Vrasjet politike , kush është prapa tyre ?

[King Street]

Kush dha urdhera për vrasjen e shqiptarve pas shpine, pse shumica nga ta ishin antarë dhë perkrahes të Presidentit Rugova?.
Edhe vete i shpalluri si agjend i shikut Bllaca kishte pranuar se: "Pas luftës ishte urdhër që të vriteshin krejt figurat e LDK-së. Pasi bëhej vrasja, mblidheshim të festonim dhe ishte një festë e vërtet për të gjithë"
A duhet populli ta dije për tradhtit që ju bënë Adem Jasharit , Ilir Kunoshevcit e Zahir Pajazitit të cilet u tradhtuan dhe u vunë në pritë nga komandantet ''parashutista'' që rrinin në Tiranë dhë në Kosovë hynen vetem pas hyrjes së NATO-s.
Pse u vranë (Ahmet Krasniqi, Xhemajl Mustafa , Komandant Drini , Ismet Raci , Shaban Manaj , Ukë Bytyqi , Haki Ymer , Tahir Zemaj ) e shumë të tjerë.
Sa po ndikojn në zbardhjen e rasteve dëshmit e Nazim Bllaces , Naim Miftari dhe Agim Hoti ?
Pse të gjitha rruget e ketyre vrasjeve na qojnë ka SHIK-u dhe njerzit që u veteshpallen si Bashkluftetarë të Adem Jasharit ?
Pse Qeverija e Kosoves ndan buxhet shumë të vogel për gjykatat e Kosoves , ndersa gjykatat thojn se më kete buxhet nuk mund të luftohet krimi i organizuar e as te zbardhen vrasjet e pas luftes .
Do të mundohemi që së bashku ti japim mendimet tona rreth ketyre vrasjeve.

[King Street]

‘Bota sot”: A i mbani në mend ndonjë nga personat që kanë tentuar të bëjnë atentat ndaj jush?

A.Salihaj: Unë e kam parë për pak sekonda vetëm fytyrën e personit që ma drejtoi armën, të tjerët nuk kam arritur t’i shoh. Kanë kaluar njëmbëdhjetë vjet prej atëherë dhe unë, deri vonë nuk kisha asnjë informatë se kush ishin personat që deshën të më vrisnin. Si strukturë, e dija saktësisht se janë njerëz të SHIK-ut e të krimit të organizuar, të gjithë njerëz të strukturave kriminale të PDK-së. Ky nuk ishte rasti i parë që kishin planifikuar të më vrisnin. Ata më kishin kërcënuar sa e sa herë gjatë luftës e pas luftës, hapur, përmes mediave e publikisht, por edhe fshehtas. Dhe nuk ishte as rasti i fundit që ata kishin menduar të më vrisnin. Ata edhe më vonë më përcollën pandërprerë dhe u munduan ta gjenin rastin që të më vrasin. Unë fillova të kem qysh atëherë, pas tentim atentatit të parë, shumë informata lidhur me planet e tyre. Por, unë mora masat e duhura mbrojtëse që të mos i arrinin qëllimet e tyre kriminale. Vetëm pas disa vitesh mora një informatë se kush kishin qenë dy nga personat që deshën të më vrasin më 12 qershor 2000. Sot kam më tepër informata, por edhe ato ende kërkojnë plotësim dhe verifikim. Në tentim-atentatin ndaj meje ishin persona nga shumë pjesë të Kosovës, por edhe nga Ferizaj, të cilët e siguruan logjistikën e vrasësve. Kur erdhi Nazim Bllaca në shtëpinë time për ta treguar rrëfimin e krimeve monstruoze, kur zbriti në oborr, shikoi rreth e rrotull dhe më tha: “Baci Adem, paska këtu shumë ndryshime, përpara ka qenë ndryshe, unë kam qenë në atë kohë shumë herë natën këtu në ballkonin e shtëpisë tënde dhe e kam ruajtur rastin me të vra’’. Pra, njerëz nga Ferizaj e kishin përgatitur me kohë terrenin që të më vrasin, madje edhe brenda në shtëpinë time, para fëmijëve të mi.

