Elections 2013

[Zero Cool]

Zgjedhjet 2013

A po bëjmë zgjedhje, apo zgjidhje?


Data 3 nëntor sa vjen e ofrohet, dhe në këtë kohë kur duhet të përfundonin pothuajse të gjitha procedurat administrative dhe ligjore për mbajtjen e një procesi zgjedhor demokratik, Kosova është larg këtij qëllimi, tek ne po ndodh e kundërta sfidat dhe problemet gjithnjë e më tepër po shtohen E në një situatë të tillë të krijuar qytetaret e Kosovës akoma nuk e kanë të qartë që me datën 3 nëntor në shtetin e tyre a do të mbahen zgjedhjet, apo në këtë vend do të bëjnë zgjidhje!!!

Kur them kështu sigurisht kam arsye, sepse këto dilema po burojnë ekskluzivisht nga Qeveria dhe KQZ-ja. Në vend se këto dy institucione të brengosen dhe të interesohen për mbajtjen e një procesi zgjedhor të rregullt dhe demokratik, sepse edhe ashtu janë të thirrura dhe është obligim i tyre ligjor dhe kushtetues, organizimi i këtij procesi. Por fatkeqësisht Qeveria dhe KQZ-ja më shumë janë të brengosura për gjetjen e zgjidhjeve për pjesëmarrjen masive të serbëve në këto zgjedhje, pra sigurisht ky edhe është shqetësimi kryesor i Valdete Dakes dhe Hashim Thaqit, të cilët janë të gatshëm për çfarëdo lloj kompromisi me Serbinë, madje edhe vënien në dilemë të ekzistencës së shtetit Kosovës, vetëm e vetëm për ti përmbushur interesat e tyre dhe për tu duartrokitur në pranin e ndërkombëtarëve.

Për ta vërtetuar akoma më shumë faktin se Z. Daka më shumë është e shqetësuar dhe e interesuar për pjesëmarrjen e serbëve në këto zgjedhje, vlen që të analizohet deklarata e saj e dhënë pak ditë më parë për media, ku edhe zyrtarisht ajo bëri thirrje publike që duhet të kemi kujdes në zgjedhjet në jug të vendit më shumë se në veri të Kosovës. Me këtë deklaratë athua ku dëshironte të aludonte Z. Daka? A e sheh ajo rrezikun potencial për shtetin e Kosovës nga Shqipëria më shumë se sa nga Serbia? Apo me këtë deklaratë ajo edhe në mënyrë direkte deshi ti shpall luftë Lëvizjes Vetëvendosje dhe amtarëve tanimë të dorëhequr të KQZ-së, gjë e cila paraqet shkelje tjetër flagrante nga ana e saj, mbi Kushtetutën dhe mbi ligjin e zgjedhjeve.

Gjithashtu me këtë deklaratë siç duket Kryetarja e KQZ-së nuk qenka fare në dijeni për ekzistimin dhe veprimin konstant të strukturave paralele në veri, apo për më tepër ndoshta ajo nuk brengoset fare që edhe pas 14 viteve të pasluftës në Kosovë shqiptaret nuk kanë qasje aspak në pjesën veriore të vendit, shqiptaret janë të dëbuar me dhunë dhe nuk lejohen nga serbet të kthehen në pronat e tyre, Prandaj fatkeqësisht siç duket po për këta serbë Z. Daka dhe shumë të tjerë në pushtet janë shumë të interesuar që me anë të këtyre zgjedhjeve ti japin sovranitet absolut atyre në veri, ndërsa shqiptarët të ngelin minoritet dhe te mbesin përfundimisht të nëpërkëmbur nga serbët në atë pjesë.

Përfundimisht siç duket kryetarja e KQZ-së me veprimet e fundit si duket ka marr rolin e kryesuese së negociatave të dialogut me serbin dhe si e tillë është shndërruar si një servile e thjesht e pushtetit e cila nuk qan kokën aspak për problemet brenda KQZ-së, e të cilat duhet të jenë preokupim kryesor i saj, pra Z. Daka tanimë është krejtësisht një spiune e PDK-së roli i të cilës është evidentimi dhe identifikimi i kandidatëve potencial të subjekteve tjera garues, e sidomos problem primar për atë është Lëvizja
Vetëvendosje, kundër të cilës po shfrytëzon çdo mekanizëm antiligjor vetëm për ta njollosur dhe për ti shkaktuar humbje në Pragë të këtyre zgjedhjeve,.

Këto veprime të saj nuk donë koment nga se janë të porositura nga pushteti aktual, i cili me veglën e quajtur Daka sigurisht do të synoj vetëm dy gjëra në gjithë këtë proces:
1} T’ia siguroj vazhdimin e pushtetit dhe dominimin absolut Thaqit, dhe
2}T’iu siguroj serbëve status special brenda territorit të Kosovës, dy gjëra këto që do të nënkuptonin atë që shqiptaret do të mbeten akoma nën sundimin e Thaqit dhe të vazhdoj gjendja e rëndë dhe mjerimi deri në pafundësi për ta.
Dhe në anë tjetër me të gjitha këto zgjidhje të cilat janë krejtësisht në favor të Serbisë, shqiptaret do të mbesin minoritet brenda shtetit të tyre edhe pse matematikisht përbëjnë mbi 97% të popullsisë.

Prandaj A do të thotë ky fakt që alarmi i rrezikut është ndezur dhe se tani ka ardhur koha dhe momenti i fundit të dëgjohet zëri qytetar dhe ku secili do të vlerësohet dhe ndëshkohet kryesisht në bazë të bëmave të tij? Për të gjitha këto kemi rastin secili qytetar me datën 3 nëntor të dalim në zgjedhje, të zgjedhim ata të cilët meritojnë të udhëheqin shtetin dhe në këtë mënyrë mund të vendosim që zgjedhja jonë të jetë hapje e alternativave të cilat pastaj do të bënin shumë zgjidhje për gjithë këtë kaos në të cilin është futur Kosova për vite të tëra.

