Lajme aktuale nga vendi !

[Zero Cool]

Kabashit i shqiptohet dënimi më 16 shtator







Tribunali i Hagës do të shqiptojë dënimin për ish-pjesëtarin e UÇK-së, Shefqet Kabashi, më 16 shtator. Lajmi është kumtuar nga gjykatësi i Tribunalit, Alphons Orie.
Kabashi ka pranuar se është fajtor për shpërfillje të gjykatës, që e ka bërë me refuzimin për të dëshmuar në gjykimin e parë të Ramush Haradinajt. Kabashi po ashtu nuk ka pranuar t’iu përgjigjet pyetjeve të prokurorit dhe të mbrojtjes as në rigjykimin e Haradinajt.

Gjatë seancës të mërkurën, prokuroria ka kërkuar që Kabashi të dënohet me burg, ndërsa kohëzgjatjen e heqjes së lirisë ua ka lënë gjyqtarëve, raporton RFE. Ndërsa avokati mbrojtës, Michael Karnavas, ka kërkuar të shqiptohet dënimi që do t’i mundësonte Kabashit të kthehej menjëherë në shtëpi.

[Zero Cool]

Tadic: Thaçi paralajmëron dhunë


Presidenti i Serbisë, Boris Tadic, ka deklaruar të mërkurën se deklaratat e kryeministrit të Kosovës, Hashim Thaçi, se institucionet serbe në veri janë të lidhura me terrorizëm, janë “paralajmërim për dhunë”.
Siç raporton RFE, Tadic ka thënë se reagimi i Serbisë do të jetë i qetë, ndonëse, sipas tij, institucionet e Prishtinës nuk janë imune ndaj krimit të organizuar dhe nuk mund të vendosin sundimin e ligjit në veri.

Komentet e Tadicit pasojnë deklaratat e kryeministrit Thaçi, i cili ka tërhequr vërejtjen se strukturat ilegale në veri po shndërrohen gradualisht në paramilitare. Sipas Thaçit, “ato janë përgjegjëse për akte terroriste”.

[Zero Cool]

6 fletëarreste në lidhje me vrasjen e pjesëtarit të PK-së





E plotësuar) Përmes një deklarate të përbashkët për media, EULEX-i, KFOR-i dhe Policia e Kosovës kanë bërë të ditur se gjatë operacionit në veri janë bastisur katër objekte private në Zubin Potok dhe Zupç, si dhe janë konfiskuar prova, ndërsa është konfirmuar se ekzistojnë urdhër arrestet për gjashtë persona që kërkohen në lidhje me vrasjen e pjesëtarit të PK-së.

“E gjithë evidenca është duke u analizuar nga prokurorët dhe hetuesit, kurse operacioni i sotëm ka kaluar pa ndonjë incident madhor. Aktualisht ekzistojnë 6 fletëarreste për 6 persona që kërkohen në lidhje me vrasjen e policit kosovar”, theksohet mes tjerash në njoftim ku shpjegohet gjithashtu se operacioni i sotëm kishte për qëllim që të vendos drejtësinë.

Policia Speciale e EULEX-it, e mbështetur nga njësi të KFOR-it, të mërkurën ka kryer një operacion në pjesën veriore të Kosovës në lidhje me vrasjen e një pjesëtari të forcave speciale të Policisë së Kosovës më 26 korrik.

Njësi të rregullta të Policisë së Kosovës kanë ruajtur rendin dhe qetësinë publike gjatë kohës kur është kryer operacioni. Hetimet për këtë vrasje jenë duke u zhvilluar bashkërisht nga EULEX-i dhe Policia e Kosovës, të cilët janë duke bashkëpunuar ngushtë për ndriçimin e këtij krimi.

Në materialin e provave të konfiskuara përfshihen armë dhe një automjet. Të gjitha këto prova tani janë duke u analizuar nga prokurorët dhe hetuesit. Ky operacion ka kaluar në mënyrë të qetë, pa ndonjë incident të madh.

Operacioni i sotëm është edhe një hap tjetër drejt sjelljes së kryerësve të këtij krimi përpara drejtësisë, ndërkohë që hetimet janë duke vazhduar në lidhje me incidentet tjera të dhunshme në veri, përfshirë edhe djegien e Portës 1.

Sundimi i ligjit duhet të mbizotërojë për të mirën e të gjitha komuniteteve në Kosovë. Është me rëndësi që banorët lokal të vazhdojnë t’i përkrahin veprimet e atyre që përpiqen t’i sjellin përpara drejtësisë ata që janë përgjegjës për krimet e rënda, thuhet në deklaratë.

Në operacionin e Policisë së Kosovës në veri për marrjen nën kontroll të pikave kufitare 1 dhe 31 kah fundi i muajit korrik ishte vrarë pjesëtari i njësive speciale të PK-së, Enver Zymberi.

Thaçi: Strukturat ilegale i kanë ditët e numëruara

Kryeministri i vendit, Hashim Thaçi, të mërkurën në seancën e Kuvendit të Kosovës ka informuar deputetët e legjislativit për zhvillimin e operacionit të gjerë në veri, me qëllim të kapjes së personave të dyshuar për vrasje, e që janë pjesë e strukturave kriminale dhe ilegale të financuar nga Beogradi.

Shefi i qeverisë së vendit në fillimin e mbajtjes së seancës ka folur për aksionin e Policisë së Kosovës, me ndihmën e KFOR-it, për të kapur disa persona të dyshuar. Madje ai ka shtuar se ditët e këtyre strukturave janë të numëruara.

