A egziston dhe si,...ajo që ne e quajm "Fat"???

[falma_lotin]

Nëse e vështrojmë jetën tonë personale dhe të shohim ç'mbeti nga planet tona më të dashura, ose nga ëndërrimet fëmijërore!!
A nuk erdhëm në jetë pa vullnetin tonë dhe u ndeshëm me vetvetën me tëre natyrën tonë!!
Me intelektin më të madh apo më të vogël, me dukjen që mund të jetë simpatike apo antipatike, që mund t'i ngjaje një njeriu shkurtabiq apo atletë,... në vendin e një mbreti apo të ndonjë njeriu të vobektë, në kohë të shqetësuar apo të qetë, gjatë sundimit të një tirani ose të një princi të virtytshem dhe në pergjithesi ne rrethanat politike, gjeografike e shoqërore për të cilat s'na pyeti askush?

Sa e kufizuar ështe ai, që ne e quajm vullneti ynë,... nderkaq, sa e madhe dhe e paperfshirëshme ështe ajo, që ne e quajm fati ynë!

Pra a egziston " Fati "qe ne quajm ashtu,... Apo çdo gjë në jetë ka të bëj me vetvetën tonë se si ne vet e organizojmë jetën tonë?

[hasanmehmeti]

selamualejkum musliman


falma_lotin ndoshta do me lejosh qe kete teme ta trajtoj ne kendveshtrimin e fese Islame .Nese me keni lejuar ateher nje sqarim te disa pyetjeve te tilla ka bere nje dijetare ne fene Islame me shkrimin e meposhtem.Ndersa nese keni qellim ta trajtoni kete teme jashte aspektit fetar me fal qe kame postuar pa vend.


Pyetja:
A ka njeriu mundësinë e zgjedhjes apo është duke pasuar një drejtim të parapërcaktuar nga All-llahu (Subhanehu ve Teala)?.
Përgjigje:
Falënderimi i takon All-llahut (Subhanehu ve Teala)
Sheikh Ibn ´Uthejminit i është parashtruar kjo pyetje dhe ai ka thënë:

Pyetësi duhet të pyes vetveten se, a e ka detyruar ndokush që t´a parashtrojë këtë pyetje dhe a e zgjedh ai modelin e veturës të cilën e nget? Siedhe pyetje tjera të ngjashme. Pas kësaj, përgjigja rreth asaj se, a është ai duke pasuar një drejtim të parapërcaktuar nga All-llahu apo ka lirinë e të zgjedhurit, do t´i bëhet më se e qartë. Pastaj, ai duhet të pyes veten se, a i ndodhin atij aksidente sipas vullnetit të tij? Apo, a sëmuret ai nga vet dëshira e tij? Apo, a do të vdes ai nga vet dëshira e tij?
Siedhe pyetje tjera, të ngjashme. Pas kësaj, përgjigja rreth asaj se, a është ai duke pasuar një drejtim të parapërcaktuar nga All-llahu apo ka lirinë e të zgjedhurit, do t´i bëhet më se e qartë.
Përgjigja është se, veprat e bëra nga njeriu i mençur, padyshim se janë nga vet vullneti i tij i lirë. Dëgjo Fjalët e All-llahut:

"... e kush dëshiron le të kthehet rrugës te Zoti i vet."

[En Nebe´, 39]

"...Pati prej jush që e deshën këtë jetë e pati prej jush që e deshtën botën tjetër..."

[Al Imran, 152]

" E kush e ka për qëllim botën tjetër, duke qenë ai besimtarë, përpiqet për të ashtu si i tako asaj, angazhimi i tyre do të jetë i pranishëm (te Zoti)."

[El Isra´, 19]

"...kompensim është: agjërim, sadaka ose kurban."