[Zero Cool]

Qeveria po e shtrinë kontrollin mbi KQZ-në


Prishtinë, 25.08.2013

Ndikimi i politikës në Komision Qendror të Zgjedhjeve (KQZ), po e pengonfunksionimin normal të këtij institucioni, duke e kthyer këtëinstitucion nën kontroll të qeverisë së Kosovës. Kështu ka vlerësuar përTelegrafin ish përfaqësuesi i Lëvizjes Vetëvendosje (VV) në KQZ, AlbanKrasniqi.

Ndërsa, analisti Ardian Arifaj, ndikimin e partivepolitike në KQZ e konsideron si diçka normale, përderisa ky institucionështë i përbërë nga përfaqësuesit e partive politike.

Largimin epërfaqësuesit të Aleancës për Kosovë të Re (AKR), Fadil Malokut, ngaKQZ-ja, e arsyeton me atë se “secila parti do ta kishte bërë një gjë tëtillë”.

“Të dyja palët kanë të drejtë. Përfaqësuesi i AKR-së icili pretendon se i ka mbrojtur interesat nacionale duke mbrojtur idenëqë fletëvotimet të jenë me logon e Republikës së Kosovës. AKR-ja, nëanën tjetër, e ka larguar përfaqësuesin e saj nga KQZ-ja, sepse ai nuk eka përfaqësuar qëndrimin e partisë”, tha Arifaj për Telegrafin.

AdnanRrustemi, nga VV-ja, ka theksuar se implikimi i këtij institucioni nëdialogun me Serbinë, si dhe hapja e temave që janë përgjegjësiekskluzive e KQZ-së, janë hapat e parë “që tregojnë se Qeveria po eshtrinë kontrollin mbi KQZ-në”.

“Qeveria e ka shtyrë kryesuesendhe disa anëtarë të KQZ-së që të krijojnë një strukturë paralele dhe tëmarrin vendime arbitrare për t’i hapur rrugë rolit ekzekutiv të OSBE-sënë organizmin e zgjedhjeve”, ka thënë Rrustemi.

Sipas tij, KQZ-jaduhet të përmbush përgjegjësit e saja kushtetuese dhe të bëjë të mundurorganizimin e zgjedhjeve të lira e të drejta në përputhje me ligjet evendit, rregullat e KQZ-së.

Sipas Rrustemit, KQZ-ja ështëinstitucion i pavarur, i cili gjatë përmbushjes së përgjegjësive duhettë bazohet në Kushtetutën e Republikës së Kosovës, në ligjin mbizgjedhjet e përgjithshme dhe ato lokale.

“Anëtarët e KQZ-së nukduhet dhe nuk mund t’i nënshtrohen vendimeve dhe kërkesave të qeverisë.Presioni ndaj anëtarëve të KQZ-së për të mbështetur vendime që nukbazohen në Kushtetutë dhe ligjet e vendit, janë në dëm të organizimit tëzgjedhjeve të lira dhe të interesave shtetërore”, tha ai, duke shtuarse KQZ-ja, duke e mbivendosur agjendën politike dhe qeveritare mbipërgjegjësitë kushtetuese, ç’do ditë e më tepër po heq dorë ngapërgjegjësit institucionale dhe po shkel Kushtetutën.

Sipas tij, mospërdorimi i logos dhe stemës së Republikës së Kosovës në fletëvotime nuk është i vetmi problem.

“Problemtjetër janë përpjekjet për të përfshirë në listën e votuesve personanga regjistri civil i Serbisë, të cilët në bazë të ligjeve të Kosovësduhet të regjistrohen si shtetas të Republikës së Kosovës, në RegjistrinQendror Civil, me qëllim që të fitojnë të drejtën e votës”, ka thënë Rrustemi.

[Zero Cool]

Të rinjtë nuk presin ndonjë ndryshim eventual nga zgjedhjet


Prishtinë, 25.08.2013


Derisa autoritetet kompetente dhe partitë politike kanë filluarpërgatitjet për zgjedhjet komunale, që do të mbahen më 3 nëntor të këtijviti, disa të rinj kosovarë nuk presin ndonjë ndryshim eventual nëvend. Në rubrikën e përjavshme "VOX", të Radios Evropa e Lirë, atashprehen të zhgënjyer nga premtimet e pambajtura nga zgjedhjet ekaluara. Por, megjithatë, dëshirat për të pasur ndryshime pozitive nëvend, pas zgjedhjeve nuk mungojnë.

Amira Krasniqi, nga komuna eGraçanicës, është studente në Fakultetin e Inxhinierisë Elektrike dheKompjuterike. Ajo nuk pret ndonjë ndryshim nga zgjedhjet komunale.

“Shumëpak - shumë pak. Nuk ka iniciativa që të shohim se do të ketëndryshime, sidomos në fushën e arsimit. Madje dita- ditës, situata nëpërgjithësi po thellohet. Duhet të punohet më shumë, të bien gjërat nëbinarë, të respektohen ligjet, të punohet për interesa të shtetit”,thotë Amira.

I riu Armend Gashi, nga Prishtina, thotë sekryetarët e ardhshëm të komunave duhet që të krijojnë politikafavorizuese për rritjen e shkallës së punësimit.

“Prej zgjedhjevelokale nuk pres asgjë. Por, dëshiroj që të ketë punësim më të madh përtë rinjtë, investime në arsim dhe ulje të korrupsionit. Dëshiroj, pornuk shpresoj nga ta”, shprehet Armendi.

Pritje të ngjashme ka edhe Antigona Shabani, nxënëse në shkollën e Mesme Teknike në Prishtinë.

“Tëketë vende të reja të punës, do të thotë të ketë më tepër mundësi seçdo i ri, që përfundon studimet, të hyjë në punë. Pasi disa edhe pse po ipërfundojnë studimet nuk po punësohen, ndërsa të tjerët po gjejnë vendepune për interesa dhe me të njohur. Kështu që lutem që për ata qëpërfundojnë, studimet t’u gjejnë vende pune”, pohon Antigona.