“Së bashku me ndihmën e KFOR-it kanë zhvilluar dhe janë duke vazhduar një operacion të gjerë në veri të vendit për kapjen e personave të dyshuar për vrasje që janë pjesëtarë të strukturave kriminale dhe ilegale të financuara dhe të mbështetura drejtpërdrejtë nga Beogradi. Në çdo rrethana përsëri sot ritheksoj mesazhin tim të qartë, se ditët e këtyre strukturave ilegale kriminale janë të numëruara dhe se pavarësisht se ku fshihen sot, ne do t’i gjejmë dhe do të përballen me drejtësinë e shtetit të Kosovës”, ka thënë Thaçi.

Ndërsa pas seancës së Kuvendit, kryeministri Thaçi para medieve, nuk ka dashur të komentojë shumë këtë operacion.

“Sa i përket çështjeve në veri dhe zhvillimeve tjera unë kam qëndrimin që ka prezantuar aktuale për angazhimet e institucioneve të Republikës së Kosovës, EULEX-it, KFOR-it në veri të Kosovës, kështu që nuk dua të i shtoj asgjë më tepër asaj informate”, ka theksuar Thaçi.

Ndërkaq i pyetur rreth vazhdimit të dialogut, i pari i qeverisë nuk ka komentuar, duke thënë se pavarësisë së mbikëqyrur po i vjen fundi.

“Ne jemi në përfundim të procesit të pavarësisë së mbikëqyrur, në kuadër të kësaj të konsolidimit të shtetit tonë dhe natyrisht të respektimit të plotë të Kushtetutës dhe ligjeve të Kosovës, dokumentit të presidentit Ahtisari, pra konsolidimit, forcimit të shtetësisë së Kosovës”, ka deklaruar ai.

Duke folur rreth mbledhjes së Këshillit të Sigurimit të Kombeve të Bashkuara për Kosovën, kryeministri Thaçi ka theksuar se dje ka fituar drejtësia e vendimit të Prishtinës zyrtare mbi vendosjen e masave reciproke ndaj Serbisë dhe vendosjen e rendit dhe ligjit në veri.

Nga ana tjetër deputeti nga Lidhja Demokratike e Kosovës, Skënder Hyseni ka shprehur qëndrimin e LDK-së për vazhdimin e dialogut, duke thënë se Kosova nuk duhet të vazhdojë dialogun pa përcaktuar një kornizë të qartë.

“Unë dua të përsëris qëndrimin tim, që është qëndrim edhe i Lidhjes Demokratike të Kosovës që dialogu nuk do të duhej të vazhdonte pa u përcaktuar qartë një kornizë mbi parimet prijëse të cilat do të siguronin që Kosova, nuk do të prekte në karakterin unitar, do të siguronin që Kosova do të instalonte sovranitet të ndarë, ku përmes siç ishte rasti dy lloj tabelash të regjistrimit të veturave”, ka theksuar Hyseni.

Por meqenëse Qeveria ka vendosur që të vazhdojë dialogu më 2 shtator në Bruksel, Hyseni ka kërkuar që Kosova në këtë proces të mos pranojë asnjë zgjidhje që do të jetë në disfavor të saj dhe nuk guxon assesi të pranojë zgjidhje që e lëndojnë karakterin unitar të Republikës së Kosovës.

Edhe shefi i Grupit Parlamentar i AAK-së, Ardian Gjini ka thënë se Kosova duhet të ketë një platformë të qartë se çka përfiton nga ky dialog.

“Qëndrimi i AAK-së edhe më herët ka qenë se ky dialog nuk po shkon në dobi të Kosovës dhe duhet të ndërpritet ose Kosova duhet të ketë një platformë të qartë se çka kërkon të arrij përmes këtij dialogu. E kemi thënë edhe më herët para jush edhe prej AAK-së edhe prej kësaj foltore se ne mendojmë se Serbia e ka të qartë se çka po synon të arrij përmes këtij dialogu, ndërsa Kosova jo”, ka theksuar Gjini.

Për më tepër Gjini ka shtuar se deri më tash nga ky dialog nuk ka pas asnjë ndryshim të pozicionit negociues të Kosovës, por një momentum pas tentimit të vendosjes së rendit dhe ligjit në kufi me Serbinë.

Dialogu ndërmjet Kosovës dhe Serbisë, i nisur në mars në Bruksel me ndërmjetësimin e Bashkimit Evropian, do të vazhdojë më 2 shtator në Bruksel, ndërsa njëra nga temat që do të diskutohet në raundin e radhës pritet të jetë edhe ai për vulat doganore. (Kosovapress)


vijon

[Zero Cool]

vijimi


Ristiq: Aksioni ka për qëllim shpërnguljen e serbëve

Kryetari paralel i komunës së Zubin Potokut, Sllavisha Ristiq, ka vlerësuar se aksioni i njësisë speciale të EULEX-it dhe pjesëtarëve të KFOR-it në fshatin Zupç ka qenë i vrazhdë si asnjëherë më parë.

“Ky aksion është në vazhdën e shumë aksioneve tjera që po realizohen në veri, e që kanë për qëllim frikësimin e popullatës serbe. Nuk po e vejmë në pyetje zhvillimin e hetimeve, por duhet ekzistuar një përgjegjësi ndaj atyre që urdhëruan njësitë speciale të policisë së Kosovës (ROSU) në fund të muajit korrik të shkojnë në veri të Kosovës”, ka thënë Ristiq.

Ai demantoi zëdhënësin e EULEX-it, Nikolas Hoton, se në lidhje me aksionin kanë qenë të njoftuara autoritetet lokale, duke shtuar se aksioni është realizuar në formën më brutale të mundshme.

