, tha gjatë konferencës së tij të përditshme për shtyp se trupat ruse ishin duke u kthyer në Osetinë Jugore.
"Trupat ruse po shkonin në Osetinë Jugore dhe në zonën e sigurisë të përcaktuar nga një marrëveshje e vitit 1999 nga komisioni i përbashkët i kontrollit, i cili ka qenë formalisht përgjegjës për statusin e Osetisë Jugore që kur ajo u nda nga Gjeorgjia në fillim të viteve '90".
Sekretarja amerikane e Shtetit Kondolisa Rajs tha se Rusia duhet të mbajë premtimin e saj për t'u tërhequr nga Gjeorgjia.
"Presidenti rus e ka dhënë fjalën e tij dhe shpresoj se këtë herë ai do ta mbajë atë".
Sekretarja Rajs i bëri komentet për rrjetin televiziv Fox News.
Zonja Rajs u largua sot herët nga Uashingtoni për në Bruksel, ku do të takohet me zyrtarë të Bashkimit Evropian dhe ministrat e jashtëm të NATO-s në Bruksel.
Zyrtarët gjeorgjianë thanë se mbrëmja e së dielës ishte më e qeta që kur filluan luftimet në fillim të muajit. Trupat dhe tanket ruse kanë mbajtur nën kontroll pjesë kryesore të Gjeorgjisë për më shumë se një javë duke përfshirë autostradën kryesore lindje-perëndim të vendit. Konflikti filloi kur forcat gjeorgjiane filluan sulmet kundër rajonit separatist të Osetisë Jugore. Pёrgjigja ushtarake e Rusisë ka tronditur gjithë perëndimin.
Presidenti gjeorgjian Mihail Sakashvili foli me një ton më pajtues sot duke thënë se do të dëshironte të negocionte me udhëheqësit rusë për të parandaluar keqësimin e marrëdhënieve mes dy vendeve.

ardhmja e marrëdhënieve Uashington - Moskë18-08-2008


Administrata e Presidentit Bush thotë se Rusia duhet ta respektojë plotësisht armëpushimin e nënshkruar me Gjeorgjinë fqinjë. Korrespondenti i Zërit të Amerikës njofton nga Washingtoni, ku zyrtarë të lartë amerikanë komentuan lidhur me të ardhmen e marrëdhënieve amerikano-gjeorgjiane, pas pranisë ushtarake ruse brenda Gjeorgjisë, një vend që aspiron të pranohet në NATO.
Javën e kaluar trupat ruse hynë me forcë në territorin gjeorgjian, përtej provincës separatiste të Osetisë Jugore. Një armëpushim i nënshkruar të shtunën mes Mosksë dhe Tbilisit kërkon që të dyja vendet të fillojnë tërheqjen e forcave të armatosura në pozicionet që kishin para shpërthimi të konfliktit në fillim të muajit.
Sekretarja e Shtetit Rajs
Sekretarja amerikane e Shtetit Kondoliza Rajs tha se Rusia duhet ta mbajë premtimin e bërë.
"Përsëri, Presidenti rus ka bërë një premtim dhe shpresoj që këtë herë ai do ta mbajë fjalën."
Zonja Rajs i bëri këto komente dje, në një intervistë për televizionin "FOX News". Ajo tha se Moska do të paguajë një çmim në arenën botërore për veprimet e saj.
"Tashmë ka patur pasoja të konsiderueshme për Rusinë. Çdo nocion se Rusia ishte një shtet i përgjegjshëm, i gatshëm për t'u integruar në institucionet ndërkombëtare politike, diplomatike, të sigurisë, ekonomike, nocioni i një Rusie moderne që anon drejt përparimit, ky reputacion, pra sinqerisht, është dëmtuar rëndë," - tha zonja Rajs.
Veprimet ushtarake të Rusisë i kanë ftohur më tej ato që shumë vetë i kanë konsideruar si marrëdhënie të tensionuara mes Washingtonit dhe Moskës. Disa, madje, duke përfshirë edhe kandidatin republikan për president, Xhon Mekein, kanë sugjeruar përjashtimin e Rusisë nga Grupi i 8 vendeve më të industrializuara.
Sekretarja Rajs tha se Shtetet e Bashkuara nuk do të marrin vendime të nxituara mbi të ardhmen e marrëdhënieve mes Washingtonit dhe Moskës, as kur është fjala për çështjen në se Rusia meriton anëtarësimin e vazhdueshëm për në Grupin e 8-ëshes.
Ky qëndrim i matur u reflektua edhe tek sekretari i Mbrotjes Robert Gejts, i cili dha një intervistë për rrjetin televiziv ABC.
"Kemi parë shumë qartë një aspekt të Rusisë, për të cilin kishim menduar se i përkiste Sekretari i Mbrojtjes Gejts
tashmë së kaluarës dhe është e qartë se do ta rivlerësojmë drejtimin që do të marrë marrëdhënia jonë strategjike me Rusinë. Kjo do të varet në një masë në konsiderueshme tek sjellja e Moskës që këtej e tutje,"- tha zoti Gejts.

Ndërsa është zotuar të tërhiqet nga Gjeorgjia, Rusia ka lënë të kuptohet se mundet t'i mbajë një pjesë të trupave në Osetinë Jugore, ku forcat ruse kanë operuar si paqeruajtës për vite me radhë.
Moska është alarmuar nga dëshira e ish-republikave sovjetike për t'u anëtarësuar në NATO dhe për t'i zgjeruar lidhjet ushtarake me Perëndimin. Gjatë një vizite në Tbilisi dje, kancelarja gjermane Angela Merkel tha se Gjeorgjia kishte hyrë në rrugën e anëtarësimit në NATO.//lk


OKB, BE bien dakord për përgjegjësitë e misionit evropian në Kosovë
18-08-2008



Përfaqësues të Kombeve të Bashkuara dhe të Bashkimit Evropian nënshkruan sot një dokument, i cili përcakton përgjegjësitë e misionit të ri të BE-së në Kosovë.
Memorandumi i mirëkuptimit, i cili u nënshkrua në Prishtinë, pason vendimin, muajin e kaluar të Sekretarit të Përgjithshëm të Kombeve të Bashkuara, Ban ki Mun, për të zbatuar rikonfigurimin e misionit të OKB-së në Kosovë.
Si Serbia, ashtu edhe Rusia e kanë kundërshtuar me forcë këtë plan. Ministri i Jashtëm serb Vuk Jeremiç u tha gazetarëve dje në Beograd se plani nuk është miratuar ende zyrtarisht nga Këshilli i Sigurimit, Rusia, apo qeveria serbe. //kk//

Vuk Jeremiç e cilëson gabim misionin e EULEX-it në Kosovë
18-08-2008



Ministri i Jashtëm serb Vuk Jeremiç tha se planet e OKB-së për dorëzimin e drejtimit të policisë dhe drejtësisë në Kosovë nga UNMIK-u tek misioni i Bashkimit Evropian në këto momente ishte një gabim i madh.
Ministri serb Jeremiç tha dje në një konferencë shtypi në Beograd, se ky plan ende nuk ka miratimin zyrtar të Këshillit të Sigurimit, Rusisë, apo të vetë qeverisë serbe.
Shpallja e pavarësisë nga Kosova në shkurt përfshin edhe planet për marrjen e drejtimit të policisë dhe drejtësisë nga misioni i i BE-së, i njohur si EULEX.
Ministri i Jashtëm serb i bëri këto komente pas kthimit nga Nju Jorku, ku i kërkoi Asamblesë së Përgjithshme të OKB-së, ta mbështesë kërkesën e Serbisë për një vendim nga Gjykata Ndërkombëtare e Drejtësisë lidhur me ligjshmërinë e pavarësisë së Kosovës.
Serbia i ka kërkuar Asamblesë së Përgjithshme të OKB-së ta shqyrtojë këtë çështje në sesionin e shtatorit.//lk

[Lona]

Tetë milionë dollarë më shumë për fushatën e kandidatit Obama
18-08-2008

Fushata presidenciale e kandidatit demokrat senatorit Barack Obama u pasurua me tetë milionë dollarë të tjera.
Fushata tha sot se zoti Obama grumbulloi 7.8 milionë dollarë gjatë një fushate për mbledhje fondesh të dielën në Kaliforni.
Vetëm pas një jave senatori Obama do të marrë pjesë në Kuvendin e Partisë Demokrate ku ai do të marrë zyrarisht kandidaturën për në zgjedhjet e nëntorit.
Këtë javë, zoti Obama po e shkurton numrin e kandidatëve të mundshëm për postin e nën-presidentit. Mendohet që kandidatët më të mundshëm për këtë post do të kenë përvojë të madhe në politikën e jashtme ose do të jenë të aftë të tërheqin më shumë votues republikanë.
Kandidati republikan për president senatori John McCain sulmoi sot kredencialet e politikës së jashtme të zotit Obama gjatë një takimi me veteranë të ushtrisë amerikane në Florida.
Zoti McCain tha se kundërshtimi fillestar i zotit Obama për shtimin e trupave amerikane në Irak tregon aftësitë e tij të dobëta udhëheqëse. //kk//

Notari amerikan Kallën Xhons fiton medalje të artë në Pekin18-08-2008



Notari amerikan Kallën Xhons fitoi një medalje të artë të hënën në garën e stilit të lirë katër me 100 metra në Pekin, duke u bërë vetëm kampioni i dytë i notit me origjinë afrikano-amerikane. Xhons thotë se shpreson që suksesi i tij do të ketë ndikim për të nxitur larminë racore në këtë sport dhe të ndihmojë pakicat të mësojnë se si të notojnë.