FadilBleta, nga komuna e Lipjanit, herë pas here punon punë fizike. Edhe aidëshiron që pas zgjedhjeve të ketë rritje të punësimit.

“Nuk diçka të them, nuk pres asnjë ndryshim, në Kosovë nuk ka asgjë. Unë sëpari dëshiroj një vend pune dhe punësim edhe për pjesën tjetër të tërinjve që punojnë si unë”, thekson Fadili.

Ndërsa, i riu tjetër,Valoni, dëshiron që të ketë më tepër investime në arsim, edhe pse endenuk është i sigurt se a do të dalë në zgjedhje:

“Të ketë investime në kabinete, shkolla, kolegje etj. Nuk kam vendosur se a do të dal në zgjedhje. Nuk më intereson”.

Ngapërvoja e kaluar, cilado parti politike që ka marrë udhëheqjen, nuk kambajtur premtimet e dhëna gjatë fushatës zgjedhore. Kështu që as ngakëto zgjedhje nuk pret ndryshime Blerim Zeqiri.

“Unë nuk u besoj partive politike. Kështu që cilado që fiton, nuk do t’i përmirësojë kushtet për të rinjtë”, thotë Blerimi.

Ngjashëm shprehet edhe Fidaimi nga Gjilani:



“Shumëpak pres. Ka shumë korrupsion dhe nuk qeverisin si duhet. Kur ta marrinpushtetin, mendojnë vetëm për interesa të veta. Kështu që nuk presshumë”.

Flamuri është nga komuna e Obiliqit, ndërkaq jeton nëAngli. Ai është i zhgënjyer me administratën në kuvendet komunale. Nëkëtë sektor ai dëshiron përmirësime.

“Asgjë, asgjë fare nuk pres.Unë jetoj në Londër, por kam ardhur për t’u pajisur ë dokumente tënevojshme. Tri ditë pres për një certifikatë të lindjes. Shikoni nëkomunë çfarë radhe është”, shprehet i nervozuar Flamuri.

Por,ndryshe nga të rinjtë tjerë, Dritoni, thotë se në Kosovë situata socialenuk është e keqe. Sipas tij, vende të reja të punës ka për ata qëdëshirojnë të punojnë:

“Shumë mirë është. Punësimi nuk është keq,nëse dëshirojnë të punojnë ka punë, është problem ndoshta të gjejnëvende të reja të punës. Por, punë ka. Ndërkaq, sa i përket korrupsionit,në gjithë botën ka korrupsion, kështu që duhet të pajtohemi edhe këtu”.Gjatë zgjedhjeve të kaluara, si në ato qendrore, po ashtu edhe në atokomunale, në programet e partive politike kanë figuruar edhe problemet etë rinjve dhe zgjidhja e tyre.

Ndërkaq, kohëve të fundit, në disa komuna të Kosovës shumë të rinj janë inkuadruar në parti politike.

[Zero Cool]

S’ka stemë - diskutohet për vulë në fletëvotime





Prishtinë, 27.08.2013

Kosova dhe Serbia janë marrë vesh për dukjen e fletëvotimit që do t`i bindë serbët e veriut të dalin në zgjedhjet e nëntorit. Në fletëvotim nuk do të jetë stema e Republikës së Kosovës. Aty do të jetë logo e KQZ-së, por nuk do të figurojë askund fjala Republikë. “Komisioni Qendror i Zgjedhjeve”, është akronimi i vetëm që do të duket në fletëvotim, kanë bërë të ditur burime të Tribunës.

Ndonëse është debatuar shumë në publik, çështja e stemës së Republikës nuk është çështja për të cilën kryeministri i Kosovës Hashim Thaçi dhe ai i Serbisë Ivica Daçiq do të diskutojnë në raundin e ri të dialogut politik që mbahet këtë të martë.

Kryeministrat kanë përpara një çështje tjetër që pritet t`ua marrë gjithë ditën, kur të nisin takimin e së martës nga ora dhjetë e paradites. Ata, sipas burimit, duhet të merren vesh për çështjen e vulave që do të vërtetojnë në qendrat e votimit në veri dhe Serbi, origjinalitetin e fletëve të votimit.






Daka: Për dizajnin e fletëvotimeve vendos KQZ-ja me shumicë votash


Prishtinë, 27.08.2013

Vendimi për dizajnin e fletëvotimeve për zgjedhjet lokale të 3 nëntorit do të jetë i KQZ-së, ka thënë kryetarja e këtij institucioni, Valdete Daka. Ajo ka deklaruar se ky vendim do të merret me shumicë votash nga anëtarët e KQZ-së, pasi të hidhet shorti për renditjen e subjekteve politike.

Sipas saj, fletëvotimet do të jenë në përputhje me ligjet e Republikës së Kosovës. “Nuk kam çka premtoj vetëm se do t’i zbatoj ligjin dhe Kushtetutën. Unë e kam një votë, po ashtu edhe anëtarët e tjerë duhet ta zbatojnë ligjin. Gjithçka do të jetë në rregull. Unë e zbatoj vetëm ligjin, jo agjendën apo urdhrat e të tjerëve”, ka thënë Daka në intervistën për “Epokën e re”.

[Zero Cool]

Çelaj : Kandidati për Prishtinën, mundësisht nga Prishtina


Prishtinë, 28.08.2013

Kryetari i Degës së Partisë Demokratike të Kosovës (PDK), Lirak Çelaj,në një prononcim për Telegrafin ka deklaruar se PDK- ja ende nuk kamarrë vendim se cili do të jetë kandidati i saj për kryeqytetin.

Sipastij, lakimi i emrave të disa personave si kandidatë për të parin ekryeqytetit nga radhët e PDK-së, po bëhet më shumë për sensacionmediatik .

“Unë lirisht mund t’ju them se lakimi i këtyre emrave mbetet ende në nivelin e spekulimeve”, tha ai për Telegrafin.

Çelaj ka theksuar se ka shumë arsye pse PDK-ja nuk ka arritur që në zgjedhjet e mëparshme lokale ta fitojë kryeqytetin.

