Lajme aktuale nga vendi !

[Guri i madh]

E premte
8 shkurt 2013

Fitim R.: Falsifikimin e SMS-ve e urdhëroi prokurori



Ish-polici kosovar, Fitim R., i cili dyshohet se “ka gisht” në falsifikimin e mesazheve telefonike mbi bazën e të cilave Prokuroria Speciale ka ngritur aktakuzë ndaj nënkryetarit të parë të Partisë Demokratike të Kosovës, Fatmir Limaj, ka zbardhur detaje të reja në lidhje me këtë rast.
Siç raporton gazeta Epoka e Re, ai të enjten ka qëndruar në redaksinë e kësaj gazete ku ka qarë në prani të babait të tij, i cili është prokuror special, ndërsa ka thënë se ndjenë keqardhje që për shkak të veprimit të tij po i përmendet babai në medie.
Ai thotë se vetë nuk i ka falsifikuar mesazhet telefonike, mbi bazën e të cilave po akuzohet Limaj, por sipas tij, këtë e ka urdhëruar një prokuror vendor me inicialet O.M.
“Falsifikimin thotë se nuk e ka bërë në rrugë as në zyre, dhe thotë se nuk e di kush e ka bërë”, shkruan Epoka e Re.
Fitim R. sipas kësaj gazete nga e ka pranuar se ka të bëjë diçka me këto mesazhe, por thotë se vetëm e ka bartur fleshin (USB) me formatin e fajllit PDF nga Posta në Policinë e Kosovës me urdhër të prokurorit shqiptar në vitin 2009.
Për këtë çështje dy javë më parë ka raportuar “Zëri”, e cila ka treguar në detaje për falsifikimin e mesazheve telefonike, të cilat, Prokuroria pretendon se janë shkruar nga ish-shefi i Kabinetit të ish-ministrit Limaj, Endrit Shala, i cili, sipas mesazheve të falsifikuara ka komunikuar me njërin prej operatorëve ekonomik, Florim Zuka, i cili drejton kompaninë “Tali Compani”, të cilit i ka kërkuar mito për t’ia dhënë tenderët për asfaltimin e rrugëve.
Letra me mesazhet e falsifikuara nga Prokuroria kishte arritur në Zyrën e Kryeministrit të Kosovës, Hashim Thaçi, i cili ia kishte dhënë Limajt, ndërsa EULEX-i e kishte marrë atë në shtëpinë e Limajt kur e kishte bastisur atë.
Për këtë letër me mesazhe të falsifikuar prokurori ndërkombëtar e ka intervistuar edhe vetë kryeministrin, i cili, siç ka raportuar “Zëri”, nuk ka treguar se nga i ka ardhur kjo letër.
Më poshtë është teksti i plotë, i cili është botuar me 24 janar në “Zëri”:

Limaj akuzohet me SMS të falsifikuar!
Mesazhet telefonike mbi bazën e të cilëve është ngritur aktakuza ndaj ish-ministrit të Transporteve, Fatmir Limaj, në rastin e Ministrisë së Transportit, janë të falsifikuara “fund e krye”. Pothuajse e tërë aktakuza ndaj nënkryetarit të Partisë Demokratike të Kosovës, Fatmir Limajt, është ngritur duke u bazuar në disa mesazhe telefonike, që EULEX-i pretendon se janë shkëmbyer mes ish-shefit të Kabinetit të Limajt, Endrit Shala, dhe kompanisë ndërtimore “Tali”.
Gazeta “Zëri” ka siguruar aktakuzën e Limajt, ku përveç deklaratave të ndryshme, dyshimeve të Prokurorisë, vend të konsiderueshëm zënë mesazhet telefonike të Shalës me pronarin e kompanisë “Tali”, Florim Zuka. Përveç dosjes së aktakuzës, gazeta ka siguruar edhe historitë e telefonatave dhe mesazheve të Endrit Shalës dhe të Florim Zukës. Të dy këto janë nxjerrë nga PTK-ja dhe të njëjtat ia kanë dorëzuar Prokurorisë së EULEX-it, të cilat dëshmojnë se mesazhet që EULEX-i i pretendon si të vërteta janë të falsifikuara.
Në fakt, mesazhet që posedon EULEX-i, të cilat janë të listuara në një dokument që nuk përmban asnjë dëshmi dhe vulë të ndonjë institucioni, vijnë në kundërshtim të plotë me mesazhet që Endrit Shala dhe Florim Zuka kanë marrë nga PTK-ja.
Mesazhi i parë, i listuar në “dokumentin” e EULEX-it, sipas këtij misioni, është shkëmbyer mes Shalës dhe Zukës, më 15 mars 2009, në orën 15:09, por në historinë e thirrjeve të PTK-së shihet se në këtë kohë nuk ka pasur fare komunikim mes këtyre dy numrave.
Situatë plotësisht e njëjtë është edhe me dymbëdhjetë mesazhe tjera.
“O Endrit shefi, pasnesër çelën senet, çka po ta merr mendja a po mundemi me bë naj sen o shef, e ta kryej obligimin ndaj teje, e ti tani normal ndaj atyre tuve që i ki. Ta jap o shpirt qat 25she me katër xero, kalo mirë e lajmerom”, është mesazhi i tretë, të cilin sipas EULEX-it, Zuka ia ka dërguar Shalës më 23 mars 2009 në orën 10:13.
Por, në të dy historitë e bisedave shihet se asnjëri dhe as tjetri në këtë kohë nuk kanë komunikuar me njëri-tjetrin, dhe se gjatë kësaj kohe që të dy kanë komunikuar me persona të tjerë, përkatësisht, me numra të tjerë të telefonave.
Mospërputhje e tillë ekziston edhe te mesazhet tjera. “O si je Tali kompani, a je mirë, a po lodhesh. Qe edhe unë po pushoj në vikend, ti si je a je mirë, si po të shkojnë punët, të përshëndes e kalo mirë. Tung”, është njëri nga mesazhet që, sipas “dokumentit” të EULEX-it, Endrit Shala ia ka dërguar Florim Zukës më datën 29 mars 2009 në orën 14:02.
Por, sikurse në historinë e telefonatave dhe mesazheve të Shalës, edhe të Zukës, gjatë kësaj kohe, përkatësisht me këtë datë dhe këtë orë nuk ka pasur fare komunikim mes këtyre dy personave.
Megjithatë, nuk janë vetëm trembëdhjetë mesazhet e falsifikuara në “dokumentin” e EULEX-it. Aty vërehet gjithashtu mospërputhje në kohë nga mesazhi në mesazh. Përkatësisht, gjatë radhitjes së mesazheve “hartuesi” i tyre e ka ngatërruar orën. Mesazhi i gjashtë që i takon datës 25 mars 2009 është i shkruar në orën 16:16, ndërsa mesazhi pasues, po ashtu i kësaj date, është i shkruar dy orë më herët, përkatësisht në ora 14:19.
Mesazhet i pa i pari Thaçi
Siç shihet nga aktakuza, “dokumenti” me mesazhet e falsifikuara, para se të bjerë në “dorë” të EULEX-it ka qëndruar paraprakisht te kryeministri i vendit, Hashim Thaçi.
Sipas aktakuzës, Limaj derisa merret në pyetje para Prokurorit të EULEX-it tregon se në vitin 2009 ka shkuar te kryeministri Thaçi, në Kryeministri për të biseduar me të rreth mesazheve të Shalës.
Kryeministri më pas ia ka ofruar Limajt “dokumentin” me mesazhet telefonike, duke ia bërë me dije atij se shefi yt i kabinetit është përshirë në korrupsion. Pas kësaj, siç ka rrëfyer Limaj, është ftuar Shala që të japë dëshmi për çështjen në fjalë.
“Kryeministri ma dha atë (letrën me mesazhe) dhe më tha shikoje këtë. Unë e shikova atë dhe ishte shumë serioze për mua. Unë në të vërtetë isha i alarmuar. Unë e thirra këshilltarin tim (Endrit Shala), i thash shpjego çka ndodhi, ai më tha prit një orë dhe unë do t’i gjej tekstet (mesazhet) e mia se ky është fabrikim. Qëllimi im ishte që të ushtroj padi lidhur me këtë, por nuk kisha ide nëse Endrit Shala e mbante dokumentin apo e kisha unë atë, për këtë arsye ajo u gjet në banesën time (kur është bastisur nga EULEX-i)”, ka deklaruar Limaj në Prokurori, derisa është marrë në pyetje.
Ndërsa, pas një kohë të shkurtër Shala e kishte nxjerrë historinë e telefonatave dhe mesazheve të tij, me të cilën më pas ishte deklaruar e vërteta për mesazhet dhe thirrjet dhe se “dokumenti” që kishte ofruar kryeministri nuk është i njëjtë me atë që kanë dhënë zyrtarët përgjegjës në PTK.
Por, siç shihet nga aktakuza, EULEX-i më pas është “përpjekur” ta sigurojë historinë e mesazheve të Endrit Shalës, por kjo kishte qenë “e pamundur” ngase, prokuroria pretendon se dikush ka mundur t’i fshijë sms-at nga databaza e PTK-së
“Kur hetuesit kërkonin SMS-it, të numrit të Endrit Shalës nga PTK-ja në vitin 2011, mungonin vetëm këto SMS mesazhe fajësuese”, thuhet në aktakuzë.
Thaçi: “Po, unë e kisha letrën me SMS”
Gazeta ka siguruar edhe dy letra që përbëjnë një komunikim mes kryeministrit Hashtim Thaçi dhe prokurorit të EULEX-it, Johannes Pickert, të cilat në krye mbajnë vulën “tepër konfidenciale”.
Më 23 prill të vitit 2012, prokurori ia kishte dërguar një shkresë kryeministrit Thaçi, nga i cili kishte kërkuar që ose të intervistohet nga EULEX-i, ose t’u përgjigjet pyetjeve që kanë të bëjnë me mesazhet telefonike.
Kjo letër kryeministrit i ishte dërguar, pasi që, siç ka shkruar prokurori ndërkombëtar, gjatë marrjes në pyetje të Limajt, ish-ministri ka deklaruar se “mesazhet ishin falsifikuar nga dikush dhe se kryeministri kishte ardhur në posedim nga një burim i paidentifikuar”.
Ndërkaq, kryeministri kishte zgjedhur që në shatë pyetjet e prokurorit Pickeret të përgjigjet me një përmbledhje të shkurtër me shkrim, por nuk kishte treguar se nga e ka marrë letrën me mesazhet e falsifikuara. Ai vetëm kishte thënë se letra të tilla merr shpesh dhe se jo të gjitha i trajton vetë.
“Në të shumtën e rasteve letrat e tilla hidhen si të pavlera, mirëpo në rast se ka ndonjë letër me përmbajtje të ndonjë rëndësie për ndonjë person apo individ i cili punon për Qeverinë e Kosovës, atëherë unë atë letër dhe atë përmbajtje ia përcjell individit të apostrofuar. Pikërisht një letër anonime ka qenë edhe letra për të cilën ju keni kërkuar sqarime përmes shkresës suaj zyrtare. E gjitha çfarë mund të them lidhur me atë letër është se unë ia kam përcjellë ministrit përgjegjës të apostrofuar, sepse e njëjta letër ka pasur përmbajtje që ndërlidhet me ministrinë të cilën ai e drejtonte”, është përgjigjur kryeministri në letrën që mban datën 15 maj 2012.
Ndryshe nga e gjithë kjo, aktakuza ndaj Fatmir Limajt për keqpërdorime në Ministrinë e Transportit ka pësuar “zbutje”. Fillimisht EULEX-i pati deklaruar se janë keqpërdorur tetëdhjetë milionë euro, por kjo shumë tash ka rënë në dyqind e pesëdhjetë mijë euro.
E gjithë përmbajtja e aktakuzës ndaj Limajt dhe katër bashkëpunëtorëve iu referohet tre tenderëve që janë dhënë për ndërtimin e rrugëve, duke pretenduar se zyrtarët shtetërorë kanë marrë njëzet për qind të vlerës së përgjithshme të tenderëve, ndërsa mesazhet telefonike janë pjesë e kësaj reference.
Shala: SMS-të janë të montuara!
Gazeta të mërkurën ka kontaktuar me ish-këshilltarin e Limajt, Endrit Shala, i cili ka deklaruar se mesazhet telefonike janë të montuara dhe se kjo është vërtetuar edhe nga historia e telefonatave, ndërsa mohon mundësinë që “mesazhet fajësuese” të jenë fshirë nga serverët e PTK-së, siç pretendon EULEX-i.
“Ne kemi komunikuar me zyrtarë përgjegjës të PTK-së, të cilët mohojnë në mënyrë kategorike mundësinë e fshirjes apo të montimit të SMS-ve në serverët e VALE-s, e sidomos pa lënë kurrfarë gjurmë. Prandaj, logjikisht rrjedh pyetja se si dhe ku janë montuar këta SMS? Padyshim, dëshmitar kyç për këtë do të duhej të ishte kryeministri Thaçi”, ka deklaruar ai. Sipas tij, nëse prokurori i EULEX-it është i interesuar ta zbardhë të vërtetën për mesazhet, atëherë këtë mund ta bëjë duke i kërkuar ata në Monaco-Telekom, ku sipas tij, ruhen edhe nëse fshihen SMS-të në Kosovë.
Jeton Llapashtica

