Qëndrimi i Muhamedit a.s. ndaj të krishterëve

[andaluzi91]

Qëndrimi i Muhamedit a.s. ndaj të krishterëve

Tung. Ju përshëndes të gjithëve të nderuar bashkëbisedues. E hapa këtë temë, me qëllim që gjatë diskutimit të arrijmë në konkludime të mirëfillta, e që të bëhen shkak për formimin e urave për bashkëpunim e bashkëjetes në një frymë të mirëkuptimit e të tolerancës, gjë e cila na sjell një shoqëri të kulturuar. Të shkruarit larg emocioneve, është pjekuri, ndërsa të argumentuarit e asaj që e themi është mençuri.

Shpesh herë është keqtreguar qëllimisht qëndrimi që profeti Muhamed kishte ndaj të krishterëve. Mite dhe legjenda të tepërta qëllimkëqija e kanë mbuluar këtë qëndrim. E vërteta e zbuluar nga dokumentet më të hershme historike e tregon të kundërtën. Profeti Muhamed jo vetëm që nuk kishte ndonjë qasje armiqësore ndaj tyre por përkundrazi i kishte trajtuar me dashamirësi dhe afërsi.

Në vazhdim e keni një letër të cilën Profeti e kishte adresuar për murgjërit e Manastirit të Shën Katerinës. Letra është dërguar rreth vitit 628.

"Ky është një mesazh nga Muhammed ibn Abdullah, si një pakt për ata që mbajnë Kristianitetin, pranë dhe larg, ne jemi me ta.
Me të vërtetë unë, shërbëtorët, ndihmuesit, dhe ndjekësit e mi i mbrojnë ata, sepse kristianët janë qytetarët e mi; dhe për Allah, unë jam gjithmonë kundër çdo gjëje që i dëshpëron ata.
Asnjë lloj detyrimi nuk duhet të ketë mbi ta.
As gjykatësit e tyre nuk do të hiqen nga puna dhe as murgjërit e tyre nga manastiret e tyre.
Asnjë nuk lejohet që të shkatërrojë një shtëpi të besimit të tyre, ta dëmtojë atë, apo të marrë ndonjë gjë nga ajo për tek shtëpitë e muslimanëve.
Në qoftë se ndonjë merr ndonjë nga këto, ai do të shkelë paktin e Zotit dhe nuk i bindet profetit të Tij. Me të vërtetë, ata janë aleatët e mi dhe kanë statutin tim të sigurtë kundër gjithçkaje që ata urrejnë.
Asnjë nuk do t'i detyrojë ata që të udhëtojnë apo t'i obligojë për luftë.
Muslimanët duhet të luftojnë për ta.
Në qoftë se një femër kristiane martohet me një musliman, kjo nuk duhet të ndodhë pa aprovimin e saj. Ajo nuk duhet të ndalohet të vizitojë kishën e saj për t'u lutur.
Kishat e tyre duhet të respektohen. Atyre nuk duhet t'u ndalohet riparimi i tyre as shenjtërimi i pakteve të tyre.
Asnjë njeri nga ummeti (bashkësia muslimane) nuk duhet të shkelë këtë pakt deri në Ditën e Kijametit (fundi i botës)."

Një qëndrim të tillë human, të drejtë e zemërmirë bota nuk ka parë në asnjë rast tjetër. Nga një sjellje e tillë bujare mund të mësojnë edhe sot mjaft shtete e shoqëri duke filluar nga Evropa, Amerika, Azia, Afrika dhe kudo gjetkë.

Gjithë të mirat,
Andi