Flamuri i ri i kosoves

[lyra2]

.....edhe pak kohe dhe nuk besoj se do te egzistojne keto "miniminoritete",6 yjet do te na paraqesin te gjitha trojet shqiptare deri te Çameria :),pra e shofim ashtu si na pelqen :):):)

[Guri i madh]

Postimi origjinal është bërë nga Murgesha

Ibrahimi: Flamuri është i dizajnuar me ngjyra të BE-së dhe institucioneve euro-atlantike

Prishtinë, 18 shkurt 2008 (Kosovapress) Koha 16:05
Ibrahimi: Flamuri është i dizajnuar me ngjyra të BE-së dhe institucioneve euro-atlantike
Fituesi i konkursit për simbolet shtetërore, Muhamer Ibrahimi tha të hënën për Kosovapress se ngjyra e kaltër në flamurin e shtetit të Kosovës paraqet aspiratat e popullit për integrimet euroatlantike, ndërsa harta në sfondin e kaltër paraqet Kosovën si vend të pasur dhe paqësor, derisa gjashtë yjet paraqesin komunitetet.

Propozimi i Ibrahimit për flamurin dhe stemën e shtetit të Kosovës është miratuar dje në seancën historike të legjislacionit kosovar me rastin e shpalljes së pavarësisë.

Ibrahimi theksoi se ideja për dizajnim dhe konkurrim për simbole i ka lindur para publikimit të konkursit për hartimin e simboleve nga ana e Ekipit të Unitetit.

“Kam filluar të punoj para konkursit i cili ka pasur kriteret e caktuara dhe në bazë të tyre e kam punuar flamurin dhe stemën”, tha ai.

Ibrahimi tha se flamuri është i dizajnuar me ngjyra të Bashkimit Evropian dhe institucioneve euro-atlantike.

“Ngjyra e kaltër paraqet aspiratat e popullit të Kosovës në integrimet e institucionet euro- atlantike. Ngjyra e verdhë e arit, përkatësisht harta në sfondin e kaltër, paraqet Kosovën si vend të pasur dhe paqësor dhe yjet e bardha mbi hartë paraqesin komunitetet që jetojnë në Kosovë. Ka komunitete që me numër janë më të vogël ose më të madh, por të gjitha janë të barabarta në shtetin e ri të Kosovës”, tha Ibrahimi.

Ai theksoi se lajmin për zgjedhjen e propozimit të tij për simbole shtetërore e ka marrë dje, kur Kuvendi e miratoi si flamur të shtetit të Kosovës.

“Gëzimi i parë ka qenë pavarësia e Kosovës dhe gëzimi i dytë ka qenë fitorja për konkursin e simboleve. Nuk besoj dhe nuk shpresoj se do të fitoj ndonjë konkurs më të madh ndonjëherë”, tha Ibrahimi. /L.Tahiri-A.Ademi/



__________________________________________________ _________

Ja edhe intervista e "marigonës" që na e qëndisi Flamurin.

Ai thotë se yjet përfaqësojnë komunitetet që jetojnë në Kosovë, ti numërojmë.

1.Serbët
2.Turqit
3.Egjiptasit
4.Ashkalinjtë
5.Romët.
6.Boshnjakët.

Deri para luftës egjiptasit, ashkalinjtë dhe romët i kemi qujtë me një fjalë magjup.

Ngjyrën e verdhë tradicionalisht e përdorin magjuptë.

Me çka po prezentohen në këtë flamur shqiptarët??


A po e njifni more kush kët farë Ibrahimin se krejt po më aludon që është magjup?

po han e dan krejt kan qen rom po milloshi i krijoj kto komunitete qe para faktorit nderkombtar me pershkrujt kosoven me shum nacionalitete dhe ju dufshin disa njerz te ktyre nacionaliteteve te shpikura me perfaqsue kosoven ne arenen nderkmbtare

[Preshevar]

Postimi origjinal është bërë nga Murgesha

1.Serbët
2.Turqit
3.Egjiptasit
4.Ashkalinjtë
5.Romët.
6.Boshnjakët.

A je e sigurtë per ket lajmë ??

Shqiptarët mungojnë në listë. Po ashtu mungojnë edhe Goranët,.. po nejse

edhe dizajneri i flamurit s'quhët Ibrahim me sa di unë.

[Urata]

ha,ha,haaaaaaaaaaaaaaa Murgeshe...!
Si magjyp ai vete, magjyp trurin e magjypet e pranun...!

[Guri i madh]

Postimi origjinal është bërë nga Preshevar

A je e sigurtë per ket lajmë ??

