Aeroporti i Prishtinës të emërtohet - Ibrahim Rugova

[Arb]

Një grup bashkatdhetarësh në Gjermani propozojnë që aeroporti i Prishtinës të emërtohet - Ibrahim Rugova

Bëblinger/Gjermani, 3O janar - Një grup bashkatdhetarësh tanë në Gjermani propozojnë që aeroporti i Prishtinës të emërtohet me emrin e Presidentit të ndjerë të Kosovës, Ibrahim Rugova. Në një letër drejtuar institucioneve të Kosovës ata propozimin e tyre e arsyetojnë me faktin se Presidenti Rugova në këto gjashtë vitet e fundit u nis në shumë misione diplomatike mu nga ky aeroport dhe u kthye nga bota me shumë rezultate e mirënjohje ndërkombëtare.
Po ashtu ata theksojnë se shumë aeroporte ndërkombëtare mbajnë emrat e personaliteteve të shquara kombëtare të vendeve të tyre, si bie fjala aeroporti i Parisit mban emrin Sharl de Gol, i Stambollit Ataturk, i Nju Jorkut Xhon Kenedi etj.