[El Bekareh, 196]

Por, nëse njeriu dëshiron të kryej një vepër dhe e kryen atë, ne kemi të ditur se All-llahu e ka dëshiruar këtë. All-llahu thotë:

" Për atë nga mesi juaj që dëshiron të gjendet në të vërtetën. Po ju nuk mundeni, por vetëm nëse dëshiron All-llahu, Zoti i botëve!"
[Et Tekvir, 28-29]

Sepse, Zotërimi - Gjithësundimi i Tij (Rububijeh) është absolut dhe i përkryer, asgjë nuk mund të ndodh në qiej dhe në tokë pa Vullnetin e Tij.
Sa u përket gjërave apo punëve, të cilat i ndodhin njeriut pa i dëshiruar apo zgjedhur ato, sikurse janë sëmundja, vdekja dhe fatkeqësitë, këto janë Vullnet Hyjnor (el Kader) dhe njeriu nuk ka alternativë apo vullnet ndaj tyre.
Dhe All-llahu është Burim i Fuqisë

Mexhmu´ Fetaawa el-Sheikh Ibn ´Uthejmin, vëll.2


selamualejkum musliman


me respekt
Hasani

ps/tema eshte shume e gjate ne Islame , mirpo vetem ne pergjithesi ka qene kjo pasi njera nder shtyllat e besimit ne islam eshte edhe Kadaja dhe Kaderi.

[Albanian eX|PerT]

Te falenderoj i nderuar per keto fetua,...!!!

[valiii]

Postimi origjinal është bërë nga falma_lotin

Nëse e vështrojmë jetën tonë personale dhe të shohim ç'mbeti nga planet tona më të dashura, ose nga ëndërrimet fëmijërore!!
A nuk erdhëm në jetë pa vullnetin tonë dhe u ndeshëm me vetvetën me tëre natyrën tonë!!
Me intelektin më të madh apo më të vogël, me dukjen që mund të jetë simpatike apo antipatike, që mund t'i ngjaje një njeriu shkurtabiq apo atletë,... në vendin e një mbreti apo të ndonjë njeriu të vobektë, në kohë të shqetësuar apo të qetë, gjatë sundimit të një tirani ose të një princi të virtytshem dhe në pergjithesi ne rrethanat politike, gjeografike e shoqërore për të cilat s'na pyeti askush?

Sa e kufizuar ështe ai, që ne e quajm vullneti ynë,... nderkaq, sa e madhe dhe e paperfshirëshme ështe ajo, që ne e quajm fati ynë!

Pra a egziston " Fati "qe ne quajm ashtu,... Apo çdo gjë në jetë ka të bëj me vetvetën tonë se si ne vet e organizojmë jetën tonë?

pershendetje

loti te pergezoj per temen

siq e dime ardhja ne kete jete,gjinia,kombsia,familja,raca etc... te gjitha keto hyne ne ligjin kosmologjik te Plotfuqishmit ,Kriuesit te madherishem , pra eshte kader(percaktimi i All-llahut) apo fat siq e quani ju.
pra percaktimi i All-llahut s.v.t perfshin te gjitha ai eshte i Gjithedijshmi.
kurse vullneti i njeriut limitohet vetem ne dy gjera per ato vepra qe ke mu shperbly ose per ato vepra qe ke mu denu .pra e lejuar dhe e ndaluar(hallall dhe haram).

psh; nese ti e mer nje bire dhe e pin kte e ke bere me vullnetin tend te plote dhe ska te beje me percaktim dhe patjeter se do te denohesh,ose ti nese je duke e drejtur automjetin tend ,ti ate je duke e drejtuar ne nje ruge te projektuar nga inzhinieret , pra me vullnetin tend e drejton automjetin ne rrugen qe inzhinieret e kane projektuar me vullnetin e tyre.

kalo bukur



valiii

[valiii]

hasan mehmeti te flmderoj edhe une per kete fetva por nuk e pava shkrimin tend se paksa ngeca ne rubriken "pergjigju temes" se sigurishte qe zdo i ja prishja fjaleve te dijetarit me te dashur uthejminit.