Kallën Xhons notoi për ekipin amerikan që ka thyer disa rekorde. Telespektatorët duhet ta kenë vënë re që ai ishte një nga atletët e rrallë me ngjyrë në këtë sport.
Nëna e tij Debra tha se nuk habitej që i biri ishte bërë notar.
“E kisha kuptuar që ai kishte lindur për ujin. Kur ishte fëmijë, ai mund të rrinte me orë të tëra në vaskë dhe qante kur e nxirrja që andej”.
24 vjeçari Xhons është pothuajse dy metra i gjatë dhe u rrit pranë Nju Jorkut. Prindërit e tij ishin shumë të përkushtuar dhe e çonin të stërvitej para se të lindte dielli.
Tani që ka fituar një medalje të artë, ai do që të japë kontribut.
“Afrikano-Amerikanët dhe Latino-Amerikanët janë ata që kanë më shumë shanse për t’u mbytur. Unë isha pak a shumë vetëm një numër. Kështu që unë e pres me kënaqësi këtë pozitë. Që para Lojrave Olimpike i kisha premtuar vetes se nuk do të ikja që këtu pa marrë një medalje. Tani duhet ta kthej shpërblimin”.
Një nga sponsorët e tij, Banka e Amerikës dhuroi 10 mijë dollarë për të filluar “Turneun e Kallën Xhonsit për larmi racore”. Ai ka në plan të edukojë fëmijët, veçanërisht pakicat mbi rëndësinë e të mësuarit të notit, ndoshta jo me shpejtësi por si një aftësi për të mbijetuar.
Xhons tha se do të donte të kishte një ndikim në botën e notit të ngjashëm me atë që lojtari numër 1 i golfit në botë Tajgër Uds ka pasur në sportin e tij.
“Unë vetë pasi e kam parë Tajgër Undsin, jam frymëzuar dhe kam shkuar edhe vetë të luaj golf. Dhe shpresoj që me garën time, të frymëzoj edhe unë ndonjë fëmijë që të shohë një notar me ngjyrë dhe të mendojë se do të ishte interesante që ta provonte edhe ai”.

Kallën Xhons shton se ideja e përhapur që “njerëzit e racës së zezë nuk notojnë”, duhet të zhduket. //bsa//


Rritet roli i fesë në Kinë18-08-2008



Grupet e të drejtave të njeriut po bëjnë thirrje për më shumë liri në Kinë, përfshi lirinë e besimit fetar. Vendi komunist vazhdon të jetë ateist dhe Kina është kritikuar për trajtimin e disa minoriteteve fetare që nuk gëzojnë sanksione zyrtare. Tani, disa kinezë shohin një rol në rritje të fesë në të ardhmen.
Kina po ecën kryelartë në shekullin e 21-të. Është një vend komunist me një rritje të shpejtë të kulturës së konsumit.
Por në një pjesë të Pekinit, tradita ka mbijetuar. Zona Niujie është lagja më e madhe myslimane e qytetit.
Këta myslimanë të Pekinit janë pjesë e një ose dy përqind të popullsisë së Kinës që besojnë tek Islami.
Xhamia historike e Niujies u themelua një mijë vjet më parë. Ajo është një qendër plotë gjallëri për edukim dhe besim.
Të premten në mesditë, besuesit përgatiten për lutjet. Ata vazhdojnë një traditë që erdhi fillimisht në Kinë në shekullin e shtatë, jo shumë pas vdekjes së Profetit Mohamed.
Në anën tjetër të qytetit, në kishën protestante Çong Uen Men, koreanët etnikë nga Kina verilindore organizojnë shërbime të djelën në gjuhën e tyre kombëtare.
Zyrtarët këmbëngulin se feja praktikohet lirisht në Kinë, dhe sjellin shembujt të shërbesave si këto.
Budizmi, taoizmi, myzlimanizmi dhe krishtërimi janë besime që njihen nga qeveria e Kinës.
Megjithatë kritikët theksojnë kontrollin e fortë dhe persekutimin e grupeve që gëzojnë miratimin zyrtar.
Kongregacionet duhet të regjistrohen me shoqatat e kontrolluara nga shteti. Grupet e paregjistruara, si e ashtuquajtura Shtëpia e kishave, janë të paligjshme dhe subjekt i shtypjeve. Para Lojrave Olimpike, grupet e të drejtave të njeriut kritikuan shtypjen e ushtruar mbi disidentët dhe grupet e paregjistruara fetare.
Kritikët akuzojnë gjithashtu Kinën se shtyp budistët tibetianë, myslimanët ujgurë në provincën perendimore Sin Kiang dhe anëtarët e grupit shpirtëror Falun Gong. Qeveria thotë se liria fetare është e sanksionuar me ligj. Ajo thotë se kritikët po ndërhyjnë në punët e brendëshme të Kinës.
Një anketë e vitit 2007, e publikuar në gazetën shtetërore sugjeron se feja po përhapet në Kinë. Autorët e anketës ia atribuojnë këtë rritje klimës më të hapur politike dhe stresit që shkaktojnë ndyshimet sociale.
Studimi thotë se fetë tradicionale si budizmi gëzojnë popullaritet në rritje. Kjo e re, është një nga shumë besimtarë që vijnë të luten në një tempull budist të Pekinit.
Ajo thotë se është e lirë të praktikojë besimin e saj. Por një besimtare tjetër, që kërkon të mos identifikohet, ankohet për kufizime fetare dhe nga media.Ajo citon gjithashtu armiqësinë e Kinës ndaj udhëheqësit në mërgim të Tibetit, Dalai Lama. Kina e akuzon Dalai Lamën për organizimin e trazirave civile mes tibetianëve, dhe se kërkon pavarësinë, që Dalai Lama e mohon.

Në xhaminë Niujie, drejtori administrativ Uei Çunjie thotë se beson se qeveria kineze i kupton vlerat e fesë.
Ai thotë se jo të gjithë kinezët ndajnë besimin e tij islamik. Por shton se virtytet fetare si bamërësia dhe respekti reciprok janë të njëjta virtyte që nxit qeveria kineze. //bsa//

Ndikimi i politikave qeveritare tek sipërmarrësit18-08-2008


Shumë vende, me ndërgjegje ose pa dashje, ndjekin politika që e bëjnë të vështirë për sipërmarrësit të ngrenë biznese të reja. Disa sipërmarrës ankohen se duhet të paguajnë rryshfete për të marrë leje për biznesin e tyre. Të tjerë ankohen për burokracitë e shumta. Por gjërat duket se po ndryshojnë.
Për sipërmarrësin nga San Francisco Greg Njumark, fillimi i biznesit ishte i lehtë. Një dekadë më parë pa leje ose miratim zyrtar, ai thjeshtë ndërtoi faqen elektronike dhe buletinin e tij.
Sot faqja craigslist.org është një nga destinacionet më popullore të internetit me borde buletini për mbi 500 qytete.
“Kemi një faqe të thjeshtë elektronike, ku njerëzit mund të mbarojnë punët e përditshme, të gjejnë një punë ose një vend ku të jetojnë. Është si një treg dhe funksionon. Pjesë e suksesit tonë ishte fillimi”.
Por shumë qeveri nuk janë të gatshme të lehtësojnë këtë fillim. Në Rusi, bizneset paguajnë zakonisht rryshfete për të marrë leje.
Jana Jakovleva, drejtuese e një kompanie kimike kaloi shtatë muaj në burg pasi refuzoi të kërcënohej nga një burokrat. Ajo thotë se rruga e paligjshme vazhdon pasi sistemi juridik i Rusisë është i korruptuar.
“Nuk është funksioni i prokurorit që të hetojë. Funksioni i tij është të demonstrojë efektshmëri. Dhe efektshmëria është ajo që mungon në një numër çështjesh që janë për gjykim dhe në numërin e vendimeve të marra për fajësi”.
Partneri i saj Alexei Protski, ankohet rreth rregullave të panevojshme dhe kërkesave të shumta.
“Për një menaxher, dokumentat e shumta do të thonë humbje kohe dhe ulje e produktivitetit”.
Në Venezuelë, një biznesmen që merrt me shpërndarjen e mallrave ushqimore në Caracas, Santiago Alvarez thotë se burokracia atje është e thellë dhe armiqësore ndaj biznesit.
“Ka shumë hapa, rregulla dhe kërkesa që duhet të plotësosh për të marrë lejen e biznesit. Njoh njerëz që e kanë lënë biznesin vetëm për shkak të kësaj burokracie”.
Në Islamabad, specialisti i restorantit Ashar Haffez thotë se kufizimet e biznesit janë lehtësuar vitetet e fundit por përsëri ka pengesa.
“Sigurisht në këtë biznes duhet të kalojmë disa pengesa, sigurimet shoqërore, taksat dhe qeverinë lokale”.
Banka Botërore publikon një raport ku radhit vendet për nga lehtësia e fillimit të një biznesi.
Aty mbulohen dhjetë kategori. Disa janë, marrja e liçencës, regjistrimi i pasurisë, marrja e kredisë, pagimi i taksave dhe zbatimi i kontratave.
Specialistja e Bankës Botërore Dahlia Khalifa thotë se ka tendencë për të ndihmuar sektorin privat.
“Mendoj se qeveritë po e kuptojnë rolin e tyre si regullatorë dhe mundësues të ambjentit të biznesit. Brenda këtij konteksti ato po bëjnë pikërisht këtë. Ato po reformohen, po ndryshojnë ligjet që kanë qënë të vjetëruar dhe që nuk funksionojnë më në botën e sotme”.
Egjypti u vlerësua si vendi më i reformuar vitin e kaluar, pasuar nga Kroacia, Gana, Maqedonia dhe Gjeorgjia.
Egjypti pakësoi kapitalin e kërkuar për të filluar një biznes thotë Banka Botërore. Pakësoi tarifat për regjistrimin e pasurisë dhe lehtësoi burokracitë që bllokonin marrjen e lejes së ndërtimit.
Por sipërmarrësit thonë se megjithëse është bërë përparim, ka nevojë për më shumë. (ze)

[Lona]

Rritet shitja e biçikletave elektrike në Paris
18-08-2008

Çmimet e larta të naftës dhe bllokimet e trafikut kanë nxitur shumë banorë të Parisit të gjejnë alternativa të tjera udhëtimi përveç përdorimit të transportit të mbingarkuar publik.