Ai shtoi se do të protestojë tek organet përgjegjëse të KFOR-it dhe EULEX-it, si dhe tek të gjitha organet tjera ndërkombëtare rreth ngjarjeve të sotme në komunën e Zubin Potokut, ndërkohë që do të dërgojë porosinë Beogradit që të mbrojë serbët e këtushëm, sepse siç tha ai, ajo që po ndodhë këtu ka për qëllim t’i frikësojë serbët në mënyrë që ata të shpërngulen dhe këto hapësira të spastrohen etnikisht.

Sipas tij, shtabi i krizave do të vendosë së shpejti nëse duhet të rikthehen barrikadat në Zupç.

“Janë kohë të vështira dhe çdo hap i shtabit të krizave do të jetë i orientuar në drejtim të mbrojtjes së popullatës serbe. Nuk frikohem nga arrestimi, sepse nuk jam kriminel, dhe për diçka që s’kam bërë, nuk kam arsye të frikohem. Por, frikohem për popullatën serbe në përgjithësi, sepse para së gjithash kjo që po ndodhë për më shumë se një muaj në veri, është një aksion i koordinuar”, ka thënë mes tjerash Ristiq.

EULEX thotë se ka gjetur prova

Zyrtarë të EULEKS-it kanë konfirmuar se gjatë operacionit në veri të Kosovës, në lidhje me hetimet e vrasjes së një polici kosovar, janë konfiskuar prova siç janë edhe armët. Aktualisht ekzistojnë gjashtë kallëzime penale për personat që kanë lidhje me vrasjen.

“Janë kryer bastisje në katër shtëpi private dhe me këtë rast janë konfiskuar prova në lidhje me hetimet, përfshirë edhe armë. Ne mund të konfirmojmë se ekzistojnë gjashtë kallëzime për arrestimin e personave, që dyshohet se janë të përfshirë në vrasjen, ndërsa operacione si ky i sotmi, mund të priten edhe në të ardhmen”, tha për Radion Evropa e Lirë, zëdhënësja e EULEX-it, Irina Gudelevic.

Ajo tha se EULEX-i kërkon bashkëpunimin e komunitetit lokal për t’i sjellë para drejtësisë kryesit e krimeve të fundit në veri.

Në anën tjetër, zëdhënësi i Policisë për rajonin e Mitrovicës, Besim Hoti, njoftoi se operacioni është kryer, ndërkaq, situata është e qetë, dhe se rrugët janë të kalueshme.

Operacionin në Zupç afër Zubin Potokut në rrugën për në Bërnjak, e ka kryer njësia speciale e EULEX-it me mbështetjen e KFOR-it, ndërsa hetimet për vrasjen e policit kosovar po kryhen nga EULEX-i dhe policia e Kosovës.

Serbët bllokojnë magjistralen e Adriatikut

Serbët lokalë kanë bllokuar të mërkurën magjistralen e Adriatikut, përkatësisht rrugën midis Mitrovicës dhe Zubin Potokut, si dhe të gjitha rrugët alternative në këtë drejtim, në shenjë kundërshtimi ndaj aksionit të forcave të KFOR-it dhe EULEX-it që është zhvilluar të mërkurën në mëngjes në Zupç.

Bllokimin e rrugës e ka konfirmuar edhe zëdhënësi i policisë në Mitrovicë, Besim Hoti, i cili ka thënë se pas aksionit të sotëm të EULEX-it, serbët nga Zupçi janë tubuar në këtë fshat duke bllokuar rrugën Mitrovicë-Zubin Potok, si dhe rrugët tjera që çojnë në këtë drejtim.

Sipas tij, atyre u janë bashkëngjitur edhe serbët tjerë nga fshatrat përreth dhe komuna e Zubin Potokut.

Thaçi konfirmon aksionin policor në veri

Në seancën e sotme plenare të Kuvendit të Kosovës, kryeministri Hashim Thaçi ka njoftuar deputet për aksionin policor që forcat e ndjekjes kanë zhvilluar sot në veri....

Ai tha se janë konfiskuar evidenca te rëndësishme por edhe armë të ndryshme që janë përdorur në veprimet e strukturave kriminale. Organet e drejtësisë tha kryeministri Thaçi, kanë përgatitur edhe një numër të kallëzimeve penale kundër një numër personash që kanë cenuar sovranitetin e Kosovës tash e 12 vite.

Kryeministri, Hashim Thaçi, po ashtu ka akuzuar sot përsëri Beogradin zyrtar se qëndron prapa strukturave kriminale në veri të vendit. Ai tha se sipas të dhënave të institucioneve të rendit të Republikës së Kosovës, rezulton se këto strukturat kriminale po shndërrohen në struktura paramilitare.

Ditët e këtyre strukturave, tha kryeministri Thaci, janë të numëruara, ndërsa i bëri apel Beogradit të mos strehoje vrasësit e policit të Kosovës dhe të respektojë fletë arrestet ndërkombëtare. (RTK)

Përfundoi aksioni i EULEX'it - i pasuksesshëm?

Ka përfunduar aksioni i forcave të EULEX-it dhe KFOR-it për kapjen e autorëve i zhvilluar sot në mëngjes në fshatin Zupç në veri të vendit.

Burime të Kosovapress-it kanë bërë të ditur se nuk ka të arrestuar dhe as konfiskim të armëve, ndërkohë që janë bastisur tre shtëpi.

EULEX ia mësyn veriut

Nicholas Hawton ka thënë në mëngjes se EULEX është ndërmarrë një aksion në veri me qëllim të vendosjes së rendit dhe ligjit dhe për të vazhduar hetimet që po bëhen përkitazi me vrasjen e policit kosovar, i cili humbi jetën në detyrë më 26 korrik të sivjetmë.