Shqiptarët mungojnë në listë. Po ashtu mungojnë edhe Goranët,.. po nejse

edhe dizajneri i flamurit s'quhët Ibrahim me sa di unë.

po po e kam vrejt se po i urrejke muslimant per ata nuk i ka perfshi edhe 2500 goran te gazetarit zenel zeneli po kta shkie jan o preshevar

[Honesty^uk.]

Postimi origjinal është bërë nga Preshevar

A je e sigurtë per ket lajmë ??

Shqiptarët mungojnë në listë. Po ashtu mungojnë edhe Goranët,.. po nejse

edhe dizajneri i flamurit s'quhët Ibrahim me sa di unë.

Cdo lloj niku te ishte pershtat por vetem Preshevar JOOOOO,

[Preshevar]

Postimi origjinal është bërë nga Guri i madh

po po e kam vrejt se po i urrejke muslimant per ata nuk i ka perfshi edhe 2500 goran te gazetarit zenel zeneli po kta shkie jan o preshevar

A Shkije a Goran ???

A Shqiptar a Ashkali ???

A Magjup a Romë ?

pffffff tu kan perzi kabllat krejt qeto dit !

[Murgesha]

Postimi origjinal është bërë nga Preshevar

A je e sigurtë per ket lajmë ??

Shqiptarët mungojnë në listë. Po ashtu mungojnë edhe Goranët,.. po nejse

edhe dizajneri i flamurit s'quhët Ibrahim me sa di unë.

Lexo intervistën e tij Preshevar.

Shkrimi me germa të ngritura është komenti im....

...dizajneri quhet Muhamet Ibrahimi.

[Naki]

Muhamer Ibrahimi,quhet dizajneri i Flamurit të Republikës së Kosovës.

[Cia-Ferizaj]

6 yjet jan 6 regjionet ne Kosove ( qytetet )

[Urata]

[Bjeshka1]

Nese doni te lexoni gjera interesante,ja ku i keni...


Suverenja dhe suvenirja
Flamuri i Kosovës është Sovran, ndërsa ai kombëtar është Suvenir!


Muhamer Ibrahimi - Trimi rastësisht hyri në historinë e re të Kosovës. Jo duke bërë luftën e duke rënë dëshmor, (ishte ushtar i UÇK-së) por duke menduar para një PC-je. Ai e ka krijuar veprën, ka konkurruar dhe ka fituar. Hallall. Ai është dizajner i durueshëm, nuk është nga ata patetikët që u vlon gjaku! Flamuri shtetëror i Kosovës është “i pangjyrë”, por harmonik, tërheq shumësi interpretimesh, pra nuk është “i thatë”, ka një kompozicion të balancuar dhe është i thjeshtë. Por është i pangjyrë politikisht dhe në aspektin nacional, sepse nuk përmban gjakun, gjuhën dhe etninë, pra as ngjyrat e partive dhe nacionalizmave! Saktë. Pra, flamuri i Kosovës nuk ka ngjyra nacionale, sepse shteti i Kosovës nuk është projekt i mbështetur në gjak, gjuhë dhe etni. Por një vlerë shumë më të lartë dhe shumë më universale.
Trimi nuk e ka për obligim ta komentojë vepren e vet. Vepra artistike nuk komentohet nga autori, por nga kritika. Lexova se “The Guardian’i” londinez i ka bërë një recension të parë flamurit kosovar, kurse këndejpari, askush nuk e merr kurajon qytetare që të recensojë këtë vepër artistike, të kodifikuar tashmë nga forca e ligjvënësve kosovarë në simbol shteti, në këtë rast flamurin e shtetit më të ri të globit. Pse? Komisioni qeveritar për seleksionimin dhe përzgjidhjen e flamurit (simboleve të shtetit) nuk sqaroi për publikun pse u zhgjodh pikërisht vepra e Trimit, sepse nuk e dinë as vetë përse, ose e dinë përciptazi, por nuk e thonë sepse frikësohen nga populli, si çdo pushtet i mbyllur në ideologji të caktuara, se mos populli nuk do t’ua pranojë përzgjedhjen. Trimi e ka bërë punën e tij dhe ai tashti nuk duhet të shpjegojë.