Në Francë u shitën vitin e kaluar mbi 10 mijë biçikleta elektrike, në krahasim me 6 mijë që u shitën në vitin 2006. Biçikletat elektrike nisen njëlloj si ato të zakonshmet. Në disa modele, motori fillon të punojë menjëherë sapo fillon t'u japësh pedaleve. Edhe në Gjermani shitjet e biçikletave elektrike pritet të dyfishohen në krahasim me 60 mijë të shitura në vitin 2007. Në Hollandë shitjet u rritën nga 45 mijë në 90 mijë.
Meqenëse energjia elektrike që duhet për ta nisur një biçikletë të tillë për 1,500 kilometra kushton 1,56 dollarë, këto biçikleta e bëjnë udhëtimin shumë të lirë në krahasim me alternativat e tjera. //rd//

Rritja e çmimit të naftës dhe pasojat tek transporti18-08-2008



Njerëzit në mbarë botën po ndjejnë pasojat e rritjes së çmimit të naftës. Shtrenjtimi i karburantit sjell ndryshim në mënyrat e transportit, si edhe vështirësi të tjera në vende ku kostoja e ushqimeve bazë është gjithashtu në rritje. Kjo do të thotë gjithashtu të ardhme të paqartë për industritë që lidhen me transportin.
Familjet dhe punonjësit në Senegal të Afrikës Perendimore po luftojnë për të gjetur mënyra për të përballuar jetesën.
Është një situatë e njohur dhe e dhimbshme në mbarë botën. Kostoja e transportit dhe ushqimit po rritet, ndërsa rrogat jo.
Njerëzit në Senegal po përdorin autobuzët për të shkuar në punë, shkolla, xhami apo darka familjare.Por çmimi i një rruge është rritur kohët e fundit nga 25 në 40 cent. Kjo është një rritje e madhe për njerëzit me rrogë rreth një dollarë në ditë.
Mohammed Pape bën katër udhëtime me autobus në ditë, për të shkuar në punë të ndryshme dhe për t'u kthyer në shtëpinë e tij në një lagje të varfër.
Ai thotë se nuk ka asnjë rrugë tjetër veçse të paguajë biletën e shtrenjtuar të autobuzit. Ai thotë se rroga nuk i ka ndryshuar.
Në mbarë botën rritja e çmimit të naftës i ka detyruar shumë njerëz të gjejnë mënyra të reja për të shkuar nga një vend në tjetrin. Në vendet në zhvillim shumë njerëz po heqin dorë nga transporti publik dhe po ecin në këmbë për të shkuar në punë.
Në vendet industriale, benzina e shtrenjtuar po bën gjithnjë e më shumë njerëz të lenë makinat dhe të përdorin transportin publik. Kostoja e këtij transporti në qytetet e mëdha amerikane është rritur 5 deri në 15 përqind nga viti i kaluar.
Çmimet e larta të karburantit po shtojnë kostot e shumë mallrave dhe shërbimeve, përfshi ushqimet. Çmimet në rritje të ushqimeve kanë çuar në trazira në 30 vende gjatë muajve të fundit, duke çuar në shqetësime rreth stabilitetit.
Mauricio Lopez është shofer taksie në Miami të Floridas. Ai erdhi në Shtetet e Bashkuara nga Kolumbia. Ai thotë se çmimi i karburantit po kërcënon jetesën e tij.
Këtë vit jemi dëmtuar shumë nga çmimi i benzinës pasi praktikisht gjithë të ardhurat tona shkojnë për të blerë naftë. Ne ngritëm kohët e fundit çmimin e shërbimit për të mbuluar kostot e karburantit por kjo i ka larguar edhe më tej klientët.
Çmimet e karburantit kanë gjithashtu një ndikim të madh në industinë e transportit ajoror sidomos në Shtetet e Bashkuara. Shoqëritë American Airlines dhe Delta Airlines kanë humbur më shumë se një miliardë dollarë secila këtë vit.
Zëdhënësi i industrisë Xhim Mej pret më shumë trazira.
Jemi jashtëzakonisht të shqetësuar rreth së ardhmes së kësaj industrie, duke patur parasysh ndikimin që çmimet e naftës kanë në çdo drejtim.
Karburanti i shtrenjtë do të thotë gjithashtu shumë ndryshime për prodhuesit e automobilëve. Dy kompanitë më të mëdha amerikane të kësaj industrie, General Motors dhe Ford kanë deklaruar humbje të mëdha nga rënia e shitjeve në Amerikë.
Kreu i GM, Rik Uagoner thotë se kompani si Fordi do të mbyllin disa uzina ku prodhohen makina jo shumë efiçente me karburantin.
Nuk mund të presim për t'u përmirësuar kushtet në Amerikë. Duhet të jemi aktivë dhe të marrim disa veprime të vështira për të siguruar mbijetesën dhe suksesin.
Industria e makinave e ka ndryshuar tani fokusin drejt makinave më të vogla dhe më efiçente dhe zhvillimin e makinave që përdorin burime të tjera të energjisë, si hidrogjeni dhe biokarburet.
Ndërkohë shumë njerëz po kërkojnë mënyra alternative të transporti. Në Los Angeles, Ramona Marks e mënjanon turmën duke shkuar në punë me biçikletë.
Kam shpresë për këtë qytet dhe njerëzit që jetojnë këtu. Disa njerëz po bëjnë një ndryshim për më mirë.
Është e qartë se ky problem kaq i gjerë do të kërkojë edhe një shumëllojshmëri zgjidhjesh. //bsa//

[Lona]

Xanieri: ”UNMIK-u mbetet në vendbanimet serbe”

Prishtinë, 20 gusht: Shefi i UNMIK-ut, Lamberto Xanieri, e ka cilësuar procesin e rikonfigurimit të administratës së UNMIK-ut si proces që pasqyron gjendjen e re në terren, më Kosovë. Ai ka thënë se, me gjithë pritjet për reduktimin e stafit të UNMIK-ut dhe shtrirjen e EULEX-it, UNMIK-u do të vazhojë të jetë i pranishën në vendbanimet me popullsi serbe apo me popullsi të përzier. “Ne do të mbetemi të pranishëm në Pejë, Graçanicë, Shtërpcë dhe, sigurisht, në Mitrovicë”, tha Xanieri, në një konferencë me gazetarë, në Prishtinë. Duke folur lidhur me doganat, Xanieri tha se është e domosdoshme që në veri të Kosovës të shtrihet pushteti legal. Ai pohoi se atje gjithçka është jashtë kontrollit dhe kjo situatë shfrytëzohet për kontrabandë dhe për kalime të pakontrolluar të mallrave. Shefi i UNMIK_ut, Lamberto Xanieri, përgënjeshtroi njoftimet se ai ka propozuar të krijohet një lloj force policore serbe brenda Policisë së Kosovës.

Ismet Jashari-Kumanova dekorohet me Urdhrin “Hero i Kosovës”

Prishtinë, 20 gusht: Presidenti i Kosovës, Fatmir Sejdiu, e ka dekoruar me Urdhrin ”Hero i Kosovës” dëshmorin Ismet Jashari – Kumanova. për trimërinë e treguar në luftën çlirimtare për lirinë dhe pavarësinë e Kosovës. Ismet Jashari Kumanova u dekorua me rastin e dhjetë vjetorit të rënies për lirinë e pavarësinë e Kosovës. Vendimi hyn në fuqi menjëherë. Urdhri ”Herko i Kosovës” u jepet figurave historike shqiptare të kohëve moderne, prej Lidhjes së Prizrenit e këndej, si edhe qytetarëve të Kosovës që kanë kryer vepra trimërie për lirinë dhe pavarësinë e Kosovës. Presidenti Sejdiu mori vendim për dekorim në bazë të obligimeve dhe përgjegjësive kushtetuese.

Presidenti Sejdiu vlerësoi marrëveshjen UNMIK-EULEX

Prishtinë, 20 gusht: Udhëheqësit e institucioneve më të larta shtetërore të Kosovës vlerësojnë se marrëveshja e nënshkruar ndërmjet misionit të Organizatës së Kombeve të Bashkuara dhe atij të Bashkimit Evropian është një hap i rëndësishëm në procesin e bartjes së kompetencave të mbetura nga institucionet ndërkombëtare tek institucionet e Kosovës. Presidenti i Kosovës, Fatmir Sejdiu, tha se marrëveshja “nuk ka të bëjë vetëm me angazhimet e ardhshme të UNMIK-ut dhe EULEX-it në Kosovë, por, para së gjithash, me kalimin e përgjegjësive të mbetura nga institucionet ndërkombëtare te ato vendore”. "UNMIK-u do t'i reduktojë kompetencat e veta. Pra, do të jetë një periudhë e transferimit të lehtë apo tranzicionit në institucionet e Kosovës, që është parësorja, dhe EULEX do të ketë mandat ndihmëtar në fushën e sigurisë e të sundimit të ligjit", ka deklaruar ai. Presidenti i Kosovës ka thënë se marrëveshjen midis UNMIK-ut e EULEX-it e konsideron si pjesë të marrëveshjes për rikonfigurimin e shpejtë të UNMIK-ut dhe ka shprehur dëshirën që ky proces të kryhet sa më shpejt.