“Mëherët në Prishtinë është votuar me inercion, për shkak të disa bindjevetë cilat kanë qenë të trashëguara më parë. Unë besoj që ky koncept nukekziston më në Prishtinë, sepse qytetarët e Prishtinës nuk janë mëfanatikë të partive dhe nuk votojnë për inat të dikujt”, ka theksuar ai.

Sipas tij, dega e PDK-së në Prishtinë ka gabuar veçanërisht në strategjinë me të cilën i është qasur elektoratit të kryeqytetit.

“Besojse kemi marrë shumë leksione prej gabimeve të cilat i kemi bërë mëherët dhe shpresoj se këto gabime do të shërbejnë që në të ardhmen most’i përsërisim të njëjtat”, shprehet Çelaj.

Ai ka folur edhe përkandidatin e ardhshëm të PDK-së për kryeqytetin, duke theksuar se ështëpërparësi për partinë nëse kandidati është i lindur dhe i rritur nëPrishtinë.

“Nuk mendoj se duhet te krijojmë ndonjë formulë përkandidatin. Është përparësi nëse kandidati e njeh qytetin dhe qyteti enjeh atë. Mirëpo, nuk është kusht i domosdoshëm, sepse Prishtina tashmëështë kryeqytet i të gjithë qytetarëve të Kosovës, dhe jo të gjithëbanorët e Prishtinës janë të lindur dhe të rritur në Prishtinë”, kashtuar Çelaj.




Mustafa mund të jetë kandidat i LDK-së në Prishtinë


Prishtinë, 28.08.2013

Në zgjedhjet lokale të 3 nëntorit kreu i LDK-së, njëherësh edhe kreu aktual i Prishtinës Isa Mustafa mund të vazhdojë garën nga kjo parti.

Shumica e degëve të LDK-së janë mbledhur dhe kanë rënë dakord që kandidati i LDK-së për kryetar në Prishtinë të jetë Mustafa, shkruan Orainfo.

“Janë mbledhur degët e partisë në Prishtinë, ato unanimisht i kanë dhënë mbështetje Isa Mustafës për të kandiduar për kryetar të Prishtinës”, ka thënë burimi.

[Zero Cool]

Mungesa e marrëveshjes rrezikon zgjedhjet në Kosovë


Bruksel, 28.08.2013

Kosovarët mund të ndodhë që më 3 nëntor të mos u drejtohen kutive tëvotimit. Mungesa e marrëveshjes në Bruksel ndërmjet kryeministrit tëKosovës Hashim Thaçi dhe atij të Serbisë Ivica Daçiq, pritet që të ketëndikim në gjithë procesin zgjedhor.

Të dy kryeministrat nuk kanëarritur të martën, as pas shtatë orë bisedimesh, të merren vesh përlistat e votuesve që do të përdoren në zgjedhjet lokale, që planifikohettë mbahen edhe në veri të Kosovës, shkruan sot ‘Tribuna’. Në bazë tëLigjit aktual të zgjedhjeve, partitë politike kanë afat më së largu derimë 4 shtator për t`u regjistruar, në mënyrë që të marrin pjesë nëzgjedhjet e 3 nëntorit.

Liderët aktualë paralelë të veriut kanëmarrë vendim që të mos marrin pjesë në zgjedhje, derisa edhe krijimi ngaBeogradi i një liste unike të serbëve, që do të garonin në zgjedhje,është rrezikuar pas mungesës së marrëveshjes për zgjedhjet.





Haradinaj vlerëson se mund të “gëlltitet” kompromisi për logon



Prishtinë, 28.08.2013

Kryetari i Aleancës për Ardhmërinë e Kosovës, Ramush Haradinaj, ka deklaruar se vendimi për logon është kompetencë e KQZ-së, mirëpo ka implikime politike. Haradinaj, siç transmeton rtk, ka thënë se mbajtja e zgjedhjeve në veri është shumë e rëndësishme dhe për këtë mund tëgëlltiten edhe kompromiset, siç është anashkalimi i çështjes së logos në fletëvotime në veri.

AAK-ja, ka nominuar Selman Sylejmanin kandidat për kryetar të Komunës së Shtërpcës.

Haradinaj theksoi se qytetarët e Shtërpcës kanë nevojë për punësim, përmirësimdhe zhvillim dhe ketë sipas tij më së miri e bënë AAK-ja. Ndërsa kandidati Sylejmani tha se kanë projekt konkret për të zhvilluar Shtërpcën për mes promovimi të turizmit dhe bujqësisë.

[Guri i madh]

PDK në Viti përfundimisht ia kthen shpinën Kryesisë qendrore



Viti, 8 tetor - Dega e Partisë Demokratike të Kosovës në Viti përfundimisht ia ka kthyer shpinën Kryesisë qendrore të këtij subjekti politik. Ajo tashmë ka lidhur koalicion me Aleancën për Ardhmërinë e Kosovës dhe në një listë të përbashkët do të garojnë në zgjedhjet e 3 nëntorit. PDK-ja në Viti do ta përkrahë kandidatin e AAK-së, Hafir Hoxha, për kryetar komune, ndërsa do t’i ketë 18 kandidatë për asamblenë komunale. Anëtari i kryesisë së PDK-së, Xhevat Bislimi, tha se në pamundësi për të gjetur një gjuhë të përbashkët me kryesinë qendrore të partisë dhe me kryetarin e saj, Hashim Thaçi, shtyn atë dhe degën ta përkrahin kandidatin deri dje të partisë rivale. Ndërsa, edhe kryetari i degës së PDK-së në Viti, Daut Xhemajli, i ka thënë KTV-së se komplet dega tashmë përkrah kandidatin e AAK-së, që e quajnë edhe si kandidat të tyre. Nga AAK-ja thotë se lehtë gjetën gjuhë të përbashkët për një marrëveshje të tillë. Ndërkohë, kandidati i PDK-së, Nexhmedin Arifi, thotë se nuk ka asnjë shqetësim që dega e deridjeshme e partisë së tij do mbështesë një kandidat tjetër. KTV-ja ka kontaktuar edhe sekretarin e përgjithshëm të PDK-së, Basri Musmurati, mirëpo ai nuk ka pranuar të flasë për këtë çështje.