[hasanmehmeti]

selamualejkum musliman

Albanian dhe Valiii vellezer Allahu ju shperblefte me Xhenetul Firdeus dhe Falenderimi i takon vetem Allahut subhanehu we teAla ,Krijuesit te Qiejve dhe Tokes dhe qka ka brenda tyre ,Percaktuesit te Gjendjes sone, Ai qe Shef qdo gje , Degjon gjdo gje, Jep pa mase, Meshiron ne cdo Moment, Jep jetra dhe Merr ato , dhe kthimi i vertet eshte tek Ai ,qe na krijoj ne menyren me te Mire te mundshme dhe akzeptueshme dhe qe na beri prej Pasuesve te Fjales se Tij (Kuranit) dhe Pejgamberit alejhiselam ,na beri te dime per Dhuntin e Tij(fene) dhe na beri prej falenderuesve .



Pastaj desha edhe me te sqarojm kete pyetje tuajen permes disa argumenteve nga Kurani , Suneti(tradita e Pejgamberit alejhiselam) dhe sqarimeve nga shejkh Ebu Beker el Xhezairi ne librin e tij Mihexhul Muslim
Pastaj shkran ky dijetar i madhe i fese Islame Allahu e meshirofte me meshiren e Tij te madhe:

Muslimani beson në paracaktimin e Allahut dhe përmbushjen e atij paracaktimi, në Urtësinë dhe Dëshirën e Tij, dhe se asgjë në gjithësi, madje as veprat e lira të njeriut nuk ndodhin veçse pas Dijes gjithëpërfshirëse të Allahut dhe paracaktimit të Tij. Muslimani beson se Allahu i Madhëruar është i Drejtë në Paracaktimin e Tij dhe në përmbushjen e atij paracaktimi, i Urtë në komandimin dhe sistemimin e Tij dhe se Urtësia e Tij ndjek Dëshirën e Tij. Ajo që Ai ka dashur, ka ekzistuar dhe ajo që ai nuk ka dashur, nuk ekziston. Nuk ka ndryshim e as fuqi veçse me Allahun e Madhëruar.
Këto bazohen në argumentet nga tekstet Hyjnore dhe nga logjika e shëndoshë, si në vijim:

Argumentet nga tekstet Hyjnore:

1. Njoftimi i Allahut të Madhëruar për këto, në Librin e Tij. Allahu i Madhëruar thotë: “Me të vërtetë që Ne e kemi krijuar çdo gjë me Kader (Paracaktimi Hyjnor).” [El Kamer: 49]
“Dhe s’ka asgjë që Ne të mos i kemi për të thesaret e pashtershëm dhe Ne nuk e dërgojmë atë veçse në masë të drejtë e të ditur (nga Ne).” [El Hixhr: 21]
“Asnjë fatkeqësi nuk bie në tokë ose mbi ju që të mos jetë e shkruar në Librin (El leuhu el Mahfudh), para se Ne ta sjellim atë në zbatim. Sigurisht që kjo është e lehtë për Allahun.” [El hadid: 22]
“Asnjë fatkeqësi nuk mund të bierë veçse me Lejen e Allahut.” [Et Tegabun: 11]
“Dhe çdo njeriu, Ne ja kemi lidhur veprat e tij fortë pas qafës së tij…” [El Isra: 13]
“Thuaj: “Kurrë nuk do të na ndodh gjë neve, përveç asaj që Allahu ka përcaktuar për ne. Ai është Ndihmuesi ynë dhe tek Allahu të mbështeten plotësisht besimtarët.” [Et Teube: 51]
“Dhe vetëm tek Ai janë çelësat e të fshehtës, askush nuk i di përveç Atij. Ai di gjithçka në tokë e në det; nuk ka asnjë grimcë në errësirën e tokës, asgjë të njomë ose të thatë që të mos jetë shkruar në Libër të qartë (El leuhu el Mahfudh).” [El Enam: 59]
“E ju nuk mund të dëshironi, vetëm nëse dëshiron Allahu.” [Et Tekvir: 29]
“Padyshim se ata për të cilët ka paraprirë mirësia nga Ne, do të jenë të larguar larg prej andej (nga xhehenemi).” [El Enbija: 101]
“Do të ishte më mirë për ty, që kur hyre në kopështin tënd, të thoshe: “Masha Allahu la kuvete il la bilah”. Ajo që dëshiron Allahu bëhet dhe nuk ka fuqi veçse me Allahun.” [El Kehf: 39]
“Kurrë nuk do të ishim udhëzuar, sikur të mos na kishte udhëzuar Allahu.” [El Araf: 43]