[Guri i madh]

Urime Hashim!









Publikuar: 28.02.2013 - 20:01

Kryeministri kosovar e ka lumturuar tërë Kosovën, madje edhe miqtë amerikanë dhe evropianë!? Ai ka marrë Çmimin e Sun Moon University, universitetit kishtar (evangjelist) të themeluar nga magnati kontrovers, që veten e vlerësonte të jetë “Mesia”!? I dënuar në Amerikë për fshehje taksash dhe konspiracion, Moon ishte dekoruar edhe nga Koreja Veriore!!!
Urime për çmimin “Doctor Honoris Causa” kryeministër!
Po të vinte lajmi në Prishtinë se kryeministri i Kosovës është laureuar me çmimin “Doctor Honoris Causa” në Harvard ose Columbia University, ose në Cambridge a Yale, sigurisht se kosovarët do të ndiheshin krenarë dhe do të kishin arsye për të festuar.

Po ashtu, po të kishte vetëm pak dinjitet në vendin në të cilin Hashim Thaçi është kryeministër, ai do të merrte sigurisht duartrokitje, sepse çmimi “Doctor Honoris Causa” u jepet personaliteteve të ndryshme për veprimtari humane, që kanë arritur të zbusin varfërinë dhe ta zvogëlojnë dhunën, të rrisin mirëqenien dhe demokracinë, të luftojnë për të drejtat e njeriut dhe liritë civile...

Sidoqoftë, do të ishte ky një lajm i mirë për Kosovën madje dhe një nder për qytetarët e saj, sikur në vendin e origjinës së laureatit të mos ndodhte një degjenerim total i pushtetit deri në përmasat e dhunës shtetërore…

Por jo, faktet janë të zymta, kryeministri i Kosovës ka marrë një çmim nga një universitet privat që lidhet me emrin e një njeriu kontrovers. Sun Moon University është një universitet i periferisë së Seulit, Cheonan, në Korenë e Jugut (dhe jo i Seulit, qysh u raportua në mediat e Prishtinës) i lidhur me Kishën e Bashkuar Evangjeliste të themeluar nga vetë Sun Moon.

Pra kjo shkollë është pronë e një njeriu konspirativ nën imazhin e një antikomunisti, magnatit medial Sun Moon, i dënuar në SHBA në vitin 1982, për paraqitje të rreme para organeve federale të tatimit mbi të ardhurat dhe hiç më pak se për komplot!?

Dënimi i tij u konfirmua në apel në një vendim të ndarë.

Moonit i ishte dhënë një dënim 18 muajsh dhe një gjobë prej 15.000 $. Ai shërbeu 13 muaj të dënimit në Institucionin Federal Korrektues, Danbury, para se të lirohej për sjellje të mirë!

Sipas të dhënave “Sun Moon University” është pjesë e një konglomerati të dyshimtë.

Motoja e këtij universiteti është “Dashuria për Zotin, njerëzit dhe kombin”, që dëshmon se është një shkollë kryesisht e lidhur me “fenë e re” të Sun Moonit, që llogaritet t’i ketë 5-7 milionë ndjekës nëpër botë.

Së paku, sipas “The Washington Post” të datës 16 shtator 2008, Moon akuzohet se kishte tradhtuar pasuesit e tij, duke abuzuar me qëllimet e larta të kishës dhe duke e kthyer lëvizjen e tij në një makinë të madhe të parasë, përmes zhvatjes.

"Deri në fund të vitit 1975, aktiviteti kryesor i kishës ishte mbledhja e parave, për të blerë shumë pasuri të patundshme në Kore dhe Shtetet e Bashkuara dhe fillimin e shumë bizneseve", ka thënë Soejima, një anëtar i Kishës së Unifikuar Evangjeliste në Japoni, i cili e kishte denoncuar Moonin se në emër të kësaj kishe nga Japonia në SHBA ishin transferuar 800 milionë US$.