[Zero Cool]

Daçiq: Së shpejti do të vizitoj Kosovën



Beograd, 08.10.2013
Kryeministri i Serbisë, Ivica Daçiq, ka thënë se së shpejti do të vizitojë Kosovën, për t’iu ofruar mbështetje serbëve që sa më masovikisht të dalin në zgjedhjet lokale të 3 nëntorit.“Kjo nuk është ndihmesë për Hashim Thaçin, por për popullin tonë, që të kemi organet tona në Kosovë”, ka thënë Daçiq, raportojnë mediat serbe.
Ai ka thënë se vizita mund të ndodhë javën e ardhshme.
Kryeministri i Kosovës, Hashim Thaçi, ka deklaruar të martën se nuk do të lejohen vizitat e zyrtarëve serbë me karakter zgjedhor.
Vizitat në fjalë kanë qenë temë diskutimi edhe në rrethin e fundit të bisedimeve Thaçi-Daçiq, që është zhvilluar të hënën në Bruksel.
Me këtë rast, Thaçi ka thënë se institucionet e Kosovës do të respektojnë marrëveshjen për lëvizje të lirë me Serbinë, pa qasje diskriminuese ndaj askujt.



Vendim i pamenduar i Prishtinës zyrtare?



Prishtinë, 08.10.2013

“Çka po duan po bëjnë. Kur të duan vijnë, kur të donë dalin. Si në shtëpi të babës e kanë bë! ”, thotë Ariani 30 vjeç, në përshkrimin e tij për polemikat e fundit mes Prishtinës dhe Beogradit, për ndalimin e hyrjeve të zyrtarëve nga Serbia që të bëjnë fushatë në Kosovë.

“Tash po del nga takimi i fundit, që ajo fjali, ose ai fjalim i qeverisë, nuk paska qenë serioz. Në këtë rast, shihet që as Hashim Thaçi e as [Ivica] Daçiq, nuk po pyeten. Por, po pyetet krejt tjetër kush, dhe se lejimet ose ndalimet po i bënë krejt tjetër kush”, shprehet Mendimi 33 vjeç që po shfletonte një gazetë në qendër të qytetit.

Të hënën mbrëma pas një darke pune në Bruksel, kryeministri Hashim Thaçi bëri të ditur se qeveria në Prishtinë do të respektojë marrëveshjen për lëvizje të lirë, pa diskriminim, edhe pse deri në këtë orë vlente një ndalesë për kryeministrin serb Ivica Daçiq për të bërë fushatë në zgjedhjet lokale të Kosovës.
Përfshirja direkte e autoriteteve serbe në fushatën parazgjedhore të 3 nëntorit, për njohësit e rrethanave në vend, paraqet përzierje në punët e brendshme të Kosovës, transmeton Radio Evropa e Lirë.
Labinot Greiçevci, që drejton Institutin Ridea, thotë për Radion Evropa e Lirë se vendimi për ndalimin e vizitës së kryeministrit serb ishte i gabuar.

“Por këtu është bërë si duket, është marr një vendim i pamenduar, dhe i pastudiuar mirë, nga zyrtarë të caktuar të qeverisë, rrjedhimisht nga vet qeveria, dhe tashmë kemi këto pasoja që janë negative, por, nuk janë të pariparueshme”, thotë ai.

Por në opinion, qytetarët nuk është se ia shohin për të madhe ndryshimit të qëndrimit të qeverisë.
“Mendoj që nuk ka gjë të keqe...Prapë se prapë besoj që është e drejtë, që t’i mundësohet, meqenëse ka qytetarë serbë, dhe iu duhet mbështetja e tyre. Duhet me qenë një bashkëpunim, dhe një lëvizje e lirë e qytetarëve. Sido që të jetë, e zyrtarëve dhe qytetarëve të thjeshtë”, thotë Blerimi një 28 vjeçar nga Prishtina.

Në Beograd ndërkaq, analistët e shohin shtendosjen e raporteve mes dy palëve, vetëm si një uverturë për tensionet që mendojnë ata se do të shtohen gjatë procesit zgjedhor, dhe jo vetëm kaq.
“Mendoj se qëndrimi i Prishtinës, ishte një sfidë për Beogradin, dhe se ishte një sfidë edhe për BE-në. Nuk pres dhe nuk mendoj se ky është fundi, apo që kjo është situata e fundit e cila do të lind, gjatë zgjedhjeve. Kjo është vetëm hapja e një periudhe që do të pasojë deri në zgjedhjet e 3 nëntorit, dhe më pas”, vlerëson Predrag Simiq.

Se përvojat në marrëdhëniet mes Prishtinës dhe Beogradit, lënë shumë për të dëshiruar, e thotë edhe Valon Murtezaj profesor në Institutin e Ekonomive Shkencore dhe Menaxhmentit (IESIG) të Parisit.
Sipas tij, ka pak shpresë që lëshimi që ka bërë Prishtina në takimin e së hënës, do të përdoret për të mirë nga Beogradi zyrtar.

“Kjo do të duhej të konsiderohet si një shenjë e vullnetit të mirë nga ana e Kosovës, por që do të duhej të ishte si shpagim, një sjellje konstruktive të Serbisë, çfarëdo lloj mesazhesh që do të përçoheshin brenda në Kosovë, nga ana e zyrtarëve të Serbisë, do të duhej të ishin në frymën e një demokracie, që nënkupton ndoshta ndonjë thirrje, që serbët të marrin pjesë në zgjedhje, në mënyrë që të sigurohet një pjesëmarrje brenda sistemit zgjedhor”, thotë ai.

Sido që të jetë, problemi rreth lejimit/pengimit të zyrtarëve nga Serbia për të ardhur në Kosovë gjatë fushatës parazgjedhore, pritet të sqarohet gjatë kësaj jave.

Bashkimi Evropian pret në ndërkohë që palët të sqarojnë edhe një problem që Beogradi zyrtar ka ngritur rreth listës së votuesve, meqë pretendon se afro 12 mijë njerëz duhet regjistrohen për të votuar në komunat veriore.

