Të tredhen pedofilët ?

[Zero Cool]

Ndryshon Kodi Penal, pedofilët do të tredhen



Shkup, 01.11.2013

Personat e dënuar për pedofili, do t’i nënshtrohen tredhjes kimike, e madje edhe dënimeve më të ashpra.

Kjo është risia në Kodin Penal, sipas zyrtarëve në Shkup.

Ministri ka njoftuar se deri tani ka gjithsej 139 persona të dënuar, por ato, sipas tij, nuk mjaftojnë për të parandaluar akte të tilla.

“Nga ky numër i përgjithshëm, 35 persona janë të dënuar me 4 vite burg, kurse dënimi mesatar është 6 vjet burg, dhe ky është argument i mjaftueshëm për dënimet e ulëta. Prandaj, ne kemi propozuar një trajtim anti-testoteron, një trajtim të veçantë mjekësor, i cili do të parandalojë personat e dënuar që të përsërisin veprat e tyre në të ardhmen”, ka deklaruar ministri i Punës dhe Politikës Sociale, Dime Spasov.

Ai është shprehur se tredhja kimike është tashmë praktikë në disa nga shtetet evropiane, si Polonia, Britania e Madhe, Franca dhe Gjermania.

Autoritetet parashikojnë gjithashtu se do të rriten edhe dënimet me burg: për abuzimin seksual me një mitur nën 14 vjeç, dënimi do të jetë nga 10 deri 20 vite burg.