“Moon nuk është duke punuar për botën, por për vete", ka thënë ai.

Pas kësaj deklarate, Soejima ishte sulmuar me thika në Japoni dhe mezi kishte shpëtuar.

Soejima ishte pushuar nga Moon për shkak të një mosmarrëveshjeje mbi pavarësinë editoriale, si redaktor i “Sekai Nippo”.

Rreth 100 njerëz - duke përfshirë rreth 30 karateistë - kishin zbarkuar në zyrën e gazetës. Ata ishin të udhëhequr nga anëtarët e Shekyo Rengo, një grup politik antikomunist të lidhur me kishën e Moonit. Sipas Soejimas, ata përmbysën tavolinat, vodhën dokumentet dhe rrahën disa prej të punësuarve.

Po kush ishte Moon?

Sun Myung Moon është lindur me 1920, në provincën e Pjonjangut në Korenë e Veriut. Ai vdiq më 2012 në moshën 92 vjeçe.

Sun Moon ka themeluar Kishën e Bashkuar Evangjeliste në Korenë e Jugut në vitin 1954, e cila është rritur në një konglomerat shumëkombësh të biznesit, organizatave politike dhe kulturore. Me një fjalë “kisha e Moon” është grup politik i kryesuar nga zëvendësi i tij Pak Bo Hi, dhe ndër të tjera ka shpenzuar miliona dollarë në vitet e fundit në lobime antikomuniste në Amerikën Latine dhe në Shtetet e Bashkuara.

Në vitin 1982 u themelua “The Washington Times” nga World News Communications, një konglomerat ndërkombëtar medial i lidhur me Moonin, cili gjithashtu zotëron gazeta në Korenë e Jugut, Japoni dhe Amerikën e Jugut, si dhe agjencinë e lajmeve United Press International.

“The Washington Times” ishte gazetë e preferuar për presidentin Ronald Reagan.

"Tani duke krijuar ‘Washington Times’ ne arritëm sukses edhe në gazetari. Ne tani kemi një ndikim të drejtpërdrejtë në Reaganin përmes gazetës”, kishte thënë Moon.

Më parë Moon kishte sponsorizuar fushatën e presidentit Nixon.

Moon ishte arrestuar në vitin 1946 nga zyrtarët e Koresë së Veriut nën akuzat për spiunazh për Korenë e Jugut. Iu dha një dënim prej pesë vjetësh në kampin e punës Hŭngnam. Pasi mbajti 34 muaj të dënimit të tij, Moon u arratis në vitin 1950, gjatë Luftës së Koresë, kur trupat e Kombeve të Bashkuara avancuan në kamp dhe rojat u larguan.

Në vitin 1994, Moon u ftua zyrtarisht në varrimin e Kim Il Sung, pavarësisht mungesës së marrëdhënieve diplomatike midis Koresë së Veriut dhe Koresë së Jugut.

Në vitin 2004, në një ceremoni më 23 mars në ndërtesën e Senatit, në Washington, DC, Moon e kurorëzoi veten me atë që ai e quajti "Princ i Paqes", në praninë e përfaqësuesve të shumtë të SHBA-së. Disa ligjvënës që ndoqën ceremoninë më pas thanë se ata kishin qenë të mashtruar sa i përket natyrës së ngjarjes.

Moonit iu dha Çmimi Kombëtar i Koresë së Veriut pas vdekjes!?

Kosova tashti edhe vetë është e prekur nga sindroma e koreanizimit, komb i ndarë në jugun neoliberal dhe veriun e pabindur neokomunist!

Kosova, një vend me institucione të kapura nga klani mafioz që e lajketon Thaçin, e ai e pranon përqafimin me ta duke vallëzuar me ujq që po i hanë dhe kockat vendit të tyre duke i shndërruar qytetarët në të mjerë fabulativë.

Së këndejmi urime për moskokëçarjen ndaj të mjerëve (Les Miserables) Kryeministër!

Të mjerët, nuk është fjala për filmin e Hollywoodit, që mori “Oscar”, por realiteti i vendit tuaj Kryeministër!

Të mjerët kasta juaj i konsideron të mundur në luftë dhe në paqe, prandaj ua zhvoshni lëkurat!

I kërcënoni, i shantazhoni dhe i rrihni jo vetëm qytetarët, por edhe zyrtarët, madje edhe reprezentët e shtetit, policët!

Urime Kryeministër që pas shkatërrimit të opozitës ua dole spastrimeve edhe në partinë tuaj…

Kështu e do puna, laureohet me “Doctor Honoris Causa” kryeministri i një vendi i cili është zhytur në krim të organizuar, korrupsion dhe ku nuk sundon drejtësia, por ligji i të fortit.

Kryeministri që akuzohet nga opozita dhe shoqëria civile për afërsi me “vëllazërinë” që bashkëpunon me krimin e organizuar dhe është e përfshirë në korrupsion dhe shantazhim të gjyqësorit, laureohet nga një universitet i një “vëllazërie” që në emër të “shpëtimit të njerëzimit” zhvat miliona dhe investon edhe në armatim!?

Pas skandalit “Grand” dhe atij rreth pasaportave biometrike, djemtë e Grabovcit terrorizojnë reprezentin e shtetit, kurse incizimet nga kamera e sigurisë i shkatërron policia e PDK-së, vijnë lajme për hajdutëri, gangsterizëm, gjithandej Kosovës; madje ndodh të përfshihet edhe garanti i sigurisë së shtetit, zyrtari i AKI-së…

Kosova e tillë po i plotëson rrufeshëm kriteret për liberalizim vizash dhe integrim në BE!

Ç‘pamje brilante!!!