“Në orët e hershme të mëngjezit , policia e EULEX-it bashkë me policë të Kosovës kanë filluar një aksion në Zupç të Zubin Potokut, aksion ky i cili po vazhdon ende dhe është ndërmarrë si pjesë e hetimeve kriminale që po bëhen për vrasjen e policit Enver Zymberi“, ka deklaruar për Info Globin udhëheqësi i zyrës për informim i EULEX-it, Nicholas Hawton.

Sipas tij aksioni është ndërmarrë me qëllim të vendosjes së rendit dhe ligjit dhe për të vazhduar hetimet që po bëhen përkitazi me vrasjen e policit kosovar, i cili humbi jetën në detyrë më 26 korrik të sivjetmë.

Për sigurinë e policisë po përkujdesen forcat e KFOR-it.

Jozyrtarisht mësohet se njerëzit kanë filluar të tubohen për të protestuar kundër këtij aksioni.

“Një numër i konsideruar i personave kanë bllokuar rrugën magjistrale Mitrovicë -Zubin Potok, si dhe rrugët anësore që lidhin këto dy vende”, ka konfirmuar për portalin Besim Hoti, zëdhënës i Policisë së Kosovës për rajonin e Mitrovicës.

Ndërkaq dje, është raportuar se ushtarët amerikanë të KFOR gjatë orëve të mbrëmjes nuk kanë lejuar hyrjen në Kosovë të autobusit me përfaqësuesit e komunave paralele të Leposaviqit, Zubin Potokut, Zveçanit dhe Mitrovicës, mirëpo si raportohet ata ia dolën të futen në Kosovë nëpërmjetë rrugëve anësore.

Fjala është për rreth 50 veta, të cilët gjatë ditës së djeshme kanë mbajtur mbledhjen në Beograd përkitazi me situatën e sigurisë. Të njejtit kanë refuzuar kërkesën e kancelares gjermane Angele Merkel për shuarjen e institucioneve paralele në veri të Kosovës, kërkesa këto që politikanët “komunalë” i konsiderojnë si ultimatum. (INFOGLOBI)

[Zero Cool]

Merr mbështetje nga Franca për integritetin territorial




Një ditë pas seancës së Këshillit të Sigurimit në New York, Ministri i Punëve të Jashtme të Kosovës, Enver Hoxhaj, të mërkurën në Paris, ka takuar Ministrin e Punëve të Jashtme dhe Evropiane të Republikës së Francës, Alain Juppé,

Në këtë takim, Ministri Hoxhaj ka informuar Ministrin Juppé lidhur me zhvillimet e fundit në Kosovë, duke potencuar se Republika e Kosovës është një vend stabil në Ballkan.

Ministri Hoxhaj në takim me Ministrin Juppé, ka theksuar se situata në veri të Republikës së Kosovës është krijuar pas refuzimit të Serbisë që të pranojë vulat e Kosovës.

“Si rrjedhojë Qeveria e Kosovës ka qenë e detyruar që të ndërmarr masat e reciprocitetit ndaj mallrave serbe, meqë Kosova në tri vitet e fundit ka pas pozicion të pabarabartë në tregtinë e lirë, ku Serbia ka eksportuar në Kosovë, përderisa Kosova nuk ka mundur të eksportojë në Serbi dhe përmes Serbisë në Bashkimin Evropian. Prandaj, Qeveria e Kosovës ka qenë e përkushtuar dhe e vendosur që të zbatohen masat e reciprocitet në të gjitha pikat kufitare”, ka thënë Hoxhaj.

Ministri Hoxhaj po ashtu ka theksuar se Policia e Kosovës nuk ka ushtruar dhunë në veri, por kanë qenë strukturat ilegale të Serbisë brenda për brenda territorit të Kosovës, të cilat kanë bllokuar rrugët dhe kanë ushtruar dhunë brenda territorit të Republikës së Kosovës.

“Nuk mund të ketë stabilitet, qetësi në veri të vendit pa shuarjen e plotë të strukturave ilegale shtetërore serbe, që janë struktura paramilitare të sigurisë dhe të policisë së shtetit serb ”, ka thënë Ministri Hoxhaj.

Në të gjitha këto çështje, Ministri Hoxhaj ka marr përkrahjen e pakursyer nga shteti francez.

Me këtë rast, Ministri francez i Punëve të Jashtme, Alain Juppé, ka mbështetur progresin që ka pas Republika e Kosovës në të gjitha fushat e zhvillimit politik, ekonomik dhe social.

Juppé ka përgëzuar Ministrin Hoxhaj dhe Qeverinë e Kosovës për njohjet e fundit që kanë ardhur në adresë të Prishtinës, në forcimin e pozitës ndërkombëtare të Republikës së Kosovës.

“Franca mbështet Kosovën në vullnetin e saj për konsolidimin dhe legjitimitetin ndërkombëtar. Vala e vrullshme e njohjeve të reja në këtë drejtim ishin shumë inkurajuese”, ka thënë Juppé.

Ai ka siguruar Ministrin Hoxhaj se Franca mbetet një vend mik dhe partner i fuqishëm i Kosovës si dhe ka treguar mirëkuptim të plotë për sundim të ligjit në tërë territorin e Republikës së Kosovës.

“Në sytë e Francës, integriteti territorial i Republikës së Kosovës është i panegociueshëm”, ka shtuar Juppé.