NATO pezullon kontaktet e rregullta me Rusinë

Bruksel, 20 gusht: Ministrat e jashtëm të NATO-s kanë rënë dakord për një bashkëpunim më të ngushtë me Gjeorgjinë. Ata kanë thënë se kontaktet e rregullta me Rusinë janë të pamundura derisa trupat ruse të tërhiqen plotësisht në Gjeorgjia. "Ne nuk jemi duke hequr dorë nga komisioni NATO-Rusi, por u pajtuam se nuk mund të ketë shkëmbime të zakonshme në marrëdhëniet tona me Federatën Ruse", ka thënë Sekretari i Përgjithshëm i NATO-s, Jap De Hop Skefer. “Fakti që ne e zhvilluan këtë takim të jashtëzakonshëm të Këshillit Veriantlantik mendoj se është provë se nuk mund të ketë shkëmbime të zakonshme", ka plotësuar Skefer. Sekretarja amerikane e Shtetit, Kondoliza Rajs, kqa thënë se presidenti rus duhet të mbajë premtimin për tërheqjen e trupave nga Gjeorgjia. "Deklarata e takimit ka një gjuhë shumë të ashpër dhe ka pasur gjuhë të ashpër në tryezën e bisedimeve për atë se Rusia duhet të respektojë angazhimin për armëpushim që e morri presidenti rus. Është koha që presidenti rus ta mbajë premtimin për tërheqjen e forcave ruse nga Gjeorgjia", ka thënë Rajs. Gjatë takimit të djeshëm të ministrave të jashtëm të NATO-s është marrë edhe vendimi për krijimin e komisionit NATO-Gjeorgji, për të forcuar raportet me Tbilisin.

KS: Rusia hedh poshtë projektrezolutën për konfliktin në Kaukaz

Nju Jork, 20 gusht: Rusia, e cila ka të drejtën e vetos, ka bllokuar edhe një herë shqyrtimin e një projektrezolute mbi konfliktin në Kaukaz, në Këshillin e Sigurimit të OKB-së. Ajo ka thënë se kjo projektrezolutë është në kundërshtim me kërkesat e armëpushimit të ndërmjetësuar nga presidenti francez Nikolas Sarkozi. Projektrezoluta afirmon integritetin territorial të Gjeorgjisë dhe i bën thirrje Rusisë që të tërheqë trupat në pozicionet që mbante përpara konfliktit. Ndërkohë, Rusia ka njoftuar se ushtarët e saj në Gjeorgji do të tërhiqen në pozicionet që i kishin para fillimit të luftës, deri të premten. Presidenti rus Dimtri Medvedev ia kishte premtuar këtë homologut të tij francez, Nikolas Sarkozi, në një bisedë telefonike.

Sulme të tjera në Algjeri, 11 të vdekur

Algjer, 20 gusht: Një ditë pas sulmit të djeshëm në Algjeri, kanë ndodhur edhe dy sulme të tjera me bomba. Sipas njoftimeve të ministrisë së brendshme, në këto sulme janë vrarë 11 njerëz dhe janë plagosur mbi 30 të tjerë. Shpërthimet kanë ndodhur para një hoteli dhe një kuarti të ushtrisë në veri-perëndim të Algjerit, në qytetin Bouira. Në sulmin e djeshëm me autobombë janë vrarë të paktën 43 persona dhe ishin plagosur dhjetra të tjerë. Sulmi ishte kryer nga një sulmues vëtevrasëse, ndërsa në shënjestër kishte qenë një shkollë e policisë. Para ndërtesës së shkollës kishte shumë të rinj, të cilët pritnin në radhë për t’u regjistruar për trajnim në këtë shkollë. Qeveria dyshon se pas këtij atentatit fshihet grupi terrorist i ashtëquajtur "Al Kaida në Magrebin islamik".

[Lona]

Presidenti i Francës, Nikola Sarkozi, shkoi në Kabul

Kabul, 20 gusht: Presidenti i Francës, Nikola Sarkozi, ka mbërritur në kryeqytetin afgan, Kabul. Vizita është motivuar nga vrasja e dhjetë ushtarëve francezë. Ata kanë humbur jetën gjatë luftimeve të djeshme me talebanët. Ushtarët ishin vrarë gjatë luftimeve të ashpra që u zhvilluan në qarkun Sarobi, në lindje të kryeqytetit. Kjo ishte tragjedia më e madhe e ushtrisë franceze, qysh prej sulmit në Bejrut, në vitin 1983. Në përfundim të ceremonisë në të cilën do të dnerohen ushtarët e vrarë, Sarkozi do të takohet me presidentin afgan, Hamid Karzai.

Dështojnë bisedimet për kandidaturën e Presidentit të Pakistanit

Islamabad, 20 gusht: Kanë dështuar bisedimet e koalicionit qeverisës në Pakistan për gjetjen e një kandidature që do të zëvendësojë ish-presidentin Pervez Musharaf. Bisedimet janë ndërprerë pasi politikanët nuk janë marrë vesh lidhur me rikthimin e dhjetëra gjyqtarëve që Musharafi i kishte larguar vitin e kaluar. Pervez Musharaf ka dhënë dorëheqjen nga posti i presidentit, pas përpjekjeve të koalicionit qeverisës për ta larguar përmes votimit në parlament.

OBSH paralajmëron epidemi dhe kërcënim urie në Afrikë

Gjenevë, 20 gusht: Pas përmbytjeve të mëdha në perëndim të Afrikës, Organizata Botërore e Shëndetit, OBSH, ka paralajmëruar për mundësinë e shpërndarjes së shumë epidemive të sëmundjeve si ajo e kolerës dhe malaries. Vetëm në Guine, deri tani, janë regjistruar më shumë se 2 mijë raste të kolerës, bën të ditur komisioni i OKB-së në Gjenevë. Në Benin, Nigeri dhe Togo, sipas OBSH-s, më shumë se 200 mijë njerëz që ndodhen në qiell të hapur kërcënohen nga uria

[Lona]

Malta e njohu zyrtarisht Kosovën e pavarur

Prishtinë, 21 gusht: Ministria e Jashtme e Maltës e ka njoftuar Ministrinë e jashtme të Kosovës se Republika e Maltës e ka njohur Kosovën shtet të pavarur dhe sovran. Njoftimi zyrtar është bërë nëpërmjet një deklarate që Ministria e Jashtme e Maltës ia ka dërguar Ministrisë së Jashtme të Kosovës, përkatësisht ministrit Skënder Hyseni. Malta është shteti i 46-të që e ka njohur Republikën e Kosovës.

Austria e njeh pasaportën e Republikës së Kosovës

Prishtinë, 21 gusht: Ambasada e Austrisë në Prishtinë e ka njoftuar Ministrinë e Punëve të Brendshme të Kosovës se që nga dita e sotme Republika e Austrisë e njeh pasaportën e Republikës së Kosovës si dokument valid dhe legjitim. Ambasada e Austrisë ka njoftuar gjithashtu se autoritetet e brendshme i ka autorizuar t’i vendosin vizat në pasaportat e Republikës së Kosovës.

Ministri Hyseni udhëtoi për në Çeki

Prishtinë, Ministri i Jashtëm i Kosovës, Skënder Hyseni, ka udhëtuar sot për në Çeki, në një vizitë zyrtare, me ftesë të ministrit të jashtëm çek Karel Shvarcenberg. Nesër, ministri Hyseni do të ketë takime me homologun e tij Shvarcenberg, zëvendës-kryeministrin për Çështje të Jashtme, Aleksander Vondra, kryetarin e Komisionit të Jashtëm në Dhomën e Deputetëve nt Parlamentit të Çekisë, etj. Temë e bisedës do të jetë forcimi i marrëdhënieve dypalëshe dhe mundësia e mbështetjes së procesit të njohjes së pavarësisë së Kosovës nga Republika e Çekisë.

Pakistani tronditet nga sulmet vetëvrasëse

Islamabad, 21 gusht: Të paktën 63 vetë janë vrarë dhe dhjetëra të tjerë janë plagosur në një sulm vetëvrasës të dyfishtë që ka ndodhur pranë fabrikës kryesore të prodhimit të armëve në Pakistan, pranë kryeqytetit Islamabad. Policia tha se njëri prej sulmuesve e kishte hedhur veten në erë jashtë hyrjes kryesore të fabrikës, në ndërtesën ushtarake Vah, pranë qytetit Taxila. Sulmuesi i dytë ka pasur në shënjestër një treg pranë një porte tjetër të fabrikës. Sulmet janë kryer në kohën që punëtorët e kishin përfunduar punën dhe po largoheshin nga fabrika. Dyshohet se sulmet kanë lidhje me operacionet ushtarake pakistaneze që po vazhdojnë në zonat malore.

Kondoliza Rajs në vizitë të papritur në Irak

Bagdad, 21 gusht: Sekretarja amerikane e Shtetit, Kondoliza Rajs, ka arritur në Bagdad, për të biseduar me kryeministrin irakian Nuri-al-Maliki dhe zyrtarët tjerë mbi të ardhmen e forcave amerikane në Irak. Para vizitës së saj të paparalajmëruar, Rajs ka thënë se palët janë afër një marrëveshjeje, por ka mohuar njoftimet se tashmë është arritur një marrëveshje e tillë. Uashingtoni dhe Bagdadi kanë negociuar me muaj të tërë për një marrëveshje afatgjate mbi statusin e forcave amerikane në Irak, pas skadimit të mandatit të OKB-së, në fund të vitit. Negociatat janë shoqëruar me mosmarrëveshje lidhur me kohën e tërheqjes së plotë të forcave amerikane dhe lidhur me imunitetin e ushtarëve amerikanë ndaj ligjeve irakiane. Rahs ka thënë sot se çdo afat kohor për tërheqje do të varet nga situata në terren. Zyrtarët irakianë kanë thënë se do të dëshironin që të gjitha trupat ushtarake të tërhiqen për 2 ose 3 vjet.