[Zero Cool]

Kryetarët e “përjetshëm”



Prishtinë, 09.10.2013
Të paktën pesëmbëdhjetë kandidatë për kryetarë të komunave, anëtarë të tri partive më të mëdha në vend, Partisë Demokratike të Kosovës, Lidhjes Demokratike të Kosovës dhe Aleancës për Ardhmërinë e Kosovës, sivjet i kanë hyrë garës zgjedhore për të tretën herë, shkruan Zëri.





Partia e ish-presidentit të ndjerë, Ibrahim Rugova, i prin garës zgjedhore në raport me kandidatët që kanë qeverisur komunat për dy mandate dhe të cilët tashmë kërkojnë edhe një mandat të tretë.

Sipas shembëlltyrës se tij:









Derisa lideri i kësaj partie, Isa Mustafa, garon sërish në Prishtinë për të parin e kësaj komune, bashkëpartiaku i tij, Burim Berisha, garon për mandat të tretë në Fushë Kosovë, Agim Veliu në Podujevë, Bajrush Ymeri në Novobërdë, dhe Shaip Surdulli në Kamenicë. Madje, Surdulli kaherë që nga viti 2000, kur janë mbajtur zgjedhjet e para lokale, që do të thotë se në zgjedhjet e 3 nëntorit të këtij viti garon për të katërtën herë radhazi.

Mandat të tretë kërkojnë edhe dy figurat tjera të Lidhjes Demokratike të Kosovës, Lutfi Haziri në Gjilan dhe Eqrem Kryeziu në Prizren, të cilët kanë qeverisur nga dy mandate rresht, por që të dy, këtë e bëjnë pas një periudhe që nuk kanë qenë aktiv në qeverisjen lokale, ndërsa komunat ku ata kanë udhëhequr janë drejtuar nga anëtarët e Partisë Demokratike të Kosovës.

Ndërkohë që nga partia më e madhe në pushtet PDK, në gjashtë komuna garojnë kandidatë që kanë qeverisur tashmë nga dy mandate.

[Guri i madh]

PDK-ja dhe Agim Çeku në salla boshe në Prishtinë, i bojkoton kryeqyteti




Gazeta “Bota sot” siguron dokumente e hollësi për fushatën e Agim Çekut dhe tubimet në nëndegët e PDK-së në Prishtinë

Gazeta “Bota sot” siguron dokumente e hollësi për fushatën e Agim Çekut dhe tubimet në nëndegët e PDK-së në Prishtinë. PDK-ja dhe Agim Çeku do ta zhvilloj fushatën zgjedhore me 13 tubime në nëndegët e PDK-së në Prishtinë, derisa PDK ka ministruktura të 47 nëndegëve. Kalendari takimeve të Agim Çekut përfshinë takimet: 3 tetor hapja e fushatës, 5 tetor tubim në Pallatin e Rinisë në Prishtinë, 7 tetor tubim në nëndegën “Kodra e Diellit”, 10 tetor “Kodra e Trimave”, 12 tetor tubim në “Dardania”, 13 tetor tubim në Kolevicë, 17 tetor tubim në “Arbëria – Tophane”, 20 tetor tubim në Ulpianë, 23 tetor tubim në nëndegën “Lagja e Muhaxhirëve”, 26 tetor tubim në nëndegën “Qendra”, 29 tetor tubim në nëndegën Taslixhe-Sofali, 1 nëntor mbyllja e fushatës. Të gjitha këto tubime janë paraparë të zhvillohen rreth orës 4 pasdite, në koordinim me nëndegët e PDK-së në kryeqytet. Fakti se PDK-ja dhe Agim Çeku do zhvilloj vetëm 13 tubime me nëndegët, e jo 47 sish, nënkupton se PDK-ja gjendët në një hall të madh, s’ka mbështetje në kryeqytet, qytetarët bojkotojnë tubimet e PDK-së. Është një strategji defanzive e PDK-së, e jo ofanzive.

[Guri i madh]

Sondazhet paralajmërojnë rënie të PDK-së



Publikuar: 11.10.2013 - 12:31Prishtinë, 11 tetor - Edhe në zemër të Drenicës PDK-ja i ka tubimet e zbehta. Ndërsa PDK do tkurret minimalisht me 6% deri 8 % dhe primatin do ta marrë LDK. Ky parashikim vjen nga vetë të angazhuarit në institucionet që drejtohen nga PDK. Saktësisht ky parashikim erdhi publikisht dje nga këshilltari politik i zv.ministrit (PDK) të Jashtëm të Kosovës dhe këshilltari i kryeministrit të Shqipërisë (PS).

Ai e pranoi zyrtarisht se tendenca është se PDK do ta humbë përparësinë e forcës kryesore politike në Kosovë, shkruan “Bota Sot”. Sondazhet flasin për rrugë pa kthim të PDK-së drejt rënies. Rënia e PDK-së 6% deri 8 % do i jepte avantazhin LDK-së që të marrë në dorë qeverisjen në Kosovë.

Paralajmërimet e sondazhistëve për rënien e PDK-së e konfirmojnë edhe sallat boshe ku po mbahen tubimet zgjedhore. Askush nuk e kishte imagjinuar se pardje fushata zgjedhore në zemër të Drenicës, në Gllogovc/ Drenas, të anulohej nga sheshi i qytetit, për t’u zhvilluar në sallën e izoluar të kulturës, ku s’ka vende për më shumë se 200 persona.

Krerët e PDK-së e kishin paralajmëruar se fushata do të mbahej në sheshin e Drenasit/ Gllogovcit, por në momentin e fundit e kishin ndërruar mendjen, sepse në qytet s’kishte fare njerëz.

Fakti se edhe në zemër të Drenicës PDK-ja i ka tubimet e zbehta me qytetarë është shumë domethënëse se partia do të pësoj rënie.

[Dardanesha]

Urime Shpend Ahmeti, Urime VV , Urime Prishtine..

e ke meritu fitoren ,


(e sidomos mas qatyne inqizimeve te djemve te Ises tu ble vota per mes telefonit ..)