[King Street]

“Ua bëj 500 herë ma zi se Nazim Bllaca”

Naim Miftari ka vendosur të flasë. Pretendon se ka shumë informacione, madje edhe për spiunimin që njerëz të afërt të UÇK-së i kishin bërë Adem Jasharit, Zahir Pajazitit e të tjerëve. Njeriu që pretendon se ka qenë hetues në SHIK ka thënë se ka informacione të sakta se si Shërbimi Sekret Serb dinte shumëçka për luftën e UÇK-së, pjesë e së cilës ishte edhe vetë. Ai ka thënë se i ka raportuar rregullisht Kadri Veselit, nga i cili thotë se ka marrë edhe detyra konkrete. Miftari thotë se gjatë punës së tij e kishte parë kodin e Nazim Bllacës – “Seiko”, ndërsa për vete thotë se e ka pasur kodin “031”.
Miftari, që tashmë ka dhënë një deklaratë në Prokurori, thotë se ka edhe fakte. Qindra dosje ka thënë se nuk ia ka dorëzuar SHIK-ut, por i mban ai. Në mesin e tyre edhe pesë CD që ia kishte dhënë Ibush Kllokoqi. Ai ka thënë se gjatë viteve të pasluftës ka pasur oferta nga zyrtarë të lartë të PDK-së për të kryer vrasje me pagesë, por kishte refuzuar. U çon edhe selam që “mos t’ia kërcasin filmin se 500 herë ua bën ma zi sesa Nazim Bllaca”

[King Street]

Xhavit Haliti ka porosit atentate për të vrarë Ibrahim Rugovës

Agim Hoti pretendon se është autor i dy tentim atentateve ndaj ish-Presidentit Ibrahim Rugova. Nga burgu i Dubravës, Hoti thotë se ata që bënë pazar me të për të vrarë janë Xhavit Haliti, Artan Nimani e Agron Haradinaj. Për këto pretendime thotë se ka fakte që do t’ua tregojë edhe hetuesve. Personat e përmendur, këto deklarime i quajnë shpifje dhe budallallëk

Agim Hoti ka kryer tentim atentatin ndaj ish Presidentit të Kosovës, Ibrahim Rugova. Kështu së paku thotë vetë Hoti.

Derisa po vuan dënimin e tij në burgun e Dubravës, për një atentat tjetër, ndaj Anton Berishës, ish-shefit të Autoritetit Rregullativ të Telekomunikacionit (ART), Hoti thotë se ka vendosur t’i hedhë në shesh të gjitha ato që ka bërë pas përfundimit të luftës në Kosovë.

Në bisedë telefonike nga burgu për Express, Hoti pretendon se përveç atentatit që ka kryer në vitin 2007 ndaj Anton Berishës, ai vetë ka kryer edhe dy sulme të tjera, njërin në vitin 2004, e tjetrin një vit më pas. Të dy këto tentim atentate ndaj ish-Presidentit Rugova.

Hoti pretendon se në këto raste nuk ka qenë i vetëm.

Që të dy sulmet ndaj ish-Presidentit, ai thotë se i ka kryer me urdhër të Xhavit Halitit, aktualisht deputet dhe nënkryetar i Kuvendit të Kosovës, Artan Nimanit, profesor në UP si dhe Agron Haradinajtm i cili punon në PTK.

Hoti pretendon se për këto punë, ka marrë 5 mijë euro në janar 2004.

“Unë jam ai i cili e kam gjuajtur bombën më 12 mars të vitit 2004, në oborrin e shtëpisë së Ibrahim Rugovës, me urdhër të Xhavit Halitit, Agron Haradinajt e Artan Nimanit”, pretendon Hoti për Express.

Por ata të cilët i akuzon ky i burgosur se e kanë paguar për të kryer një veprim të tillë, Hotin e quajnë vetëm një njeri që është i sëmurë mentalisht.

I kontaktuar nga Expressi, profesor Artan Nimani, këto akuza të bëra ndaj tij i quan “budallallëqe të porositura nga persona të caktuar”.

Derisa kontakti me Xhavitin Halitin ishte i pamundur, profesor Nimani thotë se këto deklarime i duken shumë interesante dhe në të njëjtën kohë, shpifje të kulluara.

“Nuk e di çfarë iu paska pikë në kokë, çfarë ka parë ëndërr, apo kush e ka nxitur të përmendë emrin tim. Nuk kam ide se për çka po flitet”, thotë Nimani për Express.