Është qeveria ajo që duhet ta ketë versionin e vet për domethënien e këtij simboli, sepse ajo është edhe juri profesionale, edhe pse do të detyrohen të dalin duke ua thënë qytetarëve versionin më demagogjik të mundshëm, p.sh: se si ngjyra e kalter simbolizon integrimet panevropiane, paqen, tolerancën mes etnive, kurse harta e Kosoves në mes simbolizon gjeografinë aktuale të Kosovës, (tërësinë territoriale) si dhe 6 yjet simbolizojnë 6 etnitetet që jetojnë në Kosovë. OK. Interpretimet
megjithatë nuk ndalen në këtë qark të mbyllur. Më 10 mars Hashim Thaçi e ka paralajmëruar ceremoninë shtetërore të ngritjes së flamurit dhe ai, para se të dalë para popullit, duhet të shkojë në shkollën fillore “Ismail Qemali” dhe t’ua zbërthejë atyre “kodin e fshehtë” të flamurit, sepse ata do të duhet ta vizatojnë atë në orët e artit figurative, ata duhet ta tejçojnë tek një brez tjetër kosovarësh dhe, natyrisht Thaçi pas kësaj, duhet të shkojë në kazermën “Adem Jashari” dhe t’ua zbërthejë ushtarëve simbolin, para të cilit ata do të betohen, se …”Do të mbrojnë këtë cope tokë ngjyrë ari…” Me këtë simbol ata do të zgjohen nga gjumi, do të qëndrojnë gatitu, do të gëzohen, ama me të edhe mund të mbështillen arkivolet e tyre. Punë e rëndë, por detyrim qytetar! Nuk e di cila do të jetë përgjegjja e Thaçit, por e di se fëmijtë e mi do të shkojnë në ushtri dhe do të betohen ‘mi këtë flamur! Ndoshta edhe në misione paqësore, në Irak, Afganistan… Çeçeni! Flamuri është ky, i qortueshëm por i mirë. Nuk është sëkëndejmi as “boshnjak” as bonjak, siç komentohet aktualisht në shtypin kosovar. Flamuri boshnjak ndanë hapësirën në dy entitete dhe këtë hapësirë e mbajnë unike me zor, po ato yje (simbole të BE’së), ndërsa yjet në kodin kosovar e ndajnë Kosovën nga Serbia, e nuk e ndajnë përbrenda entitetit dhe etnisë!? Madje, flamuri i Kosovës përmban dy ngjyrat bazë të flamurit të Dukagjinëve, të kaltrën dhe të verdhën... Qe edhe një interpretim i mundshëm. Interpretimet janë të pakufishme…

Por nuk janë fare të rëndësishme, janë sa për t’u argëtuar. Recensioni i “The Guardian”, për një flamur pa bojë, në kuptimin e parë politik, është i drejtë, siç është i drejtë konstatimi se shteti i Kosovës nuk lind si projekt nacional, (shtetet-kombe janë tregime të shekullit 19) por si projekt i vlerave të reja perëndimore, të demokracisë, të drejtave të njeriut dhe multietnicitetit dhe multikulturalitetit pra si mundësi e jetës së përbashkët të diversiteteve. Pra të jetosh në paqe më tjetrin/tjetren, ky është projketi mbi të cilin lindi shteti i Kosovës. Kosova është shteti amë i kosovarëve dhe Prishtina është
piemonti i mendësisë shqiptare të kësaj cope toke. Flamuri i Kosovës është Sovran, ndërsa ai kombëtar është Suvenir!Ky është ai dallimi esencial që pushteti aktual nuk e kupton ose shtiret kinse nuk e kupton për qëllime të pushtetit personal, kurse populli mendon se ky flamur është vetëm një domosdo e përkohëshme, një “gjuhë e re” dhe e rreme, sa për të komunikuar me perëndimin. Kush kënd po përpiqet ta rrejë? Këtë duhet ta ketë parasysh Hashim Thaçi kur t’ua shpjegojë ushtarëve të Kosovësdomethënien e flamurit. Autor të ndryshëm gjëjnë në të “kode të fshehta” pagane, judaiste,madje edhe katolike. Interpretimet s’kanë kufi, pra mirë që njerëzit flasin, komentojnë, zbërthejnë...