Ministri Juppé po ashtu ka thënë se Republika e Kosovës ka të ardhme evropiane dhe ai personalisht është i angazhuar në marrjen e udhërrëfyesit për liberalizimin e vizave për kosovarët si dhe në vendosjen e marrëdhënieve kontraktuale me Bashkimin Evropian.

Ministri Hoxhaj gjatë qëndrimit në Francë, do të ketë takime me shumë personalitete tjera të jetës politike, publike dhe diplomatë të shteteve që ende nuk e kanë njohur Republikën e Kosovës.

[Domira]

Postimi origjinal është bërë nga Zero Cool

Merr mbështetje nga Franca për integritetin territorial




Një ditë pas seancës së Këshillit të Sigurimit në New York, Ministri i Punëve të Jashtme të Kosovës, Enver Hoxhaj, të mërkurën në Paris, ka takuar Ministrin e Punëve të Jashtme dhe Evropiane të Republikës së Francës, Alain Juppé,

Në këtë takim, Ministri Hoxhaj ka informuar Ministrin Juppé lidhur me zhvillimet e fundit në Kosovë, duke potencuar se Republika e Kosovës është një vend stabil në Ballkan.

Ministri Hoxhaj në takim me Ministrin Juppé, ka theksuar se situata në veri të Republikës së Kosovës është krijuar pas refuzimit të Serbisë që të pranojë vulat e Kosovës.

“Si rrjedhojë Qeveria e Kosovës ka qenë e detyruar që të ndërmarr masat e reciprocitetit ndaj mallrave serbe, meqë Kosova në tri vitet e fundit ka pas pozicion të pabarabartë në tregtinë e lirë, ku Serbia ka eksportuar në Kosovë, përderisa Kosova nuk ka mundur të eksportojë në Serbi dhe përmes Serbisë në Bashkimin Evropian. Prandaj, Qeveria e Kosovës ka qenë e përkushtuar dhe e vendosur që të zbatohen masat e reciprocitet në të gjitha pikat kufitare”, ka thënë Hoxhaj.

Ministri Hoxhaj po ashtu ka theksuar se Policia e Kosovës nuk ka ushtruar dhunë në veri, por kanë qenë strukturat ilegale të Serbisë brenda për brenda territorit të Kosovës, të cilat kanë bllokuar rrugët dhe kanë ushtruar dhunë brenda territorit të Republikës së Kosovës.

“Nuk mund të ketë stabilitet, qetësi në veri të vendit pa shuarjen e plotë të strukturave ilegale shtetërore serbe, që janë struktura paramilitare të sigurisë dhe të policisë së shtetit serb ”, ka thënë Ministri Hoxhaj.

Në të gjitha këto çështje, Ministri Hoxhaj ka marr përkrahjen e pakursyer nga shteti francez.

Me këtë rast, Ministri francez i Punëve të Jashtme, Alain Juppé, ka mbështetur progresin që ka pas Republika e Kosovës në të gjitha fushat e zhvillimit politik, ekonomik dhe social.

Juppé ka përgëzuar Ministrin Hoxhaj dhe Qeverinë e Kosovës për njohjet e fundit që kanë ardhur në adresë të Prishtinës, në forcimin e pozitës ndërkombëtare të Republikës së Kosovës.

“Franca mbështet Kosovën në vullnetin e saj për konsolidimin dhe legjitimitetin ndërkombëtar. Vala e vrullshme e njohjeve të reja në këtë drejtim ishin shumë inkurajuese”, ka thënë Juppé.

Ai ka siguruar Ministrin Hoxhaj se Franca mbetet një vend mik dhe partner i fuqishëm i Kosovës si dhe ka treguar mirëkuptim të plotë për sundim të ligjit në tërë territorin e Republikës së Kosovës.

“Në sytë e Francës, integriteti territorial i Republikës së Kosovës është i panegociueshëm”, ka shtuar Juppé.

Ministri Juppé po ashtu ka thënë se Republika e Kosovës ka të ardhme evropiane dhe ai personalisht është i angazhuar në marrjen e udhërrëfyesit për liberalizimin e vizave për kosovarët si dhe në vendosjen e marrëdhënieve kontraktuale me Bashkimin Evropian.

Ministri Hoxhaj gjatë qëndrimit në Francë, do të ketë takime me shumë personalitete tjera të jetës politike, publike dhe diplomatë të shteteve që ende nuk e kanë njohur Republikën e Kosovës.

Une kishe na ka pranu Franca!!!!!!!!!!!!

[Zero Cool]

Çka solli aksioni i EULEX-it?





Konfiskimi një automjeti, i armëve dhe i disa provave, për të cilat nuk u dhanë detaje, është bilanci i aksionit të së enjtes i EULEX-it në veri të vendit. Por, nuk u arrestua askush edhe pse u tha se janë të paktën 6 fletarrestime për personat që dyshohet se janë të përfshirë në vrasjen e policit kosovar, Enver Zymberaj.
Njohësi i çështjeve të sigurisë, Ramadan Qehaja, thotë se aksionet e EULEX-it po zbulohen para kohe.

“Konfidencialiteti i detyrave dhe veprimeve që do të kryen në atë pjesë të territorit në luftimin e strukturave ilegale serbe gjithnjë po thyhet”, thotë Qehaja në një deklaratë për “Radion Evropa e Lirë”.

Kjo, sipas Qehajës, mundëson ikjen e të dyshuarve, rrjedhimisht zvarritë çuarjen e drejtësisë në vend.

“Në bazë të informacioneve që i kam, shihet dhe mund të konkludohet se një numër i madh i njerëzve njoftohen për aksionin që do të ndërmerret”.