E, ndryshe nga profesor Nimani, i përmenduri tjetër nga Agim Hoti, si i përfshirë në këto “mesele”, Agron Haradinaj thotë se nuk e ka në plan të merret me deklarata të këtij njeriu.

“Gjithkush ka të drejtë të flasë çfarë të dojë, mirëpo është Gjykata ajo që i zbardh gjërat. Prandaj, s’e kam në plan të merrem me këto gjëra”, thotë Haradinaj për Express.

Pavarësisht kësaj, Agim Hoti me bindje të plotë pretendon se këta të dy persona, bashkë me Xhavit Halitin, janë të vetmit që e kanë paguar atë për të dy tentim atentatet ndaj ish-Presidentit të ndjerë Ibrahim Rugova.

“Unë e kam kryer atentatin e parë në vitin 2004 ndaj Rugovës. E kam gjuajtur bombën në shtëpinë e tij, me urdhrin e atyre që i përmenda”, thotë Hoti.

Më tej, ai deklaron se sulmin tjetër që ka ndodhur një vit më pas ndaj ish-Presidentit e ka kryer vetë, dhe me të njëjtit urdhra nga të njëjtit njerëz.

“E kam ndrequr dinamitin dhe e kam instaluar në një kontejner. Jam ulur në një qebaptore kinse për të ngrënë dhe me teledirigjues është aktivizuar, kur makina e tij ka kaluar andej”, rrëfen Hoti për Express.

Madje ai thotë se për të gjitha këto që thotë, ka dëshmi. “I kam të gjitha mjetet elektronike, kapsulat me të cilat është dirigjuar bomba, e të gjitha i kam”, thotë Agim Hoti.

“Në parking poshtë hotel Grandit, jam takuar me Artan Nimanin, i cili m’i ka dhënë të hollat për ta blerë topin e dorës. Prej asaj kohe e kam ruajtur Presidentin te varri i dëshmorit Afrim Vitia, rrugës për në ‘Velani’”, thotë ai.

E pas shumë dështimeve dhe presioneve që Hoti thotë të ketë pasur, tregon se e kanë detyruar ta instalojë bombën te ndërtesa e “Sllovenia Sportit” në Prishtinë.

“Një ditë para se Rugova të takohej me Solanën, unë kam shkuar në këtë pjesë të qytetit dhe kam bërë përgatitjet”, pohon Hoti.

“Për krejt këto i kam marrë 5 mijë euro. Jam paguar vetëm për sulmin e parë dhe për sulmin e dytë nuk jam paguar kurrë, pasi më kanë thënë se nuk e kam kryer punën deri në fund”, thotë Hoti, duke shtuar se të gjitha këto që thotë, u qëndron prapa dhe ka vendosur t’i bëjë publike vetëm për një arsye.

“Të gjitha kanë përfituar në kurriz timin. Kanë marrë miliona me thasë që Agron Haradinaj i ka sjellë nga Suedia, derisa unë po kalbem në burg”, thotë ai.

Ai këto pretendime për të cilat thotë se ka fakte, ka vendosur t’ua thotë edhe hetuesve.

Kjo nuk hera e parë që Agim Hoti përmend emrat e Agron Haradinajt e Artan Nimanit se kanë qenë personat kryesorë që kanë porositur vrasje me pagesë.

Madje Artan Nimani në vitin 2007 është paraburgosur për shkak të tentim atentatit ndaj Anton Berishës.

“Unë Agim Hotin e njoh pasi edhe më herët më pati bërë shantazh për atentatin ndaj Anton Berishës. Madje kam qenë edhe i akuzuar atë kohë për shkak të kësaj pune”, sqaron Nimani, në banesën e të cilit, Agim Hoti, në kohën kur ka ndodhur tentim atentati, i kishte fshehur armët. “Policia i pati gjetur ato armë dhe unë kam vuajtur kot dënim 2 muaj e më”, pohon profesor Nimani.

