Gjuha Shqipe sa e mire sa e embel sa e dlire

anonim · 24-11-03, 17:11

A i besoni keto vargje te nje autori te madh shqiptar? Nese po? Pse ne kete forum shume llafe qe mund te shkruheshin shqip, shkruhen ma llafe anglishteje. Pse ne Shqiptaret e bastardojme cdo dite gjuhen??

Shpati · 27-11-03, 17:28

Citim:

Postimi origjinal është bërë nga anonim

A i besoni keto vargje te nje autori te madh shqiptar? Nese po? Pse ne kete forum shume llafe qe mund te shkruheshin shqip, shkruhen ma llafe anglishteje. Pse ne Shqiptaret e bastardojme cdo dite gjuhen??

Keni te drejt ...

Gjuha Shqipe esht e embel e lezetshme dhe ma e bukura.

Ju pershendes

Shpati

Reana · 07-06-05, 05:40

Citim:

Postimi origjinal është bërë nga anonim

A i besoni keto vargje te nje autori te madh shqiptar? Nese po? Pse ne kete forum shume llafe qe mund te shkruheshin shqip, shkruhen ma llafe anglishteje. Pse ne Shqiptaret e bastardojme cdo dite gjuhen??

Duke u nisur prej jush....
thuhet "fjale" e jo "llafe"

pershendetje....

Vajza · 07-06-05, 13:03

pershendetje
"reana"...

Citim:

Duke u nisur prej jush....
thuhet "fjale" e jo "llafe"

reana shume e vertet kjo qe ke then !!!!

p.s
Gjuha shqipe ME E MIRA NE BOTE !!!

Tomori · 01-03-07, 18:48

Andon Zako Çajupi

Naim Frashëri
Vdiq Naimi, vdiq Naimi,
moj e mjera Shqipëri!
Mendjelarti, zemërtrimi,
vjershëtori si ai!

Vdiq Naimi, po vajtoni
shqipëtarka, shqipëtarë!
Naimnë kur ta kujtoni,
mos pushoni duke qarë!
..................................

Vdiq Naimi, gjithë thonë,
qani turq, qani kaurë!
Bilbil' i gjuhësë tonë
s'do të dëgjohet më kurrë!

Vdiq Naimi, që këndoi
trimërinë, Skënderbenë,
vdiq Naimi, që lëvdoi
dhe nderoi memëdhenë!

Vdiq Naimi, po ç'të gjeti,
o moj Shqipëri e mjerë!
Vdiq Naimi, po kush mbeti?
Si Naimi s'ka të tjerë.

Vdiq Naimi! Vdekj' e shkretë,
pse more të tillë burrë?
I ndritë shpirti për jetë,
mos i vdektë nami kurrë!

Albanian eX|PerT · 08-04-07, 00:52

Gjuha jonë, sa e mirë...

Gjuha shqipe e ruajtur për breza të tërë vazhdon të jetë e rrezikuar...

Pushtimi serbo-sllav i Kosovës dhe trojeve të tjera në ish-Jugosllavi; shpërngulja e çamëve nga trojet e tyre etnike prej grekëve; eksodi masiv i shqiptarëve në fillimin e viteve '90-të, i kanë shpërndarë shqiptarët në të gjitha anët e botës... Përveç tjerash, shqiptarët në emigrim, kanë edhe një problem madhor, atë të ruajtjes së gjuhës shqipe, dhe trashëgimin e saj tek brezat që lindin jashtë atdheut.
Me temën, Ruani gjuhën shqipe, ne synojmë të sensibilizojmë opinionin shqiptar, për të bërë më shumë në këtë drejtim. Apelojmë njëkohësisht para autoriteteve më të larta të vendit tonë, që ata të tregojnë më shumë kujdes në ruajtjen e vlerave dhe kulturës shqiptare dhe shpërndarjen e këtyre e vlerave përmes gjuhës së bukur shqipe.

C: Alb Emigrant!

p.s. Le të jetë kjo një temë të dashur miq, ku do të inkurajojmë vëllezërit dhe motrat tona shqiptarë që të flasin gjuhën e bukur e të pastër e burimore shqipe (ashtu si duhet -duke e nderuar-), njëkohësisht që të ia mësojnë edhe fëmijëve të tyre këtë gjuhë gjigante autentike. Shpresojë në një mirekuptim dhe zemërgjërësi në këtë drejtim!