Në përgjithësi ngjyra blu do të duhej të konsiderohet si hyjnore. Si Kosova e bindjeve dhe besimeve tona. OK. Fundja, yjet shkëlqyes në qiellin blu, pos që zënë vend dendur në Bibël, (gjashtë yjet mund të interpretohen edhe si gjashtë ditetët e krijimit biblik të botës) por janë edhe shenja Kur’anore të shfaqjes së Zotit para besimtarëve. Shenjë e përsosmërisë dhe përjetësisë. Parashenjat e hyt. Ilirët dhe Illyrikumi kanë qenë paganë. Një nga mbretërit e tyre ishte Bardh-ylli. Çlirimi i Kosovës nga NATO ka të bëjë me yjet, dhe emri im ka të bëjë me ta. (Kadare kur flet për legjendën e Mujit dhe Halilit, tek “Autobiografia e popullit tim në vargje”, këtë të fundit e shkruan si Hal-Yll!?)
Prandaj edhe për këtë flamuri është OK. Flamuri kosovar i mbanë ngjyrat dhe vijat bazë të atij evropian.
Paçka. Ne jemi evropianë dhe, poqëse në flamurin kosovar ka aluzione pagane, judaiste ose edhe katolike, aq më mirë. Nëse amerët nuk i pengoi fakti se kosovarët ishin 90 % myslimanë, për t’i çliruar ata nga egërsia dhe nëse as ky “flamur i krishterë” nuk e pengoi bllokun e shteteve që e përbëjnë Konferencën Islamike që ta njohin shtetin e ri, Kosovën që u krijua nga kaosi, për gjashtë ditë, ngjashëm me tregimin biblik, atëherë e përqaf flamurin e Trimit. Këto fakte dëshmojnë ngjyrën e vlerave e jo të gjakut. Dhe fëmijët do t’i mësoj për ta respektuar, madje nëse e lyp puna, nën be në këtë flamur edhe të hedhin bomba mbi agresorët, që nga këtu, në Irak, Afganistan... e deri në Çeçeni!

Halil Matoshi

[Guri i madh]

Postimi origjinal është bërë nga Preshevar

A Shkije a Goran ???

A Shqiptar a Ashkali ???

A Magjup a Romë ?

pffffff tu kan perzi kabllat krejt qeto dit !

preshevar gorant nashta jan shqiptar te asimiluar po zemren e kan te shkavit

[legenda]

Flamuri i Kosovës – Plagjiat
-------------------------------------------------




- Harta e Kosovës me ngjyrë ari në sfond të kaltër, me propozimin tim, ka qenë llogo zyrëtare e Kuvendit të OJQ-ve të Kosovës si trup përfaqësues i Shoqërisë civile Kosovare që nga Shtatori 1999. Vite me radhe këtë e kam propozuar për flamur të Kosovës.

- Kjo është sikur t'ja shtosh edhe 6 vargje poemes epike "Lahuta e Malcisë" dhe të konkurosh në një konkurs letrar, dhe konkursin ta fitojë ky që ka shtuar 6 vargje dhe jo Gjergj Fishta.