[King Street]

Vrasjen e Bardhyl Ajetit e urdhëroi një deputet i PDK-së


Burimet jo zyrtare tregojnë se hetimet po bëhen nga prokurorja amerikane e Prokurorisë Speciale të EULEX-it Ema Rizato. EULEX-i pritet të kryej procedurat hetimore dhe rasti të dërgohet për gjykim në gjykatë. E burime jozyrtare tregojnë se pas përfundimit të çështjes penale “Bllaca 2” do të nisë procesi për vrasjen e Bardhyl Ajetit.
Të dielën u bën shtatë vjet që kur u privua nga jeta komentatori dhe kolumnisti i gazetës “Bota sot” Bardhyl Ajeti. Edhe pse kanë kaluar disa vjet që nga atëherë autorët e kësaj vrasje nuk dihen. Edhe kjo vrasje sikur shumë të tjera është kryer në pikë të ditës dhe ka pasur edhe një dëshmitar dhe që zbardhja e saj mbetet akoma mister. Atentati ndaj Bardhyl Ajetit ka ndodhur në magjistralen për Gjilan në Bresalc ku vetura e viktimës ishte në tërheqje nga një dëshmitar, i cili ka parë ngjarjen. Ishte tre qershor i vitit 2005, (shtatë vjet më parë) ditë e premte, kur kolumnisti dhe komentatori i gazetës tonë, Bardhyl Ajeti, u qëllua me plumba shurdhues nga një Mercedes i zi, të cilët më pas ia morën jetën. Plumbat të cilët ranë në trupin e tij ai nuk mundi të përballoi, ai u nda nga ne. Njëri plumb kishte goditur në kokë, i dyti në shpatull të krahut dhe i treti në veturën që ngiste viktima. Në vendin e ngjarjes kishin dalë me vonesë Policia e Gjilanit dhe spitali. Pas kontrollës në Spitalin e Gjilanit dhe në atë të Prishtinës, i ndjeri një javë më pas u dërgua në Milano të Italisë, ku edhe më 25 qershor ndërroi jetë. Hetimet kishin nisur nga policia e UNMIK-ut, konkretisht nga dy policë amerikanë të Njësisë për krime serioze dhe më 11 dhjetor 2006, dosja ka kaluar tek EULEX-i, ndërsa nga ajo kohë akoma mbeten të panjohur si për policinë ashtu edhe për opinionin e gjerë autorët dhe arsyeja e vrasjes. Burimet jo zyrtare tregojnë se hetimet po bëhen nga prokurorja amerikane e Prokurorisë Speciale të EULEX-it Ema Rizato. Burimet jo zyrtare tregojnë se prokurorja speciale ka marr tashmë dosjen dhe dëshmitë dhe së shpejti mund të nisë gjykimi për këtë vrasje. E derisa hetimet nuk kryhen dhe autorët dhe shkaku i vrasjes mbetet enigmë, familjarët e të ndjerit presin se një ditë do të dihen, arrestohen e marrin dënimin ata që kryen këtë akt vrasjeje.
Atentati ndaj Bardhyl Ajetit
Në lidhje me këtë rast atentat ishte edhe një dëshmitar, i cili ka rrëfyer për ngjarjen e ditës kritike, e i cili ishte detyruar të ik në Norvegji . Dëshmitari M.G. ka treguar se atë ditë ka qenë në Prishtinë, kishte ardhur nga Gjilani ishte takuar me Bardhylin, te rrethi. Dhe Bardhyli i kishte treguar se veturën e ka të prishur dhe e ka lutur taksistin M. G. që ta tërheq për në Gjilan. Vetura e Bardhylit ka qenë afër Mensës së Studentëve në Prishtinë e prishur. Prej aty dëshmitari e ka tërhequr veturën deri në vendin ku ka ndodhur rasti në Bresalc. Dëshmitari