Ju nderon!
Experti!

Albanian eX|PerT · 08-04-07, 01:02

Nji k'to gjuhë që jam tuj ndie
janë të bukura, me themel
por për mue, si diell pa hije
shqipja t'anave ua del...

- Ndre Mjeda

Të dashur miq, këto vargje kaq domethënëse e me vlerë le të shërbejnë për të na inkurajuar, që ta duam e ta ruajmë, e ta nderojmë edhe më shumë gjuhën tonë të bukur e gjigante shqipe.

Rrespekti reciprok mes nesh do shtohet atëherë kur e nderoni këtë gjuhë të të parëve tanë!

Ju përshëndet
Experti!

sherri · 08-04-07, 01:30

Apel shume i qelluar,kemi nevoj per ruajtjen ,dhe trashegimin e gjuhes.
Pore se di a esht ne nje medium te qelluar,ne nje Forum,ku perjashtohen nenat,ofendohen,pse hyjn ne Forume....Kure dihet se kryesorja qe trashegon gjuhen,esht pikrisht nena,ajo i meson femiut te flas gjuhen qe flet ajo,,,nuk thuhet kot Gjuha e Nenes.

Une e kisha edhe nje apel shtes:...hyni ne Forume,Nena,Gra te martuara(se neser do te lindni Femi)lexoni,mesoni nga Expertet tan,si ruhet e trashegohet gjuha.............

Albanian eX|PerT · 08-04-07, 01:37

Shumë bukur ka thënë Naimi në vargjet e tij aq me vlerë:

Gjuha jonë, sa e mirë
sa e ëmbël, sa e dlirë

Të dashur miq,

Keto fjalë,
le të shënohen me ngjyrë të arit,
e le të pushojnë
në zemrën e shqiptarit!

Ju përshëndet
Experti!