Gjatë javës, kur kryeministri i Kosovës mbante fjalim për paqe e mirëqenie globale në Seul, (madje i mbetej zhigu që t’ia blinte të birit një ‘Galaxy’) në shtëpi, këtu në Kosovë, raportet e agjencive botërore thonë se vendi i tij është i nënti në botë për nga varfëria!

Gjithandej lajme të zymta, neveritëse...

Që ta gërditin jetën!

Më 22 shkurt, në afërsi të Mensës së Studentëve në Prishtinë, ka pasur të shtëna me armë.

Më 23 shkurt, ministri i Rendit, Bajram Rexhepi, i pyetur nga gazetarët, nuk e ka dënuar rrahjen e policit Avni Selaci, nga djemtë e kolegut të tij të partisë, Adem Grabovci.

“Realisht në ato gjëra që u takojnë hetimeve dhe drejtësisë nuk kam çka të deklarohem”, ka thënë ai.

Më 23 shkurt në aeroportin ndërkombëtar të Prishtinës “Adem Jashari”, në parkingun komercial të aeroportit pati të shtëna me armë të zjarrit gjatë të cilave ishin plagosur dy veta.

Më 24 shkurt vëllai i kryetarit të Malishevës, Isni Kilaj, nga PDK-ja, Fatmir Kilaj, ka detyruar një polic që ta nxjerrë revolen dhe t’ia drejtojë në ballë për ta mbrojtur kolegen e tij, Elviren. Fatmir Kilaj ishte duke vozitur veturën zyrtare të vëllait të tij dhe ishte duke shkuar për ta marrë atë në një dasmë.

Kilaj pasi e ka sharë policen e ka mësyrë edhe fizikisht. “Ti me guxu me ma shkru dënimin, mori vegë, shurrë…”. Por ka ndërhyrë polici Misin Krasniqi, duke e nxjerrë revolen dhe duke e arrestuar atë përkohësisht.”

Në veri sërish shpërthime bombash...

Në jug mjerim, hajni e banditizëm...

Në qendër rri e bën sehir, i palëkunduri “Doctor Honoris Causa”!?

[murrizi]

aiiii guri i madh se namin e paske bo breh.
siqerisht me fol ( pa kurrfar zori) une smuj e lexova kret kete shkrim nga ty, a e ke shkru ti a, a kush ?!

veq guri i madh (artisti ka thon, edhe shokun guxon me kritiku njeriu a !) mua po ma merr menja qe hashimit edhe vete obama me ja pas dhan tiullin e doktorr kauzes, ju nja disa burra e gra qetuqene prap ja kishe ngjit naj bisht. apo e kam gabim ?

[Guri i madh]

Postimi origjinal është bërë nga murrizi

aiiii guri i madh se namin e paske bo breh.
siqerisht me fol ( pa kurrfar zori) une smuj e lexova kret kete shkrim nga ty, a e ke shkru ti a, a kush ?!

veq guri i madh (artisti ka thon, edhe shokun guxon me kritiku njeriu a !) mua po ma merr menja qe hashimit edhe vete obama me ja pas dhan tiullin e doktorr kauzes, ju nja disa burra e gra qetuqene prap ja kishe ngjit naj bisht. apo e kam gabim ?

Murriz efendi ngo knej .


ky esht nji koment nga Halil matoshi ndoshta edhe nuk e ka vendin te nenforumi i lajmeve


e pershendes edhe Artistin edhe ty

nuk esht problemi i kti qmimi po esht problemi qe nga Brukseli nuk u kthye ne Kosov po shkoj ne Koren e jugut e prej atje e dha lajmin se e ka ber kompromisin tjter ne dam te Kosoves .
une besoj se kosova i ka punt shum keq sa qe nji kryeminister i ndergjegjshem nuk do te kishte vrapue pas dekoratave a ne anen tjter me e degradue kosoven gjdo her e sa her qe shkon ne negociata ne Bruksel.
ky kompromisi i fundit per lidhje te komunave serrbe në Kosov kur ti shtohet edhe kompromisi i ma parshem qe dognat e vjelura nga dy pikat kufitare 1edhe 31 ju dedikohen vetem komunave Serrbe kjo nuk esht asgje tjter pos STATUS special per veriun e Kosoves ,e une mendoj qe nuk i ben nder Kryeministrit ky qmim Honari skauza

[Guri i madh]

• Sonte në KTV mund të ndiqni: *** 16:25 Pulsi *** 17:00 KOHA E LAJMEVE *** 17:20 Anima ® *** 18:00 Talk *** 18:35 Filma Vizatimor: “Qenushi në Xhepin Tim” Epis 12 *** 19:00 LAJMET E MBRËMJES *** 19:35 Sporti në KTV *** 20:00 Top Koha Music *** 21:15 Dokumnetar ” Në Gjueti të Simbolit të Humbur “ *** 22:55 Marketing *** 23:00 KOHA E LAJMEVE ...
  

Studentët dhanë çmimet “Oscar” për korrupsion







Publikuar: 02.03.2013 - 13:45Prishtinë, 2 shkurt - Të shtunën, me 2 mars, studentët e Lëvizjes Studentore për Barazi – Studim, Kritikë, Veprim, organizuan një aksion simbolik para ndërtesës së Qeverisë së Kosovës. Kjo pasi Qeveria e Kosovës sot karakterizohet me një veçori - Korrupsionin! Kryeministri me vartësit e tij për vite me radhë e ka dëshmuar se është mjeshtër i praktikave korruptive. Ai e ka perfeksionuar kaq shumë këtë zhanër sa që ne besojmë se meriton çmimet më të larta ndërkombëtare.