M. G. ka rrëfyer për tragjedinë që ka ngjarë: “Unë nuk kam dëgjuar asgjë, vetëm se e kam vërejtur se vetura e Bardhylit e ka goditur kombin tim pas. Dhe aty në rrugë, ka qenë edhe një veturë paralele (e panjohur). Unë kam dhënë sinjal për tu ndalë me veturën-kombi. Ajo veturë (e panjohur) ka qëndruar paralele për rreth dy-ose tre minuta e më ka tejkaluar dhe ka ikur. Dëshmitari ka treguar, se ka ndalë kombin dhe ka dalë jashtë. Kur ka dalë ishte me gojë hapur dhe ka dashur t’i thotë Bardhylit, përse e goditi? Por e ka parë se ai kishte gjakderdhje në kokë. Pastaj e ka nxjerrë telefonin për t”i telefonuar policisë, por nuk ka qenë e mundur, M. G-së, iu kanë dridhur këmbët. Dhe pastaj aty në rrugë ka mbërrit një djalë me një veturë Golf të bardhë. Kur ai djali mbërriti aty, u ndal, dhe e ka pyet:”Çka ka ndodhur? Dëshmitari u përgjigj: “Ma kanë vrarë njeriun në veturë. Ai djali e njoftoi policinë të cilët erdhën. Që nga ajo natë dëshmitarit M.G policia ia ka konfiskuar kombin dhe telefonin dhe i ka shënuar ato tri thirrjet e fundit që i ka pasur, pra policia i ka shënuar detajet me emra dhe mbiemra. Edhe M. G (dëshmitar) atë natë është mbajtur në paraburgim. Pastaj është liruar dhe më vonë ka emigruar jashtë vendit. Pas një jave, pasi se kishte ndodhur vrasja, në familjen e dëshmitarit ka qenë një Mercedes i zi dhe një Veturë Xhip i zi, kanë qenë me tabela 000-KS, kanë ardhur në katund dhe kanë pyetur për rastin. Kanë pyetur kush është M.G? Çfarë partie i përket? A është person problematik? Me çka merret? E tjera. Dëshmitari e ka njoftuar këtë rast në polici, por policia kurrë send si ka kthyer. Policia e ka mbajtur nën hetime për tri javë ditë me radhë, për çdo ditë e kanë marrë në pyetje.
As pas shtatë vjetësh nuk zbardhet vrasja !
Zyrtarë të policisë së EULEX-it i kanë thënë gazetës “Bota sot” se: “Rasti i Bardhyl Ajetit, është shkarkuar nga UNMIK-u më 11 dhjetor 2006. Rasti është shqyrtuar nga një prokuror i EULEX-it, por ka pasur lidhje të pamjaftueshme, premtimet janë se do të rihapet ky rast. Megjithatë, në qoftë se u jepen prova të reja prokurorëve të EULEX-it mund ta shqyrtojnë këtë”. Burimet jo zyrtare tregojnë se hetimet po bëhen nga prokurorja amerikane e Prokurorisë Speciale të EULEX-it Ema Rizato. Burimet jo zyrtare tregojnë se prokurorja speciale ka marr tashmë dosjen dhe dëshmitë. Gjithnjë duke u bazuar në burime jo zyrtare dyshohet se një zyrtarë i SHIK-ut, e i cili është edhe deputet në Kuvendin e Kosovës, nga Hoteli Grand ka dhënë urdhrin dhe dyshohet se janë dhënë edhe para për vrasjen e Bardhylit. EULEX-i pritet të kryej procedurat hetimore dhe rasti të dërgohet për gjykim në gjykatë. E burime jozyrtare tregojnë se pas përfundimit të çështjes penale “Bllaca 2” do të nisë procesi për vrasjen e Bardhyl Ajetit dhe se e gjithë procedura e vazhdimit apo jo do të mbetet në kompetencë të EULEX-it