Nexhmedin SPAHIU




Harta e Kosovës me ngjyrë ari në sfond të kaltër ka qenë llogo zyrëtare e Kuvendit të OJQ-ve të Kosovës si trup përfaqësues i Shoqërisë civile Kosovare që nga Shtatori 1999. Autori i këtyre rreshtave ka qene kryetar i Kuvendit të OJQ-ve të Kosovës dhe propozues i kësaj llogoje. Ka pasë kundërshtime, por ndërkombëtaret më kanë përkrahur. Kjo ide është bartur më pastaj kur UÇK është shëndërruar në TMK vetëm se këtu janë ndryshuar ngjyrat (jo më verdh e kaltër por kuq e zi). Pastaj në SHPK (jo më verdh e kalter po bardh e kalter) dhe më ne fund Qeveria e Bajram Rxhepit, pikërisht llogon e shoqërisë civle e ka adaptuar për llogo të Qeverisë duke ia shtuar 3 yje dhe spiralet.
Në kopertinën e librit tim "Drejt Kombit Kosovar" të botuar me 2004 janë të paraqituara të gjitha këto versione të kësaj ideje. E vetmja ide konkurente ishte ajo e Nëntorit 2002 kur Presidenti Rugova shpalosi propozim flamurin e tij.
Gjatë gjithë kësaj kohe në shkrimet e mia dhe paraqitjet televizive unë kam insistuar që të hapet debat për simbolet e Kosovës dhe të miratohen ato sa më parë. Nuk ishte me rëndësi se a do të pranohet ideja ime, ajo e presidentit Rugova apo ndonjë tjetër, me rëndësi ishte që Kosova të kishte sa më parë simbolet e veta. Duke parë vështirësitë në këtë drejtim nga kundërshtitë mes forcave politike shpesh kam lobuar që jo propozimi im po ai i Rugovës të miratohet. Në një shkrim të korrikut 2006 pata isistuar që simbolet të përcaktohen me kompromis mes forcave politike: Flamurin e Hymnin – LDK-ja, stemën – PDK-ja, ndërsa AAK e ORA të përcaktonin se cilën ditë do të festojë Kosova si ditë kombëtare.
Pasi vdiq Presidenti Rugova, u pa se që propozim-Flamuri i tij do të binte nga kombinimi. Edhe pse propozimi gjithëpërfshirës i Presidentit Ahtisaari nuk e përjashtonte që propozim-flamuri i Rugovës të shpallet flamur kombëtar i Kosovës ai qëllimisht u interpretua si i përjashtuar nga Pako e Ahtisaarit.
Duke e parë që propozim-flamuri i Rugoves tashme kishte më pak gjasë se propozimi im unë gjatë vitit 2006 e 2007, në disa raste në gazetat "Epoka e re", "Kosova Sot", e "Java" propozova që llogo zyrëtare e shoqërisë civile kosovare të miratohet si flamur kombëtar i Kosovës. Në konkursin e shpallur nga Ekipi i Unitetit unë konkurova me kete propozim.
Në emisionin e realizuar para disa javësh nga TV Klan ku të ftuar ishin edhe Sali Berisha e Hashim Thaçi, kryeminstri Thaçi i pyetur për preferencat e tij pohoi se Kosova tashmë qe disa vite përdorë simbolin me hartë të Kosovës. Natyrisht kjo më bëri që të ndjejë kënaqësi.
Tani u perzgjodh po ky flamur po me 6 yje sipër dhe me autor dikë tjetër. Ky është plagjiat sepse ideja dhe spjegimi janë të ngjajshëm më atë çfarë kam thënë publiksht para se të shpallej konkursi. Madje jo pak përpara po 8 vjet e gjysmë. Kjo është sikur t'ja shtosh edhe 6 vargje poemes epike "Lahuta e Malcisë" dhe të konkurosh në një konkurs letrar, dhe konkursin ta fitojë ky që ka shtuar 6 vargje dhe jo Gjergj Fishta.
Kështu shteti i ri i Kosovës po nis me një simbol plagjiat. Për t’u ndertuar një shoqëri e shëndoshë duhet të krijohet një frymë që respekton pionieret e ideve. Kjo jo për hir të pionierve po për hir të vet ideve.
Sa është i qëlluar propozimi? Kjo mbetet gjithmonë pikëpytje por më e keqja është së nuk është zhvilluar debat, që ka mund të bëhej qe 8 vite. Propozimi im po edhe ai i Rugoves nuk është debatuar por eshte anatemuar dhe ne fund pa debat u pranua versioni im i modifikuar nga dikush tjeter. Kjo nuk është fer. Nuk është fer ndaj publikut në radhë të parë. Dua t’i përkujtojë lexuesit se libri im "Drejt Kombit Kosovar" është shqyer publikisht gjatë promovimit të librit në Fakultetin Filozofik në Prishtinë më 2004 pikërisht se përmbante këtë ide dhe këtë simbol në kopertinë. Po për këtë arsye (se "po e përçajë kombin", se "po dua ta ndryshojë flamurin kombëtar") më kanë larguar për dy vite nga procesi i mësimdhënies në Universitetin e Prishtinës. Shumë miqë dhe sipmatizerë të shkrimeve të mia m’u kanë larguar pikërisht pse kam dhënë këto "ide përçarçse", "jo patriotike" etj. Dhe në fund po del se vetem pse dikush pas 8 vitesh kujtohet që këtij propozim flamuri t’ia shtoj 6 yje krejtesisht të panevojshme të bëhet fitues i çmimit kombëtar.


--------------------------------------------------------------------------------------


....personalishte mbeshtes artikullin e shkruar nga prof.dr Nexhmedin SPAHIU,pasi qe edhe une shuuume kohe me pare e kam pa versionin e TIJ,atebote i pata shtruar pyetjen se pse
harten e KOSOVES,e ka marr si simbol,dhe ai u pat pergjegj:


- PERDERI SA NE FLAMUR FIGURON HARTA KOMPLET E KOSOVES - KJO DMTH SE MITROVICA ( qyteti i TIJ ) NUK DO TE NDAHET.

ky ishte qellimi kryesor....

Postimi origjinal është bërë nga legenda

Qy,,,
"bukuroshi" ,,,

nuk besoj se nuk qendron dikush tjeter pas kesaj MARIONETE...

[Domira]

Flamuri i Shtetit te Kosoves per mua paraqet nje shenje identifikuese per Shtetin e Ksoves ne Bote.
Per mua flamur Nacional i Kosoves ka qene, eshte dhe mbetet propozim-Flamuri i Presidentit Rugova.
Sidoqofte na prufte vetem mbaresi Flamuri i Ri i Republikes se Kosoves.