Por, ndryshe shihet aksioni nga analisti politik Belul Beqaj. Veprimin e fundit të EULEX-it ai e sheh më shumë si një lloj paralajmërimi për strukturat paralele.

“EULEX-i dhe KFOR-i kanë ndërmarrë masa që mos të përsëritet skenari që e kemi parë. A do të jenë të mjaftueshme apo jo, do të tregojë koha”, thotë Beqaj.

Me dy shtator pritet të rinisë raundi i ardhshëm i bisedimeve me Serbinë. Beqaj sheh një ndërlidhje në mes të dialogut dhe bastisjeve të EULEX-it.

“Aksioni i kryer dje është një paralajmërim për strukturat paralele që pas një marrëveshjeje të brishtë që do të arrijnë përfaqësuesit zyrtarë, në dialogun mes Serbisë dhe Kosovës, të mos sillen siç janë sjellë në kuadër të masave që i kanë ndërmarrë strukturat paralele më 25 korrik”.

Në aksionin e djeshëm, misioni evropian për sundim të ligjit, i mbështetur nga KFOR-i dhe Policia e Kosovës, ka kryer bastisje në katër shtëpi të serbëve në fshatin Zupç të Zubin Potokut, ku edhe ka konfiskuar disa prova.

Ndryshe, një ditë më parë, zëdhënësja e EULEX-it, Irina Gudeljevic ka thënë se aksione te ngjashme si ai i së enjtes do të kryhen edhe në të ardhmen.

[Zero Cool]

James Berisha i paraburgosur në Eritrea





Ministria e Punëve të Jashtme e Republikës së Kosovës, pas kontakteve me shërbimet diplomatike të shteteve partnere, ka marrë informacionin se piloti shqiptaro-amerikan James Berisha, gjendet aktualisht në Eritrea, në një prej institucioneve të paraburgimit të këtij shteti.
Me këtë rast, Ministri i Punëve të Jashtme i Kosovës, Enver Hoxhaj, ka paraqitur një kërkesë në Ministrinë e Punëve të Jashtme të Gjermanisë, Ministrinë e Punëve të Jashtme të Francës dhe atë të Arabisë Saudite, të cilat kanë relacione të mira me Eritrean, me qëllim që të ndihmojnë në lirimin sa më të shpejtë të z. Berisha nga izolimi.

“Gjithsesi, nga informacionet e deritashme, gjendja shëndetësore e z. Berisha është e mirë dhe se ai po trajtohet në mënyrë korrekte nga ana e autoriteteve në Eritrea”, thuhet në një komunikatë për media të MPJ-së.

Ministria e Punëve të Jashtme e Kosovës është duke punuar intensivisht për lirimin sa më të shpejtë të James Berishës, në mënyrë që ai t’i kthehet familjes, bashkëpunëtorëve dhe misionit të tij shumë të çmuar lobues për njohjen e Kosovës nga vendet që ende nuk e kanë marrë një vendim të tillë.

Piloti James Berisha, ka kontaktuar për herë të fundit me bashkëpunëtorët e tij në kuadër të Misionit “Flying for Kosovo”, ditën e hënë (me 15 gusht) nga Asmara, Eritrea. Sipas pjesëtarëve të ekipit të tij, plani i Berishës ka qenë që të takohet me zyrtarët e Ministrisë së Punëve të Jashtme në Eritrea dhe të mërkurën, me datë 17 gusht të kthehet në Sudan.

[Zero Cool]

Rugovasit do të protestojnë për vijën kufitare






Banorët e fshatrave të Rugovës nga komuna e Pejës janë të shqetësuar për lëvizjen e vijës kufitare nga Mali i Zi pothuaj në tërë vijën kufitare me Kosovën.
Kohëve te fundit, në prag të hapjes se pikës kufitare me Malin e Zi, në vendin e quajtur Çakorr, qeveria malazeze e ka shtruar rrugën kryesore rreth 5 kilometra brenda territorit Kosovës.

“Për të gjitha këto dhe duke e parë se Qeveria e Kosovës nuk po ndërmerr asgjë për demarkacionin e kufirit me Malin e Zi, si dhe duke mos dashur të lejojë të përsëritet edhe një Debëllde tjetër, komuniteti rugovas ka vendosur të mbajë një protestë në fshatin Kuqishtë, më 3 shtator, në orën 11:00”, thuhet në një njoftim për publik të përfaqësuesve të kësaj ane të Kosovës.

[Zero Cool]

Serbia pranoi vulat doganore të Kosovës







Në takimin që ende po vazhdon në Bruksel mes Prishtinës dhe Beogradit, delegacioni serb ka pranuar vulat doganore të Kosovës, thonë burime të gazetës “Express”. Në vulat doganore të Kosovës shkruan vetëm “Dogana e Kosovës” pa kurrfarë simboli shtetëror - ashtu siç kanë qenë dhe kanë thënë edhe shumica e shteteve në botë.
Përveç vulave, në agjendën e takimit të sotshëm janë edhe kadastri, telekomi, energjia, diplomat universitare si dhe përfaqësimi i Kosovës në takimet dhe forumet ndërkombëtare.

Para nisjes së këtij raundi, shefja e delegacionit të Kosovës në bisedime, Edita Tahiri, ka thënë se “ne kemi dëshmuar se duam një qasje konstruktive për të kontribuuar në paqen dhe stabilitetin e rajonit”.

Homologu i saj, shefi i delegacionit të Serbisë në bisedime, Borko Stefanovic, ka folur haptazi për rezultatet që ai pret të arrihen.
“Shpresojmë se pas një dite të gjatë diskutimesh, do të kemi disa rezultate konkrete, posaçërisht lidhur me vulat doganore dhe kadastrat".

