Thesar hadithesh

[Shin Avdiu]

Hadithe të përzgjedhura nga

"Silsiletu el ehadithi es Sahihah" dhe “Sahihul Xhamis Sagir” (1)

Shejh Albani (Allahu e mëshiroftë!)
Përktheu Xhabir SHEME



Falënderimi i takon vetëm Allahut, Atë falenderojmë, prej Tij kërkojmë ndihmë dhe falje të mëkateve, tek Ai mbështetemi të na ruaj nga sherri i vetes sonë dhe të këqiat e punëve tona. Atë që udhëzon Allahu nuk ka kush e humb e atë që e humb Allahu nuk ka kush e udhëzon. Dëshmoj se nuk ka zot tjetër që meriton të adhurohet me të drejtë përveç Allahut, Një e të vetëm dhe se Muhamedi (Paqja dhe bekimi i Allahut qofshin mbi të!) është rob i Allahut dhe i Dërguari i Tij.

Këto janë disa hadithe të zgjedhura nga librat "Silsiletu el Ehadithi es Sahihah" dhe “Sahihul Xhami es Sagir” të dijetarit të madh, muhadithit të kohës, shejh Albanit (Allahu e mëshiroftë!).

{Teksti i haditheve}

1.Transmetohet nga Enes bin Malik (Allahu qoftë i kënaqur prej tij!) se i Dërguari i Allahut (Paqja dhe bekimi i Allahut qofshin mbi të!) ka thënë: "A e dini se çfarë është "El Adëhu"?" Thanë: Allahu dhe i Dërguari i Tij e dinë më së miri. Tha: "Mbartja e fjalëve nga disa njerëz për tek disa të tjerë për të prishur (përçarë) mes tyre." {Es Sahihah 845}

2. Transmetohet nga Aisha (Allahu qoftë i kënaqur prej saj!) merfuan: "Nëse Allahu i Lartësuar dëshiron për pjestarët e një shtëpie mirësi fut tek ata dashamirësi." {Es Sahihah 1219}

3. Transmetohet nga Ebi Umameh (Allahu qoftë i kënaqur prej tij!) ka thënë: I Dërguari i Allahut (Paqja dhe bekimi i Allahut qofshin mbi të!) ka thënë: "Me të vërtetë i pari i njerëzve tek Allahu është ai i cili i paraprinë të tjerët me selam." {Es Sahihah 3382}

4. I Dërguari i Allahut (Paqja dhe bekimi i Allahut qofshin mbi të!) ka thënë: "Me të vërtetë çdo Fe ka moralin e saj, ndërsa morali i fesë islame është turpi." Trans. prej haditheve të Enes bin Malik dhe Abdullah bin Abasit (Allahu qoftë i kënaqur me ta!). {Es Sahihah 940}

5. Transmetohet nga Abdullah bin Amër (Allahu qoftë i kënaqur prej tij!) merfuan: "Me të vërtetë më i dashuri prej jush tek unë është ai që e ka moralin më të mirë." {Es Sahihah 792}

6. Transmetohet nga Hani, se kur ai shkoi tek i Dërguari i Allahut (Paqja dhe bekimi i Allahut qofshin mbi të!) tha: O i Dërguari i Allahut, kush ajo gjë e cila e bën obligim xhenetin? (I Dërguari i Allahut) Tha: "Të thuash fjalë të bukura (mira) dhe të shpërndash ushqim." {Es Sahihah 1939}

7. Transmetohet nga Ebi Hurejra (Allahu qoftë i kënaqur prej tij!) se ka thënë: I Dërguari i Allahut (Paqja dhe bekimi i Allahut qofshin mbi të!) u pyet se cila është ajo gjë që më së shumti i fut njerëzit në xhenet? Tha: "Devotshmëria ndaj Allahut dhe morali i mirë, ndërsa ajo gjë që më së shumti i fut njerëzit në zjarr: gjuha dhe organi seksual." {Es Sahihah 977)

8. Transmetohet nga Abdullah bin Amër (Allahu qoftë i kënaqur prej tij!), nga i Dërguari i Allahut (Paqja dhe bekimi i Allahut qofshin mbi të!) se ka thënë: "Kënaqësie e Zotit është tek kënaqësia e prindit dhe zemërimi i Zotit është tek zemërimi i prindit." {Es Sahihah 516}