[Zero Cool]

Thaçi e Haradinaj humbësit legjendarë






Humbja e bastioneve ka qenë tërmeti i këtyre zgjedhjeve. Secila parti për shkak të rrethanave të ndryshme është ndëshkuar nga votuesi. Komunat ku është pritur me komoditet se nuk mund të humbin e sidomos ato të regjionalizuara kanë pësuar debakël, ndërkohë që fitorja e kandidatit të AKR-së në Mitrovicë është komentuar si ndër më të befasishmet.

Analistët japin arsye të ndryshme për secilën komunë, e cila ka sjellë përmbysje të rezultateve. Humbësit më të mëdhenj të këtyre zgjedhjeve kanë dalë të jenë dy paritë e krahut të luftës PDK dhe AAK.

Ato humbën shumë komuna që deri më tash kanë qenë bastione të tyre. Rënia e PDK-së është cilësuar si ndëshkim për keqqeverisjen edhe në pushtet qendror. Kurse humbja e Mitrovicës ka qenë e papritur për shkak se nga kjo komunë vijnë edhe figurat me pushtet brenda partisë.

Nga ana tjetër, Ramush Haradinaj me vetëm tre komuna të fituara dhe humbjen e dy bastioneve deri tash shumë të forta Pejën dhe Gjakovën, shihet si humbës i madh i këtyre zgjedhjeve. Analistëve vlerësojnë se ai i ka parë sherrin flirtimit që ka bërë me t’u liruar nga Haga me kryeministrin Thaçi dhe njëkohësisht keqqeverisja e AAK-së nëpër komuna.

Analisti Halil Matoshi konsideron se elektorati i Kosovës e ka aplikuar votën ndëshkuese për qeverisjen. Duke e vlerësuar se në Mitrovicë vota nuk ka qenë e drejtuar direkt kundër Avni Kastratit, por kundër PDK-së, kundër qeverisjes së kësaj partie edhe në nivelin qendror edhe në atë lokal, kështu që kandidati i AKR-së ka fituar në bazë të faktit që ky rajon është ndër më të varfrit në Kosovë.

Ndërsa, sipas tij, në fitoren e kandidatit të PDK-së në Prizren, Ramadan Muja, i cili është duke u përballur me drejtësinë mbi dyshime për keqpërdorime, ka ndikuar LDK-ja dhe kryeministri Thaçi.

“Strategjia e LDK-së me Eqrem Kryeziun ka dështuar në Prizren, po të ishte ndonjë kandidat më ndryshe nga brezi i ri i LDK-së dhe në koalicion me iniciativën e Zafir Berishës do t’i shkaktonin humbje Ramadan Mujës. Por duhet shtuar se në garë atje mund të themi se ka qenë vetë kryeministri Thaçi, ku ka premtuar gjëra shumë joshëse duke përdorur edhe buxhetin e shtetit që atje të fitohet”, ka përfunduar Matoshi.

Nga ana tjetër, kandidatja e AKR-së për kryetare të Gjakovë, Mimoza Kusari –Lila, e cila edhe shihet si shpëtimtare e kësaj partie në shuarje.

“Gjakova e ka ndëshkuar kryetarin e deritashëm për mospunë sepse kjo komunë vërtet ka mbetur ndër më të pazhvilluarat, ajo e ka fituar garën në Gjakovë për shkak të keqqeverisjes se deritanishme”, ka thënë Matoshi.

Por ai shton se në këtë rast ka kontribuar shumë edhe përafrimi i kryetarit të AAK-së me kryeministrin Thaçi. “AAK-ja ka humbur edhe për shkak të përafrimit të liderit të saj, Ramush Haradinaj me kryeministrin dhe me këtë rast duke e ndëshkuar keqqeverisjen në nivel qendror është ndëshkuar edhe AAK-ja në nivelin lokal”, ka pohuar Matoshi.

Shpend Kursani vlerëson se ana pozitive e rezultatit të zgjedhjeve është vetëdijesimi qytetar në Kosovë, ku ndëshkuan shumicën e pushteteve të cilët dështuan në mbajtjen e premtimeve dhe në ofrimin e zgjidhjeve për problemet thelbësore të komunave.

“Mirëpo qytetarët e Kosovës do të duhej që pjesëmarrjen e tyre publike ta shpeshtojnë edhe me forma të tjera demokratike të presionit publik mbi pushtetet e jo të marrin pjesë në ndryshime vetëm një herë në katër vjet”, ka theksuar Kursani.

Fidan Kalaja, nga lëvizja “Fol” ka thënë se qytetarët e Kosovës kanë vendosur një standard të ri në zgjedhje. “Qytetarët kanë treguar me votën e tyre se kanë analizuar çdo aspekt të programeve të partive politike në garë dhe gjithashtu kanë vlerësuar punën e partive që kanë garuar e kanë qenë në pushtet. Vlerësoj se kjo ka ndikuar që te kemi ndërrim pushtetesh vetëm në balotazh në shumicën e komunave të Kosovës”, ka deklaruar ai.

Sipas tij, partitë politike duhet të reflektojnë në bazë të këtyre rezultateve dhe vizionin e tyre duhet formësuar në bazë të këtij standardi ku qytetari i Kosovës tash e tutje nuk do të votojë në bazë të inercionit grupor, por në bazë të punës dhe angazhimit të tyre.