Për këtë arsye, ne kemi përgatitur një listë çmimesh “Oscar” për mjeshtrit e aktrimit, regjisë e teknikave të tjera, pasi që kemi vërejtur se këta vërtetë i meritojnë ato. Këto çmime u ndahen të gjithë atyre që kanë merita të larta për pasurim në kurriz të popullit dhe instalim të pushtetit e hajnisë:

Filmi më i mirë/Producenti: Fitues - Kadri Veseli

Aktori më i mirë në rolin kryesor: Fitues - Bajram Rexhepi (Afera e Pasaportave)

Aktorja më e mirë në rolin kryesor: Fituese - Mimoza Kusari-Lila, (Taksa për çimenton)

Aktori më i mirë në rolin mbështetës: Fitues – Blerim Shala

Aktorja më e mirë në rolin mbështetës: Fituese - Vlora Çitaku (Punësimi i familjarëve të Shefit të Shefave)

Regjia më e mirë: Fitues - Hashim Thaçi

Filmi më i mirë i huaj: Çmimi ndahet në mes të Bechtel Enkas, - Billion Dollar Highway, dhe KEDS - Sold for Pennies

Filmi më i mirë i shkurtër: Fitues - Behxhet Pacolli për Grandin

Skenari më i mire: Fitues – Chris Dell, Hashim Thaçi, Isa Mustafa, Behxhet Pacolli (Për zgjedhjen e Presidentes nga zarfi)

Skenari më i mirë i adaptuar : Fitues - Forenzika (Konkludimi për rastin Dino Asanaj)

Efektet speciale më të mira: Çmimi shkon për - Zhdukja e Xhabir Zharkut përmes aeroportit të Prishtinës

Zërimi më i mirë: Çmimin e merr - Adem Grabovci (Pronto Afera )

Në Kosovë korrupsioni nuk është spontan por është i organizuar e i orkestruar.

Ky organizim shihet më së miri në procesin i cili po quhet "privatizim i ndërmarrjeve publike". Në emër të privatizimit Qeveria fali dhe pritet të falë ndërmarrjet publike më vitale në vendin tonë të cilat janë shpresa e vetme për punësimin e qytetarëve tanë tani dhe në të ardhmen. Për më tepër, ato janë potenciali i vetëm me të cilën mund të rimëkëmbet ekonomia e Kosovës.

Korrupsioni i Qeverisë nuk ndalet me kaq. Ai arrijnë në çdo pore të shoqërisë sonë. Kjo vërehet në çdo ministri, agjenci, në administratën publike, në çdo Universitet e Spital në Kosovë.

Qytetarët e Kosovës sot jetojnë në varfëri të skajshme, 45 % e popullsisë jetojnë në varfëri dhe 19% në varfëri të skajshme me nga 0,92 cent në ditë. Kjo gjendje e cila po vjen drejt përkeqësimit është edhe falë organizimit korruptiv e kriminal të modelit qeverisës të Hashim Thaçit me shokë.

Kjo vërehet qartazi në Universitetin e Prishtinës, të cilën partia në pushtet e ka uzurpuar dhe e ka bërë vegël të vetën. UP-ja nga pushteti përdoret për plaçkitjen e studentëve dhe përdorimin e parasë së tyre për t'i financuar fushatat elektorale.

Ne paralajmërojmë qeveritarët se nuk do të lejojmë që ky pushtet ta shesë, duke e vjedhur më pas, pasurinë e përbashkët dhe të plaçkitë çdo ditë e më shumë popullin e Kosovës.

Sigurisht se nuk do te rrimë duarkryq, dhe se nëse ky trend vazhdon, reagimi popullor do të jetë shumë i ashpër dhe i pakompromis, përfundon kumtesa nga kjo lëvizje.

[Guri i madh]

Gjysma e kryetarëve të komunave PDK-iste, probleme me ligjin







Publikuar: 03.03.2013 - 19:10Prishtinë, 3 mars - Shtatë nga 14 kryetarët e komunave të udhëhequra nga PDK-ja janë të dënuar, të akuzuar dhe duke u hetuar për vepra kriminale dhe korrupsion. Në shtatë e ka çuar numrin kryetari i Prizrenit, Ramadan Muja, i cili po ashtu vjen nga partia në pushtet, i akuzuar së fundmi nga EULEX-i për shpërdorim të detyrës zyrtare, raporton KTV-ja. I dalë fitues nga zgjedhjet lokale të 2009-shit, Xhabir Zharku u bë një nga rastet më eklatante të ikjes nga drejtësia e një zyrtari publik, i cili është i dënuar me tre vjet burgim për veprat penale “detyrim” dhe “armëmbajtje pa leje”, por ai refuzon të vuajë dënimin e shqiptuar.

I ulur në bankën e të akuzuarve ka qenë edhe Bajrush Xhemajli pasi në një aksident komunikacioni kishte shkaktuar vdekjen e një personi. Xhemajli për më shumë se një vit i ka rezistuar vuajtjes së dënimit. Pas disa ankesave, Gjykata Kushtetuese vendosi që rasti të kthehet në rigjykim. Por hiç më mirë punët më organet e drejtësisë nuk i ka pasur dhe nuk i ka as Nexhmedin Arifi, kryetari i Vitisë, që po ashtu është nga radhët e PDK-së. Aktakuzës nuk i ka shpëtuar as i forti i PDK-së, Sami Lushtaku. Prokuroria Speciale e Kosovës ka ngritur aktakuzë kundër Lushtakut dhe pronarit të ish-të përditshmes “Infopress”, Rexhep Hoti, pasi dyshohet të kenë kryer vepra penale. Zyrtari tjetër i Partisë Demokratike nën hetime për keqpërdorim të detyrës zyrtare është kryetari i Gjilanit, Qemajl Mustafa. Por fat të njëjtë sikurse edhe gjashtë kryetarët e tjerë të PDK-së ka edhe kryetari i Drenasit, po ashtu nga PDK-ja, Nexhat Demaku, kundër të cilit ka nisur një proces gjyqësor për veprën penale të shpërdorimit të detyrës zyrtare në bashkëkryerje me dy zyrtarë të tjerë komunalë.