rilinda · 08-04-07, 22:10

Për fjalën e bukur shqipe

Simon Pepa

Lufta për pastërtinë e gjuhës shqipe është po kaq e gjatë dhe këmbëngulëse sa dhe rruga e përpjekjeve të pareshtura për shkrimin e lëvrimin e saj. Qysh tek autorët tanë të vjetër shohim të shprehet shqetësimi për fjalët e huaja që po hynin në shqipen, por shohim edhe përpjekjet e tyre për të gjallëruar e formuar vetë fjalë të brumit popullor. Buzuku thotë se e shkroi veprën e tij "En se dashuni te botes sane". Bardhi, në parathënien e Fjalorit të tij, flet për dëshirën që kishte "... me ndihmuem mbe nje ane gjuhene tane". Disa vite më vonë Pjetër Bogdani na rrëfen se "...me anshtë dashune me djersë të mëdha shumë fjalë me ndërequnë". Dhe thëniet e tyre ata i shoqëruan me mjaft përpjekje dhe shembuj të gjallë, duke krijuar edhe vetë fjalë nga brumi i shqipes. Si të tilla mund të shënojmë: dëftues, kopshtar, kangëtar, mbarim, pushim, letrar etj,
Në hullin që çelën këta dijetarë ecën me dëshirë dhe këmbëngulje edhe atdhetarë e të dijshëm të tjerë, si: Naum Veqilharxhi, Konstandin Kristoforidhi, Naim e Sami' Frashëri, lani Vreto etj.
Është pikërisht kjo dashuri për gjuhën dhe kjo përgatitje e gjerë gjuhësore që i shtyri ata të krijojnë e të gjallërojnë fjalë vendëse, si: fletore, mësim, shumicë, thelloj, etj. (nga Veqilharxhi); fushatë, ndërgjegje, pikë, presë, theks (nga Kristoforidhi); dëgjim, dritare, hapsirë etj, (nga Naimi); lindje, perëndim, qeveritar etj, (nga Samiu). Nga ky dijetar, veç të tjerash, i janë vënë themelet edhe terminologjisë gjuhësore gramatikore. Nga ai janë krijuar fjalët: abetare, nyje, rrokje etj.
Puna e këtyre dijetarëve u plotësua më vonë edhe nga dijetarë të tjerë, punonjës të palodhur të shqipes, ku kryet e vendit e zuri A. Xhuvani, i cili shkroi edhe veprën "Për pastërtinë e gjuhës shqipe ".
Në mënyrë të veçantë, kjo punë e vyer për pasurimin dhe pastërtinë e gjuhës, mori përmasa të mëdha në këtë gjysmë shekulli të fundit, e zhvilluar kjo me kritere të drejta shkencore, Kështu, në sajë të punës së kujdesshme të mjaft dijetarëve, u krijuan dhe po krijohen mijëra e mijëra fjalë, kuptime të reja fjalësh, pjesa më e madhe e tyre 'me brumë vendës e sipas gjedheve (modeleve) të shqipes. Si të tilla mund të shënojmë: an'itje, bashkautor, miratim,ujëmbledhës, mbishtresë, vendburim, shpim-kërkim etj.
Por, me gjithë punën e bërë, përsëri në gjuhën tonë kanë hyrë dhe po përdoren pa vend fjalë të huaja të cilat mund të shmangen lehtë. Këtu nuk e kemi fjalën për ato huazime të rrënjosura (siç janë huazimet nga greqisht ja e re: dhomë, pronë, qefull, qëndis etj), nga gjuhët sllave (çekiç, çudit, grusht, kosë etj.), si dhe një numër fjalësh nga italisht ja që kanë gjetur një përdorim të gjerë, si: barkë, fitoj, paguaj, timon etj. Së bashku me to nuk duhen nxjerrë jashtë gjuhe dhe fjalë ndërkombëtare, si analizë, atmosferë, element, financë, miliard, kilogram, olimpiadë etj, si dhe ato huazime, kryesisht turke, që mbartin në vetvete ngjyrime dhe ngarkesa emocionale, si: vatan (pranë shqipes "atdhe"), milet (pranë shqipes "popull"), xhan (pranë "shpirt") etj.
Atëherë ndaj cilave elemente leksikore duhet mbajtur qëndrim dhe duhet shmangur nga përdorimi? Së pari, të mos përdoren ato huazime që kanë hyrë gjatë këtij shekulli, kryesisht nga gjuhët neolatine e që kanë përgjegjëset e tyre në shqipe. Kështu, pse të përdorën fjalët e huaja "abnegacion" kur kemi "vetëmohim", "aboim", "abonohem" kur kemi "pajtim", "pajtohem"; "inspiroj", "inspirim" kur kemi "frymëzoj", "frymëzim"; "komplikim e komplikoj" kur kemi "ndërlikim e ndërlikoj"; "prioritet", "turn", "konditë" e "kondicionoj" kur kemi "përparësi", "ndërresë", "kusht e kushtëzoj"; "distancoj, distancohem", "distancim", "i distancuar" kur kemi "largoj", "largohem", "largim", "i larguar" (veçoj, veçohem, veçim, i veçuar); "identifikoj", "identifikohet", "identifikim", "i identifikuar", kur kemi "njëjtësoj", "njëjtësohet", "njëjtësim", "i njëjtësuar"; "paralelisht, (si ndajfolje) paralel me (si parafjalë) kur në shqipen kemi: krahas (si ndajfolje) krahas me (si parafjalë) e sa të tjera të kësaj natyre.
Një punë e madhe duhet bërë edhe për të nxjerrë jashtë dhe disa fjalë të huaja dialektore e krahinore që përdoren, p.sh. në zona të ndryshme, si: vadit, versnik (nga sllavishtja); insan, isharet (nga turqishtja); buonogracie, kopertë, shendilet (nga italishtja), kur pranë tyre kemi fjalët e bukura shqipe, përkatësisht ujit, moshatar, njeri, shenjë, mbajtëse perdesh, mbulesë, rrugicë etj. Në këtë mes duhet patur kujdes që fjalët e huaja të mos përdoren pa vend edhe në tabela ose emërtime të ndryshme. Psh. pse duhet të shkruajmë pasticeri (për ëmbëltore), berber (për floktore), saraç (për lëkurëpunues), sahatçi (për orëndreqës), teneqexhi (për teneqepunues), atrecaturë (për pjesë ndërrimi) etj.
Puna për pastërtinë e gjuhës duhet kuptuar si një detyrë e të gjithëve. Kjo bëhet duke pasur një bindje të thellë për vlerat e rëndësinë politike e kombëtare të kësaj veprimtarie. Brezave tanë u del si detyrë e rëndësishme që këtë gjuhë kaq të bukur ta pasurojnë pareshtur për ta ngritur në një shkallë edhe më të lartë.

(Marrë nga "Gjuha shqipe - 2004/1)