[Guri i madh]

Ahmet Krasniqi-Vrasja e tij ne Tirane. - YouTube



www.youtube.com/watch?v=4rmHkbNdX7k

[Guri i madh]

www.youtube.com/watch?v=JdQL_hU2GAk

[Guri i madh]

Rrëfehet krimineli Bedri Krasniqi

Bota Sot | 10.09.2013 13:47



Sebahate Tolaj
Bedri Krasniqi, i dënuar me 27 vjet heqje lirie për vrasjen e dy pjesëtarëve të Policisë së Kosovës, Sebahate Tolaj dhe Isuf Haklaj, në aksin rrugor Pejë-Deçan si dhe i dënuar me 17 vjet burg për kidnapimin e pronarit të fabrikës Gllareva, Azem Morina, ndërsa tani dëshmitar i mbrojtur i EULEX-it për disa krime të rënda, për herë të parë rrëfehet për media.
Intervista është bërë nga gazetari Milam Zeka, për emisionin Parrotlla, mirëpo pasi që RTK nuk e ka transmetuar atë, ketë e bënë Indeksonline në bashkëpunim me gazetarin hulumtues Zeka.
Fillimisht mund t’a ndiqni rrëfimin e Bedriut sa i përket arratisjes nga burgu i Dubravës, ndërsa në ditët në vazhdim do të keni mundësi t’a dëgjoni atë duke folur edhe krimet që i ka kryer pas lufte.
Bedri Krasniqi në intervistën që do të transmetohet në Indeksonline në ditët në vazhdim, do të tregoi edhe emrat e atyre që i dhanë miliona euro për ta ekzekutuar biznesmenin Ekrem Lluka.
Më poshtë gjeni intervistën e parë ekskluzive me Bedri Krasniqin:










http://www.youtube.com/watch?feature...&v=cAf2qMJo_1Q

[Zero Cool]

MAFIA PROSERBE NË KOSOVË KA NDIKIM TË FUQISHËM



Strukturat dhe klanet e mëdha që i krijoi kupola e shërbimit serbë dhe pushteti i Millosheviqit, gjatë regjimit të tij, jo vetëm në Serbi, por edhe në rajon e në veçanti në Kosovë, paraqesin një strukturë të përsosur të pashpërbërë edhe sot e kësaj dite. Të ashtuquajturat " Polici Lokale"(me perkatsi nacinale shqiptare) të formuara në kohën e regjimit të Millosheviqit dhe te ikurajuar nga nje pjese e LDK-se, pas luftës, nuk janë marrë në pyetje për veprimtarinë e tyre dhe detyrat. A eshte duke u marr me keta njerz AKI-a. Këto struktura, kriminale edhe pas ndonjë goditje, kohë pas kohe këto struktura janë rikonsoliduar, sidomos pas rënies së Millosheviqit nga pushteti dhe vrasjes së Arkanit dhe disa kapove të kësaj mafia (rasti Sekiraqa), e cila, pos tjerash, ka një shtrirje edhe në Kosovë.

Mafia proserbe në Kosovë perms disa partive politike ne Kosove si LDK dhe AKR, duket se ka një ndikim të fuqishëm, Janë persona të përgatitur dhe të infiltruar nëpërmjet kanaleve shtetërore të aparatit të punëve të brendshme, të cilat, në të shumtën e rastëve, kanë ndërrmarrë edhe veprime politike, qoftë në urdherdhenien për vrasje, qoftë në drejtimin e ekonomisë, biznesit, kontrabandës etj..

Sipas burimeve mirë të informuara, pjesëtarët e kësaj strukture që janë në veprim në Kosovë, disa herë kanë kryer trajnime të ndryshme në Batajnicë ( shqiptarë) dhe kanë përvojë të gjatë në strukturat e krimit të organizuar, krimit ekonomik dhe atij politik, sidomos prej tyre që mund të numërohen në gishtërinjë këtu te ne. Eshte rasti i Nazim Bllaces i cili per keto marifetlleqe qendroi dy vite ne kampin e Batnajnices, per te u trajnuar, per qellimet te cilat te gjithe i dim. Kemi informacione se nje ekip e ere eshte duku u pergaitur si “deshmitar” per rastin e Dick Martit, per trafikim te organeve ku akuzohete kreu I shteti te Kosoves, Hashim Thaci, me te vetmin qellim qe para botes Shqiptarete te paraqiten si njerez kanibal dhe pa kurfar humanizmi.

Krimi politik dhe ekonomik në Kosovë shfaqen në formë të krimit të Organizuar dhe të krimeve ordinere. Veprimtaritë kriminale të organizuara në formë të krimit të organizuar dhe të krimeve ordinere zhvillohen falë rrethanave në të cilat gjendet Kosova dhe njerzit qe e udhehehqin shtetin, ku kanë terren të përshtatshëm të zhvillimit dhe veprimit të tyre, duke qenë burim permanent për destabilizimin e gjendjes së sigurisë.

Motivimi kryesor i veprimeve të lartpërmendura kriminale bazohet në aktivitetet e motivuara në arsyetimin politik, në veprimtaritë e motivuara nga shërbimet sekrete të vendeve të cilat kanë qëllim armiqësor ndaj Kosovës. dhe në veprimtaritë e motivuara me arsyetim të përfitimit material.