Zyrtarët e BE-së kanë thënë se është mirë për të dyja palët të arrihen “sa më shumë marrëveshje, në prag të raporteve të progresit të Komisionit Evropian”. Kjo posaçërisht vlen për Serbinë, e cila këtë vit synon të fitojë statusin e kandidatit për anëtarësim në Bashkimin Evropian.

[Zero Cool]

Për EULEX-in, SHIK-u organizatë kriminale







Prokurorët e EULEX-it, Shërbimin Informativ të Kosovës e shohin si një organizatë kriminale që financohej nga pastrimi i parave, trafikimi me drogë e armë. Këtë bindje e kanë demonstruar gjatë intervistimit të dëshmitarëve e të dyshuarve për përfshirje në veprime të paligjshme.
Prokurori special Erwin Petilos beson se ky shërbim sekret që ka vepruar në Kosovë për një dekadë është përfshirë edhe në vrasjen e zyrtarëve të Lidhjes Demokratike të Kosovës.

Deputeti Syla është përgjigjur me mohim, derisa prokurori ndërkombëtar e ka pyetur sërish atë se “a ka qenë SHIK-u ndërmarrje kriminale për të pastruar para nga aktivitetet e krimit të organizuar”?

“Është punë e juaja t’i bëni këto pyetje, por jo dhe jo”, është përgjigjur Azem Syla prokurorit gjatë intervistës, një kopje të së cilës e ka siguruar “Koha Ditore”.

Deputeti i Kuvendit të Kosovës është marrë në pyetje në Prokurorinë Speciale të Kosovës, pas akuzave që kishte hedhur kundër tij Nazim Bllaca, i cili pretendon se ka qenë agjent i SHIK-ut dhe se ka kryer krime me urdhër të Azem Sylës.

Ky i dyshuar i ka mohuar të gjitha këto akuza. Ai ka thënë se nuk e njeh fare Nazim Bllacën, por ka pranuar se njihet me disa prej njerëzve të cilët nuk e kanë mohuar njohjen me Bllacën dhe bashkëpunimin me të në fushën e biznesit. Për Shpresim Ukën ka thënë se e ka të martuar mbesën e tij; me hallën e Fahredin Gashit ka thënë se ka qenë në burg; derisa Shaban Sylën ka pohuar se e ka familjar.

Ndonëse ka mohuar lidhjet me këtë organizatë që është cilësuar si nëntoka e PDK-së së kryeministrit Hashim Thaçi, prokurori i ka bërë shumë pyetje në lidhje me përfshirjen e tij në të. Syla ka thënë se i ka njohur njerëzit e SHIK-ut që nga lufta. Kadri Veselin ka thënë se e njeh që nga koha kur kishte dalë nga burgu për herë të dytë, në vitet 1992-1993.

Deputeti Syla nuk e ka përjashtuar mundësinë që SHIK-u të ketë mbledhur informacione për partitë opozitare dhe për bashkëpunëtorët, mirëpo për këtë ka thënë se nuk ka informacion.

Ish-ministri i Mbrojtjes në Qeverinë e Përkohshme ka thënë se megjithëse në Rambuje ishte marrë vendimi për krijimin e kësaj qeverie, ndërkombëtarët nuk e njihnin atë, por qeverinë në ekzil të Bujar Bukoshit. Të dy këto qeveri sipas tij po punonin në atë kohë për ta çuar vendin drejt zgjedhjeve të parakohshme.

Lidhur me bashkëpunëtorët e regjimit të Serbisë ai ka thënë se nuk ka asgjë personale me ta. Bile as me ata që e kishin torturuar në burgjet serbe. Mirëpo, prokurori i ka rikujtuar atij një deklaratë të 4 prillit të vitit 2001 që sipas tij Shtabi qendror i UÇK-së gjithmonë ishte cak i Serbisë dhe i sulmeve të LDK-së. Sipas prokurorit pas kësaj deklarate shumë njerëz të kësaj partie i ishin nënshtruar dhunës.

“Nuk më kujtohet ta kem bërë këtë deklaratë”, ka thënë Syla, transmeton “Koha Ditore”.

Prokurori e ka pyetur se a ka qenë në interes të PDK-së të vriteshin anëtarët e LDK-së. Syla e ka kundërshtuar këtë pyetje. Ai ka shtuar se ka punuar si mësues për 12-13 vjet dhe se është nonsens që një mësues t’i gëzohet çfarëdo viktime.

Syla ka mohuar se ka informacione për mënyrën e financimit të SHIK-ut dhe se njihet me Driton Hajdarin. Mirëpo prokurori i ka treguar një fotografi të Hajdarit në dasmën e djalit të tij. Syla ka thënë se nuk e mban mend.

Prokurori e ka pyetur se a e ka njohur Ibush Kllokoqin, vrasjen e të cilit në vitin 1999 e ka marrë përsipër Nazim Bllaca. Syla për të ka thënë se e ka dëgjuar vetëm si emër që punonte në shërbimet e Jugosllavisë.

[Zero Cool]

Dacic: Politikanët serbë po tregojnë përralla







Zëvendëskryeministri dhe ministri i punëve të Brendshme të Serbisë, Ivica Dacic, ka thënë se parulla “Serbia kurrë nuk e pranon Kosovën” është formulim bosh.
“Nuk do ta pranojmë, por do të pranojmë gjithçka tjetër”, ka thënë Dacic.

Ai ka shtuar se Evropa është e “pasinqertë kur thotë se nuk do ta detyrojë Serbinë ta njoh pavarësinë e Kosovës, ndërsa politikanët e Serbisë bëhen naiv, ndaj do t’i pyesja nëse mendojnë se populli është budalla”!