9. Transmetohet nga Neufel bin Ebi Akrab se ka thënë: Aishes (Allahu qoftë i kënaqur prej saj!) i thanë: A recitoheshin poezi në prani të të Dërguarit të Allahut (Paqja dhe bekimi i Allahut qofshin mbi të!)? Tha: "Ishte gjëja që ai më së shumti urrente." {Es Sahihah 3095}

10. Transmetohet nga Ibën Abasi (Allahu qoftë i kënaqur me të dy ata!): "Ishte i Dërguari i Allahut (Paqja dhe bekimi i Allahut qofshin mbi të!) që ulej në tokë dhe hante në tokë, e lidhte delen me dorën e vet dhe i përgjigjej ftesës së robit për të ngrënë bukë elbi." {Es Sahihah 2125}

11. Transmetohet nga Ebi Hurejra (Allahu qoftë i kënaqur prej tij!), nga i Dërguari i Allahut (Paqja dhe bekimi i Allahut qofshin mbi të!) se ka thënë: "Biri Ademi nuk punon vepër më të mirë sesa namazi, pajtimi ndërmjet njerëzve dhe morali i mirë." {Es Sahihah 1448}

12. Transmetohet nga Ebi Hurejra (Allahu qoftë i kënaqur prej tij!) merfuan: "Kush është i thjesht (modest) për hir të Allahut, Allahu e lartëson atë." {Es Sahihah 2328}

13. I Dërguari i Allahut (Paqja dhe bekimi i Allahut qofshin mbi të!) ka thënë: "Dinakria dhe mashtrimi janë në zjarr." Trans. prej haditheve Kajs bin Sead, Enes bin Malik, Ebi Hurejra, Abdullah bin Mesud, Muxhahid dhe El Hasan. {Es Sahihah 1057}

14. Transmetohet nga Zejd bin Usejd, se i Dërguari i Allahut (Paqja dhe bekimi i Allahut qofshin mbi të!) atij i tha: "Dëshiro për njerëzit çfarë dëshiron për veten tënde." {Es Sahihah 72}

15. Transmetohet nga Ebi Dherr (Allahu qoftë i kënaqur prej tij!) merfuan: "Nëse ndokush prej jush e do shokun e vet le t'i shkojë në shtëpi dhe t'i thotë: se e do për hir të Allahut të Lartësuar." {Es Sahihah 798]

16. Transmetohet nga Ebi Seid el Hudri (Allahu qoftë i kënaqur prej tij!), se i Dërguari i Allahut (Paqja dhe bekimi i Allahut qofshin mbi të!) ka thënë: "Kush thotë: Radijtu bilahi Rabben, ue bil Islami dinen ue bi Muhamedin Rasulen (I kënaqur jam që Allahun është Zoti im, islami feja ime dhe Muhamedin si të Dërguar) i bëhet obligim atij xheneti." {Es Sahihah 334}

17. Transmetohet nga Xhabiri (Allahu qoftë i kënaqur prej tij!) merfuan: "Kush thotë: Subhanallahil Adhim ue bihamdih (I Lartësuar dhe i Madhëruar është Allahu dhe Atij i takon falënderimi) i mbillet atij një hurmë në xhenet." {Es Sahihah 64}

18. Transmetohet nga Ibën Abasi (Allahu qoftë i kënaqur me të dya ata!) se ka thënë: I Dërguari i Allahut (Paqja dhe bekimi i Allahut qofshin mbi të!) ka thënë: "Kush thotë: "Subhanallah, uel hamdulilah ue la ilahe il lAllah, uAllahu ekber. Për secilën prej këtyre fjalëve i mbjell Allahu atij një pemë në xhenet." {Es Sahihah 2880}

19. Transmetohet nga Abdullah dhe Ebi Musa se kanë thënë: "I Dërguari i Allahut (Paqja dhe bekimi i Allahut qofshin mbi të!) ka thënë: "Para Kiametit janë disa ditë ku mbizotëron injoranca dhe do të ngrihet në të dituria dhe do të shohet në të El Herxh. [Ebu Musa tha:] "El Hexhr - Vrasja [Në gjuhën e Abisinisë]." {Es Sahihah 3522}

20. Transmetohet nga Keab bin Ijad (Allahu qoftë i kënaqur prej tij!) ka thënë: Kam dëgjuar të Dërguarin e Allahut (Paqja dhe bekimi i Allahut qofshin mbi të!) të thotë: "Me të vërtetë çdo popull ka sprovën e vetë dhe sprova e popullit tim është pasuria." {Es Sahihah 592}

Vijon....