Ushtarët rusë qëndrojnë në brendi të Gjeorgjisë

Tbilisi, 21 gusht: Ushtria ruse ka deklaruar se trupat paqeruajtëse gjeorgjiane nuk kanë të drejtë të patrullojnë në zonën e sigurisë rreth Osetisë së Jugut, ndërsa ushtarët rusë do të mbeten në zonën e cila shtrihet rreth 7 km brenda Gjeorgjisë. Rusia këmbëngul se po respekton atë që është paraparë në marrëveshjen e armëpushimit, edhe pse mijëra trupave ruse gjenden ende në Gjeorgji. Një zëdhënës ushtarak ka thënë se kjo gjendje do të ndryshojë plotësisht nesër mbrëma, kur ushtarët do të shkojnë në atë që ai e ka cilësuar si zonë përgjegjësie të Rusisë, në rajonit e Osetisë së Jugut. Ai i është referuar një marrëveshjeje të vjetër me Tbilisin për operacione të përbashkëta paqeruajtëse atje, por ka shtuar se Gjeorgjia e ka humbur të drejtën morale për të marrë pjesë, pasi trupat e saj qëlluan paqeruajtësit rusë në Çinvali, para dy javësh, gjë që, sipas tij, shkaktoi reagimin e fortë ushtarak të Rusisë. Moska tani thotë se kontingjenti i paqeruajtësve në Osetinë e Jugut do të përforcohet dhe do të armatoset më shumë. Kjo do të shkaktojë reagimet e perëndimit, i cili këmbëngul në tërheqjen e plotë të trupave ushtarake ruse nga Gjeorgjia dhe në kthimin e tyre në pozicionet që i kishin para fillimit të konfliktit.

[Lona]

Korriku ndër muajt më të mirë në historinë e Aeroportit të Prishtinës

Prishtinë, 25 gusht - Korriku ishte ndër muajt më të mirë në historinë e Aeroportit Ndërkombëtar të Prishtinës sa i përket aspektit financiar, ku është siguruar një fitim neto prej gati 1 milion euro, duke çuar fitimin neto të kompanisë për 7 muaj në 3.6 milion euro. Sipas një njoftimi, kjo shifër përbën rekord në bazë të krahasimeve me vitin e kaluar, pasi aeroporti që tani ka tejkaluar dukshëm fitimin neto të siguruar përgjatë një viti, gjatë 2007, i cili ishte vetëm 2.8 milion euro. Vetëm në gjashtëmujorin e parë të 2008 kompania arriti të arkëtojë një fitim neto prej 2.6 milion eurove. "Jemi të përkushtuar në maksimum që përmes qasjes së re, gjithmonë në shërbime të konsumatorëve udhëtarëve dhe aviokompanive, ta rrisim sa më shumë vlerën e kompanisë. Njëkohësisht jemi në përpjekje maksimale për të zvogëluar sa më shumë shpenzimet operative", ka theksuar Agron Musatafa, drejtor menaxhues i aeroportit.

Turqia intensifikon lobimin për njohjen e Kosovës

Prishtinë, 25 gusht - Presidenti i Kosovës Fatmir Sejdiu priti sot sekretarin e Shtetit të Turqisë, Mustafa Sait Yazicog, me të cilin bisedoi për zhvillimet e përgjithshme në vendin tonë, për përkushtimin që ka Turqia për të ndihmuar Kosovën, si dhe për bashkëpunimin në mes të dy vendeve. President Sejdiu vlerësoi pas takimit se Turqia ka qenë një ndër vendet e para që ka njohur pavarësinë e Republikës së pavarur dhe sovrane të Kosovës. "Turqia ka një përkushtim të veçantë në ndihmë për zhvillimim ekonomik, aspekte të tjera që kanë të bëjnë me jetën e qytetarëve posaçërisht në fushën e bashkëpunimit universitar, në kulturë, në mbrojtjen e institucioneve kulturore dhe historike të kultit dhe forma të tjera të bashkëpunimit", theksoi Presidenti Sejdiu. Ndërkaq, sekretari i shtetit të Republikës së Turqisë, tha se marrëdhëniet ndërmjet Turqisë dhe Kosovës në aspektin e politikës ndërkombëtare dhe marrëdhënieve historike dhe sociale, janë shumë të mira. "Turqia i ka ofruar Kosovës mbështetje në shumë fusha dhe do të vazhdojë që të mbështesë edhe më tutje", pohoi ai. Z. Mustafa Sait Yazicog tha se në fushën e diplomacisë, në nivel të Konferencës Islamike, Turqia është duke u angazhuar edhe më tutje për njohjen e pavarësisë së Kosovës nga këto vende. ?Turqia është e interesuar për ruajtjen e monumenteve kulturore në Kosovë dhe kemi filluar t?i restaurojmë ato në projekte të ndryshme", theksoi z. Yazicog. Presidenti Sejdiu dhe z.Yazicog bënë të ditur se Turqia shumë shpejt do të marrë vendimin për ngritjen e përfaqësisë së saj në Prishtinë në nivel të Ambasadës, ashtu siç edhe Kosova ka marrë vendimin për hapjen e Ambasadës së saj në Ankara. Duke iu përgjigjur një pyetjeje të gazetarëve për kohën e emërimit të përfaqësuesve të Republikës së Kosovës në misionet tashmë të dekretuara, Presidenti Sejdiu tha se shumë shpejt do të bëhet emërimi i tyre dhe se përgatitjet për këtë çështje janë në fazën përfundimtare. Sekretari i Shtetit të Turqisë, Mustafa Sait Yazicog, është takuar edhe me kryeministrin Hashim Thaçi.

Sejdiu: Pakënaqësi për hezitimin e shteteve arabe për të njohur Kosovën

Prishtinë 25 gusht - Gazeta autoritative gjitharabe "Al Hayat", redaksia në Londër dhe gjashtë botimet në botën arabe botuan një intervistë me Presidentin e Kosovës Fatmir Sejdiu. Me titull "Pakënaqësi e Presidentit me hezitimin arab për njohjen e shtetit te ri", gazeta citon Presidentin Sejdiu të ketë thënë se megjithëse i kupton arsyet e hezitimit të shumicës së vendeve arabe, por kosovarët ndjejnë pakënaqësi pasi kanë menduar se shtetet arabe do të jenë në krye të vendeve që do ta njohin Kosovën.

Izraeli liroi 200 palestinezë

Jerusalem, 25 gusht - Rreth 200 të burgosur palestinezë janë liruar sot nga Izraeli, vetëm disa orë para se sekretarja amerikane e Shtetit Kondoliza Rajs të mbërrijë në misionin e saj për arritjen e paqes. Të burgosurit arritën në Bregun Perëndimor në Ramallah, pak çaste pas lirimit, ku u pritën me thirrje dhe duartrokitje. Izraeli tha se lirimi ishte një gjest përkrahjeje për presidentin e moderuar palestinez Mahmoud Abass dhe për të çuar përpara bisedimet paqësore.

Dhoma e lartë ruse njeh pavarësinë e Osetisë Jugore dhe Abkazisë

Moskë, 25 gusht - Dhoma e lartë ruse, Këshilli i federatës, ka vendosur për njohjen e pavarësisë së Osetisë Jugore dhe Abkazisë, të cilat gjenden në territorin e Gjeorgjisë. Në një seancë të jashtëzakonshme, parlamentarët kërkuan njëzëri nga presidenti Dmitri Medvedev që të marrë këtë vendim. Votim i ngjashëm pritet sot edhe në dhomën e ulët, në Dumë. Pas shkatërrimit të Bashkimit Sovjetik, në fillim të viteve 90 ta, Abhazia dhe Osetia Jugore kanë shpallur pavarësinë dhe shkëputjen nga Gjeorgjia, por pavarësia e tyre nuk është njohur prej askusjt. Në fillim të gushtit Gjeorgjia ka ndërhyrë ushtarakisht dhe ka futur këto territore nën kontroll, por mënjeherë ndërhynë forcat ruse dhe i dëbuan ato. Që prej atëherë forcat ruse janë prezente në territorin e Gjeorgjisë.

Të paktën 25 të vrarë nga një sulm në Irak

Bagdad, 25 gusht - Të paktën 25 persona janë vrarë dhe 30 të tjerë janë lënduar në një sulm vetëvrasës në distriktin e Abu Graibit në Bagdadin perëndimor. Sulmi raportohet të ketë ndodhur mbrëme në një aheng, ku po festohej lirimi i një personi nga një burg amerikan. Mysafirë në këtë aheng thuhet të kenë qenë edhe anëtarë të një këshilli të sunitëve, që kundërshton Al Qaidën. Më herët Al Qaida kishte paralajmëruar anëtarët e këtij këshilli se do sulmoheshin për shkak të bashkëpunimit të tyre me forcat amerikane.