[Ylli-1]

Bota Sot | 04.12.2013 17:10 • Nehat SHAQIRI



SHIK-u fajtor për humbjen e bastioneve të PDK-së

Partia Demokratike e Kosovës e udhëhequr nga kryeministri i Kosovës, Hashim Thaçi dhe nga ish-shefi i Shërbimit Informativ të Kosovës (SHIK), Kadri Veseli, kanë pësuar tronditjen më të madhe politike deri më tani. Kjo parti në zgjedhjet lokale të Republikës së Kosovës, ka humbur dy bastionet kryesore të saj Mitrovicën dhe Ferizajn, si dhe qytetin e Gjilanit. Përveç këtyre komunave, Partia Demokratike e Kosovës, ka humbur edhe shumë komuna të tjera, ku është vërejtur edhe zvogëlimi i votës së qytetarëve ndaj kësaj partie. Rreth bastioneve të PDK-së, dhe rolin e SHIK-ut gjatë këtyre zgjedhjeve, për gazetën “Bota sot”, kanë folur analist të ndryshëm të cilët vlerësojnë se PDK-ja dhe SHIK-u deri më tani kanë qenë vetëm vegla dhe si të tilla janë kuptuar nga qytetarët e Republikës së Kosovës. Pra, Partia Demokratike e Kosovës, në vitet e ardhshme pritet që të deklasohet nga qytetarët dhe vihet në dyshim e ardhmja e tyre politike.

[Shpati]

Postimi origjinal është bërë nga Ylli-1

Bota Sot | 04.12.2013 17:10 • Nehat SHAQIRI



SHIK-u fajtor për humbjen e bastioneve të PDK-së

Partia Demokratike e Kosovës e udhëhequr nga kryeministri i Kosovës, Hashim Thaçi dhe nga ish-shefi i Shërbimit Informativ të Kosovës (SHIK), Kadri Veseli, kanë pësuar tronditjen më të madhe politike deri më tani. Kjo parti në zgjedhjet lokale të Republikës së Kosovës, ka humbur dy bastionet kryesore të saj Mitrovicën dhe Ferizajn, si dhe qytetin e Gjilanit. Përveç këtyre komunave, Partia Demokratike e Kosovës, ka humbur edhe shumë komuna të tjera, ku është vërejtur edhe zvogëlimi i votës së qytetarëve ndaj kësaj partie. Rreth bastioneve të PDK-së, dhe rolin e SHIK-ut gjatë këtyre zgjedhjeve, për gazetën “Bota sot”, kanë folur analist të ndryshëm të cilët vlerësojnë se PDK-ja dhe SHIK-u deri më tani kanë qenë vetëm vegla dhe si të tilla janë kuptuar nga qytetarët e Republikës së Kosovës. Pra, Partia Demokratike e Kosovës, në vitet e ardhshme pritet që të deklasohet nga qytetarët dhe vihet në dyshim e ardhmja e tyre politike.

bluai bluai është jashtë linje
me pervojë

Anetar prej: 25.06.2001
Postime: 1,351
Daumen hoch Urime .....!?
Un sinqerisht uroi PDK per fitoret ne nivel vendi .
Ju deshiroi nje pun te mbar .
Nje vroitim kisha dasht me then .Edhe per kunder paregullesive dhe jotransparences qeveria e formuar nga PDK dhe koaliconet e tyre ne parlament LDK&AAK ka aritur te bej rug ,shkolla ,dhe njekohesisht ka aritur ta ngris pak a shum investimet kapitale ne ekonomi e sidomos ne biznesin e agrokultures dhe ket fal angazhimeve te Be SHBA-ve .Duhet theskuar se shihen gjerat ruget e asfaltuara ,shkollat e bukura dhe moderne .
Qka eshte me e theksuar se ne rafshin diplomatik jasht veni qevria ka deshtuar i ka pru venit nje amputim e katapulltuem direkt nga kuzhinat e Be nje shtet brena shtetit te Kosoves .E keqja e krejt ksaj do vuaj Kosova.krejt ka ndodh per arsye se foracat opoizitare siq jan LDK skan mar pjes aktive ne kto marveshje e pra si zakonisht shkulanat kan mbet shkulana dhe e kan shti bishtin nder kemb .Kunder ksaj ka qen e vetme ne brendi te Kosoves kundershtimi me plot te drejt ka ardhe nga VV .Jasht Kosove kunder ksaj marveshje pa kushte e vetme ka qen Gjermania e perkrahur ng Austria dhe Hungaria miqet tan historik ,Por kjo tash me u be .Kjo do reflektoi ne zgjedhjet nacionale .Por do na mbetet amputimi i shtetit te ri tash me ne ballkan qe u realizuar fal harmonikave dhe pseudo politikave .urejtjeve rajonale dhe etjes per pushtet .Ne pergjithesi asnje parti ska spekter qe do e njeh diplomacin jasht veni dhe mu per ket dhe ne po pesoim me se shumti per shkak te mos angazhimeve kordinimeve dhe bashkimeve te forcave brenda per brenda .Qka me be vetem te bejm analiza e justifikime kur kemi te bejm kryesisht me spekter shkulanash te LDK -se te cilet qdo her kan shti bishtin nder kemb dhe i kan ik pergjegejsis askush pra ska mar guximin te mer pergjegjesin mbi vete dhe ne kiet menyr PDK ka mbetur e vetme dhe bartese e poroceseve qe i ka ber ne menyr ad hoc duke "besuar '; ne premtimet e BE e cila edhe njeher ja nguli kunxh shqipetareve dhe i ndau edhe njeher mir e mir ne rejone e kantone .
Megjithate un pergezoi PDK per guximin kurajon dhe punen qe po e ben brena Kosoves me te gjitha anaomalit qe i ka ne ket rugtim .

U R I M E P D K

Keshtu i kishte analizuar zgjedhjet nje Forumist ne Kosova.de

Personalisht mendoj se 80% e rezultatit te zgjedhjeve esht produkt i punes dhe mospunes se partive ne Kosove dhe nuk shof as fitues as humbes te medhenje ne keto zgjedhje te fundit.
Dhe 20% esht produkt i faktorit nderkombtar Unimk/Eulex te cilit para zgjedhjeve te cilat behen kohe pas kohe ne Kosove i gjuhen ndonje Kryetari te Komunes se partis se PDK,ndonje personaliteti me ndikim ne PDK dhe AAK me akuza perveze te fallsifikuara dhe keto akuza i perkrah edhe Betha Sot dhe nuk munde te perjashtohet se dikush ne Kosove vetem per vota shpif...
Pra faktori nderkombtar esht mjaft aktiv ne zgjedhje.