2. Njoftimi i të Dërguarit të Allahut (Paqja dhe bekimet e Allahut qofshin mbi të!) për Paracaktimin e Allahut dhe përmbushjen e tij, në shumë hadithe. Prej tyre po përmendim fjalën e tij (Paqja dhe bekimet e Allahut qofshin mbi të!): “Gjithkush nga ju fillon të krijohet në barkun e nënës së tij duke u mbledhur në të për dyzet ditë si lëng i ngjizur (nga bashkimi i vezëve mashkullore me ato femërore), pastaj bëhet gjak i mpiksur po për kaq kohë (dyzet ditë), pastaj bëhet copë mishi për të njëjtën kohë. Pastaj tek ai dërgohet një melek (engjëll) i cili fryn shpirtin në të dhe urdhërohet të shkruajë katër gjëra: rrizkun e tij, exhelin (kohën e vdekjes) së tij, punën e tij dhe nëse do të jetë fatkeq apo fatmirë. Betohem në Atë, përveç të Cilit nuk ka të adhuruar tjetër! Ndokush prej jush do të punojë punë të banorëve të xhenetit, deri sa të mos jetë ndërmjet tij dhe tij veçse një parakrah, por atij i paraprin Libri (i shkruar që më parë tek Allahu) dhe ai punon punë të banorëve të zjarrit, kështu që hyn në të. Dhe vërtet që ndokush prej jush do të punojë punë të banorëve të zjarrit, deri sa të mos jetë ndërmjet tij dhe tij veçse një parakrah, por atij i paraprin Libri dhe ai vepron punë të banorëve të xhenetit, dhe hyn në të.”Po kështu fjala e tij (Paqja dhe bekimet e Allahut qofshin mbi të!) drejtuar Ibën Abasit (Allahu qoftë i kënaqur me të!): “O djalosh! Unë do të të mësoj ty disa fjalë: Ruaje Allahun që të të ruajë ty! Ruaje Allahun dhe ke për ta gjetur përpara (në ndihmën tënde). Kur të kërkosh, kërko nga Allahu dhe kur të kërkosh ndihmë, kërkoje nga Allahu. Dhe dije se sikur i gjithë populli të bashkohet që të të sjellin ndonjë dobi, ata nuk kanë për të të bërë dobi veçse me atë që Allahu e ka shkruar për ty. E nëse do të bashkoheshin që të të dëmtonin me ndonjë gjë, ata nuk do të mund të të dëmtonin veçse me atë që Allahu e ka shkruar kundër teje. Lapsat tashmë janë ngritur dhe letrat janë tharë.”
“Gjëja e parë që Allahu ka krijuar është lapsi. Pastaj Ai i tha atij: "Shkruaj!" "Cfarë të shkruaj, o Zot?" -tha lapsi. "Shruaj përcaktimet e çdo gjëje deri sa të bëhet Kiameti.”
“Ademi dhe Musa po polemizonin. Musa tha: “O Adem! Ti je babai ynë dhe ti na zmbrapse e na nxorre nga xheneti.” Ademi tha: “Ti je Musai, të cilin Allahu e ka veçuar me të Folurin e Tij dhe i ka shkruar Teuratin me Dorën e Tij, a po më kritikon për një gjë të cilën Allahu e ka paracaktuar për mua, dyzet vjet para se të më krijonte?!” Kështu, Ademi fitoi mbi Musën, në polemikë.”
Po kështu edhe fjala e tij (Paqja dhe bekimet e Allahut qofshin mbi të!) në përkufizimin e imanit (besimit): “(Imani është) Të besosh në Allahun, në engjëjt e Tij, në Librat e Tij, në të Dërguarit e Tij, në Ditën e Fundit dhe të besosh në Paracaktimin e Allahut, qoftë për të mirë apo për të keq.”
“Punoni, sepse gjithësecilit i lehtësohet ajo për të cilën është krijuar.”
“Zotimi nuk e kthen paracaktimin.”
Po kështu edhe fjala e tij (Paqja dhe bekimet e Allahut qofshin mbi të!) drejtuar Abdullah ibën Kajsit: “O Abdullah ibën Kajs! A të të mësoj një fjalë e cila është prej thesarëve të xhenetit? (Ajo është): “La haule ue la kuvete il la bilah -Nuk ka ndryshim e fuqi veçse me Allahun”
Po kështu edhe fjala e tij (Paqja dhe bekimet e Allahut qofshin mbi të!) drejtuar atij që tha: “Cfarë të dojë Allahu dhe çfarë të duash ti”: “Thuaj: “Cfarë të dojë Allahu, vetëm Ai.”