[Lona]

Bugajski: Është e turpshme që bota arabe nuk e ka njohur Kosovën

Pragë, 26 gusht - Është koha që OKB ja të largohet nga Kosova dhe të fillojë procesi i dorëzimit të kapaciteteve. Po ashtu, është koha për serbët dhe për Beogradin që ta kuptojnë se duhet të jetë një autoritet e jo dy, - tha analisti Janush Bugajski nga Qendra për Studime Strategjike dhe Ndërkombëtare në Uashington. Për fat të keq, tha Bugajski në një intervistë për REL, procesi ishte shumë i ngadalshëm, ndonëse u premtua se gjatë shtatorit çdo gjë do të jetë në vendin e vet dhe EULEX i do ta marrë përgjegjësinë në mënyrë komplete nga UNMIK u. Megjithatë Bugajskit shprehet opitmist se procesi po ecën dhe se EULEX do të vendoset "diku në fund të vjeshtës" që siç shprehet, "misioni do të jetë krejtësisht komplet". Në anën tjetër ai thotë se, është krejtësisht humbje kohe të pritet që të merret ndonjë vendim në Këshillin e Sigurimit. "Ajo që duhet të ndodhë, është që Bashkimi Evropian të thotë fuqishëm se do të jetë përgjegjës për monitorimin e progresit të Kosovës dhe të institucioneve të Kosovës, sipas planit të Martti Ahtisaarit, ose së paku, vendet që e kanë njohur Kosovën, duhet të lëvizin përpara dhe ta ushtrojnë këtë mision", tha ai. Duke folur për njohjen e shtetit të Kosovës, Bugajski tha se deri më tash ka qenë "vala e parë e njohjes", por ai pret edhe një valë tjetër rajonale dhe ndërkombëtare të njohjeve. Sipas tij, mund të ndodhë që t'i mbetet administratës së ardhshme amerikane që ta shtyjë këtë çështje. Bugajski konsideron se invadimi rus në Gjeorgji është thirrje për t'u zgjuar Evropa që të bashkohet dhe të gjitha shtetet ta njohin Kosovën brenda Evropës. Ndërkaq në lidhje me hezitimin e vendeve arabe për ta njohur Kosovën e pavarur, Bugajski e cilësoi "të turpshme që bota arabe, bota myslimane, nuk e ka njohur Kosovën si shtet", ndonëse ai shpreson që kjo do të ndryshojë gjatë vitit të ardhshëm.

U vu gurthemeli i objektit të ri të Ministrisë së Punëve të Brendshme

Prishtinë, 26 gusht - Sot, në afërsi të Stadiumit të Prishtinës, u bë përurimi i vënies së gurthemelit të objektit të ri të Ministrisë së Punëve të Brendshme. Në këtë solemnitet morën pjesë kryeministri i Republikës së Kosovës, Hashim Thaçi, ministri i Punëve të Brendshme, Zenun Pajaziti, udhëheqësi i Zyrës Ndërlidhëse të Komisionit Evropian, Renzo Davvidi, kryetari i Prishtinës, dr. Isa Mustafa, zëvendëskomisari i Policisë së Kosovës, Sheremet Ahmeti, si dhe eprorë të tjerë të lartë të Ministrisë së Punëve të Brendshme. Në fjalën e tij Ministri i Punëve të Brendshme pasi përshëndeti të pranishmit, vlerësoi se kjo është një ditë e rëndësishme për Ministrinë e Punëve të Brendshme dhe për Qeverinë e Kosovës. "Dëshiroj t'i falënderoj të gjithë ata që janë angazhuar në ngritjen e këtij objekti e veçanërisht Agjencionin Evropian për Rindërtim", tha në fjalën e tij ministri Pajaziti. Ndërkaq kryeministri Thaçi theksoi se sot është një ditë e veçantë për institucionet e Republikës së Kosovës. "Ne po i realizojmë projektet e zotuara dhe projektet e institucioneve të Republikës sonë, si objekte dinjitoze e shtetërore me standarde perëndimore për policinë tonë të re dhe të shtetit të Kosovës. Jemi tepër të përgjegjshëm dhe krenar për këtë investim të rëndësishëm për Ministrinë e Punëve të Brendshme dhe falënderoj Agjencionin Evropian që e ka ndihmuar këtë projekt dhe projekte të këtilla do të vazhdojnë edhe në të ardhmen. Këto janë projekte tona të reja që e reflektojnë kuptimin më pozitiv të mundshëm për kthimin e dinjitetit të institucioneve në shtetin tonë të ri", tha Thaçi. Ai premtoi se qeveria do të investojë në projekte dhe në Policinë e Kosovës, në avancimin e integritetit të tyre, që gjithmonë të jenë në shërbim dhe në interesat e qytetarëve të Kosovës. Fillimi i punimeve të këtij objekti modern, tha Thaçi, për MPB në shënon edhe një kthesë për shkëputje nga objektet dhe mentaliteti i së kaluarës. Udhëheqësi i Zyrës Ndërlidhëse të Komisionit Evropian, Renco Davidi, tha se ky është një projekt i përbashkët me Qeverinë e Kosovës. Sipas tij, nuk është me rëndësi që vetëm të ndërtohen objekte të reja, por ka rëndësi që të zbatohen standarde evropiane në Kosovë. Davidi tha po ashtu se në shtatorin e vitit të ardshshëm pret që ta bëhet inaugurimi solemn, përkatësisht fillimin e punës së punonjësve të MPB së në kuadër të këtij objekti. Objekti i ri i Ministrisë së Punëve të Brendshme do të ngritet në pesë kate dhe do të ketë një sipërfaqe prej 4.700 metra katrorë, në të cilën do të mund të punojnë 180 200 punonjës. Në kuadër të këtij objekti me të gjitha standardet bashkëkohore do të jetë edhe një sipërfaqe për parkim prej 500 metrash katrorë dhe sipërfaqe teknike në bodrum. Në kuadër të objektit të ri të MPB së do të vendoset sistemet e alarmit nga zjarri, sistemi i kontrollit me kamera, sistemi i mbrojtjes nga zjarri, pastaj do të ketë mundësi që të bëhet menagjimi i lëvizjes së të punësuarve brenda objektit përmes sistemit të kontrollit të hyrjes.

Berisha hedh poshtë akuzat ruse

Tiranë, 26 gusht - Kryeministri i Shqipërisë Sali Berisha e ka cilësuar invencion deklaratën e autoriteteve ruse për furnizimin me armë të Gjeorgjisë nga Shqipëria. Gjeorgjia është një vend mik dhe ka gjithë mbështetjen e shqiptarëve si vend demokratik, ka deklaruar Berisha në një konferencë për media me kryeministrin e Islandës Geir Haarde, i cili po zhvillon një vizitë zyrtare në Tiranë. "Akuzat ruse nuk më çudisin aspak pasi Rusia ka një qëllim konstant ndaj shqiptarëve, dhe deklaratat e saj kanë qenë kundër anëtarësimit të Shqipërisë dhe Kroacisë në NATO", ka thënë kryeministri shqiptar.

Arrestohet shoferi i ambasadës shqiptare në Romnë

Romë, Tiranë, 26 gusht - Një shtetas shqiptar, Arsen Selmanllari, është arrestuar në Itali me akuzën e mbajtjes së lëndëve narkotike. Në automjetin me targë diplomatike me të cilin ai udhëtonte së bashku me një grua, forcat e Guardia di Financa, gjetën rreth një kilogramë kokainë. Burime të policisë italiane bëjnë të ditur se personi në fjalë ka mohuar se droga është e tij dhe është munduar të evitojë arrestimin duke kërkuar njohjen e imunitetit si punonjës i ambasadës. U kryen menjëherë një sërë procedurash për të bërë të mundur heqjen e këtij imuniteti, siç parashikon një nen i Konventës së Vjenes. Brenda pak orësh Ministria shqiptare e Punëve të Jashtme, nëpërmjet ambasadorit shqiptar në Romë, shoferin e pezulloi nga puna dhe i hoqi imunitetin. Në një sqarim të Ministrsësë Punëve të Jashtme të Shqiëprsië thuhet se pas njoftimit nga autoritetet italiane, pala shqiptare ka kërkuar që personi Arsen Selmanllari të trajtohet pa koperturë (mbrojtje) diplomatike. Menjëherë është pushuar personi nga puna dhe i është komunikuar formalisht palës italiane pushimi dhe heqja e çdo privilegji diplomatik personit. Ministria e Punëve të Jashtme po përgatit kallëzimin e vet ndaj personit në fjalë.

Rusia njohu pavarësinë e Osetisë së Jugut dhe Abkhazisë

Moskë, 26 gusht - Presidenti i Rusisë Dmitry Medvedev tha se Rusia e ka njohur pavarësinë e rajoneve separatiste të Abkhazisë dhe Osetisë së Jugut në Gjeorgji. Duke iu drejtuar kombit nëpërmjet televizioniut Medvedev tha se tashmë ka nënshkruar dekretin për njohjen. Analistët vlerësojnë se ky veprim do të ashpërsojë më tej tensionet ndërmjet Moskës dhe vendeve perëndimore. Një zyrtar i lartë i Ministrisë së Jashtme të Georgjisë u ka thënë agjencive të lajmeve se njohja ruse e pavarësisë së Osetisë së Jugut dhe Abkazisë është "aneksion i papranueshëm" i atyre territoreve. Dje, dy dhomat e parlamentit rus, Këshilli i Federatës dhe Duma shtetërore votuan për t'i bërë thirrje presidentit rus të njohë pavarësinë e këtyre rajoneve.

Koreja e Veriut pezulloi marrëveshjen

Phenian, 26 gusht - Koreja Veriore njoftoi sot se ka vendosur ta pezulloj marrëveshjen për shkatërrimin e reaktorit bërthamor në Yongbyon, pasi Shtetet e Bashkuara nuk e kanë respektuar këtë dokument. Ministria e Jashtme e Koresë së Veriut tha se pezullimi është fuqizuar më 14 gusht dhe se për këtë janë të njoftuara shtetet e involvuara në bisedimet ndërkombëtare për programin e saj bërthamor. Më tutje në njoftim theksohet se këto masa u ndërmorën për shkak se Shtetet e Bashkuara ende Korenë e Veriut nuk e kanë hequr nga lista e shteteve që e sponsorizojnë terrorizmin. Uashingtoni thotë se Pheniani nuk do të heqet nga kjo listë përderisa Koreja e Veriut të pranojë mekanizma më të ashpër të verifikimit.