[Guri i madh]

qytyne shtat te akuzurve tani ju ka shtue edhe nji u banen tet



Edhe kryetari i Vushtrrisë i akuzuar për vepër penale







Publikuar: 05.03.2013 - 08:57Prishtinë, Vushtrri, 5 mars – Komandat Gani Imeri ka aq autoritet në Vushtrri sa të pushtojë pronë të huaj, të ndërtojë tri shtëpi pa leje në të, t’ia vërë sokakut emrin e dëshmorit Avni Klinaku, e Komuna t’ia shtrojë me kubëza betoni atë.

Shtrimin e kësaj rruge në vlerë prej 16.504,75 eurosh ia kanë bërë të mundur kryetari i Komunës, Bajram Mulaku (1948), drejtori i Drejtorisë së Shërbimeve Publike, Sami Istrefi (1979), drejtori i Inspektoratit Komunal, Bajram Beqiri (1962), me anë të një vendimi krejtësisht të paligjshëm më 26 tetor 2011.

Për këtë arsye të tre së bashku, si dhe Gani Imeri (1967) nga fshati Dumnicë e Epërme me vëllanë e tij Naser Imeri (1974) po ndiqen penalisht nga prokurori special Reshat Millaku.

Imeri, ish-komandant i UÇK-së në rajonin e Vushtrrisë dhe asamblist komunal nga radhët e PDK-së ka autoritet të shpallë këdo “dëshmor kombi”. Këtë titull ia ka vënë të ndjerit Bahri Haxha, i cili ishte vrarë si civil e jo si ushtar. (Më gjerësisht lexoni sot në Koha Ditore)

[Guri i madh]

Bajrush Xhemajli në ndeshje tjetër komunikacioni?

Bota Sot | 05.03.2013 19:34




Ish-kryetari i Ferizajt, që tash pret të shkojë në rigjykim për aksidentin i cili katër vjet më herët kishte shkaktuar vdekjen e një të riu, ishte i përfshirë në një ndeshje tjetër komunikacioni të martën në Prishtinë.
Rreth orës 16 e 30, të martën, afër ndërtesës së Prokurorisë së Shtetit, vetura në të cilën ndodhej ish-kryetari i Ferizajt, Bajrush Xhemaili, është përfshirë në një ndeshje komunikacioni.
Menjëherë pas incidentit, Xhemajli është larguar nga vendi i ngjarjes.
Fillimisht Xhemaili, i kontaktuar nga Gazeta Jeta në Kosovë, mohoi të ketë qenë në veturë.
Mirëpo, pasi ai është njoftuar se Gazeta Jeta në Kosovë ka qenë në vendin e ngjarjes në momentin e ndeshjes dhe ai është fotografuar duke u larguar nga vendi i ngjarjes, ai pranoi se ishte në veturë.
“Po kam qenë, por jam larguar menjëherë pas ndeshjes për shkak se nuk desha të krijohen probleme”, tha Xhemajli për Gazetën Jeta në Kosovë. “I thash shoferit tim, kqyr mos bën probleme, pasi ata filluan të fjalosen me palën tjetër”.
Vetura e tipit Renault, ngjyrë e bardhë, është pronë e Partisë Demokratike të Kosovës dhe vozitej nga Behar Sekiraqa. Vetura ka pësuar dëmtime të vogla.
Bajrush Xhemajli largohet disa çaste pas aksidentit | Foto: Njomza Salihi
Xhemajli ka treguar se ai sapo kishte dalë nga zyrat e partisë dhe ishte duke shkuar në shtëpi me vozitësin, pasi, tha ai, “vetë nuk kam vozitur qe katër vjet”.
Katër vjet më parë, në magjistralen Prishtinë-Ferizaj, ish-kryetari i komunës së Ferizajt, Bajrush Xhemajli, akuzohet se kishte shkaktuar një aksident në të cilin kishte humbur jetën Labinot Rrustemi.
Aksidenti në fjalë ishte hetuar nga Prokuroria e Qarkut në Prishtinë e cila pas hetimeve të kryera në vitin 2009, kishte ngritur aktakuzë me të cilën e akuzonte atëherë kreun e Ferizajt për veprën penale të rrezikimit të trafikut publik.
Provat e dala nga analiza e ekspertit Yll Koshi kishin nxjerrë në pah se shkaktari i këtij aksidenti ishte vetura të cilën e drejtonte Bajrush Xhemajli e cila nuk i ishte përshtatur kushteve dhe shpejtësisë së rrugës.
Xhemajli i cili edhe vet ishte lënduar në këtë aksident, gjatë gjykimit vendosi të mbrohej në heshtje, përderisa në fund të procesit trupi gjykues i drejtuar nga gjykatësja Tomka Berisha e shpalli atë fajtor dhe e dënoi me 2 vite e 6 muaj burgim.
Këtë muaj, gjykata kushtetuese e vendit ka urdhëruar rigjykimin e tij.

[Guri i madh]

Disa policë po e dëmtojnë imazhin e institucionit ku punojnë






Publikuar: 15.04.2013 - 21:15Prishtinë, 15 prill - Pjesëtarët e Policisë së Kosovës janë vetë ata që po ia dëmtojnë imazhin institucionit për të cilin punojnë. Disa janë apo kanë qenë të përfshirë në vepra të jashtëligjshme, e disa kanë keqpërdorur detyrën zyrtare. Së fundi disa zyrtarë policorë ende të paidentifikuar kanë lejuar që veturën zyrtare t’ua përdorë një femër për ekspozim provokativ të trupit të saj. Policia nuk është në njohuri për rastin, megjithatë pas marrjes së fotografive nga KTV-ja, konfirmon nisjen e hetimeve. I konsideruar institucioni më i besueshëm në vend, Policia e Kosovës prej vitesh vazhdon të sfidohet nga shkelje të ndryshme që bëjnë vetë zyrtarët policorë.