3. Besimi i qindra milionëve nga populli i Muhamedit (Paqja dhe bekimet e Allahut qofshin mbi të!), prej dijetarëve, të urtëve, të mirëve etj, në Paracaktimin e Allahut të Lartëmadhëruar dhe në përmbushjen e atij paracaktimi, në Urtësinë e Allahut dhe në Vullnetin e Tij, dhe se çdo gjë paraprihet nga dija dhe paracaktimi i Tij i hershëm. Besimi i tyre se në sundimin e Tij nuk mund të hyjë veçse ajo që Ai dëshiron (që ta krijojë e pastaj të ekzistojë), dhe se ajo që Ai ka dashur, është bërë, ndërsa ajo që Ai nuk ka dashur, nuk ka ekzistuar kurrë. Si dhe besimi i tyre se lapsi ka shkruar çdo gjë që do të ndodhë deri në Ditën e Kiametit. Të gjitha këto janë argument i qartë për vërtetësinë e Paracaktimit të Allahut dhe përmbushjen e atij paracaktimi.

Argumentet nga logjika e shëndoshë:

1. Mendja e njeriut nuk konsideron absurde asgjë në lidhje me paracaktimin e Allahut dhe përmbushjen e tij, as Vullnetin e Allahut, Urtësinë e Tij, Dëshirën dhe komandimin e Tij. Madje logjika e konsideron të domosdoshme të gjithë këtë dhe e vulos atë, pasi që dukuria e tyre është mëse e qartë dhe e dukshme në këtë gjithësi.

2. Besimi në Allahun e Madhëruar dhe në Fuqinë e Tij absolute, rezulton në besimin në paracaktimin dhe përmbushjen e tij, në Urtësinë dhe Vullnetin e Tij.

3. Përderisa inxhinjeri i ndërtimit e hedh projektin e ndërtesës që kërkon të ndërtojë, në një letër të vogël dhe përcakton kohën që do të duhet për ta përmbushur atë plan, pastaj punon për zbatimin e tij. Pastaj, menjëherë me mbarimin e afatit të përcaktuar, kështjella e vizatuar në letër, del dhe shfaqet në ekzistencë, në përputhje me vizatimin e inxhinjerit në letër, pa lënë mangut asgjë dhe pa shtuar në të. Atëherë si mund të mohohet që Allahu t’i ketë shkruar përcaktimet e të gjithë ekzistencës deri në Ditën e Kiametit?! Dhe më pas, nga Fuqia dhe Dija e Tij absolute, këto përcaktime realizohen në përputhje me atë që Allahu ka paracaktuar, në sasi e cilësi, në kohë e në vend, duke ditur se Allahu i Madhëruar është i Gjithëfuqishëm për gjithçka?!


Shkëputur nga libri “Minhaxhu el Muslim”
Autor: Ebu Bekër Xhabir el Xhezairi
Përktheu: Bledar Hoxha

te shpresojm se sado pak ju falma_lotin dhe te gjithe ata qe e ne veten e tyre ndiejn shijen e kesaj feje por edhe te atyre qe nuk i perkasin kesaj feje , iu eshte sqaruar ne nje mas kjo qeshtje.

Ndersa Lutja jone e fundit eshte :
Falenderimi dhe i tere Sukesi i takon Allahut subhanehu we teAla.

selamualejkum musliman