[Lona]

Malajzia do të presë edhe më tej për njohur pavarësinë e Kosovës

Beograd, 27 gusht - Ambasadori i Malajzisë në Beograd, So Çing Hong, thotë se vendi i tij ende nuk e ka njohur pavarësinë e Kosovës dhe se megjithë presionin e madh do të presë edhe më tej. "Megjithë presionin e madh që ta njohim Kosovën, liderët tanë kanë vendosur që të presin. Pra, qëndrimi aktual është që Malajzia të presë nismën e Serbisë para Asamblesë së Përgjithshme të KB", ka thënë për mediat serbe ambasadori i Malajzisë në Serbi. Sipas tij, shumica e vendeve të Konferencës Islamike nuk e kanë njohur Kosovën ose nuk kanë marrë vendim për këtë. "Besoj se shumica këtë e nuk e ka bërë për shkak të problemeve të tyre të brendshme që mund të lindin, por gjithashtu mendoj se edhe Serbia e ka paraqitur mirë rastin e Kosovës para vendeve muslimane", ka thënë ambasadori i Malajzisë, duke shtuar se gjoja ministri i jashtëm serb Jeremiq e ka bindur kryeministrin e vendit të tij që të mbetet pranë vendimit të tillë.

Vajin disulfurik nga Kosova e largon një firmë amerikane

Prishtinë, 27 gusht - Qeveria si duket më në fund ka gjetur një zgjidhje për ta larguar nga vendi vajin e rrezikshëm disulfurik, i cili kishte hyrë në Kosovë ilegalisht. Drejtuesi i grupit ndërministror dhe njëherësh ministër i Mjedisit dhe Planifikimit Hapësinior Mahir Jagxhilar, ka deklaruar për shtypin e sotëm se me një firmë amerikane, "CES Envorimental" është nënshkruar kontrata për largimin e vajit. Ndryshe materiet toksike me vajin disulfurik gjendet në tri maune të vendosura në kompleksin "Trepça" në Mitrovicë që nga 6 qershori dhe ka qenë shkak i shumë protestave të banorëve të Mitrovicës.

Medvedev: S'kisha zgjedhje pas njohjes së Kosovës

Moskë, 27 gusht - Në një shkrim në të përditshmen britanike "Financial Times", presidenti rus Dmitri Medvedev ka thënë se nuk ka pasur zgjedhje tjetër, përpos t'i njohë Abkhazinë dhe Osetinë e Jugut pasi vendet perëndimore e njohën pavarësinë e Kosovës përkundër vërejtjeve të Rusisë. Medvedev e ka akuzuar presidentin Mikhail Saakashvili për krizën aktuale, duke thënë se forcat ruse hynë në Gjeorgji për t'i "shpëtuar jetët" pasi forcat gjeorgjiane e sulmuan Osetinë e Jugut.

Sikorski: Rusia përsëri do të humbë me Perëndimin

Varshavë, 27 gusht - Shefi i diplomacisë polake Radoslav Sikorski paralajmëroi se nëqoftëse Rusia dëshiron përplasje me Perëndimin, atëherë përsëri do të humbë. "Si Evropë jemi 10 herë më e pasur se Rusia, ndërsa me SHBA të 20 herë. Do të doja që Rusia të bashkëpunojë me Perëndimin dhe të integrohet, por nëse niset në konfrontim, përsëri do të humbë", ka deklaruar Sikorski. "Krijimi shtetit me madhësinë e një rrethine me 70 mijë banorë na duket i pakuptimtë. Pranimi se ish republikat autonome të Bashkimit Sovjetik kanë të drejtë për pavarësi, e lind precedentin, të cilin Moska dëshironte ta shmangë", ka thënë Sikorski për shtypin polak.

Bush: Vendimi i Moskës është i papërgjegjshëm

Uashington, 27 gusht - Presidenti i Shteteve të Bashkuara George Bush e ka dënuar hapin e Rusisë për njohjen e pavarësisë së dy rajoneve separatiste të Gjeorgjisë. Dje presidenti Dmitry Medvedev shpalli se e ka nënshkruar dekretin formal për njohjen e Osetisë së Jugut dhe Abkhazisë. Në një deklaratë, Bush i bën thirrje Moskës që ta "rishqyrtojë këtë vendim të papërgjegjshëm", duke thënë se ai "vetëm i shton tensionet dhe i ndërlikon negociatat diplomatike". Hapi i Rusisë u dënua edhe nga Bashkimi Evropian, NATO dhe OSBE.

Curkin: Realiteti i ri e justifikon vendimin rus

Nju Jork, 27 gusht - Ambasadori rus në Kombet e Bashkuara, Vitaliy Churkin tha se sulmi i Gjeorgjisë në Osetinë e Jugut në fillim të këtij muaji krijoi "realitet të ri", i cili e justifikon vendimin e Rusisë. "Përdorimi i tyre i forcës kundër Osetisë së Jugut i hodhi në erë të gjitha rezolutat e mëparshem Këshillit të Sigurimit dhe krijoi një realitet kompletisht të ri", tha Çurkin. Moska dërgoi trupa në Gjeorgji pasi Tbilisi u përpoq të rivendosë kontrollin mbi Osetinë e Jugut, dhe vazhdon t'i mbajë postblloqet rreth dy rajoneve separatiste. .

[Lona]

Tirana hedh poshtë paralelet midis Kosovës dhe Abkhazisë e Osetisë së Jugut

Tiranë, 28 gusht - Ministria e Punëve të Jashtme të Shqipërisë dënon vendimin e Rusisë për njohjen e pavarësisë të dy rajoneve të Gjeorgjisë, Abkhazisë dhe Osetisë së Jugut dhe e konsideron këtë hap të pajustifikueshëm, të papranueshëm dhe në kundërshtim të plotë me të drejtën ndërkombëtare dhe me rezolutat e Këshillit të Sigurimit të OKB së, të votuara edhe nga vetë Rusia. Në këtë kontekst, thuhet më tej në një komunikatë, Ministria e Jashtme shqiptare hedh poshtë me vendosmëri çdo përpjekje për të vendosur paralele midis Kosovës dhe rajoneve autonome të Gjeorgjisë, Abkhazisë dhe Osetisë së Jugut. Argumente të panumërta historike, shkencore e juridike dëshmojnë se rasti i Kosovës është unik dhe zgjidhja e zbatuar për të është unike. Si i tillë, ai nuk shërben e as nuk mund të shërbejë si model për zgjidhjen e konflikteve të tjera as në rajon, as jashtë tij. Duke mbështetur shkëputjen nga Gjeorgjia të Abkhazisë dhe Osetisë së Jugut, ndërkohë që në rastin e pavarësimit të Kosovës mbrojti të kundërtën, Moska po kompromenton përpjekjet e bashkësisë ndërkombëtare për zgjidhjen e drejtë, realiste dhe të qëndrueshme të konflikteve. Ministria e Punëve të Jashtme shpreh mbështetjen e plotë për integritetin territorial dhe sovranitetin e Gjeorgjisë dhe i bashkohet thirrjes drejtuar Moskës zyrtare që, në mbështetje të të drejtës ndërkombëtare dhe parimeve themelore të sigurisë europiane, të rishikojë vendimin e saj për njohjen e Abkhazisë dhe Osetisë së Jugut, pasi vetëm kështu i kontribuohet paqes dhe stabilitetit në rajon e më gjerë.

Rupel: Rezistenca ndaj pavarësisë së Kosovës e përkohshme

Vjenë, 28 gusht - Shefi i diplomacisë sllovene Dimitrij Rupel ka vlerësuar se çështja e Kosovës nuk mund të vehet në lidhje me Osetinë e Jugut dhe Abkazinë, ndërsa rezistenca e disa shteteve në BE ndaj pavarësisë së Kosovës është vetëm e përkohshme. "Besoj se rezistenca është vetëm e përkohshme", ka thënë Rupel në një intervistë për agjencinë austriake të lajmeve APA, duke vlerësuar se kjo rezistencë do të zhduket kur Kosova të jetë e gatshme të hyjë në BE. Rupel rikujtoi se pas shpalljes së pavarësisë së Kosovës disa vende druanin se Kosova mund të bëhet precedent dhe "kanë pasur ndjenjën se kjo pavarësi do të ketë pasoja për situatën e tyre politike". "Disa njerëz madje edhe sot thonë se Kssova mund të vehet në lidhje me Gjeorgjinë apo Abkazinë, përkatësisht me Osetinë e Jugut. Këtë mendim nuk e ndaj", ka thënë Rupel, i cili e konsideron "një rezultat të mirë" faktin se pavarësinë e Kosovës deri më tash e kanë njohur rreth 50 shtete.

Mbrëmë në veri të Mitrovicës janë përleshur grupe serbësh e shqiptarësh

Mitrovicë, 28 gusht - Mbrëmë në veri të Mitrovicës ka ndodhur një incident ku janë përleshur grupe serbësh e shqiptarësh që kishte filluar me sharje verbale dhe gjuajtje gurësh. Sipas policisë incidenti ka ndodhur rreth orës 23:00, në rrugën afër "Tre Rrokaqiejve", në veri të Mitrovicës në të cilin incident ishin të përfshirë rreth tetë të mitur shqiptarë dhe fillimisht një person i gjinisë mashkullore i nacionalitetit serb të cilit më vonë i janë bashkangjitur dhe një grup të rinjsh serb, nga kafeneja "Dolçe Vita". Gjatë këtij incidenti disa persona kanë pësuar lëndime truporë, ndërsa janë dëmtuar dhe dy vetura të UNMIK ut. Gjithashtu gjatë këtij incidenti janë dëgjuar dhe disa të shtëna nga arma e zjarrit. Policia e UNMIK ut së bashku me policinë e Kosovës kanë intervenuar për të në vënë situatën nën kontroll dhe shpërndarjen e dy grupeve të ndryshme etnike të cilat ishin përfshirë në hedhje të gurëve në mes veti. Njoftohet se sot në mëngjes situata është e qetë.