“Presidenti i Partisë Përparimtare serbe, Tomislav Nikolic, dje ka thënë se BE nuk do ta kushtëzojë Serbinë me pranimin e pavarësisë së Kosovës për shkak të fitimit të statusit të kandidatit. Natyrisht se jo, por do të kërkojnë t’i heqim institucionet tona në veriun e Kosovës, t’i pranojmë kalimet doganore si kufitare, etj. Çka është kjo?”, thotë Dacic, transmeton “Vesti-Online”.

Ai ka ftuar politikanët që qytetarëve të mos u tregojnë përralla por të vërtetën.

“Serbët në Kosovë nuk e pranojnë shtetin e Kosovës dhe pikë”, ka thënë ai.

“Pse duhet t’i detyrojmë për këtë. Hajt më mirë të themi kështu: njerëzi, ngrini duar, ejani krejt në Serbi dhe pikë, e jo t’u tregojmë përralla. A po mendon dikush se njerëzit janë naiv”.

[Neferta]

Kriminelet e veriut ye Kosoves
Mitrovicë – I konvertuar nga feja myslimane në atë ortodokse (me përkatësi kombëtare boshnjake), Filip Sinxhiq është një tjetër protagonist i krimit të organizuar në veri, që figuron në dosjen konfidenciale të NATO-s.
Me nivel shumë të ulët intelektual, kurse përkah karakteri, person që jeton në margjina të shoqërisë, Sinxhiq përshkruhet si mjaft i rrezikshëm, dhe i përfshirë në shumë vepra kriminale në veri të Kosovës. Me vendbanim në Mitrovicë, ai u ka shërbyer në vazhdimësi të gjitha aktiviteteve në kuadër të zhvillimeve destabilizuese të pasluftës, në veri të Mitrovicës. Dosja e NATO-s e përshkruan atë si ndihmës dhe përcjellës të liderëve politikë serbë në tubime të ndryshme në veri të Kosovës.

Janë të njohura veprimtaritë e tij të kundërligjshme dhe në funksion të nacionalizmit serb, në janar e shkurt të vitit 2001. Gjatë festimeve të Krishtlindjes Ortodokse, ai iu ka prirë karvaneve të ekstazës nacionaliste serbe, shkruan në dokumentin e NATO-s.
Pikërisht për shkak të kësaj veprimtarie, Filip Sinxhiq, është survejuar në vazhdmësi nga forcat e KFOR-it dhe CIVPOL-i, një kohë të gjatë. Më 26 shkurt të vitit 2001 ai ka udhëhequr një manifestim të shoqëruar me dhunë e fustrime të serbëve të veriut, kundër prezencës së KFOR-it në Kosovë.
Një lidhje të mirë e ka pasur në vazhdimësi me të ashtuquajturin “ekstremisti i qetë” në këtë dosje të NATO-s, Vladimir Rakiqin.

[Guri i madh]

Postimi origjinal është bërë nga Neferta

Kriminelet e veriut ye Kosoves
Mitrovicë – I konvertuar nga feja myslimane në atë ortodokse (me përkatësi kombëtare boshnjake), Filip Sinxhiq është një tjetër protagonist i krimit të organizuar në veri, që figuron në dosjen konfidenciale të NATO-s.
Me nivel shumë të ulët intelektual, kurse përkah karakteri, person që jeton në margjina të shoqërisë, Sinxhiq përshkruhet si mjaft i rrezikshëm, dhe i përfshirë në shumë vepra kriminale në veri të Kosovës. Me vendbanim në Mitrovicë, ai u ka shërbyer në vazhdimësi të gjitha aktiviteteve në kuadër të zhvillimeve destabilizuese të pasluftës, në veri të Mitrovicës. Dosja e NATO-s e përshkruan atë si ndihmës dhe përcjellës të liderëve politikë serbë në tubime të ndryshme në veri të Kosovës.

Janë të njohura veprimtaritë e tij të kundërligjshme dhe në funksion të nacionalizmit serb, në janar e shkurt të vitit 2001. Gjatë festimeve të Krishtlindjes Ortodokse, ai iu ka prirë karvaneve të ekstazës nacionaliste serbe, shkruan në dokumentin e NATO-s.
Pikërisht për shkak të kësaj veprimtarie, Filip Sinxhiq, është survejuar në vazhdmësi nga forcat e KFOR-it dhe CIVPOL-i, një kohë të gjatë. Më 26 shkurt të vitit 2001 ai ka udhëhequr një manifestim të shoqëruar me dhunë e fustrime të serbëve të veriut, kundër prezencës së KFOR-it në Kosovë.
Një lidhje të mirë e ka pasur në vazhdimësi me të ashtuquajturin “ekstremisti i qetë” në këtë dosje të NATO-s, Vladimir Rakiqin.

po thojn ish kan musliman boshnjak e i kthye ish bae shka

[Fshatari]

Postimi origjinal është bërë nga Domira

Une kishe na ka pranu Franca!!!!!!!!!!!!

Franca na ka "pranue" neve kurse i ka pranue strukturat kriminale serbe ne veriun e shtetit te Kosoves.E.hoxhes as mendja nuk i shkon qe juppé i mbeshtet edhe kriminelet serbe te veriut dhe e injoron thellesisht shumicen dermuese shqiptare te Kosoves.Mu per kete aresye (dmth qe eshte injorant kaq i madhe...) , hoxha do te largohet nga qeveria; i mbetet nje vend vakant diku ne ndonje xhami( hoxh ma); aty e ka vendin ky e jo ne parizth!