Mos te behemi te huaj ndaj njeri-tjetrit!

[budo785]

Inspirimin per kete teme,do ta shpeh me kete artikull qe e shkrova para ca ditesh....

MË FALNI QË SPO BËJ ASGJË PËR JUVE!

Një kohë të gjatë, shoqëria jonë shqiptare ndodhet nëtranzicionin të
pergjthshëm,atë të vlerave,ekonomik etj.Këtë e dimë të gjithë më.Ajo që nuk po e dimë ose nuk po e kuptojmë plotësisht është fakti se shqiptarët po jetojnë,po formojnë një identitet te ndarë në mes veti,po bëhen të huaj ndaj njeri-tjetrit!
Është më e dhimbshme kur shohim se kjo po bëhet për shkaqe e veprime banale e të pamoralshme, veçmas nga ata që nuk kanë të drejtë morale të krijojnë vlera mbarëkombëtare,ndërsa këtë shpeshherë po e bëjnë të përkrahur vecanarisht nga disa shqiptar krishterë që kënaqen kur pjesës tjetër,asaj muslimane i shkaktojnë mllef,nervozë..
Shembullin më të freskët në lidhje me këtë fenomen do ta përshkruanim me këtë gjendje faktike:
Drejtori i shkollës së mesme në Suharekë përjashton 3 nxënese nga shkolla për shkak te mbulesës islame !
Këtë e bën pa vendim formal,me kërcënim se ato nuk paskan vend ne këtë shkollë,perderisa mbajnë mbulesë islame!
Ish nxëneset normalisht nuk iu nënshtruan urdhërit të tij të paligjshëm,kështu që e humbën të drejten themelore për shkolloim!
Mirëpo ky vendim parasëgjithash i pamoralshem,për fat të keq po perkrahet nga një pjesë
e opinionit,shpeshherë me arsyetime cinike,me urrejtje që nuk do të ishte njerëzore te shfaqej ndaj askujt,me ofendime të tipit,ato u manipuluan,paguhen nga dikush etj.,ndersa e anashkalojne faktin se muslimanet obligohen me Kuran për mbulesën islame!
Kjo dukuri padyshim se na fyen rëndë,vecanarisht kur vërej se po bëhet nga shqiptaret!
Shqiptari ose institucionet e vendit për të cilat luftuam të gjithë,po bie vendime armiqësore,shkaterron jetë nxenesish,bën që këta nxënëse te shkëlqyeshme ta humbin të drejtën e tyre të mësimit,ndërsa ironia më e madhe është se këtë e bën organi shqiptar!.Sikur që jemi te denuar ne shqiptaret qe edhe pas okupimit serb mos ta gëzojmë të drejtën e shkollimit!A do të jetë vallë ky ankth aq i gjatë?!
Ne fakt,ne jemi të fyer ,dhimbja më e madhe është se kësaj rradhe duhet të mirremi me vetveten, me atë se nuk ecim në të njejtën rrugë,me atë se ne shqiptarët po bëhemi të huaj ndaj njëri-tjetrit,shkojmë nga ajo që mos të ndjejmë se i përkasim komunitetit të njejtë!
Arsyetimi i mbulesës islame si urdhër hyjnor, në një shoqëri muslimane si kjo e Kosovës, është i panevojshem sidomos kur dihet se e njejta lejohet në shume shtete jomuslimane botërore,e kjo vetëm duke u nisur nga këndi i respektimit të të drejtave të njeriut.
Ish nxënëset e guximshme nuk iu binden urdhërit të drejtorit të shkollës,ato po i mbeten besnik Zotit të tyre,normalisht duke e treguar sinqeritetin e tyre,besimin e tyre të fortë në Zot,njëkohesisht të bindur që pas kësaj iu imponohet tash më nje jetë më e vështirë!
Çfarë është toleranca fetare?
Çfarë është uniteti kombetar?
Çfarë është solidariteti ?
Gjithnjë e më hipokrite duket përgjigja se këto vlera janë në mesin tonë,e vecanarisht se do të jenë vlera të Kosovës sonë të pavarur!
Ish nxënëset ,paligjshem, e humbën të drejtën e shkollimit të mesëm,ato janë teper të reja që të dinë ta mbrojnë këtë të drejtë në gjykatat e Kosovës,te drejtën e qartë ligjore se 'asgjë që nuk është e ndaluar me ligj,në fakt është e lejuar '!
Mirepo,për fat të keq këtë mbrojtje nuk ua ofrojnë as organizatat për mbrojtjen e të drejtave të njeriut,forumet islame,bashkesia islame e Kosoves,këta heshtin sikur të kenë shumë punë tjera më të rëndësishme se mundësimi i të drejtës së shenjtë të shkollimit,promovimi i vlerave të përbashkëta shoqërore .
Ne ketë situatë turpi dhe dhimbje,i drejtotohem ish nxënëseve të shkollës së mesme të Suharekës,të cilat me të drejtë mund të janë të zhgënjyera nga të gjithë ne,duke i kerkuar falje atyre që nuk po bëj asgje për ato!

shkroi Burim Rrustemi