Demokratët emërojnë Obamën kandidat për president

Denver, 28 gusht - Demokratët amerikanë kanë emëruar zyrtarisht senatorin Barak Obama si kandidatin e tyre për president. Në kongresin e partisë në Denver delegatët i dhanë Obamës miratimin e tyre me thirrje. Propozimin për këtë e kishte bërë konkurrentja e Obamës Hilari Klinton, e cila kishte humbur në raundin zgjedhor paraprak. 47 vjeçari është i pari njeri me ngjyrë që dërgohet nga njëra prej partive të mëdha në betejën për postin më të lartë në SHBA. Në zgjedhjet e 4 nëntorit ai konkurron kundër republikanit Xhon Mekjn. Në kongresin e demokratëve sinjalizoi mbështetjen e vet për Obamën edhe ish presidenti amerikan Bill Klinton. Gjatë raundit zgjedhor paraprak Klinton e kishte sulmuar Obamën. Në përfundim delegatët emëruan senatorin Joe Biden si kandidat për postin e zëvendëspresidentit. Kongresi i Partisë Demokratike përfundon të premten me një fjalim të Obamës në stadiumin e futbollit të Denverit.

Gjermania dërgon vëzhgues ushtarakë në Gjeorgji

Berlin, 28 gusht - Qeveria gjermane po dërgon dy ushtarë të paarmatosur për mbështetjen e misionit të OSBE së në Gjeorgji. Këtë e bëri të ditur ministri i mbrojtjes Franz Josef Jung. Deri tani në Gjeorgji punojnë katër bashkëpunëtorë civilë gjermanë për Organizatën për Siguri dhe Bashkëpunim në Evropë. Në Gjeorgji mund të dërgohen gjithsej deri në 15 vëzhgues ushtarakë të ushtrisë gjermane, tha Jung. Më parë Rusia e kishte miratuar dërgimin e forcave të paarmatosura shtesë të OSBE së. Misioni përfshin gjithsej rreth 200 forca. Këshilli i përhershëm i OSBE së do të merret sot në Vjenë me konfliktin midis Rusisë dhe Gjeorgjisë. Kina dhe Rusia bashkërendohen në çështje të sigurisë Rusia dhe Kina duan të bashkërendojnë sot politikën e tyre të sigurisë. Presidenti rus Dmitri Medvedev dhe kryetari i shtetit dhe i partisë kineze Hu Jintao takohen për këtë në kryeqytetin taxhik Dushanbe. Takimi zhvillohet në kuadër të së ashtuquajturës Organizatë Bashkëpunimi e Shangait. Paktit të themeluar në vitin 2001 i përkasin përveç Kinës dhe Rusisë edhe katër republikat aziatikoqendrore të Kazakistanit, Kirgizisë, Uzbekistanit dhe Taxhikistanit.

Shtetet e G7 ës dënojnë politikën ruse në Kaukaz

Uashington, 28 gusht - Grupi i shtatë vendeve më të industralizuara ka dënuar vendimin e Rusisë për njohjen e pavarësisë së Osetisë Jugore dhe Abkhazisë. Ministrat e Jashtëm të këtij grupi thanë në një deklaratë të lëshuar nga Departamenti Amerikan i Shtetit se "vendimi i Rusisë vë në pikëpyetje përkushtimin e saj për paqe dhe siguri në Kaukaz". Deklarata i bën thirrje qeverisë ruse, që të implementojë në tërësi planin gjashtëpikësh të propozuar nga presidenti Sarkozy në emër të BE së, në vecanti, që të tërheqë trupat në pozicionet ku i kishte para se të nisë konflikti. Deklarata është nënshkruar nga ministrat e jashtëm të Kanadasë, Francës, Gjermanisë, Italisë, Japonisë, Shteteve të Bashkuara dhe Britanisë.

[Jana]

Holbrooke: Beogradi të pajtohet me faktin se Kosovën e ka shtet fqinj
Në një intervistë për mediat serbe, ish i dërguari amerikan për Ballkanin, Richard Holbrooke ka vlerësuar se Beogradi tash ndodhet para dy detyrave të rëndësishme: një, të arrestojë Mlladiqin, dhe dy, të pajtohet me faktin se Kosova sot është shtet fqinj.
“Pas kësaj, në Ballkan më nuk do të ketë tensione dhe i gjithë rajoni mund të shpresojë për një të ardhme më të mirë”, ka thënë Holbrooke.

Në këtë intervistë për të përditshmen “Press”, Holbrooke ka pranuar se ndaj ish-presidentit të Republikës Serbe të Bosnjës, Radovan Karaxhiq, ka pasur presion që ai të tërhiqej nga politika, mirëpo ka shtuar se - atij kurrë nuk i janë dhënë garancitë se nuk do të gjykohet në Hagë.

"Pohimi se unë i pata premtuar Radovan Karaxhiqit lirinë nëse ai do të tërhiqej nga jeta politike është gënjeshtër e një njeriu të pashpresë, i cili më në fund ka dalë para drejtësisë. Para dy tri vjetësh e kam parë një letër me nënshkrimin tim të falsifikuar dhe kam qeshur me zemër”, ka thënë Holbrooke.

Ai ka shpjeguar se një dokument i tillë nuk ekziston dhe ka shtuar se me Karaxhiqin është takuar vetëm një herë, me ndërmjetësim të Sllobodan Millosheviqit, në shtator të vitit 1995, kur ishin marrë vesh për zhbllokimin e Sarajevës.

"Shumë herë kam thënë se Karaxhiqit i dëshiroj çdo të keqe. Më vjen keq pse në Hagë nuk ekziston vendimi me vdekje - mirëpo jam i sigurt se ai do të mbetet prapa grilave deri në fund të jetës”, ka thënë Holbrooke, duke shtuar se, “do të dëshmojë në Hagë nëse mund të kontribuojë që Karaxhiq të mos dalë më kurrë nga burgu”.

[Jana]

Obama zyrtarisht kandidat presidencial

Ish-presidenti amerikan, Bill Clinton i ka dhënë një mbështetje të fortë kandidatit presidencial të Partisë Demokrate, Barack Obama vetëm disa orë pasi ai u shpall zyrtarisht si kandidat.
Siç njofton një korrespondent i BBC-së në Konventë, zyrtarizmi i kandidaturës ishte një moment mjaft simbolik.

Një nga një përfaqësuesit e të gjitha shteteve amerikane dhe territoreve të jashtme u ngritën në këmbë për të njoftuar rezultatet e votimit të delegatëve të tyre në zgjedhjen e kandidatëve.

Sikurse emri i senatorit Barack Obama edhe ai i senatores Hillary Clinton u vendos në listë në shenjë konsiderate për fushatën e fortë që ajo bëri në votimet paraprake.

Kur votimi arriti shtetin e Nju Jorkut, Hillary Clinton mori mikrofonin për të bërë thirrje që Barack Obama të shpallej kandidat për president.

Më në fund zyrtarisht u bë histori. Kandidati i parë afrikano-amerikan u shpall nga një grua që ai e mundi me rezultat shumë të ngushtë.

Zyrtarizimi i kandidaturës së tij erdhi në kohën kur udhëheqësit e partisë vazhdojnë të jenë të shqetësuar se ata që votuan për rivalen e zotit Obama në betejën e ashpër për kandidaturën e partisë, mund të ndërrojë krah dhe të votojnë për kandidatin republikan, John McCain në zgjedhjet e nëntorit.

Ish presidenti amerikan Clinton i tha Konventës së partisë se senatori Obama ishte i kualifikuar në mënyrë unike për presidencën e SHBA-së.

Duke folur para kandidatëve demokratë Clinton tha se ai dhe bashkëshortja e tij do të bënin çdo gjë që kishin mundësi që senatori Obama të zgjidhej. "Është e qartë se detyra e presidentit të ardhshëm do të jetë ndërtimi i ëndrrës amerikane dhe ringritja e lidershipit amerikan në botë."

"Çdo gjë që kam mësuar gjatë kohës që isha president dhe puna që kam bërë prej asaj kohe në Amerikë dhe në mbarë globin më ka bindur se Barack Obama është personi për detyrën", tha Clinton.

Edhe senatori Joe Biden është shpallur zyrtarisht si kandidati i partisë për zëvendës-president nga Konventa Demokrate. Ai foli para delegatëve dhe premtoi ndryshime në politikat ekonomike.

Barack Obama vetë bëri një paraqitje të paplanifikuar në skenën e konferencës. "Në fillim të fushatës ne kishim një ide shumë të thjeshtë që është ndryshimi në Amerikë nuk fillon nga kreu në bazë por nga themelet e sipër."

"Ndryshimi vjen ngaqë njerëzit e thjeshtë duan gjëra të jashtëzakonshme. Ne duam të jemi të hapur në këtë konventë për të siguruar se të gjitha ata që duan t'i bashkohen partisë i bashkohen përpjekjeve për të rikthyer Amerikën", tha Obama.

Obama bëri e zë mbështetjen e tij për Bidenin dhe falënderoi bashkëshortët Clinton për mbështetjen që ata i dhanë në konventë. /