Jo rrallë herë policët kanë qenë objekt i hetimeve, i veprave kriminale dhe proceseve gjyqësore.

E të gjitha këto kanë zbehur imazhin e këtij institucioni.

Por nuk janë vetëm këto që kanë dëmtuar imazhin e policisë.

Një prej këtyre skandaleve mund të konsiderohen edhe këto fotografi që i ka siguruar Kohavisioni.

Në fotografi siç shihet paraqitet një femër që ekspozon trupin e saj në mënyrë mjaft provokative dhe atë mbi veturën e policisë.



Fotografia 1

Megjithëse në këto fotografi shihet vetura zyrtare e policisë, kjo e fundit nuk është në njohuri për ekzistencën e tyre.



Fotografia 2

KTV-ja ka kërkuar disa sqarime, për të cilët policia është përgjigjur vetëm nëpërmes emalit zyrtar.



KTV-ja ka kërkuar të dijë nga Policia se a është në njohuri për ekzistencën e këtyre fotografive, për faktin nëse dikush prej zyrtarëve policorë është suspenduar apo nëse dikush është duke u hetuar për abuzim të veturës dhe detyrës zyrtare, por ky institucion ka thënë se do të konfirmojë origjinalitetin e fotografive.

Po ashtu pasi KTV-ja ia ka dërguar policisë këto fotografi, ky institucion ka konfirmuar edhe nisjen e hetimeve.

“Lidhur me kërkesën tuaj ju informojmë se ne tani nuk mund të konfirmojmë origjinalitetin-vërtetësinë e këtyre fotografive, andaj për këtë do të bëhen hetime të detajuara edhe rreth analizimit të mundësisë së foto-montazhit. Njëkohësisht ju konfirmojmë se njësitet përkatëse policore do të ndërmarrin të gjitha masat e nevojshme për hetimin në tërësi të këtij rasti dhe në rast se hetimet rezultojnë me ndonjë përfshirje, shkelje nga ana e zyrtarëve policorë, do të ndërmerren masa të menjëhershme konform autorizimeve policore”.

Megjithatë në polici është thënë se verifikimi dhe procesi i hetimeve do të marrë kohë pak më të gjatë, pasi në fotografi nuk shihet numri i targave të automjetit policor.

Sa "mire po shkojne punet", ev. Asnje lajm prej dates 08.02.2013, "aferim" a.

[Oqeani]

Ia kishin nise me i zane - betin e kishin ba - Per 24 ore - nja 30 persona - sa shpejte more kur po dojne hahahah - e keta qe po urdherojne me i zane te tjeret, kush i zen keta seeeeeeeeeeeee !

[Oqeani]

Po bre po na beke Republike ne Republike - gjyqi, policia, shkollimi .....

[Oqeani]

Kurgjo nuk asht daçiçi çka asht ky komandanti yne! Krejkt ballkani nuk ka kesi hajvanash.
Njani shkon e nenshkruen krijimin e ni serbie copa copa neper krejt kosoven, e ky budalla thot qe jemi ma te miret e mut...!



Mire ka thene ky, se PDK-ja e ka konceptin korrupcion, e ky e ka - haraç - !!!
Pra, kjo ka dallim te madh ne politiken e sistemit te te pasuruarit !!!

[Domira]

http://www.botasot.info/kosova/22178...koha-e-ldk-se/

[natyra]

SHIK-u i PDK-së zyrtarizohet në “Vetëvendosje”


Zyrtare: shefi i SHIK/PDK-së për rajonin e Prizrenit dhe PSK rekrutohet në “Vetëvendosje”

SHIK-u i PDK-së e ka marrë në shënjestër “Vetëvendosjen” duke e shndërruar në një adresë ku SHIK-istët duhet të futën brenda, për ta neutralizuar Albin Kurtin.
Ilaz Kadolli njëri ndër krerët e organizatës spiunuese, përkatësisht shef i SHIK/ PDK për rajonin e Prizrenit zyrtarisht është rekrutuar sot në “Vetëvendosje. Deri tani Ilaz Kadolli ishte kryetar i Partisë Socialiste të Kosovës/ PSK. Që nga paslufta ky ka qenë njëri ndër “urithët” kryesor të SHIK-ut të drejtuar nga Kadri Veseli (PDK), e që operonte në Prizren dhe rajone të Kosovës. Ka avokaturën “AVOKAT ILAZ KADOLLI”, adresa “Ibrahim Lutfiu” Nr.16, Prizren. Përveç Ilaz Kadollit zyrtarisht “Vetëvendosjes” i është bashkuar Partia Socialiste e Kosovës/ PSK, e cila në zgjedhjet e fundit lokale, ka fituar pesë ulëse në asambletë komunale në Ferizaj, Therandë dhe Shtërpcë. Partia Socialiste e Kosovës/ PSK në përbërje të kryesisë ka: Ilaz Kadolli (kryetar), Haki Morina (sekretar), Ali Halimi (kryetar i Asamblesë), Emrush Xhemajli (anëtar), Arben Rashkaj (anëtar), Arijana Zejnullahu (anëtare), Atdhe Ahmetaj (anëtar), Ilir Ejupi (anëtar), Mirjeta Selimi (anëtare), Gëzim Gegaj (anëtar).

(Tekstin e plotë mund ta lexoni të shtunën në publikimin e shtypur të gazetës kombëtare “Bota sot” botimi i Diasporës – Perëndimit)
Abonohuni në gazetën “Bota sot”. Mundësitë e abonimit janë në Zvicër e Gjermani.